Thriller Hotel Royal Palace (Completed)

[Adirshi]

Agla update ek ghante main

 

[Chutiyadr]

Update 22

tabhi......

"waah!!! bohot khub!! isiko kehte hai jokhimbhara kaam, namumkin ko mumkin kar dikhana jabardast!!!..."

Achanak aaye is awaj se ajit chauk gaya, ye shabd uske ya rati ke nahi the ye wo janta tha, usne awaj ki taraf garden ghumayi to ek baar fir chauka , wo shabd narendra kumar lamba ke the,

Narendra kumar lamba aur jaal daruwala ajit aur rati se kuch hi foot door khade the , police station par jate samay jo suit Mr.Lamba ne pehna hua tha wo ab bhi unke sharir par tha, na to unke suit ki istari kharab huyi thi na juto par kisi ka bhi chehra dikhe aisa kiya hua polish kharab hua tha, unhone pehle ajit ki or dekha fir rati par najar dali aur fir wapis ajit par apni najar sthir kar di, unke chehre se kadwahat saaf jhalak rahi thi

"Waah!! Sunder !!! Bahut khoob Mr. Deshmukh, aap agar isi speed se kaam karte rahe to meri sari chintaye agle dus saal main bhi khatam nahi hone wali aur is baat pe to main shart lagane ko tayar hu...aapko sunder chehre pasand hai wo aapki kamjori hai ye maine suna tha aur us bare main bolna nahi chahunga par aapko maine ladkiyo ke piche ghumne ke liye appoint nahi kiya hai balki......"

"Ek minute Mr. Lamba aapne mujhe appoint kiya hai ye keh kar aap meri beijjati kar rahe hai"ajit ne kaha

"Beijjati nahi balki main to bahut kuch karne na soch raha hu" Lamba ne taish main kaha

(Jaroor jyada se jyada kya hona mujhe ye grand party chhod kar jaha padega) ajit ne khud se kaha fir bola "apne aap ko control kariye Mr.Lamba main yaha aapke liye paglo jaise bhag daud kar raha hu"

"Antahpur main aapke kiye huye sare pratap jaal daruwala ne mujhe bataye hai, pehle daruwala ki biwi fir wo ladki shama aur ab rati ganguly, deshmukh aapko appoint karke maine galti kar di hai aisa mujhe lag raha hai" lamba ne kaha

Lamba ki baat sun kar rati ke chehre par halki si muskurahat aa gayi, 'aur bhai aa gaya swad ' aisi najro se usne ajit ki or dekha aur usi par ajit ne apna decision le liya tha....

"Ajit jab se hum mile hai meri chintaye door hone ki bajaye mere raste main musibato ka pahad khada ho gaya hai..."

" ek minute lamba mujhe mera kaam karne dijiye" apna hath dikha kar ajit ne lamba ko bolne se roka aur rati ke or muda tab uski najar kathor ho gayi thi aur apne bolne ka rati koi ulta arth na nikal le iski bhi wo man hi man prarthana kar raha tha

"to ab hum fir se sawaal jawab ki or chalte hai" ajit ne kaha " kal raat aapne room service se apne room main ek tray bulaya tha kya aap ise nakarti hai?? aapke room main tray jate huye dekhne wala gawah mere paas hai"

Ajit na sawaal sun kar rati ne ek pal confusion main use dekha fir uska chehra normal ho gaya jise dekh kar ajit ne chain ki saas li, rati ne uske sawaal ka sahi matlab samjha tha

"ha, ye sach hai" usne kaha

"wo tray dinner ka tha?" ajit

"haa!!"

"uske pehle aapne mandrin room main dinner kar liya tha?" ajit

"haa!" rati

lamba ke hoth kuch bolne ke liye khule lekin ajit ne use najarandaj kar diya aur fir se bolona chalu kiya

"jab aapne mandrin room main bharpet dinner kar liya tha to aapne apne room main dinner ka tray kyu mangwaya?? kya aapko bhasmak rog(bhookh jyada kagne ki bimari) ho gaya tha??" ajit

"nahi!!" rati

"iska matlab wo tray aapne kisi or ke liye mangwaya tha!!!" ajit

"ha"

"iska matlab us waqt apke room par koi aur bhi tha, kon tha wo?? kya naam tha uska?" ajit

"madhuri ke liye maine wo...." rati

"madhuri?? kon madhuri??"

"madhuri sen?" rati

uske baad ajit ne jaldi jaldi sawaal karke madhuri ne rati ko kaise dhundha kaisa uska pati use dikha usse bachne ke liye madhuri ne kaise rati ke suite ka upayog kiya sari bate rati se kehlwayi

"usne apne pati ke bare main kuch nahi bataya ya kisi or baat se darr lagne ke bare main nahi bataya??" ajit

"nahi par use sabki najro se door rehna tha shayad par kal raat wo kafi ghabrayi huyi dikh rahi thi" rati

"aur aaj subah ke baad aapne use nahi dekha??"

