Romance Ek Bhool 2 (Completed)

[Akki ❸❸❸]

2 baj gye h sir ji
Waiting for update

 

[Champ_AK_81]

2 baj gye h sir ji
Waiting for update

Kuch pal aur Akki bhai...Abhi update complete kar raha hun.

 

[Champ_AK_81]

UPDATE 33


After Few Days​

Abb to hathiyar daal de...Aur kitna jhuth bolega khud se.

Hanste hue Ashish ne kaha.

Sumit:- Kuch samajh mein nahi aa raha hai...Aur kuch nahi kar paa raha hun.

Jab bhi Kirti se dur jaana chaahta hun jaa nahi paata hun...Aur uske karib jaana chaahta hun to wo bhi nahi kar paa raha hun.

Sumit ne confusion mein kaha.

Ashish:- Abb kisne roka tujhe? Kirti ke karib jaane se.

Sumit:- Mai khud hi rukawat bana hun.

Ashish:- Kya matlab?

Sumit:- Aakhir aage badhu to bhi kaise? Khud hi sharminda mehsus karta hun.

Pehle bhi 2 relationship mein reh chuka hun...Abb agar aage badha to teesra hoga.

Fir se wohi bade bade vaade, saath jeene marne ki kasam, har pal har vakt saath nibhaane ki kasam, do jism ek jaan jaisi baatein abb mujhse nahi hoga.

Pichle dono relationship mein yahi kaha tha...Kya abb iss baar bhi yahi kahu? Lekin kaise? Bola nahi jaayega yaar.

Aur sabhi ladkiyo se yahi bolta raha to mujhe apne character se hi nafrat ho jaayega.

Mujhse nahi hoga.


Sumit ki haalat ko samajh kar Ashish muskuraya aur fir.

Ashish:- Kis bewkuff ne keh diya ki bade bade vaada karna hi pyaar hai? Tu bas pyar ko nibhaa aur har pal ko jeene ki puri koshish kar...Pyaar kya hai samajh jaayega.

Agar pyaar ko samajhna hai to gehraayi mein utarna to padega hi.

Sumit:- Tera matlab hai ki mai iss pyaar mein aage badhu.

Ashish:- Haan.

Sumit abhi bhi confused tha.

Ashish:- Dost hun tera...Tere bhalaayi ke liye hi keh raha hun.

Sumit Ashish ko ghurne lagta hai.

Ashish:- Abb kya hua? Kya dekh raha hai?

Sumit:- Dekh raha hun...Jisse aaj tak kabhi pyar nahi hua wohi pyaar ka gyaan de raha hai?

Ashish:- Bahut baar keh chuka hun...Meri type mujhe mili nahi hai...Aur shayad hi kabhi milegi...Saccha pyar waise bhi nasib walon ko milta hai...Aur tujhe mil raha hai to tu thukra raha hai.

Sumit:- Are bas bas...Aur nahi...Kaan fat jaayega wohi repeated dialogue.

Ashish:- Joles apart.

Sach mein Kirti tere liye sahi hai...Tere pichle dono relationahip ko agar kisi ne virodh kiya tha to wo mai hi tha...Baar baad mana karta raha...Abe sacche pyar mein mat pad...Mat pad...Lekin sunta kaun hai mera...Aur wohi hua jo mai jaanta tha.

Koi bhi insaan ho kuch vakt bitaane ke baad pata chal jaata hai ki wo kya hai...Waisa hi hai jaisa dikh raha hai yaa fir dhong kar raha hai...Kirti mein aisi koi dhong nahi dikha.

Kal hi to mila tha usse...Jaisa tune bataya waisi hi hai...Mujhe nahi lagta iss pyaar mein tujhe dhokha milega.

Khush rahega yaar tu...Aage badh.


Sumit:- Waah psychologist waah

Ashish:- Tere pyaar ke chakkar mein mujhe kabhi loveguru to kabhi psychologist banna pad raha hai.

