Romance Ek Bhool 2 (Completed)

[Champ_AK_81]

UPDATE 36​

Sumit besabri se chhat mein ghum raha tha...Aur baar baar darwaja ki taraf dekh raha tha...Intrjaar tha to uski jo uske dil ki bahut karib aa chuki thi.

Aur jab Kirti ne chhat mein apna kadam rakha tab jaa kar Sumit ko thoda chhain mila.

Wo Kirti ko dekhta hi reh gaya...Abb uske aankho mein Kirti ke liye dher saara pyar tha saath hi dil ke ek kone mein dar.

Kirti bhi Sumit ko dekhte hue uske taraf badh rahi thi...Aankho mein nafrat ke saath saath dil tutne ka dard bhi tha.

Sumit:- Mujhe yakin tha...Tum jarur aaogi.

Pyar bhari aawaj mein Sumit ne kaha.

Kirti:- Ye bataane ke liye ki humaare bich sab kuch khatm ho chuka hai.

Utna hi nafrat mein Kirti ne jawaab diya.

Sumit:- Humaare bich suru hua hi kya hai.

Hamesha ki tarah majaakiya andaaj mein Sumit ne kaha...Lekin Kirti ne jis tarah gusse mein dekha isse wo samajh gaya ki iss baar maamla majaak se sulajhne wala nahi hai.

Kirti fir mud kar jaane lagi.

Sumit:- Suno to.

Kirti dobaara Sumit ki taraf dekhti hai...Pehle to aankho mein nafrat tha fir dhire dhire aansuon ne nafrat ki jagah le li.

Ye dekh Sumit ka bhi dil chhalni hone laga...Ek haath aage badhaya aansuon ko ponchne ke liye...Lekin Kirti ne jhatak diya.

Kirti:- Chhune ki koshish bhi mat kijiye.

Sumit abb sirf majburi mein Kirti ko rote dekh raha tha.

Kirti:- Kitna vishwash karti thi aap par? Vishwash nahi andh-vishwash...Itna andhi ho gayi thi ki kuch hi din mein aap ko apna dil de baithi...Lekin aap? Aap to dhokhebaaz nikle.

Sumit:- Nahi...Tum galat samajh rahi ho...

Sumit ko bich mein hi rok kar Kirti ne kaha.

Kirti:- Do din pehle Shruti aur Preeti se mili thi.

Ye sunte hi Sumit chaunk gaya...Dono ko ek saath...Koi ittefaaq nahi tha...Wo to abhi tak yahi soch raha tha ki shayad Kirti ne mobile chat dekh liya hoga aur galatfehmi ho gaya hoga.

Kirti:- Bataya unhone aap ka character.

Sumit kuch bol nahi paa raha tha.

Kirti:- Aapne jo unke saath kiya wohi mere saath karne wale thhe.

Khud ko ekdum alag dikha kar pehle ladkiyon ko attract karo...Fir apne pyaare baaton aur sense of humor se unko apne jaal mein fasaao...Fir unke munh se hi pyaar ka ijahaar karwaate hai.

Mere saath bhi aisa hi hua...Aur pyar mein aapke piche pad gayi...Aap to kabhi maante nahi the ki aap mujhse pyar karte hai...Maante bhi kyu? Aapke najar me mere liye pyar ki jagah hawas bhi tha.

Fir aapne kal mujhe propose kiya itna tadpaane ke baad...Aur mai haa keh deti to kuch dino ke baad mujhe bhi hotel mein le jaate.

Aur jab aapka kaam ho jaata to breakup...Aur ilzaam bhi mujh par hi lagta ki mai hi aapke piche padi thi.

Kirti ki har ek baat mein nafrat tha...Ye sun kar Sumit ka munh khul gaya.

Sumit:- Nahi...Tum galat samajh...

Kirti:- Mobile dijiye aapka.

Sumit:- Lekin.

Kirti:- Dijiye?

Gusse mein Kirti cheekhi.

Sumit darte hue mobile aage badha deta hai.

Fir Kirti Sumit ko khud hi uska Shruti aur Preeti ke saath ka chat padha deta hai.

Abb Sumit ke maathe se paseena behne laga tha.

Sumit:- Tumhe kaise samjhaau? Samajh mein nahi aa raha...

Sumit se aur bola bhi nahi jaa raha tha.

Kirti:- Aapko samjhaane ki jarurat bhi nahi hai...Samajh chuki hun mai.

