- 5,758
- 13,139
- 189
UPDATE 9
Phone rakhne ke baad Ajith ko khayal aaya room me Dhruva bhi hai.
Dhruva Ajith ko hi dekhe jaa raha tha.
Dhruva:- (Thoda hairaani ke saath) Ye sab kya hai yaar?
Ajith:- Kya ye sab? Phone tha dost ka.
Ajith ne normal rehne ki koshish kiya.
Dhruva:- Ladkiya kab se tera dost banne lagi?
Dhruva ne hanste hue pucha.
Ajith:- Kisne kaha ye ladki ka phone tha?
Dhruva:- Idhar dekh meri taraf.
Dhruva Ajith ke paas aa kar bola.
Ajith:- Abb kya hua.
Ajith ne Dhruva ki aankho me dekha.
Dhruva:- Jaanta hai kiss ke saamne baat kar raha hai.
Ladkiyo se kaise baat karte hai aur kaun insaan kaise baat karta hai sab jaanta hu mai...Aur tu mujhse hi hoshiyaari kar raha hai?
Ajith:- Bhul gaya tha.
Ajith ne hanste hua kaha.
Dhruva:- Kahi pyar wyar me to nahi pad gaya?
Dhruva ne aise hi majaak me pucha.
Ajith:- Abb tujhse kya chhupaana.
Dhruva:- Matlab tu...
Isse jyada Dhruva kuch nahi bola...Bas Ajith ko dekhne laga.
Ajith ne haa me sar hilaa diya.
Dhruva:- Waah mera dost ko bhi pyar ho gaya.
Dhruva ne excitement me kaha aur Ajith ko gale laga liya.
Alag hone ke baad.
Dhruva:- Kab aur kaise?
Dhruva ki baato me alag hi excitement tha...Aisa lag raha tha Ajith se jyada wo khus tha Ajith ke pyaar par.
Fir Ajith ne bhi 2 din ki love story detail me suna diya.
Puri baat sunne ke baad.
Dhruva:- Uss ladki ka naam kya hai?
Ajith:- Kajal...Bataya to tha.
Dhruva:- Are uska nahi...Kajal ke dost ka.
Ajith:- Preeti...Lekin kyu.
Dhruva:- Lagta hai usse 6th girl friend banane ka time aa gaya hai...Bahut attitude hai usme.
Itna keh kar Dhruva hasne lagta hai.
Ajith:- Bahut ghatiya jokes tha.
Dhruva:- Ha pata hai...Tujhe meri jokes pasand hi kab aaya hai.
Ajith:- Tune accha jokes sunaya hi kab hai.
Dhruva:- Ye sab baatein chhod...Abhi tera love story one-sided hai...Agar koi help chaahiye to be jhijhak mujh se help maang lena...Ladki patane me expert hu.
Ajith:- Kuch din ke liye girl friend banana nahi hai...Saccha pyar hai wo bhi jindagi bhar ke liye.
Dhruva:- Maar diya na taana.
Dhruva ne naaraj hone ki acting kiya lekin andar se wo bhi khush tha Ajith ko pyar hone ki baat par.
Wo aage kuch baat karte tabhi door par knock hua.
Ajith ne door khola...Door par orphanage ke manager thhe.
Ajith:- Uncle aap...Aaiye na andar.
Manager:- Kaise ho beta?
Ajith:- Thik hu Uncle...Aap kaise hai aur kab aaye?
Manager:- Mai bhi thik hu...Abhi abhi aaya to socha tumse mil lu...Maaf karna beta jyada busy tha issi vajah se tumhara college ka 1st day me tumhe wish nahi kar paaya.
Ajith:- Aap maafi kyu maang rahe hai Uncle...Kaam bahut jaruri hai warna aapka aashirwad to hamesha mera saath hai aur aage bhi rahega.
Manager:- MBBS entrance me naam nikalna wo bhi full scholarship me bahut badi baat hai...Aage bhiaise hi man laga kar padhaai karna.
Manager ne Ajith ki sir par haath ferte hue kaha.
Ajith:- Jarur Uncle.
Ajith ne confidence ke saath kaha.
Manager fir kuch der tak Ajith ko dekhte rahe jaise unhe Ajith ki iss kaamyaabi par bahut garv mehsus ho raha tha.
Ajith:- Kya dekh rahe hai Uncle?
