Romance Bepanaah Ishq (Completed)

  • You need a minimum of 50 Posts to be able to send private messages to other users.
  • Register or Login to get rid of annoying pop-ads.

Anshu Sharma

Shubham Yadav
Messages
2,563
Reaction score
1,365
Points
143

Jaguaar

Prime
Messages
15,971
Reaction score
53,387
Points
173
Update 114
Thodi der mein class mein Raj aajata hai aur padhane lagta hai. Iss dauran woh naa Sonal ki taraf dekhta hai aur naa kisi aur ki taraf. Par Neha apni aadat se majbur Raj ko ghuree jaa rahi thi jo usne notice karliya tha par woh apne padhane mein dhyaan deta hai.

Recess ke time sab apna tiffin kar rahe the tabhi achanak se Varun ki nazar Sonal ke haath mein jaati hai toh woh jhatt se bol uthta hai.

Varun: Hey Sonal congratulations.

Sabkoi hairaan hojaate hai ke achanak se congratulations kis baat ki.

Sonal: Kisliyee.

Varun: Aree tumhari engagement hogyi hai uss khushi mein. Ab tumne apne dosto ko toh bulaya nhi. Par dost hone ke naate congrats toh kar hi sakte.

Sonal: Kyaa engagement. Merii. Kisne kaha.

Varun: Aree kaun kahega. Saaf dikh raha hai tumhare haatho mein.

Sablog Sonal ke haatho ki taraf dekhte hai toh unko bhi wahi lagta hai jo Varun ko laga tha. Neha ko toh bahot jyaada gussa aaraha tha.

Soniya: Iska matlab mera shakk subah sahi thaa. Par kisine meri baat nhi maani. Ishita Payal chalo batao kaun hai woh. Tumdono ko toh definately pata hoga.

Dono Sonal ki taraf dekhte hai toh woh na mein gardan hila deti hai. Jo Soniya dekh leti hai.

Soniya: Tum dono ko mana kyo kar rahi ho. Achha main samaj gayi tum humhe batana nhi chahti. Thikk hai koi baat nhi. Aakhir hum hote hi kaun hai.

Sonal: Aisi baat nhi hai Soniya. Tum galat samaj rahi ho. Aur meri koi engagement nhi hui hai. Tum sahi kehti ho yeh Varun gadha hai.

Neha: Gusse se. Toh yeh ring.

Sonal: Neha ko ghurte hue. Mujhe kisi ne di hai.

Soniya: Achha hum bewakoof hai. Rehne do. Jab tumhara mann ho tab batana. Waise bhi yeh tumhara personal matter hai.

Phir sab apna tiffin khaane lagte hai par Neha ki nazar uss ring pe hi thi. Uska mann toh kar raha tha ke woh ring woh todd de.

Kuch der baad sabka tiffin khatam hojata hai toh sab apne apna class mein jaane lagte hai tabhi Soniya Sonal ke paas aati hai aur ekdum dheere se uske kaan mein bolti hai.

Soniya: Toh main Raj sir ko bhaiya bulau yaa Jijaji yeh boldo.

Sonal yeh sunti hai toh uska bahot bada shockk lagta hai. Woh badi badi aankhon se Soniya ko dekhne lagti hai. Usko apne kaano pe yakeen nhi horaha tha.

Sonal: Haklaate aur ghabraate hue: Yehh tumm kyaa bol rahii ho Soniyaa. Yehh Raj Sir beech mein kaisee aagaye.

Soniya: Muskurate hue. Wahi jo tum sunn rahi ho. Mujhe pata hai tum aur Raj Sir dono hi relation mein ho. Aur yeh bat mujhe aajse nhi bahot pehle se pata hai.

Sonal yeh sunti hai toh usko ek aur jabardast jhatkaa lagta hai. Woh bas Soniya ko dekhee jaa rahi thi.

Soniya Sonal ko leke sidhaa washroom chali jaati hai. Jaha Sonal Soniya ke upar sawaalo ki barsaat kardeti hai.

Sonal: Tumhe kaisee pata chala. Batao mujhe. Kaisee pata chala. Aur kis kis ko bataya hai yeh baat. Batao.

Soniya: Muskurate hue hi. Shant shant. Sab batati hu. Tum toh aise react kar rahi ho jaise maine tumhe koi chori karte hue pakad liya ho.

Sonal: Baate mat banao. Kaise pata chala yeh batao. Maine toh kabhi kisi ko nhi bataya. Aur nahi hum kabhi college mein jyaada baat karte the.

Soniya: Haa yeh sach hai tumdono college mein kabhi jyaada baat nhi karte the. Par tum dono ka nain matakka toh hota hi rehta tha pure class mein. Phir tumhara unke cabin mein jaana aur late se aana. Yeh sab main dekhi hu.

