Update 1
Chaliye kahani ki shuruwat karte hain :
Wadi Rum ki ghatiyon mein Rajesh ret ke rangon ko badalte hue dekh raha tha uske saat 9 aur log bhi the jo hindustan ke alag alag shehron se aiye hue the. In sab ko Jordan Tourism nei apna desh dikhane ke liye nimantran diya tha. Group mein paanch mard aur paanch hi mahilayen thi.
Sab ki ankhe jaise ret par gadi huin thi. Jaise jaise suraj dhal raha tha ret upna rang badalti jaa rahi thi. Jab suraj dhal gaya to in logon ko ek shivir mein le jaya gaya jahan inke dinner ka prabhand tha. Ek bhaut hi acha shivir tha jahan beech mein mein aag ka pulav jal raha tha aur us par ek bakra pakaya ja raha tha. Vahan aur bhi tourist aye hue the. Ek traf belle dancing ka program chal raha tha sabhi vahan par jama ho gaye. Apni kamar lachkate hue nartaki sabhi ke dilon par jaise raj karne lagi thi. Charon tarf ek sannata sa cha gya tha keval nartaki ke gungroon aur sajindo ke taal ke avaj aa rahi thi..2 ghante tak nartaki apni kala ka pradarshan karti rahi aur sabka dil lubhati rahi.
Jab naach khatam hua tab bhi ek sannata sa tha sab log nartaki mein hi khoe hue the jaise uske pair phir thirkne lagen ge.
Marhawa! Marhawa! Rajesh ke muhn se nikal pada aur taaliyon ki gunj jaise pure registhan mein phail gayi.
Once More Once more ki avajein gunjne lagi.
Ayojak nein sabhi ko dilasa diya ki dinner ke baad phir show kiya jaye ga.
Sabhi Dinner ke liye jaane lage aur ek sofe par baith gaya. Group mein uski sab se jayada dosti Rajeev se thi jo uske liye counter se Screw Driver ka ek large le aya, Donon baith kar apne apne jaam takra kar mahol ka maja lene lage. Dinner ki inko koi jaldi nahin thi, kyonki ye sabse baad mein dinner karna chate the , vajah thi time difference, chaye yahan raat ke 8 baj rahe the par hindustan mein to abhi sham ke 6 ke lagbag hi the. Tourist log khana khane lage the aur inka group ek jageh iktha ho aur aapas mein hasi majak kar raha tha.
Jaam se jaam takraye ja rahe the. Ladkiyan ( 5 mein se 2 shadi shuda thi) bhi Gin aur martini ka lutf utha rahin thi.
jaise jaise raat badti gayi sab par halka halka sarur chadta gaya, Rajesh kuch jyada hi pi chuka tha, par use delkh kar aisa nahin lag raha tha ki usne jyada pee hai, Rajeev usko hamesha majak mein tanker bulaya karta tha. Delhi se ye do hi the.
10 baje ke karib sab nein kahana kha liya. Bada hi laziz khana tha. Hota bhi kyon nahin, sabke sab sarkari mehmaan jo the. Rajesh khane ke saath saath bhi pita ja raha tha. Rajeev nein use baar baar tokne ki koshish ki par usne kuch nahin suna. Yaar group mein ladkiyan bhi hain kuch to dhyan rakh kya sochengi tere bare mein Rajeev nein use akele mein le ja kar kaha.
Bhad mein jaye sab, use dekh vo jo vahan baidhi hai Rajesh rajeev ko ek phirangi group mein baidhi hui ladki ki taraf ishara karta hai. vakya mein Chand ki roshni mein uska roop khila hua ek phool lag raha tha.
Rajeev ki najren vahin jaam jati hein. Ek hath mein thali aur ek haath mein jjaam le kar Rajeev pathar ki tarha but ban jata hai aur usi ladki ke jadoo mein kho jata hai.
Rajesh uska haal dekh kar hasne lagta hai aur use vaise hi chod kar apna ek aur jaam lene counter ki taraf chala jata hai. Veh jaan bhuj kar us group ke pass se gujarta he aur unki kuch bate uske kanon mein pad jati hai. Group Germany se tha aur Rajesh ko German achi tarah aati thi.
Rajesh apna jam le kar Rajeev ki taraf badta hai. Phir usi german group ke pass hote hue. Jaise hi wo wahan se gujarta hai to to ek hindi gana german mein gungunate hue nikalta hai, awaj itni thi ki wahan baithe german group ko sunai de jaye. "Akele Akele kahan jar he ho" = "Alein Alein wohin gehst du!!"
