Romance Beintehaan Mohobbat (Completed)

mashish · Jul 4, 2021

Devil The Kiñg said:
Update 4
Yash jab 10 saal ka hua tab uske dadaji aur dadiji ki death hogyi. Isse Yash ko bahot bada jhatka laga tha. Woh bilkul toot sa gaya tha. Par uski maa baap aur bua ne usko sambhal liya tha. Par ab Yash ne hasna chorr diya tha. Woh apne mein hi gumm rehta. Kisi se jyaada baat naa karta sirf apne maa baap aur bua ko chorke.

8 saal baad London

London ke alishan bungalow ke ek alishan room mein ek ladka so raha rha. Uske chehre mein duniya bhar ki masoomiyat thi.

Tabhi waha alarm baj jaata hai. Iss waqt subah ke 5 baje the. Woh ladka uth ke fresh hoke sidha uss bungalow ke basement mein bane gym mein jaake exercise karna lagta hai. Uss ladke ki body jabardast thi. Jo bhi ekbaar dekh le dekhta hi rahe. 6 feet height muscular body 8 packs abs halki neeli aankhe.

Woh ladka 2 ghante gym karne ke baad apne room mein aake fresh hoke ready hoke nichhe aata hai. Waha ek ladki khadi thi.

Ladki: Good Morning Yash Bhaiya.

Ji haa woh ladka apna hero Yash hi tha.

Yash: Siya maine tumhe kitni baar kaha hai tum meri dost ho meri best friend ho meri behen ho same age ki ho phir bhi tum mujhe roj bhaiya keh ke kyo bulati ho.

Siya: Kya kare bhai aadat hogyi hai. Tumne mujh jaise anath ko ek family di. Yaha meri schooling complete karwai aur ab aaj humesha humesha ke liye India le ja rahe ho apne ghar. Tum mere liye kisi bhagwan se kam nhi ho.

Yash: Phir wahi baat. Maine mana kiya na. Chalo aao nashta karo. Packing hogyi tumhari.

Siya: Haa hogyi. Aur tumhari.

Yash: Bas thodi der mein start karunga.

Siya: Mujhe Mom ne bola tha tum bhul jaoge. Isiliye kal raat hi maine kardi thi.

Yash: Yeh Mom bhi na. Achha flight kab ki hai.

Siya: Dad ne tumhara private jet bhej diya hai. Aur usi mein aane ko bola hai.

Yash: Maine dad ko bola tha mujhe yeh show off karna pasand nhi phir bhi woh nhi maane.

Siya: Isme show off kaisa. Tum pichle 8 saal se yaha London mein ho aur inn 8 saal mein sirf 2 baar India gaye ho. Aur ab jab tumhari schooling complete hogyi hai toh tumhe jaldi se apne paas bulane ke liye Mom ne bhijwaya hai Dad se kehke.

Yash: Hmmm chalo jaldi se nashta complete karte hai. Phir sabke liye kuch gifts kharid ke laate hai.

Siya: Thik hai chalo.

(Siya- Yeh ek anath hai. Yash jab london aaya tha apne schooling ke liye tab isne Siya ko dekha tha yeh thand se kaanp rahi thi. Yash ne jaldi se isko hospital mein admit karwaya aur iska treatment karwaya. Jab iska treatment horaha tha tab Yash ne iska haath pakde rakha tha.

Thodi der baad jab isko hosh aata hai tab Yash ko aise apna haath pakde dekh kar yeh hairan hogyi aur darr gayi.

Siya: Kaun Kaun hai aap. Aur main kaha hu.

Yash: Daro mat. Mera naam Yash Agarwal hai. Aur tum is waqt hospital mein ho. Tum raste mein thand se kaanp rahi thi aur behosh hogyi thi. Main tumhe yaha laaya hu. Ab kaisi ho tum.

Siya: Thank You. Ab main thik hu.

Yash: Tum mujhe apne family ka address ya phone number de do main unhe bula leta hu.

