- 5,758
- 13,139
- 189
Thanks Mbindas bhai for your support and comment...Aise hi saath bane rahiye.Bhai bohot sahi kar rahe ho aap ek din me 2 update.
Very beautiful update bhai.
Romance Kasam - Love is not Everything (Completed)
- Thread starterChamp_AK_81
- Start date
- 546,774
- 5,758
- 13,139
- 189
Thanks Chinturocky bhai for your support and comment...Aise hi saath bane rahiye bhai.
- 5,758
- 13,139
- 189
UPDATE 46
Next Day
Agle din fir sab chal pade iss tour ke next destination ke liye…Iss baar zoo jaane ki decide kiya sabhi ne.
Ajay:- (To Atul) Tu to bahut excited lag raha hai zoo jaane ke liye ?
Ajay ne Atul ki chehre ko dekhte hue kaha.
Atul:- Ha bahut excited.
Ajay:- Koi khaas vajah?
Atul:- Suna hai ek hi shakl ke duniya me 7 praani (living beings) hote hai.
Ajay:- Wo to maine bhi suna hai…Lekin tu kehna kya chaahta hai?
Atul:- Kuch khaas nahi…Insaano me tera humshakal dekha nahi hai…Socha zoo me hi koi mil jaaye…Kisi chimpanzee se tera chehra matching karna hai.
Atul ki iss baat par sabhi hasne lage…Nisha bhi…Usne soch liya tha Atul ko kaise sahi raaste me laana hai…Filhaal wo bhi tour ko enjoy karne ki soch rahi thi.
Ajay:- Accha joke tha…Hasu kya?
Ajay ne munh bigaadte hue kaha.
Atul:- Wo to pata chal hi raha hai accha joke hai…Nahi to sab ek saath aise nahi hanste.
Fir aise hi hansi majaak karte hue sabhi zoo pahunch jaate hai…Atul sabhi dosto ke saath hansi majaak me busy tha aur Nisha bhi koi mauka nahi chhod rahi thi Atul se baatein karne ki.
Sabhi ek saath alag alag cage ke aas paas ghumte rahe aur alag alag animals aur birds ko dekhte rahe…Rahul sir bhi sabhi species ke baare me kuch kuch jaruri informations dete rahe.
Sabhi destinations ki tarah hi zoo visit bhi sab bahut enjoy kar rahe the…Yaha sabhi ko aise aise species dekhne ko mil raha tha jo kisi ne apne life me kabhi nahi dekha tha(except Rahul sir)...Aur Rahul sir ka informations uss species ko aur acche se jaane me madad (help) kar raha tha.
Yaha bhi sabhi dosto ka hasi majaak chalta raha…Naye naye species dekhne ka…Unke baare me jaane ka aur koi bhi masti ka mauka nahi chhod rahe the.
Karib 3 ghanta tak sabhi alag alag jagah ghumte rahe aura lag alag species dekhte rahe.
Ajay:- Sir bhukh lag raha hai?
Dr. Rahul:- Itni jaldi?
Ajay:- 6 ghanta ho gaya hai kuch nahi khaaya…Abhi zoo me bhi chal hi rahe hai…Jyada rest bhi nahi kiya…Thoda thakaan bhi hai.
Rahul sir kuch soch hi rahe the tabhi,
Anjali:- Sir mujhe bhi bhukh lag raha hai.
Anjali ki iss baat par Rahul sir ne kuch soch kar kaha.
Dr. Rahul:- Aur kisi ko?
Kajal:- Mujhe bhi.
Fir Rahul sir Atul aur Nisha ki taraf dekhte hai.
Dr. Rahul:- Tum dono ko?
Atul:- Nahi sir…Mai zoo visit se nikalne se 1 ghanta pehle hi khaa kar aaya tha…Lagh bhag 4 ghante pehle…Aur abb 1-2 ghante me puri zoo dekh bhi lenge fir hotel me jaa kar khaaunga.
Dr. Rahul:- Nisha tum?
Nisha:- Mujhe bhi bhukh nahi hai.
Nisha ki baat par Anjali usse alag hi najro se ghurti hai…Nisha bhi muskura kar usse bata deti hai ki usne sahi socha.
Ajay:- Koi baat nahi…Tu mat khaa…Lekin hamaare saath baith.
Atul:- Koi jaruri nahi…Pata nahi aise mauka kab mile…Mai to ek najar fir sabhi species par lagaunga…Pata nahi fir kab dekh paau inhe.
Ajay:- Aaj tere liye dost se jyada tour important ho gaya?
