- 2,216
- 13,278
- 144
Chapter 2 - The Journey
Update 1
Mega Update
Update 1
Mega Update
Word Count: 4130
Estimated Reading Time: 00:18:00
Mumbai ki taptapti garmiya shuru ho chuki thi, suraj apne pure josh me tha. Subah ke kareeb 7 baje hue the, Sakshi bass naha kar ayi thi or apne gile baal ek taraf kar ke unhe sukha rahi thi. Uske chehre par ab bhi pani ki kuch bunde bikhri hui thi, Sakshi jaldi jaldi tayar ho jati he, Sakshi apne masum se chehre par makeup nahi lagati thi. Bhagwaan ne Sakshi ko zyada Khubsurat to nahi banaya tha, lekin use dekh kar koi bhi insaan Sakshi ko nazar andaaz nahi kar sakta tha. Nahane ke baad sabse pehla kaam Sakshi karti thi wo tha bhagwaan ke samne prarthana karna.
Sakshi(mann me): Deva(Bhagwaan) humesha ki tarah aaj ka din bhi teri krupa se accha jaye aisa karna, or ha.... Please Aksh ko ab zyada pareshan mat karo, jaldi se uski mushkile dur kardo... Or jesa wo chahta he waise hi sabkuch hota jaye....
Sakshi Haath jod kar apni aakhe band kiye pure dil se bhagwaan ke samne prarthana kar rahi thi. Har din uski prarthana me Aksh ka naam hota hi tha.
Radha: Sakshi jaldi kar.... Time dekh kya hua he, college nahi jana tujhe?
Wo Sakshi ke kamre me akar use yaad dilate hue kehti he.
Sakshi: ha... Ha Aai.... Bas aa rahi hu....
Or wo apni ungli se mathe par chota sa tika kar ke bahar hall me ajati he, jaha Aksh Sofe ke kone me badi hi gehri soch me haath me nashte ki plate le kar betha hua tha. Sakshi akar Aksh ke bagal me beth jati he. Radha uske liye bhi nashta le ati he.
Sakshi ne ghadi par nazar dodayi to usne paya ke aaj wo humesha se late he, or wo jaldi jaldi me apna nashta khatam kar leti he.
Sakshi: Aksh.... Kya tu free he?
Apna nashta khatam karne ke baad Sakshi Aksh se puchti he.
Radha: are Sakshi ye kya sawal puch liya tune? Use konsa kaam hota he?
Wo kitchen me se kaam karte hue Aksh ko tana marte hue kehti he, jis se Sakshi ko bahot bura lagta he.
Aksh: ha me free hi hu, bol kya baat he?
Sakshi: mujhe aaj college jane ke liye kafi late ho gaya he, kya tu mujhe college tak chhod dega?
Wo Radha ki baat ko nazar andaz karte hue bade pyaar se Puchti he.
Aksh: thik he....
Or fir Sakshi Aksh ke saath uski bike par beth kar apne raste nikal jati he.
Sakshi: I am Really Sorry Aksh....
Kuch duri par ane ke baad wo Aksh se kehti he.
Aksh: kis liye?
Sakshi: mene sab kuch jante hue bhi Aai ke samne tujhse sawal kar diya or Aai ne....
Aksh: ab chhod bhi de yaar Sakshi.... Huhh.. iski to ab Adat si ho gayi he mujhe...
Wo ek Sarcastic smile ke saath kehta he.
Sakshi: waise kya hua? Koi start up idea mila ya nahi tujhe?
Aksh: abtak to nahi mila, or lagta bhi nahi he ke kuch hoga....
Wo kafi nirash ho kar kehta he.
Sakshi: Aisa kyu keh raha he Aksh tu? Dekhna, ek din tera start-up bahot bade business me badal jayega, itna successful hoga ke koi soch bhi nahi sakta....
Wo Aksh ko hosla dete hue kehti he, jis se Aksh halka sa smile kar deta he, lekin andar se use bahot accha lagta jab bhi Sakshi use hosla deti.
