AB TAK AAPNE PADHA KI VIKRAM ANJALI KE ZINDA HONE KA RAAZ SAARE DOSTON KO BATATA HAI AUR SAATH HI ASMODEUS KE PLAN KO FAIL KAR APNE DOSTON KE SAATH SAATH SAMAY SANCHALAKON KO LEKAR UNKE GRAH YELUPTUS PAHUNCH JAATA HAI JAHAN PAHUNCH WO EK AUR NAYA KHULASA KARTA HAI JISME WO SABKO BATATA HAI KI ANJALI BHI BAAKI CHAARON KI HI TARAH MIRRORS WORLD ME MILE CHUNOUTIYON KI EK VIJETA HAI AUR AB USSE BHI BAAKIYON KI TARAH APNI SHAKTIYON PAR KAABU PAANA SIKHNA HAI
AB AAGE:-
FINAL CHAPTER
(ANGELS SACRIFICE & DEVILS DEMOLITION)
UPDATE-112
PLANET-YELUPTUS
PLACE-OPEN GARDEN
ARRE WAAH,MERI BODY TOH LIGHT HO GAYI...ISKA MATLAB....ANJU...TAIYAR HOJAA.......AB TUJHE BHI WAHI FEEL HONE WAALA HAI JO HUME HUA THA....
jaise hi maine ANJALI ki shaktiyan RONIT se nikal ANJALI ke body ke andar daali,toh RONIT ne apni baat kahi jiska matlab ANJALI ko samajh me nahi aaya...
par isse pehle ki wo RONIT se kuch puchti.....
ANJALI- arre,ye mere body ko kya ho raha hai???ye achanak bhaari kyun hone lagi hai????
shaktiyon ke sharir me samane ke kuch pal baad dheere dheere uski body bhaari hone lagi jis wajah se ANJALI ne ye baat puchi....
wahin ANJALI ki baat sunkar mere sabhi dost has diye....
RONIT-issi feeling ke baare me toh mai abhi baat kar raha tha...
jo shaktiyan tere andar gayi hain,wo filhal unstable hain aur issi wajah se teri body bhaari ho rahi hai...
dheere dheere ye bhaar aur badhega isiliye turant dhyan me baith aur apni aantarik shakti ko apne dimag se connect karne ki koshish kar....
MOKALSAR- aur waise bhi itni sundar jagah me tujhe dhyan lagane me aasani hogi...
hum jab yahan dhyan lagane baithe the,tab ye jagah nirjeev thi par ab dekho...yahan ka drishya kitna manmohak ho chuka hai....
MOKALSAR ki baat sahi thi...jo PLANET pehle puri tarah banzar tha,ab wo hara bhara tha aur is waqt hum jis jagah par the wo pehle ek stormy desert tha par ab ye ek dile sukoon garden me badal gaya tha...
aisi jagah dhyan lagane ke liye perfect hoti hai....
jahan sabhi is jagah ko khubsoorti ko niharne me lag gaye the,wahin ANJALI ke body ka bhaar lagatar badhne laga tha aur isiliye time waste naa karte hue ANJALI jahan khadi thi wahin turant DHYAN awashta me baith chuki thi....
RONIT- kya lagta hai????ANJU ko kitna time lagega???
SHAILA-kya pata???shayad humare jitna hi lage....
MAI-nahi...wo jaldi hi apni shaktiyon ko control kar legi..uski aantarik shakti tum sabse zyada tez hai..
tabhi toh wo SHADOW WORLD jaise jail ke bandhan se baahar nikal hamare PLANET tak pahunchne me successfull hui thi...
RONIT- arre haan yaar....ye baat toh adhuri hi reh gayi....tune ANJU ke gaayab hone se lekar uske milne tak ke baare me sab kuch bataya par ye nahi bataya ki ANJU ne kaise apni aantarik shakti ko itna mazboot bana liya tha ki wo ek PLANET se dusre PLANET tak pahunch gayi....
jahan tak mujhe yaad hai tune hum sabko iski training nahi di thi....
MAI- training toh maine ANJU ko bhi nahi di thi,bas hidayat di thi jisse usne pure dil se maani aur kaamiyab bhi hui....
RONIT-hidayat thi thi!!!!par kab????
MAI-jab mai ISLA gaya tha.....
meri baat sun RONIT chownka....
RONIT- matlab!!!!
MAI-Ye toh tum sabko pata hi hai ki COURIOUS jaane ka raasta mujhe ISLA me hi mila tha...
us waqt mai ye toh nahi jaanta tha wahan mere saath kya hone waala hai par itna mujhe zaroor andaza ho gaya tha ki jis grah ko itne sadiyon se ASMODEUS chhupata hua aaya hai,usse yun open hota dekh wo kuch na kuch toh karega zaroor...
par kya aur kaise ye ek paheli thi...
aur is pahei ko sirf waqt hi suljha sakta tha...mere paas bas khudko mazboot aur taiyar rakhne ke siwa aur koi chara nahi tha....
aur tabhi mere dimag me ek baat click huyi aur wo ye ki sharirik shakti aur bal se ASMODEUS mere doston ko bhale hi nuksaan pahuncha de par agar mai maansik tour par tum sabko sashakt banaun toh problem kitni bhi badi ho,tum sab kisi na kisi tarah usse baahar aa jaaoge....
