• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy Immortals

Ristrcted

Now I am become Death, the destroyer of worlds
Staff member
Moderator
38,998
34,989
304
 
Last edited:

Ajay

Well-Known Member
6,895
33,102
218
UPDATE - 102

Agle din waisa kuch nahi hua........matlab sab shant sa hi tha.......hamare hisab se to shant hi tha...........

Haa Rian apni bahen ko sab samjha raha tha ki kya kuch hua tha......aur wo kaise mujhse milla.......isko leke uski bahen ne usko bahut kuch bola.....aakhir Rian ne niyam todde the......par phir wo baat wahi pe dabba di gayi......aur Rian ki bahen ne usse bola ki usko jald se jald Earth pe jaana hai.......uske saath

Pata nahi wo saath mein kyun jaana chahti thi......wo khud ek immortal thi.....uska bas challe to wo abhi Earth pe aa jaati aur Prateek ki acchi khassi dhulai kar jaati......

Haa aur saath mein....Daksh ne ghar ke baare mein sab dekh liya tha.....matlab ab ghar kharida jaa chukka tha Madhu ke liye.......aur agle din usko waha jaana tha......baaki jo bhi papers the.....wo sab bhi ban chukke the.......admission ki baatein shuru ho chukki thi par wo kal hone wali thi aur uske liye Madhu ko bhi jaana tha......wahi mera admission.....haa maine bhi karwa liya tha.......wo ho chukka tha......hamari alag hi pahchan thi insano ke bich to uska fayda milla thoda bahut.....

Aashram se ab Leemo wapas jaa chukka tha.......DB ne usko bhi wahi baat samjhai......wahi ki uski bhanji ab waha ki Rani banne wali hai.....aur bas wahi sab kuch dekhegi........

Leemo ko pahle to kuch samajh hi nahi aaya.......usne ek pal ko kuch aur hi soch liya tha......par DB ne bataya ki wo ab wapas se uss jagah tab tak nahi jaayega jab tak uski jarurat naa ho.......haa bas ek baar wo kuch din baad waha aane wala tha......uss bimari ko puri tarah se khatam karne ke liye.....jo sayad us mukut ke heere ke gayab hone se hua tha......par DB ko usse pahle kahi aur bhi jaana tha......

Leemo bada confuse sa waha se nikal gaya......wo chah ke bhi yaha nahi rah sakta tha.......wo ek secret organization ka head tha.....jiska kaam Rajgaddi ki hifazat karna tha......ab agar wo jyada waqt yaha rahta to khatre ke chances badh jaate.......

DB ne iss dauraan Leader ko bhi aur pareshan kar rakha tha.....wo usko ajeeb ajeeb se situations imagine karne ko kahta tha.......jisse wo pareshan ho jaata........par antt mein Leader khush ho jaata tha....

DB uske dimmag mein naye naye sapne bhar raha tha.......aise sapne jaha uska ek pariwar tha......aur wo uske saath tha.....wo kisi ka gulam nahi baccha tha.......haa par iski bahut badi kimat bhi deni padi thi usko.......uski saari shaktiyan saari ki saari Fumos ko wapas mil gayi thi.....aur ab wo koi magical creature nahi balki ek aam se insan ki tarah ban gaya tha.......

Haa ek aur cheez hui thi......Aashram sabke nazar mein aa gaya tha.......Head office ho yaa bahar se Dark power ki talash mein aaye hue log ho......wo sab ke sab ab aashram ke baare mein pata kar rahe the.......Dark world walo ko chodd ke kyunki unko unki mazil saaf saaf dikhai de rahi thi..... :sigh: Chachi.....haa wo abhi tak Chachi ko hi samajh rahe the Dark power wali......aur ab wo unpe nazar rakhe hue the......ye unke liye bahut muskil tha......

Baaki manager ke baare mein kya kahe......unko pata chala tha ki kal raat mein unke yaha kuch log aaye the......to wo sab waha ka sab chod ke nikal gaye.....Manager ko apne pariwar ki bahu chinta thi.....to wo unn sabhi ko leke apne ek dost ke yaha chala gaya......paas hi mein rahta tha wo.....bade log the......wo MLA unpe haath daalne se pahle 2-3 baar to jarur sochta......

MLA ki baat aayi hai to sunne mein aaya tha usko bukhar aa gaya tha darr ke maare......

Next day......

Yaha subah hui.......aur Mujhe pata chala ki Madhu aaj nikalne wali hai.....

Ab wo phool thi to Main bhawra......jaha w jaati waha jaana hi tha mujhe.....to Maine bhi taiyaari shuru kar di......waise to sab complete hi tha....yaha tak ki saaman bhi pahucha hua tha Hotel mein pahle se......taiyaar hone ko mujhe bas nahana tha aur Car leke hotel ko chale jaana tha.......wo to sabhi aa gaye the waha pe iss wajah se.......Dada - Dadi wapas aa chukke the.....wo pata nahi kiss jagah gaye hue the.....pichli baar bhi jab wo gayab hue the aur maine unki talash mein Jwala aur old owl ko bheja to mujhe ye pata nahi chala tha wo kaha pe rukke hue the.....wo kisi jagah se aa rahe the tab mujhe pata chala tha uss jagah ke baare mein pata nahi tha mujhe......

Khair bas wo hi nahi aaye the......Nana - Nani bhi aaye hue the......aur School tha par koi gaya nahi tha waha......to sab ke sab mujhe chodne jaane wale the......

Ye sab bada hi ajeeb tha.....main kahi durr nahi jaa raha tha.....aur sayad Main roj yaha wapas aa bhi sakta tha......par khair.....ab ye sab to ye log hi jaane......

Jab Main nikalne wala tha ussi waqt waha pe Leader ko leke DB aa gaya.......mujhe laga ab aur bhi waqt lagne wala hai.......

DB - Prateek yaar mujhe tumse kuch baat karni thi......

Mujhe pata nahi tha ye kiss baare mein baat karne wala hai......waise mujhe iski baat sunne ka mann bilkul nahi tha......Main bas ab janna chahta tha.....par

Main - Haa DB bolo.....

Usne Leader ki taraf dekha......aur mujhe apne saath aane ko kaha......ek pal ko mujhe laga sayad wo Nikita ke baare mein baat karne wala hai.....Main sabhi ko waha chod ke dusre taraf jaane lag gaya.......

Hum waha pahuche.......par maine ye nahi socha tha leader puchega kya baat hai.....Mujhe laga wo aur DB saath hai to usko pata hoga ye kya bolne wala hai/......par ye DB ye sach mein bahut jyada random ho gaya tha kab kya kare pata hi nahi......

DB - Main kuch waqt ke liye aashram se bahar jaa raha hu.......Kya tum.....uss jagah pe bhi nazar rakh sakte ho......

