• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Thriller Khatarnaak Ungliyan (completed)

syed arshad

Well-Known Member
2,922
7,255
143
Haa….To Yeh Col Faizi….!

Mujhse Yeh Zaroor Maalum Karna Chahega Ke Maine Kiss Shai Ke Tahath Uska Picha Shuru Kiya Tha….!

Aur Tum Batana Nahi Chahte….!

Main Bataunga Kya….Jab Ke Koi Khaas Maqsad Nahi Tha….!

Bas Yahi Kahe Dena….!

Wo Yaqeen Nahi Karega….
Agar
Yeh Koi Serious Maamla Hai….!


To Fir Kya Kiya Jaye….Imran Lambi Saans Le Kar Bola

Aap Koi Maqool (Badhiya) Si Wajah Sonchiye….Taake Main Use Mutmayeen (Santusht) Kar Sakhu….!

Huh Acha….Lekin….Uske Liye Yeh Zaroori Hoga Ke Tum Mujhe Wo Bhi Batao….Jo Star Ke Crime Reporter Ko Nahi Bataya Tha….!

Zaroor Bataunga….Shahed Ne Kaha
Aur
Use Sidhu Dhobi Ke Baare Mein Batane Laga Jiss Se Sangzaad Ke Baare Mein Maalumaat Haasil Ki Thi….!


Aur Wo Us Aadmi Ki Nishaandehi Nahi Kar Sakha Tha….Jiss Ne Bachchon Ko Patthar Maarne Ki Tarqeeb Di Thi….!

Jee Nahi….Use Yaad Nahi Ke Usne Kiss Suna Tha….!

Khair….Haa To….Tum Nihayath Itminaan Se Kahe Sakhte Ho Ke Shaher Mein Khwateen Ko Chedhne Ke Waaqiyath Ba-Kasrath Ho Rahe Hai….Lehaaza….Tum Samjhe The Ke Wo Shaksh Khwateen Ko Apni Taraf Mutawajjah (Attract) Karne Ke Liye Is Tarah Patthar Khata Hai….Isliye Tum Is Maamle Ki Tahe Tak Pahunchna Chahte The….!

Good….Shahed Uchal Padha….Main Jaanta Tha Ke Aap Ke Alawa Aur Koi Meri Yeh Mushkil Nahi Hal Kar Sakhega….!

Lehaaza Ab Sidhu Dhobi Aur Us Laundry Ka Pata Bhi Bata Do….!

Imran Ne Dono Pate Apni Notebook Mein Note Kiye….!

Shahed Use Hairath Se Dekhta Raha….
Fir
Bola….Kya Yeh Aap Ki Bhi Dilchaspi Ki Cheez Hai….?


Dekhunga….Shayad Army-Intelligence Walon Se Bhi Koi Kamayi Ho Jaye….Dobara Zinda Hone Ke Baad Se Meri Halath Kuch Patli Ho Gayi Hai….!

Aakhar Qissa Kya Tha….Arse Tak Sab Yahi Samajh Rahe The Ke Aap Samundar Mein Doob Chuke Ho….!

Samundar Bhi Mujh Nalayaq Ko Qabool Karne Par Tayyaar Nahi….Machliyon Ka Haazimah Kharab Ho Jane Ka Andesha Tha….!

Aap Apni Tahe Tak Kisi Bhi Nahi Pahunchne Dete….!

Yeh Lobaan Ke Dhuein Ka Kamaal Hai….Imran Ne Sar Hila Kar Kaha

Sulaiman Kahe Raha Tha Ke Kal Aap Ke Kisi Ko Buqaar Utarne Ka Taveez Bhi Diya Tha….?

Bawaseer Ka Fakhiri Nusqa Bhi Hai Mere Paas….!

Acha….Ab Ijazath Di Jiye….Shahed Uthta Hua Bola

Bismillah….!