Tabhi Sumit ke mobile mein message aata hai.

Sumit:- Accha tera psychology fir kabhi sununga...Abhi Kirti ka mesaage aaya hai...Milne ke liye bulaa rahi hai.

Fir Sumit waha se nikal gaya.


Kirti:- Iss baar bhi aap haar gaye?

Sumit:- Are maine competition kiya hi kab hai...Jo mai jeetunga.

Kirti:- Fir bhi aap haar gaye.

Sumit:- Tumse kabhi jeet sakta hun kya?

Kirti:- Meri jeet ki khushi mein chaliye ek ek plate aur ho jaaye.

Baat Pani Puri ka ho raha tha...Jis competition mein Sumit Kirti ke aas paas bhi nahi tha.

Sumit:- Are nahi...Abhi se aankh, munh, naak sab jagah se paani nikal raha hai...Abb mujh se nahi khaaya jaayega itna teekha pani puri.

Sumit mana karta raha lekin Kirti ke saamne uska kuch nahi chala.

Kirti to bas khaaye jaa rahi thi...Tabhi Sumit ko apne se thode dur par ek truck dikha jo ussi ki taraf aa raha tha...Jo kuch jyada hi tej chal raha tha aur horn bhi silent tha...Samajhte der nahi laga usse ki truck mein kuch problem hai.

Jaldi se usne ek haath se Kirti oo aur ek haath se Pani Puri wale ko puri dum laga kar piche khincha... Iss koshish mein Sumit bhi 3-4 meter dur jaa kar giraa.

Kirti aur Paani puri wala dono piche mood kar Sumit ko dekhte hai ki tabhi wo truck thela ko udaate hue aage badh jaata hai.

Aur tab unhe samajh mein aata hai aur dheere dheere kar aas paas ki logon ki aawajein bhi aane lagta hai.

Sumit abhi bhi wohi gira pada tha...Rk raahat ki saans liya ki itna bada khatra tal gaya...Lekin kuch hi pal aage ki ghatna soch kar uske rooh kaamp utha.

Dusri taraf Kirti...Uss truck ko dekhne ke baad to wo ekdum se statue ban gayi thi...Naa hi koi halchal aur naa hi koi aawaj...Bas saamne ki taraf hi dekh rahi thi.

Dheere dheere sab normal hone laga...Lekin Sumit aur Kirti abhi bhi kuch nahi bol rahe the.

Sumit fir aage badh kar Paani Puri wale ko rate se thoda jyada payment karta hai aur Kirti ka haath pakad kar aage badh jaata hai...Kirti chal to rahi thi lekin abhi bhi ussi haal mein thi.

Kirti ko bike mein kisi tarah bitha kar Sumit bike start kar deta hai...Wo abhi kaafi slow chala raha tha...Kuch vakt pehle hua haadsha se wo bhi andar se hil gaya tha.

Ghar pahunchne hi wale thhe ki.

Kirti:- Bike rokiye.

Sumit bhi bike rok kar utar jaata hai.

Kirti ekdum se Sumit ke gale lag jaati hai.

Kirti:- Jab bhi aapke paas rehti hun khud ko surakshit mehsus karti hun...Aaj bhi aapne apni jaan par khel kar mujhe bachaya.

Aap mere taakat hai...Jab aapne mujhe padhaya tab padhaanw ke saath aapne ek vishwas bhi dilaaya ki puri mehnat se koi kaam kare to uska fal bhi milta hai...Tabhi se mera khoya hua aatma-vishwash laut aaya.

Jab bhi aap mere saath hote hai...Mai khud ko special feel karti hun...Yahi khwahish rehti hai ki aap mere aankhon ke saamne rahe...Hamesha hamesha ke liye.

Aap par yakin karti hun ki agar kabhi mujhe koi pareshaani bhi hua to aap hamesha mere saath rahenge.

Shayad yahi vajah hai ki mai aap se pyar karti hun.

