- 5,758
- 13,139
- 189
UPDATE 39
After 4 hours
4 ghanta lag gaya Atul ko hosh me aane me…Dheere dheere jab usne apne aankh khola to usne ek room ke bed me khud ko paaya…Apne aas paas dekha…Sabhi dost, Rahul sir aur kuch aur teachers bhi waha the…Sabhi ke chehre me khushi ke bhaaw thhe Atul ko waapas hosh me dekh kar…Sab se jyada Nisha ke chehre pe.
Jab usne utthne ki koshish kiya to achanak hi uske munh se ek cheekh nikal gaya.
Atul:- Ouch.
Dr. Rahul:- Are sambhalke…Bed me hi laite raho aur rest karo.
Fir Atul ne dekha uske left hand me canula laga hua tha aur ek saline ki bottle chaddha hua tha…Ye dekh kar Atul ne 10 seconds keliye aankh band kiya aur fir khola…Usse saare haalaath ke baare me pata chal gaya.
Aankh kholte hi uske chehre me ek muskaan ke bhaaw aa gaya…Apne jeet ki khushi ka muskaan…Usse ye baat yaad aate jyada der nahi laga ki kaise usne apne maut tak ko hara diya tha.
Wo fir se sabhi ko ek ek kar ke dekhne laga…Sabhi ke chehre se yahi lag raha tha ki wo sab bahut khush hai aur ussi ke hosh me aane ka intejaar kar rahe the.
Fir usne Nisha ki taraf dekha.
Nisha bhi Atul ko hi dekh rahi thi…Wo bhi bahut khus thi…Uski aankho me ek alag hi chamak tha aur hontho me pyar bhari muskaan.
Atul bhi Nisha ko dekh kar smile kar deta hai…Isse Nisha ki muskaan aur bhi fail jaata hai.
Kuch der Atul ki haal chaal pucchne ke baad baaki ke teachers bhi chale jaate hai…Aur room me baaki reh jaate hai Rahul sir aur Atul ke dost.
Atul:- Sir aap kuch pareshaan lag rahe hai?
Dr. Rahul:- Ha soch raha hu maine bahut badi galti kar diya tum dono ko akele chhod kar.
Atul:- Sir lekin ham sab ne socha bhi to nahi tha aisa kuch ho jaayega…Forest officer ne bhi kaha tha ki waha koi jungli jaanwar nahi rehte jisse hame khatra ho sakta tha.
Dr. Rahul:- Yahi to sabse bada galti tha…Hamne iss najar se socha hi nahi…Lekin aise anjaan jagah ke baare me pehle hi decision nahi le sakte the.
Aur maine bhi galti kar diya tum dono ko akele bhej kar…Ya to mujhe jaane hi nahi dena chaahiye tha ya fir khud bhi chalna chaahiye tha.
Issi ignorant ki vajah se maine apne responsibility ko acche se nahi nibha paaya.
Atul:- Sir ye sab hamari vajah se hi hua hai…Maine hi jidd kiya tha aur aap ko maana pada…Aage se kabhi aisa request nahi karunga.
Atul ko bhi ye sab apna hi galti lag raha tha…Usse samajh me aa raha tha ki uska ek jidd ne sirf usko aur Nisha ko hi khatre me nahi Rahul sir ko bhi mushibat me daal diya tha…Agar dono ko kuch ho jaata to Rahul sir ko hi ye saari responsibility lena padta aur dono ke gharwalo ki kya haalat hota iss baare me wo soch bhi nahi sakta tha.
Abb Atul ko samajh me aa raha tha ki masti aur tour enjoy karne ki chakkar me usne kitna bada galti kiya tha.
Fir kuch der aise hi baat karne ke baad Rahul sir room se baahar jaane lage aur gate me jaa kar ruk gaye fir unhone kaha.
Dr. Rahul:- BTW I am impressed…Sach me bahut himmat dikhaaya tune.
Itna keh kar Rahul sir chale gaye aur room me Atul ke saath saath uske sabhi dosto ke chehre me muskaan aa gaya.
Sir ke jaane ke baad.
Ajay:- Kya baat hai yaar…Tera heroism level to badhta hi jaa raha hai.
Ajay ne hamesha ki tarah Atul se pehle wale andaaj me hi kaha.
Atul:- Isse heroism nahi stupidity kehte hai.
Ajay:- Tiger se ladna stupidity hai?
Ajay ki iss baat se Atul ko ek aur baat yaad aa gaya…Jaldbaazi me usne kaha.
Atul:- Yaar tu jaldi se yaha se jaa aur Sir ko bata ki Forest Officer se contact karne ke liye jungle me tiger ki maujudgi ke baare me.
Ajay:- Bata dunga yaar…Lekin abhi kuch der baatein to kar lu tujhse.
Ajay ki iss baat se Atul ko bahut gussa aa gaya.
Atul:- Tu jaata hai ya nahi.
Achanak Atul ke pure chehre me gussa ke bhaaw dikhne laga.