"nahi. main breakfast karne gayi tab wo suite main hi thi lekin jab main lauti tab wo ja chuki thi aur jate huye wo kuch chize bhi le gayi thi" rati

"thank you miss rati aur maine aapse itni kathorta se baat ki uske liye sorry" aur daruwala aur lomba ko na dikhe aise ajit ne rati ko aankh maar di "main aapse jald hi milunga"

"main intajar karungi" rati ne kaha aur waha se chali gayi

rati ke kuch door jate hi ajit lamba ki or muda "ab agar aapko ijajat ho to main bhi chalta hu" ajit ne gambhir awaj main kaha to lamba ne uske kandhe par hath rakh diya

"badhiya kaam kiya apane, kam se kam itna to pata chala ke wo kal raat kaha thi kuch to progress huyi" lambba ne kaha

"jab aapko pata ho ki aapko kya chahiye to wo cheej aapko mil hi jati hai"ajit ne kaha

"aapko uska pati mila?" lamba

"nahi par maine ek aadi ko contest main participate karne wali ladki se bat karte dekha shayad wo wahi insan ho jiski hume talaash hai, main ab usi ko dhundne ki koshish karne wala hu..." ajit bolte bolte ruka "matlab agar mujhe is case se nikala na gaya ho to!!"

"I am sorry dekhmukh ye bate bhool jaiye bas itna kariyega ki mujhe samay samay par jankari dete rahiyega" lamba ne kaha

"bilkul, yahi to mera kaam hai......"

 

[Adirshi]

To Lamba police station se vapis aa gaya hai usne Ajit ki progress check ki hai..... Kuch khas naya pata chala nhi Ajit ko iss update aur aab vo uss jade ke piche lagega
Raat ho gayi hai yani ki Ajit ke paas waqt bhut kam bacha hai case solve karne ke liye aur lakhpati banne ke liye
Waiting for next update

ye satya hai ke is update main aisa kuch khas nahi tha lekin ye jaruri tha ki lamba ka ajit par vishwas bana rahe to wo case ko aage chalne de
thank you for the review

 

[Adirshi]

wonderfull update bhai ji

thank you bade bhai

 

[Adirshi]

Awesome Update.
Ye kya drama kar diya Befaltu ka . Kuchh progress na hua bas lamba aa gaya apni naak ghushane

aapki baat ekdum satya hai iron man bhai ki update main aisa kuch khas nahi tha lekin ye drama jaruri tha ke lamba ko pata chale ki ajit case main kaisi progress kar raha hai aur uska ajit par vishwas bana rahe ab to aage case main apni tang nahi adayega

 

[Adirshi]

fantastic update

thank you bhai

 

[Adirshi]

 

[Adirshi]

Update 23

"I am sorry dekhmukh ye bate bhool jaiye bas itna kariyega ki mujhe samay samay par jankari dete rahiyega" lamba ne kaha

"bilkul, yahi to mera kaam hai......"

Ajit ne lamba ko ye sabit kar diya tha ke wo apne kaam main kis tarah tatpar hai aur ye ek tarah se acha hi hua ye ab lamba ya jaal daruwala use uska kaam karne se nahi rokenge,

Rati se baat ho jane ke baad Lamba ke man main ajit ko lekar utpann huyi shankaye samapt ho chuki thi aur wo air ajit baat kar rahe the unme kuch der charcha huyi aur police station par apne sath huye galat vyahaar ke bare main lamba baar baar jikra kar rahe the halanki dekha jaye to lamba ke sath police wale kafi adab se peh aaye the lekin police ne unhe minochar irani aur uske dushman aur dophar main lamba kis raste se drive karke gaye the is bare main baar baar sawaal kiye the, lamba ke wakeel ka bhi waise koi khas kaam nahi tha inspector bhave aur unke sathiyo ne unse kuch sawaal kiye aur lamba ko jane ki permission de di thi lekin police apne piche lagi huyi hai ye baat lamba ke dimag main baith chuki thi aur wo unka picha nahi chhod rahi thi

"Aap jate huye ambetpada se hote huye gaye the the right?" Ajit

"Haa" lamba ne garden hilakar hami bharte huye kaha "kosabad se jane wala Bordi dahanu rasta ambetpada se hokar jata hai, ambetpada yaha se jyada se jyada 12 se 14 Km hoga aur wahi minochar irani ki estate hai to meri car uski estate ke paas se gujarna swabhavik hai, samay to mujhe pakka yaad nahi lekin mujhe lagta hai usi samay apne jeep main se jate huye ingle ne mujhe dekh liya tha kyuki jab main narpad ki or muda tab mujhe uski jeep cross huyi thi shayad aur aap aane wale the isiliye main ghar wapis aa raha tha" lamba ne apni baat puri ki