Itna keh kar Kirti ne Sumit ko apni baahon mein aur bhi kas liya.

Sumit ko ye baatein sun bahut accha laga...Koi to hai jo usse itna pyar karta hai...Warna usse to dhokha hi mila tha.

Fir Sumit ne bhi Kirti ko apne baahon mein bhar liya...Bahut hi alag anubhav tha Sumit ke liye...Dil ka saara bojh aur dard Kirti ki baahon mein bhul gaya tha wo.

Aankhon mein ek boond aansu bhi tapak aaya...Jisse muskuraate hue usne ponch liya...Tabhi usse kuch pal pehle ki ghatna yaad aaya...Yaad aate hi Kirti ko usne apne baahon mein aur bhi kas liya ki wo Kirti ko apne se dur kabhi hone nahi dega.

Kuch pal ek dusre ki baahon mein apna pyar ka ehsaas karne ke baad dono alag hue.

Ghar pahunchte hi Kirti apne room mein chali gayi.

Sumit bhi apne room mein pahunch kar sochne laga.

Sumit:- (In his mind) Jindagi...Ek baar fir ussi raashta mein le aaya jaha mai waapas kabhi lautna nahi chaahta tha...Ho hi gaya ek baar fir se pyaar...Iss baar saccha wala pyaar.

Kirti...Kitna pyaar karti hai mujhe? Itna vishwash karti hai mujh par? Maa aur Papa bhi usse pasand karte hai...Rashmi ki bhi bahut acchi dost hai...Aur sabse jaruri...Mai itna pyar karne ke baawjud bhi aaj tak jataa nahi paaya...Himmat hi nahi hua.

Lekin abb nahi...Jald hi apne dil ki baat bataaunga.

Fir Sumit uske aur akirti ke bich ke pyaar ke pal ko yaad karne laga.

Issi tarah usse yaad aaya ki uska mission playboy safal hone ki baawjud bhi asafal reh gaya.

Jan 6 ki wo raat...Jab Shruti ko hotel le jaane ke baad bhi aakhiri vakt par Kirti ki yaad aa gaya...Aur ussi pal se Shruti se sabhi tarah ke relation tod liya...Jan 8 ki raar...Preeti ko hotel ke baahar se hi mana kar diya.

Ye sochte hi Sumit ki hontho mein muskaan aa gaya...Kitna badal gaya wo Kirti ki pyar mein.


Fir issi tarah din bitne laga...Sumit Kirti ko propose karna chaahta to tha lekin special tarike se jo Kirti ke liye kisi surprise se kam naa ho.

Aur jab Kirti ka parents ke saath ghar waapas jaane ke liye 2 din baaki tha tab Sumit ko idea bhi mil gaya.

Abb wo ready tha Kirti ko surprise dene ke liye aur apne pyar ka ijahaar karne ke liye.

 

[Champ_AK_81]

.

 

[Champ_AK_81]

Friends Update 34 is posted...Please read and give your valuable feedbacks.

 

[Champ_AK_81]

Index 2


Update 21
Update 22
Update 23
Update 24
Update 25
Update 26
Update 27
Update 28
Update 29
Update 30
Update 31
Update 32
Update 33
Update 34



​

Index Updated.

 

[Akki ❸❸❸]

Super update champ bhai

??

 

[Champ_AK_81]

Friends next update bhi ready hai...Lekin abhi post kar dunga to lagega ki story ekdum se bahut aage badh gaya hai...Iwsi liye kal post karne ka soch raha hun.

Next update thoda shocking ho sakta hai...Content ki vajah se nahi balki kisi aur kaaran se...Wo kaaran kal hi update ke saath pata chal jaayega.

 

[Naina]

Bahot khub
Yeh kaisa surprise dene wala hai sumit.. Sayad special tarike propose karega
Brilliant update champ ji... Great going

 

[Mbindas]

Bohot khub bhai. Update kabil e tarif h.