• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy God and Devil

Zoro x

🌹🌹
1,689
5,418
143
Update 51
Cleaning Stone House Village

Jab Sabi Logo Ne Position Le Li To Maine Wb Ko Order Diya: “Village Ke Ander Jayo Aur Zombies Ko Bahar Le Kar Ayo!”

Order Milte Hi Wb Ki Ankhe Chamak Uthi Aur Vo Apni Axe Uthaya Village Ki Tarf Daud Pada.

Ab Aage

Gadiyo Ki Avaj Se Zombies Pehle Hi Village Ke Bahar Aney Ke Liye Chal Pade Thay Aur Jab Uno Ne Wb Ko Dekha To Vo Sabi Wb Ki Tarf Badne Lage.

Zombies Ko Apni Tarf Ata Dekh Wb Piche Jane Ki Jagha Unki Tarf Daud Pada Aur Unke Samne Ponchne Ke Baad Apni Axe Ko Ghumate Huye Ek Hi Vaar Mein 6 Zombies Ke Sar Ko Kat Diya, Baki Zombies Wb Ko Gairne Ke Liye Charo Tarf Se Uski Tarf Badne Lage.

Is Se Pehle Zombies Wb Ko Gair Pate Wb Puri Teji Se Village Ki Entrance Ki Tarf Daudne Laga, Wb Ko Entrance Ki Tarf Jata Dekh Sabi Zombies Uske Piche Piche Chalne Lage.


Village Mein Zombies Ki Sankhya Ascharyajanak Thi, Unke Sarir Sade Huye Thay, Kaiyo Ke Sarir Par Jagha Jagha Se Maas Gayab Tha, Kuch Ke Sarir Par Kidey Reng Rahe Thay.

Ek Ya Do Zombies Ka Samne Karte Vakt Ab Ek Sadharan Vyakti Ko Bi Jada Kuch Mehsus Nahi Hoga, Lekin Agar Zombies Ki Ginti Hazaaro Mein Ho To Sadharan Vyakti To Dur Ek Evolver Bi Unse Ladne Ki Himmat Jaldi Nahi Juta Paye Ga.

Wb Duvara Badi Ginti Mein Zombies Ko Village Ke Bahar Lata Dekh Akash Ke Elava Sabi Ki Sanse Tham Chuki Thi, Zombies Ke Chote Group Se Unka Samna Pehle Bi Kayi Baar Ho Chuka Hai, Lekin Ye Aj Pehli Baar Hai Jab Vo Hazaar Se Bi Jada Zombies Ka Samna Karne Vale Hai, Aur Vahi Unki Fighting Force Muskil Se 100 Aadmi Hai, Sath Hi Uney Ye Bi Pata Hai Ki Unke Leader Ke Elava Aur Kisi Ka Aim Itni Aacha Nahi Ki Vo Ek Goli Se Ek Zombie Ko Maar Paye, Kuch Ke Dil Mein To Vaha Se Bhagne Ka Khyal Bi Ana Laga Tha Lekin Apne Samne Khade Shakhas Ko Dekh Vo Eysa Karne Ke Bare Mein Soch To Sakte Thay Par Eysa Karne Ki Unme Himmat Nahi Thi, Uney Aache Pata Hai Ki Vaha Se Ek Kadam Piche Rakhte Hi Zombies Se To Sayad Vo Bach Bi Jaye Par Is Tyrant Se Nahi Bach Paye Ge.

Jaha Sabi Ke Gale Sukh Chuke Thay, Tange Javab De Rahi Thi, Vahi Akash Shanti Se Khada Zombies Ko Aage Badte Huye Dekh Raha Tha.

Abi Maine Zombies Ko Dekh Hi Raha Tha Ki Unke Bich Se Ek S2 Teji Se Wb Ki Tarf Badne Laga, Wb Ke Lagataar Evolve Hone Ke Baad Bi S2 Dhere Dhere Uske Karib Ata Ja Raha Tha.

Uske Elava 13 S1 Zombies Jhund Ko Chirte Huye Wb Ki Tarf Bad Rahe Thay.

S1 Zombies Bina Ruke Apne Samne Aney Vale Normal Zombies Ko Kuchalte Huye Aage Bad Rahe Thay.

Akash Ke Group Ke Bina Koyi Goli Chalaye, Darjano Normal Zombies S1 Duvara Hi Mare Gaye.

Maine Sabi Zombies Ko Aage Badte Huye Dekha Aur Rahat Ki Sans Lete Huye Bola: “Sukar Hai, Inko Command Dene Vala Koyi Budhiman Zombie Nahi Hai.”


Ek Unit Mein Commander Hona Se Aur Ek Unit Mein Commander Na Hone Se Us Unit Ki Combat Force Mein Jamin Aasman Ka Fark Dekhne Ko Mil Sakta Hai, Agar Kisi Zombies Mein Dusare Zombies Ko Command Karne Ki Ability Hoti To Manav Jati Khatre Mein Pad Jati, Akhirkar Zombies Ki Sankhya Insano Se 10 Guna Adhik Hai Aur Iske Elava Zombies Marne Se Nahi Darte, Is Tarha Ke Dushman Sabse Bhayanak Hai.

“Bina Mere Order Ke Koyi Fire Nahi Kare Ga!” Itna Bolte Hi Main S2 Ki Tarf Daud Pada.

S2 Phantom Ki Tarha Hai, Agar Vo Hamari Unit Ke Ander Ghus Jata To Hame Bohot Bhari Nuksaan Uthana Padta, Hamari Team Mein Abi Eysa Koyi Nahi Hai Jo S2 Ka Samna Kar Paye.

S2 Jo Wb Ke Piche Laga Huya Tha Jab Usne Akash Ko Apni Tarf Ata Dekha To Vo Wb Ko Chod Kisi Ghost Ki Tarha Akash Ki Tarf Daud Pada.

