...Koshish rahega aage regular rehne ki...Bas sure nahi hu.
Aaj bhi 20-25 saal ke bacchon se jyada jawaan hun. 
. Bahut cheejon ke liye mera najariya badal gaya.
kal ek aur update aur wo bhi isse badi length me 
Bdiya update champ bhaiUPDATE 105
Beta kuch din to ruk jaata...Abhi to aaya hai ghar.
Sumit ko ready hota dekh uski Maa boli.
Sumit:- Nahi Maa...Pehle hi bahut late kar chuka hun...Aur aapko to khush hona chahiye...Aapki bahu laane jaa raha hun.
Aur aap hi to pareshan kar rahi thi baar baar ki shaadi kab kar raha hai?
S. Mom:- Haan to kab tak kunwara baitha rahega...Budhaape dehleej mein aa chuka hai...Aur Rashmi ki shaadi ki bhi 2 saal ho gaya hai.
Sumit:- Budhaapa
Kuch der se side mein baithi Rashmi bhi Sumit ke paas aa kar. uske baalon ko haath lagaati hai.
Rashmi:- Aapka budhaapa ka saboot aapke ful rahe baal bata rahe hai.
Sumit Rashmi se thoda dur hat kar.
Sumit:- Tu meri fikar chhod...Apne pati ko sambhaal...Kuch hi saal mein takla ho jaayega.
Rashmi:- Khabrdaar jo mere Rohan ke baare mein kuch kaha.
Sumit:- Acchaa abb mera Rohan!!! Shaadi ke vakt to pura ghar mein bawaal machaya tha.
Rashmi:- Wo...wo arranged marriage kaun karna chahta hai.
Sumit:- Aur abb?
Rashmi:- Arranged marriage mein pyaar nahi ho sakta hai kya?
Sumit:- Aur abb mujhe pyaar ke baare mein sikha rahi hai?
Rashmi:- Aapko kaise...
Fir Rashmi ko kuch yaad aaya...
Rashmi:- Waise bhaiya aapne sahi kaha....35 ki umar mein bhi aap 20-25 se kam nahi wo...Ladkiyan ke piche bhaagne mein...Abhi bhi wohi kar rahe ho?
Sumit:- Pehli baat to mai 35 ka nahi 33 hun...Aur dusri baat Megha ke piche nahi...Usko wapas laane jaa raha hun.
Sumit ka samaan laghbhag pack ho hi gaya tha ki...Rashmi ko kuch najar aaya...Usse utha kar.
Rashmi:- Ye kya hai?
Sumit:- Isse wig kehte hai?
Rashmi:- Ye to mujhe bhi pata hai...Lekin kis liye? Aapke baal to thik thaak hai.
Sumit:- Baad mein bataunga.
S. Mom:- Le chaai pee kar jaana...Apna khayal to rakhta hi nahi...Pata nahi gaanw mein kaise rahega.
Sumit:- Fikr mat kijiye Maa...Gaanw mein aapki bahu hai khayal rakhne ke liye.
Rashmi:- Dekhiye Maa...Shaadi hui bhi nahi aur abhi se bhaiya aaoki baat kaatne ke liye Bhabhi ko laa rahe hai...Shaadi ke baad to aapko bhul hi jaayenge.
Sumit:- Ye bhi dekhiye Maa ki 2 saal mein 2 hi baar ghar aayi hai...Abb bataiye kaun kisko bhul raha hai?
Rashmi:- Aap jaaiye jaldi se...Kahi train miss na ho jaye? Warna pura din bhabhi ko yaad hi karre reh jaayenge.
Sumit:- Jaa raha hun...Lekin train se nahi...Mera 8th love mere bike se.
Sumit nikalne hi wala tha ki uske Papa waha aa gaye.
S. Dad:- Vishwash to pura hai aur kehne ki jarurat to nahi hai...Lekin fir bhi..."All the best."
Sumit:- Thank you.
Sumit:- (To Rashmi) Waise ye wig baad mein tera taklu Rohan ke hi kaam aayega.
