- 5,758
- 13,139
- 189
UPDATE 101
After 4 months
Sumit aur Megha ka residency khatm hone me bas 2 mahina baaki reh gaya tha.
Sumit ka aise munh fer lena Megha ko bahut chubh raha tha.
Na jaane kitne raatein iss ummeed mein bitaa ki kal ek naya sawera hoga aur uska Sumit firse uske paas aa jaayega...Pehle ki tarah usko kuch naya sa surprise dega aur jo pyaar dikhta tha usse Sumit ki aankhon mein usse Sumit apne jubaan ke raaste chaasni ki mithaas bhari aawaj mein kahega.
Lekin ye intejaar intejaar hi reh gaya...Sumit ki vyabahar mein naa hi pyaar aaya aur naa hi rukhapan...Bas wo Megha ko aur jyada najarandaaz karne laga.
Megha jab bhi Sumit se baat karti Sumit baat ko hi ghuma deta...Kayi baar to Megha gusse mein chali jaati.
Lekin jab gussa ka bhi faaidaa nahi dikha to Megha pyaar se Sumit se baatein karne lagti...Lekin iska bhi koi faaidaa nahi hua.
Thak haar kar aakhir Megha ne soch liya ki wo khud Sumit ko apne dil ki baat batayegi...Ye baat to pata chal hi jaayegi ki Sumit ka kya khayal hai uske baare mein...Roj Roj ki pareshani se accha hai ki ek baar mein hi sach pata chal jaaye...Chahe wo mitha ho ya kadwa.
Sumit ko parking mein dekh Megha bhi parking mein chali jaati hai...Sumit bike nikaal hi raha tha ki Sanjana bhi waha aa jaati hai.
Sanjana:- Hello Sumit.
Sumit:- Haan kaho.
Sanjana:- Ek baat pucchni thi tumse.
Sumit:- Yaha? Kahi baahar chalte hai?
Sanjana:- Nahi nahi...Bahut mushkil se kahi milte ho tum...Iss baar miss kar diya to pata nahi kab mauka milega.
Tab tak Megha bhi waha pahunch jaati hai...Sumit bas haath hilaa kar usse Hi kehta hai.
Sumit:- Kuch jaruri baat hai kya?
Sanjana:- Bahut jaruri.
Sumit:- Haan kaho.
Sanjana:- Tum kisi se pyaar karte ho?
Ummeed bhari aawaj mein Sanjana ne pucha...Aur ussi najar se Megha ne.
Sumit apne dil ko majbut karne ki har ek koshish kar raha tha...Shayad wo jaanta tha ye hi wo vakt hai jab usse sabse mushkil faisla lena hai.
Sumit:- Tum ye kyu puch rahi ho?
Sanjana:- Pehle meri sawaal ka jawaab do?
Sumit:- Nahi pehle mere sawaal ka jawaab do?
Sanjana:- Thik hai...Agar tum single ho to mai tumse shaadi ke liye offer karne wali hun?
Ye sun kar to Megha ka gussa saatwe aasmaan me pahunch gaya...Bas wo Sumit ki jawaab ka intejaar kar rahi thi.
Sumit:- Shaadi.
Sanjana:- Haan...Abb tum bataao...Single ho ya committed?
Sumit ne abb apna dil ko patthar ka bana liya...Aankh band kiya to Megha ki chehra dikhne laga...Aur munh se jawaab nikla...
Sumit:- Single.
Bas itna hi kaafi tha Megha ki dil todne ke liye...Ek baar fir Sumit ne uska dil tod diya...Abb uska dhairya ne jawaab de diya....Aankho se aansu ke kuch bund girne ke saath hi wo waha se nikal gayi...Uska sab kuch khatm ho chuka tha...Uska pyaar...Sumit ke upar vishwash...Sab kuch.
Megha ko jaate dekh Sumit bhi kaafi laachaar mehsus kar raha tha...Usse lag rah tha ki usne khud apne jindagi ko khud se dur kar diya.
Wo apne khayal mein khoya hi tha ki.
Sanjana:- To tum taiyaar ho shaadi ke liye?
Sumit:- Tumhe mujhse pyaar hai?
Sanjana:- Pyaar ka to pata nahi...Lekin tum bahut acche lagte ho mujhe...Attractive, bold, Energetic, Caring and at last Husband material.
Sumit:- Aisa hua karta tha mai...Lekin abb nahi hun.
Sanjana:- Kya matlab?
