(update-4)
Major ram singh ne ghar pahuch kar ek servant se pratap ka samaan guest room me rakhne ko kah diya. Pratap ko drawing room me baitha kar major ram singh andar kisi room me chale gaye. Major ke jaate hi servant chaay-naashta rakh gaya.
.
Major ram singh ka ghar ek bade area me bana tha, is baat ka andaaja pratap ne gate se ghuste hi laga liya tha.
.
Drawing room ki saaj sajja bahut hi kalaatmak thi. Kisi ke hath se bani sundar pantings, jinme jyadatar rajastaani striyo (mahilao) ke chehre the. Saanwala rang , lambotar chehre, kajal bhari aankhe aur tikhi naake waale. Pratap ki najre Pure hall par ghumti hui ek jagah aa tiki. Saamne darwaaje par lage neele rang ke phulo ke print waale parde se ek khubsurat chehra pratap ke taraf dekh raha tha.
.
"hey naughty girl" kahte hue major ram singh ne drawing room me pravesh kiya. Major ke saath ek 22-23 saal ka ladka bhi tha. Major aur wo ladka pratap ke paas sofe par baith gaye. Iske baad wo khubsurat chehre waali ladki bhi parde ke piche se nikal kar baaki sab logo ke saath sofe par baith gayi.
.
"HE is my son 'MAYANK' and she she is my younger daughter CHETNA" major ne apne bachho ka parichay pratap se karwaya aur phir pratap ka parichay apne bachho se