Rashmi:- Bhaiya aap....
Sumit:- Thik hai...Wig ki jarurat nahi...Lekin 2 saal baad jab puri tarike se takla ho jaayega to bhej dena mere paas...Dermatology ki bhi thik thak knowledge hai aur Surgeon bhi hu...Kar dunga hair transplant.
Sumit Rashmi ka chehra dekh hasne laga aur apne Maa aur Papa ke pair chhu kar nikalne hi wala tha ki.
Rashmi:- Socha tha aap waapas aaye hai to mai bhi aa gayi kuch dino ke liye...Lekin aap to ek din bhi dhang se nahi ruke.
Sumit:- Iss bar sach mein vakt nahi hai.
Rashmi:- Ye to har doctor ka excuse hai
Sumit kuch kehta usse pehle hi...
Rashmi:- All the best...Abb mulaakataapki shaadi mein hi hogi
Fir Sumit bike mein waha se nikal gaya...Aur hamesha ki tarah Sumit ki bike iss baar bhi hawa se baatein kar raha tha.
Lekin Megha ka khayal aate hi...Bike ki speed normal kar diya.
Sumit:- Safety first....Waise bhi saari jindagi to hai hi Megha ke saath gujaarne ke liye.
Thodi aur due pahuchne ke baad Sumit ne bike ki speed aur bhi kam kar diya.
Sumit:- Inn raasto mein Megha ke saath yaadein hai...Har ek yaad ko firse jeena hai.
Aur thoda der hi sahi...Thoda aur intejaar...Waise bhi intejaar ka fal meetha hota hai.
Aur aise hi apne khayalon mein khoya Sumit jab aadha raashta paar kar chuka tha.
Bhukh to Sumit ko nahi tha...Lekin saamne maujud dhaba ko dekh usse Megha ke saath ka wo pal yaad aa gaya jab wo chola bhatura khaane yaha Megha ke saath aaya tha.
Sumit:- Are yaar...Mujhe pasand nahi hai.
Megha:- Kabhi khaya hai?
Sumit:- Haan 2-3 baar.
Megha:- Kaha?
Sumit:- Ghar ke paas ke hi hotel mein.
Megha:- Kahi bhi khaa lete ho aur kehte ho ki chola bhatura pasand nahi...Yaha best milta hai...Try karna hi padega.
Sumit:- Are nahi.
Sumit ki Megha ke saamne kuch nahi chala...Aakhir haar maan kar Sumit ko khaana hi pada...Aur khaane ke baad Sumit ungli chaatta hi reh gaya.
Megha:- Abb bolo.
Sumit:- Bolne ke liye kuch hai hi nahi...Bas khaane ke liye thoda aur bhookh hai.
Sumit ki iss baat par hanste hue Megha ne ek aur order kiya.
Sumit:- (In his mind) Kuch to baat hai Megha mein jo bahut saari baaton mein mujhe galat saabit kar deti hai
Shayad inhi baaton ki vajah se uske itne karib aa gaya.
Apne inhi khayalon mein khoya hua Sumit chola bhatura khaa hi raha tha ki kuch dur aage baithe ladkiyon ki aawaj Sumit ke kaan mein pada.
Ladki 1:- Accha to ye bata...Kab propose kar rahi hai Sumit ko fir se.
Ladki 2:- Pata nahi...Abb to shayad wo mujhse naraaj ho gaya hoga.
Ye sunte hi Sumit ke man mein khayal aaya.
Sumit:- Har baar Sumit ka hi chutiya kat ta hai.
Muskuraate hue Sumit waha se utth gaya aur Megha ke liye bhi ek chola bhatura order kar ke waha se nikal gaya.
Apne hi dhun mein bike chala rahe Sumit jab Megha ki gaanw mein pravesh kiya to alag hi utsaah uske man mein bhar aaya.
Sumit:- Bas kuch pal aur...Fir to mere iss aankh aur dil ko sukoon pahunchne ke saath hi tumhare har gile shikwe ko dur kar dunga.
