• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance Bepanaah Ishq (Completed)

Lucky..

“ɪ ᴋɴᴏᴡ ᴡʜᴏ ɪ ᴀᴍ, ᴀɴᴅ ɪ ᴀᴍ ᴅᴀᴍɴ ᴘʀᴏᴜᴅ ᴏꜰ ɪᴛ.”
6,635
25,201
204
Congrats.. for your story 400 page completed Bhai ..
 

Jaguaar

Prime
17,680
60,210
244
Update 81
Idher college ki parking mein hi Neha ekdum bollywood actress ki tarah saj sawar ke khadi Raj ka aise intezaar kar rahi thi aakhir fresher party ka dress code bhi bollywood tha.

Neha: Yeh Raj sir aaj itna late kyo kar rahe hai. Main kabse unka wait kar rahi hu pata nhi kab aayenge.

Abhi woh aur kuch bolti tabhi koi uske kandhe mein haath rakhta hai toh woh ghabra jaati hai aur pichhe ghum ke dekhti hai toh waha Vishal khada tha.

Vishal: Yaha akele khadi kisse baate kar rahi ho.

Neha: Kisi se nhii. Main toh bas tumlogo ka hi intezaar kar rahi thi. Tum kab aaye.

Vishal: Bas abhi aaya. Waise manna padega aaj toh bahot jyaada khubsoorat lag rahi ho. Ms. Fresher toh tum hi banogi. Jo bhi dekhega bas dekhta hi reh jayega. Jaise main dekhta hi reh gaya.

Neha: Sharma ke. Kyaaa Vishal tum bhi jhoothi tareef karne lage. Ab itni bhi khubsoorat nhi lag rahi. Phir mann mein. Jiske liye itna taiyaar hui hu woh dekhle toh meri yeh mehnat safal hojaaye. Par pata nhi kaha reh gaye abhi tak aaye hi nhi.

Vishal: Aree ekdum sach bol raha hu. Tum aaj bahot khubsoorat dikh rahi ho. Ekdum Chand ka tukra lag rahi ho.

Neha: Thank You Vishal.

Neha itna hi bolti hai ke tabhi usko ek gaadi ki awaaz sunayi deti hai aur woh pichhe palat ke dekhti hai toh usko Raj ki gaadi dikhayi deti hai jo college ke andar aarahi hoti hai.

Raj ki gaadi dekh kar Neha ki khushi ka thikana nhi hota.

Neha: Mann mein. Finally woh aagaye.

Idher Raj gaadi se utar kar sidha Seminar hall ki taraf jaane lagta hai aur Neha usko dekhti hi reh jaati hai.

Neha: Haayee kitne smart and dashing lag rahe hai. Inko dekhne ke baad toh meri dil ki dhadkane bullet train ki speed se bhaag rahi hai. Kahi inko meri hi nazar naa lag jaaye. Iss Party wear mein toh yeh ekdum jaanleva lag rahe hai upar se aankho mein woh stylish chashmah uska toh kyaa hi kehnaa.

Idher Neha apne hi khayalo mein ghum thi ke usko pata hi nhi chala Raj kab unke kareeb pahonch gaya.

Vishal: Good Morning Sir.

Raj: Good Morning Vishal.

Vishal Neha ko hilata hai tab jaake usko hosh aata hai aur woh saamne Raj ko khade dekh thodi sharma jaati hai.

Neha: Sharmate hue. Good Morning Sir.

Raj: Hmm Good Morning.

Neha: I Must say. Aaj aap bahot jyaada achhe dikh rahe hai.

Raj Neha ke kehne ka matlab samaj jaata hai par woh uski baat ko ignore karta hai.

Vishal: Yes Sir. Neha ne sahi kaha hai. Agar aap student hote toh pakka aapko hi Mr. Fresher ka award milta. If I am not wrong aapke time mein jarur aap hi rahe honge Mr. Fresher.

Raj: Smile karte hue. Jab main padhta tha yaha pe tab mere Bhaiya Bhabhi Didi aur Jijaji mere senior the toh unhone mujhe jaan muzz ke woh award diya tha warna main deserve nhi karta tha.

Vishal: Unhone ekdum sahi kiya tha. Maine uss time toh aapko nhi dekha tha par imagine karsakta hu unhone kuch galat nhi kiya tha. Waise aapki dressing sense bahot achhi hai. Aur yeh party wear aap pe bahot achha lag raha hai.

Raj: Haste hue. Tumhe ladkiyon ki tareef karni chahiye. Meri tareef karne se tumhe marks jyaada nhi milenge. Aur waise bhi yeh dress maine nhi kharida hai. Yeh toh mere liye kisi aur ne pasand kiya tha.

Raj ki baat sunke Vishal hasne lagta hai toh uske saath Raj bhi has deta hai. Par Raj ki aakhri baat pe Neha ki aankhe badi hojaati hai.

Neha: Mann mein. Raj Sir ka outfit unhone pasand nhi kiya toh kisne kiya. Kahi uss Ms. Pagal ne toh nhi. Jarur usine kiya hoga. Yeh sochte hue Neha uss Ms. Pagal se jalne lagti hai. Uski aankho mein uske liye gussa aajata hai.

Vishal: Aapko dekh kar koi nhi keh sakta aap class mein kitne strict hai aur yaha kitne mazakiya.

Raj: Dekho Vishal. Class mein main ek teacher hu aur waha mera bas ek hi kaam hai woh hai padhana hai aur main padhai mein kisi bhi tarah ka compromise nhi karta. Baaki class ke bahar main ekdum normal hu.

Abhi Vishal kuch bolta tabhi uske paas ek call aata hai aur woh call receive karta hai toh saamne woh Senior Student tha.

Raj: Haa bolo.

Senior: Sir ek bahot badi problem hogyi hai.

Raj: Kya huaa.

Senior: Sir jo student program mein Music ko control karne wala tha uske ghar mein kuch serious problem hogyi hai toh woh nhi aasakta hai. Ab kyaa kare kucj samaj nhi aaraha hai.

Raj: Yeh toh sach mein problem hogyi. Tabhi Raj ke dimaag mein ek idea aata hai. Achha tum chinta mat karo. Uss student ki jagah dusra student hai mere paas. Main abhi laata hu usko.

Senior: Sach mein sir.

Raj: Haa.

Senior: Aapne bachaa liya Sir. Thank you.

Phir call cut hojaata hai.

Vishal: Kyaa hua Sir.

Raj: Ek problem hogya hai. Program mein music control jo karne wala tha uske ghar mein kuch problem hogyi hai toh woh nhi aasakta.

Vishal: Toh ab.

Raj: Tum B.Tech ke student hona. Computer ka achha khaasa knowledge hoga naa.

Vishal: Jii Sir.

Raj: Toh kyaa tum woh music control kar sakte ho.

Vishal: Bilkul karsakta hu sir.

Raj: Bahot achhi baat hai. Toh chalo chalke thoda dekh lo.

Vishal: Jii Sir. Aap chinta naa kare.

Phir dono waha se Seminar Hall ki taraf nikal padhte hai aur pichhe Neha khadi reh jaati hai apni soch mein.
 
Top