• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance BE-INTEHA-ISHQ

Status
Not open for further replies.
Maq

Maq

Lovely person????
429
518
109
Naina said:
Yeh huyi na baat.. aapki yahin toh khoobi hain ki har ek mudde ko darshate hai aap.. I mean to say.. sir romance tak hi lake update ko nahi karte.. khoon kharaba murder badla ko bhi include karte hain .. aur update ke ant mein jis tarah se kuch emotions ko touch dete hai woh sach bemisaal hai...
Khair let's see what happens next
Brilliant update with awesome writing skills :applause: :applause:
Click to expand...

thank you naina ji.

asie hi sath bane rahe.

keep supporting..............
 
Maq

Maq

Lovely person????
429
518
109
UPDATE 16
Inspector shahed ki maut se pure police department me khalbali mach gayi thi aur media lagi hui
thi apni trp barhane me.
Is sab situation ko dekh kar police commissioner ne ek meeting bulai thi jisme iss shaher ke
pure bade officers the aur ek woh police wala bhi tha jo meer ke liye kaam karta tha.
Jab sabhi log agaye toh commissioner ne meeting shuru ki.
Commissioner : mujhe ye baat kahte hue bohat afsoos ho raha hai ke humne ek bohat hi khabil
aur ek honhar officer ko khodiya hai. Mai ye nahi kahta ke humare department me aur koi aisa
nahi hai magar shahed jaisa officer koi nahi hai. Jo apni duty ko hi sab kuch samhajta tha. Mujhe
ye jaan kar bohat hairani hui ke humare iss khabil aur honhar officer ka qatal kardiya gaya hai. Koi
mujhe batayega ke shahed kis case per kaam karraha tha. Maine ye meeting bhi isi liye bulayi hai
ke ye murder sirf shahed ka hi nahi bulke pure police department ka hai. Toh hume us qatil ko
jald se jald dhund na hoga warna aisa na ke dusre logon ke bhi irade buland hojaye aur log police
walon per humle shuru karde. Ye sab ho isse pahle hi hume koi thons khadam uthana hoga.
Commissioner ki baat sunkar sabhi log khamosh rahte hai. Inme ali aur abbas bhi they. Ali apna
hath uthata hai. Jise dekh kar commissioner kahta hai.
Commissioner : haan inspector ali kahiye aap kya kahna chahte hai.
Ali : sir mai ye kahna chahta hoon ke. Inspector shahed ka jo qatal hua hai woh puri planning se
kiya gaya hai.
Commissioner : kya aap ke paas koi sabut hai.
Ali : ji haan sir mere network se mujhe pata chala hai ke inspector shahed ki jeep ko ek veeran
jungle me dekha gaya hai aur woh jeep bhi uski ulti disha me thi jaha per unki jeep mili hai.
Commissioner : hmm ye toh sonchne wali baat hai. Kya tumhe iske bareme kuch pata chala hai.
Ali : nahi sir mai kuch ziyada toh nahi bas itna jan paya hoon ke inspector shahed kisi secret case
per kaam karrahe the aur woh bhi akele. Isse ziyada aur kuch pata nahi karpaya.
Commissioner : hmm kuch nahi bohat kuch pata kar chuke ho tum. Kyun ke ab tak humare paas
koi lead nahi thi. Magar ab humare paas ek lead hai jisse hum kuch toh karsakte hai. Woh kahte
hai na kuch na hone se accha toh kuch hona hai. Ab mai ye chahta hoon ke inspector ali tum
inspector shahed ke case ko sambhalo aur tumhe puri chuth hogi ke tum kisi se bhi kuch bhi
puch sakte ho. Agar koi bhi tumhare beech me aya toh mai sambhal longa tum bas jaldi se jaldi
iss case ko solve karne ki koshish karo.
Ali : mujhe bohat khushi hogi ye kaam karke sir.
Commissioner : mujhe pata hai ke tum inspector shahed ke kitne khareeb the. Mai bas itna