Siya family ka sunte hi udash hogyi. Phir bolti hai.

Siya: Mera iss duniya mein koi nhi hai. Main ek anath hu.

Yash: Aree kisne kaha tumhara koi nhi hai. Main hu naa. Aaj se tum meri behen ho. Aur aaj se tum mere saath rahogi mere ghar mein.

Siya: Thank You Sir. Aapne mere liye itna kiya. Par main aapke saath nhi rehsakti. Aapko takleef hogi.

Yash: Maine tumhe sirf kehne ke liye nhi apne dil se behen maana hai. Ab agar tum mujhe bhai nhi maan sakti toh ab mera yaha pe rukhna bekaar hai. Main chalta hu.

Siya: Please aisa mat kahiye. Thik hai main chalti hu.

Yash: Yeh hui naa baat. Waise tumhara naam kya hai.

Siya: Mera koi ek naam nhi hai. Mujhe bahot saare naam se bulate hai. Main jiss aashram mein rehti thi waha mujhe choti kehte the. Koi mujhe Aye Ladki kehta hai toh koi mujhe Oye Ladki.

Yash: Toh jab tum aashram mein thi toh waha se bahar kyo aayi.

Siya: Waha ke log bahot bure hai. Mujhe maarte hai Pareshan karte hai. Aur mujhse bahot kaam bhi karwate hai. Isiliye main waha se bhag aayi.

Yash: Thik hai koi baat nhi. Aaj se balki abhi se tum meri behen ho. Aur tumhara naam hoga Siya. Siya Agarwal.

Siya: Siya. Achha naam hai. Thank You bhaiya.

Yash: Bhaiya nhi. Only Yash.

Siya: Yash.

Yash: Good. Waise tumne kaha tak padhai ki hai.

Siya: Woh aashram mein mujhe school bhejte the.

Yash: Thik hai choro. Ab se tum Yash Agarwal ki behen ho. Tum mere saath mere school mein jaogi.

Siya: Thank You.

Phir Yash Siya ka discharge karwa ke usko apne ghar laata hai. Waha usko uske kamre mein bhej deta hai aur apne Dad ko call lagata hai. Innsab kaam mein Yash ke saath ek aadmi tha jisse Ishant aur Mehak ne uske saath rakha tha uski help ke liye.

Ishant: Kaise ho mere sher.

Yash: Good Dad. Dad ek baat karni thi.

Ishant: Haa bolo naa.

Yash: Kya Mom hai paas mein.

Ishant: Haa main abhi ghar mein hi hu. Ruko bulata hu.

Phir waha Mehak aati hai.

Mehak: Kaisa hai mera beta. Tabiyat toh thik hai naa. Khaana khaaya tune. Tujhe waha koi pareshani toh nhi hai naa.

Yash: Mom mom main bilkul thik hu. Maine khana khaa liya hai. Aur mujhe koi pareshani nhi hai. Mujhe aapdono se ek baat karni hai.

Ishant: Haa bolo na.

Phir Yash unhe sab kuch batata hai.

Mehak: We are proud of you beta. Humhe tumpe garv hai. Aur tum bilkul bhi tension mat lo. Aaj se Siya meri beti hai.

Ishant: Bilkul aaj se Siya Yash ki behen Ishant aur Mehak Agarwal ki beti hai. Siya Ishant Agarwal. Aaj se humare 2 bachhe hai. Yash aur Siya.

Yash: Thank You Mom Dad.

Mehak: Hum jald hi london aake tumse milenge. Tab tak apna aur apni behen ka khayal rakhna.

Ishant: Aur main waha ke branch ke manager se bol deta hu. Woh Siya ka admission tumhare school mein tumhare class mein karwa dega.

Yash: Thank You Mom Dad.

Aur tab se lekar ek anath ladki bangayi Siya Ishant Agarwal. )

Idher Yash aur Siya shopping karne ke liye ek mall mein aate hai. Waha se woh apne mom dad bua mama mami Aarav aur Soniya ke liye gift lete hai. (Nana aur Nani ki bhi death hochuki hai.)

