Update 28
"matlab lamba is hotel ke malil nahi hai aisa to nahi kehna aapko?" ajit ne pucha
"malik?? wo kabhi kisi chiz ka malik nahi tha wo to irani ka 'FRONT MAN(kathputli)' hai".................
Bhave ke kiye huye khulase se ajit ko dhakka laga tha jisse ubharne main use kuch samay lag gaya, ajit ke pure career main use aisa jhatka kabhi nahi laga tha lekin kai tarah ke alag alag anubhav sath hone ki wajah se use jyada manay nahi laga aur wonormal ho gaya
Narendrakumar Lamba kafi rahasyamayi aadmi tha, use duniya jo salaam thokti thi us salaam ka asli hakdaar koi aur hi tha ye baat duniya ko pata nahi thi aur madhuri sen ne lamba ke bangle ko visit kiya tha ye baat ajit bhula nahi tha, ajit jab waha pahucha to lamba ghar par nahi tha, minochar irani ka khoon hua tab uski car minochar ke estate ke aas paas thi uske baad monochar ke khoon ki news batane ke baad bhi lamba ke chehre ki nas bhi nahi hali thi aur aise insaan ke liye ajit kaam kar raha tha, ajit ne bhave ki or dekha
"aapko ye sab kaise pata chala??" ajit ne pucha
"hamne irani ke documents check kiye the taki unse koi clue mil sake unhi main hame lamba aur irani ke beech huye contract ki copy mili uspar dono ke signatures the aur gawah ke roop main unke wakilo ke aur ispar se bas itna hi sabit hua hai ke ye jo industries aur hotel ka samrajya hai isme cororo ka investment irani ka hai lekin unko khud ko popularity pasand nahi thi isilioye wo hamesha parde ke piche hi rahe short main irani lamba ke sleeping partner the aur lamba working partner ke roop main sara kaam sambhalta tha isiliye sirf normal log nahi balki business relation wale bhi lamba ko hi malik samajhte the" bhave ne kaha aur kuch palruke "kya mere batne ke pehle tumhe ye kuch bhi pata nahi tha??"
"nahi, aur ab main ye baat bar bar nahi bolunga, kya hotel royal palace main irani ke alawa bhi kisi ki investment hai??" ajit
"hogi bhi to filhaal hame us bare mainpata nahi chala hai" bhave ne kaha
"theek hai, ab irani to mar chuka hai to ab hotel royal palace ki malkiyat kiske pas jayegi?" ajit
"abhi is bare main hame puri jaan kari nahi huyi hai, aamtaur par unke shares wairs hak se nera ke paas jane chahiye, minochar irani ke maa baap ab bhi jinda hai aur divorced biwi bhi kahi hai, abhi tak irani ka death certificate hamare paas nahi pahucha hai dophar tak hamare paas aa jayega" bhave
"partnership ke contract main bhavishya ke roop main bhi to socha gaya hoga na jaise agar ek partner mar jaye to dusra firm ka malik ban sakta hai ya business band karke dusre partner ko property ke roop main uska hissa milega aisa kuch" ajit
"abhi tak hamari najro main aisa kuch nahi aaya hai hum abhi bhi irani ke safe main mile document ki chan been kar rahe hai , tumhe wo thappi dekhni chahiye thi..iske alawa us safe main teen lakh rupayo ki cash thi" bhave
"cash??"
"ha aur is mamle main bhi ek jhol hai, irani ke safe main kisi bhi samay kam se kam panch lakh ki cash hoti hi hai aisa hame jaal daruwala ne bataya tha aur is baat main uski patni ne bhi hami bhari thi aur paanch lakh yani iranike hisab se to pocket money tha" bhave
"to fir un 2 lakh ka kya hua pata chala?" ajit
"us mamle main koi kuch nahi bata paya hai" bhave ne kaha
"mujhe lagta hai ap yaha lamba se milne aaye hai" ajit ne bhave se kaha kyuki uske bagair bhave ka royal palace main aane ka koi kaam nahi tha "agar main aapke sath aau to apko problem to nahi hai na?"