Samajh to ussi din jaana tha jab mujhe truck se bachaane ke baad itna jor se baaho mein bhar liya tha...Saaf hawas mehsus kar rahi thi mai.

Aur aap ka room ka wo poster...Mission Playboy ka.

Sumit ko ye sun bahut bura laga ki Kirti ne uske pyar ka pehle ehsaas ko hi hawas ka naam de diya.

Kirti:- Aaj ke baad mujhse baat karne ki koshish bhi mat kijiye.

Nafrat bhari aawaj mein ye baat keh kar Kirti waha se jaane lagi.

Sumit:- Suno to.

Haara hua aawaj mein Sumit ne manaane ki koshish ki...Lekin Kirti chali gayi...Bina ek baar bhi piche mude.

Sumit ko pata hi nahi chala kab uska dil ka dard paseena ke roop mein aankho se beh raha tha...Sacche pyar ka ehsaas hua bhi tab jab uska pyaar usse dur jaa rahi thi.



Hello?

Dusri taraf se Shruti ka aawaj aaya.

Sumit:- Sahi khel gayi tum...Ummeed se bhi jyada.

Shruti:- Maine kaha tha tumhe...Tum sirf mere ho? Koi Kirti bich mein nahi aa sakti.

Sumit gusse mein kuch nahi bola.

Shruti:- Pareshaan lag rahe ho.

Sumit:- Maine tumhe bata diya tha ki humaare bich mein pyar jaisa kuch nahi hoga...Sirf give and take ka relationship hoga.

Shruti:- Suru aap ne kiya tha...Khatm maine? Agar iss dauraan mujhe sach mein pyaar ho gaya to isme meri kya galti?

Sumit:- Dil mein haath rakh kar bol...Tujhe aur sachha pyaar?

Shruti:- Accha mujhe pyaar nahi hai...Lekin mai chaahti hun ki humaara wo give and take ka relationship aur bhi lamba chale...Koi Preeti aur Kirti ka fakhal mai pasand nahi kar sakti.

Bahut pehle se tum dono par najar rakh rahi thi (Mandir se lautne ke baad ghurti aankhein)...Bas mauka ka intejaar kar rahi thi jo aaj mil gaya.

Shruti ki baaton se khushi saaf jhalak raha tha.

Sumit:- Aur wo give and take wala relationship suru hone se pehle hi maine khatm kar diya tha.

Shruti:- Aur yahi baat mere ego par laga.

Sumit:- Abb mera ego ka saamna karegi tu?

Shruti:- Matlab

Shruti halka darte hue boli.

Sumit:- Jo tu soch rahi hai...Usse bhi bura.

Shruti:- Rape, murder...

Shruti isse aage kuch bolti.

Sumit:- Itna hi hai tera soch...Physical torture...Ye bacchon ka kaam hai...Mental torture.

Tune mujhe Kirti se alag karne ki saajish ki hai...Aaj nahi to kal wo maan jaayegi...Lekin mai tujhe tujhse hi alag kar dungi...Itna kamjor ho jaayegi tu maansik roop se.

Itna keh kar Sumit ne phone rakh diya.

FLASHBACK ENDS​

Sumit ne Raj ki taraf dekha...Jiske man me kai saare sawaal uthh rahe the...Wo kuch bolta usse pehle hi Sumit ne kaha.

Sumit:- Kirti 2 din aur rahi humaare ghar mein...Socha tha unn 2 dino ko mai apne jindagi ke sabse yaadgaar din banaunga...Itna romantic hoga wo din...Yaadgaar to bana...Lekin mera naa kaamyabi aur lacaahri ke roop mein.

Har koshish kiya Kirti ko manaane ko...Maanna to dur meri taraf dekha tak nahi...Itni naraaj ho gayi thi wo.

2 din baad wo apne parents ke saath apne ghar chali gayi...Aur mai chhat se usse jaate hue dekhta reh gaya dukhi man se.


Koshish jaari raha...Do teen baar uske ghar bhi gaya...Uncle Aunty se koi bahaana bana deta...Lekin wo bhi kisi kaam ka nahi...Kirti mujhse milne bhi nahi aayi.

Social media aur phone dono mein block ho chuka tha.

Bas ek hi mauka tha...Mai thodi dur uske ghar ki baahar aashiqon ki tarah uska intejaar karta...Kab wo ghar se niklegi aur mai usse baat kar paaunga.