Main chauk gaya......wo kaha bahar jaa raha hoga......par maine puccha nahi......pata tha wo khud se batayega.....

Main - Hmm theek hai.....par waha pe to pahle se hi log hai.....

DB - log hai....par jo aa sakte hai wo unn sab se bahut takatwar hai.......Upar se abhi Jalphool sahi se nahi ugga hai......tumhe uss jagah ko bhi dekhna hoga......main jyada waqt nahi lunga.....par phir bhi.....Fumos jaise jagah pe waqt lagna laazmi hai......

Main - tum Fumos jaa rahe ho.....par kyun......

DB ne Leader ki oor dekha......

DB - Bas ek dost ka kaam hai......aur waise bhi mujhe meri chizz wahi pe milne wali hai.......

Main - Tum uss jagah ko nahi jaante.....aur waha pe khatra ho sakta hai tumhe......tum...

Leader - haa sahi kaha......Fumos ko apna naya Leader mill chukka hai.....agar wo taiyaar ho jaata hai to.....aur maan lo nahi bhi hua to tumhe mujhse ladna hoga......Main nahi chahta ki tumhe kuch ho......

DB - Mujhe kuch nahi hoga.....aur tumhe mujhse nahi khud se ladna hoga.....Prateek bas tum kuch din iss jagah ko dekh lena.....Main waha pe sab sambhal lunga....

Main - Tum samajh nahi rahe......waha pe Slayer karke koi hai.......wo....uska sharir tum usse nahi lad sakte......

DB - Mujhe iske baare mein bhi baat karni hai.......tumhe waha aana hoga......kuch pal ke liye jab wo kamzor hoga......aur uss waqt....tum samajh rahe ho naa......

Main sach mein samajh nahi paa raha tha.......isko kaise pata ki Main wo.....kya ye Dhruv ke baare mein jaanta tha.....par ye mumkin hi nahi.......

Main - Dhruv kya ye tumhare baare mein.....

Dhruv - Nahi ye mumkin nahi hai......jab tak yaha pe koi immortal naa ho.....kisi ko iss baare mein kaise pata chalega.......immortals ko bhi aise nahi pata chalne wala ki Main aur aap ek saath hai......unhe bhi mehnat karni hogi.....

Main - Par ye aisi baatein kaise kar raha hai......

DB - Prateek Main tumhe waha aane ko jab bolu tum uss waqt waha aa jaana......

Main - hmm theek hai......tum kab nikal rahe ho......

DB ne ek baar wapas se Leader ki oor dekha.......

DB - Bas thoda kaam baaki hai......

Leader - Iss aashram ki raksha ke liye Main bhi kuch karna chahta hu.....

Usne apna haath aage hi kiya tha ki DB ne uska haath pakad liya......

DB - ye kisi aur ke liye hai.....usko hi saup dena....aur usse bol denge wo bhi dhyaan rakhe aashram ka......kya kahte ho......

Leader ne sayad kuch waqt tak iss baare mein socha....aur phir haa kah diya......

DB - Theek hai Prateek hum chalte hai humme kaam hai.....aur Main jaane se pahle tumse ek baar aur mil lunga....tum bhi jaao ab.....

Wo dono chale gaye.....main bhi waha se ajeeb sa muh banaye nikal gaya......

Wapas sabhi ke pass jaane ke kuch hi der baad hum cars se nikal liye hotel ki oor.......

Jyada waqt nahi laga hum sab ke sab waha pahuch gaye......

Madhu......wo apne naye ghar mein Daksh aur Pankaj ke saath jaldi hi aa gayi thi........usne apne ghar walo ke baare mein pata kiya tha......aur usko apni Maa ke saath saath apne Pita ke baare mein bhi pata chala tha.......uske pita......Principal the.....

Pahle hi bata deta hu ye wo insan nahi tha jisko students pass karana ke liye maarne ko aaye the........wo bhi family ka hi hai......par wo Madhu ke pita nahi the......

Madhu ne sab pata kiya tha.....uske Pita......pass ke saher ke collage ke dean the......unki acchi khasi pahchan thi......upar se unke pariwar ka naam wo bhi bada tha.........bada naam to khair uske Maa ke pariwar ka bhi tha......par abhi uske Pita pe hi chalte hai........

Ussi collage mein to admission hui thi Madhu ki.....aur meri bhi......aaj Madhu apne Pita se milne wali thi......ek to ye special admission tha.....upar se khass taur pe Daksh ne iss baat ka khayal rakha tha ki Madhu ke pita waha ho.......

Madhu pahle apne naye ghar mein gayi thi aur waha se nikalne ke baad wo sab chal diye ussi collage ki oor....aur jab waha aaye to unhone admission ki taiyaari shuru kar di.......

Papers to saare the hi......bas ek interview dena tha usko.....aur usme uske Pita bhi the......Madhu ready hoke bhi ready nahi thi......

Wo ander se ghabrai hui thi.......usne pata nahi bahut saari ummidein kar li thi.....sapne jo kisi bhi tarah se purre nahi ho sakte the.........

Wo ye soch baithi thi uske Pita usko dekhenge aur usko gale laga lenge.....wo turant usko pahchan lenge.....par ye kaise mumkin tha.........aur maal lo wo pahchan bhi lete naa to wo Madhu ko waha se bhaga dete.....manhoos jo ban gayi thi wo unki nazron mein......uss shaitaan ke kaaran......

Madhu iss waqt apne past ko kosh rahi thi.....apne kismat ko......kaise usko kidnap kar liya gaya......aur uske jagah pe ek shaitaan ko rakh diya gaya tha......wo saitaan jiski wajah se......jiski wajah se uska wo chota sa pariwar toot agya aur uske Maa Baap alag ho gaye......

Madhu inn sab mein dosh apne Maa baap ko bhi de rahi thi.....kya unko samajh nahi aaya unki beti ko badal diya gaya hai......Wo magical creatures jo usko dekhne aate the......kya unko bhi samajh nahi aaya tha.......

Par wo ek sach ko nahi jaanti thi.....khair ye sach bhi kabhi naa kabhi uske saamne aa hi jaana tha.......

Wo collage pahuch chukki thi.......aur sach mein bahut jyada nervous thi.......collage mein admission se jyada apne Pita se milne ko......

Daksh - Madhu aaram se.....ghabrane ki koi baat nahi hai......

Madhu - aap nahi samajhoge.......Main abhi kiss chizz se guzar rahi hu.....

Pankaj - shant ho jaao........admission ho jayega.....aur sab sahi hoga,....

Madhu kuch bolti usse pahle hi ek peon aaya.....aur usne Madhu ko ander bulaya........

Madhu ne pankaj ka haath pakda aur binna uski taraf dekhe usko khinchte hue ander leke chali gayi......

Daksh dekhta raha.......aur bas dekhta hi raha......

Dono hi ander chale gaye......