Phir yehlog ghar aake ready hote hai aur Airport ke liye nikal jaate hai jaha inka Private jet khada tha.

Yash aur Siya jaake apni seats mein baith jaate hai. Thodi der mein flight takeoff hojaati hai.

Superb update

mashish · Jul 4, 2021

Devil The Kiñg said:
Update 5
Idher India mein ek bungalow ke ek room mein ek khubsoorat ladki soyi hui thi. Chehre mein duniya bhar ki masoomiyat. Koi agar iske chehre ko dekhe toh usme khoo jaaye.

Tabhi uss kamre mein ek aurat aati hai.

Aurat: Haaye Ram. Iss ladki ka kya karu. Schooling complete hogyi. College mein aagayi phir bhi dekho kitna late tak so rahi hai.

Aurat: Radha Radha utho dekho subah hogyi hai. Suraj sir pe chadd gaya hai. Utho.

Radha: Ummm Mom sone do naa. Abhi thodi der pahle hi toh soyi hu. Aur ab toh school bhi nhi hai.

Aurat: Nhiii utho ab. Bahot late hogya hai. Tumhare dad tumhara niche wait kar rahe hai. Chalo utho.

Radha uth ke baith jaati hai par aankhe band hi rakhti hai.

Radha: Ek toh saari raat woh sone nhi deta aur subah aap sone nhi deti.

Aurat: Radha tumhe kitni baar kaha hai uske baare mein itna mat socho. Kaun hai kaisa hai kaha hai aur hai bhi ya nhi yeh tak nhi jaanti. Aur tum hoke uske hi sapne dekhe jaa rahi ho.

Radha: Kaun hai kaha hai kaisa hai yeh toh main nhi jaanti. Par woh hai jarur. Aur sirf Mera hai Radha ka Vikram aur Sanjana Singh ki beti Radha Vikram Singh ka.

Sanjana: Aur agar uski life mein pahle se hi koi hua toh.

Jaise hi Radha yeh sunti hai uski aankho mein aansu aajate hai.

Sanjana: Areee Radha rote nhi. Maine tumhe kitni baar kaha hai mujhe tumhari aankho mein aansu sehan nhi hote.

Radha: Toh aapne aisa kyo kaha mom. Pichhe 2 saal se woh mere sapno mein aaraha hai. Aur ab toh woh meri zindagi ban gaya hai. Aapko pata hai jis din uska sapna nhi aata mera dil kitna bechain hojaata hai.

Sanjana: Par agar sach mein uski life mein koi aur raha toh.

Radha: Toh main nhi jaanti main kya karungi. Par itna jarur hai. Agar mere pyaar sacha hai toh iss Radha ko uska Krishna jarur milega. Aur koi Rukmini humare beech nhi aasakti.

Sanjana: Bhagwan kare tumhari ichha jarur puri ho. Chalo ab jaldi se fresh hojao. Tumhare dad neeche tumhara wait kar rahe hai.

Phir Radha jaldi se neeche fresh hone chali jaati hai.

Sanjana bhi neeche chali jaati hai.

Vikram: Kya baat hai Sanjana itni pareshan kyo ho.

Sanjana: Radha ko aaj phir uska sapna aaya. Aur ab toh woh usse pagalo ki tarah pyaar karne lagi hai. Aaj baat baat mein maine keh diya ke agar uski life mein koi aur raha toh. Toh usne jaise hi yeh suna uski aankho mein aansu aagaye. Agar humari Radha ko uske sapno ka Krishna nhi mila toh yeh shayad pagal hojayegi. Yeh kehte waqt Sanjana ke aankho aansu aajate hai.

Vikram: Chinta mat karo Sanjana. Humari Radha ne kabhi kisi ka bura nhi kiya aur naahi kabhi kisi ka bura chaha hai. Bhagwan uske saath achha hi karenge.

