- 5,758
- 13,139
- 189
UPDATE 108
Ye bhindi kitne ka hai?
Ek bujurg ne tarkari wala se pucha.
300 rupaiya kilo.
Itna mehenga? Thik thaak daam lagao?
Yahi daam hai dada ji.
...Bahut khaas bhindi hai ye.Accha aisi kya baat hai iss bhindi mein?
Ye jameen mein ungta hai.
Ye sunte hi wo bujurg gussa ho gaye...Aas aas ke sabhi log uss tarkari wala ko ghurne lage...Thodi dur kharid daari kar rahi Megha ne ye sunte hi.
Megha:- Kya badtameezi hai ye?
Are madam ji....Aap kyu gussa ho rahi hai? Aap ko to 5 rupaiya kilo dunga.
Ye aawaj sunte hi Megha ka gussa aur badh gaya...Iss baar gusse se tarkari wale ko dekhti hai...Jo jhuka hua chehra ko cap dhak raha tha...Iske baawjud Megha ko saamne baitha shakhs ko pehchanne mein bilkul bhi dikkat nahi hua.
Bhindi ki aur najar pada to saamne 2 kilo ke aas paas ke hi bhindi tha.
Sumit....
Gusse mein itna hi nikla Megha ke munh se.
Megha ko gusse mein jaata dekh uski dono hi saheli hanste hue Megha ke piche jaane lagi.
Sumit:- Dada ji ye bhindi aap rakh lijiye.
Dada ji:- Lekin paise?
Sumit:- Jarurat nahi...Mai to aise bi vakt bitaa raha tha.
Fir Sumit waha se nikal jaata hai Megha ke piche.
Arre Megha...Suno to?
Anita:- Le aa gaya tera aashiq.
Megha:- Bakwas band kar aur chal chup chaap.
Saheli 2:- Kaafi tej hai jeeju...Unse tej nahi bhaag paayegi tu.
Megha wohi ruk jaati hai aur gusse se.
Megha:- Anjali...Tu apni bakwaas band kar.
Tab tak Sumit bhi waha aa jata hai...Sumit ko dekh Megha bhadak jaati hai.
Megha:- Bahut baar keh chuki hun mera piccha chhod do...Sumit tum sidhi baat nahi samajhte ho kya?
Sumit:- Tum to jaanti hi ho...Mujhe mujhse bhi bhi jyada
.Megha gusse se bas Sumit ko dekhti hai.
Sumit:- Bahut din ho gaye...Tumhara taarif kiye.
Gusse mein to tum aur bhi khubsurat lagti ho.
Megha:- Bas...
Tabhi sadak mein chal rahe 2 log waha pahunchte hai.
Kya ho raha hai?
Ek aadmi ne pucha.
Sumit:- Aapasi maamla hai.
Aadmi 2:- Aisa lag to nahi raha hai...Ye tum logo ko pareshaan kar raha hai kya?
Megha aur Megha ke dosto ki taraf dekh uss aadmi ne pucha.
Kisi ne koi jawaab nahi diya.
Aadmi 2:- Dekh ladke...Pyaar se samjha raha hun nikal jaa yaha se.
Sumit:- Abb mera dimaag kharab ho raha hai...Agar tum dono yaha se nahi gaye to pakka buri tarah se peet jaaoge.
Iss baar Sumit ki aawaj mein bhi gussa tha.
Aadmi 1 Sumit ki taraf apna haath badha hi raha tha ki Sumit usko pakad kar wohi giraa deta hai...Aur ek tej mukka uss aadmi ki chehre ke bilkul paas jammen mein maarta hai...Ek jordaar aawaj ke saath Sumit ke jaatho se khun behne lagta hai...Dusra punch usse bhi tej uss aadmi ke naak ke bilkul paas aa kar ruk jaata hai.
Sumit fir utth kar dusre aadmi ki taraf dekhta hai.
Sumit:- Le jaa isko....Warna tum dono ka kya haalat karunga mujhe khud nahi pata.
Wo dono aadmi waha se nikal jaate hai.
Megha:- Aur karo gundagardi.
Itna keh kar Megha waha se chali jaati hai...Sumit bhi sadak ke paas baith jaata hai.
