- 5,758
- 13,139
- 189
UPDATE 103
My Love Story
Bachpan ke jyadatar vakt to dada aur dadi ke saath hi gujra...Khas kar ke Dada ji ke saath...Hamesha unki kahani sunti thi...Aur wo bhi bahut saari kahaniya sunaate thhe.
Raja aur Rani ki kahaniya...Kaise ek Raja apne Rani ke liye sab kuch karta hai...Uska apne Rani ke prati pyaar...Bahut majaa aata tha aisi kahaniya sunne mein...Maa ki lori ke baad dadaji ki kahaniya sun kar hi soti thi..Aur jis din dadaji kahani nahi sunaate thhe uss din khana khaaye bina hi munh fulaa leti thi...Fir kya tha...Mujhe manaane ke liye ek acchi si kahani sunaate thhe.
Jab bhi wo Raja Rani ke kahani sunaate thhe. Mai hamesha khud ko ek Rani ke roop mein kalpana karti...Jab unse Raja ke baare mein pucchti to wo pyaar se kehte.....
"Tu to meri Rajkumari hai...Ek Rajkumar aayega aur tujhe udne wale ghoda mein bitha kar le jaayega." Ye sunte hi mai kaafi khush ho jaati...Bas intejaar karti ki kab mera Rajkumar aayega...Aur jab unse puccha to....
Tu acche se padh likh kar badi ho jaa...Fir ek kya bahut Rajkumar tere liye aayega apna rishta le kar...Unn mein se ek hi wo khusnaseeb hoga.
Fir kya tha mai bahut mehnat se padhai karne lagi...Dadaji se ek baar puccha bhi tha...Mujhe baad mein kya banna chahiye?
Bahut pyaar se unhone jawaab diya...Jo teri marji...Bas abhi man laga kar padhna.
Dadaji bhi meri padhai mein koi kami nahi rakhte...Jab bhi wo seher jaate mere liye naye kitaab copy, pencil, pen laate...Aur saath hi kuch khilona aur chocolates bhi.
Dadaji ke alawa Dadi, Maa aur Papa bhi mujhe bahut pyaar karte thhe...Lekin mai Dadaji ki bahut karib thi.
Pata nahi kis ka najar lag gaya...Jab mai 6th class mai pahuchi to Dadaji ki tabiyat bigadne lagi...Unke liye bahut praathna bhi kiya...Lekin unki tabiyat bigadti hi gayi.
Unke aakhiri vakt mein...
Megha:- Dada ji aapke liye puja kiya hai...Ye laddu khaa lijiye.
Mushkurate hue unhone laddu ka ek tukda apne munh mein rakh kar.
Dadaji:- Abb shayad mera vakt aa gaya hai.
Megha:- Agar aapko kuch ho gaya to mai bhagwaan ji se hamesha ke liye naraaj ho jaaungi.
Dadaji:- Aisa nahi kehte...Unki vajah se hi to aaj tak mai jinda hun...Jab tu apne Maa ki kokh me thi tabhi mujhe Cancer tha...High grade ka...Doctor bhi kehte thhe ki abb jyada vakt nahi hai mere paas.
Lekin tujhe dekhne ki aur tere saath khelne ki iccha sakti ki vajah se hi maine operation karaya aur cancer ko bhi maat de diya.
Tab se hi tere aur Amit (Megha ki bhai) ke saath khelte aaya hun...Budhaapa mein bhi tum dono ke saath baccha ban gaya hun.
Jitna bhi jindagi hai ek vardaan jaisa hai...Ek din to sabhi ko jaan hi hai...Abhi rakt chaap (Blood Pressure) bhi kaafi jyada hai...Kuch hi samay hai mere paas.
Mai kuch bol nahi paayi...Bahut udaas thi Dadaji ki haalat dekh kar.
Dadaji:- Aur haan tujhe bahut padh likh kar apna naam kamaana hai...Logon ke kaam aana hai...Shiksha mein bahut taakat hoti hai...Issi ke jariye tujhe kaafi upar jaana hai...Samajh rahi hai na meri baat.
Megha:- Haan Dada ji.
Dadaji:- Abb kuch hi samay bacha hai mere paas...Kya mere saath nahi khelegi?