Bina unki taraf nazar dale vah Rajeev ke pass pahunch kar ek dhol uski pith par jamata hai. “Sale kya chutiye ki tarah but bana hua hai, sab tujko hi dekh rahe hein, baith ke chup chap pehle khana khtam kar “
Rajeev chonk uthta hai aur sharmata hua ek sofe par baith jata hai, uski nazar abhi abhi usi ladki par tiki hui thi jo ab Rajesh ko dekh rahi thi.
Ye german group pichle 7 dino se Jordan mein ghum raha tha aur aaj pehli baar kisi ke muhn se apni bhasha suni thi. Jahan veh ladki ek kyamat thi to vahan Rajesh bhi kuch kam nahin tha. 6’2” ki height, sudol kasrati badan , halki halki dil ko lubhane wali munche, stylish branded kapde, kul mila kar apne app mein ek deluxe package tha jo kisi bhi ladki ko apni traf khinch sakta tha.
Vah ladki ab vahan se uthti hai aur Rajesh Ki taraf ane lagti hai. Rajesh ye note kar le ta hai aur Rajeev ko dura ka khali gilass dikha kar vahan se uthta hai aur bar counter ki taraf bad jata hai.
Vah ladki bhi usi taraf bad jati hai aur Rajeev ke dil par churiyaan chal jati hai, vah khana vana bhul jata hai aur us ladki ko hi tadta rehta hai. Rajesh se yeh chupa nahin tha. Vah wapas ane ki jagah vahin counter per baith jata hai. Vah ladki bhi vahin pahunch jati hai aur barman ko ek Martini ka order deti hai, uski najren Rajesh par hi thi.
Ladki : Rajesh ko mukhatib hote hue “ Entshuldigung” ( Excuse me) vah german mein hi bolti hai yeh janne ke liya ki Rajesh ko german aati hai ya nahin.
Rajesh : uski taraf dekhte hue “ ya bitte” ( yes please)
Aur undo no ka wartalap german mein shuru ho jata hai. Rajeev bhi vahan pahunch jata hai aur apni drink ka order deta hai. Vah unki baten sunne ki koshish karta hai uske palle kuch nahin padta. Mann hi mann Rajesh ko pata nahin kitni galliyaan de raha tha. Vah bhi vahin baith jata hai aur un donon ko ghurta rehta hai.
Rajesh uski haalat par taras khata hai aur us ladki se uska intro karata hai.
Kath, ( Kathrine uska pura naam) yeh mera dost Rajeev hai aur Rajeev yeh Kath hai jo yahan apne parivaar ke sath ghumne aiye hai.Rajesh sab English mein bolta hai taki dono ko samaj aye. Kath apna haath Rajeev ki taraf badati hai, dono shake hand karte hain smile karte hue. Rajeev to jaise uski ankhon mein kho gaya tha aur shistachaar bhul kar uske komal haath ko apne haath mein pakde hi rehta hai. Kath ko yeh ajeeb lagta hai vo Rajesh ki taraf dekhti hai, Rajesh Rajeev ko kohni maarta hai aur dharatal par le aata hai. Rajeev sharminda sa ho kar Kath ka haath chod deta hai aur maafi mangta hai kehte hue ki Kath itni sundar hai ke voh sab kuch bhul gaya tha. Kath ko apni tareef to achi lagti hai par Rajeev ka yeh kehna use kuch acha nahin lagta. Itne mein Kath ka parivaar bhi vahin pahunch jata hai.
Kath sabka intro Rajesh se karati hai , veh German mein hi bolti hai aur Rajeev ko overlook kar deti hai.
Rajesh uske pita Prof Gerhard se german mein baate karne lag jata hai. Rajeev yeh delkh kar aur bhi jaalbhun jata hai aur vahan se chal deta hai. Ek pal ke liye Rajesh use rokne ke liye kuch bolne hi wala tha ki Kath use ishare se manna kar deti hai.
Prof Gerhard ek Doctor the aur Rajesh ke pita bhi ek Doctor the, vah apne pita ke bare mein aur skin mein unki research ke bare mein batane lagta hai. Prof Gerhard ki itcha Rajesh ke pita ke bare mein aur janne ki bad jati hai. Dono ka profession aur field ek hi tha.
Rajesh ki nazar gadi par padti hai, raat ka ek bajne wala tha. Vah unse thodi der ke liye maafi mangta hai aur apne group ki taraf bad jaata hai jahan Rajeev jalabhuna baitha hua tha. Rajesh sabko kehta hei ki vah kuch busy hai aur baaki log chahen to yahan ki sundarta ko enjoy Karen aur agar neend aa rahi hai to apne apne kamre ki taraf jayeen, sab Rajesh ka isiliye wait kar rahe the, sab apne apne kamre ki taraf chale jate hein par Rajeev vahin baitha rehta hai.