Kuch der baad dono Sakshi ke college pahoch gaye the, Sakshi bike se utar kar Aksh ko bye keh kar aage badh hi rahi thi ke Aksh use rok deta he.
Aksh: college chutne ke waqt lene ajaunga me tujhe...
Sakshi: tu pareshan kyu ho raha he, me....
Aksh: me ajaunga lene... Chali mat jana...
Wo Sakshi ki baat bich me kaat te hue kehta he or waha se chala jata he. Fir Sakshi bhi college gate ke andar ajati he, wo samne dekhti he ke waha Neha apna muh fulaye khadi thi.
Sakshi: ab tu kyu apna muh fulaye khadi he?
Wo Neha ke paas akar puchti he.
Neha: jese tujhe kuch pata hi nahi he....
Wo gusse me Sakshi se kehti he.
Sakshi: Ahhh.... firse wahi baat.... Yaar neha ab tu subah subah shuru mat ho ja....
Wo aage badhte hue kehti he lekin Neha jaldi se Sakshi ka haath piche se pakad kar use rok leti he.
Neha: please na Sakshi.... Bas ek baar tu baat karna Aksh se... Usne mujhse to baat karna hi band kar diya he, jese mujhe janta hi nahi ho...
Wo roti hui shakal bana kar Sakshi se kehti he.
Sakshi: Deva...... ab ye me tujhe hazar baar bata chuki hu ke Aksh ko nahi pasand kisi se bhi baat karna... Wo nahi manega....
Wo apna ek haath apne mathe pe marte hue kehti he.
Neha: thik he... Mat kar meri help... Me khud hi baat kar lungi Aksh se...
Wo gusse me apne per patakte hue kehti he.
Sakshi: accha? Agar to Aksh ne thappad wappad laga diya to sambhal lena...
Wo Neha ko warn karte hue kehti he.
Neha: yaar kitni buri he Sakshi tu.... Me to bass baat karne ke liye keh rahi hu na....
Wo udas sa chehra banate hue kehti he.
Sakshi: Neha me Aksh ko bahot acchi tarah se janti hu, pichle kuch salo me uska behavior kafi change ho chuka he, wo zyada social rehna pasand nahi karta, Aksh alag hi level ka Introvert bann gaya he... Or uske gusse se me acchi tarah waqif hu, mujhe bhi kafi darr lagta he uske gusse se...
Wo Neha ke haath apne haatho me thamkar use samjhate hue kehti he. Lekin is se Neha kafi udas ho jati he.
Sakshi: yaar please ab aise udas na ho tu?
Neha: kyu na hu udas? Ek to Aksh jese dost milna bahot mushkil he, or usme is ladke ne baat karna hi band kar diya he... Huhhh...
Wo apna muh fulate hue kehti he.
Sakshi: Neha... Kahi tu Aksh se pyaar vyaar to nahi karne lagg gayi?
Wo apni aakhe chodi karte hue Neha se puchti he, jis se Neha bhokla jati he.
Neha: n.... Nahi... Nahi... Ye k.. kya keh rahi he tu?
Wo hadbadate hue Sakshi se kehti he.
Sakshi: hmm... good... Or iske bare me sochna bhi mat.... Aksh ko sirf me samajh sakti hu, ye kaam tere bass ka nahi he...
Wo haste hue Neha se kehti he, or aage badh jati he.
Neha: accha? To fir Aksh to humesha Single hi rahega....
Wo bhi aage badhkar Sakshi ke saath chalte hue kehti he.
Sakshi: nahi.... Uske liye koi bahot hi spacial ladki milegi... Jo use samajh sake, jo uske sapno ko samajh sake, jo uska humesha saath de sake....
Wo kisi khayalo me kho kar kehti he or ye baat kehte waqt wo apni jagah par tham jati he. Lekin tabhi samne se Soham ajata he.
Soham: Good Morning Sakshi, Neha.....