S2 Ko Aage Nikalta Dekh Wb Ne Usi Vakt Bone Spikes Se Uspar Hamla Kar Diya, S2 Ka Dhyan Wb Se Hat Chuka Tha Jis Vaja Se Vo Bone Spike Se Bach Nahi Payea Aur Kayi Bone Spike Uske Sarir Mein Ghus Gayi Jis Se Uska Sarir Kuch Pal Ke Liye Vahi Sthir Ho Gaya.

Is Se Pehle S2 Koyi Movement Kar Pata Mein Furti Se Uski Tarf Daud Aur Apni Talwar Se Uske Sar Ko Kat Diya. Uske Sar Kat Te Hi Ek Bada Roshni Ka Gola Mere Sarir Ke Ander Chala Gaya.

“Congratulation Ap Level 26 Par Ponch Chuke Hai Aur Apko 2 Stat Points Milte Hai.”

Roshni Ka Gola Ander Jate Hi Mere Mind Mein Level Up Ka Msg Ayea.


S2 Ko Marne Ke Baad Furti Se Maine S2 Se Nikli Skill Book, Green Treasure Box Aur 200 Life Coins Apne Bag Mein Rakhe, Fir Wb Ke Sath 13 S1 Zombies Ka Khuli Baho Se Swagat Kiya.

S Type Zombies Ka Samna Karna Aam Logo Ke Liye Sabse Muskil Hai, Agar Maine Inko Khatam Nahi Kiya To Vo Mere Combat Units Ke Liye Bohot Bada Khatra Sabit Ho Sakte Hai.

Akash Ko Group Banaye Ab Jada Vakt Nahi Huya Jis Vaja Se Uske Group Ki Mentality Abi Veteran Sainikon Jese Nahi Huyi, Vo Abi Jada Pressure Jhelne Ke Kabil Nahi Huye Hai, Zombies Ke Jhud Se To Vo Mukabala Kar Sakte Hai Lekin Agar Unka Samna Evolved Zombies Se Ho Jaye To Natija Aacha Nahi Hoga.

13 S1 Zombies S2 Ke Marne Ke Baad Jara Sa Bi Nahi Jhijhke Aur Akash Aur Wb Ki Tarf Bina Ruke Aage Daudte Rahe.

Main Daud Kar S1 Ke Group Ke Bich Ghus Gaya Aur Bina Vakt Gavaye S1 Zombies Ke Saro Ko Talwar Se Katne Laga, Wb Jo Mere Pass Khada Tha Jo Bi S1 Mere Pass Aney Ki Kosis Karta Uske Sar Ko Do Hisso Mein Kat Deta, Kuch Palo Mein Hi 13 S1 Zombies Ko Ham Dono Ne Mil Kar Kat Diya, Zombies Ko Katne Ke Baad Main Aur Wb Turant Vapis Apni Jagha Par Aa Gaye, Ham Dono Chah Kar Bi Zombies Jhund Ka Ekale Samna Nahi Kar Sakte, Aur Jab Mere Pass Meri Units Hai To Mujey Eysa Karne Ki Jarurt Bi Nahi, Aur Na Hi Main Chahta Tha Ki Mujey Jo Ye Apne Aadmiyo Ko Train Karne Ka Moka Mila Hai Main Usey Bin Baat Ke Jaya Karu.

Akash Aur Wb Duvara S2 Aur S1 Zombies Ke Group Ko Khatam Karne Se Sari Units Ka Morale Bohot Bad Chuka Tha, Dar To Unke Dilo Main Ab Bi Tha Lekin Evolve Zombies Ke Khatam Hone Se Vo Dar Ab Kuch Kam Ho Chuka Tha, Apne Leader Ko Front Line Par Ladte Dekh Sabme Josh Bhar Chuka Tha, Vo Sab Khush Thay Ki Uney Eyse Leader Ke Niche Kam Karne Ka Moka Mila Hai Jo Takatvar Dushmano Se Bhidne Ke Liye Uney Bhejne Ki Jagha Khud Aage Gaya Hai, Vo Baat Alag Hai Ki Agar Ladte Vakt Akash Mara Jata To Unka Morale Jo Is Vakt Bad Chuka Hai Vo Mitti Mein Mil Jata, Fir Sayad Hi Koyi Zombies Se Ladne Ki Himmat Juta Pata.


Group Ke Pass Aney Ke Baad Main Dur Se Atey Dhere Chalne Vale Zombies Ko Dekhne Laga, Ki Kahi Uney Abi Bi To Buy Elove Zombie Nahi Chupa.

Akash Ko Zombies Ki Tarf Dekhta Dekh Sabi Units Ka Dhyan Jo S1 Aur S2 Zombies Ki Ladayi Se Bhatak Gaya Tha Vo Unki Tarf Chala Gaya, Uno Ne Apni Guns Par Hath Kas Liye, Kisi Mein Bi Itni Himmat Nahi Thi Ki Koyi Apni Jagha Se Hil Paye, Sabi Ghabraye Huye Zombies Ko Dhere Dhere Apni Tarf Ata Dekh Rahe Thay.


Zombies Ke Jhund Ko Aachi Tarha Dekhne Ke Baad Jab Mujey Unme Koyi Aur Evolved Zombie Nahi Dikha To Zombies Ke 100 Meter Ki Range Mein Atey Hi Maine Order Diya: “Fire!”

Mujey Pata Hai Ki Agar Main Zombies Ko Thoda Aur Najdik Aney Dun To Vo Aur Behtar Hoga Lekin Mere Pass Khade Aadmiyo Ke Sarir Halke Kanp Rahe Thay, Unki Halat Dekh Mujey Dar Tha Ki Kahi Zombies Ke Thoda Aur Najdik Aney Se Vo Sab Is Pressure Ko Jhel Na Paye, Aur Pressure Mein Vo Koyi Galti Kar Bethe.

