• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy Immortals

Ristrcted

Now I am become Death, the destroyer of worlds
Staff member
Moderator
38,998
34,989
304
 
Last edited:

Ristrcted

Now I am become Death, the destroyer of worlds
Staff member
Moderator
38,998
34,989
304
UPDATE -78

Strange world se shuru karte hai Old Owl apne soch mein khoya hua tha....aisa nahi tha ki baith gaya ho wo.....usne apne sabse acche bande ko Yuvraj ke room ke pass bheja hua tha wahi khud jaake Maharaj ke room ke pass baitha hua tha......wo dekhna chahta tha ki inn dono mein se aakhir kaun hai jo raat ko nikalta hai......Old Owl ne apni palke tak naa jhapkaayi thi....aur yahi ummid usne apne bande se bhi laga rakhi thi....

Aadhi raat ka paher sayad nikal chuka tha....ki tabhi....

"Old Owl do aur water element walo ki hatya hui hai......"

Old Owl nazar lagaye baitha tha ki ye aawaj uske kaano mein aayi....aur usne socha ki ho naa ho wo Yuvraj hoga.....usne uss bande se baat karne se pahle Yuvraj ke room mein jaane ka tay kiya....aur wo waha pahucha bhi.....par wo Yuvraj apne room mein hi tha.......aaram se so raha tha.....uska chahre dikhayi de raha tha....

Old Owl ab samajh nahi paa raha tha inn dono mein se koi nahi hai phir kaun.....

Wo waha se nikal ke pahuch gaya uss jagah pe jaha pe khoon hui thi......iss baar bhi paas ke ek kasbe mein hi khoon hua tha.....pichle wale se alag.....

Old Owl waha pe jaa pahucha usne dekha dono lashon ke haath bilkul ussi tarah ulte kiye hue the....maarne ka tarika same tha...ho naa ho wahi hoga....

Waha pe jo uska banda tha Old Owl uske pass gaya.....

Old Owl - tumne dekha kaun tha wo....

Wo - Ji nahi......maine bas sunna aur yaha pe confirm karne aa gaya.....ye meri jagah nahi thi......

Old Owl - Haa ye Kingdom se bahar hai.....humne bas Kingdom pe nazar rakh rakha tha.....tumne kaha sunna iske baare mein....aur kya kisi ne dekha kaun tha wo.....

Wo - Main apne jagah pe tha......waha pe acche se apna kaam kar raha tha ki tabhi kuch log aate hue dikkhe......ek thoda jakhmi tha......aur usko uhake leke aa rahe the kuch log......wo bol raha tha maar diya waha pe maar diya.....Maine uski baatein sunni aur phir uske picche gaya....thodi der mein pata chal gaya wo kaha ki baat kar raha tha aur main yaha aake aapko bata diya......

Old Owl - aur kuch pata chala aur wo banda kaha hai abhi.....agar usne khooni ko dekha ho acche se to sayad usko khatra ho....

Wo - Maine iske liye uss jagah pe apne dost ko laga diya tha.....wo dyaan de raha hai agar aisa kuch hua to humko bata dega wo.....

Old Owl - theek hai.....bahut accha kaam kiya hai tumne.....jaao ab main dekhta hu.....

Old Owl wahi pe raha aur dekhta raha......kuch to aur tha jo common tha.......pahle Water element wale maare gaye ab bhi wahi maare jaa rahe hai par kingdom se bahar ke.....kya kisi ko pata hai ki kingdom mein nazar rakhi jaa rahi hai.....ye ho nahi Sakta......Old Owl ne iss baare mein kisi ko nahi bataya aur naa hi Prateek se aisi koi ummid thi....to aakhir baat kya thi...

Old Owl iss baare mein sochne laga.......

Wahi Earth pe.....

Chachi aur K.Bua dono hi abhi Daksha Mama ke yaha pe the.......wo bhi wahi pe the......aur sunn rahe the jo K.Bua bata rahi thi......ki tabhi unka darwaja khatkhataya kisi ne......

Ye Leader tha.....Leader se baat hui thi.....pankaj ki ki wo usse milne aayega apne ghar ke pass.....par abhi tak wo aaya hi nahi tha.....to usne socha bhesh badal ke jaake dekhe uske ghar mein.....waise bhi usko bataya gaya g=tha ghar pe bas wahi hone wala hai......

Darwaja Daksh Mama ne khola.....