Uski awaz sunkar Sakshi hosh me ati he.
Sakshi/Neha: Good Morning.....
Sakshi: ab chalo jaldi se... Pehle se hi late ho gaye he aaj....
Soham: are kya yaar.... Chalo aaj class bunk karte he....
Neha: sahi kaha.... Me to ye roz roz ki class se boar ho chuki hu....
Sakshi: tum dono hi jao.... Me to chali apni class me...
Ye kehkar wo aage badhne lagti he ke Neha uska haath pakad kar use rok leti he.
Neha: yaar Sakshi tu na humesha har baat ke liye mana kar deti he... Kya ho jayega agar aaj class bunk kar li to?
Soham: sahi kaha.... Kabhi kabar dosto ke saath bhi time spend karna chahiye.....
Sakshi: tum log jao... Me nahi arahi....
Neha: thik he... Agar tu nahi ayegi, to mujhse kabhi baat mat karna...
Wo Sakshi ka haath azad karte hue kehti he.
Sakshi: ye kya baccho jesi zidd kar rahi he Neha tu?
Neha: me nahi tu Baccho ki tarah kar rahi he... Tu bass bata arahi he bunk karne ya mujhse baat band karegi?
Wo Sakshi ko ungli dikhate hue puchti he. Ab Sakshi soch me pad jati he, Neha or Soham ke kehne par akhir kar wo class bunk karne ke liye maan hi jati he.
Neha apni class ki ek or saheli ko bula leti he jiske paas scooty thi, Ab Soham or Sakshi Soham ki bike pe the or Neha apni dost ke saath scooty par thi. Wo log aise hi kuch der ghumte ghumte thodi der baad movie dekhne chale jate he, Sakshi laakh mana kar rahi thi lekin wo Neha ki zidd ke aage kuch nahi bol payi.
Wahi Dusri taraf Aksh Sakshi ko college chhod kar sidha Garage chala jata he, waise to garage itni jaldi nahi khulta tha, lekin Aksh ko kuch kaam pura karna tha isliye wo jaldi hi chala jata he, Garage ki ek chabi Aksh ke paas bhi thi, Aksh ja kar Garage open kar deta he or apne kaam me lagg jata he, kuch der baad Karim bhi waha ajata he, kareeb 12 baje uska kaam pura ho gaya tha. Wo Karim ko bolkar waha se nikal jata he or ek restaurant me kaam ki talash me pahoch jata he.
Ab Aksh Garage me kaam karta tha, Karim ne use uske kaam ke paise bhi dene laga tha, lekin Aksh ko pata tha ke aage ja kar jab use koi Start Up shuru karna hoga to usme kafi paisa lagega, isliye Aksh ek or kaam karne ka faisla leta he. Or use pata tha ke garage ke kaam me zyada paisa nahi milta isliye wo sirf Karim ke yahi kaam karta tha.
Aadmi: are agaye tum...
Ek Aadmi Aksh waha aya dekh uske paas ja kar kehta he.
Aksh: ji sir....
Aadmi: kal me busy tha isliye baat nahi kar paya, batao kya keh rahe the tum?
Aksh: darasal sir Mujhe nokri chahiye... Kafi koshish kar li kahi nokri mil nahi rahi he...
Aadmi: hmmm.... To kis tarah ki nokri chahiye tumhe?
Aksh: sir Kaam kaam hota he, jesa bhi ho, me karne ke liye tayar hu.
Aadmi: filhal to yaha ek Waiter ki sakht zarurat he, kya tum kar paoge ye kaam?
Aksh: ji zarur karunga....
Aadmi: thik he... English to ati he na tumhe?
Aksh: ji nahi sir... Bas tuti futi English hi bol leta hu me.
Aadmi: yaar fir to gadbad he.... kafi sare Customers ate he yaha jo sirf English bolte he... Tabb?
Aksh: dekhiye sir mujhe kaam ki saksht zarurat he, please mujhe koi kaam de dijiye...