Isse naraaj wo ghar se nikalna bhi bahut kam kar chuki thi...Mai hi thak haar kar usse dur ho gaya...Kahi na kahi lag raha tha mai uska freedom cheen usse mental torture kar raha hun.

Uski najar se dur to ho gaya...Lekin usse dur kabhi jaa nahi saka...Uske baare mein jaankaari haasil karta rehta.

Pure saal padhaai bahut bura gaya...Result bhi aisa ki Papa sach mein naraaj ho gaye...Unhe sach bata bhi nahi sakta tha...Bas chup chaap daant sun leta tha.


Laghbhag haar maan hi chuka tha ki ye baat dimaag mein aaya...Wo medical ki taiyaari kar rahi hai...Fir kya tha maine bhi thaan liya ki mai bhi MBBS hi join karunga.

Papa bahut naraaj hue aise achanak se B. Pharmacy chhodne se 2 saal padhne ke baad...Lekin mai bhi jidd mein adaa raha...Aur mere jidd ke saamne Papa bhi maan gaye.

Fir khud ko room mein lock kar ke din raat padhne laga...Padhaai mein aise lag gaya ki kab din hota tha aur kab raat ye bhi pata nahi chalta.

Waise to mai itna pressure le kar nahi padhta hun...Lekin haalat hi aisa tha...Topic bahut thhe aur time bahut kam.

Realize hua kisi ko concept dena bahut aashan hai...Aur depth mein padhna utna hi mushkil.

Khud ko lock karne ki ek aur vajah tha...Gham mein kab nasha karne laga pata hi nahi chala...Gharwalon se bachne ke liye room se bahut kam baahar nikalta tha.

Wo bhi hairaan thhe mere iss badlaaw se...Lekin kabhi jyada react bhi nahi kiya.

Kuch months ki mehnat thoda sa rang le kar aaya.

Entrance mein paas ho gaya wo bhi bahut acche marks se...Full scholarship bhi mila iss college mein...Lekin ek afaosh.

Kirti ke college mein ho nahi paaya...1 marks se chhut gaya...Aisa laga ek baar fir haar gaya hun.

Itna paisa bhi nahi hai ki paise se ussi college mein admission kara paata.

Dubte ko tinke ka sahaara...Thik aise hi ek ummeed mila...Kirti ki coaching center mein padhne wale ek ladke ko doat banaya...Usse pata chala ki Kirti ki dost Megha issi college mein padhti hai.

Bahut socha aur fir faisla kiya ki yahi admission karaunga.


Itna keh kar Sumit chup ho gaya.

Raj:- Aur aapko fir se ummeed mila...Megha ke jariye Kirti tak pahunchna ka.

Muskuraate hue,

Sumit:- Sahi socha.

Raj:- Lekin ye to galat hai naa?

Sumit:- Bahut galat hai...Abb mai khud sharmindaa hun.

Socha tha waise bhi aaj ke jamaane mein pyar ka koi mahatwa nahi hai...Megha se pyaar ka naatak karunga aur itna close ho jaaunga ki kabhi mauka mile Kirti se baat karne ka...Mujhe sirf ek accha sa mauka chaahiye jaha mai Kirti se baat kar ke sab sahi kar dunga.

Socha nahi tha Megha itna serious ho jaayegi pyar mein...Lekin wo ho gayi?

Bahut acchi ladki hai wo...Mujhse saccha pyaar karne lagi thi...Aur dhokha diya nahi gaya mujhse...Ek baar fir apne pair mein kulhaari maar kar sach bata diya.

Haalaath aise ho gaye hai ki jo bhi kar raha hun galat hi ho raha hai.


Raj:- Abb aap kya karenge?

Sumit:- Plan mein koi change nahi hai.

Raj:- Matlab?

Sumit:- Megha ke jariye hi Kirti tak pahuchunga.

Raj:- Lekin?

Sumit:- Abb Megha ki pyaar nahi uski nafrat mujhe Kirti tak pahuchayega.

Sumit ne gehri soch ke saath kaha...Raj ko kuch samajh mein nahi aa raha tha.


Note:- Relief wala update isa liye keh raha tha kyu ki Flashback khatm ho chuka hai...Abb isse relief mil jaayega aap sab ko.

