- 36,041
- 47,920
- 304
Update 4
Aniket ne use kandhe se pakad ke side hataya aur chalet huye bola
Aniket-aye chal na baju hat
Wo aage badha hi tha ke piche se ek awaj aaya
“ouch! Aye andhe ho kya, aankhen fut gayi hai kya?”
Awaj sunte hi aniket ruk gaya, avinash ne bhi wo awaj sun liya tha, dono ne piche palatkar dekha to pehle to unki aankhen ashcharya se badi ho gayi fir dono ne ekdusre ki taraf dekha aur jor jor se hasne lage…….
“hasne jaisa kya hua hai abhi yaha ”
Aniket- o hamper gussa nahi hone ka, hamari koi galti nahi hai hamne to tumhe ladka samjha tha ab tum ladki ho isme ham kya kare
Aniket aura vi fir jor jor se hasne lage jisse wo ladki aur bhi jyada chidh gayi
Ladki- tabhi to maine kaha na ki aankhen fut gayi hai kya tumhari?
Aniket(hasi control karte hue)- dekho main manta hu ke tum jo keh rahi ho sahi hai par mujhe ab bhi tumse koi ladki wahi feeling nahi aa rahi hai, kabhi dekha hai apne aap ko aaine me?
Aniket ki baat bhi sahi thi waise, pairo me woodland ke jute, jeans uspar tshirt aur jacket aur ye sab kam tha to hairstyle puri boycut, us ladki ko piche se dekhkar koi nahi keh sakta tha ke wo ladki hai, usme uska swabhav bhi pura ladko jaisa, bolna kisi ‘bhai’ jaisa aur gussa to mano uski naak pe baitha hua tha, wo ladki gusse me hi boli
Ladki-ab samajh gaye na chalo ab niklo idharse
Aniket(hath jodte hue)- mujhse galti ho gayi deviji I am sorry, ab khush, avya bsdk tub hi bol sorry
Fir avinash ne bhi kisi agyadhari balak jaise dono hath jod ke us ladki ko sorry bola aur wo dono waha se jane lage fir bhi unhe us ladki ki piche se awaj sunai di
Ladki-sale lafange !
Ab us ladki ke muh se apne aur aniket ke liye lafanga shabh sunkar apne avinash bhai bhadak gaye na par aniket se use sambhal liya aur wo dono principal ke cabin me pahuche, principal saahab abhi aaye nahi the wo aniket aur avinash unka intajar karte huye baahar hi ruk gaye, avinash ab bhi gusse me tha
Avinash-uski maa ki….BC usko sorry bola fir bhi lafange bol ke gayi yaar apne ko
Aniket-avya tu jab bhi bolta hai na nuksan ka hi bolta hai
Avinash ko kuch samajh nahi aaya ke aniket kis bare me bol raha hai
Avinash-ab isme kya nuksan ho gaya tera
Aniket- samjhata hu, dekh, mera bapu jo hai na wo ek number ka vyapari aadmi hai
Avinash-ab isme kaka kaha se aa gaye beech me
Aniket-bsdk chalti train me mat ghus aur jo bol raha hu sun beech me mat bol, ab sun, mere bapu ne meko ek baat sikhayi hai, hamara jo mood hota hai na wo lakh rupaye ka hota hai fir ye hamne decide karna hota hai ki hamare sath jo ghatna huyi hai wo hamara mood kharab karne layak hai ya nahi, agar hai to bindass apna mood kharab karne ka aur bhid jane ka samne wale se par agar wo baat faltu hai to ham apna lakh rupaye ka mood kyu kharab kare? Aur chutiye apan ne dekhna chahiye tha wo ladki hai apan log to sidhe nikal gaye the to galti to apni thin a ab jab gutter me mu dala ho hai to sun le na yaar aur waise bhi kya galat boli wo apne se bade lafenge is college me dhundh ke bhi nahi milenge
Avinash(hath jod ke)- baba aniket tum dhanya ho
Aniket-isiliye hajar baar bola hai teko mere sath rehte huye ache se raha kar log tere sath meko bhi lafanga samajh lete hai
Aniket ki baat sun ke avi ne mast ek mukka uski pith me jad diya
Avinash-bsdk!
Itne me principal saahab aa gaye aur dono principal se ekdum sajjan balak banke mile aur dono ka college me admission final ho gaya, ab us bechare principal ko thodehi pata tha ke jin sajjan baccho ko unhone admission diya hai wo pipal ke ped ke bhoot hai, khair chalta hai galtoya to sabse hoti hai principal se bhi ho gayi
Dekhte dekhte college bhi shuru ho gaya aur sath hi shuru hua avi ka aniket ke kaan pakana
Avinash-anya college me naye log milenge be, apne se dosti jamegi na unki?
