Update 89
Idher Raj waha se sidha security room mein aata hai jaha woh Senior khada hua tha.
Raj: Operator se. Kal ka CCTV footage dikhao Seminar hall wala.
Operator Raj ke kahe anusaar kaam karta hai.
Senior: Bhai ek kaam kar Hall ke entrance aur exit wala camera stage wala camera aur jaha sab khade hai woh wala camera dikha aur thoda fast forward karna.
Operator waisa hi karta hai jaisa senior ne bola.
Raj: Ab jaise hi Second program khatam hota hai tab pause karde.
Kuch der baad second program khatam hota hai toh operator stop kardeta hai.
Senior: Ab uss ladki(Soniya) iska pichha kar sath mein yeh bhi dekh iske pichhe kaun kaun jaa raha hai aur thoda slow motion mein.
Operator Camera ka focua Soniya ke upar karta hai aur uska pichha karne lagta hai.
Soniya Hall ke bahar jaarahi hoti hai par saath mein aur bhi kuch students the jo bahar aana jaana kar rahe the.
Senior: Sir hum uss ladke ko pehchanenge kaise. Humne toh usse dekha tak nhi hai.
Raj: Ruko main kuch karta hu. Phir Raj Sonal ko call karta hai.
Raj: Bina kuch bole chup chaap meri baat suno. Tumlogo ne uss ladke ko dekha hai toh usko identify karne ke liye yaha security room mein aao. Aur class mein boldena ekdum normal behave kare aur kisi se koi bhi baat naa karee. Yeh bol Raj phone cut kardeta hai.
Ishita: Kiska call tha didi.
Sonal: Raj Sir ka call tha. Unhone mujhe uss Shivam ko identify karne ke liye bulaya hai aur unhone bola hai ekdum normal behave karo aur kisi se koi bhi baat nhi karni.
Neha ko yeh bahot shocking lagta hai ke itne saare logo ke beech Raj ne sirf Sonal ko hi kyo bulaya aur usne apna number sirf aur sirf Sonal ko hi kyo diya. Yeh chiz Neha ke dil mein jalan paida kar rahi thi.
Neha: Sonal chalo main bhi chalti hu tumhare saath.
Sonal: Nhi Neha tum Soniya ke saath raho. Aur unhone mujhe akele bulaya hai. Yeh bol Sonal waha se chali jaati hai par idher Neha Sonal ko gusse se ghurne lagti hai.
Thodi der mein Sonal Security room mein aajati hai.
Raj: Hmm aao dekho aur bolo kaun hai woh Shivam.
Raj ka mood abhi bhi kharab tha jo Sonal samaj jaati hai isiliye woh chup chaap monitor mein dekhne lagti hai.
Operator dheere dheere angle change karke dikhane lagta hai. Kuch der mein Sonal ko uska chehra dikh jaata hai.
Sonal: Yeh hai Shivam. Yeh white jacket wala.
Raj: Zoom karo uske upar. Aur shakal achhe se dikhao.
Operator Shivam ke upar zoom karta hai aur uski shakal achhe se dikhata hai.
Senior: Shakal se toh sareef hi dikhta hai. Ab dekhte hai isne hi yeh kaam kiya hai yaa nhi. Achha Sonal woh video tumne dekha hai kyaa.
Sonal: Jii.
Senior: Toh kyaa bata sakti ho Video kis taraf se liya hai. Matlab tum samaj rahi ho na.
Sonal: Jiii. Phir Sonal uss video ke baare mein sochne lagti hai aur thodi der baad bolti hai.
Sonal: Woh video college ke backside ki taraf se banaya gaya hai. Kyoki humare washroom ka ek window uss taraf hai aur usi window se woh video banaya gaya hai.
Senior: Sir uss taraf toh koi nhi jaata. Aur waha store room hai jo casually band hi rehta hai.
Raj: Kyaa uss side mein ab camera ka installation hai yaa pehle ki tarah hi khaali hai.
Operator: Raj woh jagah abb bhi khaali hi hai.
Raj: Greattt. Thikk hai tum jao apne class mein.
Sonal Raj ki taraf dekh kar ishare se Sorry bolti hai toh Raj apni nazre ghuma leta hai toh Sonal udaas mann se waha se chali jaati hai.