Aur mujhe kaise pata tumdono ke baare mein toh suno. Yaad hai college start hone ke baad aur humare milne ke kuch din baad ekdin tumdono raaste mein khade hokar paani puri khaa rahe the.

Sonal thodi der khadi sochne lagti hai toh usse yaad aata hai. Haaa khaa rahe the.

Soniya: Usi paani puri stall ke paas maine tumdono ko eksaath dekha tha. Aur tab mujhe laga tumdono hosakta hai dost hoge yaa ekdusre ko jaante hoge. Par phir maine college mein tumdono ko isharo mein baat karte dekh unke cabin mein derr tak rehte dekha tab mera shakk yakeen mein badal gaya.

Phir Raj sir ka kuch college naa aana aur tumhara udaas rehna phir unke aajane ke baad tumhare chehre pe khushi aajana phir woh bracelet aur aaj yeh ring. Yeh sab se koi bhi yeh bat bolsakta hai ke tumdono ke beech kyaa chal raha hai.

Sonal bas Soniya ko aankhein faade dekhe jaa rahi thi. Usse yakeen nhi horaha tha koi unko iss tarah observe karsakta hai. Sonal kyaa bole usko samaj nhi aaraha tha. Woh bas chup chap khadi rehti hai.

Soniya: Heyy tum tension mat lo. Yeh baat kisi ko pata nhi chalegi. Jab tak tumdono naa chaho. Yeh mera promise hai. Aur phir Sir ne mujhe apni behen mana hai toh kyaa main apne bhaiya ki love story ko barbaad karungi. Kabhii nhi.

Unhone mere liye jo kiya hai uske badle mein toh yeh kuch bhi nhi hai. Tum bilkul bhi tension mat lo. Yeh secret meri taraf se humesha secret rahega.

Sonal jhatt se Soniya ke gale lag jaati hai aur bolti hai. Thankk youu Soniyaa. Thankk you so muchh.

Soniya: Bas bas ab maska mat lagao. Yeh Thank You se kaam nhi chalega. Mujhe ek mast party chahiye.

Sonal: Bilkul milegi. Bolo kab chahiye.

Soniya: Aree tumne boldiya wahi bahot hai. Ab chalo chalte hai class mein. Recess kab ka over hochuka hai.

Phir dono class ki taraf badh jaate hai.

Soniya: Waise tumne bola nhi Main Raj Sir ko bhaiya bulaun ya Jijaji.

Sonal: Sharmate hue. Jo tumhari marzi. Jisme tum comfortable ho.

Soniya: Thikk hai bhabhiii. Yeh bol hasne lagti hai.

Sonal sharmate hue aage badh jaati hai.

College ke chutti ke baad Sonal sabko byee bolke apne raaste chali jaati hai jaha Raj uska wait kar raha thaa.

Raj: Aaiye aaiye Mrs. Kapoor. Aapka swagat hai.

Sonal: Haste hue. Thank You Mr. Kapoor.

Phir dono gaadi mein baithke ghar ki taraf nikal padhte hai. Raaste mein Sonal Raj ko Ishita Payal aur Soniya ke baare mein sab bata deti hai. Jisse sunnke Raj bhi hasne lagta hai. Phir Thodi der mein dono ghar aajate hai.

Aise hi kuch dino ke baad ekdin Raj aur Sonal eksaath apne time se college aate hai toh sablog unhe alag nazar se dekh rahe the aur ekdusre se unhe dekhte hue baate bhi kar rahe the.

Sonal: Raj yeh sablog humhe aise kyo dekh rahe hai.

Raj: Samaj nhi aaraha hai.

Abhi yehlog parking se aage badh rahe the ke tabhi Ishita Payal Soniya aur inke saath Varun Vishal aur Neha inke saamne aajate hai.

Ishita: Bhaiyaaaa ek problem hogyi hai.

Raj: Kyaa hogyaa. Aur yehsablog humhe aise kyo dekh rahe hai.

Payal: Bhaiyaa aap humare saath chaliye. Hum dikhate hai aapko.

Soniya: Haa Sonal chalo jaldi.

Phir sab unhe leke College ke notice board ke ke paas aate hai jaha bahot bhidd lagi hui thi. Jab woh bhidd Raj aur Sonal ko dekhti hai toh sab side hojaate hai.

Raj: Kyaa baat hai. Yaha itni bhidd kyo lagi hui hai.

Kuchlog jo Raj ko pasand nhi karte the woh chupke bolte hai. Teacher aur student ki raasleela dekh rahe the sir.

Yeh baat sunke kuchlog has dete hai toh kuchlog apne mein hi dheere dheere baate karne lagte hai.

Raj: Kyaaa Matlab. Aur jisse jo kehna hai woh saamne aake kahe.

Bhidd mein se hi kuchlog phir bolte hai. Aree Notice board mein dekho sir. Samaj aajayega.