Ajay ne emotional hone ki acting karte hue kaha.
Atul:- Haa…Kehte hai na ghar ki murgi daal barabar…Tu to hamesha apne paas hi rahega.
Atul ki iss baat par sabhi Ajay par hasne lage.
Atul:- Baad me to tere saath hi time pass karna hai yaar…Jaa tu khaa kar aa…Mai tab tak idhar udhar hi dekhta rahunga.
Iss baar Atul ne acche se samjhaate hue kaha.
Kajal:- Lekin iss zoo me koi hotel aur restaurant milega?
Dr. Rahul:- Ye to nahi pata…Mil bhi sakta hai aur nahi bhi…Agar nahi mila to pop corn, icecreams se kaam chala lenge.
Fir sabhi chale gaye khaane ke liye…Baaki reh gaye Atul aur Nisha.
Dono saath me wohi cage ki taraf chale gaye jo dono ne pehle hi dekh liya tha.
Nisha ne mehsus kiya Atul baatein to acche se kar raha hai lekin wo kuch soch me bhi gumm hai.
Nisha:- Kya soch rahe ho?
Atul:- Bas yahi ki iss zoo visit ko enjoy karu ya nahi.
Atul ki baat se hi pata chal raha tha ki wo kitni gehraayi me ye baat soch raha tha.
Nisha:- Abb tumhe kya ho gaya…Kitna maja aa raha hai.
Atul:- Maja to aa raha hai…Naya experience bhi hai aur kuch knowledge bhi mil raha hai…Lekin ye baat bhi pareshaan kar raha hai ki kya sach mai hame zoo ko itna enjoy karna chaahiye?
Ham jis jaanwar aur chhidiyon ko dekh rahe hai…Unhe kaid kiya gaya hai…Agar dusri sentence me kahu to unke freedom ko cheena gaya hai…Jo bilkul bhi sahi nahi hai…Aur ham issi cheez ko enjoy karne yaha aaye hai…Kya ham insaan apne khushi aur maje ke liye dusre jaanwaro ke saath aise bartaaw kar sakte hai?
Atul ki baat sun kar Nisha thoda hasne lagi…Atul ko ye bahut ajeeb laga.
Nisha:- Bahut sochte ho.
Atul kuch nahi bola…Bas Nisha ko dekhta raha.
Nisha:- Accha ek baat bataao…Tum veg ho ya non - veg?
Atul:- Non - veg.
Atul ne jaise hi ye kaha…Wo khud hi aur serious ho gaya.
Nisha:- Kisi ko maarna kaid karne jitna bura bhi nahi hai.
Nisha ki iss baat ne Atul ko andar tak jhatka diya…Wo abb bahut badi soch me pad gaya.
Nisha:- Tum to aur bhi serious ho gaye…Non - veg hona koi galat nahi hai…Kuch nutrition hame milte hai jo bahut jaruri hai aur sirf meat me hi milta hai.
Ek aur example…Bahut saari jungli jaanwar carnivorous (non - veg) hi hote hai…Abb unhe bhi to galat nahi keh sakte…Kyu ki nature ne sabhi ko banaya hi aise hai…Aur Darwin ka theory…Struggle for existence…Jo duniya se lad sakta hai aur jeene ki kaabil hai wo hi survive karta hai…Aur wo jaanwar jo dusro ka shikaar bante hai unke paas bhi aise kai khaasiyat hota hai jo shikaari jaanwar ke paas nahi.
Nature ne sabhi ko barabar banaya hai…Kisi me kuch acchaayi to kuch buraayi.
Aur rahi baat zoo me kaid karne ki…Ha ye galat ho sakta hai lekin bahut faaidaa bhi hai.
Tourism aur local citizen ki iss zoo visit se government bahut kama bhi sakta hai…Aur yahi fund acche kaam aur development me bhi lagaya jaa sakta hai…Jisse shaayad bahut insaan ka bhala ho sakta hai.
Aur kaid jaanwar…Ha unki ajaadi jarur cheen jaati hai lekin unhe full time khaane ke liye milta bhi hai aur protection bhi milta hai…Ye nahi kahungi ki unke liye accha hai ye sab lekin kuch hadd tak jarur hai.
Kisi ki life me sab kuch accha hamesha to nahi ho sakta hai…Kuch majburi aur compromise karna hi padta hai.
Yaha tak ki puri duniya hi aisi hai…Bahu saari acchaayi aur buraayi bhi…Aur aisi chhoti chhoti baato par regret nahi karte…Samjhe buddhu.
