- 5,758
- 13,139
- 189
UPDATE 42
Next Day
Sabhi taiyaar ho kar fir chal pade agli safar ke liye…Aaj temple visit ka plan tha.
Atul:- Sir aap kisi gehri soch me lag rahe hai?
Dr. Rahul:- Abhi bhi tum dono ko observe kar raha hu…Mujhe nahi lagta tum dono puri tarah se fit ho…Abhi bhi kuch rest ki jarurat hai.
Atul:- Nahi sir…Mai to puri tarah se fit hu…Kal dopahar se raat bhar rest hi to kiya hai…Ha lekin Nisha ke baare me mai sure nahi hu.
Atul ki baat sunne ke baad Rahul sir Nisha ki taraf dekhte hai…Nisha bhi ek dum se bolti hai.
Nisha:- Mai bhi thik hu…Aur mujhe bhi rest ki jarurat nahi.
Itna keh kar Nisha Atul ko ghurne lagti hai.
Dr. Rahul:- (To Atul) Mujhe to abhi bhi tujh par hi shak ho raha hai…Jis tarah se tu chal raha hai.
Atul:- Sir chhodiye na iss topic ko…Aage tour ke baare me sochte hai.
Dr. Rahul:- Matlab…
Atul:- Matlab aap kuch had tak sahi hai…Lekin itna bhi thakaan nahi hai ki bed rest lena pade…Sir kuch hi din ka hi to tour hai…Agar rest le liya to aisa mauka fir nahi milega…Waise bhi koi serious case to nahi hai…1-2 din me full recovery bhi ho jaayega.
Rahul sir thodi der sochne ke baad.
Dr. Rahul:- Accha thik hai…Aaj jyada chalne firne wali jagah par nahi jaayenge.
Atul:- Thanks sir.
Fir sabhi kuch der me temple me pahunch jaate hai.
Dr. Rahul:- Jaao…Acche se puri mandir ghum aao aur andar bhagwaan ka darshan bhi kar lo…Aur koi iccha aur dua ho to wo bhi maang lena.
Ajay:- Sir aap?
Dr. Rahul:- Juniors first.
Rahul sir ki iss baat par sabhi hasne lage.
Anjali:- Accha hua sir aapne ladies first nahi kaha.
Anjali ki iss baat par sabhi Atul aur Ajay par hasne lagte hai.
Atul:- Tu manhus hi rahega…Jab bhi apna munh kholta hai mera bhi beijjati karwa deta hai.
Ajay:- Bhai tu to mujhe support kar…Sab mere khilaaf ho gaye aur tu hai ki mera hi maja le raha hai.
Atul:- Jis din tere sar se ye manhusiyat ka chhaya chala jaayega uss din tera support karunga…Abb chal andar darshan karte hai…Aur apne liye dua bhi maang lena bhagwaan se ki ye manhusiyat tere sar se hat jaaye.
Ajay:- Tu hi mera sabse bada dushman hai.
Ajay waha se chala gaya aur Atul uss par hansta raha.
Nisha:- Tumhe aisa nahi bolna chaahiye tha…Shaayad iss baar Ajay sach me hurt ho gaya hai.
Atul:- 2 saal se jaanta hu iss bewkuf ko…Overacting me isse koi nahi hara sakta…Dekhna 10 minute se jyada naraaj nahi reh paayega…Mera dost hai aise kaise naraaj ho jaayega.
Atul ki baat sun kar Ajay bhi picche muda aur Atul ko dekh kar thoda hansa aur fir aage chala gaya.
Atul:- Dekha…10 second bhi naarajgi ka overacting nahi kar paaya.
Kajal:- Bahut gehri dosti hai tum dono ka.
Atul:- Wo to hai aur hamesha rahega.
Atul ne muskura kar kaha fir sab andar chale gaye darshan karne.
Waapas aane ke baad.
Anjali:- Tum sab ne kya kya wish maanga?
Nisha:- (In her mind) Jyada kuch nahi…Sirf itna ki mere aur mere apno ki jindagi me aise hi khushiyan rahe…Aur Atul ko bhi thoda akal aa jaaye.
Lekin usne kisi ko bataya nahi.
Anjali:- Nisha…Bata na?
Nisha:- Nahi…Secret hai ye.
Anjali:- Secret to baaki sab ke liye hai…Waise mai jaanti hu ki tune kya maanga hai?
Nisha:- Tu to kuch jyada hi jaanti hai aur sochti hai.
Anjali:- Aur Kajal tumne?
Kajal:- Mera bhi secret hai.
Atul:- Pata nahi aisa kya secret wish hai jo dosto ko bhi share nahi karti tum log.
Kajal:- Utna bhi secret nahi hai…Sahi vakt aane par bataaungi.
Kajal ki iss baat ne Nisha ko fir sochne par majbur kar diya…Aakhir usne kya maanga aur Atul ko kyu batana chaahti hai? Aur kaun sa sahi vakt?
Nisha:- Anjali tu bhi bata de apna wish jab tu sab se pucch hi rahi hai?