Saamne chair pe baithe uske Pita ne usko dekha.....aur apne chashme ko thoda upar kiya......

Madhu to jaise murat ban gayi thi waha pe......saamne se wo kuch bol rahe the par Madhu ko sunai hi nahi de raha tha.....wo khud mein hi khoi hui thi......hosh to tab aaya jab Pankaj ne usko hilaya aur chair pe baithne ko kaha......

Pankaj - Sorry sir wo isko.....ye iss collage mein aane ke liye bahut utsahit thi.....aur ab sayad wo darr mein badal gaya hai ki kahi ye aakhirir din naa ho.....

"No....no Maine dekha hai aisa pahle bhi.....khair.....Madhu please take a seat....aur....aap aap bahr jaake wait kariye main baatein kar lu inse......"

Pankaj - Sure sir.....Madhu.....Madhu mera haath chodo.....

Madhu ne jor se uska haath pakda hua tha......bas issi wajah se wo bahar nahi ja paa raha tha......aur ab bhi wo haath nahi chod rahi thi.....

Saamne baithe Dean ne ye sab dekha.....to usne paani ka glass age kar diya......

"have some water......main aapko khaane wala nahi hu.....aap itna dar kyun rahi hai....."

Pankaj ne jor se uske haath pe chutti kaat li....jisse uski aakhen badi badi ho gayi.....aur wo bas chillane hi wali thi par rukk gayi.....usne Pankaj ka haath choda aur glass pakda.....aur saara ka saara pani pi gayi......

"Waise aap kaun hai.....matlab Madhu aur aap...."

Madhu - Papa....

"what???"

Pankaj - Papa ka beta.......wo sir wo Papa bahar hai naa.....sayad iss wajah se mjujhe aisa kaha.....

"Kya bol rahe ho......tum dono normal to ho naa..."

Pankaj ne apna sar peet liya......Tabhi ander Daksh aa gaya........aate hi usne apne coat se kuch nikala aur wahi jameen pe girra diya.....jiske baad waha pe dhuwan sa phailne laga......usne Pankaj ki taraf kuch isara kiya....aur Pankaj ne apna aur Madhu ka chahra dhakk diya......Aur dekhte hi dekhte waha pe Dean behosh pade hue the......aur Madhu ghabrai hui......

Madhu uth ke kuch karne hi wali thi ki Daksh....

Daksh - Madhu ye sab kya kar rahi ho........aise mein yaha admission nahi hoga tumhara......

Pankaj - aur nahi to kya.....tumhe khud pe kaabu karna hoga........

Madhu - Par wo.....

Daksh - Par war kuch nahi agar nahi kiya naa to yaha rah nahi paaogi tum......ab lambi lambi saansein lo.......khud ko shant karo bilkul shant.......

Madhu ne wahi kiya....kyunki wo jaanti thi.....Daksh sahi kah rahe hai......agar usne aisa kuch nahi kiya to sab kharab ho jaayega......

Madhu khud ko shant karne mein lagu hui thi wahi Pankaj uske pita ko check kar raha tha......

Ye gas yaadast mitane ke liye use hoti hai......gas kam tha.....to bas kuch der ki yaadein hi gayi hogi......

Pankaj - Inko hosh aane wala hai......

Daksh - Chair pe sahi se bithao usko......aur sab darwaje ke pass......

Sab set kar wo sab darwaje ke pass pahuch gaye......aur uske theek baad Dean ko hosh aaya......aur wo yaha waha dekhne lag gaye......

Jab unki nazar samne khade teen logo pe padi to unhone apna chasma theek kiya.....

"Ji aap sab"

Madhu - sir apne hi bulaya tha admission ke liye.....

"Maine.....hmm....haa Ms. Madhu,right.....par aap dono kyun...."

Daksh - Wo Peon ne kaha to humme laga sabhi ko aana hai......

"Hmm koi baat nahi aap baithiye yaha.......mujhe bas kuch baatein hi karni hai inse.....wo aapke saamne bhi ho jaayegi....."

Sabhi baith gaye.....

" Ms. Madhu......admission to ho jaayega.....par aap kuch late hai yaha pe......humne special case mein kuch bacho ko admission dene ka tay kiya tha....aur aap unme se hi ek hai......par kya aap iss kaabil hai...."

Madhu - hmm.....Main kabil hu....aur ye aapko aage pata chal jaayega.....

"well then.....theek hai....."

Usne sign kiya ek paper pe aur bas ho gaya admission......yahi baat karni thi usko :sigh:

Nahi aisa nahi tha......baat karni to kuch aur thi.....par wo samajh nahi paa raha tha ki wo kya puchne wala tha.......yaadein mitt gayi thi iss wajah se thoda confuse the.....

Wo sab jaldi hi waha se nikal gaye.......

Madhu - accha hua aapne aake sab sambhal liya......

Daksh - koi baat nahi bas aage se dhyaan rakhna......agar aisa hi kiya to.....

Madhu - Haa Main dhyaan rakhungi.....

Daksh - to tumhe collage dekhna hai yaa phir hum wapas chale......

Madhu - main tak gayi hu Mujhe wapas jaana hai.......collage kal dekh lungi.....

Aur wo sab wapas se apne ghar mein chale gaye.....Madhu jo bhi hua uske baare mein soch ke pareshan ho rahi thi.....usne itna waqt Pujari ji ke saath bas issi sab ke baare mein taiyari karte hue bitaya tha....aur dekho usse wo bhi nahi hua......

Khair isko yaha chodte hai....Rian aur uski bahen aa chukke the Earth pe......

Abhi abhi hi aaye the.......Rian puri koshish kar raha tha ki wo iss waqt to naa mille Prateek se.......matlab jab uski bahen uske pass hai......wo chahta tha ek baar usko khabar de de ki wo yaha aa chukka hai aur wo bhi apni bahen ke saath to taiyar rahe.......

Issi liye wo apni bahen ko yaha waha ghumma raha tha.....par ek immortal ki speed ko agar dekha jaaye.....to wo sayad kuch palon mein pure Earth ka chakkar maar ke aa jaaye aur sab kuch dekh le ussi ek pal mein......to uske liye ye muskil ho raha tha.....aur khabar pahuchane ke liye bhi usko waqt chahiye tha jo mill nahi raha tha......

Wo usko Madhu ke pass kisi bhi halat mein nahi le jaa sakti thi......usko pata nahi tha ye kaise uske saath bartaav karegi.....aur uske baad uska natija kya hoga ye bhi nahi jaanta tha Rian......

Inn sab ko chod hum Fumos pe chalte hai......Fumos pe alag hi sab chal raha tha.........Fumos ke anusar uska naya Leader bilkul taiyaar ho gaya tha......par dikkat thi.....aur wo bharoshe ki dikkat.....usko uspe yakkin nahi ho raha tha......