“Fire!!”

Akash Ka Adesh Milte Hi Sabi Leader Uchi Avaj Mein Chilaye, Chilana Unke Dil Mein Uthey Dar Ko Kam Kar Raha Tha.

Palak Jhapakte Hi Goliyo Ki Barish Hone Lagi, Anginat Goliya Zombies Ki Tarf Badne Lagi.

Akash Ke Group Ki Tarf Bad Rahe Zombies Ke Sarir Se Alag Alag Tarha Ki Light Aur Heavy Firepower Lagne Lagi, Uney Dekh Eysa Lag Raha Tha Jese Ek Ke Baad Ek Zombie Kisi Invisible Diwar Se Takra Ke Piche Gir Raha Hai, Khaas Tor Pe Vo Zombies Jinke Sarir Se Heavy Machine Guns Se Nikli Goliya Takra Rahi Thi, Kuch Zombies Ko Heavy Machine Gun Bullets Lagte Hi Vo Do Hisso Mein Kat Kar Niche Gir Rahe Thay, Kuch Bullets Ek Sath 3 4 Zombies Ko Bhed Rahe Thi.

Samne Dekhte Huye Mere Cehre Ka Rang Badla Aur Maine Adesh Diya: “Fire Karna Band Karo!!!”

Aj Pehli Baar Tha Jab Unki Units Ka Samna Itne Bade Zombies Ke Jhund Se Ho Raha Tha Jiski Vaja Se Vo Ghabrahat Mein Bina Aim Kiye Hi Clips Ko Khali Karte Ja Rahe Thay, Unke Samne Zombies Ne Pure Raste Ko Band Kar Rakha Tha, Agar Koyi Bi Goli Unki Tarf Mari Jaye To Vo Jarur Unko Lage Gi, Lekin Bina Unke Sar Par Aim Kiye Vo Zombies Ko Mar Nahi Sakte.

Akash Ke Adesh Milte Hi Sabne Fire Karna Band Kar Diya, Aur Eysa Karne Se Uney Apni Guns Ko Reload Karne Ka Moka Mil Gaya.

Ek Minute Se Bi Kam Damne Mein Hazar Se Jada Goliyo Chalayi Ja Chuki Thi Aur Ye Dekh Mujey Thoda Pachtava Huya Kyoki Itni Goliyo Chalane Ke Baad Bi Vo Jada Zombies Ko Nahi Maar Paya.

Akash Ke Group Ne Abi Fire Band Hi Kiya Tha Ki Jin Zombies Ke Saro Par Goli Nahi Lagi Thi Vo Dubara Uth Kar Aage Badne Lage, Bohot Se Zombies Ke Sarir Ko Goliyo Bhed Chuki Thi Lekin Vo Firse Khade Ho Kar Chalne Lage.

Vo Insano Jese Nahi Hai Jabtak Unke Sar Par Goli Na Lage Ya Unki Spine Ko Na Toda Jaye Vo Aage Badne Se Nahi Ruke Gaye.

“Aim Karne Ke Baad Fire Karo! Unke Saro Par Goli Marne Ki Kosis Karo!” Adesh Dete Huye Maine Apni Type 81 Rifle Ko Pakda Aim Kiye Aur Zombie Par Fire Kiya.

Aage Badte Huye Ek Zombie Ke Sar Par Goli Lagte Hi Uske Sar Par Hole Ban Gaya Aur Vo Jamin Par Gir Gaya.

Firearm Control Skill Milne Ke Baad Eysa Ek Din Bi Nahi Gujra Tha Jis Din Maine Shooting Practice Na Ki Ho, Practice Karne Ki Vaja Se Ab Mujey Khud Par Itna Yakeen Hai Ki 100 Meter Ke Ander 10 Mein Se 8 Target Ko Hit Kar Sakta Hun.

Akash Ka Adesh Milte Hi Heavy Machine Guns Ka Use Na Karte Huye Sabi Apni Rifles Se Zombies Ki Tarf Aim Karte Huye Fire Karne Lage.


Akash Ke Group Ke Aim Aur Shot Karne Ki Vaja Se Zombies Ke Aage Badne Ki Gati Bad Chuki Thi, Akhirkar Akash Ke Team Member Ke Pass Shooting Ka Itna Anubhav Nahi Tha, Lekin Akash Ki Team Mein Jin Sainikon Ko Usne Bharti Kiya Tha Vo Apni Shooting Skills Ka Bohot Aache Se Pradarshan Kar Rahe Thay, Ek Ke Baad Ek Vo Zombies Ke Saro Par Aim Karte Huye Uney Maarte Ja Rahe Thay.

Zombies Ko Dhere Dhere Najdik Ata Dekh Ek Team Member Ki Ankhe Dar Se Bhar Gayi, Pagalo Ki Tarha Apni Clip Ko Khali Karne Ke Baad Vo Chilate Huye Piche Palat Vaha Se Bhagne Laga.


Akash Ke Group Se Zombies Ki Duri Sirf 50 Meters Hi Reh Gayi Thi, Zombies Ko Najdik Ata Dekh Team Je Kayi Members Ke Dilo Mein Dar Badne Laga Tha, Uney Aache Se Pata Hai Ki Zombies Duvara Mili Ek Halki Si Kharoch Bi Uney Infect Kar Sakti Hai.

Team Member Ko Bhagte Dekh Maine Apni Rifle Uski Tarf Aim Ki Aur Fire Kar Diya, Abi Vo Kuch Kadam Hi Aage Bada Tha Ki Goli Uske Sar Ko Chirti Huyi Nikal Gayi Aur Vo Shaktiheen Ho Kar Jamin Par Gir Gaya.

