- 1,217
- 3,854
- 159
•°UPDATE 31•°
Recap -
"OooOOhhHH!!! "
"LakshyaAAA!!!! "
Kareeb 40 seconds tak aise hi ek ke baad ek cheekh-pukaar ka silsila jaari raha..
Yahan tak ki,
Lakshya ko dekh Manav ke hi Mechatronic Engineering major ki Senior.., Fareeha bhi excited ho gayi thi..!
AB AAGE :-
Isi samay, Manav ground se chalta hua.. running track ki or Lakshya ke pass pahuch gaya.
Manav ka sportswear kisi famous brand ka nahi balki mamuli tha. Saaf suthara hone ke baavjood wo purana sa lag raha tha. Aur.. iski quality, dhoop me chamchamate Lakshya ke golden sportswear se bahut jyada low thi.
Aur to aur, Lakshya ne kafi fancy long-distance running shoes pehne hue the jabki Manav ne bas wahi apne purane aur normal sneakers dale hue the.
Manav ke pehnawe ko dekhkar, Lakshya ne apna muh disrespect se sikod liya...
Khair use ignore karte hue, Manav ne track par jane ke liye jogging start kar di.
Manav ko apne paas se gujarta dekh Lakshya ne awaaj lagayi,
Lakshya : "Junior!! Aise practice karke kya race me last aane ke liye ready ho rahe ho!?? HahA! "
Manav palta aur kaha,
Manav : "My name is Manav Shisht not " Junior!! "
Lakshya : "Hahaha ! "
Manav ke paas aakar Lakshya ne uske kaan ke paas jhukte hue phusphusaya,
Lakshya : "Chuje! poori university ke saamne nanga hone ke liye ready ho ja TU,"
Usne Manav ka majak udaya.
Uske bolne ki tone halki thi lekin ghamand se poori tarah bhari hui thi.
Idhar audience stand par,
Aahna maano Manav ke oopar se apni najrein hatana hi nahi chahti thi..
Ground par unn donon ko aise aapas me khuspusate dekh kar wo thoda confuse ho gayi,
Aahna (man me) : "ye donon.. kabse ache dost ban gaye... "
Khair.. Lakshya ki baat par Manav chup raha..
woh uske saath bahas-baji nahi karna chaahta tha kyonki.. use khud, race me achi rank ki ummeed nahi thi.
Halaanki, weh apni poori koshish karne wala tha.. kyonki khud Class President ne use race ke liye choose kiya tha. Uske doston ko bhi achi position ki ummeed na sahi par ye vishwas jaroor tha ki Manav apna best dene ki poori koshish karega..
Apna best dene ke baavjood bhi agar wo race me last position par aata hai to fir isme woh kya hi kar sakta hai...
Splits karte hue Lakshya ne Manav ko uksaane ke liye kaha,
Lakshya : "Kya hua chuje!? Kya tujhme baat karne ki bhi himmat nahi hai! ??
Hmm.. Usko splits karte dekh audience stand par khadi ladkiyaan phirse paaglon ki tarah cheekhne chillane lagi..
Uski baat sunkar Manav ne apni mutthiyon ko kas liya..
Vaastav me woh Lakshya ka muh tod dena chaahta tha..
Lekin Spirit Concentration Scroll se weh khud par control rakhne me kaamyaab raha aur use ignore karte hue track ki or badh gaya.
Manav (man me) : "Use lagta hai ki poori Chennai University sirf uske so-called 'charm' ko dekhne ke liye hi baithi hai..! "
Aur Lakshya ki ye soch use bahut funny lagi
Aur apne iss 'chutiya senior' ko dekhne ke woh liye ek baar phir peeche muda.
Sabhi students ko dekhne par aisa lag raha tha ki sirf Aahna aur uske classmates hi iss, low-quality sportswear pehne aur purane sneakers daale, saadhaaran ladke ki running par dhyaan dene wale the..
Baaki uske upar kisi aur ka ghanta koi interest tha!