Fumos ko iss baat ki chinta thi ki kya wo uski baatein sunega.....kya wo unn sabhi niyamon ka paalan karega jo Fumos ne banaye the......

Ye ek sawal bas issi ek sawal ke kaaran to wo rukka hua tha.....warna wo ab tak Leader ki saari powers de chukka hota Slayer ko........

Ek baat se anjaan tha Slayer bhi aur wo Fumos bhi.....Old owl pal pal uske saath tha.....saare ki tarah........bas uspe nazar rakhe hue.......sayad Fumos ko jitna pata tha Slayer ke baare mein usse jyada Old owl ko pata chal chukka tha......

Old owl jaanta tha.....ye yaha se nikalne ki firak mein hai........ye bahut waqt se koshish kar raha tha....par kamiyab nahi ho paa raha tha.....Fumos issi baat ko leke to insecure tha......wo koshish h kyun kar raha tha......

Fumos ko Lucifer ke logo ke baare mein nahi pata tha ki wo bhi nazar rakh rahe hai....darasal FUmos ko kisi ke baare mein pata nahi tha jo Slayer pe nazarein tikaye baithe the.....Haa Old owl iss baat ko jaanta tha.....bas ye nahi samajh paa raha tha aakhir kyun......

Lucifer ne apne bahut se bande Earth pe laga rakhe the to unse bhi jyada yaha Slayer ke pass.........Dark power maan lo mill bhi jaaye par kya ho agar uske bete Justin ko naya body hi naa mille......sab bekkar hai phir......

Bas issi ko leke.......

Halaki itne waqt se bas nakamiyabi milne ke kaaran Lucifer bahut gusse mein tha.......wo har ek koshish kar raha tha ki kisi tarah wo inn dono mein se kisi ek jagah pe jaa sakke aur apni jeet sunischit kar sakke par ye mumkin hi nahi tha......wo Fumos pe aana chah raha tha phir se par......Leader tha nahi yaha....iss wajah se contact nahi ho paa raha tha.....aur wo aise hi yaha nahi aa sakta tha.....

Earth pe.......

Sabhi ke sabhi humm tinno ko chod ke wapas jaa rahe the.....tabhi mujhe unn Dark world walo mein se kuch log dikh gaye......jo Chachi ke picche lage hue the.....ab unko wahi Dark Power wali lag rahi thi issi wajah se......

Main Didi aur Nikita ko wahi chodd ke unke picche chala gaya.......

Main nahi chahta tha unki wajah se Chachi ko koi pareshani ho.......aur agar wo nke picche lage rahe to naa chah ke bhi pareshani to honi hi hai......

Wo chachi ke picche jaa rahe the aur Main unke......Ab dhyaan khinchna hai to kuch to karna hi hoga naa to Maine bhi kiya.....unme se ek ko pakad ke lekar hotel chala gaya.......jab unko iss baare mein pata chalta wo khud se aate usko dhundhte hue.....upar se maine sabut bhi chod diye the jisse wo mere pass hi aaye......

Main iss bande ko pakad ke Hotel mein aaya.....aur apne room mein leke aake pahle usko chota kar diya.....apne element ki madad se.....aur phir usko ek bottle mein band kar diya.......

Wo chillata raha......

Main - Chup ho jaao.....tumhare dost aayenge main chod dunga tumko.......mujhe bas baat karni hai.......

Thodi der chup rahke Maine phir se kaha......

Main - Accha ek baat batao ye Dark power wale ko kyun dhundh rahe ho aisi kya pareshani hai tumhare Planet pe......

Wo bol raha tha par ek to chotta tha upar se bottle mein to mujhe sunai nahi de raha tha......maine usko bottle se bahar nikala aur wapas se bada kiya......

Main - Haa ab batao......

Wo - Mujhe jaane do.....main yaha bahut jaruri kaam se aaya hu......Mera planet tabah ho jaayega......

Main - Arre Bhai aaram se main bhi to ussi baare mein pucch raha hu.....ab aise direct end pe aane se kya hoga.....shuru se batao....saaf saaf batao....

Wo - hamare yaha halat bahut kharab hai.......ek saitaan tha waha pe........wo chala gaya to uske jaise 4-5 ban gaye......aur ab wo uski jagah lena chahte hai.....aur pure planet pe kabza chahte hai.....

Main - main samjha nahi......tumhare yaha ek saitaan tha.....wo chala gaya ye sahi hua......par phir ye baaki ke 4-5 saitaan kaha se aa gaye......

wo - Wo pahle se the.....par tab saitaan nahi the.....

Main - to kya wo roop badal ke aaye the......

Wo - Nahi......wo hamare jaise hi the.....par ab unko takat ki bhukh ne saitaan banna diya hai laalch ki wajah se wo haamre baccho ko yateem kar rahe hai......koi bhi chain se nahi jee paa raha waha pe.......'

Main - hmm kuch kuch baat samajh to ayi hai.....Cheetah chala gaya to gidadh uske ilake pe kabza karne ke firaak mein hai.....to tumhe isko leke madad chahiye......

Wo - Haa hum bas ye sab band karana chahte hai.......ye band ho jaayega to hum sab mill ke ek khushhal jeevan jee paayenge......

Main - pareshani to gambhir hai......

Main usko bol hi raha tha ki Rupal didi mere kamre mein aa gayi......

Rupal didi - Wo log.....jo Kal mummy ke picche the wo yaha aa gaye hai......bahut saare hai...ye yaha kya kar raha hai......

Main - Wo sab isko hi lene aaye hai.....Didi kya unn sab ke liye wo nicche ke hall mein kuch intezaam ho sakta hai.....Mujhe baat karni hai inn sab se......

Rupal didi - par.....

Main - ye jaruri hai didi

Rupal - Theek hai Main dekhti hu.....par kya tumhe Madhu ke pass nahi jaana.....

Main - Janna hai.....par abhi usko koi pareshani nahi hone wali hai.......Daksh mama hai uske saath......

Rupal - hmm thek hai.....par main bhi waha pe rahungi.....mujhe bhi janna hai ye sab yaha kar kya rahe hai.....

Main - Haa theek hai.....

Wo chali gayi....aur Maine uss bande ko bhi unke saath bhej diya....taaki bahar ke uske saathi koi hungama na kare....

Wo sab abhi bahar gaye hi the ki......Rian waha aa gaya tha......aur wo bhi uski bahen ke saath.....

Main pahle to usko dekh ke khush hua....par uske baad uski bahen ko dekha to mujhe samajh hi nahi aa raha tha kaise react karu......naa has paa raha tha naa shant raha jaa raha tha.....

Wo - to yaha pe ho tum.....

Maine kuch nahi kaha......bas chup raha.....

Rian - dekho inn sab se kisi ko kya hi milne wala hai......