kahna chahta hoon jisne bhi ye kiya hai use chodhna math.
Ali : yes sir aisa hi hoga.
Is sabke beech woh inspector bas khamoshi se sab kuch dekh aur sun raha tha.
Iske baad thodi bohat aur baat cheet hoti hai aur meeting khatam hojati hai.
Woh police wala jo meer ke liye kaam karta hai. Woh meer ko call karke puri details dedeta hai.
___________________________________________
Mahi side:
Ajj mahi apne office se jaldi agayi thi aaj weekend tha toh jaldi agyi thi.
Mahi apne room me jakar fresh hoti hai aur neeche apni ammi ko bol kar factory ki taraf jati hai.
Raste me use ek bacchi milti hai jo udas baithi hui thi mahi us bacchi ke paas jakar usse puchti
hai.
Mahi : beta aap yaha per aise kyun baithe ho.
Woh bacchi mahi ki baat sunkar use ek nazar dekhti hai magar kuch kahti nahi.
Mahi : kya hua beta aap ko kisi ne kuch kaha hai kya ?
Ye kah kar mahi us bacchi ke sar per pyar se hath phirati hai.
Bacchi : didi kya hum acche log nahi hai ?
Mahi : ye aap se kisne kaha beta ?
Bacchi : meri ek friend mere sath school me padhti hai. Ab woh mere sath nahi baith rahi hai.
Uske mummy ne mere sath rahne se mana kiya hai. Isi liye puch rahi hoon kya hum acche log
nahi hai ?
Mahi ko us bacchi ki baat sunkar apna bachpan yaad ajata hai. Kaise uske sath ke ladkiyan usse
friendship karne se ye kahkar mana kardeti ke humare parents ne hume tumse dosti karne ke
liye mana kiya hai.
Mahi ko us waqt boaht bura lagta tha aur woh ghar akar bohat roti thi khairoon bee use bohat
samjhati ke use aise logon se dosti hi nahi karni chahiye jo dosti ka matlab hi nahi jante ho.
Dosti toh khuda ka ek aisa anmol tohfa hai jo har kisi ke naseeb me nahi hota. Bhai bahen chacha
chachi ye rishte toh humare paida hote hi humko miljate hai. Hum use chaho ya na chahi use
qubool karna hi padta hai magar dost hum khud apne pasand se banate hai. Dost toh hum bohat
banate hai magar usme se kuch log hi humare sacche aur acche dost bante hai.
Mahi us waqt ko yaad karke mayus hojati hai. Phir mahi us bachchin se kahti hai.
Mahi : beta jo aap ke apne hote hai woh kisi ke bhi kahne se apka sath nahi chodhte chahe use
kahne wale uske apne ho kyun na ho. Aur waise bhi unke liye kyun sad hona jinhe humare feelings
ki khadar hi na ho. Hume bhi unke liye udas nahi hona hai balke hume unke sath khush rahna hai
jo humare sath rahne se khush hote hai.
Mahi ki baat sunkar woh ladki muskurati hai jise dekh kar mahi usse kahti hai.
Mahi : lagta hai tumhe meri baat samhaj ne agayi hai.
Bachchi : nahi didi mujhe aap ki koi bhi baat samhaj nahi agyi bas itna samhaj aya ke humko unke
liye khush rahna hai jo humare sath khush rahte hai. Ab se mai bhi yahi karongi thanks didi mujhe
samhjane ke liye.
Mahi : ( muskurate hue ) ye hui na baat ab tum jakar apne friends ke sath khelo aur humesha
khush hi rahna aur agar kuch bhi problem hui toh muhjse kahna.
Bachchi : thik hai didi bye.
Ye kahke woh ladki bakhi bachchon ke paas chali jati hai jo wahin per ground per khel rahe they.
Mahi bhi muskurati hui jabeen ke paas chali jati hai aur raat hone tak wahin per rahti hai phir apne
ghar ko jakar khana khakar namaz padh kar so jati hai.
___________________________________________
Ajju side :
Ajju apne office se nikal kar seedha apne doston ke paas jata hai jaha per sabne milne ka
program banaya tha.
