- 5,758
- 13,139
- 189
UPDATE 97
Kuch der dono ground par baithe hi thhe ki,
Sumit ko lagta hai Megha baar baar usse dekh rahi hai.
Sumit:- Itna handsome bhi nahi hun.
Megha:- Koyal chaahe kaisa bhi ho...Usse dekhte rehne ki bhi alag hi majaa hai.
Sumit:- Kya? Mai tumhe koyal lag raha hun?
Megha:- Accha sorry...Kauwa ko dekhne ki bhi alag hi majaa hai.
Sumit:- Dhatt
Mai to khush ho raha tha ki tumhe meri madhur aawaj pasand hai. 
Megha:- Aawaj to kauwa jaisi hi hai...Lekin baatein bahut pyaari hoti hai tumhari.
Sumit:- Pyaar se retirement ke chuka hun.
Megha:- Sher buddha hone par shikaar karna bhul jaata hai kya?
Sumit ko iss baat ka jawaab dete nahi ban raha tha...Lekin kuch bolne ke liye..
Sumit:- Budhha nahi hua hun.
Megha:- Matlab shikaar karna bhi nahi bhule.
Kuch der ke liye Sumit chup rehta hai.
Sumit:- Koi accha sa shikaar bhi to milna chahiye...Hai hi nahi koi mere laayak.
Iss baar Sumit ki aawaj mein thoda frustration tha.
Megha:- 4, 5 asafal shikaar ke baad bhi keh rahe ho shikaar tumhare laayak ki nahi hai.
Itna keh kar Megha hasne lagti hai lekin Sumit ka udaas chehra dekh ekdum se chup ho jaati hai.
Jald hi wo Sumit ke paas jaa kar uske kandhe mein haath rakh kar kehti hai.
Megha:- Sorry.
Megha ka haath hata kar.
Sumit:- Koi baat nahi.
Megha:- Kirti ki yaad aa rahi hai?
Sumit Megha ki aankhon mein dekhta hai...Sumit ki aankhon mein thoda aansu bhar chuka tha.
Sumit:- Nahi.
Megha:- Jhuth bol rahe ho naa.
Sumit:- Meri aankhon mein dekh kar kaho...Kya mein jhuth bol raha hun.
Jab Megha Sumit ki aankhon mein dekhti hai to ek baar fir se dar jaati hai...Jis Sumit ke baare mein soch rahi thi ki wo abb sambhal chuka hai wo aaj bhi puraani baaton ko le kar aaansu bahaye jaa raha tha.
Megha:- Aankhein to keh rahi hai tum bahut pareshaan ho.
Sumit:- Pareshaan hi to hun...Iss pyaar ke chakkar mein 8-9 saal barbaad kar diya.
Jaanta tha Kirti mujhse pyaar nahi karti...Lekin vishwash tha khud par ki usse manaa lunga...Jarurat se jyada vishwash.
Pyaar karne ki bhut sa chhadh gaya tha sir mein...Umar bhi aisa tha ki lagta tha duniya mere kadam par hai...Agar Kirti meri kismat mein nahi to uss kismat ko bhi badal dene ki taakat hai mujh mein.
Shuruwaat mein to ye pyaar tha junoon tha lekin dhire dhire ye bas ek ummeed hi ban kar reh gaya...Kaash Kirti mujhe mil jaaye.
Kirti se milne se pehle kisi cheej mein haara nahi tha...Bachpan se hi kuch aise taiyaar kiya tha khud ko ki agar kisi cheej mein piche reh jaau jo mujhe pasand hai to uss mein apni mehnat, lahan aur junoon se aage aa hi jaata...Kirti se milne ke baad bhi kisi cheej mein nahi haara pyaar ke alaawa.
Jab out of track tha padhaai mein...Apna saara jor laga kar full scholarship le kar hi chhoda MBBS aur MS mein bhi...Padhai to hamesha se taakat raha...Jo padhne wale acche students hote hai wo jitna marks laate thhe 2 mahine pehle se padhna suru kar ke...Wo mai sirf 2 din me jyaada le aata tha.
Padhaai hi nahi cricket aur table tennis...Bade matches kabhi haara hi nahi...Bas utna interest nahi tha ki iss mein career banaau...Ye bhi chhodo arts ko hi le lo...Drawing aur Esaay mein aaj bhi jaan basti hai meri....Koi bhi kaam ho jo pasand aa jaaye uss mein kabhi piche nahi rahunga...Ye mera vishwash hai.
