- 5,758
- 13,139
- 189
UPDATE 21
Atul ke room se Shreya ka ghar karib 5 minute ke hi duri par tha…Emergency condition hone ki vajah se Atul 2 minute me hi pahunch gaya.
Knock karne ke kuch hi der baad gate khul gaya…Ghar ke andar jaane ke baad Atul ne dekha ki Shreya ki ghar ki sabhi sadasya hall me hi baithe the.
Fir uska najar Neha par pada…Ek chhoti si bacchi jo apne Maa ki god me baithi thi aur bahut dard hone ki vajah se ro rahi thi…Usko dekh kar aisa lag raha tha ki wo bahut der se ro rahi hai.
Wo kuch soch hi raha tha ki Neha ki Maa hi Atul ke paas aa gayi aur boli.
Neha ki Maa (Shreya ki Bhabhi):- Dekho na Atul…1 ghante se ro rahi hai…Pata nahi kya ho gaya hai isse…Acche se chal bhi nahi paa rahi hai.
Neha ki Maa ki baato se hi Atul samajh gaya ki hua kya hai.
Atul:- Samajh gaya…Bhabhi chinta mat kijiye…Dawaai likh raha hu use khila dijiye…Thoda vakt baad thik ho jaayega.
Fir Atul Dawaai likh kar Shreya ki Papa ko deta hai.
Atul:- Uncle ye lijiye…Kisi se mangwa lijiye ye dawaai.
Shreya ki Papa ghar ke ek naukar ko dawaai lene ke liye bhej dete hai aur saath hi dawaai ki dukaan wala (Pharmacist) ko phone kar ke saari baat bata dete hai.
Shreya ki Papa ki gaanw me achi jaan pehchaan tha iss liye koi mushibat nahi hua…Itni raat me bhi naukar 15 minute me hi dawaai le aaya.
Fir Atul ne Neha ki Maa ko dawaai ka dose acche se samjha diya.
Neha’s Mom:- Tumhe itni raat ko taklif diya uske liye maafi chaahti hu…Lekin kya karu Neha itna ro rahi thi ki dar lag raha tha ki isse kuch ho na jaaye.
Neha ki Maa ki aawaj me khushi thi ki Neha jald thik ho jaayegi…Itna yakin to Atul ki baat se unhe ho gaya tha.
Atul:- Nahi Bhabhi isme taklif ki koi baat hi nahi hai…Ye to mera farz tha…Aur iss baar to galti bhi mera hi hai.
Neha’s Mom:- Tumhari galti? Lekin kaise?
Atul:- Dopahar me jab maine Neha ko injection lagaya tha tab uss vakt mujhe muscle me injection lagana tha…Lekin galti se nerve me lag gaya…Aur issi vajah se kamar se Neha ko pair me dard mehsus ho raha hai.
Aise to ye galti nahi hona chaahiye tha lekin kal ek aur emergency condition tha issi vajah se jaldbaazi me ye galti ho gaya...Iske liye maafi chaahta hu.
Atul ne sach me sharminda ho kar kaha…Abhi usse khud par hi gussa aa raha tha ki uska chhoti si galti ki vajah se Neha ko itna taklif hua.
Neha’s mom:- Koi baat nahi Atul…Shaayad mai hi Neha ko galat vakt par le kar aa gayi injection lagwaane ke liye…Jab tum free rehte tab le kar aana chaahiye tha.
Shreya’s Dad:- Atul isme sharminda hone ki koi baat nahi hai…Ho jaata hai kabhi kabhi aisa.
Waise bhi tum itni raat ko itni jaldi yaha aa gaye wohi bahut bada baat hai…Waise bhi medical field me chhoti chhoti galti to hota rehta hai…Lekin doctor usko kis tarah se lete hai wo badi baat hai…Agar tum chaahte to isse chhupa bhi sakte the lekin tumne apni galti maan kar sab kuch bata diya…Ye saabit karta hai ki tum me ek acche doctor ki hare k kaabiliyat hai.
Gyan aur kala (Knowledge and technique) ke alawa bhi tum me insaaniyat bhi hai…Yahi dikhaata hai ki tum kitna accha doctor hai,
Tumhaara iss gaanw me aane ke baad iss gaanw ka naksha hi badal gaya swasthya (health) me…Hospital me tum pehla doctor ho jo niswarth bhaaw se kaam karte ho aur wo bhi imaandaari se…Gaanw me sabhi ko swasthya ke baare me jaagruk karne me bhi tumne bahut mehnat kiya hai…Tumhaare aane ke baad yaha bahut rog (disease) me bhi bahut kami aaya hai aur saath hi bahut rog ka ilaaj bhi acche se milne laga hai.
Beta gaanw ka kismet hi kehna padega ki tum jaise doctor yaha ho warna koi MD karne ke baad gaanw ki taraf dekhta vhi nahi hai…Sab seher me jaake settle ho jaate hai.