Ajju jab us jagha per pohanchta hai toh sabhi waha per pahle se maujud they. Ajju aaj bhi ani bike
se hi office aya tha.
Ajju apni bike ko park karke sabse milta hai.
Alauddin : kya baat hai bhai aaj bike per aya hai.
Ajju kuch kahta usse pahle ahmed kahta hai.
Ahmed : aaj hi nahi ye sahab toh kai din se bike per hi office jarahe hai.
Alauddin : accha aisa kyun bhai ?
Ajju :( ahmed ko ghurte hue ) kuch nahi bhai aise hi bohat din hogaye they bike ko chalaye hue
toh isi liye bike per hi office jaraha hoon. Aur waise bhi mai akela hi jata hoon office toh car ho ya
bike kya farw padta hai.
Nizam : baat toh sahi hai bike ho ya car kuch farq nahi padta. Magar sawal ye hai ke iss baat ka
khayal tumko pahle kyun nahi aya ye achanak se kyun ? Bhai mujhe toh daal me kuch kala lagta
hai.
Alauddin : ( acting karte hue ) kya daal me kala yani kali daal ab toh pata karna padega ke
achanak se ajju ko aisa kyun mahsus hua ke bike ho ya car kuch farq nahi padta. Daya kuch toh
gadbad hai.
Nizam : ( acting karte hue ) haan sir apne sahi kaha mujhe bhi aisa hi lagta hai. Ab is daal me
kitna kala hai ye toh ajju hi bata sakta hai.
Ajju : ab bas bhi karo na bhai.
Alauddin : chal thik hai.
Phir sabhi mil kar baten karne lagte hai aur phir ek acche se restuarant me jakar dinner karte hai.
Phir sabhi apne apne gharon ko chale jate hai.
Ajju jab ghar pohanchta hai toh sabhi ne dinner karliya tha bas hall me baith kar T.V dekh rahe
the. Ajju bhi jakar ek sofe per baith jata hai.
Mom : yaha kyun baitha hai jakar fresh hoja mai tab tak tera khana lagati hoon.
Ajju : nahi mom iski zarurat nahi hai mai bahar dinner karke aya hoon.
Dad : toh youngman kaisa chal raha hai kaam tumhara.
Ajju : ab kya baton dad aap ko.
Dad : kyun bhai aisa kya hogaya ?
Ajju : puchiye math dad woh ladki jo apne appoint ki hai ab uske bareme kya bolon.
Dad : kyun kya kiya hai hai mahi ne ? Kuch gadbad kardi kya. Agar kar bhi di toh kya hua woh abhi
new hai use kaam seekhne me thoda waqt toh lagega hi. Magar dekhna tum woh bohat hi jald
pura kaam seekh jayegi.
Ajju : are dad pahle meri baat toh suniye uske baad kuch kahiye. Aur waise bhi aap uski itni side
kyun lerahe ho. Kyun kya baat hai?
Dad : beta woh ladki jo hai na usme mujhe ek alag hi aag nazar ati hai. Usme mujhe ek junoon
nazar ata. Aisa junoon jo boaht kuch karne ki chah rakhta hai. Ye junoon maine bohat kam logon
me dekha hai aur jisme bhi dekha hai usne zindagi me kuch na kuch bada hi kiya hai aur mujhe
lagta hai ye ladki bhi zindagi me bohat kuch karegi dekh lena tum.
Ajju apne dad ki baat sunkar kahta hai.
Ajju : haan dad ye baat toh apne sahi kahi. Us ladki me kuch baat toh alag hai jo usko sabse alag
banati hai. Aap jante hai jo project humko kafi time se nahi milraha tha. Usko usne bohat hi acche
tarike se banaya hai. Aur mujhe toh lagta hai is baar ye project hume hi milega.
Dad : haan maine dekhi hai uski woh file aur maine ye baat tumse pahle hi mr faisal ko kahdi thi.
Ajju : aur woh ladki toh mujhe office me kuch karne hi nahi deti. Jo bhi kaam ata hai use woh
akele hi karleti hai mere liye toh kuch rahta hi nahi.
Dad : haan bohat talented ladki hai.
Mom : ye aap log kis ladki ki itni tareef karahe hai. Zara mujhe bhi toh batao.
Didi jo tab se sab kuch khamoshi se sunrahi thi kahti hai.
Didi : mom maine aap ko bataya tha na woh mall me dad ke sath ayi thi ladki.