"jaroor koi dikkat nahi hai" bhave ne kaha
"jisne mujhe iranike khuni ko dhundne ke liyehire kiya hai usine irani ko udaya hai iske kitne percent chances hai!!" ajit ne pucha
"mushkil hai lekin aise cases pehle bhi huye hai kai baar khuni ki khoon ki report karta hai" bhave ne kaha aur wo lamba ke office ki or nikal gaye
lambe apne office main the the, unka office bhi jaal daruwala ke office jaisa hi tha bas thoda bada thaaur kuch bhi ho gaya to bhi sabki najro main lamba us cororo ki lagat se bane hotel royal palace ke 'malik' the , ajit aur bhave unke samne rahki kurchi par baith gaye aur bhave ne bolna suru kiya aur ekdum shanti se jo jo unhe pata chala tha wo sab unhone lamba ko bata diya
"is sab ke bare main aapko kya kehna hai??" ant main bhave ne pucha
jab bahve bol rahe the tab lamba ektak table ko dekhe ja rahe the aur bhave ka bolna khatam hone ke bad unhone najar utha kar bhave aur ajit ko dekha aur lambi saas lekar bolne se pehle kuch sochne lage
"mujhe is bare main kuch nahi kehna hai " lamba ne kaha "inspector aapne jo bhi abhi kaha hai wo sab sach hai aur jis pal mujhe unki maut ki khabar mili thi tabhi main samajh gaya tha ke ye sach bahar aa hi jayega. Jo hua wo durbhagyapurn tha lekin atal tha aur ab isse kuch khas farak nahi padta hai. Irani mere jigri dost the jinka khoon hi chuka hai aur unke khooni ko saja honi hi chahiye ye mere liye kafi jaruri hai"lamba ne shanti se kaha
"Aapko pakka itna hi kehna hai ??"bhave
"Ha inspector faltu main kisi baat ko badha chadha kar batane main ya bhavnao ka pradarshan karne ka koi matlab nahi hai aur main koi gunah nahi kiya hai isiliye......"lamba ne kaha, lamba ki baat sun kar bhave ke arthpurn najro se ajit ki or dekha aur fir aaram se kharchi kar baith gaye aur lamba pe apni najar tikayi
"Mr.Lamba irani ke baad hotel royal palace ki malkiyat kiske paas jayegi?" Bhave
"Mere hisab se nera pe paas par mera interest safe hai matlab mujhe kisi bhi prakar ka arthik nuksaan nahi hoga aur irani ke investment ki baat kare to uska kya karna hai ye pura unak decision tha !!" Lamba
"Matlab in short irani ke marne se aapka koi fayda nahi hone wala tha ??"