Raj aur Sonal jab Notice board mein dekhte hai toh unki aankhein hairat se badi hojaati hai aur unke pairon tale zameen khisak jaati hai. Dono ekdusre ko dekhne lagte hai.

Kyoki Notice board mein bahot saare pictures alag alag pose mein lage hue the jisme Raj aur Sonal ekdusre ki baahon mein the.

Raj yeh dekh kar Sonal ki taraf dekhta hai toh uske aankhon mein thoda darr aur tension tha. Toh Raj Sonal ko ishare se hi shant rehne ko bolta hai aur jaake Notice board se woh saare pictures nikalne lagta hai. Jisse dekh kuch students bolne lagte hai.

Dekho dekho student aur teacher ki raasleela dekho. College ke sabse young teacher aur Ms. Fresher ki raasleela dekho.

Yeh baat sunke sabhi kuch na kuch baate karne lagte hai jisse sunnke Sonal ki aankhon mein thode aansu aajate hai. Jo dekh kar kuchlogo ko bura lag raha tha par kuch logo ko maza bhi aaraha tha jisme Neha bhi shamil thi.

Raj: Jisne bhi abhi bola ke teacher aur student ki raasleela chal rahi hai toh usse main bata du ke apni fiancé ke saath time spend karna aur uske saath dance karna kabse raasleela hogya.

Raj ki baat sunke waha ekdum sannata chaa jaata hai. Kuchlogo ke toh saare armaano pe paani firr gaya tha. Unhe laga tha isse woh Raj ko beizaat karenge aur badla lenge jo Raj ne unhe class mein padhai naakarne pe kiya tha.

Raj: Jisne bhi humhe beizaat karne ke iraade se iss ghinone kaam mein mehnat ki hai usko aur tum sablogo ko jinko dusro ki zindagi mein kyaa chal raha hai yeh janne mein bahot interest rehta hai unnsabko bata du ke Main aur Sonal jo meri mangetar hai hum ekdusre ko bahot pehle se jaante hai. Iss college mein aane ke pehle se. Aur hum ekdusre se pyaar karte hai. Aur Sonal ke college ke khatam hote hi humari shaadi hojayegi.

Aur ab agar kisine bhi Sonal ko iss topic ko leke kisi bhi tarah se pareshan kiya ya taunt kiya to main sang sang uske parents ko yaha bulaunga.

Aur jisne bhi yeh kaam kiya hai usko meri taraf se Thank You. Uski iss bachkaani harqat ke liye. Aur tumlog dusre ki life mein kyaa chal raha hai yeh jaane se achha hai khud ki life ko aur kaise behtar banaya jaaye yeh socho.

Aur jisne bhi yeh kiya hai woh apne parents ko yaha aane ke liye ready rehne ko bolo. Aur unko boldena woh kisi dusre college mein tumhara admission procedure start karde. Ab sablog apne apne class mein jaaiye. Aur jaha jaha yeh pictures lage hue hai kuchlog mere cabin mein aake de jaana.

Raj ke bolne ke baad sab apna sir nichha karke nikal jaate hai kuchlog gussa the toh kuchlog sharminda the. Neha ko bhi bahot gussa aaraha tha.

Raj: Sonal ab koi kuch nhi kahega. Tumhe jis chiz se darr tha woh aaj humesha ke kiye khatam hogyaa. Ab jao class mein jao. Aur tumsab bhi class mein jao.

Phir sab apne apne class mein chale jaate hai. Raj sidha security room mein chala jaata hai.

Teachers ke beech bhi iss baat ko lekar gossip start hochuki thi. Par Raj ke explanation ke baad kisi ko aur kuch bolna nhi tha.

Raj security room meim jaake sidha Operator ke paas aata hai.

Raj: Ek kaam karo. Subah college khulne ke waqt se Notice board ke waha pe kaun kaun gaya woh dikhao.

Operator Raj ki baat sunn waisa hi karta hai. Kuch der mein screen mein dikhta hai ke ek ladka notice board ke paas aake woh pictures waha board pe laga deta hai aur waha nikal jaata hai.

Raj: Mujhe iss ladke ka chehra dikhao.

Operator dusre camera pe focus karke uss ladke chehra dikhata hai.

Raj: Mujhe iss chehre ka print out do.

Operator print out deta hai toh Raj sidha peon ke paas jaata hai.

Raj: College ke data base mein check karo aur bolo yeh ladka kaun hai aur kaunse stream se hai.

Peon: Thoda time lagega par hojayega. Recesa tak wait kijiye.

Raj: Thikk hai. Phir Raj sidha apne cabin mein aata hai aur waha se class mein aajata hai.
 
Top

Dear User!

We found that you are blocking the display of ads on our site.

Please add it to the exception list or disable AdBlock.

Our materials are provided for FREE and the only revenue is advertising.

Thank you for understanding!