Tired of Pop-up Ads? Register here to get rid of them.

Romance Kasam - Love is not Everything

Discussion in 'Hindi' started by Champ_AK_81, Feb 16, 2019.

  1. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    UPDATE 23


    Nisha ki baat sunne ke baad Sameer ke chehre me thoda muskaan aa gaya...Sameer ko muskuraata dekh Nisha ka gussa aur bhi jyada badh gaya.

    Wo kuch bolti usse pehle hi Sameer ne kaha.

    Sameer:- Kitna time hua hai aap ko hospital me aaye hue?

    Sameer ka muskaan abb bhi pehle jaisa hi tha.

    Nisha:- Ye aap kya pucch rahe hai? Mai aapse kuch aur hi baat puch rahi hu aur aap mujhse bakwaas majaak kar rahe hai…Be serious.

    Nisha ne bahut gusse me kaha aur saath hi Sameer ke chehre se wo muskaan bhi gaayab ho gaya.

    Sameer:- I am not a joker aur joke karne ka mood bhi nahi hai…Mai to aapki baato par hans raha tha.

    Itna keh kar Sameer chup ho gaya aur serious dikhne laga…Nisha ko dekhte hue usne kehna suru kiya.

    Sameer:- Aap mujhe mere kuch sawaal ka jawaab dijiye…Uske baad mai aapka har ek sawaal ka jawaab dunga.

    Nisha:- Ok pucchiye.

    Nisha ne gusse me hi jawaab dijiye.

    Sameer:- So…Dr. Nisha Singh…MD in General Medicine…Yahi hai na aap ka qualification.

    Nisha:- Ha.

    Sameer:- Working experience kitna hai aapka?

    Nisha:- 1 year…MD complete karne ke baad…Lekin ye sab aap kyu puch rahe hai?

    Sameer:- Aap ka hi sawaal ka jawaab de raha hu.

    Nisha ko kuch samajh me nahi aa raha tha ki Sameer usse kya puch raha hai aur aisi sawaal se kaise uski sawaal ka jawaab dene wala hai.

    Sameer:- So aap ki baato se ye pata chalta hai ki abhi aap as a physician medical field me naya hai…Aapne abhi iss duniya me kuch dekha hi nahi hai.

    Sameer ki baat sunne ke baad Nisha Sameer ko aur bhi gusse se ghurti hai lekin Sameer bina koi parwaah kiye apni baat kehne lagta hai.

    Sameer:- 2 saal se kaam kar raha hu mai yaha iss hospital me…Aur 4 saal ho gaya hai mujhe MD complete kiye hue…Bahut kuch dekh liya hai maine inn 4 saalon me…Khaas kar Private hospitals me.

    Sameer ne abb mudde ki baat kehna suru kiya.

    Nisha:- To aap kehna chaahte hai ki Private Hospital me kaam karne ke baad sabhi doctor aap ki tarah corrupt ho jaate hai?

    Sameer:- Pehli baat…Mai koi corrupt doctor nahi hu.

    Iss baar Sameer ki aawaj me bhi thoda gussa tha.

    Nisha:- Wo to aapke prescription se hi dikh raha hai.

    Sameer:- Accha aisa kya tha uss prescription me…Maine expensive dawaai prescribe kiya tha…Aur aap ka complain hai mai kabhi kabhi unnecessary test prescribe karta hu jaise CT scan, MRI…Yahi hai na aap ka complain?

    Nisha:- Ha…Aur aap jaise doctor se aur bhi kya ummeed kiya jaa sakta hai?

    Nisha ko jo lag raha tha wo kehti jaa rahi thi…Aur uski har ek baat se Sameer ka gussa aur bhi badhta jaa raha tha…Lekin khud pe kaabu rakh ke usne kaha.

    Sameer:- Dr. Nisha…Aap bahut acchi doctor hai…Aapki baato se yahi lagta hai…Aur accha doctor hona bhi chaahiye…Keep it up…But I bet…Yaa to aap ko apna ye acchaai chhodna hoga yaa fir aap iss hospital me jyada din nahi tik paayengi.

    Nisha:- Aap dhamki de rahe hai?

    Sameer:- Nahi…Mujhe koi matlab nahi hai aap yaha rahe ya na rahe.

    Abb please mujhe bich me disturb mat kijiye agar mera jawaab jaana chaahti hai warna you may go.

    Nisha:- Bata hi dijiye apna excuse.