Ajay:- Itni bhi kya jaldi hai yaar…
Ajay aur bhi bahut kuch bolne wala tha lekin Atul ne usko bich me hi rok kar kaha.
Atul:- Jitna kaha hai utna kar…Dimaag naam ke cheej tujh me nahi hai kya…Community forest me tiger hona tujhe chhoti si baat lagta hai.
Jungle se seher jyada dur nahi hai…Aur ye bhi pata nahi kitne tiger hai jungle me…Hame sirf 1 mila iska matlab ye nahi ki waha sirf 1 hi hoga…Agar tiger ko aise hi khule chhod diya to na jaane kitne log uske shikaar ban jaayenge.
Aise me tu doctor banega…Ye baat kabhi mat bhulna "Prevention is better than cure." Agar time me hi na bacha paaye to afsos ke alawa kuch nahi bachega.
Atul ki iss baat se Ajay ko uski baat ka gehraai pata chala.
Ajay:- Sorry yaar…Mujhe laga tera baat ka matlab aur hi tha…Mujhe laga tha ki forest officer tiger ko pakad kar kisi zoo me bhijwa deta aur ye kaam kabhi bhi ho sakta tha…Lekin ye nahi pata tha ki bahut saari jindagi ki sawal hai.
Atul:- To abhi bhi baato me hi time kyu waste kar raha hai…Jaldi se jaa.
Atul ne itna hi kaha tha ki iss baar Ajay daud kar room se baahar nikal gaya.
Fir Atul kuch der baaki ke dosto ke saath baat karta hai.
Atul:- Abhi mera mood thik nahi hai…Please thodi der rest karna chaahta hu akele me.
Kajal:- Ok Atul…Take care.
Itna keh kar wo aur Anjali nikalne lagti hai…Fir Nisha ko wahi baithi dekh kehti hai.
Kajal:- Tum bhi chalo.
Kajal ka iss tarah bolna Nisha ko bilkul bhi accha nahi laga…Wo akele me Atul se baatein karna chaahti thi aur aise me Kajal ki ye baat Nisha ko bilkul bhi accha nahi laga.
Nisha fir Atul ko dekhti hai.
Atul:- Abhi baat karne ka mood bilkul bhi nahi hai…Aur thakaan aur dimaag bhi bahut ghum gaya hai…Please kuch der rest karna chaahta hu…Aur tumhe bhi to abhi rest ki jarurat hai.
Atul ne dheere se lekin acche se samjha kar kaha…Aur Atul ki iss baat par Nisha bhi maan gayi.
After 3 hours.
3 ghante ke baad jab Nisha ne Atul ko online dekha…Fir wo video call start kar deti hai?
Nisha:- Abb kaise ho?
Atul:- Pehle se behtar…Saline bhi nikal gaya hai aur aise hi room me ghum raha hu.
Atul ne apne dono haath dikhaa kar kaha.
Nisha:- Aur mood?
Atul:- Wo bhi apni jagah sahi hai.
Nisha:- To fir aa jaao…Chhat me kuch der baatein karni hai.
Atul:- Iss vakt?
Nisha:- Ha to kya problem hai?
Atul:- Lekin itni raat ko?
Nisha:- Bhut se dar lagta hai?
Atul:- Nahi chhudail se lagta hai.
Nisha:- What?
Atul:- Kuch nahi
…Nahi kisi se bhi dar nahi lagta.Nisha:- Tiger se bhi nahi?
Nisha ne hanste hue pucha…Atul ka fir dara hua chehra (acting) dekh uski hansi aur bhi jyada badh gaya.
Nisha:- Abb ye overacting band karo…Aur chhat me aa jaao.
Atul:- Iske liye pehle tumhe appointment lena hoga.
Nisha:- Matlab?
Atul:- Matlab ye madam ki mujhse abhi bahut log baat karna chaahte hai mujhse milna chaahte hai…Abhi bahut se line me lage hue hai aur apne turn ka intejaar kar rahe hai…Agar tum bhi baatein karna chaahti ho to line me lag jaao jaldi se…Warna fir aur der ho jaayega.
Atul ne hanste hue kaha…Achanak hi wo majaak ke mood me aa gaya.
Nisha:- Accha…Ye line kis liye lag rahe hai sab?
Atul:- Bataya to tha…Star ban gaya hu mai…Hero, Celebrity kuch aisa tag milne laga hai abb.
Atul ne hanste hue kaha…Aur uski kehne ke andaaz dekh Nisha ko bhi hansne lagi.
Nisha:- Kuch bhi…Abb jyada baat mat karo…Jaldi se chhat me aa jaao.
Itna keh kar Nisha ne video chat off kar diya.
Atul:- Aise dhamki se to aana hi padega.
Fir Atul muskuraate hue chhat ki taraf chala gaya.
In roof
Atul ko chhat me pahunchne me sirf 1 minute laga…Waha pahunch kar usne dekha Nisha pehle hi waha maujud thi.