Megha:- Khelungi Dadaji.
Unka man pasand khel tha luka chipi...Aur issi khel mein wo ek din lata nahi kaha chhup gaye...Kabhi mile hi nahi
Unke jaane ke baad mai bahut royi....Bahut din udaas rahi...Dadaji ke jaane ke baad Papa ne samjhaya...Mujhe Dadaji ki sapna ura karna hai.
Bahut vakt ke baad khud ko sambhala Dadaji ki sapna pura karne ke liye.
Unki do baat mere dimaag mein chhap gaya tha...Padh likh kar mujhe kafi aage jaana hai aur acche se padhne ke baad mujhe mera Rajkumar mil jaayega jo mujhe udne wale ghode mein apne saath le jaayega.
Baad mein pata chala Dada ji ko stroke (Brain Hemorrrhage) tha blood pressure badhne ki vajah se....Unhe to bacha nahi paayi lekin soch liya ki baaki logo ko jarur bachaungi...Dada ji ne hi to kaha tha mujhe logo ka kaam bhi aana hai.
Suna tha Doctor banne ke liye bahut padhai karni padti hai...Tabhi se aur mehnat karna suru kar diya.
Jab 10th class mein aayi to mujhe mere jindagi ka Rajkumar bhi mil gaya...Jiski mai har roj kalpana karti thi....Mera Sumit.
Baat darasal ye hai ki jan mein 8th class mein thi tab hamare school aur seher ke ek school ke bich cricket match ka final tha...Match seher mai hi tha...Aur mein pehli baar seher mai aayi thi.
Jab stadium mai pahunchi to dekha dono school ki aur se thik thaak bheed tha.
Toss ke dauran pehli najar Sumit par padi...Opponent team ka captain...Kaafi accha personality tha uska....Thoda lamba baal jaise filmon mein hero ka hota hai...Uss par se chalne ka andaaz...Kaafi prabhaawshaali tha.
Aur jab toss ke vakt usne Angrezi bola to mai uska fan hi ho gayi...Aawaj se bhi wo hero nikla...Aur aisi Angrezi aaj tak kabhi suna hi nahi tha...Bhale hi wo 10th mai tha lekin hamare school ke 10th ke koi bhi student uske aas paas bhi nahi tha.
Cricket ki baat thi to kuch samajh mein nahi aay lekin man kar raha tha ki sunti jaau aur wo bas yunhi bolta hi jaaye...Pata nahi kaisa jaadu tha uski boli mai.
Khair toss Sumit ne hi jeeta...Hero kabhi haar aakta hai bhala
Aur toss jeetne ke baad khud Sumit batting karne aaya...Aur aate hi dhamaal macha diya.
Maidaan ki har taraf chauka aur chakkon ki barsaat...Mai to dekhte hi reh gayi...Mai apna team ko chhod Sumit ki support mein ucchalne lagi...Shayad tabhi se tha ye deewangi.
Man karta tha Sumit aisa hi khelta rahe aur mai dekhti rahu.
Aakhir mein Sumit ne 152 run banaya wo bhi 57 ball mein aur koi usse out bhi nahi kar paaya...Hamaare team ko jeet ke liye chahiye tha 230 runs 20 over mein.
Abb match se kise matlab tha...Meri najar baar baar fielding kar raha Sumit par hi jaata...Ummeed to tha ki bowling kar ke 2, 4 danda bhi udaa de...Lekin wo bowling karne nahi aaya.
Match to wo kaafi pehle jeet chuka tha...Aakhiri ball mein jeet ke liye chahiye tha hamaare team ko 140 runs...Lekin aakhii ball mein boundary mein usne udd kar aisa catch pakda ki mujhe Dada ji ki kahani ki udne wala ghoda ka yaad aa gaya.
Sumit ke liye kaafi khush thi...Lekin thoda udaas bhi ki Sumit ki ek najar bhi mujh par nahi pada...Match ke baad socha ek autograph to le kar rahungi lekin wo mauka bhi nahi mila.
Yahi tha Sumit ke liye meri pehli mulakaat jo afsos do tarafa na ho saka...Lekin issi mulakaat mein mai Sumit ki deewani ban chuki thi.