Daksh - Ji aap......

Pahle to Leader thoda ghabra gaya......agar iss bande ko pata chala uska beta Fumos ke Leader ke saath gum raha hai to pakka wo usko sazza dega......Leader abhi koi bahana bhi bana deta par...usne dekha picche K.Bua khadi hui thi....aur unhone dekha hua tha usko....ab ye koi bahana bana ke nikal bhi nahi sakta tha.....

Leader - Wo main....main Pankaj se milne aaya tha......wo usne milne ko kaha tha.....

K.Bua (Dheere se) - Bhabhi ye wahi hai......issi ke saath ghum raha hai aaj kal Pankaj.....

Chachi - accha...waise kaun hai ye....aur iske saath kyun ghum raha hai Pankaj......

K.Bua - WO bol raha tha iski madad kar raha hai.....aur pata nahi kya kya......aur aap jaanti ho.....uss jagah jaha ye sab hua tha...waha pe ye bhi tha......par dikha hi nahi humko......

Daksh Mama - Ji ander aaiye......

Leader bhi naa chahte hue ander chala jaata hai....ab aise bhag to sakta nahi tha wo......

Chachi - Aap kaun hai....aur yaha pe kaise.....

Leader - ji Main..main ek musafir hu.....apni ek khoyi hui cheez dhundh raha hu.....aur Pankaj meri madad kar raha hai.....ussi ne bulaya tha.....aap usko bula do....

Daksh - Accha.....par baat ye hai wo abhi behosh hai....usko chott lagi hai

Leader - chot lagi hai....par uss waqt tak to sahi hi......

K.Bua - haa uss waqt tak.....tum ye batao tum kaha chale gaye the.....Maine dekha tha tum aur Pankaj saath mein gaye the uss jungle mein aur phir tum waha se gayab ho gaye the.....

Leader - Wo....wo darasal main waha pe apni cheez hi dhundhne gaya tha.....par waqt jyada lagne wala tha to Pankaj ko jaane ko bol diya....mujhe nahi pata waha pe kya hua......

K.Bua - haath dikhao apne.....

Leader - ji.....

K.Bua - tum haath dikhao apne....

Daksh Mama - ye kya hai.....haath se kya pata chalega.....aur tum dono.....maine bata diya naa ab naa to mujhe aur naa hi mere Bete ko jarurat hai tum sab ki.....jao yaha se.....aur Nitya ji.....ek aur baat apni beti.....yaa phir apne ghar ke unn baccho ko dur rakhiyega mere Bete se....ye sab unki wajah se hua hai.....

K.Bua - Aap samajh nahi rahe.....

Daksh - Main sab samajh raha hu Kavita.....aur sukriya tumne mere bete ka ilaz kiya.....par ab aage ka main khud dekh lunga.....ab sayad jaana chahiye tumko ghar pe log intezar kar rahe honge naa....

Sapat lahje mein ye sab bol diya Daksh Mama ne.....par K.Bua.....

K.Bua - Hum chale jaayenge par bas ek baar mujhe iss aadmi ke haath dekhne hai.....

Leader ne apna haath aage kiya...,kuch bhi nahi tha usme.....K.Bua ne acche se dekha....wo jo dhudh rahi thi waisa kuch bhi nahi milla waha pe......

Daksh - Ho gaya.......ab sayad yaha aane ki jarurat naa pade aap sab ko....Nitya ji.....ab koi madad nahi chahiye mujhe.....naa mere bete ko.....aap bhi ab aaram se rah sakti hai maine aapke liye jo kuch bhi kiya ho aaj tak....unn sab ka hissab barabar ho chuka hai aisa samajh lijiyega.....

Chachi bas sun rahi thi.....wo kuch bhi bol nahi rahi thi....par K.Bua ko aisa lagne laga tha jaise ab Daksh Mama kuch jyada hi bol rahe the.....

K.Bua - aapko nahi lagta aap apni hadd paar kar rahe ho....bhabhi yaha pe bas uske liye aayi hai.....aapko pata bhi hai.....Rupal bhi bimar hai....par ye yaha aayi hai aapke Bete ke liye au.....

Chachi - Chalo Kavita.....

Baat puri ho usse pahle hi K.Bua ko leke wo waha se nikal gayi.....wo ghar ko nahi aayi bas wahi pass mein ek park bana hua tha chota sa insano ka waha pe ek table pe jaake baith gayi.....

