- 1,217
- 3,854
- 159
Fantasy Mahagatha - Sadhna, Sadhak, Shaktiya aur dragons
- Thread starterShadow_Chaser
- Start date
- 524,658
- Status
- 1,217
- 3,854
- 159
- 1,217
- 3,854
- 159
- 1,217
- 3,854
- 159
•°UPDATE 26•°
Recap -
Aur ab! apne parents ke door jaate hi usne Manav par chillaana shuroo kar diya,
Saanvi : "Chalo bhi Uncle!! , Kitne slow ho tum.. Aao mere peeche peeche! Jaldi! Come on Uncle!!"
Manav : *sighs*
Upar ko daudti Saanvi par kuch der thandi nazar daalne ke baad, Manav ne oopar jaati hui antheen seedhiyon ko dekha aur gehri saans chhodte hue ek kadam aage bada diya!
AB AAGE :-
Jahan wo the, wahan se pahaad ki choti lagbhag 3 ghante ki doori par thi. Agar ve teji se chadhe, to sirf 2 ghante hi lagne the.
Saath hi pahaad ki choti se utarkar, wapas talhati me bane hotel tak lautne me lagane wale samay ko jodein to kul milakar kam se kam 6 ghante lagne wale the...
"6 ghante.. Sani ke saath akele bitana.... Uff.. kahin me pagal na ho jaau ..! "
Aage aane wale samay ko lekar Manav anishchit tha.
Wo to kismat achchi thi ke, pahaad ki scenery bahut sundar thi..
Agar Saanvi ko jhelna uske bas se baahar ho bhi gaya to woh, kam se kam pahaad ki prakritik Khoobsurti ko dekhkar apna man to behla hi sakta tha..
Wahin doosri or..., Saanvi to khushi aur romaanch se fooli nahi sama rahi thi.
Use dekhkar aisa lag raha tha jaise wo pahaad par chadh nahi, balki daud rahi ho!
Ab...,
Kya aisa isliye tha kyonki weh jald se jald oopar pahunchkar Buddhist Temple dekhna chaahti thi ya ye uski, Manav ko dheela aur slow saabit karne ki jaanboojhkar ki gayi koshish thi..!
Kuch kaha nahi ja sakta...
Khair, batane ki jaroorat nahin hogi ki, Manav use itni aasaani se apni aankhon se ojhal nahin hone dega!
Ek gehri saans lete hue, woh tezi se aage badha aur kuch hi der me Saanvi ke paas pahuch, uske peechhe-peechhe seedhiyaan chadhne laga.
Oopar ko chadh rahi Saanvi peeche ghoomi,
Saanvi : "Fast! Uncle Fast!! Kitne slow ho tum unclee!! Jara apni speed badhao..!"
Baharhaal, uske taunt ko ignore kar, Manav ne apni same speed se seedhiyaan chadhna jaari rakha.
Waise bhi.., dekha jaaye to wo ek long-distance runner tha aur isiliye... apni energy ko save karne aur use theek se distribute karne me woh mahir tha,
Manav ke ulat, Saanvi... pahaad se utarne ke liye apni energy ko save karne ke baare me soche bina, apni hi dhun me furti se aage badh rahi thi..
Natijan..,
Aadhe (1/2) ghante baad, Saanvi jo tezi se oopar ki or lagbhag daud rahi thi, ab haafte hue bahut dheere-dheere chadhne lagi..
Thak jo gayi thi....
Idhar same speed se chalte hue Manav, kuch hi minutes me Saanvi ke paas pahuch gaya tha.. Aur..
kuch pal mein hi, wo usse aage nikal gaya!
Saanvi : "Heyyy.....!!"
Yeh dekhkar ki Manav use chhod, aage badh raha hai, Saanvi use pukare bina nahi reh saki,
Aawaaj sun Manav palta aur palat te hi uski najar me ek behad maasoom sa dikhne wala chehra aa gaya. .
Oopar ki seedhi par khade Manav ne kuch seedhiyaan neeche khadi Saanvi ko ek pal dekha aur poocha,
Manav : "Kya? Kya hua.. tumhe oopar jaldi nahi pahuchna..!?"
Saanvi : "Mai..... wo..."
Uska poora chehra laal ho gaya tha,
Saanvi : "..Mujhe pyaas lag rahi hai...!"
Fir usne Manav ki taraf apna ek haath aage badhaya,
Saanvi : "Bottle!"
Manav ne uska pink backpack khola aur paani ki ek bottle nikaal kar , use saump di.
Paani ke kuch bade-bade ghoont peene ke baad, Saanvi ne berukhi se paani ki bottle ko Manav ki or phenk diya.