Maine Sabki Tarf Dekha Aur Gusse Mein Uchi Avaj Mein Chilaya: “Jis Kisi Ne Bi Bhagne Ki Kosis Ki Usey Usi Vakt Goli Maar Di Jaye Gi!”

Team Member Ko Hi Shot Karte Dekh Jis Kisi Ke Mann Mein Bi Vaha Se Bhagne Ka Vichar Ayea Uske Kadam Vahi Tham Gaye, Koyi Bi Marna Nahi Chahta Tha.

Mahesh Apni Team Member Ki Tarf Dekhte Huye Gusse Mein Bola: “Tum Sabko Akash Bhai Ke Bare Mein Chinta Karne Ki Jarurt Nahi Hau, Agar Tum Mein Se Kisi Ne Bhagne Ki Kosis Ki To Unse Pehle Main Tume Khatam Kar Dunga!”

Jis Aadmi Ne Bhagne Ki Kosis Ki Thi Vo Mahesh Ki Team Ka Member Tha, Eyse Dubara Hone Ki Vaja Se Mahesh Ki Value Akash Ki Najro Mein Kam Ho Sakti Hai Aur Mahesh Eysa Kabi Nahi Hone Dena Chahta.

Maine Jab Zombies Aur Hamare Group Ke Bich Ki Duri Ko Kam Hote Dekha To Main Chilaya: “Heavy Machine Ka Use Karo!”

Akash Ka Adesh Milte Hi Ghabra Chuke Sabi Team Member Ne Zombies Ke Uper Paglo Ki Tarha Fire Karna Suru Kar Diya.

Heavy Machine Guns Ki Vaja Se Zombies Ke Sarir Ka Chithde Udne Lage, Chahe Goliyo Unke Sar Par Nahi Lag Rahi Thi Lekin Goli Lagte Hi Vo Do Hisso Mein Bant Rahe Thay Jis Vaja Se Vo Hil Nahi Pa Rahe Thay.

Dusari Baar Goliyo Ki Barish Ki Vaja Se Badi Ginti Mein Zombies Maare Ja Chuke Thay.

Samne Dekhte Huye Main Bola: “Fire Band Karo!”

Adesh Milte Hi Sabne Fire Rok Diya.

Fire Rukte Hi Jo Zombies Mare Nahi Thay Vo Dubara Uth Kar Aage Badne Lage, Heavy Machine Guns Ki Bullet Lagne Se Jo Zombies Do Hisso Mein Batne Ke Baad Bi Jinda Thay Vo Apne Hatho Ki Madad Se Rengte Huye Aage Badne Lage, 100 Ke Aas Pass Zombie Rengte Huye Aage Bad Rahe Thay.

“Close Combat Group, Apni Apni Tang Talwar Pakdo Aur Mere Piche Chalo!” Maine Bache Huye Zombies Ki Tarf Dekha Aur Order Dete Huye Aage Unke Tarf Badne Laga.

Akash Ki Team Mein Jitne Bi Aadmiyo Ko Usne Bharti Kiya Tha Vo Sabi Bahadur Yodha Hai Unme Se 10 Ko Usne Special Close Combat Ke Liye Teyar Kiya Hai, Chahe Unki Ginti Sirf 10 Ki Hai Lekin Har Kisi Ke Pass Tang Sword Aur Uno Ne Snake Armor Pehna Huya Hai.

Akash Ki Unit Ko Usne Teen Hisso Mein Banta Huya Hai, Close Combat Unit, Mid Range Combat Unit Aur Long Range Combat Unit, Close Combat Unit Hand To Hand Aur Cold Weapon Ka Istemal Karti Hai, Mid Range Unit Assault Rifles Aur Long Range Unit Sniper Ka, Training Unko Har Tarha Ke Weapon Ki Di Jati Hai Lekin Unko Jis Unit Mein Dala Gaya Hai, Main Focus Unka Us Unit Main Istemal Hone Vale Weapons Par Hota Hai.

Ye Sabi Aadmi Akash Ki Gair Majudgi Main Abhi Ke Order Ko Follow Karte Hai, Akash Aur Abhi Ke Elava Iney Aur Koyi Order Nahi De Sakta, Inko Akash Khud Training Deta Hai Aur Sabka Level 10 Ke Ass Pass Hai.

Close Combat Unit Vale 10 Aadmi Akash Ke Sath Zombies Ki Tarf Daud Pade, Zombies Ke Pass Ponchte Hu Uno Ne Apni Tang Talwar Ka Istemal Karte Huye Zombies Ke Saro Ko Gajar Muli Ki Tarha Katna Suru Kar Diya.

God And Devil World Ke Weapons Ka Istemal Karne Se Takatvar Bana Ja Sakta Hai Ye Raaj Akash Ke Group Ke Sabi Logo Ko Pata Hai, Lekin Zombies Ke Sath Close Combat Karne Ki Himmat Sab Mein Nahi Hai, Ye 10 Aadmi Bina Snake Armor Ke Bi Zombies Ke Sath Ladne Mein Kabi Piche Nahi Hate, Isi Vaja Se Akash Ne Iney Takatvar Ban Ne Ke Liye Tang Sword Aur God & Devil World Ke Equipment Istemal Karne Ki Permission Di Huyi Hai.


Par Har Mission Ke Baad Iney Vo Sabi Equipment Akash Ya Abhi Ko Vapis Karne Hote Hai.

10 Aadmi Teen Chote Group Mein Bant Gaye Aur Ek Dusare Ki Madad Karte Huye Zombies Ko Katne Lage, Vahi Jaha Vo 10 Apna Kam Bakhubi Se Kar Rahe Thay Main Wb Ke Sath Baki Bache Zombies Ke Jhund Mein Ghus Gaya Aur Uney Katne Laga, Normal Zombie Mein Itni Takat Nahi Thi Ki Vo Akash Ki Talwar Ko Rok Paye, Uski Talwar Jaha Se Bi Gujarti Zombies Ke Sar Jamin Par Girte Najar Atey.