    Sameer:- Aapne ye to dekha ki maine expensive dawaai prescribe to kiya…Lekin maine aisa kyu kiya ye aap khud jaan jaayengi kuch din hospital me rehne ke baad.

    Itna jarur kahunga ki maine isme koi commission nahi liya hai…Aur naa hi kisi garib aur majbur patient ke saath aisa kiya hai.

    Sirf aise patient aur patient party ke saath ye karta hu jo paise ki ghamand me sochte hai ki wo apne paisa se doctor aur apne jindagi kharid sakte hai…Bina soche samjhe doctor ka collar pakadte hai aur kehte hai jitna paisa chaahiye maang lo lekin unko kuch nahi hona chaahiye.

    Aise condition me man karta hai do thappad khinch ke maaru jo mera imaandaari kharidna chaahte hai…Lekin professionalism bich me aa jaata hai.

    Lekin mai jo expensive dawaai prescribe karta hu usse unko koi nukshaan nahi pahunchaata hu…Wo dawaai wohi kaam karta hai bas paisa jyada lagta hai…Aur ye paisa mai kabhi nahi leta hu…Wo hospital account me jamma hota hai…Mera monthly salary wohi hota hai jitna fixed hai.

    Aur upar hospital management se alag tarah ka pressure…Unko patient ki health se koi lena dena nahi hai…Bas kisi tarah unhe profit milna chaahiye…Ye hospital nahi ek business hai…Patient customer hai, aur medical staff salesman.

    Agar ham sab apna kaam acche se kare aur patient ka treatment ke koi kami nahi rakhenge ar fir bhi hospital ka pharmacy acche se nahi chala to hospital administration meeting ke liye bulaate hai…Aur dhamki milta hai ki agar unhe accha khaasa faaidaa nahi hua to hame nikaal denge…Sheher me doctos ki kami bhi nahi hai…Ek jaayega to dusra aayega aur unka business bhi chalta rahega.

    Bahut doctors jo tumhaara aur meri tarah the unhe issi majburi me hospital chhodna pada…
    Aur mera majburi hai ki mai chhod nahi sakta.

    Aur bhagwaan ka aashirvaad hai ki mai abhi tak yaha tika hua hu wo bhi bina unethical kaam kiye sirf tumhaara complaint chhod ke.

    Kisi garib ko nahi luta hai…Sabhi ka ilaaj acche se kiya hai…Kisi ko koi nukshaan nahi pahunchaaya hai…Sirf kuch ghamandi daulatmand insaan ka paisa dusre daulatmand me transfer hua hai.


    Itna keh kar Sameer chup ho gaya…Chehre me bahut gussa tha…Ek najar Nisha ko dekha aur kaha.

    Sameer:- Ye private hospital hai koi government nahi jaha ham apne marji se kuch kar sake…Bahut jald aisi situation ka saamna aap ko bhi karna padega tab dekhunga aap kaise handle karte hai…Abhi aap naya doctor ke roop me aayi hai…Abhi bahut josh hoga aapke paas kuch karne ka lekin dheere dheere aap ko sachhaai ka saamna karna padega…Tab dekhunga kya karti hai aap…Imaandaar hi rahengi, ya mere type ka banogi ya mujhse bhi jyada corrupt?

    Aise bahut se case aayenge…Aise patient bhi aayenge jo aap ko nurse keh dega…9 saal din raat mehnat kar ke padhne ke baad aap doctor bani hai aur koi aake nurse keh dega to sochna kaisa gussa aayega…Aise bahut se cases hai…Thoda experience karne ke baad aapko sab pata chal jaayega...Ethics ki baat kitaab me hi accha lagta hai aur nibhaana bahut mushkil jab system hi corrupt hai.


    Gusse se usne Nisha ko dekha aur uski jawaab ka intejaar karne laga.

    Thodi der baad Nisha ne kaha.

    Nisha:- Kya majburi hai aapka yaha rehne ka? Agar aap chaahe to isi government hospital me kaam kar sakte hai azaadi ke saath?

    Nisha ka gussa abb khatm ho chukka tha.

    Sameer:- Paisa…Sabhi ki majburi yahi hota hai…Aapka yaha aane ka vajah bhi paisa ho sakta hai…Mera vajah bhi paisa hai…Lekin mai paisa imaandaari ke saath hi kamaana chaahta hu…Ghus aur commission ka ek rupaiya bhi nahi leta hu.

    Mere Maa aur Papa dono bimaar hai…Aur mai unka ek louta beta hu…Ilaaj aur dawaai, aur saath hi ghar ke kharche ke liye bahut paise ki jarurat hai…Jo government hospital se nahi milega.

