बहुत ही बेहतरीन महोदय।Update 104Raat ko dinner ke baad Aarav Raj aur Sonal Nandini ke kamre mein aajate hai aur function ke baare mein baat start karte hai.
Nandini: Maine saare family guest ki list banali hai. Tumlogo ko apne office se kisi ko bulana hai toh uska naam boldo. Phir kalse hi sabko invite karna start kardete hai.
Phir Raj aur Karan apne apne kuch guest ke naam de dete hai.
Nandini: Greattt. Toh ab batao party kaha hogi. Yaha ghar mein yaa kahi bahar.
Sonal: Bahar hi karte hai bhabhi. Ghar mein karenge toh surprise kaise denge.
Nandini: Hmm baat toh sahi hai. Toh phir ek achha sa hall book karna hogaa.
Aarav: Yeh kaam main aur Payal dekhlenge.
Nandini: Karloge naa.
Aarav: Ekdumm.
Raj: Main ek achhe se event organizer se baat karlunga. Woh saari taiyaari dekhlega.
Nandini: Tab toh hogyaa sab. Toh phir kal se kaam pe lag jaate hai. Kal se hi guest ko invite karna start kardengee.
Phir sab apne apne kamre mein aake so jaate hai.
Agle din Raj aur Sonal as usual apne college nikal jaate hai. Karan aue Nandini kuch guest ko invite karne unke ghar nikal jaate hai. Aarav bhi office nikal jaata hai.
Idher Neha subah jaldi uth ke Raj ke liye tiffin taiyaar karne lagti hai.
Neha: Kal ki galti ki maafi aaj unko apne haatho ka bana khaana khila kar lungi. Kisi ne kaha hai insaan ke dil ka rasta uske pet se hoke jaata hai. Toh main bhi Raj sir ke dil tak jaane ke liye pehle unke pet ko khush karungi.
Thodi der mein woh tiffin taiyaar karke college ke liye nikal jaati hai.
Aaj Sonal ne Raj ka tiffin apne paas hi rakha tha jo woh uaae recess mein dene wali thi. Kyoki woh nhi chahti thi ke phir se tiffin girr jaaye.
Recess tak class karne ke baad Sonal jaldi se Raj ke cabin ki taraf jaati hai usko tiffin dene ke liyee. Woh jaise hi cabin ke paas jaake door knock karke andar aati hai toh usko ek jhatka lagta hai. Kyoki Andar Neha pehle se hi maujud thi aur uske haath mein bhi tiffin tha jo woh Raj ke liye laayi thi.
Sonal Neha ko dekh kar thoda hairan hoti hai aur Raj ki taraf dekhti hai jo usko hi dekh raha tha.
Raj: Aao Sonal. Bolo kyaa kaam tha.
Sonal: Raj ko ghurr ke. Lagta hai aap abhi busy hai. Main baad mein aati hu. Mujhe thode sums mein doubt the.
Raj: Nhii main koi busy nhi hu. Neha toh mere liye tiffin leke aayi thi.
Sonal ko yeh sunke jhatka laga. Woh dono Neha ko dekhte hue bolti hai. Tiffinnnnn.
Neha: Haa. Woh kal mere se inka tiffin girr gaya tha naa. Isiliye main inke liye tiffin leke aayi hu. Par yeh accept hi nhi kar rahe hai.
Sonal: Thoda khush hote hue. Kisliye.
Neha: Bol rahe hai inhone apna tiffin laaya hai.
Sonal: Haa toh rehne do naa.
Neha: Par main jo itne pyaar se I mean itni mehnat se laayi hu uska kyaa.
Raj: Listen Neha. Maine tumhe ekbaar mana kar diya hai. Aur mujhe ek hi chiz baar baar bolna pasand nhi. Ab tum jaa sakti ho. Mujhe Sonal ko uske doubts samjhana bhi hai. Now you can leave. And first of all I am your teacher. So be in your limit. Raj ne yeh sab thoda serious tone mein bola tha jisse Neha aur kuch nhi bol saki. Aur Sonal ko ghurtee hue waha se nikal jaati hai.
Jaise hi Neha cabin se nikal ti hai Raj Sonal se bolta hai.
Raj: Aree khadi mat raho. Jaldi se tiffin do. Bhuk lagi hai. Iss ladki ne toh pareshan kardiya hai.
Sonal: Raj ka tiffin dete hue. Toh sidhe sidhe baat kyo nhi karlete aap.
Raj: Mujhe bhi ab yehi lag raha hai. Aajkal yeh kuch jyaada hi kar rahi hai. Aur isko choro abhi. Tumne khaa liya.
Sonal: Abhi kaha. Class khatam hote hi sidha aapke paas aayi hu. Ab karungi.