Senior: Aage play karo. Aur dekhna yeh ladka kaha jaata hai aur uss ladki ke upar bhi focus rakhna.
Operator waisa hi karta hai. Shivam Soniya ke nikalte hi nikal jaata hai par ussne CCTV ka dhyaan nhi rakha tha. Woh yeh bhul jaata hai ke CCTV mein woh bhi dikhta hai.
Idher Soniya jaha washroom ki taraf jaa rahi hoti hai toh Shivam bhi uske taraf hi jaaraha hota hai. Waha aur bhi kuch students the isiliye uske upar shakk nhi horaha tha kisiko.
Kuch der mein Soniya apne washroom mein ghuss jaati hai toh Shivam waha khada kuch der sochta hai phir jaldi se sabki nazre bachake bagal ke ghuss jaata hai.
Senior: Aree yeh toh class mein ghuss gaya. Jaldi se uss class mein dikhao.
Operator jaldi se uss class mein dikhata hai toh Shivam uss class ki ek window kholke waha se bahar nikal jaata hai.
Operator: Ab isse aage nhi dikh sakta.
Raj: Thikk hai. Ab thoda fast forward karo aur dikhao woh class se bahar nikalta hai yaa nhi. Aur dusre monitor pe backside jaane wale raaste ko dikhao.
Operator waisa hi karta hai toh Shivam Soniya ke washroom se jaane ke kuch der baad Backside ke raaste se haste hue nikalta hai aur apne mobile ko baar baar ko achhe se check kar raha hota hai.
Senior: Sir yeh ladka video banate hue toh nhi dikha par isne ek bahot badi galti kardi. CCTV ko totally ignore kardiya.
Raj: Yeh koi professional nhi hai yeh ek amateur. Yeh sirf apna ego satisfy karna chahta tha. Isko laga hoga Soniya apni izzat ke darr se kisi ko kuch nhi bolegi aur yeh kabhi pakda nhi jaayega.
Senior: Par sir abhi bhi humare paas koi saboot bhi hai ke isne hi woh video banaya hai.
Raj: Mil jaayega. Ek kaam karo tum aur tumhare group ke ladke isko recess mein akele mein pakdo aur iska woh mobile aur iska woh bag le lo. Aur aise pakadna ke yeh tumhara chehra naa dekh paaye.
Senior: Thikk hai Sir. Par Sir agar yeh woh nhi hua toh.
Raj: Operator se. Ek kaam kar. Uss ladke ke nikalne ke baad dekh aur kitne jan iss side se nikalte hai.
Operator fast forward karke dekhta hai me Shivam ke nikalne ke baad aur koi bhi uss side se uss din nhi nikla tha jisse dono ko yakeen hojaata hai ke yeh kaam Shivam ne hi kiya hai.
Phir dono waha se nikal jaate hai aur recess ka wait karne lagte hai.
Idher Sonal ka mann padhai se hatt kar Raj ke upar chala gaya tha. Woh Raj se kaise maafi maangne yehi soch rahi thi.
Sonal: Mann mein. Raj toh bahot gussa hai mere se. Ab kyaa karu. Kaise maafi maangu unse. Kuch bhi ho maafi toh main le ke rahungi. Chahe jo bhi karna padee.
Idher Neha woh bhi apni hi socho mein ghumm thi.
Neha. Mann mein. Yeh Raj sir aur Sonal itne close kaise hai. Sonal ke paas unka number bhi hai. Sonal ekbaar bulane pe woh raat ko aagaye aur phir khud Sonal ko ghar chorne bhi gaye. Kuch toh locha hai.
Idher yehlog apni hi socho mein ghumm the udher Shivam bekhauf baitha Soniya ko pareshan dekh khush horaha tha.
Shivam: Mann mein. Bahot uchhal rahi tha ussdin. Ab dekho kaise darr ke maare chup chaap baithi hui hai. Meri izzat ko pure canteen ke saamne uchaala tha naa. Ab dekh teri izzat main pure sehar ke saamne uchalunga. Kisi ko apni shakal tak nhi dikha payegi. Par uske pehle tujhe harroj tadpaunga. Yeh bol mann hi mann jorr jorr se hasne lagta hai.