Saanvi : "Humph! "
Uska ye bura attitude Manav ko bilkul bhi pasand nahi ayaa.. Aur woh uncomfortable mehsoos karne laga....
Halaanki, usne khud ko samajhaya ki is nakchadi ke parents uske liye kitne achchhe hai..
Aur aakhirkaar, Rajyavardhan aur Avantika ke baare me sochkar Manav, kuch aur ghante uske saath 'kaatne' ka man bana chuka tha.
Kya Sani thak gayi hogi..?
Kya use ek break ki jarurat hai..?
In sab baaton aur Saavni ki parwaah kiye bina, bottle ko wapas bag me daal, Manav aage badh gaya..
Aur yahan! thaki hui Saanvi ke liye ab mushkile khadi ho gayi thi!
Ab jab Manav ne dubara chadhai shuru kar di, to use bhi uske peeche chadhna hi tha..
Ek to uski saari khaane-peene ki aur dusri cheejen Manav ki peeth par latke bag me thi. Oopar se, weh Manav ke saamne khud ko kamjoor bhi nahi dikhaana chaahti thi. .
Isliye uske paas khud ko, aage badhne ke liye majboor karne ke alawa aur koi option nahi tha. Aur... Ab aisi situation me, woh pehle ki tarah Manav ka majaak udana bilkul bhool chuki thi.
Manav apni same aur stable speed se aise aage badh raha tha jaise ki woh kisi long-distance race me daud raha ho! Rhythm ki behtar samajh ke saath hi.. use apni speed ko apni saans ke according adjust karna bakhoobhi aata tha..
Doosri or, Saanvi se ab aage nahi badha jaa raha tha. Manav ki speed ke saath taalmel bithane ki koshish se, uski saans lagataar phool rahi thi, aur uska chehra bhi laal se halka safed pad gaya tha!
Aage badhte Manav ko woh behad gusse me ghoor rahi thi
aur.. ghoorne ke saath hi Manav ke prati uska gussa, badhta hi jaa raha tha! Kuch der aur seedhiyaan chadhne ke baad aakhirkaar, 3 raaste wale mod par Manav ruka.. Jisse Saanvi ko thodi saans lene ka mauka mil gaya..
Manav ne map khola aur kuch seconds tak use dekh kar apni location ka andaja lagaya,
Manav : "hmm.. humne aadha raasta cover kar liya hai.. . Aur ab hume left side ki or jaana hai..
Agar isi speed se aage badhte rahe to 1 ghante me oopar pahunch jayenge"
Saanvi : "KyaaaA!!!? ... ek aur ghantaA..!! ?
Bechari ka chehra nirasha se bhar gaya..
Beete kuch samay se uski khasta-haalat ko dekhte hue usne aage 1 ghante me hone wale uske bure haal ke baare me andaja lagaya..
Aur, andaja lagate hi uska shareer kamjoor aur dheela pad gaya..
Uski reaction par dhyaan na dete hue, Manav map ko wapas rakh, phir se seedhiyaan chadhne laga.
Abhi Saanvi ki phooli hui saans normal hui hi thi ki usne dekha ki Manav bina jyada break liye dubara aage badhna shuru kar chuka tha..
Turant Manav ke prati uski nafrat beinteha badh gayi.. Kuch seconds use jaate hue dekhne ke baad woh gusse se phat padi!
Saanvi : "IdiotTTtt!!!!! "
Halaanki Manav bahut aage nikal chuka tha. Phir bhi use Saanvi ki halki si cheekh sunayi di,
Manav ghoom gaya, uske chehre par maasoomiyat aur Saanvi ki pareshani se anjaan hone ke bhaav dikh rahe the. Usne wahin khade ho haath se ishara kiya aur poocha,
Manav : "KyaA huaA! Sanii ! ?"
Saanvi : "TUM... TUM..."
Sanvi gusse me itni paagal ho gayi thi ki woh gusse me apne daant pees rahi thi ur isiliye 1 sentence bhi dhang se nahi bol saki.
Manav : "BreaK lenA haii kyaA !?"
Saanvi ka chehra uske gusse aur break lene ki ichchha ko dabane se laal pad gaya tha. Bhale hi use vaastav me ek break ki jaroorat thi, lekin weh khud se break lene ka nahi keh paayi. Use dar tha ki kahin Manav uska majaak naa udane lage ya.. uski kamjoori par use neecha na dikhane lage..
Manav : "Hah.., sach me kuch thakaan ho gayi hai.. Chalo ek break lete haii..!!"