Raj: Thikk hai jao khaa lo. Phir chutti ke baad humhe event organizer ke paas chalna hai.
Sonal: Thikk hai.
Phir Sonal waha se sidha canteen mein aajati hai.
Idher Neha cabin se nikal ke sidha washroom aati hai aur gusse mein woh tiffin waha rakhe dustbin mein fhek deti hai.
Neha: Maine itne pyaar se aur mehnat se unke liye tiffin banaya aur unhone reject kardiya. Uparr se woh Sonal bhi waha beech mein aagayi. Itni bhi kyaa jaldi thi doubts clear karne ki. Kuch der baad karleti toh kaunsa usko kuch hojaata. Jab dekho tab Raj sir ke aage pichhe ghumti rehti hai.
Aur yeh Raj Sir bhi aaj kal kitne rude hoogye hai. Kis tarah uss Sonal ke saamne meri insult kardi. Par koi nhi. Aapko toh main paa ke rahungi. Chaahe kuch bhi hojaayee.
Aur ab mujhe uss Ms. Pagal se pehle iss Sonal ki gutthi suljhani hogi. Aajkal kuch jyaada hi Raj sir se nain mattaka hota hai iska.
Chutti ke baad Sonal nikal jaati hai uss jagah pe jaha Raj uska wait kar raha tha. Par aaj Neha uska pichha kar rahi thi.
Sonal thodi durr jaati hai ke usko samne khadi ek car ke mirror pe Neha dikh jaati hai.
Sonal: Yehh yaha kyaa kar rahi hai. Iska raasta toh dusri taraf hai. Kahi yeh mera pichha toh nhi kar rahi hai. Shayad haa. Par kisliyee. Haa hosakta hai Raj ke wajah se. Ab kyaa karuu. Kaisee isse pichha churau.
Abhi Sonal yeh soch hi rahi thi ke uske paas Raj ka call aajata hai.
Raj: Kaha ho. Jaldi aao. Humhe jaana hai naa.
Sonal: Aree kaise aau. Yeh Neha mera pichha kar rahi hai. Shayad isse shak hogya hai.
Raj: Iski toh. Achha ruko. Tum ek kaam karo. Tum uss turning point ke paas aao aur waha jo gaadi parking mein hai uske paas chupp jaao. Aur wahi rukhnaa. Main wahi se tumhe pick karlungaa.
Sonal: Thikk hai.
Phir Sonal thoda tezz chalke saamne turning point ke paas aake waha park ki hui gaadiyon ke paas chupp jaati hai.
Neha Sonal ka pichha karte hue jab uss turning point ke paas aati hai toh usse Sonal waha nhi dikhti.
Neha: Aree yeh kaha chali gayi. Abhi toh yehi thi. Achanak kaha gayab hogyi. Phir woh Sonal ko idher udher dhundti hai par woh usse nhi milti. Lagta hai nikal gayi. Koi baat nhi. Agli baar isse dekh lungi. Jara main bhi toh dekhu yeh roz kaha jaati hai. Kahi yeh Raj sir toh nhi milti.
Phir woh waha se nikal jaati hai apne raaste.
Neha ke nikalte hi Sonal bhi bahar aajati hai aur Raj ka wait karne lagti hai. Thodi der mein Raj aajata hai aur Sonal gaadi mein baith jaati hai.
Raj: Ek baat kahu Sonal. Ab shayad humhe college mein bata dena chahiye ke hum ekdusre ko jaante hai.
Sonal: Par isse sab humhe alag nazariye se dekhne lagenge. Hosakta hai koi koi isko leke baate banana bhi start karde.
Raj: Toh kyaa aise harroj chup chup ke aaogi. Kisi na kisi din toh pata chalega hi.
Sonal kuch nhi bolti bas chup chap baithi rehti hai.
Raj: Ab tum dekhlo. Tum ko bologi wahi karengee.
Phir dono nikal padhte hai event organizer ke paas.
ये माना कि राज नेहा के इरादे से वाकिफ है लेकिन उसे इस तरह अन्न का अपमान नहीं करना चाहिए था। वो टिफिन नेहा से ले सकता था और जिस तरह नेहा को डांटा था वैसे टिफिन लेने के बाद दांत सकता था, लेकिन राज ने नेहा की बेइज़्ज़ती सोनल के सामने कर दी जो उसे बुरा लगा।। जो आगे चलकर सोनल के लिए अच्छा नहीं होने वाला।।
नेहा ने सोनल और राज के इस लुका छिपी केइस खेल का पता लगाने की कोशिश की लेकिन वो नाकामयाब रही, लेकिन कब तक, एक न एक दिन तो उसे पता चल ही जाना है।।