Sanjana: Bhagwan kare aisa hi ho. Warna meri bachhi toot jayegi.

Vikram: Achha apne aansu saaf karo Radha aarahi hai.

Radha: Good Morning Dad.

Vikram: Good Morning Princess. Aaj tum late hogyi.

Radha: Sorry dad. Raat ko late neend aayi thi.

Vikram: Koi baat nhi. Sanjana ab toh nashta do. Ab toh humari princess bhi aagyi.

Sanjana: Abhi laayi.

Vikram: Kya baat hai beta tum pareshan dikh rahi ho.

Radha mann mein ab aapko kya batau Dad. Mom ki baat se mujhe tension hogya hai agar mom ne jo bola woh sach hogya toh. Main toh jeete jee mar jaungi. Bhagwan please mere Krishna ko kisi aur ka mat hone dena. Warna yeh Radha jeete jee mar jayegi.

Vikram: Radha kya hua.

Radha: Kuch nhi dad woh aaj mera result hai naa toh uski hi tension horahi hai.

Vikram samaj jaata hai Radha jhoot bol rahi hai par woh kuch nhi bolta.

Vikram: Aree meri princess bahot hoshiyar hai. Dekhna tum bahot achhe numbers pass hojaogi.

Radha: Hope so.

Vikram: Achha batao aage chal ke kya karna hai.

Radha: Business.

Vikram: Business kyo.

Radha: Simple dad. Aapke baad company ko mujhe hi toh sambhalna hai.

Vikram yeh sunke hasne lagta hai. Saath mein Radha bhi hasne lagti hai.

Sanjana: Kya baat hai dono baap beti kis baat pe has rahe hai.

Radha: Kuch nhi mom dad bol rahe the aap bahot late lateef hogyi hai.

Sanjana: Kyaaaaa. Vikrammmm.

Vikram: Nhi nhi Sanjana maine aisa kuch nhi kaha.

Sanjana: Radhaaaaa.

Radha jor jor se hasne lagti hai. Aur bolti hai

Radha: Sorry Mom. Main mazaak kar rahi thi. Ab jaldi se nashta dijiye phir mujhe apna result bhi check karna hai.

Vikram: Toh kaunse college mein jaana hai.

Radha: IM College of Business Medical and Engineering.

Vikram: Waaah good choice. Yeh yaha ka top college hai. Aur mere dost ka hai.

Sanjana: Kahi yeh Ishant Bhaiya aur Mehak ka toh nhi.

Vikram: Haa sahi kaha.

Sanjana: Waah tab toh waha humari beti ko koi problem nhi hogi.

Vikram: Hmm main abhi waha ke principal se baat karta hu.

Radha: No dad. Main khud jaake apna admission karwaungi. Aur mere saath toh Arushi aur Megha bhi honge.

Vikram: Okk jaisa tum kaho.

Sanjana: Chalo ab jaldi se nashta karo. Phir tumhara result dekhte hai.

Phir yehlog jaldi se nashta karte hai phir Radha jaldi se apna result dekhne ke liye laptop open karti hai.

Uska dil bahot joro se dhadak raha tha. Woh usi dhadakte dil ke saath apna result check karti hai.

Jaise hi result aata hai Radha joro se chikh uthti hai.

Sanjana: Areee kyaa huaa.

Radha: Mommm daddd mujhe pure 98% mile hai. Aur maine pure state mein top kiya hai.

Vikram aur Sanjana bhi khushi se jhoom uthte hai.

Radha toh waha khushi se nachne lagti hai.

Dono: Congratulations betaa.

Radha: Nachte hue hi Thank You Mom thank You Dad. And Thank you my dream Krishna.

Vikram aur Sanjana jaise hi yeh sunte hai woh hairan hojaate hai.

Sanjana: Radha ruko lag jayegi. Aur pehle yeh batao yeh dream Krishna kya hai.