Abb story apne main plot mein chalega...Yaani ki tragedy...Waise to har andhera raat ka ek ujaala subah hota hai...Lekin Sumit ki iss raat ka subah ujaala hoga ya nahi iska guarantee nahi de sakta...Abb story mein pain aur emotions wale update jyada ayenge.

Ummeed hai aap ko aage bhi kahaani pasand aaye.

 

[Champ_AK_81]

Friends Update 36 is posted...Please read and give tour valuable feedbacks.

 

[Champ_AK_81]

Index 2


Update 21
Update 22
Update 23
Update 24
Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36



​

Index Updated.

 

[Champ_AK_81]

Friends ek tough decision lene jaa raha hun aap sabhi ke liye bhi aur apne liye bhi...Uske liye aap sabhi se pehle hi maafi maang leta hun.

Achanak se aisa lag raha hai ki thoda break le lena chahiye story se...Shayad ek ya do months ke liye...Ye mere liye bhi tough hai kyuki pehli baar kisi break ke baare mein soch raha hun...Xossip ke close hone ke baad aur xforum start hone ke pehle ke alawa kabhi ek hafta se jyada vakt nahi liya tha.

Iss vakt story likhna aisa feel ho raha hai jaise khud ko hi mental torture karna...Na story accha likh paa raha hun aur naa hi baaki ki activities par dhyan de paa raha hun...Bas pura din baith kar thodi thodi der mein refresh karke check karta hun ki koi comment aaya ya nahi...Aur disappointment hi milta hai...Iss vajah se baaki ke cheej mein bhi mood off hone laga hai.

Story writing passion se badal kar kab compulsion ban gaya ye bhi pata nahi chala? Har 2-3 din ke baad sirf update ke baare mein hi sochta rehta hun...Kya likhna hai? Kaise likhna hai? Aap sab ko pasand aayega yaa nahi? Bas issi soch mein din beet jaata hai...Update delay hone ke saath saath accha likh bhi nahi paa raha hun.

Waise bhi abb comments ka expectation bhi nahi raha...Khud hi jab aisa lage ki story kuch khaas nahi hai to comments ka kya expectation? Ye baat iss vajah se bhi evident hai jaise pichle kuch updates mein response aaya hai aur bahut saare readers story chhod kar jaa chuke hai...Yahi kuch baatein hai jo mujhe story ke baare mein sochne par majbur kar raha hai.

Aage bhi aese hi tension mein story likh kar story ko aur bhi quality less banau isse behtar hai thida break le kar story ko fresh start karu...Yeh mera last story hai to abb aur compromise nahi karna chaahta iss story ke saath.

Agar kabhi kuch jyada hi likhne ka man kare to ye 2 months mein bhi kabhi kabhi 1, 2 updates post kar dunga...Lekin regular update 2 months ke baad hi aa paayega.

Aur yeh story waapas aane ke baad har haal mein complete karunga agar haalath (personal life) thik raha to...Aaj tak sabhi stories complete kiya hai to yeh bhi karunga.

Thanks all.

 

[Kirti.s]

Friends ek tough decision lene jaa raha hun aap sabhi ke liye bhi aur apne liye bhi...Uske liye aap sabhi se pehle hi maafi maang leta hun.

Achanak se aisa lag raha hai ki thoda break le lena chahiye story se...Shayad ek ya do months ke liye...Ye mere liye bhi tough hai kyuki pehli baar kisi break ke baare mein soch raha hun...Xossip ke close hone ke baad aur xforum start hone ke pehle ke alawa kabhi ek hafta se jyada vakt nahi liya tha.

Iss vakt story likhna aisa feel ho raha hai jaise khud ko hi mental torture karna...Na story accha likh paa raha hun aur naa hi baaki ki activities par dhyan de paa raha hun...Bas pura din baith kar thodi thodi der mein refresh karke check karta hun ki koi comment aaya ya nahi...Aur disappointment hi milta hai...Iss vajah se baaki ke cheej mein bhi mood off hone laga hai.

Story writing passion se badal kar kab compulsion ban gaya ye bhi pata nahi chala? Har 2-3 din ke baad sirf update ke baare mein hi sochta rehta hun...Kya likhna hai? Kaise likhna hai? Aap sab ko pasand aayega yaa nahi? Bas issi soch mein din beet jaata hai...Update delay hone ke saath saath accha likh bhi nahi paa raha hun.