Shahed Imran Ke Flat Se Nikal Kar Motorcycle Start Kar Hi Raha Tha Ke Ek Motorcycle Sawaar Uske Khareeb Se Guzarta Hua Uska Daayan (Right) Gaal Nochta Kar Nikal Chala Gaya….Ghusse Bhari Awaaz Mein Ek Gandi Si Gaali Shahed Ki Zubaan Se Nikli….
Aur
Fir….Usne Aape Se Bahar Ho Kar Apni Motorcycle Uske Piche Dauda Di….!

 

syed arshad

Well-Known Member
2,922
7,255
143
Usne Use Achi Tarah Dekha Tha….Wo Uska Koi Betakhalluf Dost Nahi Tha….Shayad Koi Jaan-Pehchaan Wala Bhi Na Tha….
Varna
Wo Usse Kisi Qadr Ghussa Na Hota….!


Agla Sawaar Traffic Ke Darmiyaan Se Apni Motorcycle Nikaal Lene Mein Kaafi Mashaaqi Ka Muzaahera (Pradarshan) Kar Raha Tha….!

Shahed Uske Muqaable Mein Kisi Qadr Hitchkichahath Se Gaadi Chala Raha Tha….
Lekin
Nazar Usi Par Jami Hui Thi….Ke Kahin Nikal Hi Na Jaye….Wo Use Us Behoodgi Ki Saaza Dena Chahta Tha….!


Kya Wo Paagal Tha….Ya….Yeh Mahez Sharaarath Thi….
Lekin
Sharaarath….? Ek Sarkaari Afsar Ke Saath….Shahed Ka Khoon Buri Tarah Khaul Raha Tha….!


Dono Gaadiyon Ki Daud Jaari Rahi….Hatta Ke Wo Shaheri Abaadi Se Bahar Aa Gaye….!

Shahed Ka Ghussa Apni Intehai Manzilein Tai Kar Raha Tha….
Kyun Ke
Wo Use Abhi Tak Nahi Pakadh Paya Tha….Dono Ke Darmiyaan Ab Bhi Do-Dhai Sau (250) Gaz Ka Faasla Barqaraar Tha….!


Achanak….Agle Sawaar Ne Apni Gaadi Ek Aise Baagh Mein Modh Di Jiss Ke Girdh Unchi-Unchi Jhaadiyan Thi….!

Shahed Ne Bhi Tai Kar Liya Tha Ke Kisi Tarah Bhi Uska Picha Nahi Chhodega….Wo Bhi Apni Gaadi Usi Taraf Leta Chala Gaya….Usne Dekha Ki Uske Muqaabil Ki Gaadi Baagh Ke Bich Mein Ek Khuli Jagah Chakkar Laga Rahi Hai….!

Shahed Par Nazar Padhte Hi Usne Gaadi Rok Di….
Aur
Dono Haath Upar Utha Kar Besaqta Khahekhahe Lagane Laga….!


Shahed Uske Khareeb Pahunch Kar Dahaadha….Shut-Up….!

Lekin Wo Hansta Hi Raha….Shahed Ke Baazu Ki Machliyon Mein Akdhan Paida Hone Lagi….Motorcycle Ka Engine Bandh Kar Ke Wo Uski Taraf Badha….Usne Tai Kar Liye Tha Ke Chhuthte Hi Ek Haath Jhaadh Dega….
Lekin
Isse Bekhabar Tha Ke Piche Jhaadiyon Se Do Afraad Bahar Nikal Kar Ahista-Ahista Khud Uski Taraf Badh Rahe Hai….
Fir
Isse Pahle Ke Shahed Motorcycle Sawaar Par Jhapathta Wo Dono Us Par Toot Padhe….Yeh Humla Bekhabri Mein Hua Tha….Isliye Shahed Ko Sambhalne Ka Mauqa Bhi Na Mil Sakha….Humlavaron Mein Ek Ne Uski Naak Par Tahe Kiya Hua Rumaal Daal Kar Haath Se Dabaye Rakha Tha….!