Kya tum sach mein Mrgha se pyaar karte ho?
Aawaj ki taraf dekha to Anita thi.
Sumit:- Kya lagta hai tumhe?
Anita:- Lagta to yahi hai ki pyaar karte ho...Lekin pyaar ka tarika sahi nahi hai.
Sumit:- Pehle to Megha ko ye sab bahut pasand tha...Uske piche lagna...Usse thoda pareshaan karna aur bahut saari taarif karna.
Muskuraate hue Sumit ne kaha...Megha ka khayal aate hi apna saara gussa bhul gaya wo.
Anita:- Vakt ke saath sab kuch badl jaata hai...Insaan bhi...Picchle kuch dino se Megha bahut badal gayi hai.
Sumit:- Abb samajh mein aa raha hai...Aur iss badlaaw ka vajah bhi mai hi hun
Sab kuch thik kar dunga...Megha ka gussa uski dil ka ghaaw...Sab kuch...Bas ek mauka to mile...Wo to mujhse hi dur bhaag rahi hai.
Anita:- Nahi kar paaoge.
Sumit:- Kyu?
Anita:- Aisi chhote baaton mein chhidh jaate ho....Megha to bahut naraaj hai...Itni jalfi nahi maanne wali...Agar tum aise hi har baat se chhidhne lage to khud hi thak haar kar yaha se nikal jaaoge.
Sumit:- Ye baat to sahi hai...Shayad kabhi khud ko haarta hua dekh nahi paata hun...Koshish kar raha hun...Iss baar socha hai Megha ke liye kuch bhi...Agar thoda bahut aatma sammaan ko chot bhi laga to koi baat nahi...Maine bhi Megha ka bahut baar dil dukhaya hai.
Anita:- Dekhte hai.
Itna keh kar Anita bhi waha se nikal jaati hai.
Agla din
Subah Sumit talaab ke paas baith kar talaab mein patthar fenk raha tha.
Mujhe tumse kuch baat karni hai?
Ye sunte hi Sumit ekdum se khush ho utha..Yahi to wo chaahta tha...Kuch der Megha ke saath baith kar baat karne ke liye.
Megha:- Mera piccha chhod do....Tang aa chuki hun abb mai.
Sumit:- Tumhe abb pareshaan nahi karunga.
Megha:- Kyu baat nahi samajh rahe ho? Jab tak tum yaha ho har vakt pareshaan rahungi mai...Tum hi ho meri pareshani.
Ye baat Sumit ke dil ko chubh gaya...Lekin iss par koi bhi pratikiriya nahi diya usne.
Megha:- Kab jaaoge tum yaha se?
Sumit:- Jab tum saath chalogi.
Megha:- Fir wohi baat...Har baar apne jidd par hi lage rehte ho....Ye bhi nahi samajhna chaahte ho ki meri kya icchaa hai.
Sumit:- Tumhare icchaa ka samman karta hun...Jab tum mujhe maaf kar dogi aur mere saath chalne ko taiyaar hogi meri patni ban kar...Tab hi yaha se jaaunga.
Megha:- Sapna par itna vishwash bhi thik nahi hai.
Gusse mein Megha ne jawaab diya.
Sumit:- Kuch log sapna dekhte hai usse hakikat banane ke liye.
Megha:- Aur tum wo kuch log mein se nahi ho?
Sumit:- Aur aisa kyu?
Megha:- Papa mere liye rishta dekh rahe hai...Kuch hi din mein meri shaadi ho jaayegi...Fir tum manaate rehna mujhe.
Ye baat Sumit ke liye kisi jhatka se kam nahi tha...Usse bhi jyada dukh iss baat ka tha ki Megha ki aawaj mein koi bhi dukh nahi tha iss rishte ki baat se...Wo kuch bol bhi nahi paaya.
Megha:- Issi liye samjha rahi hun...Mera piccha chhod do.
Aise hi jidd karte rahe to tumhara ye jidd tumhe hi chot pahuchayega.
Itna keh kar Megha waha se nikal gayi...Megha ke jaate hi Sumit niche jameen par gir gaya....Aankhon mein ekdum se aansu bhar aaya.