Wo - mujhe milega baht kuch milega.....Main isko nahi chodne wali......

Main - Jo karna hai kar lena....par ye jagah sahi nahi hai......yaha pe agar hum kuch karte hai to naa jaane kitne maasom log maare jaayenge.....Main jaanta hu aisi jagah jaha tum mujhse badla le sakti ho......

Meri baat sunn ke wo mujhe aise dekhne lagi jaise usko yakkin hi nahi ho raha tha.......won kabhi mujhe to kabhi Rian ko dekh rahi thi.......

Rian - Maine kaha tha sab badal chukka hai.......yaha pe iska apna pariwar hai.....

Wo - Kya......ye nahi ho sakta......ye aur pariwarr......

Rian - Main sach kah raha hu......

Wo - Sach.....main maan hi nahi sakti........ek baar isko mauka mila pariwar banane ka.....aur hum sab ne dekha isne kya kiya tha......inn jaison ko pariwar ka matlab hi pata nahi hota.....ye nahi samajhte ye sab.......ye bas matlabi hote hai......

Rian - wo sab purani baat hai ab aisa nahi hai kuch......

Abhi wo aage kuch bolti usse pajle darwaje pe knock hui......Rupal didi thi....

Rupal - Oyye chotu ho gaya sab.....aaja....

Main - Kuch der tum dono yahi rukko main kuch kam shuru karne jaa raha hu......uske baad yaha aata hu......hum tab lad lenge.....

Rupal - Prateek ander kisse baat kar rahe ho ab.....jaldi aao.....

Main - Haa didi aa raha hu.....

Maine gate khola aur waha se bahar chala gaya.......

Rian - dekha tumne......wo uski bahen hai......

Wo - Mujhe yakkin nahi ho raha inn sab pe.....ye badal hi nahi sakta.......

Rian - Main tum sab ko na jaane kab se bata raha hu......unn sab mein Prateek ki jyada galti nahi thi haalat waise banna diye gaye the iss wajah se sab hua tha.....

Wo - Main iss baat ko kabhi nahi maan sakti......wo kaha gaya hai.....Main khud dekhungi wo kya kar raha hai waha.......ispe nazar hogi meri.....

Rian - jo karna hai karo.....par meri ek baat dhyaan se sunno.......Madhu abhi iss halat mein nahi ki hum usse mill sakke.......to uske pass jaane ki koshish bhi mat karna samjhi......

Wo - Main Madhu ko kabhi pareshan nahi kar sakti......par agar mujhe pata chala ye Prateek wapas se......

Aaj ke liye itna hi next update mein Dark world ki samasya ko suljhane ke liye kya karta hai Prateek ye dekhenge aur saath hi......DB ka Fumos jaana....aur Demos ke logo se samna hona......
Nice update bhai
 

Ristrcted

Now I am become Death, the destroyer of worlds
Staff member
Moderator
38,998
34,989
304
UPDATE -103

Main niche chala aaya tha.......Dark world walo se milne ko.......wo sab ke sab gusse mein the......ho bhi kyun naa.......Maine unke ek sathi ko utha liya tha.......par ek baat thi......kisi ne gusse mein kuch kiya nahi.......ek baar bhi.......naa tab jab Rupal didi ne unko Hotel mein aane bola tha Hall mein inn sab ke liye aur naa hi tab jab Main gaya waha pe.......kaaran to bas ek hi nazar aa raha tha......unki wo galatfahmi.......

Sayad unko aisa lag raha hoga ki agar unhone humare saath kuch bhi kiya.....to Dark power wali Chachi.....unka saath kabhi nahi degi.......

Wo sab shanti se baithe hue the.....Main unke bich mein gaya........

Main - Mujhe aap sabhi se baat karni thi.......bas issi wajah se ye sab karna pada........

wo sab tab bhi chup the......wo kahte hai naa musibat mein gadhe ko bhi baap banana padta hai......ye sayad mujhe wahi gadha samajh rahe the :sigh:

Maine unka jyada waqt nahi lene ka socha......waise bhi mujhe wapas upar jaana tha aur uss ladki ko sambhalna tha.........Main ye soch raha tha kahi wo Madhu ke pass naa chali jaaye.......kya pata kab kya kar de wo........

Main - Main aap sab ka jyada waqt nahi lunga......mujhe pata hai aap sab ki samasya......maine aapke saathi se sab sunna hai.......aapko iske baare mein ab chinta karne ki jarurat nahi hai.......Mujhe kuch waqt de main khud waha aaunga aur jo bhi pareshani hai usko khatam kar dunga........

"Tumse kuch nahi hoga........humme wo chahiye......"

Wo sayad Chachi ki baat kar rahe the........

Maine bhi ab khud ko insab ke saamne sabit karne ke baare mein naa sochte hue bas itna sa kah diya.......

Main - Ab aapki pareshani ek sui se hal ho rahi hai aap talwar nikal ke usko aur bada kyun karna chahte hai..........Main jaanta hu Main ye kar sakta hu.....aur agar naa hua to Main pakka aapki Talwar ko waha pe leke aaunga........

Meri baat sunn ke wo sab ke sab ek dusre ko dekhne lag gaye........aur aapas mein khusphusane lag gaye........

Didi - Ye sab kya bol raha hai.......Mummy waha jaayegi.......

Main - Arre Didi Main kar dunga inki samasya ko solve wo to bas inko aise hi bol raha hu.......

Tabhi waha pe koi khada hua.......

"par isme khatra hoga.......agar tum khatra uthane ko taiyaar ho to theek hai......humme koi pareshani nahi hai......"

Main - Haa Mujhe pata hai........to theek hai ab mujhe nahi lagta aapko meri Chachi ka piccha karne ki jarurat hai........Main waha aaunga kuch waqt mein aur sab set kar dunga.......

Wo sab bhi iss baat se khush the........haa mere waha jaane se hi.......ab Main jaaunga aur mujhe kuch bhi hua......to Chachi ko to aana hi hoga naa........aur uske baad to jo bure log hai waha unko Chachi yun hi sambhal legi......aisa hi kuch soch rahe honge wo sab.......

"theek hai......par tum kab aane wale ho waha......kya hum sab yahi pe rukke tumhe saath le jaane ke liye......."

Main - Rukna naa rukna ye sab aap sabhi pe hai........Mujhe aane mein kuch waqt to lagega......abhi yaha pe bahut kuch chal raha hai........par itna kah sakta hu aapki pareshaniyan jyada lambi nahi chalne dunga........baaki jaisa maine kaha rukna naa rukna sab aap sabhi pe hai.......

Maine unse ye baat kahi aur Phir Didi ko waha ka sambhalne ko bol ke Main upar apne room mein chala gaya jaha dono bhai bahen ko chodda tha Maine........

Waha pahucha to koi tha hi nahi........