Iske bilkul vipreet, jab bhi Lakshya koi movement karta to, ladkiyaan bade josh se apni reactions de rahi thin.
Uske kaale baal, muscular well-built body, confident look aur tight yellow sports brasers..
ye sab.. un ladkiyon ke cheekhne-chillane ka kaaran bane hue the.
Unn ladkiyon ke najariye me ordinary Manav, jo abhi-abhi Lakshya ke paas se gujra tha, Lakshya ke saath khade hone ke layak nahi tha.
Andh-bhakht ho rahi ladkiyon ne shayad ... un donon ke beech hui kuch seconds ki baatcheet par dhyaan hi nahi diya hoga..
Manav sports field me west ki or ek shaant corner me pahunch gaya. Aur wahan woh track par shuttle run ki practice karne laga. Tej dhoop ke kaaran kuch hi der me weh paseene se tar-batar ho gaya..
Baharhaal practice complete kar Manav audience stand par laut aaya aur apni class ke area me aa pahucha.
Aahna attendance le chuki thi aur sabhi apni apni seats par baith gaye the. Ve sab drinks ki chuskiyaan lete hue aur snacks khaate hue game start hone ka wait kar rahe the.
Aahna : "Manav!! Here! "
Usne jab Manav ko aate dekha to excitement me apna naajuk haath hila kar use wave di.
Manav uske paas chala aaya, to Aahna ne uske paas ki ek khaali seat ki or ishaara kiya,
Aahna : "Come.. Sit here! "
Uske iss invitation se Manav ko thoda aashcharya hua. Usne Adarsh aur apne anya 2 roommates ko dhunda aur unki Or ishara karte hue Aahna se kaha,
Manav : "It's ok Class President.. Mai unke saath baith jata hun.."
Aahna : "Wo sab to bahut oopar baithe hai.. aur tumhe kuch der baad apni race ke liye jaana hai.. Bheed me time par, oopar se neeche aana tumhare liye inconvenient rahega!"
Usne Manav ko rukne ka reason diya,
Manav ne Adarsh aur Sameer ko dekha jo use haath hilakar use apne paas bula rahe the, lekin phir usne beech ke bheed bhare area ko dekha.. Kayi students apne haathon me posters, banners liye participants ko support kar rahe the. Bahut shor ho raha tha...
Ye sab dekhkar Manav soch me pad gaya,
Manav (man me) : "sighs* lagta hai.. aaj mujhe apne Bros se jyada Class President ki baat ka maan rakhna hoga.."
Yeh sochte hue weh Aahna ke paas baith gaya.
"O.. Bhenn..ke lunDD.... Manav... yeh lodu jo sundar ladkiyon ko dekhte hi sharma jaata tha.. aaj Class President Aahna ke paas kaise baith gaya! ?"
Uske iss move ne Adarsh ko poori tarah se chaunka diya. Uska muh khula ka khula rah gaya tha;
Usne itna muh khola ki usme 1 egg araam se fit ho jata
Khair kuch aur bhi hua jo aur chaunkane wala tha..
Manav ko paseene se lathpath dekh.., Aahna ne apne bag se kuch tissue papers nikale aur apni pyari muskan ke saath ☺ uske maathe (forehead) ka paseena ponchne lagi.
"Yeeeeehh... hO KyA raHa hAiii....!"
Sameer ki ankhein fat kar baahar aane ko ho gayi,
Neeche ho rahi cheejon ko apne anusaar samajhkar donon mude aur, Rupam aur baaki dost jo taash khelne me busy the, unpar chillaa pade,
Adarsh : "SaNsaniii khabarrr londoO!!"
Sameer : "Apna Manav! Aahna ko date kar raha haiii !!! "
"KyA!?? "
"Hein! !?? "
...
...
Un sab ne, neeche ek saath baithe Manav aur Aahna ko dekhne ke liye, taash khelna band kar diya.