    Yaha bahut mushkil se job mila hai…Pehle hi 2 hospital ne mujhe apne imaandaari ki vajah se nikaal diya hai…Abb yaha se kahi aur nahi jaa sakta hu…Issi liye mujhe ehics ke kuch norms ko bhulna pada…Ye to kuch nahi hai…Jarurat padne par aur bhi bhul jaaunga…Lekin apne Maa aur Papa ke saath kuch hone nahi dunga…Maa aur Papa ke alawa iss duniya me mujhe kisi cheej ka matlab nahi hai.

    Aap hi sochiye…Itna paisa kharch karke unhone mujhe doctor banaya…Aur badle me mai unhe bacha bhi nahi paaya…Kya faaida aise me mera doctor hone ka…Maa aur Papa ke liye mujhe aisa karna pad raha hai aur mai wo har haal me karunga…Lekin iss hospital ko chhod nahi sakta…Yahi sirf lifeline hai mere paas…Ha lekin ye koshish jarur karunga ki Maa aur Papa ko bachaane ke liye kisi majbur patient ka faaidaa nahi uthaaunga.


    Iss baar Sameer ki aankho me thoda aansu aa gaya tha.

    Nisha:- Aap apni jagah sahi hai lekin kahi na kahi ye ethics ke khilaaf hai?

    Sameer:- Kuch galat nahi hai…Agar hai to mujhe koi matlab nahi…Ye to nahi pata ki aap ko mera baat samajh me aaya ya nahi aaya…Agar samajh me nahi bhi aaya hai to dhire dhire sab samajh jaayengi.

    Itna keh kar Sameer waha se chala gaya...Maa aur Papa ki yaad aane ke baad wo waha ruk nahi paaya.

    Nisha wohi khade kuch der Sameer ki baato ko sochti rahi…Koi conclusion nahi aane ke baad wo apne kaam me lag gayi.


    At evening.


    Shaam me Nisha ek mandir me gayi…Waha jaake usne kuch der aankhein band kiya…Dimaag me sirf ek insaan aaya…Atul.
     
    True Love and Mbindas like this.
  2. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    Friends Update 23 is posted...Please read and give your valuable feedbacks.
     
  3. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
  4. King Aryan

    King Aryan Well-Known Member

    Joined:
    Jan 23, 2019
    Messages:
    1,889
    Likes Received:
    1,537
    Superb Update
    Aj Kal To Gorment Hospital K Doctor Bhi Nahi Maaf Karte
     
    Champ_AK_81 likes this.
  5. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    Thanks Aryan bhai for your support and review...Aise hi saath bane rahiye.
     
  6. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    UPDATE 24


    Hontho me muskaan aur muskaan me dard…Pure saal me yahi to din tha jab Nisha ko Atul ki yaad bahut satata tha…Atul ka birthday aur wo manhus din jab dono ne aakhiri baar ek dusre ko dekha tha.

    Nisha:- Happy birth day Atul…Aaj tum pure 31 saal ke ho gaye…Ummeed hai iss baar tumhe apna birthday yaad hoga warna pehle to mujhe hi yaad dilaana padta.

    Ye kehte vakt kuch hi pal ke liye sahi Nisha ke hontho me muskaan aur fail gaya.

    Nisha:- Pata nahi abb tum kaha ho aur kaise ho…Mai to yahi dua karti hu aur karti aayi hu 5 saalo se issi mandir me ki tum jaha bhi raho khus raho…Bhagwaan tumhe duniya bhar ki sabhi khushiyan de.

    Atul jab bhi iss din ko yaad karti hu to bahut rona aata hai…Lekin aaj ke din hi roo nahi paati…Aaj tumhaara birthday hai…Iss din ko apni aansu se kharab nahi karna chaahti…Nahi chaahti ki mera ye aansu tumhaari khushiyon me apshagun bane.

    Tumhaara pyar me itna to bharosha hai ki aaj bhi tum mujhe nahi bhula paaye ho lekin ho sake to mujhe bhula dena apna kaala ateet samajh ke…Issi me tumhaari bhalaayi aur khushiyan hai.

    Meri jindagi to aise hi kat rahi hai…Lekin tumhaara jindagi khushi me beete yahi dua karti hu…Happy birth day Atul once again…Hamesha khus rehna aur muskuraate rehna.