Mujhe lagne laga ye dono nikal gaye honge Madhu ke pass jaane ko......Main waha se nikalne ko hua to wo dono waha pe aa gaye.........

Rian - Humne dekha nicche tumhe....tum....

"ye natak kar raha tha humme dikhane ke liye..........warna ye kyun madad karne lag gaya unn logo ki.......iske jaise log khud ke siwai kisi ke baare mein nahi sochte......."

Rian - Tumne dekha naa abhi nicche kya ye jhoot bol raha tha.......natak kar raha tha laga tumhe kahi aisa.......

Wo chup rahi par mujhe ghurti rahi........

Rian - Accha ye chodo.......Prateek isko unn machliyon wali baat batao.......batao isko ki yaha pe Immortals ke kuch tarike hai jo log aazma rahe hai.......

Main - To kya usko leke abhi tak koi jaanch shuru hi nahi hui hai........Maine aisa socha tha......par mujhe laga tha ye to samjhegi tumhari baaton ko.......

Rian - Isme iski galti nahi.......Maine hi baat ko chod di......Mujhe laga agar immortals ka dhyaan yaha aaya to unki nazar mein tum aur Madhu bhi aa jaaoge.....aur phir aur jyada pareshani hogi tumhe.......

"Rian isse bolo mujhe uss jagah ke baare mein bataye.......tum to waha nahi gaye the naa......isse bolo mujhe waha leke chale.......Main dekhna chahti hu uss jagah ko......"

Rian - Nahi........iski jarurat nahi hai.......jo jaisa hai waisa rahne dete hai jaisa maine kaha agar yaha pe jyada immortals aane jaane lage......to chizzen bigadne lag jaayegi.......

"Main maan lungi tumhari baat......par isse kaho.....main yaha aati rahungi........ispe nazar rakhne.......aur ek baar.......ek baar bhi mujhe laga.......Madhu ke saath phir se kuch ho raha hai......Main ussi waqt isko khatam kar dungi......ab to immortal ki body bhi nahi hai iske pas......aur naa hi Madhu ko pata chalega kuch......"

Rian - Tum hamesa aisi baatein hi kyun karti ho.......

Main - theek hai.......mujhe manjoor hai........

Rian - par iski jarurat nahi hai.......

"Usne kah diya usko manjor hai ab ispe baat karke kuch nahi milne wala......Chalo Mujhe Madhu se milwao....."

Rian - Kya......abhi to kaha tha.....usse nahi mil sakte........

Main bhi yahi kahne wala tha ki usse milne jaaoge to sayad wo naa pahchane......yaa phir kuch aur hi ho jaaye......

"Main bas dekhne ke liye bol rahi hu.......puccho isse kaha hai wo abhi......"

Maine usko uske situation ke baare mein bataya wo yaha apne Mata Pita ko ek karne aayi hai wagera wagera.......

"sayad yahi wajah hai.........yahi wajah hai ki wo eklauti aisi immortal hai jiske mata pita hai.......ek pariwar hai......kyunki wo uske kaabil hai.......tumhare jaise nahi......pata nahi kya pasand hai usko tumm......"

Wo aage kuch bolti usse pahle Rian ne uska haath pakda.....aur dono ke dono gayab......

Iski mujhse banni hi nahi kabhi.......mere hisab se iski soch uss murti mein kaid bande se ditto mitli thi......haa par ye bhi Madhu ko paane ke liye nahi daud rahi thi bas yahi baat alag thi.....ye Madhu ke saath hi raha karti thi.......acche dost......isko Main bilkul pasand nahi tha......Mujhe chod ke saayad hi koi dusri chizz banni ho......jisko leke dono ke vichar alag alag the.....

Isko yahi chodte hai aur un dono ke picche chalte hai.........

Rian usko leke sidha udher hi chala gaya jaha Madhu ko wo dekh sakte the.......waise dekhne ka to wo kahi se bhi dekh lete par aam insano ki tarah dekh sakte waha pe.......

Madhu collage se wapas aa chukki thi......apne Pita se to mill aayi....ab aage ke baare mein soch rahi thi........Daksh Mama to waha se chale gaye the.......aakhir aur bhi kaam hote hai....par Pankaj nahi gaya tha....wo wahi pe tha.......aur Madhu ko bata raha tha dheere dheere aage badhne ke baare mein......

Kyunki Madhu iss waqt bahut aage ka soch rahi thi.......wo apne Maa pita ke saath uss ghar mein ho aisa........

Pankaj - Dekho abhi pahla hi padaw tha ye aur tumne theek thaak kiya.......ye jo itna sochti ho tum ussi wajah se sayad waha jaake ghabra rahi thi......

Madhu - pata nahi.....accha Mujhe wapas unko dekhna hai......

Pankaj - Kisko.....

Madhu - Kisko kya......apne papa ko........Main unse naa jaane kitne saalon baad millli hu.....aur......aur humme waisi koi baat bhi nahi hui......

Pankaj - Jaisi tumhari kahani hai naa.......usme ye normal hai.......aur abhi ye socho kal waha insano ke bich kaise rahogi akeli.......koi gadbad nahi karni hai tumhe......aur jaadu.....bhul ke bhi nahi.......

Madhu - haa.....yaad hai mujhe......

Pankaj - Ye sab Papa ne kahne ko bola tha......ab meri sunno......maine kuch movies mein dekh rakha hai ye ragging lete hai......aur naye logo ko pareshan karte hai collages mein..........agar aisa kuch ho.......to thodi bahut chalaki chalegi.......

Madhu - uski jarurat nahi padegi.......Main waha pe iss baat ka dhyaan rakhungi ki kisi musibat mein naa padu.......haa par agar aisi koi baat hui tab ki tab dekhenge......

Pankaj - Hmm taiyaar rahna chahiye......bas dekhte dekhte wo log tumhe naa dekh le.....jo bhi karna aaram se.....tumhari takatein unse bahut jyada hai....yaad rahe......

Ye dono yaha baatein kar rahe the.......Rian apni bahen ko Pankaj ke baare mein bata raha tha.........sukar hai usko wo sab pata nahi tha......ki kaise Prateek ne usko bhaga diya tha wagera wagera........warna usko to bas ek choti si baat chahiye thi.....wo nikal padti Madhu ko bachane ke liye.........chahe Madhu ko iss baat ka patta ho yaa nahi.......

Rian - Ab chale yaha se........yaa yahi rahna hai.......

"Main isko dekhna chahti hu......"

Rian - Dekh to rahi ho.......aur kaise dekhna hai.......

"Main usse milna chahti hu........"

Rian - Nahi......hum iss baat pe sahmat hue the.......yaad hai naa......to hum nahi jaane wale.......isse usko bhi pareshani ho sakti hai.......humme ab wapas chalna chahiye........

Thoda bahut samjhane pe wo samajh gayi aur dono ke dono hi wapas chale gaye.......