Waise bhi abb comments ka expectation bhi nahi raha...Khud hi jab aisa lage ki story kuch khaas nahi hai to comments ka kya expectation? Ye baat iss vajah se bhi evident hai jaise pichle kuch updates mein response aaya hai aur bahut saare readers story chhod kar jaa chuke hai...Yahi kuch baatein hai jo mujhe story ke baare mein sochne par majbur kar raha hai.

Aage bhi aese hi tension mein story likh kar story ko aur bhi quality less banau isse behtar hai thida break le kar story ko fresh start karu...Yeh mera last story hai to abb aur compromise nahi karna chaahta iss story ke saath.

Agar kabhi kuch jyada hi likhne ka man kare to ye 2 months mein bhi kabhi kabhi 1, 2 updates post kar dunga...Lekin regular update 2 months ke baad hi aa paayega.

Aur yeh story waapas aane ke baad har haal mein complete karunga agar haalath (personal life) thik raha to...Aaj tak sabhi stories complete kiya hai to yeh bhi karunga.

Thanks all.

Sir ji ye kya baat hui agar aap ki personal life mein koi issue hai or is wajah se aap brake lena chahte ho toh koi baat nhi lekin agar aap is wajah se story ko rokna chah rhe ho ki comments ya review nhi aa rhe hai tb toh ye bht hi galat baat hai.kyu ki readers ki kami abhi bhi nhi hai bs comments nhi aa rhe hai.maine khud bhi abhi ke sare update read kiya hai lekin thode bsy hone ke wajah se comment nhi kr paye the.meri tarah or bhi readers honge jo shayad bsy hone ke wajah se comment na kr pate honge.story abhi aise mod pe aa gyi h ki agar yha aap ne ise roka toh shayad baad mein aap hi interest khone lgo or sath readers bhi story ke sath jud na paye baki aap ki marzi jaisa aap thik samjho kyu ki personally ye story meri fav stories mein se ek hai toh mai ye hargiz nhi chahungi ki ye beach mein atak jaye

 

[Mbindas]

Bhai ye decision to sahi nahi lag raha kyo ki is story ke update dene ke bad jaise aapko comments ka intazar rehta hai waise hi hame aake update dene ka intazar rehta h. Ab jab aap ise 2 months ka break dene ki bat kar rahe ho to fir sab kuch is story se related jitna bhi post kiya tha wo hame yaad bhi nahi reh payega, jisse next update ko samajhne me problem hogi.

Isme sahi yahi hoga ki aap 2 hafte ka break le lijiye fir uske bad start lijiye. Aage aapki choice hai.

 

[Sakal]

ye kya hua ....story ke updates band ho gaye....aaj hi sare updates complete ho gaye padh ke..

 

[Champ_AK_81]

Sir ji ye kya baat hui agar aap ki personal life mein koi issue hai or is wajah se aap brake lena chahte ho toh koi baat nhi lekin agar aap is wajah se story ko rokna chah rhe ho ki comments ya review nhi aa rhe hai tb toh ye bht hi galat baat hai.kyu ki readers ki kami abhi bhi nhi hai bs comments nhi aa rhe hai.maine khud bhi abhi ke sare update read kiya hai lekin thode bsy hone ke wajah se comment nhi kr paye the.meri tarah or bhi readers honge jo shayad bsy hone ke wajah se comment na kr pate honge.story abhi aise mod pe aa gyi h ki agar yha aap ne ise roka toh shayad baad mein aap hi interest khone lgo or sath readers bhi story ke sath jud na paye baki aap ki marzi jaisa aap thik samjho kyu ki personally ye story meri fav stories mein se ek hai toh mai ye hargiz nhi chahungi ki ye beach mein atak jaye

Thanks Kirti ji for your concern...Personal life mein kuch khaas problem nahi hai...Study aur exam ki tension ke alawa...Haan magar picchle kuch dino se mood off hone ki vajah se study par concentrate nahi kar paa raha tha...Isse mood aur bhi kharab hone laga.

Ye bhi vajah tha ki break ke baare mein soch raha tha...Exam tak mood off karna nahi chaahta tha.


Aur dusri vajah hai story mein comment...Jab se story likhna suru kiya hai bahut utaar chadhaav aaya hai comments ke maamle mein...Kabhi kam to kabhi jyada...Lekin ye lowest phase hai jitna imagine bhi nahi kar sakta...Kisi bhi baat mein jyada overthinking nahi karta hun lekin kal yaha karna pada.