Bas pyaar mein haar gaya....Iss mein apna mehnat aur junoon hi sab kuch nahi hota saamne wale ki haa ki jarurat hota hai...Ye baatein to pata tha lekin jarurat se jyada vishwash tha ki Kirti ko manaa hi lunga.
Itna keh kar Sumit Megha ko dekhta hai...Saamne rakha paani ki bottle se 2 ghunt paani peene ke baad.
Sumit:- Kirti meri yaadon mein abb nahi...Usse to kuch mahino ke baad hi bhula diya tha...Kaha hai, kaisi hai wo bhi pata karne ki koshish nahi kiya...Abb ye uski jindagi hai...Ummeed hai wo jaha bhi hai khush hai.
Bas paschhataap iss baat ki hai ki iss pyaar ke chakkar mein 8-9 saal barbaad kar diya...Tabhi iss cheej se dur ho jaana chahiye tha jab ye baat samajh aa chuka tha...Aaj bahut accha kar raha hota kisi bhi field mein jis mein laga hota...Apne jawaani ke 8-9 saal barbaad ho gaye faaltu mein...Lekin nahi pyaar karne ka alag hi bhut sawar tha.
Aaj jindagi ke uss modd mein hun jaha se piche dekhta hun to sirf apni hi galti aur bewkoofi dikhta hai.
Wo to accha hua ki Maa, Papa, tum aur Ashish saath thhe ki sambhal gaya warna na jaane aur kitni galtiyan kar baithta.
Abb Sumit chup ho gaya...Kuch der baad Megha boli.
Megha:- Koi baat nahi...Der aaye durust aaye...Abhi bhi suruwaat ho sakti hai.
Sumit:- Bura to lagta hi hai...Sab kuch ankhon ke saamne tha aur mere bas mein tha...Fir bhi galti karta hi gaya.
Megha:- To fir kya ye baatein yaad karte rehne se sab kuch thik ho jaayega?
Sumit:- Bilkul nahi....Iss baat se aage nikal chuka hun...Bas kabhi kabhi ye yaadein.....Yaadon par kiska jor chalta hai.
Megha:- Bas abb ye yaadon se ek seekh lo...Baaki sab to cover up kar hi sakte ho.
Sumit iss baat par sirf muskuraata hai.
Megha:- Yaad hai tumhe tumhara hi ek cricket match...Pehle 20 balls mein 2 runs...Aur final result 61 balls 107 runs not out...Waha ek full toss turning point tha aur yaha par tumhe apna realization turning point nahi lagta?
Sumit:- Wo cricket tha yaha par life.
Megha:- Kitna negative sochte ho? Itna pessimistic to kabhi nahi thhe tum.
Sumit:- Abhi bhi nahi hun...Bas confidence nahi raha...Abb to dar lagta hai ki kisi se pyaar ho jaaye yaa fir shaadi karunga to kya usse wo khushiyan de paaunga.
Megha:- Bahut jyada soch rahe ho...Jaise Kirti ki yaadon se vakt ke saath nikal gaye...Yaha bhi vakt ke saath sab thik ho jaaye...Dekhna manjil ki taraf koi raashta mil hi jaayega.
Sumit:- Hope so.
Kuch der ki khaamoshi ke baad.
Sumit:- Sorry...Ye tour mood fresh karne ke liye aaye thhe....Lekin maine apni baaton se mood off hi kar diya.
Megha:- Nahi jaruri tha...Apne andar toofaan ke baawjud khushi ka dikhawa karke enjoy kar sakte ho?
Sumit:- Nahi itna bhi bada toofaan nahi...Kuch galtiyan hai jo kabhi kabhi yaad aa jaate hai.
Abb dono kuch nahi bolte...Sumit wohi jameen par lait jaata hai aur thodi dur mein Megha.
Fir Megha Sumit ke paas aati hai.
Megha:- Waise tum sach mein handsome lag rahe ho.
Sumit:- Pata hai.
Megha:- Fair and lovely yaa Fair and Handsome kiska kamaal hai?
Sumit:- Dur hi rehta hun aise makeup se...Bahut pehle gel bhi lagaana chhod diya...Khair abb to baal bhi chhote hi hai.
Megha:- Jhuthe.
Sumit:- Sach mein...Natural look ki baat hi kuch aur hai.
Megha:- Ye tum keh rahe ho?