Wo us Aadmi se request karte hue kehta he.
Aadmi: me samajh sakta hu, lekin...... Ha ek kaam he.... Magar wo tumhare liye accha nahi hoga....
Aksh: aap bataye na... Me koi bhi kaam kar lunga....
Aadmi: dekho Aksh.... Wo kaam tumhare liye thik nahi he...
Aksh: kaam to sare apni jagah par sahi hote he na.... Wo to hum hote he jo use sahi ya galat tarike se karte he.
Aadmi: darasal wo kaam Housekeeping ka he.....
Aksh: thik he sir me kar lunga....
Aadmi: dekho Aksh ye sare kaam wo log karte he jisne apni zindagi me koi padhai nahi ki, or us base par unhe or koi nokri nahi milti, isliye unke paas aise kaam karne ka hi rasta bach jata he...
Aksh: rasta to mere paas bhi wahi bacha he.... Dar dar ki thokre kha li kaam dhund ne ke liye, lekin..... Khair me ye kaam karne ko tayar hu....
Aadmi: thik he.... Jesi tumhari marzi....
Fir wo aadmi Aksh ko sara kaam bata deta he or usko 10,000 payment dene tay karta he, or use kaam ka time bhi bata deta he. Aksh ki shift sham ko 4 baje se raat ke 1 baje tak thi Aksh apna kaam samajh kar Sakshi ko pick karne ke liye nikal jata he.
dusri taraf Jab movie khatam hui tab kareeb 2 baj gaye the yane ke college ki bhi is waqt chutti ho gayi thi. Wo charo movie hall ke bahar ajate he, tabhi Sakshi ko Aksh ka call ajata he. Sakshi humesha Aksh se thoda dar ke rehti thi, to wo sab se alag ho kar call pick kar leti he.
Sakshi: H.... Hello....
Aksh: ha Sakshi me bas raste me hi hu, 10 minutes me pahoch jaunga... Tu chali mat jana....
Sakshi: Aksh.... Wo... Wo... Ha... Soham mujhe ghar drop kar raha he, me nikal hi rahi hu... Tu pareshan mat ho....
Aksh: accha thik he....
Or wo call cut kar deta he. Ab ja kar Sakshi chain ki saas leti he, sablog ghar jane ke liye nikalte he, Neha ko uski dost ghar drop karti he, or Sakshi Soham ko kehti he ke use ghar chhod de.
Darasal Sakshi, Neha or Soham ke ghar ek dusre se thode dur dur the, Neha ko uske Papa kaam par jate waqt college drop karte the, or Sakshi bus se college jati thi.
Kuch der baad Soham Sakshi ke ghar ke paas pahoch jata he, Sakshi use bye bolkar apne ghar ki taraf ja rahi hoti he, usne door bell bajayi hi thi ke piche se Aksh bhi ajata he, jabtak Aksh bike laga raha tha Radha ne Door open kar diya. Uske chehre ke haw bhaw khuch thik nahi lagg rahe the, Sakshi ghar ke andar ajati he.
Sakshi: Kya hua Aai?
Radha: kaha thi Sakshi tu? Teacher ka call aya tha mujhe unho ne kaha ke tum to college ayi hi nahi?
Uske sidhe sawal se Sakshi darr jati he.
Sakshi: Aai.... Me.... wo... Darasal....
Aksh: Aai me Sakshi ko apne saath le gaya tha, Raste me mujhe ek zaruri kaam yaad agaya tha, to me Sakshi ko apne saath le gaya....
Wo Sakshi ki baat ko bich me hi kaat te hue kehta he. Sakshi heran si uske taraf dekhne lagti he.
Radha: khud to padhai chhod di.... Ab kya Sakshi ko bhi waisa hi banana chahta he tu?
Wo gusse me Aksh se kehti he.
Aksh: Sorry Aai.... Aisa fir se nahi hoga.....