Sumit:- Wohi jo tumne suna...Aisa firse banne ki nakaam koshish kar raha tha...Lekin ban nahi paaya.
Sanjana:- Fir bhi mai tumse shaadi karna chaahti hun.
Kuch der Sumit ne socha aur fir kaha.
Sumit:- Kirti ko jaanti ho tum?
Sanjana:- Haan...Tumhari ex.
Sumit:- Ussi ki bahut gunn tum mein dekha hai maine.
Wo bhi mujhse aise hi attracted thi...Lekin jab baat pyaar ki aai to ek kadam bhi saath aage nahi badh paaye hum.
Waisa hi tumhe abb lag raha hai...Thoda unique soch kar tum mujh par attracted ho...Lekin jaan jaaogi mujhe to khud nafrat karogi.
Pyaar karne laayak nahi hu mai...Abhi jindagi ki uss daur se gujar raha hun jaha mai na chaahte hue bhi uske saath galat kar baitha hun jise mujh par sabse jyada bharosha tha.
Tumhare saath to ek dosti se aage kuch bhi nahi hai.
Sanjana ko kuch samajh mein nahi aa raha tha...
Sumit:- Pehle to bahut acchi dost thi tum meri.
Lekin jab tum mein Kirti ki jhalak dikhne laga to khud ko rok liya...Tumhare attraction ko aur badhawa nahi dena chaahta tha aur naa hi mai khud iss chakkar mein padna chaahta tha.
Jab bhi ye baat tum mujhse kehna chaahti thi...Bahut acche se baat ko ghuma deta tha...Lekin aaj jaruri tha tumhe sab kuch bataana.
Hum dost se jyada kuch nahi ban sakte.
Sanjana:- Tum kisi se to shaadi karoge...To fir mai kyu nahi?
Sumit:- Abhi shaadi ke liye taiyaar nahi hun...Na jane kitne saal lag jaayenge...Karunga ya nahi wo bhi nahi pata...Abb kisi ke dil mein aur jhutha ummeed nahi jaga sakta.
Itna keh kar Sumit ne bike waha se aage badha diya.
Sanjana:- Mai intejaar karungi.
Sanjana ki aawaj mein jidd tha...Bike rok kar Sumit ne kaha.
Sumit:- Jidd acchi baat nahi hai Sanjana...Ek baar yahi jids mujhe le duba tha.
Fir Sumit waha se nikal gaya.
Few Hours Later
Sumit:- May I come in Sir?
Dr. Rahul:- Yes come in.
Aaj Rahul sir bahut hi acche mood mein thhe.
Sumit:- Kuch kaam tha sir?
Dr. Rahul:- Baat karna tha.
Fir Rahul sir bolna suru karte hai.
Dr. Rahul:- Abb 2 months baad tera PG complete ho jaayega. Tera 3 saal ka residency bahut shandaar raha. Mera career as a professor mein maine 5, 6 hi aise students ko itna accha surgeon bante dekha hai...Basics se le kar advanced skill mein bahut hi accha hai...Ummeed hai tera ye knowledge aur skill bahut logon ke kaam aaye.
Bahut expectations hai tujhse....Lekin dar hai ki kahi sab ulta na ho jaaye...Jo bhi mai dekh raha hun tu bahut disturbed hai...Koi lareshani hai kya?
Sumit:- Haan sir...Ek personal problem hai.
Dr. Rahul:- Pyaar ka?
Sumit:- Haan sir.
Dr. Rahul:- Ye wohi ladki hai naa...Medicine ki Resident.
Sumit:- Haan Megha.
Dr. Rahul:- Tujhse milne Surgery ki ward mein aati thi to kabhi najar pad jaata tha...Waise bhi mujhe pyaar se utna matlab nahi hai.
Sumit ne iss baat ka koi jawaab nahi diya.
Dr. Rahul:- Agar saath rehna hai to baat kar, maamla suljha le...Aur agar saath nahi rehna hai to sab kuch khatm kar...Agar dono naaw mein pyaar rakhega to jyada vakt nahi lagega dubne ke liye.
Sumit bas unki baat sunn hi raha tha koi jawaab nahi de raha tha.
Dr. Rahul:- Abhi tujhe bulaane ka makshad pyaar par gyaan dena nahi hai...Bas ye samjhaana hai ki sahi faisla sahi vakt mein lena chahiye.
Dekh Sumit...Bahut se log hai iss duniya mein...Har ek field mein acchi pakad wale log mil jaayenge...Uss field mein unka knowledge accha hota hai uss field ke liye wo kaabil hote hai.