isiliye pehle maine AKSHAANT,MOKALSAR aur SHAILA ke mansik tarango ko ek dusre ke saath jod diya taaki agar koi ek bhi mushkil me fase toh baaki dono usse bachane aa jaayen...
wahin COURIOUS jaane se pehle mai ek baar dhyan me baitha tha...(update 89)
Mai jaanta tha ANJALI ki dhairya shakti tum sabse zyada hai aur aantarik shakti ko control karne me nipun hone ke liye ye quality anivaarya hai...
isiliye dhyan me baithte hi ANJALI se jud maine usse uski aantarik shakti par kaam karne ke liye kaha tha....
ye maine tum dono ke liye kiya tha...tum dono ko khudse jodne ki wajah se tum me se koi mar nahi sakta tha par mai ye bhi jaanta tha ki ASMODEUS ke paas tum dono ko maut si taklif dene ke aur bhi tarike honge...
mai jaanta tha ki agar ANJALI apni aantarik shakti ko kaabu paana sikh le toh wo khudko aur tujhe har yaatna har atyachaar ko sehna sikha degi....
mere COURIOUS jaane ke baad ANJALI ne lagatar apni aantarik shakti par kaam kiya aur aakhir kaar usne uspar kaabu paa hi liya jis wajah se wo mujhtak pahunchane me kaamiyab hi thi....
RONIT- ohh..par usne toh is baare me mujhe kuch bhi nahi bataya tha.....
MAI-usne tujhe batane ki sochi thi par fir usne socha ki jab wo apni aantarik shakti par kaabu paane me kaamiyab ho jaayegi,tab tujhe batayegi....
aur jab tak wo kaamiyab hui,tab tak haalaat badal ya fir ye kahun ki bigad chuke the..tujhe aur tere saath saath ANJALI ko bhi mere CLONES ke negetive hone ka ehsaas ho gaya tha...
aur fir uske baad kya hua ye toh tu jaanta hi hai....usse is baare me batane ka mouka hi nahi mila......
SHAILA- VIKRAM sahi hai,ANJALI ki aantarik shakti hum sab se wakayi zyada sashakt hai...
dekho naa,itni der ho gayi,par ANJALI ka dhyan ab tak nahi toota hai....
SHAILA ki baat sun baaki sab ka bhi dhyaan ANJALI par gaya jo is waqt araam se dhyan me baithi thi....
RONIT- ye muskura kyun rahi hai...
dhyan me baithi ANJALI ke chehre par achanak ubhri muskaan ko dekh RONIT ne sawal kiya.....
MAI- is waqt ANJU ki aantarik shakti bhi us jagah ki sarhad par pahunch chuki hai,jahan kuch din pehle tum chaaron ki aantarik shakti pahunchi thi...
jahan pahunchne ke baad tum sab ki shaktiyan tumhare adhin hui thi...
SAB-SWARG.......!!!!!!
meri baat aur us baat me batayi hui jagah ke baare me sunte hi un chaaron ke mooh se ye shabd apne aap nikla.....
MAI- haan.....
jahan mere mooh se haan sunkar mere bdost khush ho gaye the wahin ab tak hum sabki baaton ko chup chaap sun rahe SAMAY SANCHALAKON ke dil jigyasa se bhar gaye the...
reason....unse hi sun lijiye....
1ST SANCHALAK-LORD,ASMODEUS ke kaid me fasne se pehle PARIVARTAK ke maadhyam se hum har waqt ANGELS se jude hue hote the...
aur ANGELS ke zariye HEAVEN se..sadiyan beet gayi,humare aankhon ko HEAVEN ki manmohak sundarta ko dekhe hue....
aap sabke jaane ke pashchat jab hum sab ek baar firse apne kartavya ka punah nirwah aarambh karenge,tab toh hum firse ANGELS se jud unke maadhyam se HEAVEN ko ek baar firse dekhenge hi,kintu.....
MAI- mere mooh se HEAVEN sun aap sabke man me HEAVEN ko abhi dekhne ki tivr iccha jaagrit ho gayi hai...
maine SAMAY SANCHALAK ki baat ko pura kiya jisse sun usne aur baaki sabhi SANCHALAKON ne firse apne haath jod liye...
2ND SAMAY SANCHALAK- aapse kya chhupa hai LORD????
maine kuch kaha nahi par agle hi pal.....
mere sir ke upar hawa me ek chalchitra chalne laga.....
ye chalchitra aur kuch nahi wahi scene tha jo is waqt ANJALI ki aantarik shakti ke saamne chal raha tha...
scene ke saamne aate hi SAMAY SANCHALAKON aur unke saath saath mere doston ki aankhen bhi chamak uthi...