K.Bua - Bhabhi aap udas kyun ho rahi ho.....dekh lena wo wapas se aapse aake Pankaj ke baare mein baat karenge.....aur maafi alag se maangenge....

Chachi - Nahi ab aisa kuch nahi hone wala......Main thak gayi hu....bahut jyada.....inn sab se....

K.Bua - Bhabhi....aap ye kya bol rahi ho.....aur yaha pe kyun baithe hai hum chalo ghar chalte hai....

Chachi - Pata hai.....jab Rupal choti thi.....ek baar usko bahut tezz bukhar aa gaya tha.....ye koi aam bukhar nahi tha....pata nahi kaise par uske powers jo the wo kaabu mein nahi rah gaye the....wo aate jaate rahte the.....aur ss wajah se halat bigadti jaa rahi thi....tab inn logo ne madad ki thi hamari......aur main.....mujhe bas bhul jana aata hai.....aur main iss bhul jaane se thak gayi hu.....log mujhe jaison ko ahsaanfaramosh kahte hai....aur ye ab main nahi sah paa rahi hu.....

K.Bua waha pe baithi baatein sunn rahi thi unko thoda thoda samajh mein aa gaya aakhir kyun Chachi Pankaj aur Daksh Mama ki madad karna chahti hai.....aur ye bhi samajh aa gaya wo kyun bhadak jaati thi....

K.Bua - Bhabhi ye sab ghar mein pata hai sabko....

Chachi - Jo jaanti thi wo ab rahe nahi....ab bas Main jaanti hu ye....aur saath mein tumhare Bhaiya......bas hum dono jaante hai.....humne ye sab kisi ko nahi bataya jarurat hi nahi padi.....par.....ab in sab se kya.....Kavita ek kaam karogi mera.....thodi der akela chod do mujhe,.....Main ghar pe aa jaungi....tum jaao

K.Bua - Par Bhabhi aap yaha pe akele....

Chachi - Main aa jaungi.....aur tumhare Bhaiya pucche to bol dena kaam se kahi gayi hai...

K.Bua unko wahii chod ke ghar ko nikal jaati hai.....wahi Daksh Mama ke yaha abhi Leader baitha hua tha aur baatein kar raha tha Daksh Mama ke saath.....

Mama - To Pankaj kis chizz ko leke madad kar raha hai aapko....agar aap kaho to Main kar deta hu madad....

Leader - JI mujhe to bahut khushi hogi isse par......aapke Bete se waada kiya hai.....kisi aur ki madad naa lene ka....wo bol raha tha usko khud ko shabit karna hai aur bhi bahut kuch.....aap bura naa maanoo to ek baat bolu,......

Mama - Ji bataiye....

Leader - aapka beta bahut accha hai....par sayad akele rahne ke wajah se yaa [hir buri sangat ke wajah se....

Mama - Haa main samajh raha hu......darasal jab se iski Maa.....uske maut ke baad naa Main hosh mein tha aur naa hi ye......2 saal to main ispe kya khud pe bhi dyaan nahi de paa raha tha.....aur inn do saalo mein iske liye sab badal sa gaya tha....main aaj bhi inn sab ko apni hi galti maanta hu.....iske dost banne par wo theek nahi the......sab bas iss wajah se the kyun ki ye mera beta tha.....ye jo shabit karne wali baat aapne kahi naa....ye khud ko shabit karna chahta hai.....isne aur bhi koshishen ki.....kuch acchi aur kuch buri.....par kamiyaab na ho sakka apne doston ki wajah se.....ab main iske doston ko kaise control kar sakta tha.....iss baar isne kuch bahut bada kar diya tha......aur uske baad mujhe isko iske doston se alag karna pada.....iske samajh mein bhi aa gayi thi jo kuch hua wo bura tha.....isne khud unn sab ka saath chod diya......Phir mujhe ek mauka dikha...isko sahi raste pe laane ka....kuch naye dost dene ka....par sayad main hi galat tha....jab se un logo ke sath isko rahne ko bola hai....ye bas udas hi rahta hai....ye jo dono aaye hue the yaha......khair....main kaha ki baatein karne lag gaya.....aap aur kuch logo.....Main thoda Pankaj ko dekh ke aata hu......

Leader - Ji nahi.....Main bhi chal sakta hu kya.....

Daksh - Ji chaliye....agar jaag raha ho to aapko dekh ke usko accha lagega....

