- 1,217
- 3,854
- 159
•°UPDATE 46•°
Recap -
Woh inn sabhi bhoomikaon me na kewal perfection ke saath apne daayitva nibha rahi thi balki apni abilities ke anusaar sab kuch best karne ki poori koshish bhi kar rahi thi.
Fast driving kar rahi Avantika ko ghoorte hue, uske bahut kareeb baithe Manav ke dil me achaanak iss yuva maa ke liye tareefon ke gehre bhaav aa gaye..
Manav (man me) : "Wonder Woman"
AB AAGE :-
Unexpectedly,
Gadi bhaga rahi Avantika ne achanak poocha,
Avantika : "Manu aapke parents India wapas kab aa rahe hain? "
Manav ek pal ke liye ruka aur sochkar jabaab diya, "Um... mai sure nahi hun."
Avantika, shayad uske dimaag ko asaani se padh paa rahi thi to, usne kaha,
"Agar aap sure bhi honge to bhi mujhe nahin batayenge, kyu?"
Itna sunkar Manav ka chehra awkwardness se bhar gaya. Darasal, woh Saanvi ke matter par apne parents se filhal koi baat nahi karna chaahta tha.
Pehli baat to ye ki, wo nishchit nahi tha ki ye sab jaankar uske parents kya sochenge. Doosra, use nahi lagta tha ki ye maamla (unki shadi) itna bhi serious ho chuka hai ki uske parents ko bataya jaye..
Avantika : “Agar aap abhi nahi batana chaahate hai to.. it's okay Manu! mai aapko kisi bhi baat ke liye force nahi karungi,"
Uski awkwardness dekhkar Avantika ne samajhdari se muskurate hue aage kaha,
Avantika : "Aapke parents ek baar laut aayen to uske baad hum koi achcha time dekhkar unse baat karne ki koshish karte hai."
Auntie nirash naa hon isliye Manav ne unhe lagbhag sab kuch bataaya ki uske maata-pita apne scientific career ke prati kitne passionate hai, aur uski family ke sabhi muddon par antim faisla uski daadi hi kiya karti hai.
Matlab, agar uski daadi maa Saanvi ko apni bahu ke roop me accept karti hai, to uske parents iss rishte par kitni bhi aapatti karein, unki aapattiyon ka koi fark nahi padne wala tha.
Waise jaahir hai ki, Manav ko nahi lagta tha ki Saanvi ki personality, kabhi daadi maa ko pasand bhi aa payegi.
Agar uski daadi ko koi personality, unki bahu ke roop me pasand aayegi to woh rahegi... Aahna ki!
Baharhaal ghar pahuchkar Avantika ne garage me gadi park ki, phir weh Manav ko sath le ghar me dakhil hui.
Manav to abhi bhi apni soch me khoya hua tha ki kaise ek reputed designer, jo apni work place par Ferrari se jaati hai, har din ek local market me grocery ki shopping karne jaa sakti hai? aur itna hi nahi.. grocery shopping karne ke baad unhe ghar pahunchne ki bhi jaldi rehti hai taaki ve apni family ke liye swadisht dinner cook kar sakein..
Khair kitchen me jaane aur wahan par apna apron pehenne ke baad, Avantika turant professional lady se ek sanskari aur guni housewife me badal gayi.
Apne Manav ke paas filhal karne ko kuch tha nahi to, woh bhi auntie ki help karne ke liye kitchen me jaa pahuncha.
Kuch hi palon me Saanvi bhi laut aayi. Jab usne apni mom aur Manav ko kitchen me dekha to, unke paas pahuchkar usne Avantika se thodi bahot baatein ki aur phir homework karne ke liye, oopar apne bedroom me chali gayi.
Thoodi der baad Rajyavardhan bhi office se ghar wapas aa gaya. Usne kitchen me Manav ko Avantika ki help karte dekha to, usne swikriti me apna sar hilaaya aur phir apna bacha kaam karne ke liye study room me chala gaya.
Iss samaanya se dikhne wale 2 manjila ghar ke andar, ek aur jahan Saanvi apne kamre me apna homework theek dhang se karne ki poori koshish kar rahi thi, Rajyavardhan study room me kuch documents ko gambheerta se padh raha tha,
to wahin Avantika gas (stove) ke saamne khadi thi aur swadisht khaana bana rahi thi. Manav uske theek bagal me khada tha aur agli dish ki taiyari kar raha tha.
4 members ki ek real family ki tarah, ghar ka poora mahaul bada hi harmonious tha.