"Acha matlab police ke paas bas itna saboot hai ne unhone aapki car ambetpada ke paas dekhi thi ?" Ajit ne pucha

"Haa, ingle ne mujhe dekh liya tha" lamba kuch pal ruke "minochar ke estate par jane wala rasta ambetpada se thoda aage hai par ingle jab waha pahucha tab shayad minochar mar chuka tha aur usne shayad meri car pehchan li thi "lamba

"Lekin meri information ke hisab se police ko kisi ne phone karke minochar ki estate par goli chalne ki khabar di thi unhone is bare main kuch bataya?"ajit

"Nahi unhone mujhe is bare main kuch nahi bataya unhonne bas apne ghatiya apamanajanak sawaal kiye aur kuch nahi" lamba ne apni ghadi ki or najar dali "mujhe mere guests se milne jana chahiye. Mr. Deshmukh aap ko jis hisaab se case handle karna hai aap kar sakte hai bas itna yaad rakhiyega ke aapke paas samay kam hai aur kal subah aapko contest ke baki judges se bhi milna hai subah 11 baje ye mat bhuliye ki aap is contest ke judge ban kar aaye hai" lamba ne apni baat puri ki

"Subah 11 baje ? Ye meeting kis liye hai?" Ajit

"Kal shaam main hone wale beauty contest ki preparation ke liye aapko kal contest ka timetable sare niyam aur sath hi hone wale baki ke karyakramo ke bare main jankari di jayegi taki contest sahi time se ho sake bas isiliye wo meeting hai"lamba

"Theek hai main pahuch jaunga " ajit ne kaha aur uske chehre par chinta saaf jhalak rahi thi kyuki uske baas samay kafi kam tha, ajit se baat karne ke baad Lamba jaal ki or mude

"jaal mere guests mera ab bhi kandhar room main wait kar rahe hai tumne unhe bata diya hai na main pahuchne wala hu?"

"ha maine bata diya tha" ajit ki or dekhte huye jaal ne kaha aur waha se jane laga tabhi

"Mr. Daruwala..." ajit ne jaal ko awaj di

"boliye" jaal ruk kar bola

"madhuri ne yaha aane ke baad aapse sach main ek shabd ki bhi baat nahi ki ?" ajit ne pucha

"nahi" jaal ne na main garden hilate huye kaha "main us akeli ko chhod ke contest main bhag lene walibaki sabhi ladkiyo se mil chuka hu aur jab wo mujhe mili hi nahi to bat karna to door ki bat hai aur fir aap jante hi hai kya hua par aapne ye sawaal mujhse kyu pucha" jaal ne jawaab diya wo thoda confusion main tha

"wo isliye ki mere hisaab se wo minochar irani ke bare main janne ke liye kafi utsuk thi aur wo aapke sasur hone ki wajah se mujhe laga ke us aapse is bare main pucha hoga" ajit

"ye bahut ashcharyajanak baat hai" jaal

par shayad ye utna ashcharyajanak nahi tha kyuki ajit ko lag raga tha ke bagair kuch karan ke madhuri minochar ke bare main puch tach nahi karegi iske piche koi khas wajah thi

"aap is bare main confirm hai ke uski nera se is bare main koi baat nahi huyi?" ajit

"ekdum confirm nahi keh sakta kyuki mujhe bhi is bare main abhi pata chala hai par main nera se puch ke bata sakta hu" jaal ne jawaab diya

"ek aur baat, jab aapke sasur ka khoon hua tab hanif sando kaha tha is bare main koi idea hai?"

"aaj raat ki party ke liye unhone hanif ko dophar main hi chutti de di thi party ki tayari ke liye lekin jab khon hua us waqt wo kaha tha ye mujhe nahi pata"jaal

"thank you Mr. Daruwala" ajit

jaal ne ajit ki or muskura kar dekha "aap mujhe jaal bula sakte hai" aur waha se chala gaya