Leader - JI...

Leader ko leke Daksh Mama Pankaj ke room mein chale jaate hai.....wo abhi bhi neend mein hi tha.....dawayi ka asar tha ye.....

Leader ne uske haathon ko dekha jaha pe wo jakham aa gaye the.....

Leader - aapke bete ne mukabla kiya usse wo jo bhi tha.....yee aage jaake aapko garv mehsus karayega.....

Daksh - mujhe ab bhi hai ispe garv.....aap yahi rukko main jarra aata hu....

Leader ne jaise hi dekha Daksh mama kahi jaa rahe the....usne turant hi Pankaj ke haath se thoda sa jala hua skin alag kar liya...aur saath mein ek do baal uske nikal liye.....

Leader - bete....jisne bhi ye kiya hai.....wo kaher dekhega.....wo kal ki subah dekh sakke iske liye nahi bachega....ye wada hai Fumos ke leader ka......agli baar jab hum milenge.....to mere pass uss kamine ka sar hoga aur wo tumko gift karunga main.....

Itne mein waha pe wapas se Mama aa jaate hai....

Leader - Ji ab mujhe chalna chahiye......aasha karta hu...ye jaldi theeek ho jaayega....Main aata rahunga....

Daksh - ji bahut acchi baat hai.....waise main puchna bhul gaya aap....aap kaha se ho...

Leader - bahut dur se hu.....agli baar milunga to apko apni puri kahani bata dunga......abhi mujhe kisi jaruri kaam se jaana hai....

Daksh - Ji theek hai.....

Leader waha se nikal gaya.......

K.Bua waha se ghar pe gayi.....ghar pe hum sab to the hi Chacha bhi aa gaye the....Bua sabko khana khila rahi thi ki tabhi K.Bua bhi aa jaati hai....

Chacha - arre Kavita Bhabhi nahi aayi....ye sab bol rahe the tum dono sath mein ho.....

K.Bua - wo Bhaiya wo unko thoda kaam tha.....to mujhe yaha bhej diya.....kal school bhi hai naa....

Chacha - hmm pata nahi kaun sa kaam aa gaya isko.....Prateek chachi ne kaha tha Pankaj ko leke aane ko aaj bhi nahi laaye......jab aa hi rahe the le aate usko.....

Main - Wo....usko kuch kaam tha naa iss wajah se nahi aaya wo....

Chacha - agli baar lete aana usko......Poonam ye Rupal ko dawayi de di thi maine.....jagana mat usko.....pata nahi ye bhi kaha kaha chali jaati hai aur bimar hoke aa jaati hai....

K.Bua - wo theek hai Bhaiya bas thoda sa sar dard hai usko....

Chacha - Haa bataya Poonam ne mujhe...Chalo tum sab khana khao main thoda bahar se aata hu.....

Chacha ji bahar chale gaye......sayad koi kaam ho....unke jaate hi

Bua - Bhabhi kaha hai....aur wo aayi kyun nahi....

Nikita - Pankaj ko kya jyada chot aayi hai....

K.Bua - Bhabhi kuch waqt akela rahna chahti thi.....waha jo kuch bhi hua uske baad......aur Nikita Pankaj theek hai par neend mein hai.....dawaiyon ka asar hai.....

Bua - Aisa kya hua waha jo bhabhi ne tumko jaane ko bol diya.....wo theek hai naa.....

K.Bua - uddas hai bas......pata hai waha pe wo aadmi bhi aaya tha....wahi jiske saath Pankaj ghum raha tha....mujhe ek pal ko laga kahi wo hi to nahi hai naa jisne humpe humla kiya ho.....par ye wo nahi tha.....agar wo hota to uske haath......khair....Tumse ek aur baat karni hai....

Bua - Hmm batao....kya baat hai.....

K.Bua ne mere aur Nikita ki oor dekha hi tha ki old Owl ki aawaj aa gayi.....

Old Owl - Prateek mujhe sayad thodi madad chahiye......main thoda confuse hu.....tum yaha aa sakte ho.....

Main - Mujhe abhi bahar jaana hai thodi der mein aa jaunga.....(old Olw se) bahar portal kholo...

Old Owl ne waisa hi kiya aur main uske pass chala gaya.....

K.Bua ab Nikita ki oor dekh hi rahi thi ki......

Bua - Pagal hai kya....jo bolna hai bol....usko kya dekh rahi hai.....