Itna kehkar wo apne kamre me chala jata he.
Radha: beta humari sari ummide sirf tujhse hi he, ye ladka to pata nahi kya karna chahta he, tu to dhang se padhai kar le....
Sakshi: S..... Sorry Aai...
Fir Radha apne kaam me lagg jati he, Sakshi Aksh ke kamre me akar dekhti he to wo washroom me tha, tabb Sakshi apne kamre me chali jati he.
Sakshi(mann me): ahhh.... Aaj meri wajah se Do baar Aksh ko Aai ki baate sunn ni padi.... pehle to Aksh se baat kar leti hu.
Or fir wo fresh ho kar Aksh ke kamre me chali jati he, jaha Aksh bed par lete lete koi kitab padh raha tha. Sakshi ko dekh kar Aksh apni kitab side me rakh uth kar beth jata he.
Sakshi: Aksh i am Sorry....
Wo apna sar jhuka kar Aksh se keh rahi hoti he ke Aksh uski baat bich me kaat deta he.
Aksh: tujhe kitni baar batana padega ye Sorry mat bola kar.....
Uski baat par Sakshi sehmi si wahi khadi ho jati he.
Aksh: waise kaha gayi thi class Bunk kar ke?
Sakshi: wo..... Mene bahot mana kiya lekin Neha or Soham maane hi nahi to me....
Wo Sharminda sa mehsus karte hue kehti he.
Aksh: koi baat nahi.... lekin mujhe bata to diya hota, Tujhe pata he na Aai teri padhai ko le kar kesi he?
Sakshi: me aage se dhyan rakhungi....
Aksh: bass mujhe bata diya kar...
Sakshi: chal ab khana khane ke liye....
Aksh: ha... Waise Sakshi mujhe tujhe kuch batana he.
Sakshi: ha bolna....
Aksh: wo me aaj se kaam par jane wala hu....
Sakshi: kaam? Garage par hi na?
Aksh: waha to Dopeher tak karunga, uske baad dusri jagah par bhi job mil gayi he mujhe...
Uski baat sunkar Sakshi kuch samajh nahi pati.
Sakshi: kesi job mili he?
Aksh: wo.... Wo... Ek Restaurant me Cashier ke taur par job mili ge mujhe... To mene ha kardi...
Wo Sakshi se sach chupana sahi samajhta he, kyu ke agar wo Sakshi ko sacchayi bata deta to Sakshi use kabhi wo kaam nahi karne deti.
Sakshi: lekin suddenly ye job or sab.... Mujhe kuch samjha nahi...
Aksh: isme na samajhne wali konsi baat he? Ab aage ja kar jab mujhe koi Start Up shuru karna hoga to uske liye paise lagenge hi na? To usi liye ye job kar raha hu me....
Sakshi: Aksh......
Wo jese hi Aksh ko kuch bolne jati he ke tabhi Radha dono ko khane ke liye bulane ajati he.
Radha: tum dono ko khana nahi khana kya? Chali jaldi ajao....
Fir wo tino milkar khana kha lete he, Aksh Radha ko bhi apni job je bare me bata deta he, jis se Radha thoda khush ho jati he ke akhir kar Aksh koi job karne laga he. Kareeb 3 baje Aksh apne kaam par chala jata he, pata nahi kyu lekin Sakshi ko uska aise kaam karna thik nahi lagg raha tha.
Raste me jate waqt Aksh ko Soham ka call ajata he. Aksh bike side me rok kar call pick kar leta he.
Aksh: bolna Soham...
Soham: kya bolu bhai.... Tu to kabhi khud se call karne se raha, mene socha me hi call kar lu tujhe...
Aksh: aisi baat nahi he yaar.... Wo to garage me kaam zyada tha to usme hi uljha hua tha. Khair bata tu kesa he?
Soham: me to bilkul thik hu, aja yaar ghar pe....
Aksh: are nahi me nahi asakta, aaj hi meri job lagi he. Bass wahi ja raha hu.