Issue ye nahi hai ki comments kam aa rahe hai...Main issue ye hai ki bahut se readers ekdum se thread chhod kar chale gaye hai...Unse shikayat ne nahi hai ki padhna kyu band kar diya...Unka marji...Accha lagega to padhenge aur agar nahi laga to padhne ka koi matlab hi nahi.

Lekin jaate vakt agar vajah bataate to bahut accha lagta jaise ki story abb pasand nahi aa raha hai...Yaa fir wo abhi busy hai aur padh nahi sakte...Ussi tarah se adjust kar leta ya improvement.

Kuch updates pehle tak story peak mein tha aur achanak hi ekdum jameen mein aa gira hai...Sochne par majbur ho gaya tha iss vajah se ki kya story mein abb wo dum nahi raha? Kabhi bahut jyada taarif aur kabhi taarif hi nahi...Ye pachaane mein thoda mushkil to hota hi hai.

As a writer, ye kabhi nahi kahunga ki mujhe sirt positive reviews hi chahiye sab sirf mera taarif hi kare...Positive reviews ke saath saath Constructive reviews bhi pasand hai jisme acchaai ke saath saath galti bhi dekhne ko mile...Constructive review ka example...Aapka hi review Kasam mein jab aapne comment kiya tha Atul ke Papa mein aaye badlaaw ko le kar...Yaa fir Kamdev bhai ki jyadatar comments.

Mujhe sach mein khud lagne laga tha ki story abb accha nahi jaa raha hai...Iss vajah se 2 months ka break lene ka socha tha...Story ko nayi tarike se soch kar continue karne ka soch raha tha.

Socha tha 2 months tak plot development kar lunga qur uske baad regular update dunga...2 months tak 3 yaa 4 update post karunga.

Lekin kal fir se sochne par aur aap ka aur Mbindas bhai ka comment se laga ki 2 months kuch jyada ho jaayega.

Abb plan change kar raha hun...Break nahi lunga lekin 2 updates ke bich ka time thoda badh jaayega...Update abb confident hone par hi post karunga...Picchle kuch updates jaldbaazi mein likha tha aur issi vajah se kabhi kuch kami lagta to kabhi unsatisfied rehta khud hi.

Next update aaj raat post karunga aur aaj ke update mein confident hun.

Aur aapka busy hona samajh sakta hun...Ek fixed time par response aata hai aur comment 1, 2 din baad.

Busy hone ke baawjud story mein saath bane rehne ke liye shukriya.

 

[Champ_AK_81]

Bhai ye decision to sahi nahi lag raha kyo ki is story ke update dene ke bad jaise aapko comments ka intazar rehta hai waise hi hame aake update dene ka intazar rehta h. Ab jab aap ise 2 months ka break dene ki bat kar rahe ho to fir sab kuch is story se related jitna bhi post kiya tha wo hame yaad bhi nahi reh payega, jisse next update ko samajhne me problem hogi.

Isme sahi yahi hoga ki aap 2 hafte ka break le lijiye fir uske bad start lijiye. Aage aapki choice hai.

Thanks Mbindas bhai for your concern...Kuch explanation Kirti ji ko reply karte hue kiya hai...Aur kuch aap se bhi kehna chaahta hun...Aap dono ke comment aur fir se story ke baare mein sochne par ehsaas hua ki break lena sahi nahi hoga wo bhi story ke iss point par.

Haan lekin updates ke bich mein time jyada lag sakte hai...Pehle ki galti nahi dohraaunga ki jaldbaazi mein update likhne ki...Jo bhi update likhunga khud confident hone par post karunga...Shayad 3 ya 4 din ke gap honge...Jyada delay ho gaya to week tak...Yaa fir fast mein 1 ya 2 din...Normally 3 ya 4 din ka gap rahega.

Delay hone ke baawjud apna best likhne ki koshish karunga...Saath bane rahiye bhai.

 

[Champ_AK_81]

ye kya hua ....story ke updates band ho gaye....aaj hi sare updates complete ho gaye padh ke..

Welcome Sakal bhai on the story and thanks for your comment...Socha tha thoda break lene ka...Lekin abb wo plan cancel...Updates aate rahenge 3 yaa 4 din ke gap mein...Saath bane rahiye bhai.

Aur story ke baare mein bhi comment kar dijiye.