Sumit:- Aur nahi to kya? Kabhi kabhi jaldbaazi mein subah bina munh dhoye hi aa jaata tha....Tumhe kabhi pata chala?
Megha:- Chhee
Sumit:-
Kuch der Megha Sumit ko dekhti hai.
Sumit:- Aaj dhoya hai...Infact nahaa kar aaya hun.
Kuch der baad Megha Sumit ki clean shaved daadhi par haath firaati hai aur fir uske baal par.
Megha:- Clean shaved look hi best hai tumhare liye.
Sumit:- Pata hai.
Megha:- Fir pichle 8-9 saal se ye jungle kyu ugaa ke rakha tha?
Sumit:- Kabhi kaatne ki jarurat hi nahi padi.
Megha:- Aur baal thoda bada rakha karo...Suit karega tum par.
Sumit:- Ye nahi kar sakta.
Megha:- Kyu?
Sumit:- Agar kar diya to sabhi ladkiyan mujh par fidaa ho jaayengi.
Megha:- Abb kuch jyaada hi bol rahe ho.
Sumit:- Tum nahi jaanti...Ek vakt tha jab bade baalon ke saath aashiqon jaise style mein ghuma karta tha....Ladkiyan hi mujhse dosti karne ke liye aage picche ghumti thi...Lekin 2,4 ke alawa kisi ko bhi bhaaw nahi deta tha.
Kirti se hi puch lena agar kabhi mil jaaye to.
Megha:- Pata hai.
Sumit:- Kya pata hai?
Megha:- Wohi tumhara lambe baalo wala look.
Sumit:-
Ye bhi pata hai? Aakhir tum mujhe kab se jaanti ho?Megha:- Shayad pichle 7 janmo se.
Iss baat par bhi Sumit koi jawaab nahi de paaya.
Megha:- Munh band kar lo...Raat ki vakt hai...Koi macchar aa gaya to free ka protein mil jayega.
Itna keh kar Megha Sumit ko apni mobile deti hai.
Mobile dekh kar to Sumit aur bhi hairaan reh jaata hai.
Karib 10 saal wala photo...Lambe baalo par hath firaata Sumit sach mein handsome lag raha tha.
Sumit:- Ye kab aur kaha ki photo hai? Kuch yaad nahi aa raha.
Megha:- Acche se dekho...Shayad yaad aa jaayega.
Sumit fir gaur se photo ko dekhta hai...Background mein Bhagwaan Shiv ki mandir dekh Sumit ko yaad aa jaata hai.
Sumit:- Ye to Kirti ke saath mandir gaya tha uss vakt ki photo hai.
Megha:- Haan aur ussi vakt maine photo khinch liya.
Sumit:- Kyu?
Megha:- Jasoosi karne aaye thi.
Sumit:- Bataao na.
Megha:- Pehle bhi keh chuki hun vakt aane par sab kuch bataungi.
Sumit:- Lekin wo vakt kab aayega?
Megha:- Tum par depend karta hai.
Sumit:- Kya matlab?
Megha:- Ye bhi vakt aane par pata chalega.
Sumit ki iss haalat par Megha ko bahut hansi aa rahi thi.
Kuch der dono aise hi baatein karte hai...Fir.
Megha:- (In her mind) Socha tha iss tour mein Sumit se uski dil ki baat bulwa kar rahungi...Lekin jaise wo toota hai aur jaisi batein kar raha hai thoda time aur lagega...Koi baat nahi.
Sumit:- (In his mind) Megha ko bataa to diya apni dil ki baat lekin khul kar keh nahi paaya...Shayad hi aur khul kar bata paau.
Sach mein uss ghatna ne itna tod kar rakh diya ki abb khud par bharoaha nahi ki mai kisi ke laayak hun.
...Abb to pyaar ki har ek kadam par dar lagta hai. Raat thoda gehra ho chuka tha...Sumit ki najar jab Megha par pada to usne dekha Megha ko thoda thand lag raha hai...Apna jacket utaar kar.
Sumit:- Ye lo?
Megha:- Lekin tum?
Sumit:- Aadat ho gayi hai...Kirti ki vakt se hi raaton ki tanhaai aur thand se dosti kar liya hai.
Na jaane kitni raat uski yaadon mein thand ki raatein chhat mein uski yaadon mein gujaar diya tha.
Last edited:
ने अपना ऐसा कमाल दिखाया कि आशीष ने मेघा और सुमित की प्रेमकहानी संजना और मेघा के सामने की सुना दी।