REASON....ab agar sakshaat HEAVEN ka drishya aakhon ke saamne chalne lage,toh un aankhon me chamak ka aana toh laazmi hai...
aur in sab chamakti aankhon me sabse zyada chamak RONIT ke aankhon me thi....
aur wo isiliye kyunki baaki sab toh sirf ek jannat ko dekh rahe the,par RONIT ke saamne do do jannat thi..
ek GOD ki banayi jannat aur dusra uska personal swarg....ANJALI.....jo is waqt HEAVEN ke gate se andar hoti hui wahan ke adhbhudh nazaron ka aanand lete hue aage badh rahi thi....
ek aur baat thi jo bohot achi thi aur wo thi RONIT,AKSHAANT,SHAILA,aur MOKALSAR ke man ki bhaavna...
ek hi attempt me ANJALI ne apni aantarik shakti ko uski manzil tak pahuncha diya tha aur wo bhi bohot kam waqt istemaal karte hue.....
jabki mere baaki doston ko kuch zyada hi mehnat karni padi thi is mukaam tak pahunchne ke liye....
par iske baawajud in chaaron ke man me thodi si bhi jalan ya fir inferiority complex ne janm nahi liya tha aur ye bhavna rakhna sach me sarahaniya hai....
khair,jaisa ki mere saamne khade chaaron doston ke saath hua tha,thik waisa hi ANJALI ke saath bhi hua par isse pehle ki ANJALI ki aantarik drishti mere saamne aati,maine chalchitra band kar diya...
mere aisa karne se mere dost mujhe dekhne lage....
RONIT- kya hua??main scene toh reh hi gaya jisme tu ANJU ki shaktiyon ko uske niyantran me rehne ka aadesh dega....
MAI-ab mai jab khud yahan moujud hun toh kisi picture me ye sab kyun dekhna???
ye bol maine apna haath aage kiya aur mere aisa karte hi mere haath se ek white ray nikli jo sidhe jaakar ANJALI ke sharir se takrayi aur agle hi pal......
ANJALI ke sharir ko ek tez jhatka laga aur uska sharir hawa me uth gaya....
hawa me uthte hi uske sharir par ANGELS ke kapde aa chuke the....
kuch der tak chamakte roshniyon ke beech ANJALI ki body yunhi hawa me uthi rahi aur fir jaisa jaise roshni kam hone lagi,ANJALI ki body bhi neeche aane lagi aur kuch hi palon ke baad wo wapas hum sabke saamne khadi thi...
in sab kriyaaon ke dauran ANJALI ki aankhen ab bhi band hi thi....
zamin par aate hi uske body par jo ANGELS ka libas tha wo gayab ho gaya ya fir ye kahun ki uske sharir me sama gaya aur aisa hote hi ANJALI ki aankhen khul gayi....
ab ANJALI ko bhi apni body me waisi hi aseem shaktiyon ka abhaas ho raha tha,jaisa mere baaki ke chaaron dost lagatar feel karte the....
RONIT-ab tu bhi humme se ek hai ANJU.....
RONIT ki awaaz ke kaan me gunjte hi ANJALI jaise hosh me aayi...
wo jhat se aage badhi aur RONIT ke gale lag gayi...
kuch der tak RONIT ki baahon me rehne ke baad ANJU ne baaki sabko bhi ek ek hug diya aur aakhir me wo mere saamne aakar khadi ho gayi....
ANJALI-waise toh tu mere aur RONIT ke liye hamesha se hi kuch na kuch karta aaya hai...
hamari dhaal banta aaya hai jiske badle me tune hume thanks tak kehne nahi diya....
teri tarah har kisika dimag toh nahi padh sakti par itna toh jaanti hun ki ab bhi tu mujhe shukriya ada karne nahi dega....
aur shayad ye 6 letters ka word kabhi kaafi bhi nahi hoga tujhe kehne ke liye....aur mai is laayak bhi nahi ki tujhe kuch de paaun par phir bhi,zindagi me agar aisa koi mod aaye jab mai tere liye kuch kar sakun toh ye mere liye ek blessing jaisa hoga....
mai RONIT se beintahan pyaar karti hun..uske saath hasna chahti hun,rona chahti hun ya fir ye kahun ki jeena chahti hun par tu wo hai jiske liye mai haste haste mar sakti hun V.J.....
RONIT/AKSHAANT/MOKALSAR/SHAILA-mai nahi hum....hum sab mar sakte hain....
MAI-mujhe pata hai par keemat maut ki nahi zindagi ki hoti hai isiliye jiyo aur aisa jiyo ki dusro ke jeene ki wajah ban jaao...
itna karo aur jo tumhe lagta hai naa ki maine tum logon ke liye bohot kuch kiya hai,wo saara hisaab clear ho jaayega....
PANNCHJON- aisa hi hoga......
MAI-hmm.....ab mudde ki baat,pehle jo shaktiyan tum sabke paas thi,unki ek seema thi par ab jo shaktiyan tum sabke paas hai unki koi seema nahi hai....
jitna dhyan tum laagaoge aur apni shaktiyon ko mehsoos karoge,ye utni badhengi....
paanchon ne meri baat ko samajhne ke andaz se apna apna sir hilaya par tabhi....
RONIT- oh teri.......
jahan RONIT ki baat sun mai muskura diya wahin baaki sab apni apni aakhon me sawal liye uski taraf dekhne lage....
