Update 69
Sam ne Shanaya se Sangeeta aur Riya ka intro karwaya.
Phir lunch kar Sangeeta aur Riya apne room mein mein aur yeh sab Sam ke room mein chale jaate hai.
Shanaya: Sam toh kaisa chal raha hai HDX ka action.
Sam aur baaki sab yeh sunke shock hojaate hai. Sab se jyaada toh Sam.
Sam: Tum tumhee kaisee pata. Deepakkkkkk.
Deepak: Tujhe toh pata hai naa. Main isse kuch nhi chipa saktaa. Isiliye kuch din pehle hi isse bola hai maine.
Shanaya: Don’t worry Sam. Maine yeh secret kisi ko bhi nhi bataya hai. Yaha tak ke apne mom dad ko bhi nhi bataya hai. Aur naahi yeh baat kisi ko bataungi. Mujhe Deepak ne bataya tha isike liye Mahi ke Mom Dad.....
Sam: Haaa.
Shanaya: Isiliye tum chinta mat karo. Mujhe mere Deepak ki kasam jab tak tum naa kaho main yeh baat kisi ko nhi bataungi.
Sam: Mujhe tumpe yakeen hai Shanaya. London mein Mahi aur Deepak ke baad tum hi meri dost thi.
Shanaya: Toh agar tum chaho toh mujhe sab bata sakte ho. Tumhe toh pata hai main ek science student hu. Aur scientist banna chahti hu Deepak ki tarah. Shayad hum kuch madad kar sakee. Kyoki jaha tak mujhe Deepak ne bataya hai tum apne family ke enemy ko destroy kar underworld ko destroy karne wale ho.
Sam: Haaaaa.
Phir Sam Shanaya ko sab kuch batata hai. Singhaniya Malhotra Marcus DEVIL agent Kaal sab kuch.
Shanaya: Whatttt theeee Fuckkkkk. Tum sab ne itna kuch kiyaaa. Deepakkkk tumne mujhe toh kuch bhi nhi bataya tha.
Deepak: Baby tumhe pata hai naa agar yeh kisi aur ko pata chalta toh kitna bada problem hojaata.
Shanaya: I understand Jaan. And Sam don’t worry yeh sab kabhi kisi ko pata nhi chalega. I promise.
Sam: Hmmm.
Ritika: Sam kya chipa rahe ho. Hum dekh rahe hai jab se Shanaya ne bataya hai usse HDX ke baare mein pata hai tum pareshan ho.
Sam: Nhi Riti aisi koi baat nhi hai.
Mahi: Sammm. Tum sabse jhoot bol sakte ho par humse nhi. Bolo kya baat hai.
Neha: Haaaa bhai bolo naa.
Sam: Deepak dekh door achhe se close hai ya nhi.
Deepak check karta hai woh achhe se band tha.
Sam: Shanaya tumne yeh baat pakka kisi ko nhi batayi hai naa. Galti se bhi nhi. Thik se soch ke bolo. Aur jab tum Deepak se iss baare mein baat kar rahi thi tab kisi ne sunna toh nhi tha naa.
Shanaya: Nhi Sam kisi ne nhi suna tha. Aur maine kabhi kisi ko nhi bataya. Baat kya hai Sam.
Sam: Main abhi tumhe infact sabhi ko kuch bataunga jisse hosakta hai sabko shock lage.
Shanaya: Kya baat hai Sam.
Sam: Shanaya please buraa mat manna. Main jo bhi keh raha hu woh sach hai.
Phir Sam Shanaya aur baaki sab ko kuch batata hai. Jisse sunke sab hadd se jyaada shock hojaate hai. Unko apne kaano mein yakeen nhi horaha tha.
Shanaya: Gusse mein. Sam tumhe pata hai tum kya bol rahe ho.
Sam: Maine jo kaha woh sach hai.
Deepak: Tujhe yeh sab kab pata chala.
Sam: Kuch din pehle.
Shanaya: Mujhe yakeen nhi. Sam kuch galatfehmi hui hogi tumse.
Sam: Tum yeh dekho phir bolna.
Phir Sam Shanaya ko ek video dikhata hai. Jisko dekhne ke baad sabki aankhe fatti ki fatti reh jaati hai. Unhe yakeen hojaata hai jo Sam ne kaha woh sab sach hai.
Mahi: Sam Shanaya yeh toh.....
Sam: Haaa Mahi. Yeh sach hai.
Shanaya abhi bhi uss video ko hi dekh rahi thi.
Deepak: Shanaya.
Shanaya: I am alright guys. Don’t worry.
Sam: Shanaya ab tum kya kehna chahti ho.
Shanaya: Simple hai Sam. Jo tumhe thik lage tum woh karo. Mera pura support rahegaa tumhe. Mujhe mere Deepak se badh kuch pyaara nhi hai. Main tumsab ki har tarah se help karungi. Don’t worry.
Mahi: Shanaya kya tum thik ho.
Shanaya: Pehle thoda dukhh hua Mahi. Par jo insaan aisa galat kaam kare. Laakho insaan ko sirf apne faiyde ke liye maare aise neech insaan ko jeene ka koi haq nhi. Main tumlogo ka saath hi dungi.
Sam ko thoda shakk hua toh usne baat karte hue hi Shanaya ke mann ki baat padhi jisse Shanaya ko shakk naa ho ke Sam uske mann ki baat sunraha hai.
Jab Sam ne Shanaya ke mann ki baat padhi toh usko yakeen hogya Shanaya sach bol rahi hai.