Nisha ki explanation aur uski baato se Atul bhi thoda muskuraane laga.
Atul:- Itna knowledge?
Atul ki aawaj se pata chal raha tha wo Nisha ki baato se bahut impress ho gaya hai.
Nisha:- Koi shak? Jyada bolti nahi hu to tumne mujhe murkh samajh liya ?
Atul:- To fir bola karo yaar…Mujh gawaar ko bhi kuch knowledge de do…Pata nahi kab kaam aa jaaye.
Nisha:- Jarur…Kabhi kabhi kitaabon se baahar nikal kar hamse baatein kar liya karo…Har ek sentence me gyan milega.
Atul:- Jo hukum Madam...Koshish karunga.
Fir dono saath me chalte rahe aise hi hasi majaak karte hue…Dono bahut pehle hi ek dusre se khul gaye the…Aisi hasi majaak dono ke bich abb aam baat ho chuka tha.
Atul:- Tum bhi koi soch me khoyi ho…Kya baat hai?
Nisha:- Ye wildlife ke baare me soch rahi hu…Sirf jungle hi unki duniya hai…Aur itni chhoti duniya me bhi kitni khushi aur pyar se jeete hai.
Mai bhi yahi soch rahi thi…Kaash mere life bhi aisa hi ho…Jyada paisa aur jyada shaan nahi chaahiye life me…Bas khushi aur pyar se apne jindagi jee paau itna hi bahut hai…Simple and sweet family ho.
Atul:- To tum kisi jungle me rehne wale aadi washi se shaadi karne ki soch rahi ho?
Jab Atul ne ye baat kaha tab Nisha bottle se paani pee rahi thi…Atul ki achanak iss baat se Nisha chaunk gayi aur munh me bhara hua paani achanak hi Atul ke munh me uddhel diya.
Nisha:- Sorry sorry…Anjaane me ho gaya.
Atul ne usse chup hone ka ka ishaara karte hue kaha…Fir pocket se apna hanky nikaal kar chehra saaf karne laga.
Atul:- Bahut dangerous ho tum…Abb to sambhal kar majaak karna padega…Warna pata nahi aage kya haal hoga.
Nisha:- Sorry.
Atul:- Koi baat nahi…Jaan bujh kar tumne aisa nahi kiya.
Fir dono ke bich kuch pal ki khaamoshi chaa gaya.
Atul:- Tumne mere sawaal ka jawaab nahi diya.
Atul fir majaak ke mood me aa gaya.
Nisha:- Buddhu hi rahoge tum…Baat ko galat tarike se kaise samajhna hai koi tum se sikhe…Maine to kaha tha ki meri life simple and sweet ho…Wildlife to bas example tha.
Nisha:- Aur tumhara kya planning hai future ka.
Atul:- Abhi jyada aage ka socha nahi hai…MBBS ke baad MD ke liye kisi foreign country me jaaunga…USA ya fir koi European.
Nisha:- (In her mind) Tumhaare liye waha bhi chali jaaungi…Bas itna yaad rakhna…Tab tak tum mere ban jaaoge aur banna hi padega.
Nisha:- Kyu? Hamaare desh me college kam hai kya ya fir padhaai ka quality accha nahi hai?
Atul:- Nahi…Wo baat nahi hai…Ek baar baahar ghumne jaane ka socha hai…To fir socha wohi padh bhi lunga aur nayi nayi jagah bhi dekh paaunga…Baad me to yaha aa kar kaam karna hi hai.
Nisha:- Fir yaha waapsi kyu? Agar wohi settled ho gaye to opportunity aur earning bhi accha hoga.
Atul:- Baat to sahi hai…Doctors ke liye baahar scope bahut accha hai…Lekin mujhe bilkul bhi interest nahi hai…Apna desh apna hi hota hai…Aur paisa hi sab kuch nahi hai mere liye…Ek accha aur imaandaar doctor banna chaahta hu…Bas yahi kaafi hai.
MBBS padhne se pehle hi soch liya tha maine…Ek aise gaanw me kaam karunga jo bahut hi undeveloped ho aur jaha health condition bahut bura ho.
Agar foreign country jaaunga to hamesha man me yahi dard rahega ki mere desh me log mar rahe hai chhoti chhoti beemari ki vajah se…Aur mai yaha paise kama raha hu aur khudgarz ban gaya hu.
Kya faaidaa aise paise ka aur izzat ka jo khud ki najro me hi gira de.