RONIT- yaar purane saare sawalon ke toh jawab mil gaye par ab jo naya sawal hum sabke sir par baitha hua hai,uska kya karenge???
jahan ek taraf AVANTIKA aur mere baaki doston ko ab bhi RONIT ii baat ya fir ye kahun ki uska sawal samajh me nahi aaya tha wahin SAMAY SANCHALAKON ko toh jaise in sabse koi matlab hi nahi tha..
wo sab toh ab bhi mujhe apne saamne dekh khush hue jaa rahe the....
khair,kyunki RONIT ke sawal ka matlab kisiko bhi samajh me nahi aaya tha isiliye....
ANJALI-tu kya bol raha hai,humme se kisiko bhi samajhme nahi aa raha hai???
RONIT-arre naya sawal in the sense ki ab hum ghar me tere baare me kya aur kaise batayenge????
kaise batayenge ki tu zinda kaise hai???aur agar zinda hai toh ab tak kahan thi and most importantly,tu samajhkar jisse jala diya gaya tha,wo kaun thi????
ab ghar waalon ko toh apne supernatural kisso ki haqiqat nahi bata sakte naa????
RONIT ka pucha sawal ek dum valid aur solid tha par.....
AVANTIKA- kya RONIT!!!!jab V.J ne itni saari baaton ke baare me najaane kab se soch liya tha toh kya is baare me usne kuch nahi socha hoga????
AVANTIKA jo ab tak chup chaap sabki baatein sun rahi thi,usne RONIT ke sawal par apni baat kahi....
RONIT-yaar,ye toh mai bhi jaanta hun ki iske dimag me kuch na kuch solution pak hi gaya hoga..
Mai toh bas aane waale situiation ke baare me bata raha tha....yaar bata naa,ANJALI ko ghar waalon ke saamne kaise lekar jaayenge....????
MAI- tum sabke puche gaye har sawal ka jawab maine diya hai,iska bhi dunga par pehle us sawal ka jawab toh se dun jo ab tak ANJU ne pucha hi nahi....
Wo sawal jo uske man me tabse hai jab se wo SHADOW WORLD me fasi thi...
Wo sawal jo ab bhi usse lagatar andar se bechain kiye hue hai par fir bhi wo us sawal ko puchne ki himmat nahi kar paa rahi hai.....
Meri baat sun sabhi firse chownke.....unhe samajh nahi aaya tha ki mai kis sawal ke baare me baat kar raha aur pata karne ka ek hi tarika tha isiliye....
RONIT-ANJU...ye V.J kya bol raha hai????koi sawal hai jo tujhe pareshan kiye jaa raha hai aur tune fir bhi ab tak pucha nahi....????
RONIT ke puchne par bhi ANJALI ne kuch kaha nahi par uski palken zaroor bhig gayi thi aur wo un bheegi palkon se mujhe dekh rahi thi maano keh rahi ho ki jab pata hi hai toh bata de naa....?????!!!!!!!!
MAI-kuch baatein kahi nahi jaati RONIT,samjhi jaati hai....
Meri baat naa samajh RONIT aankhon me sawal liye mujhe dekh raha tha....
MAI-teri apni G.F ke liye aur meri apni DOST ke liye taklif se badhkar bhi ek taklif hai RONIT jo ANJALI se judi hui hai....
Ek MAA aur PITAH ki apni bacchi se alag hone ki taklif...zindagi bhar apni ek louti bacchi ke bina zindagi guzarne ki taklif.....andar hi andar us gum ko paalte hue muskurate rehne ki taklif.....dusro ke bachhon ke birthdays par apno bacchi ke birthday celebration ko yaad karne ki taklif.....
Aur ANJALI apne MOM DAD ke ussi taklif ke baare me puchne se dar rahi hai..wo un dono ke baare me jaanane ke liye tadap rahi hai par wo jaanti hai ki uske bina uske mom dad ka kya haal ho raha hoga aur iisiliye ek sawal uske honton par aakar baar baar palat jaa raha hai aur wo ye ki......
ANJALI- MOM DAD kaise hain????
Chalakti aankhon se ANJALI ne apne honton par rooke hue sawaal ko bahaar nikal hum sabke saamne rakha...
Maatra chaar aksharon ke samooh se bana hua ek simple sa sawal par fir bhi aisa laga jaise in chaar aksharon ko apne zubaan se baahar nikalne ke liye ANJALI ne apni puri shakti laga di thi....
Barasti hui aankhen,larazte hue honth,chehre par jhalkata dard,pure sharir me halki halki kampan aur us kampan ko aur asahaniya banati hui uski bechaini kisi ke bhi dil me tees pahunchane ke liye kaafi thi....
RONIT jhat se aage badha aur usne ANJALI ko apni baahon me chhupa sa liya...ANJALI bhi uski baahon me simat si gayi par aankhen uski ab bhi mere taraf hi thi..
Wo jaanti thi ki jawab usse mai hi dunga....aur isiliye....
MAI- khud hi dekh le.....
Mere aisa bolte hi hum sabke saamne hawa me ek baar firse ek naya chalchitra chalne laga...is baar usme ANJALI ke jaane ke baad humare ghar ke haalat ke drishya chalne waale the....
Us film ke shuru hote hi ANJALI RONIT ki baahon se nikal sidhi khade ho un drishyon ko mehsoos karne lagi.....