Soham: kya job or tu? Bhai tu thik to he na?
Aksh: are bhai me bilkul thik hu, accha me tujhe badme call karta hu aaj pehla din he or late ho jayega... Or ha Sunday ko milte he.
Soham: chal thik he, or koi zarurat ho to call karna... Bye...
Aksh: bye...
Or wo call cut kar deta he or apne raste firse chal padta he.
Aksh kuch der baad us Restaurant me pahoch jata he, Aksh ke saath ek or ladka tha jo kafi samay se ye kaam kar raha tha, wo ladka bharat ke dusre prant se yaha kaam karne ke liye aya tha. Wo ladka Aksh ko sare kaam bata deta he ke unhe kis tarah karna he.
Un dono ka kaam kuch is tarah se the.
Restaurant ka time tha 11am to 3pm uske baad 6pm to 1am or Aksh ki shift is bich je gap me shuru hoti, sabse pehla uska kaam tha ke jab restaurant 3pm ko band hoga tabb sare restaurant ki sagayi, ek kitchen jo baju me hi tha uski safayi or ek main kitchen jo upar tha uski safayi.
Or dusra kaam jab bhi koi gandagi dikhegi tabb use saaf karna, passage ko saaf rakhna, or closing ke waqt bhi pura Restaurant, kitchen or main kitchen saaf karna.
Aise hi waqt beet ta gaya, Aksh or wo ladka milkar kaam karne lagte he, lekin jab bari ati he main kitchen saaf karne ki tabb Aksh ko rona ajata he, kyu ke bhale hi ye ek shandar restaurant tha, lekin andar main kitchen ki halat bahot hi zyada gandi thi. Us gandagi ko saaf karte hue Aksh to jese apne sapno ko bhul sa gaya. Lekin apne dil me jalti chingari ne use tikaye rakha tha, raat ko 7 baje khane ki chutti ho gayi thi, wo ladka or Aksh upar tarace par agaye the khane ke liye, waha staff ke liye Daal, chawal or roti khane ke liye thi. Aksh kaam kar ke kafi zyada thak chuka tha.
Ladka: dost mujhe nahi lagta tu ye kaam kar payega....
Wo Aksh ki halat dekh kar kehta he.
Aksh: aisa kyu?
Ladka: are bhai me to padha likha nahi hu, humare yaha aise kaam ke liye to naa ke barabar paise milte he.. me to bas apna pet bharne ke liye ye kaam kar raha hu.
Aksh: me bhi to pet bharne ke liye kaam kar raha hu yaar.... Or me bhi koi zyada padha likha nahi hu.
Ladka: lekin tum ek acche ghar se lagte ho, or yahi ke rehne wale bhi ho to ye kaam kyu?
Aksh: kya karu? Bahot koshish ki lekin koi kaam hi nahi mil raha tha. Khair....
Or wo khana khane me lagg jata he, unhe sirf 20 minutes ka break milta.
pura din kaam kar ke Aksh kafi thak chuka tha, raat ke kareeb 1:30 baje Aksh or us ladke ne sara kaam khatam kar liya tha, wo ladka piche hi ek kamra kiraye par le kar rehta tha. Aksh bike par apne ghar ke liye nikal jata he. 15 minutes ke baad Aksh ghar pahoch gaya tha, uske paas ghar ki ek chabi thi jis se wo ghar ka darwaza khol deta he or andar ajata he. Aksh ab kafi bhuka tha, wo lights on karta he or Kitchen ki taraf badha hi tha ke piche se Sakshi use pukarti he.
Aksh: Sakshi.... Tu abtak Soyi kyu nahi?
Wo piche mudkar Sakshi ko jaga hua dekh kar puchta he.
Sakshi: nahi bass mujhe nind nahi arahi thi, tujhe bhuk lagi hogi na? Chal tu beth ja me khana garam kar ke deti hu...
