- 17,679
- 60,240
- 244
Update 62
Tabhi class mein Rashi aur Aanchal aajati hai. Arushi aur Megha bhi pichhe pichhe aate hai.
Rashi: Yash kya tum humhe 1 months ke notes de sakte ho.
Yash: Main notes nhi likhtaa. Mera pura notes Radha sambhalti hai.
Ab Rashi aur Aanchal toh Radha se maangegi nhi. Unhe laga tha notes ke bahane Yash se baat karengi uske kareeb aayengi. Par yaha bhi ulta hogya. Radha ke liye aankho mein gussa aur nafrat leke woh baith jaate hai.
Arushi: Kya baat hai Yash. Aaj toh pura hi badla hua roop dikh raha hai.
Megha: Haaa. Warna tum toh kabhi bhi aise muh pe jawaab nhi dete the. Khaas kar inlogo ko.
Yash: Hai kuch baat.
Kuch der baad teacher aajate hai aur sab padhne lagte hai. Recess mein sab canteen mein aate hai.
Aarav: Bhai agar hum kuch puche toh aap batayenge.
Yash: Pucho.
Avi: Bhai humne aajtak aapko kabhi bhi kisi ko bhi aise muh pe jawaab dete nhi dekha. Khaas kar ladkiyon ke saath toh nhi sunaa. Phir aaj aapne aisa kiyaa. Koi khaas wajah.
Soniya: Aur woh bol rahi thi family friends hai. Hum samjhe nhi bhai.
Aarav: Aap humhe kuch chipaa rahe ho bhai.
Yash: Lagta hai ab tumlogo ko sach batane ka time aagaya hai. Ke maine 8 saal london mein kyaa kiyaa. Aaj waisa behave kyo kiyaa.
Soniya: Kaisa sachh bhaiii. Aur aap toh london mein padhai karte the naa.
Yash: Aisa sabko pata hai. Maine waha 6 saal sirf padhai ki thi. Par aakhri 2 saal bahot kuch hua tha. Jiske baare mein Siya aur Radha ke alawa kisi ko nhi pata.
Aarav: Aakhir aisi kya baat hai jo aapne humsab se chipaai.
Yash: Yaha nhi. Tumlog sham ko ghar aana. Waha bataunga.
Sab: Thikk hai.
Yash: Bua fufaji Mamaji mamiji ko kuch mat batana.
Sab: Thik hai.
Phir sab wapas class mein aate hai aur chutti ke baad sab ghar chale jaate hai.
Ghar aake Siya Mehak se bolti hai.
Siya: Mom. Mom kaha hai aap.
Mehak: Ghar mein aayi nhi ke chillana start. Bolo kyaa huaa. Kyo chilla rahi ho.
Siya: Mom aaj Aarav Avi Arushi Megha Soniya Radha aarahe hai sham ko.
Mehak: Kyaa baat hai aaj sab shaitaano ki toli yaha pe kis liyee.
Siya: Bas socha aaj thoda sab milke enjoy karle.
Mehak: Achhi baat hai. Par tumlogo ne Varun ko nhi bulaya.
Siya: Mom woh abhi kaise aasakta hai.
Mehak: Aree kyo nhi aasakta. Woh bhi thoda enjoy karlega. Warna abhi toh harwaqt kamre mein hi band rehta hai. Radha ko call karo bolo usko bhi leke aaye.
Siya: Okk Mom.
Phir woh apne room mein aake Radha ko call karke boldeti hai. Aur fresh hoke lunch karke apna second favourite kaam mein lag jaati hai matlab so jaati hai.
Sham ko sab Agarwal House aate hai. Mehak hall mein hi baithi thi.
Radha Arushi aur Megha jaake Mehak ke pairr chutte hai.
Mehak: Aaj Shaitaano ki toli yaha pe.
Soniya: Bas socha aaj yaha pe hungama karee.
Mehak: Achhi baat hai. Aur Varun kaise ho abb.
Varun: Kya batau Aunty. Jail ke kaidi ke jaisi halat hogyi hai.
Soniya: Mera bas chale toh haath aur pair mein bediya baand du.