ANJALI ke mrith sharir (clone) ko apne aankhon ke saamne dekh jab uske mom dad AKASH uncle aur NEHA aunty ki dil cheerne waali rudaan hum sabke aur khaas kar ANJALI ke kaano me padi toh us rudaan ka asar hum sab par aur khaas kar ANJALI par bhi hua....
Yahan tak ki saare SAMAY SANCHALAK jo ki jeeven maran ke chakra ke bandhan se mukt hain,wo bhi is dard se achhute naa reh paaye.....
Jaise jaise scenes aage badhte gaye,ANJALI ki aankhon se behti ashruon ki dhaara ka bahaav bhi badhta gaya...
RONIT ANJALI ko console karne me liye aage badhne waala hi tha par tabhi maine usse man hi man aisa karne se mana kar diya...
Itne samay tak apne mom dad ke haalat ke baare me soch soch kar jo ek kism ka dar ANJALI ke man me bas sa gaya tha,uska in aansuon ke saath baahar nikal jaana zaroori tha....
Isiliye hi maine ANJALI ko ye scenes dikhaye the taaki jab ANJALI apne mom dad ke saamne aaye tab unhe apne saamne dekh panic naa ho,uska dimag stable ho chuka ho...
saare scenes chalne ke baad wo picture gaayab ho gayi....ANJALI ab bhi halka halka subak rahi thi....
Par ye bas kuch der tak hi hua...ANJALI ka bura waqt khatm ho chuka tha aur saath hi uske mom dad ka bhi...
Is khayal ke man me ghar karte hi ANJALI ka man shaant hone laga aur kuch hi der me wo back to normal thi...
MAI- all good....!!!!!!
mere sawal par ANJALI ne haan me apna sir hilaya...
MAI- hmm..RONIT,gharpar ANJU ke zinda hone ke baare me kya kahenge,iska jawab ye raha...
Ye bol kaine apne right ki taraf haath kiya aur mere aisa karte hi mere haathon se ek roshni nikli aur us roshni se ek aakruti banane lagi aur jaise hi us aakruti ne roop lliya,toh mere sabhi doston ke mooh se ek saath nikla....
MADDOXXXXX........
MAI- arre clone hai uska.....
RONIT- par iska hum karenge kya????
MAI-wahi jo ASMODEUS ne ANJALI ka kiya tha.....
RONIT-bhai,kuch samajh me aaye,kuch aisa bol....
MAI-simple hai yaar.... jaise ASMODEUS ne ANJALI ke clone ko use kar ANJALI ko mara dikhaya,thik waise hi hum bhi MADDOX pe saara ilzam daal ANJU ka zinda hona justify karenge...
ANJALI- kaise????aur MADDOX hi kyun???
MAI-tere kaise aur kyun ka jawab ek hi hai...tum sabko yaad hoga ki last baar hamare ghar waalon ke ke hisaab se humari aakhri ladhayi kisse hui thi...!!!!
ANJALI-ghar waalon ke hissab se hamari last ladhayi..........arre haan,wo toh MADDOX se hi hui thi...
MAI- exactly...jab RONIT hospital me admit tha aur mai gayab tha..aur jab mai wapas aaya tha tab maine dad ko aur sabko bataya tha ki MADDOX ne hi RONIT ko gaayab kiya tha aur saath hi usne mujhe bhi injured kiya tha....(FIRST CHAPTER)
Dad usse khojne nikalne waale the par maine us waqt unhe rok liya tha..par baad me dad ne MADDOX ko khojne ki koshish ki thi par MADDOX earth par tha hi nahi toh wo dhundhate kaise???
Usse toh humne GLUTO me maara tha....in short,MADDOX ki identity ab bhi missing hai...
Hum bas ghar jaakar ye kahenge ki MADDOX ne hi ANJALI ko gaayab kiya tha aur uski jagah ek dusri ladki jiski kad kaathi ANJU ke jaisi hi thi aur wo mar chuki thi,usse ANJU ki jagah usne implant kar diya tha...
Story ko aur strong banane ke liye hume bas ye batana hoga ki mai jo ghar chhodkar gaya tha wo bhi isiliye hi gaya tha kyunki mai jaan gaya tha ki MADDOX delhi me hi kahin hai aur ANJALI uske paas hai...
Maine kuch khaas bande wahan lagaye hue the jo MADDOX ko dhund nikalen.....aur finally mere bando ne MADDOX ko khoj hi nikala aur usse ANJU ko chupaaye jagah ka pata bhi nikalwa liya...
Par ANJU aur MADDOX ke louethe waqt MADDOX ke logon ne mere logon par humla kar diya...
mouka dekh MADDOX bhaagne ko hua par tabhi mere logon ne usse goli maar di...apne boss ko marta dekh MADDOX ke aadmi bhaag gaye aur mere bande ANJU ko wapas le aaye....simple.....
RONIT- yaar kahani toh thik hai par 1.5 saal tak ANJU ko MADDOX ne zinda kyun rakha,is baare me kya kahenge???
MAI- yahi ki MADDOX ANJU se shaadi karna chahta tha taaki uski aur uske saath saath hum dono ki properties par bhi kabza kar sake...
Par wo chahta tha ki ANJU iske liye khud ready ho.