Ye sab chal raha tha yaha.......wahi aashram mein DB apni taiyaari kiye jaa raha tha........usko pata tha waha jaana aur waha se wapas aa jaana ye dono hi aasan kaam nahi hai......wo jisse saamna karne jaa raha tha......wo uske sarir se sayad laakh yaa phir usse bhi jyada gunna bada tha........par usko ye karna tha......

Leader ko apne saath lekar chal raha tha wo.......Leader ke liye sabse pahle to wo chizz banwani thi.....jisse Leader ko koi saririk dard naa de sakke Fumos.......iske liye wo Pujari ji ke pass bhi gaya tha.....innn sab ke hone mein kam se kam 2 din ka waqt to lagna hi tha.........

Next day.....

Subah subah Madhu taiyaar hokke nikal gayi collage jaane ke liye........saaman saare uske liye kharide jaa chukke the......

Wo collage paidal hi nikli thi.....phir ek auto leke usse collage tak pahuchi.......waha gate ke pass auto wale ne roka aur wo bhi paise deke nicche utar gayi.......

Aaj bheed thi waha pe......matlab log the......kaafi saare log the......tarah tarah ke......

Madhu ko inn sab se ghanta hi koi matlab tha.....wo yaha aayi thi bas apne papa ke liye.......par kya kare......ab jo hona hai wo hona hai aur wo to hona hi hai.....

Madhu dheere dheere ander jaa rahi thi.....ki tabhi uske saamne kuch ladke aa gaye........

"New admission"

Madhu ne unki taraf dekha......haa mein apni mundi hilayi aur side se jaane lagi......par wo log wapas se uska rasta rok liye......

"Naam kaun batayega......"

Madhu - Madhu

Naam batane ke baad waha se nikalne lagi.......phir se rok liya.......

" Aise dete hai intro......"

Madhu - Mujhe intro dena nahi aata........

"accha.....theek hai.......chalo hamare sath extra class lete hai tumhari......intro kaise dete hai ye sikhate hai aaj......"

Madhu - Main khud sikh lungi.....

Itna bolne ke baad Madhu wapas se aage jaane lagi......par iss baar unn ladko ki himmat sayad jyada badh gayi thi ki unme se ek ne Madhu ke kandhe pe haath rakh diya......aaspass kuch log the......jo ye sab dekh rahe the.......wo bas dekh hi rahe the kuch kar nahi rahe the........

Main bhi Madhu ke picche picche collage tak pahuch gaya tha......aur dekh raha tha ye sab.......uss waqt tak to Maine khud ko rokke hue tha.......par inn logo ne usko haath lagaya......wahi picche khade maine apni ungliyon se dark power ka ek chota sa ansh bahar nikala hi tha......ki wo khud se ander chala gaya......

Mujhe yaad hai ye kab hota tha........Dark power jab bhi golden power ke pass hota.....aur usko pata hota ki golden power ko uski koi jarurat nahi wo aia karta tha.......yaani ki chah ke bhi main pahle bhi Madhu ki tab tak madad nahi kar paata tha.....jab tak wo apne golden power ko stabalize naa kar leti thi.......uska uske power pe jo control tha.....wo mera kabh nahi hua......

Main sochne laga kya Golden power bahar aane wala hai......agar aisa hua......to ye saare ladke......pata nahi inka kya hoga.......

"Kya ho raha hai yaha......."

Aage kuch hota usse pahle kisi ki aawaj waha pe gunji.......wo aawaj kisi aur ki nahi thi......Madhu ke Pita ki thi.....uss ek aawaj ne Golden power ko aise dabaya uske ander ki wo bahar nahi aa paaya........uss aawaj se dhyaan jo bhatak gaya tha uska......

Madhu picche dekhne lag gayi jaha se uske Pita bol rahe the......jo iss collage ke dean bhi the......

Wo ladke jo abhi Madhu ke samne the wo aise gayab hue jaise gadhe ke sar se shing......

Unke ate hi sabhi apne apne classes mein jaane lag gaye.......ye kuch sakht kisam ke insan lage mujhe........Main class mein nahi ped ke pass tha.....waha se Madhu ko dekh raha tha......aur wo apne Papa ko........

Dean sahab uske pass pahuche......aur usko class mein jaane ka bol ke aage badh gaye.......

Yaha Dean sir uss jagah se nikle aur saare log jo yaha waha ho gaye the wo wapas se aa gaye uss jagah......Madhu wahi khadi rahti....agar unn ladkiyon ke group ne unko waha se hataya naa hota to.........

G1 - Ooye tu kya pagal hai........tu bachne ke baad bhi waha pe kyun khadi thi.......

G2 - haa wo ladke sahi ladke nahi hai.......ameer baap ke bigde aulaad hai wo saare......unse dur raha kariyo......

Madhu unki baatein sunn ke bas unka chahra dekhe jaa rahi thi........

G1 - Arre hum bhi tere seniors hi hai......haa par theek thaak wale......acche wale nahi bol sakte humme bhi......

G2 - Haan ji acche wale humme bhi mat samajhna.......ragging to hum bhi lenge......

G1 - aur nahi to kya......haa par chota sa......aur easy sa........koi bada sa nahi.......

G2 - par aaj nahi phir kabhi le lenge.....hai naa.......aaj tu bach gayi issi baat pe chai shai ho jaaye......

G1 - nahi.....Chai nahi......pichli baar bhi chai ka hi hua tha......iss baar faluda......faluda pilana hoga......

Madhu - par Main......

G1 - ab isme bhi natak karegi......aaj chod rahe tere ko.......pareshan ho gayi hogi....kal naa chodenge ab chal......

Madhu - Arre par.....

Madhu bolti rahi par unn dono ne usko pakda aur leke chale gaye wahi ke canteen mein......aur ek table pe jaake chup chap baith gaye.......Mujhe yakkin nahi ho raha tha abhi tab jo ladkiyan chapar chapar kari jaa rahi thi wo ekdum se shant kaise ho gayi.......yahi baat waha Madhu bhi soch rahi hogi.....tabhi dono ke chahron ko dekh rahi thi.......

Unme se ek ne menu card uske haath mein pakda diya aur chahra dhakne ko bol diya.......bol kya diya.....apne haath se dhakka hua tha.......

Main ye sab dekh raha tha........Main bhi canteen mein chala gaya aur unke picche ke table pe baith gaya...........

Maine dekha darasal unhi ladko mein se 2 ladke yaha pe aaye hue the jinhone Madhu ka rasta roka tha.......sayad usse bachne ko wo ladkiyan Madhu ka chahra dhakke jaa rahi thi.......

Madhu ne unse puccha kya baat hui.....aise kyun kar rahe ho.....par wo jawab nahi de rahi thi....bas chup rahne ko kah rahi thi........