    Nisha ne bharaayi hui aawaj me kaha aur niraash chehra ke saath apne ghar ki taraf chali gayi.



    Kitni ajeeb haalaath thhe...Dono hi pyar ke panchhi aaj bhi ek dusre se be intehaa mohobbat karte hai lekin haalaath ye hai ki ek dusre ko paane ki khwahish ke badle ek dusre ki khushiyon ki duaa kar rahe thhe...Kitna majbur hai dono ka ye pyar!!!Dono bilkul alag ho gaye lekin agar kisi cheej ne dono ko aaj bhi jod kar rakha hai to wo hai dard, aansu aur jhuthi muskaan.


    Dusri taraf Atul bhi mandir me kuch shikaayat karke baahar aaya hi tha ki usse Aamir mil gaya.

    Atul:- Are Aamir kab aaya tu shehar se? Phone bhi nahi kiya… Aur abb kaha jaa raha hai?

    1 hafte baad Atul ne Aamir ko dekh kar pucha…Gaanw me yahi ek dost tha Atul ka jisko Atul apna saccha dost manta tha aur jisse apna hare k baat share karta tha…Yaha tak ki Atul apne past ko bhi Aamir ke saath share kar chukka hai.

    Aamir:- Aap se hi milne aaya tha…Shreya ne bataya ki aap mandir aaye hai issi liye aapse milne chala aaya.

    Atul:- Koi khaas baat hai kya…Jo gaanw aate hi mujhse milne ke liye aa gaya?

    Aamir:- Ha bhai…Ek khuskhabri dena tha…Abb shehar chhod raha hu…Yahi gaanw ki college me padhaaunga.

    Atul:- Kyu…Shehar me kya hua? Salary accha nahi mil raha hai kya? Acche se settle ho gaya tha tu waha.

    Aamir:- Bhai abb mujhe bhi paise se jyada matlab nahi hai…Waise bhi paise ki kami nahi hai mujhe…Ek ghar hai aur do chaar jameen…Gaanw me padhaaunga to bhi kuch paise to mil hi jaayenge…Aaram se jindagi gujaar sakta hu yaha issi gaanw me.

    Apno se dur bhi nahi rehna padega aur aap jaise dost ke saath bhi reh paaunga.

    Atul ne Aamir ki baat ka jawaab sirf muskura kar diya.

    Aamir:- Bhai aap ko dekh kar hi maine ye faisla liya hai…Jab aap itne bade doctor ho kar paisa aur saari khushiyan chhod kar yaha ek chhote se gaanw me reh sakte hai to mai to yahi paida hua hu…Aur apne gaanw chhod kar do rupaiya jyada kamaane shehar jaa raha tha.

    Abb nahi…Jo bhi karna hai yahi karunga, apne gaanw me karunga apno ke saath reh kar karunga.

    Aamir muskura kar teji se bol raha tha…Iss vajah se Atul aur bhi muskuraane laga.

    Aamir:- Ek baat to pucchna bhul hi gaya tha bhai…Aap yaha mandir kyu aaye hai?

    Atul:- Aaj birth day hai…Issi liye socha ek baar darshan kar lu.

    Aamir:- Happy birth day bhai…Lekin aaj tak aapne itne saalo me kabhi ek baar bataya bhi nahi.

    Atul:- Thanks yaar…Lekin kabhi mauka hi nahi mila...MBBS ke baad 2 saal yaha gaanw me raha aur MD karne 3 saal ke liye chala gaya…Aur fir waapas yahi aa gaya…Aur wo 2 saal me mujhe khud apna birth day yaad nahi tha.

    Aamir:- Ye kya bhai…Aaj aapka birthday hai aur aap ka chehra latka hua hai aur muskaan bhi ek dam feenka hai.

    Atul:- Aaj ki date ko mai apne birthday se jyada apna aur Nisha ke saath bitaaye hue aakhiri din maan raha hu…Ye mere liye manhus din hai.

    Atul ne fir feenka muskaan ke saath kaha.

    Atul ki iss baat se Aamir bhi chup ho gaya…Usse kuch samajh me nahi aa raha tha ki kya bole.

    Chalte chalte dono ek pipal ke ped ke paas aa gaye…Atul waha jaa kar baith gaya…Aamir bhi uske paas aaya.

    Aamir:- Bhai agar bura nahi maanoge to ek baat puch sakta hu?

    Atul ne aankho se hi sehmati de diya.