Lamba jaal ko jate huye dekh rahe the tabhi unki or dekh kar kisi ne hath hilaya aur ek minute main hi medium height wale kale rang ka leather jacket pehne huye rohit mehra unke paas aaye, ajit waise to unhe nahi janta tha lekin usne unke kafi videos photos interviews dekh rakhe the, bhale hi unki umra kam thi lekin fir bhi chehre par budhape ke lakshan dikh rahe the aur unke chehre se lag raha tha ye aadmi hamesha kisi na kisi chiiz ki chinta karta hoga

lamba aur mehra ekdusre se ache se mile aur kuch hi minto ki unki charcha par se ajit ne andaja laga liya ke wo dono kisi bahut khas vyakti se milne jane wale hai, lamba ne ajit aur mehra ka introduction karaya, ajit ne jab mehra ko bataya ki usne unke bare main kafi suna hai waigaire to mehra ne bhi waisa hi reaction diya lekin unki awaj se saaf pata chal raha tha ke unhone ajit ke bare main jyada nahi suna tha aur ajit ne jab mehra ko bataya ki use unki films kafi pasand aayi thi tabhi uska filmo ke bare main knowledge sabke samne aa gaya aur usne haste huye apni galti mani ki use filmo ke bare main jyada pata nahi hai, lamba ne ek bara fir ghadi par najar dali aur ajit ki or mude

"deshmukh, madhuri irani ke bare main janne ke liye utsuk thi is baat se aapka kya matlab tha??" lamba

lamba ka sawal sun kar ajit ne ke baar mehra ki or dekha

"unke samne bolne main koi dikkat nahi hai, tum kaun ho kis liye aaye ho ye sab maine mehra ko bata diya hai jisse kal aapko judge ke roop main kaam karne main dikkat nahi hogi kyuki ye compitition mehra ke liye hi organize kiya hai" lamba ne kaha

"use irani ke bare mainitna kyu janna tha iska pata main bhi lagana chahta hu, kyuki meri information ke hisab se usne kai logfo se irani ke bare main sawaal kiye the aur ho sakta hai ke nera ke bare main bhi kiye ho" ajit

"yahi baat mujhe bhi khatak rahi hai kyuki jab wo royal palace main aayi aur meri aur uski mulakat huyi to usne mujhse nera ke bare main pucha tha"lamba

"ohh!! aap mujhe detail main batayenge ki nera ke bare main usne kya pucha tha?" ajit ne pucha

"budhwaar ko subah ladkiya aana suru ho gayi thi aur main unse mila tha tab main lobby main kuch minto ke liye main aur madhuri akele hi the aur jaal aur nera antahpur ki entrance lobby par baat kar rahe the madhuri uski taraf hi dekh rahi thi, usne mujhe mera kaun hai, matlab jaal ke sath baat karne wali ladki kaun hai aisa pucha to maine use bataya ki uska naam nera hai, wo minochar irani ki beti hai uske sath baat karne wala uska pati hai, to use thoda dhakka laga aur kya wo uski patni hai aisa hi kuch sawaal usne mujhse pucha to maine ha keh diya baad main usne mujhse pucha tha ke minochar irani kaun hai" lamba ne kaha

"to aapne kya bataya use?" ajit

"wahi jo aapko bataya tha ke minochar paisewala, ijjatdaar, aur popularity se door rehne wala aur mera acha dost hai itna hi" lamba

"aapko nahi lagta ki madhuri ko minchar irani main kuch jyada hi intrest tha??" ajit

"us hisab se socha jaye to aisa hi lagta hai lekin us samay maine is bare main itna barikai se nahi socha tha" lamba ne jawab diya

"bas yahi nahi samajh main aa raha hai ke use nera minochar aur daruwala main itan ras kyu tha aapko kya lagta hai?" ajit

"kuch keh nahi sakte hai maine kabhi is angle se socha hi nahi" lamba

"ek aur baat hai, mujhe madhuri aur irani ke bare main logo se barikai se sawaal karne honge lekin unhone ne puch liya ke mai kyu puch raha hu to.."

"agar bahut jyada jarurat ho tab hi aap sawaal kijiyega dekhmukh main chahta hu ke ye case shanti se nipat jaye bagair kisi ko khabar lage" lamba

"thek main puri koshish karunga" ajit ne kaha

"badhiya" lamba ne fir apni ghadi par najar dali "deshmukh main aapko aur jyada samay nahi de paunga iska mujhe bura lag raha hai, main aur mehra kandhar room main adhe ghante ke liye rahenge uske baad main exact kaha rahunga main abhi nahi bata sakta shayad main hotel main ya bahar lawn main rahu, agar mujhse jaldi mulakat na ho paye to aap mere naam ki announcement karwa sakte hai"lamba ne kaha

"theek haiaur muje bhi ab kafi sare kaam karne hai" ajit ne kaha

lamba aur mehra ki jati huyi akrutiyo ko dekhte huye ajit ki najar unke kandhe se us paar gayi aur uske chehre par muskan aa gayi

garden main shama ghoom rahi thi

aur wo akeli thi.........

 

[Adirshi]

nawa update posted dosto

 

[Adirshi]

Index updated