Dinning table par ek-ek karke sabhi lajeez vyanjan sajaaye gaye. Avantika ke aawaaj dene par, Saanvi apna homework chhodkar, khushi-khushi raat ke khaane ke liye neeche chali aayi. Rajyavardhan bhi apne study room se baahar aaya aur dinning table ki or badh gaya.
Table par ve chaaron sath baithe the, aur swadisht bhojan ka anand le rahe the.
Khaane ke dauran Avantika, Manav ki tareef karti rahi ki Manav kitna considerate hai, ghar ke kaamo me kitna nipun hai, shaleen hai etc.
Aur.. Manav ke prati Avantika ki tareefon ne Saanvi ko eershya se bhar diya.
Kewal Avantika hi nahi balki Rajyavardhan bhi, jo khud personally Manav ko observe kar raha tha, apne iss damaad se behad santusht aur khush tha.
Yahan sirf Saanvi hi thi jo abhi bhi Manav ke prati apne man me bair-bhaav rakhti thi.
Jab bhi woh apne parents ki "chaaploosi" karne me maahir is ladke se shaadi karne ke baare me sochti to use shaadi ka ye faisla naagvaar hi lagta tha.
Halaanki, jab se usne Manav ki uss sundar Class President ke baare me socha, to ab woh Manav ko apne se door karne ke liye bilkul bhi taiyaar nahi thi..
Saanvi ka maanna tha ki agar usne Manav ko khud se door kar diya to, woh Class President use apna bana legi.
Khair.. humesha ki tarah dinner ke baad Manav ko, Saanvi ko padhana tha. Usne ek ghanta, use achche se important English concepts samjhane me nikaal diya aur agla ek ghanta, uske doosre subject ke doubts clear karne me beet gaya..
Chunki usne kal raat, Saanvi ki saari textbooks padh li thi to use ab Saanvi dwara poocha gaya har sawaal naya ya kathin nahi laga. Usne Saanvi ki sabhi doubt problems ko fafafat solve kar diya, jisse Saanvi bhi usse bahut impress hui.
"For real.. ye ladka bahot smart hai"
chupke se Manav ke chikne aur chamakte maathe (Forehead) ko ghoorte hue, Saanvi ne nishkarsh nikaala.
Use bewakoof logon se sakht nafrat thi, lekin.. aisa lag raha tha ki Manav unn logon me se nahi tha.
2 ghante ka tutoring session khatam ho chuka tha, aur ab Manav ko wapas apne hostel jana tha. Rajyavardhan ne to usse poocha ki wo use drop kar dega, lekin Manav ne vinamrata se mana kar diya.
Apna tutoring material bag me theek se rakhte hue Manav, ek taxi lene ke baare me soch raha tha. Waise bhi wo, Rajyavardhan ko har baar pareshaan nahi karna chaahta tha.
""Em..." Jise hi Manav ghar se baahar nikalne wala tha, achaanak se Saanvi daudte hue neeche aayi. Usne Manav ko kuch books pakdate hue kaha,
Saanvi : "Kal mujhe inhen school nahi le jana hai so, tum inhen padhne ke liye apne saath le jao. Lekin yaad se, kal sabhi books wapas le aana !"
Manav ne neeche kitabon ki or dekha to pata chala ki ve Biology aur Geography ki textbooks thi. Jab Manav ki najren wapas Saanvi ke chehre ki or gayi to,
use apni or dekhta pakar sharm se Saanvi ka cute chehra or jyada khil utha. Jaldi se weh mudi aur seedhiyaan chadhte hue chillayi,
“Dhyaan se padhna ! serious hoke padhna ! agar exam me mera koi bhi question galat hua to sab tumhari galati hi rahegi !!!”
"Yeh ladki bhi na...
" Avantika, jo Manav ke saath darwaaje par khadi thi, ne apna sar shake kiya aur muskurayi, "Mai use apke sath bus stop tak jaane ke liye kehne wali thi ..."
Manav : "It's fine auntie.. Sani ko mujhe bus stop tak chhodne ki jaroorat nahi hai.. hehe. Sani padhai me apna best dene ki pori koshish kar rahi hai. Okay.. ab me chalta hun," ☺
Iske baad Manav ne apna haath hilakar Avantika ko bye kiya aur fir mudkar bus stop ki or aage badh gaya.
Avantika khushi se muskurate hue, use jaate hue dekh rahi thi. Weh Manav se jyada, aur jyada santusht hoti jaa rahi thi.
Jab Manav taxi me baitha tha, to use achanak ehsaas hua ki little girl Saanvi ne use kabhi bhi use uske naam se nahi pukaara tha; weh to use "Uncle" kehti aa rahi thi.. lekin aaj.. aaj usne use "uncle" nahi bola..