Radha: Mom main Radha toh iss Radha ke sapne mein jo aata hai woh uska Krishna hi hoga naa. Isiliye dream Krishna. Aur agar woh mere paas hota toh woh bhi mujhe congratulate karta na.

Yeh bol Radha jaldi se apne room mein jaati hai aur apna mobile laati hai aur Arushi aur Megha ko call karti hai.

Idher Vikram aur Sanjana Radha ka yeh pagalpan dekh ek pal ke liye tension mein aajate hai par woh jahir nhi hone dete.

Idher Radha ne bhi Arushi aur Megha ka result jaana aur apna bataya. Phir wohlog jaldi se school ke liye nikalte hai.

Lovely update

mashish · Jul 4, 2021

Waiting for next

Jaguaar · Jul 4, 2021

mashish said:
Good update

Thank you

Jaguaar · Jul 4, 2021

mashish said:
Superb update

Thank you

Jaguaar · Jul 4, 2021

mashish said:
Lovely update

Thank you

Gaandu No 1 · Jul 4, 2021

Waiting bhai

Jaguaar · Jul 4, 2021

Update 6

Idher Yash aur Siya India land karte hai.

Yash aur Siya Airport ke bahar aate hai aur waha se sidha Helicopter mein baith ke udd jaate hai Agarwal Mansion. Mumbai ka sabse bada bungalow.

Jaise jaise Yash kareeb aaraha tha waise waise kisi ki dhadkan badh rahi thi. Aur jab usne Helicopter ki awaaz suni toh bhag ke Helipad ki taraf jaati hai. Uske peeche peeche ghar ke baaki members bhi bhagte hai.

Woh jaake sidha Helipad ke saamne khadi hojati hai. Jaha pe Helicopter land karta hai aur Yash aur Siya bahar nikalte hai toh sabke aankho mein ek chamak aajati hai. Par jo Helipad ke saamne khadi thi woh jab Yash ko dekhti hai toh uske aankho mein aansu aajate hai.

Yash aur Siya chalke uske paas aate hai.

Yash: Mom. Abhi Yash ne itna hi bola tha ke Mehak uske gale lag jaati hai aur rone lagti hai.

Woh 1 jan koi aur nhi Mehak hi thi jo apne bete ke aane ki aahat ko bhi pehchan leti hai.

Yash: Mom agar aap royengi toh main wapas chala jaunga.

Mehak: Chala jayega. Apni mom ko chor ke chala jayega. Tujhe jara bhi apne mom ki yaad nhi aati.

Yash: Mujhe hardin har pal aapki dad ki sabki yaad aati hai mom.

Mehak: Toh kyo raha itne saal mere se durr. Aur ab aaya toh bol raha hi wapas chala jayega.

Yash: Sorry Mom. Par aap janti hai naa main kyo India wapas nhi aana chahta tha.

Mehak: Chorr yeh saari baate. Siya yaha aa. Waha kyo khadi. Apni mom se nhi milegi.

Siya Mom bolte hue Mehak ke gale lag jaati hai.

Mehak: Kaisi hai meri bachhi.

Siya: Ekdum fit mom aap kaisi hai.

Mehak: Tum dono ko gale laga liya naa ab mujhe chainn aaya.

Ishant: Mehak humhe bhi apne bachho se milne do.

Mehak: Pehle mujhe mere bachho ko thik se dekh toh lene do. Kitne saal baad dekh rahi hu inhe.

Ishant: Ab woh humesha ke liye yahi rahenge. Chinta mat karo.

Mehak yeh sunke side hojaati hai. Yash aur Siya jaake Ishant ke gale lag jaate hai.

Jaise hi Ishant ne Yash aur Siya ko apne seene se lagaya uske dil ko ek rahat mili aur aankho mein aansu aajate hai jinhe woh bade achhe se poch leta hai.

Ishant: Kaise hai mere sher aur sherni.

Dono: Bilkul fit dad. Aap kaise hai.

