• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Bepanaah Ishq (Completed)

Jaguaar

Prime
17,680
60,210
244
Update 65
Vishal- Isko computer bahot pasand hai. Aisa keh sakte hai computer iska pehla pyaar hai. Saara din computer mein baitha coding karta rehta hai. Aur saath mein state level boxing champ hai. Yeh mann hi mann Neha se bahot pyaar karta hai par bol nhi paaya aajtak.

Neha- Isko designing ka bahot shauk hai isiliye isne apna career interior designing ke upar choose kiya. Swabhav se thodi shant ladki hai. Vishal ko sirf apna achha dost maanti hai usse jyaada kuch nhi.

Soniya: Yeh thodi chanchal behaviour ki ladki hai. Har waqt masti karna iski aadat hai par dil ki bahot saaf hai. Kisi ko jyaada der naraaz nhi hone deti. Varun se dil hi dil mein bahot pyaar karti hai par darti hai Varun inkaar naa karde isiliye usko bolti nhi hai.

Varun- Yeh thoda mazakiya kism ka ladka hai. Khel khud pasand hai. Jisme Cricket kuch jyaada hi pasand hai. Isiliye apne purane college ka ek bahot achha player tha. Padhai mein jyaada interest nhi hai. Maa baap ke gusse ke chalte padhai kar raha hai. Soniya ko apni best friend maanta hai usse jyaada kuch nhi.

Raaste mein Ishita puchti hai.

Ishita: Waise tumlogo ko recess ke pehle class mein nhi dekha.

Neha: Woh mera aur Soniya ka thoda documents verification ka kaam baaki tha isiliye hum class mein nhi aapaaye.

Ishita: Achha. Toh hogya naa sab.

Neha: Haa sab hogyaa.

Class mein aake Sonal aur Ishita apni jagah pe baith jaate hai. Par issbar inke agal bagal woh teeno bhi baithe hai.

Kuch der mein professor aate hai aur baaki sabki tarah intri leke padhane lagte hai.

Varun jisko innsab mein koi interest nhi tha woh class mein baithe baithe masti karne lagta hai. Soniya yeh dekhti hai toh usko gusse se ghurti hai aur padhai mein dhyaan lagane ko bolti hai.

Phir kuch der baad college over hojaata hai toh sab bahar niklne lagte hai.

Ishita: Didi aap kaise jaayengi.

Sonal: Raj ke saath hi jaana hai. Agar woh nhi jaa paaye toh auto ya Cab se chali jaungi.

Ishita: No way. Mere hote hue aap Cab ya auto se kyo jaayengi. Main hu naa main le chalungi.

Sonal: Aree nhi nhi tumhe pareshan hone ki jarurat nhi hai.

Ishita: Koi pareshani nhi hogi. Par chaliye pehle dekhte hai Sir free hue kyaa.

Abhi yeh dono Raj ke cabin ki taraf jaa rahe the tabhi Sonal ke mobile mein usi ka msg aata hai.

Sonal: Yeh lo Raj ka hi msg aagaya hai.

Sonal Msg padhti hai toh usme likha hota hai 10 mins ke baad College ke gate ke bahar milna.

Ishita: Kyaa likha hai.

Sonal: Likha hai 10 mins ke baad college ke gate ke bahar.

Ishita: Ooo. Chaliye tab tak canteen mein baithte hai.

Sonal: Hmm Chalo.

Phir dono waha se canteen mein aarahe the tabhi raaste mein Soniya Neha aur Varun mil jaate hai.

Soniya: Kaha chali gayi thi tum dono.

Sonal: Woh thoda washroom gaye thee. Tumlog gaye nhi abhi tak ghar.

Neha: Bas socha eksaath niklenge. Chalo ab chalte hai.

Ishita: Abhi humhe nikalne mein time hai. Hum Canteen mein baithenge kuch der.

Tabhi pichhe se Payal aur Vishal bhi aajate hai.

Payal: Canteen mein kisliye ghar nhi jaana tereko.

Ishita: Bas thoda kaam hai.

Neha: Thik hai toh hum nikalte hai phir. Kal milenge.

Teeno: Okk Byee.

Phir yeh charo waha se nikal jaate hai aur yeh teeno canteen mein naajake sidha college ke gate ke bahar ki taraf nikal jaate hai.

Payal: Aree tujhe toh canteen jaana tha phir yeh bahar kyo jaa rahi hai.

Sonal: Canteen jaana tha kyoki Raj ne mujhe 10 mins ke baad bahar aane ko bola tha. Par waha pe unn charo se baat karne mein hi time nikal gaya isiliye ab waha jaake kuch nhi hoga.

Payal: Oooo.

Phir teeno bahar aake wait karne lagte hai thodi der mein hi Raj waha aajata hai.

Ishita: Good Afternoon Sir aap yaha kaisee.

Raj: Bas ghar jaa raha tha toh socha Sonal ko lift de du.

Ishita: Sirf inko kisliye.

Raj: Meri marzi. Sonal chale.

Sonal: Jiii.

Raj: Aur tumdono class mein padhai mein dhyaan dena. Agar kuch bhi garbar ki naa toh kadi se kadi punishment dungaa.

Dono: Humhe punishment denge aap.

Raj: Haaa.