K.Bua - tumko pata nahi hai ye jaake Rupal ko bol degi......hmm waise usko pata chala to accha hi hai.....sunno phir.....pata bhi hai tumko Bhabhi kyun uss Pankaj ko leke itna sochti rahti hai....aur Bhaiya bhi kuch nahi bolte....Daksh sir ne madad ki thi inn dono ki uss waqt jab Rupal bimar ho gayi thi.....tab Daksh sir ne madad ki thi.....aur jaisa bhabhi bata rahi thi ye koi pahli yaa aakhiri madad bhi nahi lagi mujhe......wo bas chahti thi ki wo bhi Pankaj ki madad kar sakke.....par hum sab ki wajah se.....wo issi wajah se uddas hai....au wahi park mein baithi hui hai akele....

Bua - :redface: Pata nahi mujhe apne hi ghar ke logo ke baare mein kya kya nahi pata hai......ab to aisa lagta hai jaise iss ghar ki main hu hi nahi......koi kuch batata hi nahi mujhe......Bas ek Parth ke baare mein saayad sab pata hai.....wo bhi ab bmahaz ek galatfehmi hi lag rahi hai mujhe.....

K.Bua - ye kya bol rahi ho tum.....

Bua - Nikita batao isko sab kuch....

Nikita ne K.Bua ko sab bataya unn shaitaano ke baare mein wo kis tarah yaah unki family ke wajah se aaye aur ab yahi rah rahe hai....wagera wagera....

K.Bua - sayad wo nahi chahte the tumko inn sab mein laana.....

Bua - :redface: meri khud ki bhatiji bimar thi.....iss baare mein bhi nahi pata chalne diya mujhe.....

K.Bua - Uss waqt hum training pe gaye hue the Strange world mein yaad bhi hai tumko....wo kaise batate.....

Bua - kyun aur saari khabrein nahi bhejte the mujhe....aur baatein nahi batate the...wo bekaar ke chitthiyan wo nahi aati thi mujhe.....mujhe inn sab ke jawab chahiye......

Nikita - Bua aap kuch bhi karoge to abhi baat bigadne wali hai......Dadi ko lagega sab Aunty ne bataya aapko aur phir wo unpe gussa karengi.....

Bua thodi der wahi pe baithi rahi......aur phir acchanak se uthi aur apne room mein chali gayi.......

Nikita - K.Bua Pankaj theek hai naa.....kya main usse mil sakti hu....

K.Bua - tumne nahi sunna.......uske papa ne kaha hai.....humme se koi bhi uske aas pass nahi jaana chahiye.....ab kuch nahi ho sakta......

Nikita - usne 2 baar jaan bacahyi hai meri.....

K.Bua - aur tum sab ne usko bhaga diya.....arre main apna naam kaise bhul gayi main bhi to thi naa tum sab ke saath......

Inko rahne dete hai aur Hum chalte hai Strange world mein waha pe Old Owl sab kuch bata raha tha mujhe......aur main sunn raha tha.....uski puri baat sunne ke baad to main bhi thoda confuse ho gaya.....

Main - Leemo kaha hai,....usko kuch pata chala yaa nahi.....kya usko koi connection milla hai inn marne walo mein yaa phir inn jagahon mein jaha pe mautein hui hai....yaa phir kuch aur.....

Old Owl - abhi tak to bas yahi ki ye log Water element wale hai.......ek aur baat jiski wajah se inn wale khoon ka pta chala hai sayad usne dekha hai usko......maine waha pe apne kuch logo ko laga rakha hai wo mujhe batate rahenge......

Main - ye theek hai.....agar naa sambhale to Jwala se madad lo....aur haa.....Leemo se baat karni hogi.....wo yaha ka local hai aur logo se bat bhi kar sakta hai......mujhe inn sab mein koi aur connection bhi lag raha hai.....bas ye water element ki baat hot to yaha pe aur bhi hai unko kyun nahi bas ye dono hi kyun......

Old Owl - main iss baare mein pata karne ka kaam shuru kar chuka hu......Aur Leemo iss waqt sayad hi milega.....

Main - aisa kyun....

Old owl - Leemo iss waqt yaha hota hi nahi hai.....wo iss waqt archery society ke meetings mein hota hai....aur waha aisse jaana sayad sahi nahi hoga.....jab wo akele milega main milwa dunga tumko usse......