Manav ne bag ko apni peeth se utaar kar use seedhiyon par rakh diya. Phir woh wahin, bag ke theek bagal mein baith gaya.
Saanvi : "Mujhe pata tha ki tumhe hi break lene ki padi haii..! Maine to kaha bhi nahi ki mai thak gayi hu!! Humph! "
Apne gusse se phoole hue muh se chand shabd nikaalne ke baad, Saanvi dheere -dheere kuch seedhiyaan chadhi aur phir wo bhi wahin ek seedhi par baith gayi. .
Uska laal - peela chehra saaf bata raha tha ki wo thak ke choor ho gayi thi , lekin Manav ka, uski thakaan ko expose karne ka koi irada nahi tha..
Ve 6-7 seedhiyon ki doori par baithe the aur ek-doosre ko ghoor rahe the.
Manav ko achaanak yaad aaya ki backpack me ek camera bhi tha. Usne jaldi se use baahar nikaala aur neeche baithi Saanvi ke chehre par camera ka focus set kar,
Click !
Aur uska gusse se phoola hua laal - peela chehra turant ek photo mein kaid ho gaya!
Saanvi : "TUMHE MERA PHOTO LENE KI PERMISSION KISNE DIIII !!!! "
Oopar se hi use camera fek kar dene ka ishara karte hue, Manav ne kaha,
Manav : "Areeyy..! Lo tum bhi meri photo kheech lo..!
Saanvi apni aankhein ghumate hue boli,
Saanvi : " Huh! mai kyu tumhari photo lungi uncleE! "
Manav : "to.. saath me ek photo le lete hai!? "
Saanvi ne Manav ko dekhe bina hi kaha,
Saanvi : "HumpH! tumhare jaise uncle ke saath photo kaun chaahega! Eww!"
Woh casually aas paas ke haare - bhare najare dekhne me busy thi.
Turant, Manav ne camera wapas bag me rakha aur khada ho gaya,
Manav : "Itna break kaafi hai, chalo chalte hain."
Iss panauti se bachne ke liye ab woh jald se jald neeche hotel pahuchna chahta tha.
Saanvi ne jhunjhalahat mein Manav ko dekha,
Saanvi : "Tumm...."
Weh jaanti thi ki Manav uske rukhe vyavhaar ka "badla" le raha tha, lekin woh kuch bhi nahi kar sakti thi sivaay....
saath chalne ke!
Kuch der baad Manav ne mudkar dekha.. wo dekhta hai ki Sani ka chehra uski speed milaane ki koshish me tamatar ki tarah laal ho gaya tha..
Usne ek pal ke liye socha aur fir Sani ki sahuliyat ke liye dheere - dheere chadhne ka phaisla kiya. Bhale hi wo ek gussail, jungli aur nakchadi ladki thi, lekin iske liye use shareerik roop se torture karne ki jara bhi jarurat nahi thi.
Saanvi : " *sighs* Agar mere paas mera dragon core hota to..... mai tumse 100 guna tez speed se seedhiyaan chadh sakti thi..! "
Manav : "Yadi tum.. ab aur nahin chadh paa rahi ho to.., chalo wapas neeche chalte hai.."
Manav ne ye waqai chinta me kaha tha ; uske kehne ke lehje me Saanvi ka majaak udaane ka koi bhaav nahi tha..
Phir bhi.., Saanvi ne apne daant pees liye aur drandhta se jabaab diya,
Saanvi : "Uncllee!! Kisne kaha ki mai aur nahin chadh sakti hoon!?? Ab mai oopar pahaad ki choti tak pahuch ke hi rukungi !!"
Yeh mehsoos karte hue ki Manav uspar taras khakar dekh raha hai.., usne phir se apne daant bheench liye,
Saanvi : "UnclE! yadi tum aur nahi chadh sakte ho to, wapas chale jao! !"
Uski baat sun, Manav ke muh par halki muskurahat aa gayi..
Vaastav me use Saanvi ki determination kaafi sarahaniye lagi.. 
Sani khubsurat to hai hi sath hi sathdetermine
bhi hai aur iske sath sath emotional bhi hai, aur apna manu sensible hai preshaniyo ka samna kerne aur apne aap ko sabit kerne ka madda rakhta hai jese jese bada hoga, Aur carring hota jayega
Mai Anky@123 bhai se purntaya sahmat hu, sanvi bhale hi abhi mature nhi lagti pr Vo Kind hearted hai
Is samay, Saanvi ka chehra ekdum laal ho rakha tha. Pasine ki boondon se saje, uski chhoti-si naak ke nathune aur chhaati uski tez saanson ki lay mein oopar - neeche ho rahe the, aur... uski gori skin doodh ki tarah safed, nam aur smooth thi. .