Mom : haan. Toh kya ye wahi ladki ki baat karrahe hai.
Didi : haan mom. Aur aap ko pata hai afshan toh use apni bhabhi ki tarha treat karrahi thi.
Mom : haan pata hai mujhe bataya tha muneeza ne mujhe. Ab lagta hai usse milna hi padega.
Dad : haan toh isme konsi badi baat hai. Aap kabhi bhi office ajaiye milwa denge usse apko bhi.
Mom : are mai apke office akar kya karongi usko yahin per bulwa lijiyega kisi din.
Didi : haan mom sahi kaha apne usko yahin per bulayenge toh acche se baat bhi kar lenge aur
acchi tarha se jaan pahchan bhi kar lenge kyun ajju sahi kaha na maine.
Ajju jo apni mom ki baat sunkar khush horaha tha apni didi ke achanak aise bolne se hadbada
jata hai.
Ajju : ( hadbada kar haklate hue kahta hai ) wo..h ma....i haa....n nah....i.
Ajju ko aise haklate hue dekh kar didi ko maza ata hai.
Didi : kya hua bhai tum aise kyun hakla rahe ho. Kya tum nahi chahte ke mahira ko yahan bulaye.
Ajju apni didi ki baat sunkar jaldi se kahta hai.
Ajju : nahi nahi mai aisa kyun chahunga.
Didi : phir jawab kyun nahi derahe they jab mom ne bola tha tab.
Ajju : woh mai kuch aur sonch raha tha. Thik hai jaisa mom kah rahi hai waisa hi karte hai. Aur
waise bhi office me sirf kaam ke liye hi bulaya jata hai kisi se milne ke liye nahi. Mahi se milna hai
toh ghar per hi milte hai.
Didi : ye mahi kon hai. Hum toh mahira ko bulane wale they na.
Didi jaan buj kar aisa kahti hai. Woh samhaj gayi thi ke ajju mahira ko hi mahi kahraha hai magar
tohda satane ke liye didi aisa kahti hai.
Ajju : mahira ka naam hi mahi hai. Use pyar se mahi kah kar bulate hai.
Didi : iska matlab tum mahi se pyar karte ho.
Ajju toh apni didi ki baat sunkar puri tarha se hil jata hai. Use apni didi se aisi ummid nahi thi ke
woh mom dad ke samne aisa kuch kahengi.
Idhar mom dad bhi didi ki baat sunkar shock hojate hai.
Mom & dad & ajju : ( with shock ) kyaaaaaaa.....
Didi : are aap log itne shock kyun horahe hai. Maine aisa kya kah diya jo ap log aise react karrahe
ho.
Mom : shock hi toh lagega na tumne baat hi aisi kahi hai
Didi : ajju ne hi toh kaha na pyar se mahi bulata hai toh isi liye kaha maine.
Ajju : ( shock me ) didi ye aap kya kahrahi hai. Maine aisa kab kaha ke mai usse pyar karta hoon.
Dad : haan beta ajju ne toh aisa nahi kaha toh tumne aisa kyun kaha. Kahin aisa toh nahi ke isne
pahle kuch bataya ho.
Didi : (haste hue ) arey mai toh bas mazak karrahi thi. Ajju ki shakal toh dekho kaisi hogayi hai.
Ye kah kar didi hasne lagti hai. Didi ki baat sunkar mom kahti hai.
Mom : nahi kuch toh baat hai. Mujhe toh lagta hai zarur daal me kuch kala hai.
Dad : haan mujhe bhi yahi lagta hai.
Ajju : ( chidte hue ) ab ye daal kaha ne beech me agayi. Aaj kya daal day hai jo bhi dekho daal daal
karraha hai.
Didi : are aur kisne kahdiya tumko jo aisa kah rahe ho.
Phir ajju apne friends ke sath hui baat chit sunata hai jise sunkar sabhi haste hai. Aise hi baten
karte hue raat kafi hojati hai. Phir sabhi apne apne room me jakar sojate hai.
Aaj ke liye itna hi.
Abse story thoda fast forward hokar chalegi agar aise hi story chalti rahi toh maza nahi ayega.
Mere sath bane rahe BE-INTEHA-ISHQ ke sath apka apna MAQ.
Written by MOHAMMED AZEEM QURESHI ( MAQ ).

update kaisa laga comment me zarur batana.
 
Last edited:
  • Like
  • Love
Reactions: Qaatil, mashish, Xander cage and 2 others
Status
Not open for further replies.
Top