Baki Sabi Aadmi Akash Aur Uske Unit Ke Aadmiyo Ko Zombies Ke Jhund Ko Kat Te Huye Dar Aur Respect Se Dekh Rahe Thau, Akash Ke Group Mein Koyi Steel Ke Product Bana Ne Vala Nahi Tha Jiski Vaja Se Jada Tar Aadmiyo Ke Pass Ladne Ke Liye Cold Weapons Nahi Thay, Aur Isi Vaja Se Akash Baki Units Ke Aadmiyo Ko Close Combat Karne Ke Liye Aage Nahi Bhej Raha Tha, Bina Cold Weapons Ke Zombies Ke Sath Close Combat Karna Mout Ko Davat Dene Ke Barabar Hai.

Kuch Palo Mein Hi Akash Aur Uski Unit Ne Sabi Zombies Ko Khatam Kar Diya, Limbs Kate Zombies Akash Ke Group Ke Samne Kuch Bi Nahi Thay.

Bahar Aye Zombies Ko Khatam Karne Ke Baad Maine Unse Nikli Items Ko Bag Mein Rakha Fir Wb Ko Dubara Village Ke Ander Ja Kar Zombies Ko Bahar Lane Ke Liye Kaha.

Wb Ki Madad Se Akash Aur Uske Group Ne Village Mein Majud Lagbhag Sabi Zombies Ko Khatam Kar Diya, Lekin Unko Marne Ke Liye Usey Bahri Matra Mein Light Aur Heavy Ammunition Ka Istemal Karna Pada.

Village Ke Bahar Sabi Zombies Ko Marne Ke Baad Maine Sabi Unit Ko Village Ke Ander Jane Ke Liye Kaha.

Akash Ka Adesh Milte Hi Sabi Unit Village Ke Ander Chal Padi, Har Unit Ke Sath Akash Ne Apni Close Combat Unit Ke 2 Aadmiyo Ko Jane Ke Liye Kaha Tan Jo Uney Jada Paresani Na Ho Village Ko Saaf Karne Mein.

Abi Bi Village Mein Kuch Zombies Majud Thay Jo Wb Ke Piche Bahar Nahi Aye Thay, Village Bilkul Saaf Karne Ke Liye Uney Marna Jaruri Tha Aur Eysa Village Ke Ander Ja Kar Hi Kiya Ja Sakta Hai.

Sabko Ander Jata Dekh Main Wb Aur Do Close Combat Unit Ke Members Ke Sath Unke Piche Piche Ander Ki Tarf Chal Diya.

Zombies Ki Main Force Ko Khatam Kar Diya Ja Chuka Hai, Bache Huye Zombies Khatam Karna Akash Ke Group Ke Liye Itna Muskil Kam Nahi Hai, Village Mein Aney Ke Baad Ek Ke Karke Sabi Unit Zombies Ko Dund Dund Kar Marne Lagi.

Abi Main Village Ke Ander Ghum Hi Raha Tha Ki Jis Tarf Vivek Ka Group Gaya Tha Us Tarf Se Lagataar Goliya Chalne Ki Avaj Aney Lagi.

Goliyo Ko Avaj Sunte Hi Mujey Kuch Gadbad Lagi To Main Close Combat Unit Ke Member Jo Zombies Ko Kat Rahe Thay Uney Avaj Dete Huye Jaldi Se Us Tarf Doud Pada.

Jald Hi Ham Vaha Ponch Gaye, Vaha Ponchne Ke Baad Maine Dekha, Ek Kali Chamdi Vale 3 Meter Lamba Zombie Ke Sath Vivek Ka Group Lad Raha Hai.

Vivek Ka Group Bina Ruke Uspar Goliya Chala Rha Tha Lekin Goliyo Uski Chamdi Se Takrane Ke Baad Uski Chamdi Ko Bhedne Ki Jagha Uspar Uchal Kar Niche Gir Rahi Hai, Unki Gun Se Nikli Goliyo Se Usey Jara Sa Bi Nuksan Nahi Ponch Raha.

“Level 30 Type 2 Strength Type Zombies. L2. Inke Pass Bejod Takat Aur Majud Defense Hai. Inke Pass Virus Infection Skill Hai Jo Kisi Bi Jeevat Parani Ko Infect Kar Sakti Hai.”

Us Vishal Zombie Ko Dekhte Hi Uske Bare Mein Jankari Apne Ap Mere Mind Mein Aa Gayi,

L2 Ki Raftaar Aam Insan Se Teen Guna Tej Thi, Vo Kisi Tank Ki Tarha Vivek Ke Group Ki Tarf Bad Raha Raha Tha, Unke Pass Ponchte Hi Usne Ek Aadmi Ko Sar Se Pakda Aur Uske Sar Ko Masal Diya.


L2 Ki Takat Aur Usper Goliyo Ka Asar Na Hote Dekh Vivek Ka Group Bikhar Gaya, Uske Group Ke Jyadatar Member Apni Guns Ko Chod Vaha Se Bhagne Lage.

“Bhago Mat!! Fire Karte Raho!! Fire Karte Raho!!” Vivek Apne Laal Cehre Ke Sath Chilaya, Aur Sath Hi Bina Ruke L2 Par Goliyo Chalata Raha, Lekin Ek Bi Aadmi Ne Uske Adesh Ko Nahi Mana, Vaha Ab Sirf Akash Ki Unit Ke 2 Aadmi Aur Vivek Ke Teen Khass Aadmi Bache Thay Jino Ne Ek Baar Bi Vaha Se Piche Hatne Ke Liye Kadam Nahi Uthaya Aur L2 Par Goliyo Chalate Rahe.