Dhire Dhire vakt to apne hisaab se aage badh hi raha tha...Mai bhi ussi hisaab se apna mehnat kar rahi thi padhaai mein.
10th bahut acche number se pass kiya...Papa ne bhi meri mehnat dekh mujhe seher bhej diya ek rishtesaar ke paas jo dur ke chacha thhe...Lekin jaate vakt Papa ne samjhaya ki sirf padhai par dhyan dena hai.
11th aur saath mein coaching class bhi acche se padh rahi thi...Aur ussi bich ek din aisa bhi aaya ki mai khushi se paagal ho uthi.
Shrawan mahina ka antim sombaar tha...Puja karne jab wohi ke Bholenath ki mandir mai gayi aur puja kar ke waaps lautne par mujhe wohi shaks mila...Shayad ye bholenath ka vardaan hi tha...Jiska vyaktitwa (personality) ke prati mai aakarshit thi...Wohi aakarshak chehra aue wohi lambe baal jo kaafi hansmukh dikh raha tha...Abb to uske chehre mein aaye chhote daadhi aur muchh usse aur bhi khubsurat dikha raha tha...Hero tha wo...Mera hero.
Socha iss baar to baat karke hi rahungi...Aur jab himmat jutaya to ussi bich meri dost Kirti mil gayi...Jo mere saath hi coaching mei. padhti thi...Ek baar fir se Sumit se mulakaat hote hote reh gaya...Dukh to bahut hua.
Lekin haar nahi maani...Thoda mehnat karne ke baad pata laga hi liya ki Sumit Rashmi ka bhaiya hai...Rashmi Kirti ki dost hai...Rashmi ko ek ya do baar hi dekha tha Kirti ki vajah se...Kabhi baat nahi hua usse.
Lekin Sumit ke liye socha usse dosti kar hi leti hun...Sumit ko dekh sakungi shayad baatein bhi ho jaaye....Aur baaton hi baaton mein...Kuch jyada hi soch rahi hun..Shayad Introvert hun iss vajah se sochti jyada hun karti kam.
Rashmi se dosti karti usse pehle hi 11th ke exam ka date aa gaya...Dadaji aur apne sapna pura karne ke liye taiyaari mein lag gayi...Ek pariksha khatm hota ki dusra aa jaata...Aur Rashmi se dosti bhi nahi kar paa rahi thi.
12th ka exam bhi accha hi gaya...Aur entrance exam mein to sapna hi pura ho gaya.
Mera bachpan ka ek sapna pura ho gaya...Full Scholarship mil hi gaya MBBS mein..Aur jab college join kiya to ek hafte baad usse bhi bada sapna pura ho gaya.
Sumit...Haan mera Hero Sumit...Wo bhi mere hi class mein tha...Aur entry bhi uska hero jaisa hi tha...Anatomy ke professor se jaise usne baat kiya mai to dekhte hi reh gayi.
Aur class khatm hone ke baad to maano mera sapna sach ho hi gaya...Khud usne mujhse baat kiya...Lekin ye kya..."Beauty Queen"
Bhala koi pehle hi mulakaat mein aisa flirting karta hai? Accha to lag raha tha lekin aise kaise dikhaati ...Thoda mera bhi to dabdaba hona chahiye.
Abhi ke liye itna hi...Fir baad mai likhungi aage ki kahani...Abhi to meri prem kahani ki suruwat hai...Mai Sumit se kitna pyaar karti hun aur uske liye kya kya kiya hai ye to Sumit ko bhi nahi pata...Kabhi bataya hi nahi maine...Aur bataau bhi kyu? Wo bhi to mujhse pyaar karta hai lekin usne kabhi bataya?
Sumit to Megha ki dairy mein hi kho gaya tha...Dadaji wale bhaag mein wo bhi emotional ho gaya tha baaki ki bhaag padhte vakt uska hontho mein ek muskaan tha.
Sumit:- Itna pyaaarrrrrr!!!! Wo bhi mere liye.
Sumit khud ko bahut kismatwala samajh raha tha...Aakhir wo tha bhi.
Jaldi se Sumit ne agla page ko paltaya...Uss mein bhi bahut kuch likha tha.
Bina koi deri kiye Sumit ne aage padhna jaari rakha.
Last edited: