- 5,758
- 13,139
- 189
UPDATE 32
Agar koi ladki tujhe sacche dil se pyar kare to tu bhi toot kar usse pyar kar...Aur agar wo tujhe dhokha de to tu uski ....Khair chhod.
Ye soch Sumit ka nahi balki Ashish ka tha jo abhi usne likh kar Sumit ko fb me message kiya tha.
Ye dekh Sumit thoda mushkurata hai aur fir mobile side me rakhta hai.
Tabhi ek aur message ka notification aata hai.
Agar dil aur dimaag ke bich ladaai ho to uss vakt dil ka sunna...Agar faisla galat bhi ho jaaye to koi shikwa nahi hoga ki tune ye kyu kiya? Ek santushti milega ki tune apne dil ki baat suna.
Ye message padh kar.
Sumit:- (In his mind) Ye nahi sudhrega.
Fir wo bhi message type karta hai.
Sumit:- Abe chu...Ye loveguru banne ki bukhaar kab se lag gaya tujhe.
Ashish:- Jab se mere dost ko loveguru ki jarurat pada.
Sumit:- Tera message padh kar to lag raha hai ki tu mujhe single se mingle karwa kar hi maanega.
Ashish:- Jitna tujhe mai jaanta hun...Tu bhi mingle hona chaahta hai...Bas maan nahi raha hai.
Sumit:- Bhai bas kar...Abb psychologist mat ban.
Ashish:- Loveguru hi thik hun.
Sumit:- Accha thik hai...Sochta hun teri baaton ko.
Ashish:- Aise nahi...Pehle ek glass thanda paani pee kar dimaag ko bhi thanda kar...Aur fir thande dimaag se soch.
Sumit:- Bhaag kamine.
Itna likh kar Sumit net off kar deta hai aur apne soch me kho jaata hai.
At Dinner time.
Sumit aaj aur din ke mukaable thoda dhire se khaa raha tha.
S. Dad:- Pehle to padhai likhai me slow tha...Abb khaane mein bhi...Accha hai.
Apna khaana khatm karne ke baad Sumit ko ghurte hue wo bole.
S. Mom:- Kya aap bhi? Hamesha mere Sumit ke piche pade rehte hai.
S. Dad:- Haan tumhara hi laad pyar ne bigaad rakha hai...Jo itna jiddi aur ghamandi ho gaya hai.
Sumit apne Papa ki baat sun kar sirf muskura raha tha.
S. Dad:- Dekho abhi bhi hans raha hai...Kabhi to jimmedaar banne ki koshish kar.
Sumit abhi bhi muskura raha tha.
S. Dad:- Attitude to dekho saahab ki...Ek shabd nahi nikal rahe hai munh se.
Sumit:- Jawaab du to problem aur naa du to aur bhi jyada problem.
Sumit ka muskuraana jaari tha.
S. Dad:- Tu khud hi ek problem hai.
Itna keh kar Sumit ke Papa waha se chale gaye.
S. Mom:- Unki baat ka buraa mat maan...Wo to aise hi...
Sumit:- Maa...Kabhi Papa se mai naraaj ho sakta hun kya?
Rashmi:- Bhaiya aur aap tabhi se kyu mushkura rahe hai?
Sumit:- Papa ke baare mein soch kar...Jarur aaj kisi se kahasuni ho gaya hoga...Aur saara gussa mujh par nikal gaya.
Rashmi:- Mujhe laga aap Kirti ko dekh mushkura rahe hai.
Ye sunte hi Sumit aur Kirti dono Rashmi ko ghurte hai.
S. Mom:- Tu kuch bhi bakti rehti hai.
Rashmi:- Bhaiya aap dono ke bich kuch chal raha hai kya?
Sumit jo abhi paani pee raha tha...Ye sunte hi jor se usne cheekha.
Sumit:- Mera choice itna low kab se ho gaya?
Ye sunte hi Kirti Sumit ko gusse se ghurne lagti hai.
Rashmi:- Kya matlab?
Sumit:- Tu mujhe waise bhi half mind lagti hai...To teri dost ke baare mein aise hi andaaza laga sakta hun.
Kirti:- Kuch jyada hi judgemental nahi ho rahe hai aap?
Sumit:- Kahi se jalne ki boo aa raha hai.
Kirti bas gusse se Sumit ko ghurti hai...Sumit ke Maa aur behan ki waha hone ki vajah se kuch bol bhi nahi sakti thi.
Sumit:- Waise Rashmi tere iss chhote se dimaag me aise bakwaas idea aaya kaha se?
Kisi ladki ke pyar mein itna taakat nahi hai ki mujhe pata sake.
Kirti:- (In her mind) Baad mein bataati hun...Kitna taakat hai mere pyar mein.
Kirti abhi bhi Sumit ko ghur rahi thi.
Rashmi:- Koi bhi aap dono ko dekhega to yahi kahega.
Sumit:- Haay re jaalim duniya!! Kya jamaana aa gaya hai...Ek ladka aur ladki ki dosti aur saath ghumne aur baat karne par kya iljaam lag rahe hai...
Sumit isse aage kuch bolta usse pehle hi.
Rashmi:- Bhaiya kuch jyada hi overacting kar rahe hai aap.
Fir Sumit munh latkaane ka dikhawa karta hai...Iss par sabhi hanste hai.
Sumit:- Accha...Carry on...Mai jaa raha hun.
Itna keh kar Sumit jaane laga tabhi piche se uski Maa ka aawaj aaya.
S. Mom:- Kabhi kabhi padhaai bhi kar liya kar.
Piche mud kar Sumit apna fono haaath jod kar kehta hai.
Sumit:- Papa chale gaye...Abb aap suru mat ho jaaiye.
Fir Sumit waha se chala jaata hai.
Room mein kuch der bikhra hua saamaan ke saath experiment karne ke baad Sumit ko pyas lagta hai...Bottle khaali tha.
Jab wo paani ke liye niche kitchen mein gaya to waha par abhi bhi uski Maa aur Kirti thhe.
Dono kaam karte hue apne baaton mein hi lagi hui thhi...Sumit ki taraf unka dhyan nahi tha.
S. Mom:- Keh rahi hun na...Mai kar lungi...Tu kyu pareshaan ho rahi hai?
Kirti:- Karne dijiye naa aunty...Accha lag raha hai.
S. Mom:- Abhi padhai likhai ka vakt hai...Kaha tu ye sab cheejon mein padi hai...Jaa jaa kar padhai kar.
Kirti:- Padhaai likhai to hoti rahegi...Ye sab sikhna bhi to jaruri hai.
Fir Sumit ki Maa Kirti ko pyar se sikhaane lagti hai...Aur Kirti bhi acche se sikh rahi thi.
Dono ki baatein sun kar Sumit soch raha tha.
Sumit:- (In his mind) Kitni jald kisi ke saath bhi ghul mil jaati hai Kirti...Aisa lag raha hai jaan pehchaan kuch dino ki nahi balki kayi saalon ki hai...Sahi hai.
Kirti:- Aunty...Pehli baar aayi hun yaha...Lekin aisa lag raha hai jaise mai bhi iss ghar ka hissa hun...Bahut accha lag raha hai aap sabhi ke saath.
S. Mom:- Hume bhi bahut accha lag raha hai...Tere hone se ghat mein chahal pehal bana rehta hai...Vaad mein bhi aati rehna.
Kirti:- Jarur aunty...Abb to vajah bhi mil gaya hai aane ki.
Kirti ne ye baat khud se hi kaha lekin piche khada Sumit bhi iss baat ka matlab acche se samajh raha tha.
Sumit:- (In his mind) Kuch bhi kar sakti hai ye ladki.
Sumit:- Kuch jyada hi maska lagaya jaa raha hai.
Kirti:- Jee nahi...Dil se kahi hui bilkul sacchi baat hai...Lekin jis insaan ke paas dil naa ho wo kya samjhe.
Sumit:- Dil to hai...Lekin uss dil ka kaam khoon ko sharir ki har ek ang tak pahunchaane ka hai...Naa ki faaltu ki baaton par emotional hona.
Fir Sumit paani bhar kar waha se chala gaya.
Kirti:- Kitna badtameez hai na ye?
S. Mom:- (With smile) Nahi badtameez to nahi lekin jo dil me aaye wo bol deta hai...Kuch vakt ke baad khud samajh jaaogi.
Sumit ki Maa ne ye keh to diya lekin wo khud bhi iss baat se anjaan thi ki Kirti Sumit ko kuvh jyada hi samajh chuki hai.
Sumit apne room mein pahunch kar lag gaya apne mission par...Mission Playboy.
Kuch der Shruti aur Preeti se chat karne ke baad usse boring sa lagne laga...Mobile ko side mein rakh kar wo sone ki koshish karne laga.
Lekin neeed itni jaldi aata kaise? Dhire dhire uske dimaag mein Kirti aur uski baatein aane lagi...Kirti ki baatein soch wo muskura raha tha...Abb Kirti mein usse kuch alag najar aane laga tha.
Baaki ladkiyon se alag...Bahut hi special...Pyaar mein pade hue ladke ke dil mein jo feeling apne pyar ke liye aata hai wohi feeling Sumit ko bhi aane laga tha.
Apna mobile utha kar wo mesaage karne lagta hai.
Hello.
Fir usse cancel kar ke likhta hai.
Kya kar rahi ho?
Ye bhi usse pasand nahi aaya...Isse bhi cancel kar ke.
Can we talk?
Send karne se pehle isse bhi cancel kar ke wo kuch likhta hai aur send kar deta hai.
Ye mesaage tha!!
I hope tumhare sabhi concepts clear hai...Agar koi confusion hai to kal puch lena.
Mesaage send hote hi Sumit ne khud ke sir par maara.
Sumit:- (In his mind) Ye mujhe ho kya raha hai...Aur ye bewkuffo jaise message kar diya.
Tabhi Kirti ka message aata hai...Ussi ki tarah khatarnaak.
Kirti:- Haan concepts to clear hai...Mai aap se bahut pyar karti hun aur aap bhi...Confusion bas ye hai ki aap kab mera proposal accept karenge.