Ek Ke Baad Ek Goliya L2 Ke Sarir Ko Lag Rahi Thi Par Ek Bi Goli Uske Sarir Ko Bhed Nahi Pa Rahi Thi, Vo Uske Sarir Chute Huye Side Se Gujar Rahi Thi.

Halaki Akash Ki Unit Ke Dono Aadmi L2 Ka Samna Karte Huye Puri Tarha Dar Chuke Thay, Fir Bi Vo Vaha Se Piche Nahi Hat Sakte Thay Kyoki Uney Piche Hatne Ka Adesh Abi Nahi Mila Tha.

Maine Bhag Rahe Aadmiyo Ki Tarf Dubara Nahi Dekha Aur Kuch Hi Kadamo Mein L2 Ke Pass Ponch Kar Apni Tang Talwar Ka Istemal Karte Huye Puri Takat Ke Sath Uski Kamar Par Vaar Kar Diya.

Lohe Ke Apas Mein Takrane Ke Avaj Ke Sath Talwar L2 Kamar Par Ja Lagi Lekin Us Se L2 Ka Jada Nukasan Nahi Huya Puri Takat Se Vaar Karne Ke Baad Bi Uske Kamar Par Bs Halka Sa Cut Hi Lag Payea, Vo Cut Itna Chota Tha Ki Agar Koyi Dhyan Se Na Dekhe To Usey Vo Najar Bi Na Aye.

Uski Kamar Par Vaar Karte Vakt Mujey Eysa Laga Jese Steel Ki Diwar Par Talwar Ko Mara Ho.

L2 Ne Akash Ki Tarf Eyse Dekha Jese Koyi Kida Uske Samne Aa Gaya Ho, Akash Ko Dekhte Huye Usne Berehmi Se Uspar Apne Hath Se Hamla Kar Diya.

Akash Ki Agility L2 Se Kahi Jada Thi, L2 Ka Hath Us Tak Ponchne Se Pehle Hi Vo Vaha Se Hat Gaya Aur Usne Talwar Se L2 Ki Baju Par Vaar Kar Diya.

Talwar Ke L2 Ki Baju Se Takrate Hi Eysa Laga Jese Vaha Chingariya Nikal Ayi Ho Sath Hi Vo L2 Ki Baju Ko Koyi Bi Nuksan Nahi Poncha Paya.

L2 Apne Hath Ghumate Akash Par Vaar Kiya.

Jese Hi L2 Ne Apna Hath Ghumaya Mein Vaha Se Ek Kadam Piche Hata Fir Uske Sarir Ke Dusari Side Jate Huye Apni Devil Flame Skill Ko Suru Kiya Jis Se Neeli Aag Mere Right Hath Ke Uper Nachne Lagi.

Aag Jalti Hi Maine Us Hath Se L2 Ki Jhang Par Hamla Kiya, Aag Vala Hath Uski Jhang Par Lagte Hi Devil Flame Ne Uski Chamdi Ko Jalana Suru Kar Diya Aur Uski Jhang Par Ek Hole Par Ban Gaya.

Hath Ko Vahi Rakhe Mein Uski Jhang Ke Charo Tarf Ghuma, Aur Devil Flame Se Uski Jhang Do Hisso Mein Kat Gayi.

Jhang Ke Kat Te Hi L2 Ne Apna Balance Kho Diya Aur Vo Jamin Par Gir Gaya.

L2 Ke Jamin Par Girti Hi Maine Apne Pair Uske Sar Ke Uper Rakha Aur Agle Hi Pal Mere Pair Se Neeli Devil Flame Nikali Aur Usne L2 Ke Sar Ko Rakh Mein Badal Diya.

L2 Ke Marte Hi Ek Bada Exp Ka Gola Mere Sarir Ke Ander Ghus Gaya, Aur L2 Ke Sarir Se Ek Skill Book Aur Green Treasure Box Nikal Bahar Gira.

Maine Jaldi Se Dono Chijo Ko Utha Ke Apne Bag Mein Rakh Liya.

L2 Ko Khatam Karne Ke Baad Maine Ghum Kar Un Aadmiyo Ki Tarf Dekha Jo Apne Leader Vivek Ko Chod Bhag Gaye Thay.


Jo Aadmi Bhagy Thay Uney Village Se Bahar Nikalne Se Pehle Hi Akash Ke Unit Ke Members Ne Pakad Liya Tha Aur Akash Ki Ladayi Ke Doran Uney Vaha Le Aye Thay.

Vivek Ke Sathi Ne Akash Ki Tarf Darte Huye Dekha Aur Vo Jamin Par Gutno Ke Bal Bethte Huye Bola: “Mujey Maaf Kar Do Captain Akash! Mujey Bakash Do! Aj Ke Baad Main Dubara Kabi Eysi Galti Nahi Karu Ga! Pls Mujey Ek Aur Moka De Do!”

“Captain Akash Hame Is Baar Maaf Kar Do! Ham Dubara Eysi Galti Kabi Nahi Kare Ge!”

“Ham Apse Bheekh Mangte Hai Hame Bakash Do! Vo Monster Bohot Jada Takatvar Tha! Ham Uska Mukabala Nahi Kar Sakte Thay! Agar Ham Vaha Rukte To Ham Jarur Mare Jate!!”

Vivek Ke Jitne Bi Sathi Vaha Se Bhage Thay Vo Sabi Jamin Par Gutno Ke Bal Bethe Akash Se Apni Jaan Ki Bheekh Mang Rahe Thay.

Vivek Ne Un Aadmiyo Ki Tarf Dekha Jo Bhag Gaye Thay Fir Thoda Jhijhakte Huye Akash Se Bola: “Captain Akash Hame Uney Ek Aur Moka De Dena Chahiye!”