Dono: Toh hum aapki complaint Bhabhi se kardenge. Phir woh aapko ghar mein nhi aane dengi.

Dono masti masti mein bol toh gayi par baad meim unhe dhyaan aaya unhone kyaa boldiya.

Raj bhi unndono ke bhabhi bolne se darr jaata hai aur Sonal ko dekhta hai jo unn teeno ko hi ghurr rahi thi.

Sonal: Abhi tumdono ne kyaaa bola. Kisse complaint karoge.

Dono Raj ko dekhti hai toh Raj unko gusse se ghurr raha hota hai.

Sonal: Bolo abhi kya bola tumdono ne. Bhabhi se inki complaint karoge. Tumdono inhe bhaiya bolti ho matlab inki patni se complaint karoge. Matlab yeh shaadi sudha hai.

Teeno Sonal ki baat sunke aur darr jaate hai. Sabse jyaada toh Raj darr jaata hai.

Sonal: Aap shaadi sudha hai. Toh aapki patni kaha hai. Woh ghar mein kyo nhi rehti. Kaha rehti hai woh. Boliyeee.

Raj Sonal ke sawaal ka kyaa jawaab de samaj nhi aaraha thaa.

Raj: Mann mein. Kyaa kismat hai meri. Meri patni hi mujhse puch rahi hai woh kaha hai.

Sonal: Tumdono bolo.

Raj: Sonal woh actually yeh dono....

Sonal: Hmm yehdono kyaa boliyee.

Ishita: Didi woh hum Raj bhaiya ki patni ki baad nhi kar rahe the. Hum Nandini bhabhi ki baat kar rahe hai. Inki toh abhi tak shaadi nhi hui hai.

Ishita ki baat sunke Raj ke jaan mein jaan aati hai.

Raj: Haaa yehdono bhabhi ki baat kar rahe the. Aur kaha tum meri shaadi ki baat leke baith gayi. Ab chalo bahot late hogya hai aur tumdono bhi ghar jao.

Dono: Jiii Bhaiyaa. Byee didi. Yeh bolo dono waha se jaldi se khisak leti hai.

Raj: Tum gaadi mein baitho main abhi aata hu.

Sonal: Kaha jaa rahe hai.

Raj: Parking mein shayad mera rumaal waha girr gaya. Tum baitho main abhi aata hu.

Sonal: Jiii.

Phir Raj waha se parking mein aata hai jaha Ishita aur Payal sir jhukaaye khadi thi.

Dono: Sorry Bhaiyaa. Humse galti hogyi. Hum flow flow mein Bhabhi ke saamne hi unhe bhabhi bol baithee.

Raj: Tum dono ke flow flow ke chalte aaj meri halat kharab hogyi thi. Yeh toh achha hai Sonal ne issbaare mein jyaada socha nhi warna phir uske sir mein dard hota.

Dono: We are Sorry bhaiyaa. Hum aisi galti phir nhi karenge. Hum aage se dhyaan rakhenge.

Raj: Hmm. Thikk hai. Ab aaram se ghar jao.

Phir woh dono waha se nikal jaati hai aur Raj bhi waha se nikal ke apni car ke paas aajata hai.

Raj: Toh chalee.

Sonal: Jiii.

Phir dono ghar ki taraf nikal padhte hai. Raaste mein Raj Sonal se puchta hai.

Raj: Toh kaise gaya pehla din.

Sonal: Achha thaa. Humare naye dost bhi bane.

Raj: Achhi baat hai.

Sonal: Aapka din kaisa raha.

Raj: Mera bhi din achha raha. Kuch purane teachers abhi bhi hai unse dobaara milke baat karke ek alag hi aihsaas mila.

Sonal: Ooo. Achha hai.

Raj: Waise tumlogo ke naye dost ke naam kyaa hai.

Sonal: Vishal Neha Soniya Varun. Vishal M.Tech mein hai aur baaki teen Mere aur Ishita ke saath hai.

Raj: Chalo achhi baat hai.

Sonal: Woh mujhe aapse ek baat kehni thi.

Raj: Hmm bolo.

Sonal: Woh main chahti hu ke College ke logo ko yeh naa pata chale ke humlog ekdusre ko jaante hai. Aur agar woh humhe aise saath dekhenge toh kuch na kuch baate banegi. Aap samaj rahe hai naa main kyaa bolrahi hu.

Raj: Hmm main samaj raha hu. Toh tum bolo main kyaa karu.

Sonal: Woh agar hum alag alag college aaye aur jaaye aur college mein Teacher Student jaisa hi behave kare toh achha hai.

Raj: Baaki sab thikk hai. Par tumhara akele aane jaane ke liye koi nhi maanega.

Sonal: Uske liye bhi maine kuch socha hai.

Raj: Aur woh kyaa.

Sonal: Hum ghar se saath niklenge. Aap mujhe college ke paas hi utar dena phir waha se main chalke aajaungi. Aur chutti ke baad wahi se wapas se saath chalenge. Isse kisi ko pata bhi nhi chalega.

Raj: Hmmm idea achha hai. Thik hai toh phir aisa hi karte hai.

Sonal: Thank You.

Raj bas smile kardeta hai.

Thodi der mein yehlog ghar aajate hai.
 

Anshu Sharma

Shubham Yadav
2,564
1,370
144
Top