Varun: Dekha Aunty. Mujhe lagta hai isine Mom aur Mami ko bola hai.
Mehak: Ekbaar thik hojaao. Phir toh azaad panchi ho.
Soniya: Buaa Bhai aur Siya kaha hai.
Mehak: Yash toh apne room mein hai. Aur woh alsi yaa toh Yash ke kamre mein so rahi hogi nhi toh apne kamre mein so rahi hogi. Jao uthao.
Phir sab upar jaane lagte hai.
Soniya ke dimaag mein shararat sujhti hai.
Soniya: Radha Arushi Megha ek plan hai.
Aarav: Kya plan hai. Kya karna hai ab tujhe.
Soniya: Tumlog jao naa. Yeh humara kaam hai.
Megha: Kyaa karna hai tumhe.
Soniya: Chalo mere saath.
Phir charo Siya ke kamre mein aati hai. Jaha woh besudh sorahi thi.
Radha: Dekho humhe bula ke kaise sorahi hai. Ruko abhi batati hu.
Soniya: Aree rukooo. Thod alag style mein uthate hai.
Arushi: Kya karnaa hai.
Soniya sabko batati hai kya karna hai.
Sab Soniya ki baat sunke hasne lagte hai
Phir charo Siya ke paas aate hai.
Soniya aur Megha ek taraf Radha aur Arushi dusri taraf aajate hai. Phir Siya ke kareeb aake uske kaan ke paas jorr se chillate hai. Siyaaaaaaaaaa uthoooooooooo.
Siya neend mein hue iss humle ghabraaa jaati hai.
Siya: Chillate hue. Mummmmmmyyyyyyyy bachhhhoooooo. Siya ki awaaz neeche Mehak ke kaano tak jaati hai.
Mehak: Hogyi inki badmaashi suru. Pata nhi ab kyaa kiya hai inlogo ne. Phir Mehak upar aane lagti hai.
Bagal ke kamre mein bhi sab yeh sunke darr jaate hai.
Aarav: Jarur Soniya ne kuch kiya hai. Chalo dekhte hai.
Siya ke aise uthne se sab jor jor se hasne lagte hai.
Siya ko normal hone mein thoda time lagta hai. Normal hone ke baad jab woh saari situation samajti hai toh woh Soniya Radha Arushi aur Megha ko maarne lagti hai.
Siya: Tumsab ko sharam nhi aati. Ek masoom bachhi ko koi iss tarah se neend se uthata hai. Agar mera heartfail hojaata toh kyaa hotaa. Abhi toh meri Yash se shaadi bhi nhi hui.
Yeh sunke sab aur jor jor se hasne lagte hai.
Tabhi room mein sab aate hai.
Mehak: Kyaa huaa kyo chilla rahi ho kyaa huaa.
Siya Mehak ke gale lag jaati hai.
Siya: Momm yehlog naa bahott buree hai. Ek masoom si bachhi ko sone bhi nhii dete. Pata hai main kitna aaram se so rahi thi. Par innsab ne mere kaan ke paas aake itne jor se chillaya ke main darr gayiii.
Siya ki baat sunke woh charr hasne lagte hai. Par issbaar inke saath baaki sab bhi thoda thoda hasne lagte hai.
Mehak: Woh sab toh thik hai par masoom si bachhi kaha hai.
Mehak ki baat sunke woh charr pet pakad ke hasne lagte hai.
Siya: Mommmm. Woh masoom bachhi mainn hu.
Mehak: Tum aur masoom bachhi. Tum toh shaitaani mein insab ki leader ho.
Siya: Mom aap bhiii. Jaiiye main baat nhi karti aapse.
Mehak: Aree mera bachha. Phir aage jake unn char janke kaan pakad leti hai. Kyo tumsab ne meri masoom bachhi ko dara diya. Dekho kitni masoom si bachhi hai Siyaa.
Siya: Aur jorr se momm. Choriyega nhiii.
Mehak: Achha achha hogyaa ab. Baitho mein kuch naashta laati hu.
Yash: Mom mere kamre mein bhijwa dijiye.