Wo aage badhkar apne baal bandhte hue kehti he. Aksh akar Sofe par beth jata he, Sakshi kitchen se Aksh ko dekh leti he or uska chehra dekh kar Sakshi samajh jati he ke Aksh kafi pareshan he. Or samajhti bhi kese nahi agar Aksh ko sabse zyada koi samajhne wala he to pehle number par Sakshi he. Wo khana garam karne ke liye rakh deti he or ja kar Aksh ke bagal me beth jati he. Dono hi is waqt chup the, Sakshi apna haath Aksh ke haath par rakh deti he or apna sar Aksh ke kandhe par. Sakshi ke aisa karne se Aksh thoda heran ho jata he.
Sakshi: Aksh me janti hu ke tu bahot pareshan he.... Lekin tu chinta mat kar... Zindagi me aisi situation ati rehti he, aise me bass humesha apna dimag thanda rakh kar koi bhi decision lena... Or ek baat humesha yaad rakhna, bhale hi koi tere saath ho ya na ho, lekin me humesha se tere saath thi, or aage humesha tere saath hi rahungi....
Wo num akho ke saath Aksh ko hosla dete hue kehti he, Aksh ka mann uski baat sunkar kafi bhar aya tha, lekin wo apne emotions ko apne andar hi dabaye rakhta he, or apne dusra haath Sakshi ke haath par kas deta he.
Aksh: me samajh raha hu tu kya kehna chah rahi he, lekin itna jaan le, ke Aksh itna Buzdil nahi he jo koi galat kadam utha le. Bass tu humesha mera saath dena, fir dekh, ek din tujhe bhi meri behen hone par Garv hoga....
Uski baat par Sakshi bahot khush ho jati he, or uski aakh se ek asu tapak kar Aksh ke shirt par gir jata he. Wo dono hi ek dusre se alaga nahi hona chahte the, lekin tabhi Sakshi ko yaad ata he ke usne gas par khana garam hone ke liye rakha he. Wo jaldi se uthkar kitchen me chali jati he or ek thali me khana paros kar Aksh ke paas akar beth jati he. Aksh aaj kaam kar ke kafi thak chuka tha, or wo bahot hi zyada bhuka tha, to wo jaldi jaldi khana khane lagta he, Sakshi to bas use Niharne me lagi thi.
Sakshi(mann me): Deva.... Aksh par kabhi koi musibat mat ane dena, mujhe apne liye kuch nahi chahiye, bas mere Aksh ko humesha khush rakhna...
Wo bas Aksh ko dekhte hue apne mann me uske liye bhagwaan se prarthana kar rahi thi. Kuch der me Aksh apna khana pura kar leta he, fir wo dono hi apne apne kamre me ja kar so jate he, Aksh din bhar ka thaka hone se turant so jata he.
Or is tarah se inka aaj ka din nikal jata he, aaj humne dekha ke kis tarah Aksh ne Sakshi ki bunk wali baat Radha ko pata nahi chalne di or ilzam apne upar le liya, jaha humne dekha kis tarah Aksh ek aisa kaam karne ke liye razi ho gaya jisko koi bhi insan nahi karna chahega, jis tarah Sakshi ka Aksh ke liye beinteha pyaar, khud se zyada uske liye chahna, ye jatata he ke Sakshi kabhi bhi use akela nahi hone degi. Ab aage dekhna interesting hoga ke Aksh ke faisle kis hadd tak sahi rehte he.
Or ha ek nayi story bhi post kar di he, wo ek short story hogi, bas kuch dino me Complete kar dunga, thoda sa pyaar use bhi dena
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Last edited:
Sakshi is intelligent and good, taking everyone along and caring.
Send that teacher to me, I teach him. 
If someone says something wrong to Aksh, Sakshi does not like it, reflect her love in anger.
For completed 25k views on your story thread.....
badme ye pata chala ke aksh kis tarah ki job kar raha he that was heartbreaking 
lekin uske baad turant uska sakshi ko apni ma ki dant se bachana 