Anjali:- Maine kuch nahi maanga…Kyu ki mujhe pata hai jo mai maangne wali hu wo bina maange hi milne wala hai.
Ajay:- Aisa kya maangne wali thi tum aur kya milne wala hai?
Ajay thoda utshuk ho kar bola.
Anjali:- Ye bhi secret hai.
Ajay:- Ek aur secret.
Ajay ne iss tarah se kaha jaise wo secret shabd sun kar pak gaya hai.
Ajay:- (To Atul) Yaar deewar kaha hai…Sar fodna hai mujhe.
Atul:- Deewar kyu…Saamne dekh ek coconut hai…Ussi se apna sar fod le…Jyada dur jaana bhi nahi padega.
Ajay:- Tujhse to kuch puchna hi bekaar hai.
Ajay ki iss haalat par sabhi hasne lage.
Anjali:- Accha Ajay to tum hi bata do tumne kya wish maanga?
Ajay:- Ye baat mai apni jubaan se nahi bata sakta…Ye mujhe karke dikhaana hoga…Ha thoda himmat chaahiye lekin karna hi padega…Jindagi aur maut ki sawaal hai.
Ajay ki ye baat Kajal aur Rahul sir ki alawa sabhi samajh gaye aur Ajay par aur jor se hasne lage.
Kajal:- Ye kya bol rahe ho…Kuch bhi samajh me nahi aa raha hai.
Atul:- Samajh to tab aayega jab ye dhang ki baat karega…Dimaagi santulan (balance) hil gaya hai iska…Jald hi Psychiatry ward me admit karna padega isse.
Atul ki baat par iss baar Ajay ne thoda gusse ke saath dekha…Iss baar Atul samajh gaya ki usse aisa bolna nahi chaahiye tha…Wo chup ho gaya.
Anjali:- Aur Atul tumne?
Iss baar Ajay ko mauka mil gaya…Atul kuch bolta usse pehle wo shuru ho gaya.
Ajay:- Sirf ek hi baat maang sakta hai ye…Topper banna hai isko…Jarur ye hi maanga hoga isne…Padhaai ke alawa koi wish maangta bhi nahi hai ye…Kitaabi kida hai ye.
Ajay ki baat sun kar sabhi Atul ko dekhne lage.
Atul:- (With little smile) Bahut galat samajh liya tune…Koi interest nahi hai mujhe topper banne me aur kisi dusre se ladne me…Mai sirf khud se hi ladunga aur koshish karunga sirf khud se jeetne ki.
Agar maine khud se jeet liya matlab maine abhi tak ka saara content aur chapter acche se padh liya…Abb preparation puri tarah se kar lunga aur sabhi question ka answer de dunga to mujhe koi afsos nahi rahega…Aur koi aur mujhe hara deta hai to bhi koi dukh nahi rahega…Kyu ki wo uska level alag hai intelligence aur hard work ka…Agar mai apne level tak bhi pahunch paaya to mujhe bahut khushi hoga.
Aur yaar aaj kal baccha bhi to nahi rahe jo dusro se ladte hi rahe…Aur apni jeet me hi khushiyan dhundte rahe…Abb mera sabse bada khushi hai self satisfaction.
Ek baat aur…Ham yaha apne liye padhne aaye hai naa ki kisi se competition karne…Competition entrance exam tak hi tha…Abb yaha se sirf apne liye padhaai.
Atul ki baato se sabhi usse dekh kar muskuraane lage…Rahul sir bhi.
Ajay:- Baat to tera sahi hai…Lekin bas ek request hai…Uss Ravi se mat haarna…Pehle hi uss par bahut gussa aa raha hai…Aage aur bardaast nahi kar paaunga.
Ajay ki baato me Ravi ke liye bahut nafrat tha.
Atul:- Chhod yaar uski baatein…Agar jeet bhi liya usne to do chaar din khus hoga…Aur ham matlab nahi denge to do chaar din me hi shaant ho jaayega.
Ajay ne kuch nahi kaha…Lekin gussa abhi bhi uske chehre me dikh raha tha Ravi ke liye.
Kajal:- Tumne to apna wish bataya hi nahi.
Atul:- Jyada kuch nahi maanga…Sirf itna ki negativity aur distraction se dur rahu…Aur apne padhaai aur friends ke saath time spend me hi concentrate karu.
Atul ne muskura kar kaha.
Atul:- Aur sir aapne?
Dr. Rahul:- Kuch nahi…Abhi aisi kisi cheej ki jarurat bhi nahi hai…Sab thik thaak hai life me…Bas darshan kar ke aa gaya.
Ajay:- Sir aap to keh rahe the aap single hai…Iss baare me kuch nahi maanga?
Dr. Rahul:- Iss me bhagwan ko kyu taklif du…Maa ko bol diya to ladkiyon ki line lag jaayega.
Rahul sir ki baat par sabhi hasne lage.
Nisha:- Maa aur Papa bhi to bhagwan ka hi roop hai.
Dr. Rahul:- Bilkul sahi.