Shahed Ka Zahen Andhere Mein Doobta Chala Gaya….!
 

syed arshad

Well-Known Member
2,922
7,255
143
Raat Ke 8 Baje The….
Aur
Captain Fayaz Bechaini Se Thahel Raha Tha….Baar-Baar Phone Ki Taraf Is Tarah Dekh Raha Tha Jaise Kisi Call Ke Intezar Mein Ho….
Achanak
Phone Ki Ghanti Baji….
Aur
Wo Tezi Se Phone Ki Taraf Jhapta….!


Hello….!

Kaun Hai….? Dusri Taraf Se Awaaz Ayi

Oohh….Karnel Sahab….Fayaz Jaldi Se Bola….Fayaz….!

Kuch Pata Laga….Aap Ke Inspector Ka….?

Talaash Jaari Hai Janab….Hume Khud Bhi Tashveesh (Chinta) Hai….!

Use Mera Paighaam Kiss Waqt Mila Tha….?

Jaisi Hi Wo Daftar Aya Tha….Koi 9 : 30 Baje Ki Baat Hai….!

Uske Baad Uski Naql-O-Harkath Ke Baare Mein Aap Ke Paas Kya Ittelaat Hai….?

11 Baje Wo Daftar Se Nikal Gaya Tha….!

Kahan Gaya Tha….?

Rawaangi Ki Report Likhe Baghair Office Se Nikla Tha….!

Kya Yahi Tareeqa Hai Aap Ke Daftar Mein….?

Jee Nahi….Baat Darasal Yeh Hai Ke Rawaangi Ki Report Usi Waqt Darj Ki Jati Hai….Jab Kisi Sarkaari Kaam Ke Liye Rawaangi Hoti Hai….Neeji Zarooriyat Ke Liye Bahar Jana Ho To Amuman Yun Hi Chale Jate Hai….!

Captain Fayaz….Inspector Shahed Ka Is Tarah Ghayab Ho Jana Aap Logon Bhi Dushwari Mein Mubtela Kar Sakhta Hai….!

Main Samajhta Hu Janab….Yaqeenan Use Koi Haadsa Pesh Aya Hai….
Varna
Is Tarah Ghayab Ho Jane Ka Sawaal Hi Nahi Paida Hota….!


Kya Is Maamle Mein Aap Ki Usse Tafseeli Baat-Cheet Hui Thi….!

Jee Haa….!

Aap Ko Iska iLm Hoga Ke Sangzaad Par Pattharu Ki Shuruath Kiss Tarah Hui Thi….!

Jee Haa….Usne Mujhe Bataya Tha….!

Aur Yeh Bhi Bataya Hoga Ke Use Uska iLm Kiss Se Hua Tha….!

Jee Haa….Usi Laundry Ke Ek Dhobi Se….Jiss Ka Naam Sidhu Hai….!

Achi Baat Hai….Jaisi Hi Inspector Shahed Ka Suraagh Mile Mujhe Khabar Ki Jiye….!

Bohath Behtar Janab….Fayaz Ne Kaha
Aur
Dusri Taraf Se Silsila Cut Hone Ki Awaaz Sun Kar Receiver Cradle Par Rakh Diya….!


Fauri Fir Ghanti Baji….Usne Receiver Jaldi Se Utha Liya….Dusri Taraf Se Bolne Wale Ki Awaaz Sun Kar Lambi Saans Li….Khuda Ka Shukr Hai Ke Tum Zinda Ho….6 Baje Se Is Waqt Tak Kayi Baar Ring Kar Chuka Hu….!

Kya Kisi Fakhiri Nusqe Ki Zaroorat Pesh Aa Gayi Hai….Dusri Taraf Se Pucha Gaya

Suno….Main Bakwaas Sunne Ke Mood Mein Nahi Hu….Fayaz Ne Jhunjhula Kar Kaha….Sanjheedgi Se Meri Baat Suno….!