MADDOX jaanta tha ki aisa hone par hi wo apne maksad me kaamiyab ho sakta hai...
wo ye bhi jaanta tha ki agar usne zor zabardasti se ANJU se shaadi bhi kar ki toh usse kuch haasil nahi hoga..mere dad itne strong aur powerful hain ki wo us shaadi ko amaanya dikha MADDOX ko jaan se maar denge..
Aise me sirf ANJALI ki khud ki marzi se usse ki hui shaadi hi uske plan ko successful bana sakti hai..
MADDOX ne socha ki zabardasti hi sahi,par apne paas rakh apni acchayi waale roop ko dikha wo ANJU ke man me apne liye pyaar paida kar dega par aisa hua nahi..
Tab usne ANJU se kaha ki jab tak wo usse shaadi karne ke liye raazi nahi ho jaati tab tak wo usse kaid karke rakhega...usne ANJU ko ek sunsaan jagah par andhere me 24/7 kaid karke rakha taaki us indirect torture se tang aakar ANJU uski baat maan jaaye...
Par aisa hua nahi aur jaisa ki maine bataya,mere bando ne finally ANJU ko dhund liya......
RONIT-haan yaar,ye angle sahi hai....
MAI- pata hai..ab chalen,hum sab already late ho chuke hain...jo scene ghar par hone waala hai,usse aur impactful banane ke liye maine hum sab ke clones ko 12 ghante pehle gaayab kar diya hai...
RONIT- abbe fir toh ghar par sabhi tention me honge...
MAI- tention ke baad khushi bhi toh milne waali hai..toh ab late naa karte hue nikalte hain...
Humare jaate hi aap sab apna kaam firse shuru kar dijiyega..aur mai aapke grah ke baahar ek shield bana dunga..
Jiske baad koi bhi black energy ka dharak aapke grah ke aas paas tak nahi aa paayega..
Meri baat sun sabhi SANCHALAKON ne bas apne apne haath jod liye....
Maine ek baar muskurakar sabko dekha aur agle hi pal mai AVANTIKA aur mere sabhi dost gayab ho chuke the...
Hum sab sabse pehle YELUPTUS ke orbit ke baahar prakat hue jahan maine apne kahe mutabik ek behad hi strong shield bana di..is kaam ko khatm kar hum sab ek baar firse gaayab ho chuke the.....
PLANET-EARTH
PLACE-NEHA MANSION
driver,jaldi se gaadi nikalo........
NEHA ( ANJALI ki mom ) ki baat sun driver turant car nikalne garage ki taraf badh gaya...
jab se ANJALI guzri hai(as been shown)tabhi se uski mom NEHA ke aankhon me hamesha se hi ek udaasi rahi hai par aaj un udaas aakhon me udaasi ke saath saath bechaini bhi thi...
reason....kuch der pehle hi VIKRAM ki mom MINU ka phone aaya tha ki VIKRAM aur RONIT subah se hi kahin gaye hue hain aur abhi tak nahi loute...
jaisa ki maine bataya tha ki VIKRAM aur RONIT bhi NEHA ke liye apne sage bache se kam nahi hain toh aise me tention toh hogi hi.....
VIKRAM ki mom ka phone aate hi NEHA jo ki ANJALI ki taswir ke aage khadi apni beti ko nihar rahi thi,wo turant apne anant saagar roopi dard se baahar aayi aur driver se car nikalne ke liye kaha....
ANJALI ki mom baahar ki taraf jaane hi waali thi ki.....
KAHIN JAA RAHE HAIN AUNTY......?????
MINU AUNTY ke kaano me ye awaaz takrayi jisse sun wo shocked ho gayi...
reason....ye awaaz ussiki thi jiski fikar me wo uske ghar jaa rahi thi matlab meri.....
aunty ne jhat se darwaze ki taraf dekha jahan se mai aur RONIT andar aa rahe the..hume sahi salamat apne saamne dekh aunty relaxed bhi hui aur saath saath naaraz bhi aur isiliye......
A/MOM-VICKY,RONIT.....kahan the tum dono subah se...????agar late tak baahar rehne ka plan tha toh kamsekam inform toh kar dena chahiye tha...
lekin nahi.....naa call na hi koi msg...yahan tak ki tum dono ke phone bhi band hain...
tum dono ko idea bhi hai ki tum dono ki moms kitni pareshan the...hum sab kitne pareshan the....
lekin tumhe isse kya???jab khud ek parent banoge naa tab pata chalega ki jab wo bacha jisse apne khun se seench kar maa baap bada karte hain,wo jab yun achanak gayab ho jaata hai,chhodkar chala jaata hai toh kaisa lagta hai????
aakhri baat kehte kehte NEHA aunty ka gala roondh sa gaya tha aur wajah bhi waajib thi...
kyunki daant bhale hi wo hum dono ko rahi thi,par un daant bhari baaton me zikr unki eklouti beti ka tha...
dard us beti ke chale jaane ka tha...
MAI- sorry aunty..aage se hum is baat ka dhyan rakhenge ki hum teeno me se kisi ki bhi wajah se aapme se kisi ko bhi koi taklif naa pahunche....
meri baat par aunty ke aankon me sawal dikhne laga tha.......mere TEENO kehne ka matlab unhe samajh nahi aaya tha.....wo kuch kehti usse pehle....
