• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Kasam - Love is not Everything (Completed)

Champ_AK_81

Well-Known Member
5,758
13,138
189
UPDATE 53

Anjali kuch der Ajay ko hi dekhti rahi...Uske chehre me kuch bhaaw nahi tha...Kuch der aise hi Ajay ko dekhte rehne ke baad wo achanak se waha se chali jaati hai.

Ajay ke liye ye kisi jhatka se kam nahi tha...Wo Anjali ki jawaab ka intejaar kar raha tha...Yaa to haa yaa fir naa...Ek do baar usne Anjali ko piche se bulaya lekin koi faayda nahi...Anjali chali gayi ek baar bhi picche dekhe bina.


Karib 5 minute ka torture sehne ke baad Nisha ko mauka mil hi gaya...Abb jaake Kajal Atul se dur hui.

Nisha:- Kis soch me khoye hue ho Mr. AK?

Atul:- Kahi bhi to nahi.

Nisha:- Lekin aisa lagta to nahi.

Atul:- Wo kuch der pehle kuch soch raha tha abb nahi...Abb sab thik hai.

Nisha:- To fir thuk do

Atul:- Kya?

Nisha:- Ussi soch ko...Aur chill ho kar tour enjoy karo.

Nisha ki iss baat par Atul sirf muskuraata hi raha.

Nisha:- Tumne hi kaha tha mujhse...Abb ye dialogue copy paste kar rahi hu.

Atul:- Matlab meri billi mujhko hi myau.

Nisha:- Billi mat bolo...Warna ye billi kaatna bhi jaanti hai.

Atul:- Tab to iss billi se bach kar rehna padega.

Nisha:- Kya kaha tumne mujhe? Billi? How dare you?

Nisha ne bhi jhuttha gussa dikhaate hue kaha.

Atul:- Wo mai...Wo mai...

Atul abb fir se soch me pad gaya.

Nisha:- (With Smile) Bahut darpok ho tum.

Itna keh kar Nisha muskuraati hui waha se chali gayi.

Atul bhi waha muskuraata hua reh gaya...Abb usse Nisha ke saath ye hansi majaak bahut accha lag raha tha.

Kuch hi der me waha Ajay bhi aa gaya.

Atul:- Kya hua bey? Aise munh kyu latka hai tera?

Ajay kuch nahi kehta...Wo abhi bhi aise hi khada tha jaise uska pura duniya hi loot gaya hai.

Atul:- Bol na?

Atul ne hanste hue puccha lekin Ajay ne koi response nahi diya.

Atul:- Let me guess...Anjali ne tujhe waha se bhaga diya.

Itna keh kar Atul jor jor se hasne laga...Iss baar Ajay ne usse bahut gusse se dekha...Atul bhi samajh gaya ki kuch serious baat hai.

Atul:- Agar bataana chaahe to bata sakta hai.

Atul ne sirf itna hi kaha tha ki Ajay waha se chala gaya.

Trekking se waapsi ke vakt bhi kisi ke bich jyada baatein nahi hua...Ajay apni hi gham me tha...Kisi se usse koi matlab nahi tha...Anjali ke pyar se jyada uski khaamoshi usse jyada khal raha tha...Anjali ka aise ignore karna usse bahut bura lag raha tha.

Ek do baar fir usne Anjali se baat karne ki koshish ki lekin Anjali ne koi response nahi diya...Abb Ajay laghbhag toot hi gaya tha...Saare sapne saare khwahishein abb usse tootta najar aa raha tha...Haalaath aisa tha ki naa to hans paa raha tha aur naa hi roo sakta tha...Kisi tarah khhd ko sambhaale hue tha.


Atul bhi Ajay ki pareshaani dekh jyada bol nahi raha tha...Bas kabhi kabhi Nisha aur Kajal se baatein kar leta.

Trekking hi aaj ka last destination tha...Fir sab waapas hotel aa gaye...Atul aur Ajay ek hi room me thhe.

Atul:- Abb to bata de yaar...Kyu iss tarah ghut raha hai...Bata de...Sab thik kar dunga.

Ajay ne ek baar Atul ko dekha lekin bola kuch nahi.

Atul:- Apne dost ko bhi nahi batayega.

Iss baar Ajay chup nahi reh saka.

Ajay:- Nahi yaar...Abhi mat pucch...Abhi bataane ki haaalath me nahi hu...Fir kabhi bataaunga...Bharosha kar.

Atul:- Tu thik to hai na?

Abb Atul ko bhi dar lagne laga Ajay ki haalath dekh kar.

Ajay:- Ha thik hu...Thodi si pareshaani hai...Jald thik ho jaayega.

Atul:- Pakka.