Main - Hmm theek hai ye bhi.....aur koi cheez chahiye to bata dena.....ek kaam ho sakta hai....Albus Cooper bahar aao.....

Maine ye kaha aur wo dono hi bahar aa gaye......

Main - Elf ban jaao.....aur jo Old Owl kahe jaise kahe wo karo.....aur koi gadbad mat kar dena.....tumko sayad iss baar jyada waqt ke liye bahar aur mujhse dur rahna pade.....

Dono ne hi haa mein gardan hilayi....

Main - Old Owl ye tumhari baat maanege....isse aasani ho jaayegi dhundhne mein......

Old Owl - hmm theek hai.....

Main - ab Portal kholo mujhe har bhi jaana hai.....

Usne Portal khola aur main ghar ke bahar chala gaya.......waha pahucha hi tha ki dekha Bua apna saaman Bus mein rakh rahi thi....abhi bus tak pahuchta usse pahle bus hi nikal gayyi.....

Main - :shocking: ye kya tha.....Bua.....Bua kaha jaa rahi ho......

Main aise chilla raha tha jaise wo sach mein sunn legi.....tabhi picche se Nikita aur K.Bua aayi.....

Main - Wo kaha jaa rahi hai apna saman leke......

K.Bua - :sigh: ghar chod ke......

Main - par kyun.....aisa kya ho gaya abhi to sab theek hi tha.....

Nikita - unhone kaha koi unko kuch nahi batata to ab wo bhi bina bataye jaa rahi hai....

Main - pagal ho kya.....

Tabhi ek bus wapas aayi aur uspe se.....Chacha aur Chachi nicche utre.....

K.Bua - ye dono sath mein....Bhaiya ko kaise pata chala...wo kaha pe hai.....

Wo dono hamare pass aaye....

Chacha - tum sab bahar kyun ho.....chalo ander chalte hai....

Main - Chachu Bua ghar chod ke chali gayi.....

Chachi - Kya.....kya bol rahe ho.....

K.Bua - wo maine usko bata diya ki aapne ghar mein kisi ko nahi bataya tha Rupal ke bimar hone wali baat ko.....aur phir wo gussa hui aur bag pack karke nikal gayi....

Chachi - Par tumne bataya hi kyun......aur ye pagal iss baat ko leke ghar se chal.....

Wo bol hi rahi thi ki unki nazar Nikita pe padi....

Chachi - Tumne bhi kuch bataya hai kya kisi ko......

K.Bua - haa sab kuch.....aur aapko ye sab pahle batana chahiye tha....kab tak akele ladoge aap.....aapko pata bhi hai hum aapki kitni madad kar sakte hai.....

Chachi - chup raho.....aur aap....aap dekh kya rahe ho usko wapas leke aao......pata nahi kaun se jagah pe phas gayi hu mein.....ek se ek namune bhare pade hai......Kaha jaa rahi hai ye bhi bataya kya....

Nikita - wo boli unko sab kuch nahi batate to wo bhi bina bataye jaayegi....

Main - Main pata karta hu.....

Chacha - aaj rahne dete hai wo school hi gayi hogi....kal uske pass jaake sab clear kar lenge..ab ghar chalo sab..... :sigh:

Chachi - bahen hai aapki wo....

Chacha - tabhi to kah raha hu aaj rahne do....usko kuch hone wala nahi hai....ulta usse khatra hota hai logo ko.....

inko chodd dete hai ajeeb family hai ye :sigh:

Leader iss waqt ussi jungle mein tha.....wahi pe jaha wo aur Pankaj aaye the....jaha pe wo sab hua tha......wahi pe ek ped ke pass wo baith jaata hai.....ek cutki bajata hai wo aur jamin pe ajeeb sa ghera ban jaata hai......wapas se bajane pe....usme aag lag jaati hai.....fir wo upar ki oor dekh ke chutki bajata hai.....aur jaise waha pe hawa hi rukk gayi......uske aas pass ek adrishya deewar ban gayi thi......usne apne pass se Pankaj ke baal nikale.......unko....uss aag mein de diya.......uske aas pass bahut sara dhuwan phail gaya......kuch dikhayi nahi de raha tha......usne fir ussi aag mein Pankaj ke haath ki skin ko bhi de diya....jisse dusre rang ka dhuwan phail gaya waha pe....