Maine Vivek Ek 8 Sathiyo Ki Tarf Dekha Fir Coldly Bola: “Is Se Koyi Farak Nahi Padta Ki Tum Sab Kyon Bhage, Tum Sabne Battlefield Ko Chod Kar Bhagne Ka Juram Kiya Hai, Tum Sabko Marna Hoga!”


Vivek Akash Ke Faisala Ko Badalne Ke Liye Dubara Bola: “Captain Akash, Ek Team Member Ko Teyar Karna Asan Nahi Hai.”

Agar Vivek Ke 8 Aadmiyo Ko Shot Kar Diya Gaya Go Uski Team Ki Combat Ability Bohot Kam Ho Jaye Gi, Halaki Vo 8 Aadmi Bhag Gaye Thay Vo Sabi Takatvar Hai, Sath Hi Uney Guns Ko Chalna Ata Hau, Naye Logo Ko Bharti Karna Aur Uney Train Karne Mein Usey Bohot Dikkat Hogi, Aur Uney Ladayi Ke Liye Teyar Karne Mein Kafi Samey Lag Sakta Hai.

Main Vivek Ko Ghurte Huye Coldly Bola: “Military Law Bohot Karur Hai, Eyse Law Ka Faida Hi Keya Jisko Follow Na Kiya Gaya? Kam Par Lag Jayo!”


Akash Ka Adesh Milte Hi Uske Unit Ke Aadmiyo Ne Apni Guns Pakdi Aur Uney Un Aadmiyo Ki Tarf Aim Karte Huye Trigger Daba Diya.

8 Gunshot Ki Avaj Ke Sath Vivek Ke 8 Sathiyo Ko Maar Diya Gaya.

Ye Najara Vivek Se Dekha Na Gaya Aur Usne Apne Sar Dusari Tarf Ghuma Liya, Baki Logo Ne Jab Ye Najara Dekha To Unki Dil Kanp Uthe, Aur Sath Hi Uney Akash Ke Military Law Ke Bare Mein Bohot Aache Se Pata Chal Gaya.

Maine Vivek Ki Tarf Dekha Aur Bola: “Vivek Apni Team Ko Lead Karne Mein Asafal Raga, Vivek Ko 5Th Team Ke Leader Ki Position Se Hataye Jata Hai, 5Th Unit Ab Se 2Nd Unit Ka Hissa Hogi, Vivek Ko Demote Karke Preliminary Team Ka Member Banayea Jata Hai.”

Jese Hi Vivek Ko L2 Ki Takat Ke Bare Mein Pata Chala Tha Tab Usey Apni Team Ko Piche Hatne Ka Order Dena Chahiye Tha, Usne Eysa Oder Nahi Diya Jis Vaja Se Ye Sab Huya, Eysi Galti Ek Team Leader Hone Ke Natey Uski Sabse Badi Galti Hai.

Maine Vivek Ko Badi Saja Is Liye Nahi Di Kyoki Vo Ek Badiya Sainik Hai, Uske Pass Bohot Hi Powerful Innate Shooting Ability Hai, 100 Meters Ke Ander Vo 70% Bulls-Eye Rate Uska.

Vivek Ko Thodi Nirasha Huyi Lekin Usey Bi Apni Galati Ka Ehsas Tha Is Liye Vo Apna Sar Han Mein Hilate Huye Bola: “Yes!”

Main Vivek Ki Tarf Dekhte Huye Bola: “Jayo Aur Ja Kar 2Nd Unit Mein Report Karo, Aur Bache Huye Zombies Ko Khatam Karne Mein Madad Karo.”

“Yes! “ Vivek Ne Salute Ke Sath Javab Diya Fir Apne Baki Bache Aadmiyo Ke Sath Ravi ki 2Nd Unit Ki Tarf Chal Diya.

Priya Ke Jane Ke Baad 2Nd Unit Ke Command Ko Abi Ke Liye Ravi Ke Hatho Mein Saumpa Huya Hai, Akash Ke Pass Abi Itne Log Nahi Hai Jinpar Vo Vishvas Kar Sake.


(Maine Pichle Update Maine Bataya Tha Ki Akash Ne Priya Ke Jane Ke Baad Uski Unit Ko Khud Ki Unit Mein Absorb Kar Liya, Lekin Akash Ne Uski Puri Unit Ko Absorb Nahi Kiya Uski Unit Mein Jo Best Aadmi Thay Usey Usne Absorb Kiya Hai Na Ki Puri Unit Ko)

Jald Hi Akash Ke Group Ne Pure Village Mein Se Sabi Zombies Ko Khatam Kar Diya.

Abi Main Aage Kuch Karne Ke Liye Koyi Order Deta Ki Mahesh Ki Team Ka Ek Member Mere Pass Aya Aur Bola: “Captain Akash! Hame Kuch Survivor Mile Hai Aur Vo Apse Milna Chahte Hai!”

Maine Pucha: “Mujse Kon Milna Chahta Hai?”

Vo Team Member Bola: “Vo Khud Ko Stone House Village Ka Mayor Bata Rahe Hai!”

Maine Kuch Pal Socha Fir Bola: “Chalo Dekhe Kon Hai Ye Mayor.”

Us Team Member Ke Piche Piche Main Ek Ghar Ke Ander Aa Gaya.

Ander Aney Ke Baad Maine Dekha Ghar Ke Ander 5 Logo Khade Hai Aur Mere Char Aadmi Hath Mein Gun Pakde Unpar Najar Rakh Rahe Hai.

Mere Ander Aney Ke Baad Ek Mota Aadmi Mujey Dekhte Huye Bola: “Main Tumhare Leader Se Milna Chahta Hun!”