"Fayda ?? Bilkul nahi ulta maine apna bahut acha dost kho diya hai"lamba
"Aap irani ke estate par gaye the ye aapka bolna ab bhi kayam hai??"bhave
"Main ambetpada tak gaya tha , unki estate waha se 3-4 km ander hai"lamba ne kaha
"Matlab aap estate par nahi gaye the aur itna hi nahi mere batane ke pehle aapko pata bhi nahi tha ke irani ka khoon ho chuka hai barobar?" Bhave
"Barobar" lamba ne cigarette jalate huye kaha lekin wo jhooth bol rahe hai aisa ajit ko baar baar lag raha tha aur bhave bhi isi hisab se soch rahe gai aisa ajit ko laga
"Lamba jab maine aapko irani ke marne ke bare main bataya tha tab aap jara bhi shock nahi huye the ye ashcharyajanak hai aisa nahi lagta aapko? Mea aapki bato se samadhan nahi hua hai? " Bhave ne kaha
"Aapke samadhan se mujhe kucch nahi karna hai inspector, irani ke marne ki news se main bhi shock hua tha lekin usse bhi jyada jo hamare beech contract hua tha uska khayal mere dimag main aa gaya, pichle kai salo se wo contract bas hum dono ke beech tha lekin unke khoon se ab wo jag jahir ho jayega ye main samajh gaya tha aur aisa hoga to iska parinam sirf mujhpar nahi hoga lekin iska viprit parinam is hotel ke inauguration par bhi padega aisa mujhe laga! "Lamba bolte bolte ruke fir kuch samay baad wapis bolna suru kiya "maine khud is case ki investigation ke liye ajit deshmukh ko hire kiya hai aur unhe ekdum kam samay main is case ko solve karne bola kyuki...." Ab lamba ajit ki or dekh kar bol rahe the "isse do bate hoti ek to obviously case solve ho jata dusra is contract ko lekar jo logo ka shaq mujh par banta wo khatam ho jata isiliye khuni inauguration ke pehle pakda jaye aisi meri icha thi"lamba ne apni baat puri ki
Tabhi bhave jor jor se naak se saas lene ki koshish kar rahe the jisse ajit lamba ke bolne pe concentrate nahi kar pa raha tha, bhave ka chehra laal ho gaya tha, shayad unhe sainas ki takleef ho rahi thi "inspector aapki tabiyat......"lamba ne kaha
"Main......main theek hu" apne sainas ko control karte huye bhave ne jawaab diya aur pucha
"Aur madhuri sen ke bare main kya kehna chahenge ?" Bhave
"Main samjha nahi ?" Lamba
"aap usse kab mile the??"
"maine wo aapko pehle hi bata diya hai....budhwar ko subah hotel main" lamba ne kaha
"uske pehle kabhi i mean budhwaar ke pehle aapne use kahi dekha tha ya mile the?"
"kabhi nahi, mujhe to aisa kuch yaad nahi" lamba ne kaha
"to fir dimag par jor daliye, aapki pehchan main aisa koi hai jo chahta hoki irani mar jaye, jisse use fayda ho" bhave
"nahi, mere paas jo bhi tha maine sab aapko pehle hi bata diya hai isme main aur kuch nahi add kar sakta " lamba ne na main garden hilate huye kaha
"theek hai, aapke diye samay ke liye shukriya" bhave ne kaha
sawal jawaab khatam ho gaye the par ajit ka ab bhi samadhan nahi hua tha, bhave jitna bata rahe hai usse jyada unhe pata hai ye wo janta tha, bhave uthe aur ajit ko ishara karke bahar chale gaye aur darwaja band hote hi ajit ne lamba ki or dekha
"ye sab aap mujhe pehle bata dete to acha hota" cigarette jalate huye ajit ne kaha
"ab tum mera tutorial mat lena" lamba ne chid kar kaha
"tutorial?? kaun le raha hai? aap main aur iranimain huye us contract ke bare main mujhe pata hota to shayad main ye case ab tak solve kar chuka hota, mere paas jitni jyada information hogi unti jaldi main ye case solve kar paunga aur abhi ke hisab se mujhe nahi lagta ki main saal bhar bhi ye case solve kar sakta hu" ajit
"kya lagta hai inspector ko mujh par to shaq nahi?" ajit ki bato ko najarandaj karte huye apne balo main se hath ghumate huye lamba ne pucha
"shaq to mujhe bhi hai aap par agar bhave ko shaq na hua ho to unhe police se resign kar dena chahiye" ajit ne kaha
"Mr. Deshmukh...." lamba ne kadak awaj main kaha