Waise bhi full scholarship me padh raha hu…Aur ye government college hai…Desh ne itna kuch kiya hai mere liye…Free me padha raha hai…Doctor ka degree de raha hai.
Mera bhi to farz banta hai desh ka karz utaarne ka aur sewa karne ka…Issi liye soch liya hai niswaarth bhaaw se sewa karunga kisi gaanw me jaha medical aur health facility ka pahunch naa ho.
Ye kehte vakt Atul ki aankho me aansu ke kuch bund aa gaya.
Nisha usse pyaar bhari nigaah se dekhti rahi aur fir khud hi usne Atul ki aansu ponch diye.
- 5,758
- 13,139
- 189
- 5,758
- 13,139
- 189
- 5,758
- 13,139
- 189
UPDATE 47
Ye kehte vakt Atul ki aankho me aansu ke kuch bund aa gaya.
Nisha usse pyaar bhari nigaah se dekhti rahi aur fir khud hi usne Atul ki aansu ponch diya.
Kuch der chup rehne ke baad Atul ne kaha.
Atul:- Pata nahi kabhi kabhi kya ho jaata hai bahut emotional ho jaata hu…Bahut dur ka sochne lag jaata hu…Present ko bhul kar future me jeene lagta hu.
Nisha:- To iss me galat kya hai…Insaan ko past, present aur future teeno vakt me jeena chaahiye…Past se kuch sikhna chaahiye, future ko accha banane ke liye abhi se planning aur hard work karna chaahiye aur present me kuch pal ke liye ye baat bhula kar enjoy karna chaahiye.
Nisha ki baat par Atul thoda muskura kar usse dekhta hai aur kehta hai.
Atul:- Bahut samajhdaar ho.
Nisha:- Wo to bacchpan se hi hu.
Nisha ki iss baat par fir dono hasne lagte hai.
Achanak Atul kuch kahe bina aage chalta hai…Nisha kuch nahi kehti bas usse hairaani se dekhti rehti hai.
Atul aage chal kar pop corn ki 2 packets le kar aata hai.
Atul:- Chalo khaate hue dekhte hai baaki ki jaanwaro ko.
Nisha bhi 1 packet leti hai aur Atul ke saath aage badhti hai.
Nisha:- Kitna accha lag raha hai na ye tour.
Atul:- Ha…Itne me hi bahut adventures kar liya hai…Aage ka bhi soch liya hai…Sir se request karunga bunjee jumping ka.
Nisha:- Bunjee jumping?
Nisha ne chaunk kar kaha.
Atul:- Ha bunjee jumping…Lekin iss me itna chaunkne ki kya baat hai?
Nisha:- Tumhe dar nahi lagta?
Atul:- Agar lagta to sir se request karne ki baat sochta bhi nahi.
Nisha:- Kabhi try kiya hai?
Atul:- Nahi…Mauka hi nahi mila…First time karne ka soch raha hu…Rafting to kar nahi paaya…Lekin bunjee jumping ke liye jarur manaunga sir ko.
Nisha:- Sach me dar nahi lag raha hai tumhe?
Nisha ki baato me kuch ghabraahat aur kuch fikar tha.
Atul:- Abhi tak to nahi…Agar waha par laga to Mountain Dew pi kar jump karunga…Wo kehte hai na dar ke aage jeet hai.
Atul ka iss bakwaas jokes par Nisha ko bilkul bhi hasi nahi aaya…Wo bas Atul ko fikar ke saath hi dekhti rahi.
Atul:- Sach kahu to thoda thoda dar lag raha hai…Lekin ye bhi jaanta hu ki kuch nahi hoga…Itna confidence hai khud par…Aur ek naya experience me jo maja milne wala hai issi baat ko soch kar dar ko side me rakh kar enjoy karne ki soch raha hu.
Atul ki iss baat par kuch der sochne ke baad Nisha ne socha Agar Atul confidence aur itna hi utshuk hai to usse kuch nahi hoga.
Fir dono aise hi baatein karke aage badhte rahe…Dheere dheere dono ke bich fir hasi majaak suru ho gaya.
Abb dono caged animal se baahar nikal kar field ki taraf jaane lage.
Field me sabse pehla dono ne dekha Deer ko.
Deer bhi jaali ke paas hi tha.
Nisha ne apne haath me kuch pop corn le kar haath ko aage badhaya.
Achanak Atul thoda ghabra kar Nisha ka haath picche khinch leta hai.
Nisha:- Kya hua?