Ajay:- Ha yaar...Pakka

Atul:- Apna khayal rakh...Jab thik lage bata dena.

Ajay ne sir ko haa me hilaya.

Atul thoda bahut uski pareshaani samajh gaya...Paise ya fir kisi majboori se usse pareshaan hone ki koi jarurat nahi tha...Kisi ki dhamki se bhi wo darne wala nahi tha.

Pyar...Yahi ek cheej hai jo kisi ko bhi majbur kar sakta hai...Atul ne ye mehsus kiya to nahi tha lekin samajh jarur sakta tha...Waise bhi wo apne dost ki haalath se kaise anjaan rehta.


Usne soch liya jald hi Anjali se baat karna padega iss baare me.


Fir wo bhi Ajay ke saath hi baith gaya...Khaali dimaag saitaan ka :D. Iss khaali dimaag me naye naye soch aane lage...Aur jab soch pyar me chala gaya...Uska soch wohi atak gaya.

Fir pyar ke baare me sochne laga...Kya hai ye pyar? Kaisa hai ye pyar? Log kyu karte hai pyar? Yahi sab sawaal ke baare me sochne lage...Park me dekha hua sab kuch yaad aa gaya aur saath hi Nisha ki baatein.

Atul:- Ajay?

Ajay:- Kya hua abb?

Atul:- Kuch movies dekhna hai? Apna mobile de idhar?

Ajay:- Lekin tu movies dekhta hi nahi.

Atul:- Aaj dekhne ka man kar raha hai.

Fir Atul Ajay ki mobile se apne mobile me kuch movies send kar leta hai.

Jab Ajay ne movies ke name dekha to ye uske liye kisi hairaani se kam nahi tha.

Ajay:- Ye kya? Tu kab se romantic movies dekhne laga?

Atul:- Aaj se...Pata nahi kyu aaj dekhne ka bahut man kar raha hai.

Ajay:- Sahi hai.

Itna keh kar Ajay fir chup ho gaya...Agar Ajay ka mood thik hota to aaj Atul ki khair nahi tha...Atul ka itna majaak banta romantic movies dekhne ki chakkar me ki ek ek pal uss par bhaari padta...Lekin Ajay kjud hi bahut buri haalath me tha iss vakt.

Atul fir movies me busy ho gaya aur saath hi kho gaya pyar ki alag hi duniya me...Ek aisi duniya jaha jaana to bahut aasan hai lekin nikalna bahut hi mushkil.

Ajay ne ek najar Atul ko dekha...Fir,

Ajay:- Ye pyar, mohabbat aur romance sab kuch bakwas hai...Logo ko dusro ki feelings ki koi parwah hi nahi.

Itna keh kar Ajay ne apne mobile se gusse me sabhi romantic movies delete kar diya aur uske chehre me gusse ke bhaaw aane laga.


Jaha ek taraf Atul pyar ki taraf khincha chala jaa raha tha wohi dusri taraf Ajay ko pyar se nafrat hone laga tha...Pata nahi ye tour aur kya kya dikhaane wala tha sabhi ki jindagi me.
 

Mbindas

Active Member
1,928
4,105
158
Bhai ab or kon kon se twist laoge story me?
Wese update bohot hi achchha hai.
:yourock:
 
  • Like
Reactions: Champ_AK_81

Champ_AK_81

Well-Known Member
5,758
13,138
189
Bhai ab or kon kon se twist laoge story me?
Wese update bohot hi achchha hai.
:yourock:
Thanks Mbindas bhai for your support and comment...Story abhi bahut baaki hai...Twists aur turns bhi bahut hai...Aise hi saath bane rahiye.
 

Lucky198

New Member
44
105
48
Hey Ak bro... Its my pleasure to read your story. Plot on this story is mind blowing. As I already read all your update the story is going to be mind blowing. Whatever you maybe present on the story its really touches our heart. The value of Friendship, Love, Feeling or other things you have shown beautifully. You have presented the beautiful story.
Thanks for beautiful story.
Keep writing....
 
  • Like
Reactions: Champ_AK_81

Champ_AK_81

Well-Known Member
5,758
13,138
189
Hey Ak bro... Its my pleasure to read your story. Plot on this story is mind blowing. As I already read all your update the story is going to be mind blowing. Whatever you maybe present on the story its really touches our heart. The value of Friendship, Love, Feeling or other things you have shown beautifully. You have presented the beautiful story.
Thanks for beautiful story.
Keep writing....
Welcome Lucky bro on the story. Its great pleasure for me to know that you liked this story this much...Thanks for your comment. Please stay tuned with the story and keep supporting :dost:.
 
  • Like
Reactions: Lucky198
Top