Mehak: Thikkk hai. Phir woh nichhe chali jaati hai.
Yash: Tumsab chalo ab. Aur tum fresh hoke jaldi aao.
Thodi der baad sab Yash ke kamre mein baithe the nashta karke.
Yash achhe se room ke door ko lock kardeta hai. Room sound proof tha isiliye awaaz bahar jaane ke koi chance nhi tha.
Aarav: Bhai ab toh bataiye. Aakhir baat kya hai. Aaplog aakhir kya chipa rahe hai humse.
Yash: Pehle yeh batao mere upar kitna bharosa hai.
Soniya: Khud se bhi jyaada. Aur aaj toh yeh baat kehdi aapne. Aainda phir na kehna.
Avi: Bhai ab suspense naa badhaiye. Bataiye naa aakhir baat kyaa hai. Kyo aap unse iss tarah ka behave kar rahe the.
Yash: Kya tumlog jaante ho humare dada dadi aur nana nani ki death kaise hui thi.
Soniya Aarav aur Avi: Haa wohlog kahi jaa rahe the tabhi unka bahot buri tarah se accident hogya tha aur usi mein unki death hogyi thi.
Yash: Thoda gusse se. Accident hua nhi thaa accident karwaya gaya tha. Woh ek preplanned murder thaa.
Siya aur Radha ko chorke sab chilla uthte hai. Kyaaaaaaaa.
Yash: Haaaa. Woh ek preplanned murder tha. Unka accident hua nhi tha accident karwaya gaya tha.
Teeno: Kisne karwaya thaa. Kyo karwaya tha. Aur aapko yehsab kaise pata. Kyoki uss waqt aap bhi toh humare age ke hi the.
Yash: Mujhe yeh sab london mein pata chala tha. Mujhe london gaye 6 saal hogye the. Siya uss waqt mere paas thi. Dada dadi aur nani nani ki death ka dard uss waqt bhi mere saath tha. Kyoki puri family mein sabse kareeb main unke hi tha. Unki maut se mujhe bahot bada dhakka laga tha. Ekdin main school naa jaake samundar ke paas baitha tha. Kyoki jab bhi mujhe takleef hoti ya main dukhi hota main uss samundar ke paas chala jaata aur waha baithke leharo ke ufaan ko dekhta rehta.
Mujhe baithe hue kuch time hi hua tha tabhi mujhe kuch awaaze aarahi thi. Awaaze hindi mein thi. London mein hindi naa ke barabar hi sunne ko milta tha. Woh awaaz kisi aur ki nhi Mahendra Thakur ki thi yaani Rashi aur Aanchal ke dada ki. Jo waha kisi meeting ke liye aaya tha. Aur woh waha pathar ke pichhe sabse durr aake apne bete Dev Thakur se baat kar raha tha.
Aarav: Aisi kyaa baat kar raha tha woh bhai.
Yash: Dev Thakur bol raha tha ke Agarwals ne aaj phir unse koi business deal Chinn ki hai. Yeh deal bahot badi thi. Agar yeh deal usse mil jaati toh uss time pe woh dad ke aaspaas hota. Aur woh deal naa milne ki baat hi woh apne baap se kar raha tha. Par phir Mahendra Thakur ne aisi baat boli jisse sunke mujhe bahot bada jhatkaa laga.
Soniya: Kaunsi baat.
Yash: Usne kaha thaa:-
( Mahendra: Chinta mat karo Dev. Bahot jald unn Agarwals ka naam-o-nishan mita denge. Unse apna badla jarur lenge. Aadha badla toh Rajveer aur Ajeet ko unki biwiyon ke saath maarke le liya hai. Aur aadha badla uss Ishant aur uski biwi ko maarke bhi le lenge. )
Yehsunke sabke upar pura bijli ka khambha girr gaya ho aisa haal hogya tha. Woh kyaa bole unko samaj nhi aaraha tha. Unko toh abhi bhi apne kaano mein vishwaas nhi horaha tha.
Sab bas Yash ko hi dekhe jaa rahe the. Jiski aankho mein dard gussa nafrat sab nazar aaraha tha.