Manager:- Yahi ki mehnat aur laganshilta se naamumkin bhi mumkin hota hai.
Aaj mai tumhe nahi tumhaara bachpan dekh raha hu...Jab bhi pucchta tha ki tum bada ho kar kya banoge? Hamesha tumhaara jawaab milta tha...Doctor.
Bachpan se hi tumhaara padhai, mehnat aur sapna dekh kar chaahta tha tumhe ek doctor banane ka.
Lekin kya kar sakta tha...Paisa hi sab kuch hai aaj kal...Aur mere paas itna paisa bhi nahi tha ki tumhe doctor bana paata.
Lekin tumne saabit kar diya saccha mehnat aur laganshilta ki kabhi haar nahi hota.
Aaj mai ye yakin ke saath keh sakta hu ki aaj agar tumhaara parents hote to tumhaara haal aaj kuch aur hi hota.
Khair, aage bhi issi tarah dila laga kar padhna aur aage badhte rehna.
Ajith:- Uncle ek baat suna tha maine.
Garib paida hona bhale hi hamaara galti nahi hai lekin issi haalat me marna hamaara khud ka galti hai.
Maa aur Papa ne to mujhe janm diya...Abb aage ki jindagi mujhe khud jeena hai...Khud ladna hai aur khud sangharsh karna hai.
Agar aapne iss haalat ke liye bhagwaan ki kosta raha to jindagi me kabhi aage nahi badh paaunga...Isse behtar to ye hai ki future ko kaise khushiyon se bharna hai iss baare me socha jaaye.
Jo mushkilein ka maine saamna kiya hai wo hi mushkilein ka mere baccho ko saamna na karna pade...Aur mere Maa aur Papa ko bhi ummeed hoga ki mai kisi laayak banu...Bas issi koshish me jee raha hu.
Manager:- Bilkul bhi nahi badle tum...Wo hi soch aaj bhi hai aur naa hi kabhi badalna.
Fir issi tarah kuch der baat karne ke baad Manager Ajith ke room se chale gaye.
Next Day
College chhuti hone ke baad aaj fir Ajith aur Kajal saath padh rahe the...Aaj dono Anatomy padh rahe the.
Kajal:- Itna depth...Aisa lag raha hai padhte padhte paagal ho jaaungi.
Kajal ne book aur content dekh kar kaha.
Ajith:- Sab padhna jaruri bhi nahi hai...Aur thoda time de kar padhna padega dheere dheere sab aasan ho jaayega.
Kajal:- Sab padhna nahi padega...Kya matlab?
Ajith:- Sirf wo hi padho jo clinically important ho...For eg Muscles ka Nerve supply aur functions padho...Origin and Insertion utna important nahi hai..
Kajal:- Aisa lagta hai bahut accha knowledge hai tumhaare paas.
Ajith:- Thoda thoda hai...1 year loss kiya tha aur iss beech issi me research kiya tha kya kya padhna padega aur kaise?
Fir dono saath me aage padhne lagte hai.
Kajal:- 1 year loss?
Ajith:- Hmm...Scholarship ki intejaar ke liye.
After an hour
Kajal:- Aaj ke liye bas itna hi.
Ajith:- Hmm ok...Aaj ke liye itna kaafi hai.
Fir dono books apne apne bag me rakhte hai.
Ajith:- Agar tum bura na maano to kya ham chai peene chale?
Ajith ne himmat karke pucha.
Kajal:- Jarur...Aur isme bura maane ki kya baat hai?
Ajith:- Nahi...Koi koi maan jaate hai...Issi liye puch liya...Prevention is better than cure.
Itna keh kar Ajith ne ek smile diya.
Kajal:- Tum bhi na...Aise baat kar rahe ho jaise ham abhi bhi anjaan hai...Now we are friends...Itni chhoti baat par naarajgi kaisa?
Kajal ki baat sun kar Ajith ka khushi aur bhi badh gaya...Kajal ne usse apna dost kaha...Pyar ki safar me ek seedhi aur upar chaddh paane me wo kaamyaab ho gaya.
Ajith:- Ek faaidaa to hua...Ye baat to pata chala ki tumhe aage inn chhoti baaton par naarajgi nahi hoga.
Fir dono college ke saamne hi ek tea shop me chale gaye.
Last edited:
for the update.... 