Ishant: Tum dono ko dekh liya naa ab bilkul achha hu.

Shalini: Yash Siya. Hum bhi yaha khade hai.

Phir Yash Siya ek ek karke sabse milte hai. Soniya toh jaise Yash ko chor hi nhi rahi thi.

Yash: Soniya main yehi hu ab kahi nhi jaunga.

Soniya: Promise.

Yash: Promise.

Soniya phir jhatt se Siya ko gale laga leti hai.

Soniya: Kya baat hai Siya. Humari yaad nhi aati.

Siya: Aree main meri Sonu ko kaise bhul sakti hu. Yeh bol Siya bhi Soniya ko kash leti hai.

Phir sab ghar ke andar aate hai.

Yash: Bua fufaji aur Avi kaha hai.

Shalini: Woh kisi kaam se bahar gaye hai kal subah aajayenge.

Mehak: Yash Siya aao khana khaalo.

Phir dono jaake dining table mein baith jaate hai.

Mehak Shalini Kiran Shruti Soniya unhe apne haatho se khilate hai.

Phir sablog apne apne kamre mein aajate hai.

Mehak hardin Yash aur Siya ka kamra saaf karwati thi. Yash aur Siya aaj pahli baar Agarwal Mansion aaye the kyoki yeh bungalow Ishant ne naya banwaya tha.

Mehak ne Yash aur Siya ko pura ghar dikhaya phir unhe unke kamre mein chor gayi.

Woh dono apne apne room mein jaake fresh hoke sojaate hai.

Agle din Mehak jaldi uth apne haatho se apne bachho ka favourite nashta banati hai phir unke kamre mein unhe uthane jaati hai.

Mehak sabse pahle Siya ke kamre mein jaati hai toh waha koi nhi tha. Woh washroom check karti hai toh waha bhi nhi thi.

Mehak: Kaha gayi yeh ladki subah subah.

Phir woh Yash ke room mein jaati hai toh woh bhi waha nhi tha. Yeh dekh kar Mehak ko thodi tension hoti hai.

Mehak: Aree kaha gaye yeh dono bhai behen.

Tabhi usko yaad aata hai Siya ne usko bataya tha Yash roj subah uth ke gym mein jaata hai.

Mehak jaldi se gym mein jaati hai toh dekhti hai dono waha exercise kar rahe hai.

Mehak: Tum dono yaha ho aur main tumhe pure ghar mein dhund rahi hu.

Dono: Good Morning mom.

Mehak: Good Morning. Chalo bahot exercise hogyi. Sablog nashte ke liye wait kar rahe hai.

Siya: Haa Mom jaldi chaliye. Warna yeh mujhe jeene nhi dega. Kitne aaram se so rahi thi. Jabardasti utha ke yaha le aaya.

Phir dono jaldi se apne room mein jaate hai aur fresh hoke neeche aate hai.

Dono: Good Morning.

Sab: Good Morning.

Phir sablog nashta karne lagte hai. Nashte ke baad Ishant Yash aur Siya se puchta hai.

Ishant: Toh mere sher aur sherni yeh batao tum dono ke result kab hai.

Dono: Friday ko.

Mehak: Aree aaj hi toh Friday hai. Aarav Soniya jaldi se laptop leke neeche aana toh.

Dono jaldi se laptop leke aate hai.

Aarav: Kya hua bua.

Mehak: Aree aaj inndono ka result hai. Tumdono ka toh kal nikal gaya hai.

Siya: Toh Aarav aur Sonu kya aaya.

Aarav: Mera 96 aur iska 97.

Siya: Waaah congrats.

Dono: Thank You.

Mehak: Le tu jaldi se dekh apna result.

Phir Siya jaldi se apna aur Yash ka result check karti hai.

Jaise hi result aata hai Siya jhatt se Yash ke gale lag jaati hai.

Siya: Congrats bhai.

Mehak: Kya hua Siya.

Siya: Mom bhai ne pure london mein top kiya hai. 99.99% ke saath.