Lekin kabhi socha hai sirf kuch hi log hote hai jo safal rehte hai aur baaki log bhi sehmat hote hai ki iss mein kuch alag hai...Warna hazaaro, laakho ki bheed mein kya fark hota hai.
Wohi ek jaisa gyaan, kaabiliyat, soch, makshad...Lekin unn laakhon mein bhi koi aisa ek jarur hita hai jo sab kuch waisa hi hone ke baad bhi kuch alag hota hai.
Kabhi socha hai iss bare mein?
Sumit:- Sir aapke sawaal ka kuch vichaar to hai...Lekin filhaal aapka sunna chahunga.
Dr. Rahul:- Agar mai apna vichaar kahu to faisla...Ek sahi faisla...Wo bhi sahi vakt mein...Jo uska vivek dikhata hai.
Sunaa to hoga hi hazaaro employees ke bich ek do tang aa kar startup suru karte hai aur kuch hi vakt mein apne mehnat se karodpati ban jaate hai.
Apna hi example le...Medical entrance mein laakhon bacche pariksha dete hai lekin hazaar safal hote hai...Bahut mein ek baat common dekhne ko milta hai...Knowledge, hardwork aur Aim. Lekin unn mein bhi kuch hi successful hote hai.
Thoda bahut luck factor hataane par dikhega ki jo bhi safal hue hai unhone kuch alag tarah ka decision liya hai wo bhi sahi vakt mein.
Profession se le kar business aur business se le kar leadership...Sabhi jagah kaam aata hai wisdom...Aur wisdom ke liye chahiye sahi decision.
Fir wo Sumit ko dekhte hai.
Dr. Rahul:- Padhaai aur mehnat mein hamesha accha hi dekha hai...Lekin wisdom yaha par tujhe piche dekha hai.
3 saal mei. jab bhi tujhe akela mein dekha hai tu hamesha confused hi raha hai....Aur yahi confusion sabse bada dushman hai wisdom ka...Sahi faisla lene hi nahi deta.
Confusion kuch pal se jyada ka nahi hona chahiye...Yaa to iss paar yaa uss paar...Apna vichaar aur faisla bhi waisa hi hona chahiye...Agar wohi par atka raha to kabhi aage badh nahi paayega.
Aur sabse important hai present...Past ko jyada sochega to regret hoga aur future ko jyada sochega to tension...Present hi hai jaha pe mehnat karega to furure secure hoga hi aur aane wale vakt mein past ka regret nahi hoga...Bas iss pal ko confusion mein barbaad mat karna.
Socha tha tu khud samajh jayega lekin mujhe hi samjhana pada.
Bas ye wisdom ki kami hai tujh mein...Lekin potential hai tujh mein....Bas iss confusion ke chakkar mein aage nahi badh paa raha hai...As a Surgeon bahut aage jaayega ye abhi se dikh raha hai lekin kis disha mein wo tujhe bhi pata nahi hoga...Bas ye disha pata karna hai aur jindagi mein kuch naya karna hai to ye confusion ko goli maar, apne vichaar ko saag rakh aur aage badh.
Fir wo Sumit ke paas aate hai aur uske kandhe mein haath rakh kar kehte hai.
Dr. Rahul:- Mera to age ho raha hai...5-10 saal baad retire ho jaaunga...Abb career ke aakhiri ke kuch saalon mein new generation ko acche se train karna hai.
Knowledge aur Skill sikhane ke saath kuch galtiyan jo nahi karna hai wo bhi samjhana jaruri hai.
Agar pareshani pyaar ka hai to yaa to apnaa le yaa fir dur ho jaa....Yaa to khushiyan milega yaa fir dard...Tere liye bhi accha rahega aur uss ladki ke liye bhi...Lekin aage ka raashta jarur milega.
Mai nahi chaahta ki mera best resident ye confusion aur tension mein apne potential ke hisaab se kaam na kar sake.
Fir Rahul sir waha se jaane lagte hai...Gate mein pahunch kar.
Dr. Rahul:- Ummeed hai ki khabar mein tere kaamyaabi ke kahani sunne aur padhne ko milega...Apne vivek se sahi faisla lene ki koshish karna jindagi ke har ek mod par.
Yahi hai iss guru ka updesh.
Last edited:
ham to abhi se hi waiting likh dete hai jisse hame kal ek aur update padhne ko mile.