Khair jaise hi wo university pahuch kar, apne hostel building ki teesri manjil par aaya, usne kisi ko chillaate hue suna,
"MANAV AA GAYA HAI !"
Iss cheekh ke turant baad, lagbhag sabhi ladke apne rooms se aise baahar nikal aaye jaise ki unhonne kisi emergency ka announcement suna ho.
Un sabhi ne Manav ko gher liya aur us par apne sawaalon ki bauchhaar shuru kar di!
"Bro Ms. Shalini ke saath tera kya relation hai!"
"Hum sab ne dekha tha! Mam ne tujhe ek necklace bhi pehnaya tha"
"Wo raha necklace! uske gale par dekhoo!
"Mujhe dekhne do!
"Abe pehle mujhe dekhne de!"
...
...
...
Ek haath se apna bag sambhaale hue to dusre haath me Saanvi ki books pakde hue, Manav unn sab londo se itna tightly ghira hua tha ki ek kadam bhi move nahi kar pa raha tha.
Sab ladkon ko uss haar me itni dilchaspi thi ki ve ek doosre se chheen chheen kar, haar ko apne haathon me lekar dekh rahe the.
Kismat se ye haar kisi special material se bana hua tha jo sabhi ki kheencha-taani ko jhel sakta tha.
Halaanki, unki kheecha-tani se Manav ki gardan par jaroor asar pad raha tha. Shayad uski gardan par halke scratch aagye de jo use dard ki anubhuti de rahe the.
Iss condition me, pakke taur par nahi kaha ja sakta ki kya unmen se kuch jealousy ke kaaran jaanboojhkar haar kheech rahe the aur Manav ko chot pahucha rahe the? Ya fir Manav se badla lene ke liye ve iss avsar ka faaida utha rahe the..
Halaanki, isi beech Adarsh, Rupam aur Sameer bhi wahan pahuch chuke the,
Adarsh : "Bahut hua! Hato chutiyon yahan se!"
Sameer ghere ke andar pahuchkar sabko hatate hue, ek mote ladke se,
Sameer : " Necklace chhod gende!
Ise bhi khayega kya haha " 
Un teeno ne Manav ko bachaaya aur use apne room me aise gher kar le gaye jaise ki ve ek Samraat ki rakhwali karne wale chaukas sainik hon.
Unke dwara kamre ka darwaja band karne ke baad bhi, doosre ladkon ne haar nahi maani aur unka pagalon ki tarah darwaja peetna jaari raha.
Ander Manav ko ek kusri par bithate hue, use ghoor kar dekh rahe Adarsh ne kaha,
Adarsh : "Ms. Shalini ne tereko necklace diya ye khabar poori university me phail gayi hai! Breaking news ban gayi hai ye! Beta tu to gaya!!!"
"Breaking news..?? Mam ne mujhe bas ek simple sa necklace diya hai! Ismen breaking news wali kya baat ho gayi !??"
Manav ne apni fadakti gardan ko sehlaate hue poochha.
Adarsh : "Ja be ledu! bakloli mat kar! kya tune kabhi Ms. Shalini ko kisi aur ko necklace dete dekha hai??! wo chhod... tu to ye bata ki sabse badi news kya hai !??
Achaanak se Adarsh ke chehre par ek behad chamchamati muskaan ubhar gayi,
"Lakshya ne bhi is news ke baare me suna, aur sunte hi bawla ho gaya sasura!
matlab saaf hai ! ki wo haraami, mam ko bahut pasand karta hai!" 
weh chillaaya.
Usne apne haathon se Manav ke gaalon ko pakad liya aur gaalon ko kheechkar uska chehra hilate hue kaha,
Adarsh : "Well Done Manav ! Good job!! pehle tune use race me pacchadd diya tha aur aaj tu ladkiyaan patane me bhi usse aage nikal gaya! Bhains ki taang true beauty Ms. Shalini bhi tere pe fida ho gayi !!!
Adarsh ke chehre par behad utsaah aur khushi ke bhaav dekhkar, Manav ko kuch nahi soojha ki wo ab bole to kya bole.......
Manav (man me) : "Ms. Shalini meri door ki cousin hai.... shaayad.. koi bhi ab is tarah ke explanation par vishwaas nahi karega ..."
"Beautiful mam..! miss beauty Ms. Shalini..! mujhe pata hai ki aapko, koi kya sochta hai, isse koi fark nahi padta hai..., lekin please aap mujhe apne charm ki iss aag se door rakhiye… ”
Aur update hota hai yahin par samapt.
🅁🄴🄰🄳, 🄻🄸🄺🄴
🄰🄽🄳🄲🄾🄼🄼🄴🄽🅃
See you soon
To be continued.....
apne manav ki band bajte