Mehak: Kyaaaaaaaaaa. Sachhhhh meinnnnnn.

Siya: Yes Mom.

Mehak jhattt se Yash ko gale laga leti hai. Phir uske mathe ko chumm ke

Mehak: Congratulations beta. Aaj tune humara seena garv aur chauda kardiya.

Ishant: Congratulations beta. Aur tumhari mom ne bilkul thik kaha. Aaj main bahot khush hu. Mere bete ne mera naam roshan kardiya.

Yash: Thank You Mom. Thank You Dad.

Phir ek ek karke sab Yash ko wish karte hai.

Yash: Siya tera kya hua.

Siya: Ooo. Main apna dekhna bhul hi gayi.

Phir Siya apna dekhti hai toh woh bhi Radha ki tarah khushi se nachne lagti hai.

Mehak: Aree meri pagal Siya. Bata toh kya hua. Aur aise nach kyo rahi hai.

Siya jhatt se Mehak ke gale lag jaati hai. Mom mujhe pure 99% aaye hai. Aur main pure london mein 2nd aayi hu.

Mehak aur Ishant yeh sunte hi usko gale laga lete hai. Phir usko bhi congratulate karte hai.

Ek ek kar ke sab usko bhi congratulate karte hai.

Soniya: Siya issbaar toh tune baazi marli. Agli baar dekh lungi.

Siya: Dekh lena agli baar bhi main hi jitungi.

Ishant: Tum dono ne humara naam roshan kardiya. Bolo kya chahiye tumdono ko.

Dono: Humhe kuch nhi chahiye dad. Aapne humhe binn maange hi sab de diya hai.

Mehak: Aree aise kaise. Thik hai toh jo hum denge woh tum dono ko rakhna hoga. Aur tumdono ko bhi.

Sab: Okkk.

Siya: Aree main toh bhul hi gayi. Hum aap sab ke liye london se gifts aaye the.

Yash: Haaa. Yeh bol woh dono upar bhagte hai aur woh gifts wala bag laate hai.

Phir sabko unka gifts dete hai.

Ishant: Achha yeh batao aage kya karna hai.

Yash: Business

Siya: Medical

Aarav: Engineering

Soniya: Engineering.

Mehak: Bahot achhi baat hai.

Shruti: Aree yeh sabtoh IM college mein hi hai.

Kiran: Areee haa. Chalo achha hua. Saare bhai behen ek saath rahenge.

Mehak: Haa yeh achha kaha.

Ishant: Thik hai toh main innsab ka admission karwa deta hu.

Yash: No dad. Humsab waha jaake karwayenge. Par admission ke pahle meri ek shart hai.

Sab: Kaisi shart.

Yash: Main aur Siya waha Agarwal Business Empire ke inheriter banke nahi comman people banke jayenge.

Mehak: Not accepted. Tum dono Ishant aur Mehak Agarwal ke bachhe ho aur uss college ke maalik bhi. Aur wah tum dono common people banke jaoge.

Siya: Mom bhai ne sahi kaha. Agar kisi ko waha pe humari real identity pata chali toh sab humhe special treat karenge. Jo humhe pasand nhi. Aur hosakta koi humare friends humare status dekh kar bane aur agar koi banna chahta ho toh humara status dekh kar pichhe hat jaaye.

Ishant: Par college ke owner hoke tum dono aise jaoge.

Yash: Please dad. Please mom.

Mehak: Thik hai. Par jab tak sabkuch thik chalega tab tak. Agar mujhe mere bachho pe koi bhi problem aate hue dikhi toh tum log sang sang apni real identity mein aaoge.

Kiran: Didi chinta mat kijiye. Aarav aur Soniya apni real identity ke saath jayenge. Agar koi problem hoti hai toh yeh dono sambhalenge.

Aarav: Haa bua aap chinta naa kare.

Ishant: Thik hai phir. Hum chale office. Phir woh office chale jaate hai.