Phir neeche dekhte hi unke chehre ke bhaav bhi bilkul Adarsh aur Sameer ke jaise hi lag rahe the.
Manav uske prati Class President ki itni care dekhkar khush hua..
Khair.. usne jhat se Aahna ke chikne safed haath ko pakad kar rok diya,
Manav : "It's fine.. It's fine.. mai kar lunga.."
Aahna uski race ko lekar jo athaah utsaah dikha rahi thi, weh Manav ko asahaj kar raha tha.
Aahna : "It's ok Manav! tum to apni class ke Hero~ ho, hehe~"
Phir usne apne bag se paani ki ek bottle nikal kar Manav ko thama di,
Aahna : "Ye lo! tumhe hydrated rehne ki jarurat hai"
Sameer aur dusre doston ne yeh dekhte hi itna muh faada ki apne jabde lagbhag jameen par gira hi diye..
"Sale ki kismat ladkiyon ke maamle me chamak rahi hai,, "
Uss samay sabke ander kareeb yahi vichaar chal rahe honge..
Manav ne defensive gesture banate hue bottle li,
Manav : 🖐 "Mere liye itna "nice" mat bano Class President..
mai iske liye ready nahi hun.."
Nervous hone ek kaaran usne "sach" ko jyo-ka-tyo bol diya tha.
Khair uski baat sunkar Aahna has padi,
Aahna : "Ab se jaroor mai tumhare liye "nice" banne ki sochne lagi hu! haha~"
Manav uski beautiful smile ko dekh aur uske uttar ko sun dang reh gaya.. use laga jaise uska dil uske seene se baahar nikalne wala hai..
Manav ke chehre ke ude hue reaction ko dekhkar Aahna ne aage kaha,
Aahna : "Chill Manav.. Mai mazak kar rahi thi! "
Manav : "Ohh... "
Aur akhirkaar, ab wo normal ho gaya..
Kuch sochte hue usne kaha,
Manav : "Class President.. suppose agar me race me last position par aata hun to.. tumhe disappoint karne ke liye muje blame mat karna..."
Aahna : "Agar tum apna best dene ki poori koshish karo to yeah..!"
Usne apni heerni jaise sundar aankhon se tukur tukur Manav ko dekhte hue aage kaha,
Aahna : "Tum me aur.. tumhare friends me yahi sabse bada difference hai..!"
Uski baat par Manav khisiyani hasi has kar reh gaya lekin kuch kaha nahi.
Aahna : "Oh.. haan! kya tum Lakshya ko jaante ho!?"
Usne achanak poocha,
"Hmm.. thoda bahut...." Manav budbudaaya.
Usne socha ki shayad... Aahna ko bhi doosri ladkiyon ki tarah Lakshya Chowdhury jaise charming & handsome ladkon me dilchaspi hogi. .
Aahna : "Woh kitna cute hai~ bahut si girls use like karti hai"
"Hehe" Manav bas has kar reh gaya..
Cute aur Handsome hona.. waqai inn dino bahut maayne rakhta hai.. hai na?
Aahna : "Uske dad Chennai ke Deputy Mayor hai! "
Manav (man me) : "No wonder.. ki wo itna ghamandi hai..
Lekin.. ek city ka Deputy Mayor hona.. Kya itni badi baat hoti hai..!?? "
Use iss baat ka koi andaaza nahi tha ki jab Aahna apna sar uski or jhuka kar , bade interest se usse baat kar rahi thi, tab.. kitni hi jealous aankhein uski peeth ko ghoor rahi thin..
Achanak,
Sports field ke colourful background ke beech ek sensitive colour.. Manav ki najar me aa gaya..
Wahan.. Light-blue colour ki mid-schooler uniform, foolon ki bahaar ki tarah lehraha rahi thi..!
Aur ye update yahin par samapti hota hai.
🅁🄴🄰🄳,
🄻🄸🄺🄴 🄰🄽🄳
🄲🄾🄼🄼🄴🄽🅃
Agle update me fir milenge..
To be continued.....