Atul:- Paagal ho kya…Ye rule ke khilaaf hai…Agar security ne dekh liya to acchi khaasi punishment mil jaayega.
Nisha fir aas paas dekhti hai aur Atul se kehti hai.
Nisha:- Koi nahi hai.
Atul:- Lekin ye to rule ke khilaaf hai na.
Nisha:- Kuch galat nahi kar rahi hu…Aur galat intention bhi nahi hai…Mai to bechaare ko pop corn khilaa rahi hu…Tum bhi try karo…Dekhna kitna maja aayega.
Fir Nisha haath aage badhaa deti hai…Iss baar Atul bhi kuch nahi kehta...Kuch hi der me wo deer Nisha ke paas aa kar pop corn khaane lagta hai.
Atul bhi dono ko dekh raha tha…Nisha ki face me khushi dekh kar Atul bhi muskuraane lagta hai.
Aur fir wo bhi apne pop corn haath me le kar haath aage badha deta hai.
Nisha:- Kyu Mr. Abb aap rule violate nahi kar rahe hai kya?
Nisha ne muskura kar pucha.
Atul:- Wo to kar raha hu…Lekin iss deer ke faaidaa ke liye aur isse koi harm bhi nahi hoga…Medical ethics me isse Beneficence kehte hai.
Nisha:- Sidha sidha kaho tum ye apne liye kar rahe ho.
Atul:- Wo bhi hai…Dekhna chaahta hu kaisa feel hota hai deer ko pop corn khilaane se.
Fir wo deer Atul ke paas chala jaata hai aur Atul ke haath se pop corn khaane lagta hai…Suru me to Atul ko majaa aa raha tha lekin achanak hi Deer ka daant Atul ke 2 ungli ke beech me aa jaata hai aur thoda sa dard ke saath Atul haath baahar nikaal leta hai.
Atul:- Ouch.
Nisha bhi jaldi Atul ke paas jaati hai aur uska haath pakad leti hai.
Nisha:- Kahi khun to nahi nikal raha hai.
Itna keh kar Nisha Atul ki ungli chusne hi wali thi ki Atul apna haath jaldi se khimch leta hai.
Atul:- Ye kya kar rahi ho…Bas thoda dard hua tha aur jyada khun bhi nahi nikal raha hai…Dawa laga lunga lekin tum iss ungli ko chusne jaa rahi thi
.Atul ki baat sunne ke baad Nisha ko ehsas hua sach me wo bewkufi hi karne jaa rahi thi…Deer ka thuk.
Usne apne man me socha.
Nisha:- (In her mind) Ye pyar bhi na…Pata nahi aage kya kya karwaayega.
Nisha:- Jyada dard to nahi hai na.
Atul:- Nahi…Bas kuch der ke liye hua tha tabhi…Abb thik hai.
Atul:- Mai to kisi ka bhi juth nahi khaata…Lekin tum deer ka…Soch kar hi ajeeb lagta hai.
Nisha:- Agar tumhaare medical language me kahu to ye reflex action tha samjhe…Tumhe dost maanti hu aur tumhaara thoda fikar kya kiya…Tum to…
Fir Nisha chup ho jaati hai munh fulaa leti hai.
Atul:- Sorry…Mera intention nahi tha tumhe hurt karne ka…Maine bhi to tumhaara fikar karte hue kaha hai…Agar ungli tumhaara munh me chala jaata to blood ke saath infection bhi…Agar deer me koi disease hota to uska saliva se tum me bhi transmit ho sakta tha.
Atul ki iss baat par bhi Nisha kuch nahi boli…Lekin kuch der baad uske dimaag me ek baat aaya.
Nisha:- Kya kaha tumne? Aaj tak kisi ka juth nahi khaaya hai?
Atul:- Bachpan me khaata tha…Lekin jab se samajhdaar hua hu tab se nahi…Bahut awkward lagta hai.
Nisha:- Matlab aaj tak kisi ko kiss bhi nahi kiya hai?
Nisha ki iss baat par dono hi chaunk gaye…Nisha ko bhi kuch samajh me nahi aa raha tha usne kya keh diya.
Nisha:- Paagal ho gayi hu…Pata nahi kya puch diya…Sorry.
[Note:- Friends Xossip ka Update 47 and 48 abhi nahi likhunga. Unn updates me story ko kaafi aage badha kar romantic update likha tha. Wo updates baad me aayega with continuous flow.]
- 5,758
- 13,139
- 189
- 5,758
- 13,139
- 189
NOVA SHARMA
Member
- 328
- 669
- 108