Bas itna kahunga ki itni chhoti chhoti baato me sharminda mat hoo.
Shreya ki Papa ki baat se Atul ko thoda sukoon mila…Usse lag raha tha ki kahi use sab naraaj na ho jaaye...Saath me Atul ki ye taarif Shreya ko bhi bahut accha lag raha tha.
Atul:- Nahi uncle…Ye sab to mera farz hai iss liye imaandaari se apna kaam kar raha hu…Aur rahi baat gaanw me rehne ki to wo mera sapna tha MBBS padhne se pehle hi.
Pehle hi socha tha jarurat mand logon ki sewa karunga…Seher me to doctor ki kami nahi hai issi liye gaanw me aa gaya…Aur mera makshad sirf paisa kamaane ka nahi hai…Logo ka ilaaj kar ke unke kaam aa saku yahi abb mera jindagi ka makshad hai.
(In his mind) Isse jyada koi sapna bhi nahi hai mera jindagi me.
Ye aakhiri baat uske dimaag me aate hi Atul ko fir puraani baatein yaad aa gaya…Pehle neend ka nasha aura bb fir puraani baatein yaad aane se Atul waha uncomfortable feel kar raha tha.
Atul:- Uncle abb ijaajat dijiye…Kal subah utth kar clinic me bhi jaana padega aur bhabhi agar Neha ka dard fir bhi thik nahi hua to kisi bhi vakt fir se bula lijiye…Aa jaaunga.
Fir Atul waha se apne room me aa jaata hai…Iss baar use bahut jor se neend lag raha tha to wo gehri neend me soo jaata hai.
Next Morning at 10 am
Aaj Sunday me Atul apne clinic me hi baitha tha…Koi patient nahi tha iss vakt to Atul abhi aise hi khaali baitha tha.
Kuch hi der me Shreya waha aati hai.
Shreya:- Hi Doctor.
Shreya ne muskuraate hue wish kiya.
Atul:- Hi.
Atul ne bhi chehre me thoda sa muskaan laa kar kaha.
Atul:- Abb Neha kaisi hai?
Shreya:- Abb thik hai…Lekin tum bahut serious lag rahe ho.
Atul:- Uski haal chaal jaane ke liye tumhaara ghar aane hi wala tha…Kal galti mera hi tha issi vajah se bura lag raha hai…Aisi chhoti si galti ka bhi khayal nahi rakh paaya mai khud par hi gussa aa raha hai.
Shreya:- Kya tum bhi wo hi baat le kar baith gaye ho…Insaan hai ham sab…Ho jaata hai kabhi kabhi aisi galtiyan…Aur galti se hi to ham sab sikhte hai.
Atul ko Shreya ki iss baat ne fir se apne past ke baare me sochne par majbur kar diya…Galti se sikhne wali baat…Yahi ek baat to tha Atul aur Nisha ki pyar ki surwat ka.
Shreya:- Mai jaanti hu…Tumhaara galti ki vajah emergency case nahi kuch aur tha.
Atul ko chup dekh kar Shreya ne kaha…Shreya ki iss baat se Atul bhi hairaan ho gaya.
Atul:- Kuch aur tha? Kya?
Shreya:- Jarur Nisha di ki yaad aa gaya hoga tumhe aur be khayaali me tumne galat jagah par injection laga diya.
Shreya ne to hanste hue majaak me kahi thi ye baat…Lekin iss baat se Atul ko achanak hi gussa aa gaya.
Atul:- Pata nahi tum majaak me keh rahi ho ya tumhe aisa hi lagta hai…Lekin please tum aage se aisi baat kabhi mat kehna.
Mai pyar aur jimmedaari ko alag alag rakhta hu…Iss baat ka khayal bhi rakhta hu ki pyar kabhi mera jimmedaari par asar na daale.
Agar pyar hi sab kuch hota mere liye to mai abhi yaha doctor nahi koi awaara , paagal ya drug addict hota…Mai apna duty sincerely karta hu aur koi aise iljaam lagaye ye mujhe bilkul bhi pasand nahi.
Atul ne bahut gusse me kaha…Ek to Nisha aur apna adhura pyar ka dard aur upar se kisi ka uske jimmedaari par aisa aarop lagana…Atul se bardast nahi hua iss baar.
Shreya ko bhi laga ki usne ye majaak kar ke galti kar diya…Pehli baar usne Atul ka gussa dekha tha wo bhi khud ke liye…Usne to ye soch kar majaak kiya tha ki Atul ko issi bahaane wo hansa kar uska mood fresh karegi…Lekin yaha to thik ulta ho gaya.
Atul:- Sorry…Shaayad mai kuch jyada hi gussa ho gaya…Bas ye request hai ki mere pyar aur duty ke baare me kabhi majaak mat karo…Warna dosto ke liye kuch bhi hansi majaak kar sakta hu.