Fir sabhi kuch der baatein karne lage…Karib aadha ghanta baad.
Ajay:- Sir abb kaha jaayenge?
Dr. Rahul:- Abhi itni kaldi?
Ajay:- Sir mandir ghum chuke hai aur andar darshan bhi kar liya.
Dr. Rahl:- Pujari ji se baat kiya.
Ajay:- Uski kya jarurat?
Dr. Rahul:- Kyu jarurat nahi hai? Unse jyada iss mandir ke baare me kaun jaanta hai?…Bhulo mat tum sab time pass ke liye tour me nahi aaye ho.
Technical study ke alawa behavior me bhi kuch change aaye aur kuch extra baatein sikh sako iss liye tour rakha hai aisi jagahon par.
Warna bar ya pub me hi arrange ho jaata jaha sirf time pass hi karte.
Nisha:- Ha sir…Sahi kaha…Agar yaha aaye hai to kuch sikh kar jaane me bahut faaidaa hai…Pata nahi fir aisi mauka kab mile.
Dr. Rahul:- Ek baat aur…Baad me tum sab mujhe ek report likh kar doge…Har visit ka…Forest, Temple, River side, Zoo aur bhi jagah jaha ham sab jaayenge…Report me tumhaara yaha ka experience, observation, learning, interview ka finding ke baare me likhoge.
Rahul sir itna keh kar sabhi ko dekhne lage…Fir unhone kaha.
Dr. Rahul:- Shaayad tum sab ko pasand nahi aaya…Koi baat nahi…Compulsory bhi nahi hai.
Maine to sirf iss liye kaha tha kyu ki tum sab ko ghumne ke saath kuch jaane ko aur sikhne ko bhi mil jaata…Interview ke vakt logo se baatein karna sikh jaate, unka experience jaan sakte the…Iss jagah ke baare me jaan sakte the yaha ka logo ka rehne ke tarika, culture, language aur bahut kuch...Aur jab bhi report dekhte tumhe inn pal ka yaad aata.
Aur jo kuch bhi sikhte usko report me likhte…Aur tumhara report se pata chalta tumhaare knowledge aur information ko tum sab kis tarah shabd ka roop de sakte ho…Short and sweet writing skill dikha sakte the.
Ye sab vyabharik gyan hai…College ki padhaai se koi relation nahi hai iska…Lekin life long bahut important hai…Kisi se baatein karna, observation and research karna ye sab jindagi bhar tum sabhi ke saath rahega.
Medical college me aa chuke ho tum sab to 5 saal baad doctor ban kar nikal hi jaaoge…Yaha sirf technical study hi padhaai hoga…Vyabaharik gyan tum sab ko khud hi sikhna hoga…Isse koi nahi sikha sakta hai tum sab ko…Khud se sikhna padega tum sab ko…Observation, Research aur sirf Interest se hi possible hai.
Ye baat ek doctor hone ki naate keh raha hu…Sirf knowledge aur technique hi nahi perfect doctor banne ke liye bahut kuch jaruri hai...Jaise ki patient ka achce se counseling karna, unka dard ko samajhna, unki baatein sunna aur acche se apni baatein unhe samjhana...Ye vyabharik gyan hai ki ham kaise apne patient ka khayal rakhte hai...Bhale hi tumhe sab kuch aata ho rog aur dawaai ke baare me...Mentally, socially aur spiritually bhi treat karna padta hai patient ko.
Agar patient se acche se baat na kar sake to bahut se rog ke baare me pata hi nahi chalega aur jab tum sab unhe unke rog aur dawaai ke baare me samjha nahi sakoge to wo galat dose lega aur kuch bhi complication hua to tumhaara dosh hoga...Wo patient ye baatein failaayega ki tumhe kuch nahi aata...Na hi kuch knowledge aur naa hi baat karne ki tameez.
Ajse me koi bhi knowledge tumhaare kaam nahi aayega...Knowledge hona chahiye doctor me aur saath me vyabhaaharik gyan bhi.
Agar fir bhi tum sab ko ye bojh lagta hai to koi jarurat nahi hai…Tour enjoy karne aaye ho jaisa sahi lage waise karo.
Itna keh kar Rahul sir chup ho gaye.
Atul:- Sorry sir…Pehle iss nazariye se socha nahi tha…Aisa laga report likhna boring aur headache hai…Lekin aapki baato se pata chala bahut kuch sikhne ko bhi milega…Aur ye sab hamaare faaidaa ke liye hi hai.
Agar tour ko enjoy karne ke saath saath kuch sikhne ko bhi milega to wo bahut faaidaa ki baat hai.
And hamaara jindagi bhi to ek kitaab hi hai…Har pal kuch naya baatein sikhne ko milta hai…Iss se ham dur bhaag to nahi sakte…Fir aaj kyu?
Fir Atul ne apne sabhi dosto ki taraf dekha…Abb sab usse sehmat thhe.
Aur sabhi chale gaye aage pujari ji ka interview lene…Aur picche Rahul sir thodi muskaan ke saath sabhi ko dekhte rahe.