Us Aadmi Ke Bolte Hi Sabi Sainikon Ne Apni Apni Gun Par Hath Kas Liya Aur Usko Ghur Ke Dekhne Lage.

“Tum Mujse Milna Chahte Ho?” Main Us Aadmi Ki Tarf Badte Huye Bola.

Vo Aadmi Apne Pass Khade
Ladke Jiske Cehre Par Gamand Saaf Saaf Jhalak Raha Tha Uski Tarf Ishara Karte Huye Bola: “Mera Name Wei Hai Aur Maine Stone House Village Ka Mayor Hun, Ye Halong City Ke Secretary Ka Beta Hain, Agar Tum Surakshit Hame Halong City Survivor Base Tak Le Jayo Ge, Secretary Tumhe Muh Manga Inam Denge.”

Maine Us Ladke Ki Tarf Dekha.


Us Ladke Ke Cehre Par Gamand Saaf Saaf Dikh Raha Tha, 2 Khubsurat Ladkiya Ko Uske Apne Gale Lagayea Huya Tha, Char Sainikon Duvara Gaire Hone Ke Bavajud Bi Unke Cehre Par Bilkul Bi Dar Ya Ghabrahat Najar Nahi Aa Rahi Thi, Vo Ladka Akash Ki Tarf Dekhte Huye Bola: “Tum Is Army Ke Chief Ho? Mera Name Qain Hai! Tume Bs Surakshit Mujey Halong City Ke Base Tak Le Kar Jana Hai, Iske Badle Mere Dad Tume Base Mein Ek Badi Position De Denge!”

“Bewakuf!” Qain Ke Gamandi Cehre Ki Tarf Dekhte Huye Main Apne Mann Mein Bola.


Usi Vakt 2 Sainik Char Ladkiyo Ke Sath Ghar Ke Ander Enter Huye, Charo Ne Fatey Purane Kapde Pehne Huye Thay.

Mahesh Jo Un Sainikon Ke Sath Ander Ayea Tha Vo Charo Mein Se Ek Ladki Jo Bakiyo Se Thodi Sundar Thi Us Se Bola: “Ye Hamare Leader Akash Hai! Tum Jo Kuch Bi Kehna Chahti Ho Vo Captain Akash Ke Aage Khe Sakti Ho!”

Akash Ko Dekhte Hi Us Sundar Ladki Ki Ankho Mein Anshu Aa Gaye Aur Vo Jamin Par Gutno Ke Bal Beth Kar Qain Ke Group Ki Tarf Ishara Karte Huye Rotey Huye Boli: “Captain Akash Main Apse Bheekh Mangti Hun, Is Harami Ko Maar Dijiye!!”

To Be Continue...


(Author Note – Update Me Apko Koyi Bi Galti Lage, Ya Koyi Word Ya Line Samj Na Aye To Bejijhak Usey Highlight Karte Huye Mujey Jarur Bataye Tan Jo Next Update Main Usey Thik Kar Saku Aur Ek Shandar Story Apke Samne Pesh Kar Saku. Xièxiè)
बहुत ही शानदार लाजवाब अपडेट भाई
 

Sandy307

Broken Till There Is Nothing Left
3,921
12,447
159
To apna akash ab tak 27 ya 28 level par pahuch chuka hoga. Mujhe aapse ye puchna tha bhai ki ek aadmi kitni skills rakh skta hai kud me aur abhi akash ke paas kon kon si skill hai. Aur usne soniya aur tiya ko abhi tak bas 1 hi Skill diya hai kya. Wo unhe traind nahi kar raha hai kya ?
Baki ye village to almost clear hi ho gaya hai. Ab apna hero yaha rahega aur sath me baki sub bhi. Aur yaha rahne ka fayda bhi bahut hai. Bahut hi jabardast fight dikhayi bhai maja aa gaya. Aur jo akash ne un 8 logo ke sath kiya wo to mujhe bilkul sahi laga warna aise log hi aage chal kar apne jaan ke liye akash ko kisi problems me chod kar bhag skte hai. Aur yahi log aage chal kar system me corruption late. Aur na jane kya kya galt kaam karte.
Aur jaha tak un charo girl ki baat hai jarur us ladke ne unka rape kiya hoga. Aur isi liye wo girl akash se use marne ko kah rahi hogi. Ab to dekhne ye hai ki akash us ladke ka use karta hai. Ya use abhi turant hi maar deta hai. Sath me mujhe ye bhi dekhna hai jab kisi dusre evolver se akash ki battle hoti hai tab kya hota hai. Pata nahi kitne Updates ke baad ye dekhne ko milega.
At the end bas itna hi kahunga Sandy307 bhai ki bahut hi badhiya , jahkaas Update tha. Bas ek hi shikayat hai wo ye ki update thoda jaldi diya karo bhai. Kosis karo week me 2 bhi doge to mere khyal se sare Readers itne me hi bahut khush ho jayenge.
Thanks For Such A Lovely Review Bhai

Bhai Bina Job Vala Evolver 3 Active Skill Rak Sakta Hai Level 30 Tak, Aur Akash Ke Pass Konsi Konsi Skill Hai Uske To Mujey Bi Nahi Pata, Confirm Karne Ke Baad Batata Hun, Baki Akash Tiya Aur Sonia Ko Is Liye Jada Train Nahi Kar Taha Kyoki Vo Uney Badi Fight Mein Hissa Nahi Lene Dega.

Evolver Ke Sath Fight Bi Hogi Lekin Kuch Updates Ke Baad.

Bhai Nyt Shift Chal Rahi Hai Is Liye Update Likhne Ka Time Nahi Mil Raha Tha, Is Weak Se Kosis Karu Ga 2 Se 3 Update De Dun.

Keep Reading
Keep Supporting
 
Top