    Aamir:- Jab kisi insaan ka pyar adhura reh jaata hai to wo kyu itna majbur ho jaata hai ki jindagi me aage nahi badh paata? Bhai mujhe bhi kisi se pyar hone laga hai…Lekin dar lagta hai ki mera bhi pyar adhura na reh jaaye!

    Atul:- Example ke liye mujhe bhi dekh lo…Ek jawaana tha jab mujhe khud pyar par bharosha nahi tha aur pyar ko bakwaas baatein manta tha…Lekin aaj haalat kuch aisa hai ki naa to jee paa raha hu aur naa hi mar sakta hu…Fir bhi jeene ki koshish kar raha hu.

    Agar koi bhi mujhe iss haalat me dekhega to kahega ki mai paagal hu…Pyar tutne ki vajah se aisa ban gaya hu…Pyar ke alawa mere life me kuch hai hi nahi…Practically socha jaaye to sahi bhi hai…Mere saath kya galat hua hai ? Sirf yahi naa ki mera pyar adhura reh gaya hai…Aur sirf adhura pyar ki vajah se mai jinda laash ban gaya hu…Pyar ke alawa bhi bahut kuch hota hai jindagi me.

    Lekin bhai…Jab dil ki gehraayi se kisi se pyar karte hai na to itni aashaani se bhula nahi paate hai…Nisha se to mai pehle bhi bahut pyar karta tha lekin jab usse juda hua tab pata chala kitna pyar karta hu mai usse.

    Har insaan ki yahi khwaaish hota hai ki wo apne pariwar ke saath acche se apna jindagi bitaaye…Lekin yaha to Nisha hi meri jindagi me nahi rahi…Bahut bura lagta hai jab ham kisi se sacche dil se pyar karte hai aur ham ussi se alag ho jaate hai.

    Atul ki aawaj me hamesha ki tarah dard tha…Ye kehte vakt uski aankho me aansu ke kuch boond bhi aa gaya.

    Aamir:- Sach me bhai…Aap ko dekh kar bahut bura lagta hai…Aap ke saath to galat nahi hona chaahiye tha…Aur bhai abb to jab bhi kisi se pyar ke baare me sunta hu yahi sunne ko milta hai ki unka pyar adhura reh gaya ya unko pyar me dhokha mila hai.

    Mujhe bhi dhokha mile iss pehle sambhal jaata hu.

    Atul:- Kisse pyar karta hai?

    Aamir:- Nahi bhai ye sawaal abhi mat puchna…Bahut jald bataaunga lekin abhi nahi.

    Aamir ne kuch sochte hue jawaab diya.

    Atul:- Thik hai yaar…Jab sahi lage tab bataana.

    Lekin ye baat bhi yaad rakhna ham kisi se pyar karte nahi hai pyar ho jaata hai…Jitna chhupaane ki koshish karega utna hi pyar ka ehsas aur hota jaayega…Pyar se dar kar bhaagne se accha hai pyar ke do pal acche se jee le…Pyar adhura reh jaayega ya tujhe tere pyar ka manjil milega ye to pata nahi lekin kuch khubsurat din shaanti se jee paayega…Aaj mai yahi sab to miss kar raha hu…Ek aur baat pyar ko paane ki koshish mat kar pyar ko nibhaate jaa baaki kismat ke paas chhod de.

    Aamir ko samjhaate vakt Atul ko fir se puraane dino ki pyare aur dard bhare pal yaad aa gaye.

    Aamir:- Bhai maana padega bahut kuch pata hai aap ko pyar ke baare me bahut kuch pata hai.

    Atul:- Bhale hi medical field me MD kiya hai lekin pyar me PHD kiya hai.

    Atul ne muskuraate hue kaha.

    Kuch aisa hi tha Atul…Dard bhari yaadon se nikalne ke liye khud se hi issi tarah ka majaak kar leta tha.
     
    True Love and Mbindas like this.
  7. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    Friends Update 24 is posted...Please read and give your valuable feedbacks.
     
  8. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
  9. desiboysizzler

    desiboysizzler Do it with passion or not at all. Staff Member Management Team

    Joined:
    Nov 9, 2018
    Messages:
    29,183
    Likes Received:
    6,016
    .
     
    Last edited by a moderator: Mar 27, 2019
    Champ_AK_81 likes this.
  10. Champ_AK_81

    Champ_AK_81 Well-Known Member

    Joined:
    Nov 30, 2018
    Messages:
    2,064
    Likes Received:
    1,845
    :hi: Sonu bhai...How are you?
     
    desiboysizzler likes this.