Par aniket ekdum relax tha
Aniket-dosti na jamne me kya hai, apna funda clear hai bhidu ya to unhe apne rang me rang lene ka ya khud unke rang me rang jane ka
Dono class me pahuche, avinash vyarth hi chinta kar raha tha, aniket character hi aisa tha ke usko bahut se log jaante the, class me bhi kayi aise log the jo aniket ko jaante the aur unme se kaiyo ko aniket bhi jaanta tha, aur jis ladki se wo log us din takraye the wo bhi usi class me thi aur us ladki ne in dono ko dekhte hi apna cehra dusri taraf ghuma liya, ye baat avinash ke dhyan me aa gayi par apna hero ko apni hi masti me tha isiliye use to is baat ka pata bhi nahi chala
College ka pehla lecture shuru hua, ab pehla lecture tha sab shant baithe huye the aur isme apna hero bhi apvad nahi tha wo bhi shant baitha hua tha fir introduction ka daur chala aur lecture khatam hua
Ab apne hero ko itna samay shant baitha jamne wala tha kya, aap log batao? Ye to uske character me hi nahi tha jaise hi lecture khatam hua aur teacher baahar gaye aniket bol pada
Aniket-avya chal
Aur avinash bhi bagair kuch puche aniket ke piche ho liya
Avinash-abe par jana kaha hai? Abhi to pehla hi lecture hua hai
Aniket-abe yede pata nahi kya mahadev ke darshan karne se pehle nandi ke darshan karne padte the nahi to mahadev ke darshan adhure mane jate hai ab chal
Avinash-bhai tu theek hai na, ab kya mandir chalna hai kya apne ko? Aisa mat kar bhai tujhe mandir me dekh ke bhagwan bhi bhag jayenge waha se
Aniket-abe kam dimag, tere baap ne tera naam hi galat rakha hai, avinash battry rakhna tha jyada sense banta , upper wala akal baat raha tha tab hagne gaya tha kya
Avinash-na be tere sath ghum raha tha, ab jara samjhe aise bata, chutiya hamehsa ghuma ke baat karta hai
Aniket-arey avya tujhe pata hai, student college me admission lete hai ye multah ek andhashraddha hai, asal me admission canteen me liya jata hai re, college ka asli maja canteen me aata hai aur asal namune wahi paye jate hai samjha battry
Avinash-ha ha wo sab theek hai waise bhi bhuk lag reli hai apun ko chalo canteen me
Aur fir dono us jagah pahuche jaha college ke sabhi dham ek hote hai, college canteen me
Waha bhi aniket ke kuch pehchanwale the hi bas fr kyat ha dhingana chalu
Dekhte dekhte ek hafta beet chuka tha college shuru huye, wo ladki ab bhi jab aniket ko dekhti to gusse se hi dekhti thi par aniket ko use koi fark hi nahi padta tha sab ekdum mast chal raha tha tabhi ek din ek ladke ne ek ladki ko dekh k eek abharda tipanni paas kar di aur aniket wahi usi ladke ke piche tha usne wo sun li aur us ladke ko roka
Aniket-bhai teri behan kaunse school me hai re
Ladka-tu kaun be ye puchne wala?
Aniket-tera baap!
Aur ekdum ‘tadak!’
Aniket ne us ladke ke kaan ke niche ek jordar thappad jad diya tha aur wo kuch samajh ya kar pata isse pehle hi uski gardan pakad ke bola
Aniket- bsdk baap ka college hai mere dobara aisi neech harkar karte huye dikha na to gand pe aisi laat marunga ke dobara jindagi me kabhi pant nahi pehan payega
Par isme bhi avinash beech pe bol pada
Avinash-abe pant ka kya logic hai isme ?
Aniket-iski gand pe laat maar ke isi dono tange tod dunga to ye pant kaise pehnega be?
Itne me wo ladka aniket ko maarne ke liye aage badha aur niket aur avinash ne pure college ke saamne use jam ke pel diya
College shuru huye ek hi hafta hua tha aur aniket aur avinash dono principal ke cabin me the, aniket ne jab jhagde ka kaaran abataya to principal ko bhi unhe saja dena uchit nahi laga to unhone aainda aisa ka karne ka kehkar unhe chhod diya
Dono principal ke office se baahar aaye to saamne wo ladki thi, wo sidha aniket ke saamne aayi aur kamar pe hath rakh ke rasta rok ke khadi ho gayi, usko aise dekh ke apne dono punter bhi ruk gaye aniket kuch kehta isse pehle hi us ladki ne bolna shuru kiya
Ladki-main thi waha jab wo lafda hua, tune kya solid rakh ke di yaar us ladke ko, main tabhi samajh gayi thi ke tumhe pehchanne me galti ho gayi hai
Aniket ko kuch sujh hi nahi raha tha ke iskar pkya bole tabhi wo ladki hath aage karte huye boli
Ladki- hi main Komal, friends?
Aniket(komal se hath milate huye)- sure par main tumhe bata du ke mere dost hamesha kehte hai mujhse dosti karne se behtar hai kisi Bandar ko paal lena, dosti karne se pehle soch lo..
Komal-aajtak mujhe koi meri takkar ka mila nahi hai isiliye koi dost bhi nahi par par tum bhi meri dosti halke me mat lena
Aniket-theek hai komal, apni dosti pakki, kal milte hai..
Itna bol ke wo dono waha se chale gaye…….
To Be Continued….