Kuch der phir jaise sannata chaya raha waha pe

Fir waha pe wo saara dhuwan shapes lene lag gaye.....kul 6 Pankaj the waha pe....unme se ek thoda jakhmi sa lag raha tha par baaki 5 ekdum se sahi lag rahe the.....asli wale se bhi jyada powerful lag rahe the wo.....

Leader - usko dhundh ke laao.......

Leader ka aisa kahna tha wo wapas se dhuwan ban gaye......aur yaha waha chale gaye.......Leader ussi jagah pe aaram se baitha raha......

Thodi der baad waha pe uske saamne ek shaitaan ko leke aate hai wo log.......wo sab ke sab usko pakde hote hai.....dekhne mein ye shaitaan kisi ped ki tarah lag raha tha.....aisa ped jo roop badal le.....

Leader - hmm to tu hai wo.......yaha ka to na lagta tu.......kya kar raha hai yaha pe.....

Wo kuch naa bola bolne ki halat mein nahi tha wo...agar hota to bol bhi deta......par wo uss halat mein nahi tha......unn sab ne usko bahut maara tha.....aur uske upar se wo pahle se hi jakhmi bhi tha....

Leader - hmm bahut mar diya isko lagta hai......chalo ab shuru tum sab ne shuru kar hi diya hai to....khatam bhi kar do....maar do isko....par haa sar mujhe chahiye iska......

Leader ka aisa kahna tha wo saare wapas se dhuwan ban gaye aur uss shaitaan ke sarir ke ander chale gaye.....

Leader - khokhla kar do isko......isko pata chalna chahiye isne kispe hamla kiya tha......tum sab ko ye rup aisa hi nahi diya hai.....isko aane wale janamon mein bhi ye sakal yaad rahni chahiye.....

Leader aisa hi bolta jaa raha tha wahi uss shaitaan ka sharir.....wo to bas phulta hi jaa raha tha.....uske gale ke pass jaise kuch lal si lining ban gayi thi sayad ye unn sab ka hi kaam tha....Leader ne kaha tha ki sar chahye sahi salamat iss wajah se sayad aisa kar rahe the.....kuch der aur rukne ke baad uss shaitaan ka sharir phatt jaata hai......wo puri jagah uske ajeb se khoon se gandi ho jaati hai......par ye jyada waqt ke luye nahi tha......Leader ne dekha ki jaha jaha pe bhi uska khon gaya tha waha pe chote chote paudhe paida ho gaye the......Leader jhook ke unko dekhne lag gaya kahi ye sab jinda to nahi hai....kahi wo shaitaan wapas se regenerate to nahi ho raha hai......

Jab Leader ko laga ki aisa kuch nahi hai.....usne waha pe pada hua sar upar uthaya......

Leader ne dekha jaise wo abhi bhi hil raha tha jinda tha wo......

Leader - bada ajeeb jeev hai......marne ke baad bhi iska sar hill raha hai.....aakhir ye hai kya.....

Uske sar se abhi bhi uss jeev ka ajeeb sa khoon bahta jaa raha tha......Leader ne aas pass dekha to waha pe ek chota sa talab jaisa bana hua tha......Leader ne uss shaitaan ke sar ko pani mein daalne ke baare mein socha...jisse wo ajeeb sa jo khoon tha wo thoda saaf ho jata.......

Jaise hi paani mein Leader ne sar daala.......wo sikudne laga......aur sikudte hue ek chote se paudhe mein badal gaya....Leader usko dekhta raha......

Leader - Ye Earth pe......aur kisi ko iske baare mein pata nahi hai......aisa kaise ho sakta hai....

Usne apna haath aage kiya....aur mitti se bana hua ek gamla aa gaya uske haath mein.....

usne Uss chote se paudhe ko uss gamle mein rakha.....aur acche se usme mitti bhar di........

Leader - ye sahi rahega meri beti ke liye....pahla taufa isse behtar kya hi hoga......ek paltu shaitaan......par maine to isko Pankaj ko dene ke baare mein socha tha....aur wadda bhi kiya tha.......

Wo soch mein padh gaya......Usne uss gamle ko phir gayab kar diya......

Leader - abhi ye taiyaar nahi hai.....aur jungli bhi hai.....isko pahle theek karunga uske baad kisi ko dunga.....

Aaj ka yahi rakhte hai next update mein dekhenge Strange world mein Albus aur Cooper kya karte hai.....aur uske baad dekhengeBua ko kaise ghar leke aate hai ye sab.....aur kuch scenes
 
Top