Soniya: Achha meri ek baat hai.

Shruti: Ab kya shararat sujhi hai tujhe.

Soniya: Shararat nhi mom aapke bete ko college ki buri balaao se durr rakhne ka idea hai.

Shruti: Kehna kya chahti hai.

Soniya: Mom aap bhai ko dekhiye. Kitne smart hot aur handsome hai. Inki body dekhiye. Koi bhi ladki inpe fidaa hojayegi. Isiliye unnsab ko inse durr rakhne ke liye ek idea hai.

Siya: Jaldi bata.

Mehak: Tujhe badi jaldi hai.

Siya: Haaa toh. Agar kisi ne mere bhai ki taraf dekha toh wahi zinda naa gaar du. Aur tu bata naa.

Soniya: Idea mein main kaam aapka hi hai.

Siya: Mera matlab.

Soniya: Pehle promise karo koi daantega nhi.

Shruti: Matlab jarur koi badmaashi sujhi hai isko. Pehle bata phir sochenge.

Soniya: Nhi nhi nhi nhi. Pahle promise. Bua. Kya aap chahti hai koi buri bala aapke bete ko fhaas le.

Mehak: Thik hai chal promise koi nhi daantega meri Sonu ko.

Soniya: Idea yeh hai Siya college mein bhai ki behen nhi girlfriend banke jayegi. Jisse koi bhi ladki aane ke pahle hi u turn maar legi.

Shruti: Dekha maine kaha tha naa iske dimaag mein badmaashi sujh rahi hai. Behen ko isne girlfriend bana diya. Teri toh rukh.

Soniya bhaag ke Mehak ke pichhe chhup jaati hai.

Yash: Soniya tumhara dimaag kharab hogya hai. Kya ulti sidhi baate kar rahi ho.

Siya: Haa Soniya. Yeh kya behuda baat hai.

Soniya: Aap sabne promise kiya tha koi daantega nhi. Buaaaaaa.

Mehak: Achha achha thik hai sab chup karo. Ab pahle yeh batao tune Siya ko hi kyo choose kiya.

Soniya: Bas mere mann mein aaya isiliye. Sorry Bua.

Mehak: Koi baat nhi. Waise Sonu ka kehna sahi hai. Agar kisi ne mere bete ko fhaas liya toh.

Siya: Don’t worry mom. Hum hai naa hum sambhal lenge.

Yash: Mom main koi bachha nhi. Jo aise hi kisi ke jaal mein fhass jau.

Mehak: Achha achha thik hai. Ab yeh sab choro. Ab yeh batao ab din bhar kya karoge tumlog.

Soniya: Bhai ke saath shopping movie dinner.

Yash: Thik hai chal.

Soniya nachte hue Yash ke gale lag jaati hai.

Mehak: Thik hai Yash Siya mere kamre mein aao. Aur tum sab jaake ready hojao.

Phir sab apne apne kaam mein lag jaate hai. Yash aur Siya Mehak ke room mein aate hai.

Yash: Boliye Mom.

Mehak: Yeh lo tumdono ke cards. Jitna marzi use karo iski koi limits nhi hai.

Siya: Humare paas pahle se hi cards hai mom.

Mehak: Humhe pata hai. Par yeh tumhare dad ne diya hai. Toh agar koi baat hai toh unse karo.

Yash Siya: Nhi mom hum le lete hai.

Phir yehlog apne room mein aake ready hone lagte hai.

Thodi der mein sablog ready hoke mall mein jaane lagte hai.

Jaguaar · Jul 4, 2021

Next Update Posted

Jaguaar · Jul 4, 2021

SharmaShubham said:
Waiting bhai

Posted bhai

Search

Romance Beintehaan Mohobbat (Completed)

mashish

BHARAT

mashish

BHARAT

mashish

BHARAT

Jaguaar

Jaguaar

Jaguaar

Gaandu No 1

Game Changer

Jaguaar

Jaguaar

Jaguaar