Recess tak sablog apni apni class karte rehte hai. Recess ke break mein jab sablog bahar jaane lagte hai tabhi class mein se hi ek jan bolti hai. Hey Soniya tera video viral hogya hai.
Uss ladki ki baat sunte hi Soniya ke saath saath pure group ke pairoj tale zameen khisak jaati hai.
Soniya toh waha zinda laash bann jaati hai uske aankho se aansu behne lagte hai aur phir achanak woh wahi pe behosh hoke girr jaati hai.
Varun: Soniyaaaaaa.
Varun ke chillate hi sabki nazar Soniya pe jaati hai sab shock hojaate hai. Sablog daud ke Soniya ke paas aate hai.
Varun Soniya ke sir apne god mein rakh leta hai.
Varun: Soniyaa Soniyaa utho naa. Kyaa huaa Soniyaaa.
Bhidd mein se ek jan bolta hai. Aree isse jaldi se medical room mein le jaao.
Varun uski baat sunn Soniya ko godd mein uthake Medical room ki taraf bhaagta hai.
Idher Ishita uss ladki ke paas jaati hai aur bolti hai.
Ishita: Kaisa Video viral hua hai dikhana jara.
Ladki: Aree woh Ramp walk wala video viral hogya hai Yeh dekho.
Ishita woh Video dekhti hai toh uske jaan mein jaan aati hai. Phir woh jaldi se medical room ke taraf bhaagti hai.
Medical room mein Soniya ko bed mein sulaya jaata hai aur uske muh mein paani ke chitte maarke uske hosh mein laaya jaata hai.
Hosh mein aate hi Soniya rone lagti hai aur bolne lagti main barbaad hogyi. Uss kamine ne mera video viral kardiya. Ab main kisi ko muh dikhane ke layak nhi rahi.
Ishita: Soniya chupp hojaao. Aisa kuch nhi hua hai. Tumhare ramp walk ka video viral hua hai. Maine khyd confirm kiya hai. Pleasee chupp hojaao.
Ishita ki baat sunke Soniya ke jaan mein jaan aati hai. Par uska rona nhi rukhta. Woh tab bhi dheere dheere roye jaa rahi thi.
Kuch der baad sab Soniya ko leke canteen mein aate hai aur usko thoda bahot jabardasti khila dete hai.
Idher woh Senior aur uske saath kuch ladke milke apne chehre ko hide karke washroom mein hi Shivam ko pakadte hai aur usko 2-3 thappad maarke uska bag aur mobile leke bhaag jaate hai.
Shivam ko kuch samaj nhi aata aakhir hua kyaa tha. Par jab usko samaj aata hai toh woh bhaag ke principal ke office mein jaata hai par woh waha nhi milte.
Idher woh Senior Shivam ka bag aur mobile leke Raj ke cabin mein jaata hai.
Raj: Bahot achhe. Uska mobile mujhe do aur tum yeh bag check karo.
Raj Shivam ka mobile leta hai woh lock milta hai aur open karne ki koshish karta hai par nhi hota.
Raj: Aree iska mobile toh lock hai. Ab iska passcode kaha se laaye. Kyaa tumhe passcode break karna aata hai.
Senior: Nhii sir. Yeh toh technical student ka kaam hai.
Raj.: Technical student. Yeh bol woh jhatt se Payal ko call karta hai aur usko apne cabin mein bulata hai.
Thodi der mein Payal Raj ke Cabin mein aajati hai.
Raj: Payal tum computer student ho toh kisi bhi mobile ka passcode break karna toh tumhe aata hi hogaa.
Payal: Yes Sir. Yeh toh mere liye bahot aasan kaam hai.
Raj: Greatt toh yeh raha mobile. Iska passcode jaldi se break karke do mujhe.
Phir Payal apne kaam mein lag jaati hai aur thodi der apne laptop mein kaam karne ke baad woh mobile ka passcode break kardeti hai.
Payal: Lijiye Sir. Hogyaa.
Raj: Greatt Jobb. Manna padega tumse bhi kaam hota hai.
Payal: Aap tareef kar rahe hai yaa beizaati.
Raj: Jo tum lena chaho.
Payal: Achha main chalti hu. Yeh bol woh waha se nikal jaati hai.