DRIVER-madam,car porch par khadi hai....
MAI- uski ab zaroorat nahi hai...gaadi wapas garage me park kar dijiye...
hum teeno ke ghar ka har member teeno ke hi ghar ke maalik ka darja rakhta tha...
aur hum teeno ke ghar me kaam karne waala har banda ye baat jaanta tha isiiliye mere kehte hi driver wapas gaadi garage me park karne chala gaya....
wahin jaise hi driver aaya tha,aunty ke dimag me click kiya ki wo kahan aur kyun jaa rahi thi isiliye unhone turant apna mobile nikala aur wo mom ko call karne hi waali thi ki....
MAI- kisse call kar rahi hai aunty???
A/MOM- teri aur RONIT ki mom ko....unhe bata deti hun ki tum dono yahin ho....
MAI- uski zaroorat nahi hai aunty..maine yahan aane se just pehle sabko already call kar diya hai aur sab yahin aa rahe hain....
darasal baat ye thi ki ANJALI ke ghar aane se just pehle hi maine apni shakti se ek saath apne aur RONIT ke mom dad ko call karke yahan bula liya tha..
aur saath hi AKASH uncle ko bhi turant aane ko keh diya tha.....
A/MOM- yahin aa rahe hain matlab.....
MAI- aap aaram se baithiye.....sabke aane ke baad sab pata chal jaayega....
ye bol maine aunty ko sofe par bitha diya..anuty ke hi baaju me RONIT bhi baith chuka tha....wahi mai chalta hua ANJALI ki photo ke saamne jaakar khada ho gaya....
meri koi bhi baat aunty ko samajh me nahi aayi thi par phir bhi wo chup chaap baithi hui thi...
jaisa ki aap sabko pata hai ki hum teeno ke ghar aas paas hi hai isiliye meri aur RONIT ki mom jaldi hi yahan pahunch chuki thi....
MOM-VICKY......
R/MOM-RONIT......
meri aur RONIT ki mom ne aate hi hum dono ek naam pukare...bhale hi maine mom ko aur aunty ko bata diya tha ki mai aur RONIT safe hain,par fir bhi mom toh mom hi hoti hai...
hum dono ko apni aankhon se apne saamne dekhne ke baad hi hum dono ki moms ki nervousness khatm hui.....
mai bhi chalta hua mom ke paas pahunch gaya..hum dono ko hi hamari moms ne gale se laga liya...
MOM- kahan the tum dono subah se???koi call tak nahi kiya tum dono ne upar se tum dono ke phone bhi band aa rahe the???
MAI- sorry mom..wo bohot important kaam tha isiliye jaana pada...
R/MOM- arre beta,jaane ke liye kisne roka hai???par kamsekam tum dono ko hume inform toh karna chahiye naa...!!!
MAI- sorru aunty..wo kaam hi itna important tha ki dhyan hi nahi raha but next time dhyan rakhenge.....
MOM- aisa kya kaam pad gaya beta???
MAI-wo mom,RONIT ne ek ladki pasand ki hai..toh usse hi milne gaye the....
meri baat sun mom aur dono aunties ko shock laga...meri baat sunte hi teeno ko ANJALI ki yaad aa gayi thi...
unhe samajh me nahi aa raha tha ki wo RONIT ke liye khush ho ya ANJALI ke liye sad..bhale hi unke hisab se ANJALI ab humare beech nahi thi par un sabne ANJALI ko hi RONIT ki future wife maan liya tha....
aise me jab in teeno ko pata chal raha tha ki koi aur hai jo ANJALI ki jagah leni waali hai,toh teeno hi udaas si ho gayi thi....
par taajub ki baat ye thi ki hum teeno ki moms me sabse pehle normal ANJALI ki mom hui...
A/MOM- arre waah..aakhirkaar mera beta mere liye bahu laa raha hai....
ye bol aunty ne RONIT ka maatha chum liya.....wahin aunty ki baat sun RONIT ka bhi dil bharr aaya tha..
wo bhi jaanta tha ki ANJALI ki mom ko bhi meri baat sunkar taklif hui hai par sirf RONIT ke khushi ki khaatir apna gum daba wo khushi jata rahi hai...
MAI- kya hua??kya aap dono khush nahi hain???
ANJALI ki mom ka reaction aur fir meri baat sun meri aur RONIT ko mom ko bhi laga ki unhe udaas nahi hona chahiye balki khush hona chahiye ki RONIT life me aage badh raha hai aur isiliye....
DONO-kyun khush nahi honge????huamre bete ne humare liye bahu dhund li hai,isse badi khushkhabari hum sabke liye aur kya ho sakti hai????
KHUSH KHABARI!!!!!KAISI KHUSHKHABARI?????
abhi humme se koi kehta isse pehle hi ye awaaz hum sab ke kaan me padi jo ki mere dad ki thi jo AKASH uncle aur HARPREET uncle ke saath humare paas aa rahe the...