Inn sab se chiddh ke usne apne chahre ke saamne se wo menu hata diya......aur khadi ho gayi........jisse unn do ladko ne usko dekh liya......

Pata nahi ye ladke yaha karne kya aaye the......kisi bhi tarah se ye to nahi lag raha tha wo yaha Madhu ko dhundh rahe hai.......par jab unhone Madhu ko dekha.....to pahle wale ne kisi ko phone kiya.....aur phir gate ke pass chala gaya.......

Unn dono ladkiyon ne to pahle Madhu ko nicche bithaya aur unhone bhi dekha jo kuch hua.......phir gahri sans lene ke baad dono ne Madhu ka haath pakda aur usko apne saath leke jaane lagi.....par gate pe to wo khade the.......phir bhi wo dono Madhu ko leke gayi........

"rukko abhi koi bahar nahi jaa sakta......"

G1 - tujhe pata hai naa Main kaun hu......chal side hat.......

"Professor ki beti tu hogi ghar mein.......yaha pe hamara raaj chalta hai samjhi.....jo bola wo sunn aur jaake baith waha......ooye canteen wale inko khilao be jo khana hai inko......aur paise naa le lena......"

G2 - Tamiz se baat karo......

"tamiz.......tu jyada bol mat......samjhi.....warna iss nayi ladki ke saath tum dono ka bhi......"

Maine phir se koshish kari dark power ko bahar nikalne ki.......inki baatein sunne ke baad mujhe inko itna dard dena tha.....ki inki jindgi mein bas wahi ek ahsaas bacche aur kuch bhi nahi.......par ye Dark power.....bahar aake ander chala jaa raha tha.........iss baar bhi Madhu ki wajah se.......

Mujhe ye samajh nahi aa raha tha main yaha pe kya ye sab bas dekhne aaya hu......iss baar main aage jaane ko utha ki aur log aa gaye ussi group ke......

Dhruv - Maine aapki powers kam kar di hai.....par phir bhi dekh ke maariyega......

Main pura taiyaar tha......par kuch hona bhi to chahiye tha.......waha se wo sab aaye...

Madhu - tum sab wapas aa gaye.........

"kya kare........ab tumne intro diya hi nahi sahi se......to hum lene aa gaye.....intro....."

ek chutiye ne ye line boli.....aur uske saath uss group ke saare log hasne lage.......ye bande jaise apni hi duniya mein khush the......wo hote hai naa to be cool dudes wale log.......wahi the ye saare......

G1 - side ho jaao.......abhi bhi mauka hai.......

"ye dono bhi hai yaha......inse bhi badla lena hai....."

Madhu ne socha tha yaha pe wo bas ek hi chizz pe focus karegi......par nahi......ye to hone se raha........wo pahle se hi chiddhi hui thi......ek to uss ladne ne shuru mein usko touch kiya......aur uske baad wo do ladkiyan......haa unhone kuch kiya nahi par.....unki harkaton se wo thoda aur chiddh gayi thi........ab ye wapas aa gaye the......

Madhu ne jo sabse pass mein khada tha......usko ek jor ka thapad diya......

Pahle kuch baatein chal rahi thi waha canteen mein.......par uss aawaj ke baad........uske baad to ekdum se sannata hi chaa gaya......aur jisko lagi th......wo nicche pada hua tha aur uske pass mein 2 daanth bhi girre hue the.......

Dono ladkiyan jo abhi Madhu ko sayad bachane ki koshish kar rahi thi......wo dono bas Madhu ko dekhe jaa rahe the.......

Wo dono kya sab ke sab.......Main khud dekhe jaa raha tha.......

Uss waqt jo maine dekha wo thoda aur alag tha......uski body chamakni shuru ho gayi thi......golden power bahar aane lag gayi thi.......isko dekh main iss chinta mein chala gyaa kahi puri tarah bahar naa aa jaaye.......warna ho gaya beda paar.....

"Aeeeeii ladki.........tujhe pata bhi hai kisko maara tunne.......MLA ka bhatija hai ye......."

Jo bol raha tha usko bhi ek padi.....wo bhi nicche girra hua tha.......

Main apni dark power ko bahar nikalne ki koshish kar raha tha......taaki agar ye golden power nikale bhi to Main usko dhakk sakku......par wo ho hi nahi raha tha.......

waha pe ab ladko ne bhi apna haath chalane ka soch liya tha.....par unko kaha pata tha......ye kaun hai.......iss baar bhi isko training milli hui hai.....uss chor se.......aur uske baad pujari ji......aur inn sab se badh ke Maine khud sikhaya tha usko jab hum immortal the......

Main uske golden power ko dhakne ki koshish kar raha tha.....aur wo waha pitai kiye jaa rahi thi.......

Main - Dhruv Dark power bahar kyun nahi aa raha.......Main usse Madhu ki unn sab ko pitne mein madad thodi karne wala hu......

Dhruv - wo maine hi taqat kamzor kar di hai naa.......abhi normal karta hu......

Usne sab normal kiya......aur Maine turant dark power ko bahar nikala aur usse pure canten ko dhakk diya......jisse Golden power chah ke bhi waha se bahar nahi ja payega.......

Ye sab karke jab maine saamne ki oor dekha......to waha pe bas wo ladke nicche padde hue dikhe.......aur Madhu aage jaa rahi thi.....aur uske picche wo do ladkiyan......daudti hui jaa rahi thi.......

Golden power wapas se uske sarir mein chala gaya tha......Maine bahar jo uske ansh bacche hue the unko apne pass dark power ke jariye paa liya......aur aage badha.......

Madhu ne acchi dhulai kari thi inki.......par thoda to mera bhi banta tha naa.........

Main pass ki chair pe baith gaya......aur dark power ke ek chote se tukde ko bahar nikala........wo unn sab ke ander jaata.....aur bahar aata......pahle ki baat hoti to sach mein inki yaadon se inki saari khusiyan chinn leta.....par abhi ki inki halat dekh ke......maine jyada kuch naa karne ka socha.......

Bas 10 second ke liye dark power ko khulla chodd diya....usne inn sab ke haddiyon ko ander se jaane tod diya......dard se ye sab ke sab behosh ho gaye.......wahi baaki ke sab to inn sab ka video banane mein lage hue the......

Video bahut galat chizz hoti hai......log isko sabut maan lete hai.......ab insano ka kya hai wo chup rah jaate hai par ye videos ye to bas bolte rahte hai naa.......Main waha pe har ek mobile aur camera mein se wo video hata diya......thoda jadu thoda technology......isse kaam ho gaya tha......

Uske baad main bhi waha se nikal gaya........

Next update mein dekhenge.......MLA ko wapas se.......aur DB ka Fumos jaana aur Demos walo se ladna......

:sigh: tabiyat kuch theek nahi hai......iss wajah se late ho gaya......
 
Top