Pasine se lathpath uske baalon ki laton ne uski sundarta ko aur manmohak bana diya..
Yuva hone ke baavjood, usne bhavishya me ek khoobsurat apsara banne ki apni kshamta ka pradarshan karna shuru kar diya tha!
Apni mutthi ko kas, usne ek gehri saans li aur furti se aage badhi. Aur.. Manav ko phir se peechhe chhodne baad bhi woh tezi se aage ki or daudti rahi!
Use kaise samjhana hai aur use kaise samjhna hai...., Manav nahin jaanta tha. .
Woh kewal apni speed badha uske saath saath chadhne ke alawa kuch nahi kar sakta tha.
Donon chupchaap aage badh rahe the. Chunki iss site par rope way ki suvidha nahin thi aur saath hi dophar ka samay bhi tha, to ve jitne oopar jaate gaye, doosre tourists bhi utne hi kam milne lage.
Oopar chadhte hue jaise-jaise pahaad ke aas paas aur neeche ka drshy aur jyada bhavy aur shaanadaar hota ja raha tha, raasta bhi doosre tourists ki gairmaujuudagi me, utna hi shaant hota ja raha tha.
Ant mein, aisa lag raha tha jaise Manav aur Saanvi, ye donon "Competitors" hi, is pahaad par akele bache the!
Saath hi, Suraj ki kirne bhi direct oopar ki bajaay pedon ki shaakhaon ke beech se hokar aane lagi thi. Manav ne apne mobile me time check kiya..; 3 baj chuke the!
Yadi ve jald hi pahaad ki choti par nahin pahunche, to unhe hotal lautne me bahut der ho jayegi.. khaaskar, agar laut te hue andhera hone laga to, unke liye pahaad ki talhati tak pahuchna aur bhi mushkil ho jayega..!
Kareeb 1 ghante tak chupchaap chadhte rehne ke baad, Manav ne aakhirkaar Saanvi se kaha,
Manav : "Sani hume speed badhani hogi, nahi to apan time se hotel nahi pahuch payenge.."
Saanvi : "ShuT UP! Mujhe pareshan mat karo! "
Pasina pehle hi Saanvi ke chehre aur uske adhikaansh kapdon ko bhigo chuka tha. Uske chehre ke expression ko dekhe to, woh vaastav mein pehle se hi apna best dene ki koshish kar rahi thi..
Kya kare akhirakaar, woh kewal ek young ladki thi, aur Manav? wo to apne high school me long-distance running team me tha; jab unki physical strength hi same level par nahi thi.. toh fir Saanvi ka Manav ki barabari karna to bahut door ki baat thi!
Bas..
Jab unhen doubt hone laga ki kya ve time se choti tak pahuch payenge..? to cheejon ne ek alag mod le liya...
Hua ye ki jaise hi unhonne kuch aur seedhiyaan chadh, ek bade ghane ped ke chaaron or bani pagdandi (trail) ko paar kiya toh.., Buddhist Temple ki golden crown numa shikhar achaanak se unki najar mein aa gayi....
Shikhar dikhte hi Saanvi khushi se jhoom uthi,
Saanvi : "YaYY!!! FinallyY...! hum pahuchh gayeE!! Hehehe~"
Manav ko bhi khushi mehsoos hui. Apne prayaas aur mehnat ko safal hota dekh weh santusht tha.
Iske saath hi wo thoda chintit bhi tha... unhen pahaad ki choti tak pahunchne mein kaafi samay lag gaya.. aur saath hi.. bahut saari shaareerik shakti bhi lagi thi. .
Jaisa ki unka plan tha, kya ve 7 baje tak hotel wapas laut payenge..?
Apne khayaalon me khoye Manav ko aage na badhta dekhar, Saanvi apni excitement ko control nahi kar saki aur Manav ka haath pakad use hilate hue chillayi,
Saanvi : "Kya soch rahe ho Buddhu! Temple nahi ghoomna kya~ ! Hehehi~"
Kisi tarah... Manav ko Saanvi ke yun hath pakad ke chillane me uske bharose aur lagaav ki milijuli aur.., chhupi hui bhaavna mehsoos hui..
ye update bas yahin tak..
🅁🄴🄰🄳, 🄻🄸🄺🄴
🄰🄽🄳🄲🄾🄼🄼🄴🄽🅃
Kal fir milenge ek naye update me...
To be continued.....
- 1,217
- 3,854
- 159
Bhai ,update acha tha par details kam likhoge to shi rhega
- Status