Sam: Thik hai Shanaya. Ab jao jaake thoda rest karlo. Lambi journey se aayi ho.
Phir Deepak Shanaya ko leke chala jaata hai Neha bhi apne room mein aagayi thi aur yeh teeno bhi aaram karne lagte hai.
Sham ko sablog thoda ghumne jaate hai jisse sabka mood thoda fresh ho. Inke saath Rishi ne bhi join kiya tha.
Ritika: Sam kya main Kajal ke ghar jau.
Sam: Main bhi tumse yehi kehna chahata tha Riti. Tum chalo main tumhe chor aata hu.
Phir Sam Ritika ko leke ek khaali jagah jaata hai aur waha se Ritika jo Kajal ke ghar teleport kar deta hai aur wapas inke paas aajata hai.
Natasha: Sam kaha chale gaye the. Aur Ritika kaha hai.
Sam: Woh Ritika Kajal ke paas gayi hai aur main toh yehi tha.
Natasha: Haa usse abhi uske paas hi rehna chahiye.
Deepak: Kyo kyaa huaa hai usko.
Natasha: Haaa woh kuch nhi bas uski thodi tabiyat kharab hai.
Deepak: Okkk.
Sam: Chalo ab.
Phir sablog ghumne lagte hai.
Idher Ritika jab Kajal ke ghar gayi toh woh apne room mein thi. Toh Ritika sidha uske room mein chali jaati hai.
Ritika dekhti hai Kajal ne ro ro ke apna haal bigaad liya hai. Pura chehra peela padh gaya hai aur aankhe puri tarah se laal hogyi hai.
Ritika: Kajallll. Yeh kyaaa haalat bana rakhi hai tumne.
Kajal kuch nhi bolti.
Ritika uske paas jaake usko kandhe se hilati hai.
Kajal Ritika ko dekhti hai par kuch nhi bolti.
Ritika: Kajal yeh sab kya hai. Yeh kaisi halat ki hai tumne apni.
Kajal uske gale lag ke rone lagti hai.
Kajal: Mere saath hi aisa kyo hua Riti. Pehle uss Karan ne mera dil toda mere jism ko barbaad kiya. Phir jaise bhi karke maine khud ko sambhala aur mujhe Deepak se pyaar hua toh pata chala woh kisi aur se pyaar karta hai. Aisa mere saath hi kyo hua Riti.
Ritika: Chup hoja Kajal. Mat ro aise. Chup hojaa.
Kajal: Yeh sab mere karmo ka hi fal hai jo mujhe iss tarah mil raha hai. Maine apni best friend ke saath bura karna chaha ussi ki saza mujhe mil rahi hai. Tune toh mujhr maaf kardiya. Par jo gunaah maine kiya tha uski saza bhagwan mujhe aise de raha hai. Yeh bol woh aur jor jor se rone lagti hai.
Ritika: Nhi Kajal aisa kuch nhi hai. Tu galat soch rahi hai. Please chupp hojaaa.
Kajal: Nhi Riti yeh mere karmo ka hi fal hai.
Ritika usko kaise samjhaye usse pata nhi chal raha thaa.
Ritika: Kajal chup hojaa le pehle paani piii.
Kajal naa karte hue bhi paani peeti hai.
Ritika: Ab shant hojaaa.
Kajal ka rona toh band hogya tha par woh kuch na kuch bole jaa rahi thi.
Ritika: Dekh Kajal main yeh nhi kahungi sabko sabki zindagi mein sabka pyaar milta hai. Kuch log aise bhi hote hai jinko unka pyaar naseeb nhi hotaa.
Kajal ek tak Ritika ko dekhte rehti hai.
Ritika: Aur rahi Deepak Shanaya ki baat toh maine dekha hai unka pyaar. Unhone jis tarah se ekdusre ka intezaar kiya hai yeh main achhe se samaj sakti hu. Kyoki maine bhi apne Sam ka waise hi intezaar kiya hai infact unse kai jyaada kiya hai. Maine unki aankho mein ekdusre ke liye tadap dekhi hai.
Kajal: Par mera kya Riti. Main bhi toh Deepak se bahot pyaar karti hu. Kya mujhe kabhi pyaar naseeb nhi hogaa.
Ritika: Hogaa. Jarur hoga par woh Deepak ka nhi hoga. Tujhe koi aisa milega jo tujhe tujhse jyaada pyaar karega.
Kajal: Par mera dil jo sirf Deepak ka pyaar chahta hai.
Ritika: Par Deepak sirf aur sirf Shanaya ko chahta hai. Aur agar tu sochti hai ke Deepak bhi Sam ki tarah 2 ko accept karega toh yeh bhul jaa.
Kajal: Kyo nhi kar sakta.
Ritika: Kyoki Sab Sam Mahi aur Ritika nhi.
Main iske aage tujhe kuch nhi bolungi. Bas tujhe samjhaungi tu aise apne aap ko takleef mat de. Bhul jaa. Maanti hu pyaar bhulaye nhi bhulta par one sided love humesha takleef dayak hota hai. Tu bhalei Deepak se pyaar karle par Deepak Shanaya ke aur Shanaya Deepak ke alawa kisi ko nhi dekhenge.
Kajal kuch nhi bolti bas waise hi baithi rehti hai.
Phir Kajal ki maa waha aati hai aur bolti hai isne dopahar se kuch nhi khaya hai bas apne room mein band hai.
Ritika jaise bhi karke usko kuch khila deti hai aur usko ek baar aur samjha ke waha se nikal jaati hai aur ek khaali jagah dekh kar Sam ko bula ka ghar teleport hojaati hai.