"shant ho jaiye, apne mujhse pucha tha uska main imandari se jawab diya, irani ke khoon ke bare main jaan kar sach much ap shock nahi huye??" ajit ne pucha
"maine bhave ko kya jawaab diya hai wo tumne suna hi hai" lamba
"aur unko bhi aapki baato par vishwas nahi hua hai is baat par main shart lagane ko tayar hu" ajit ne kaha
"deshmukh, aapko dusra koi aur kaam nahi hai kya?" lamba
"kaam to bahut sare hai aur usme se ek kaam maine abhi suru kar raha hu...kareeb ek mahina pehle aapne hilltop hotel main ek party attend kari thi aur us jagah beauty compitition ke ayojan ka natak kya gaya tha jabki kise select karna hai ye pehle hi decide ho chuka tha, mujhe us party ke bare main jaankari chahiye mere malumat ke mutabik us party main aap, daruwala aur irani teeno maujood the" ajit
"sahi hai, puchiye aapko kya janna hai" lamba
"aapne wo party fun ke liye attend kari the ya aur bhi kuch karan tha??" ajit ne pucha
"parties ab mere liye fun nahi hai mister ajit wo mere business ka ek hissa ban chuki hai, yaha hone wale beauty contest ka bhi final result kya hoga ispar meri aur mehra ki charcha ho chuki hai, mehra jo TV show tayar kar rahe hai uska kharcha aur usme ke main lead aur supporting role main kaun hoga iska decision pehle hi ho chuka hai"lamba ne kaha
"matlab contest main participate karne wali ladkiyo ko role ka gajar dikhaya ja raha hai aur jiska selection hua hai wo bhi to isme participate karne wali hogi na??" ajit ne kaha
"Mr. deshmukh kya aapse kabhi kisi ne kaha hai ke aap ek sardard hai, arre bhai baat to samjho mere bolne ka wo matlab nahi tha contest ka result to aane ka hi hai decide ye hua hai jo pehle round main 1st ayegi use main lead diya jayega aur baki ko supporting role ha matlab 1st kon aayegi ye thodehi decide hua hai, aur is charcha ka reason ye tha ki iski thodi purva kalpana hum participents aur hamare advertise wale aur jaurnalists ko bhi dene wale the, wo to chalega na?" lamba ne kaha
"irani malik hai ye unhone sabse chupaya kyu?" ajit ne lamba ke jawaab ko side karte huye pucha
"ye main aapko batane hi wala tha, isme rahasyamay aisa kuch nahi hai, maine kai saal mumbai film industry main bitaye hai, dadar ke jis gupta restaurent main aajke kai nami stars apne strugling period main udahari par khana khane aate the tab main waha waiter ke roop main kaam karta tha aage chal kar wo star bane aur main canteen contractor, catering services ka malik aur fir ek chote se restaurent ka malik aise dheere dheere pragati par tha, arthik paristithi se main kamjor tha lekin meri sab taraf pehchan thi, mumbai, madras, dehli har taraf, us waqt meri aur irani ki pehchan huyi aur fir dosti, unke paas paisa tha mere paas contacts the aise dono ka sangam ho gaya, irani ki bordi ke samundar kinare par hotel banane ki icha thi aur maharashtra paryatan vibhag ne dahanu-bordi vibhag paryatan skhetra ghoshit kiya aur viksit karne ka decision liya aur kai tarah ki chhut di jisse hotel royal palace ban paya aur uska malik bana ke irani ke mujhe aage kiya, meri politicion se pehchan aur press se ache sambandh hone ki wajah se hame milne wali publicity aur baki fayde dekhte huye irani ne mujhe working partner banaya, uska sleeping partner rehne ka dusra reason ye hai ke wo kafi introvert type ke insan the, alag alag business se paisa kaise kamana hai iska unhe bharpur gyan tha lekin char logo se milna unhe nahi aata tha, wo bahar aate the lekin kabhi kabhi.......aur kuch janna hai??" lamba ne apni puri kahani ajit ko bata di
"okk....ab mujhe ye case solve karne ke liye hulchal karni chahiye" ajit ne kaha
"Mr. deshmukh..." lamba ne kaha fir kuch soch kar na main ishara kar diya, ajit ne unhe dekha aur bahar chala gaya.....
Lamba only front man hai Irani ka?? To phir Nera ne Lamba ke assistant se shadi kyun ki
shukriya bhai