Bayaan Jaari Rakho….Jab Se Mar Kar Zinda Hua Hu….Sanjheedgi Ke Maare Bura Haal Hai….!

Tum Isse Inkaar Nahi Kar Sakhte Ke 11 Aur 12 Baje Ke Darmiyaan Inspector Shahed Tumhare Paas Tha….!

Inkaar Kyun Karunga….Shahed Hi Tha….Shaheda To Nahi Thi….!

Wo Tumhare Paas Kyun Gaya Tha….!

Ek Kilo Imartiyan Bhi Laya Tha Sulaiman Ke Liye….!

Main Puch Raha Hu Kyun Gaya Tha Tumhare Paas….!

Tumhara Kya Khayal Hai….Kyun Aya Hoga….!

Main Nahi Jaanta….Tum Se Puch Raha Hu….!

Isliye Aya Tha Ke Uska Officer Bilkul Chaghar Hai….Use Yeh Nahi Bata Sakha Ke Army-Intelligence Walon Ko Sangzaad Ke Taqoob (Picha) Ki Wajah Batayega….!

Yeh Main Batata Use….Dekho Imran….Hosh Ke Nakhoon Lo….Maine Abhi Col Faizi Ko Yeh Nahi Bataya Ke Wo Daftar Se Nikal Kar Tumhare Paas Aya Tha….!

Aakhir Baat Kya Hai….?

Wo Ghayab Ho Gaya Hai….Moqarar Waqt Par Col Faizi Ke Paas Nahi Pahuncha….Col Faizi Mujhse Uski Naql-O-Harkath Ka Chart Talab Kar Raha Hai….!

To Kya Waqai Yeh Koi Bohath Ahem (Important) Masla Hai….?

Main Nahi Jaanta….
Lekin
Army-Intelligence Walon Ki Bechaini Se To Yahi Zaaher Hota Hai….!


Baherhaal Tum Dushwari Mein Padh Gaye Ho….Imran Ki Awaaz Ayi

Khattai Nahi….Agar….Main Col Faizi Ko Yeh Bata Du Ke Wo Daftar Se Nikal Kar Kaha Gaya Tha….!

Kyun Nahi Bata Diya….!

Mahez Isliye Ke Kahin Tumhe Fir Doob Jana Na Padhe….!

Kyun Haank Rahe Ho….!

Acha To Mujhe Pata Nahi Ke Army-Intelligence Walon Se Picha Chhudane Hi Ke Liye Tum Joseph Samet Doob Gaye The….!

Bohath Bakhabar Hote Jaa Rahe Ho….Imran Ne Kaha….Achi Baat Hai….To Tum Un Logon Se Apna Picha Chhuda Lo….!

Yani….Col Faizi Ko Aagha Kar Du Ke Shahed Tum Se Mila Tha….!

Bilkul Aagha Kar Do….Imran Ne Kaha
Aur
Silsila Cut Hone Ki Awaaz Ayi….!


Fayaz Nichla Honth Daanton Mein Dabaye Receiver Ko Ghoorta Rahe Gaya….
Fir
Usne Cradle Daba Kar Shayad Col Faizi Ke Number Dial Kiye….Dusri Taraf Se Fauri Jawaab Mila….!


Captain Fayaz Sir….!

Kya Khabar Hai….?

12 Baje Tak Wo Mr.Ali Imran Se Saath Raha Tha….Mr.Ali Imran Humare Director-General Sahab Ke Farzand (Son) Hai….!

Uske Baad….?

Mr.Ali Imran Ne La-iLmi Zaaher Ki Hai….!

Achi Baat Hai….Dusri Taraf Se Awaaz Ayi….Hum Dekh Lenge….Aap Bari Al-Zimma….!

Shukriya Janab….!

Dusri Taraf Se Silsila Cut Ho Gaya….!

Fayaz Ke Honthon Par Muskurahat Thi….!


Continue.............................................................................................................!

 

Rahul

Kingkong
60,556
70,667
354
wonderful update bhai jaan :flowers:
 
Top