MOM-RONIT ne hum sabke liye bahu dhund li hai.....
mom ki baat sun dad aur dono uncles ke chehre ka muskurata expresion ekdum hang sa ho gaya...
teeno ko hi samajh me nahi aaya ki wo kaise react karen????jo feelings hum teeno ki moms ki thi,wahi hamare dad ke dil me bhi chalne laga tha..
par NEHA aunty ki hi tarah AKASH uncle ne bhi sabse pehle RONIT ko badahayi di aur unko follow karte hue dad aur HARPREET uncle ne....
DAD- arre par ye toh batao ki ladki hai kaun taaki hum sab jaaye,usse mile aur turant saari baat pakki kar len...
MAI-ladki yahi mumbai se hai dad aur aap usse bohot ache se jaante hai..infact aap sab usse bohot ache se jaante ho aur pyar bhi bohot karte ho.....
meri baat sun ek baar firse sabhi shocked ho gaye...
MOM- hum sabhi jaante hain aur pyaar bhi karte hain!!!kiski baat kar raha hai???
MAI- batata hun..par usse pehle ek kaam toh kar lun...
ye bol mai wapas muda aur ek baar firse jaakar ANJALI ki photo ke paas pahuncha jispar maala chadhi hui thi aur agle hi pal.....
A/MOM-VICKY.............
mera naam lekar ANJALI ki mom zor se cheekhte hue tezi se aage badhi aur agle hi pal.....
CHATAAKHHHHH........
ek zor ka tamacha mere gaalon par apni mohar laga gaya......
par mujhe tamacha maarne ke baad NEHA aunty ke chehre par vismay ke bhaav ubhre..
reason.....thappad khaane ke baad mere chehre par ek smile aa gayi thi jisse dekh NEHA aunty aur unke saath hum teeno ke parents bhi shock hue the....
toh hua ye tha ki ANJALI ki pic ke paas pahunch maine Auski tasvir par chadhi maala ko nikal fek diya jis wajah se sab gharwaale shock aur NEHA aunty shock ke saath saath naaraz bhi ho gayi thi....
MOM- VICKY...ye kya harkat hai.....?????tune ANJU ki tasvir se maala kyun nikali????
MAI-us maala ka is tasvir par koi kaam nahi...
meri baat kisi ke bhi palle nahi padi thi aur isiliye...
MOM- ye tu kya bole jaa raha hai????
MAI- wahi jo aap sun rahi hai mom....aaj ke baad ANJU ki taswir par koi maala nahi chadhegi.....
jahan mujhpar haath uthane ke baad NEHA aunty roye jaa rahi thi wahin mere baaki sabhi gharwaalon ko toh kuch samajh me hi nahi aa raha tha....
par in sab ke beech mere dad jaante the ki mai kuch bhi yunhi nahi karunga aur khaas kar tab jab baat ANJALI ki ho isiliye....
DAD-asli baat kya hai VICKY????
DAD ki baat sun mai pehle muskuraya aur fir.....
MAI-dad,RONIT jis ladki ko chahta hai wo nahi chahti ki ANJALI ki pic par koi haar chadhe...
meri baat sun sabhi bohot shocked hue aur khaas kar NEHA aunty aur AKASH uncle....
dono hi nahi samajh paa rahe the ki jis ladki se RONIT pyaar karta hai,usse unki mari hui beti ke tasvir par chadhe haar se kya taklif ho sakti hai aur isiliye...
AKSAH UNCLE-beta....tu ye kya bol raha hai????bhala usse hamari beti ki tasvir par haar chadhane se kyun problem hone lagi....
MAI- ye aap usse hi puch lijiye.....
sabko laga ki mai mobile par call lagakar puchne ke liye keh raha hun isiliye....
AKSHA UNCLE- call laga...baat kara.....
MAI- uski zaroorat nahi hai uncle..wo yahin hai..aap usse saamne se puch lijiye...
meri baat sun sabhi chownke.....
DAD- yahin hai!!!!par kahan......?????
MAI-andar aa jaa.....ANJALI..........
mere andar aa jaa kehne par sabhi piche palte par jaise hi mere mooh se halka sa rook kar ANJALI nikla,toh sabke chehre wapas meri taraf ghum gaye....
sabko samajh me hi nahi aa raha tha ki mai kis ANJALI ki baat kar raha hun.....!!!!
wahin ANJALI jo ab tak hall ke dusri taraf INVISIBLE hokar khadi thi,mere pukarte hi wo jhat se visible hui aur agle hi pal baahari darwaze ke piche se apne kadam aage badha wo baahar nikli aur hall ke entrance ke beech me khadi hui...........
wahin mere mooh se ANJALI sunanane ke baad sabhi mujhe hi dekhe jaa rahe the par jaise hi ANJALI hall ke entrace par aayi toh...
MAI- piche paltiye.....
meri baat sun jaise hi sabhi piche palte toh...........
JHATKA......AVISHWAS.......STHBADH.......DARD.......KHUSHI......ADHEERTA.........ye saare expressions aur feelings paida hote chale gaye hum teeno ke parents ke chehre aur dilo dimag par.....
ANJALI hum sab ke saamne thi par abhi tak koi bhi apni jagah se hila tak nahi tha...
ek statue ki tarah sabhi ANJALI ko dekhe jaa rahe the...
unhe lag hi nahi raha tha maano ANJALI unke saamne hai..sabko yahi mehsoos ho raha tha ki ye koi khubsoorat sapna hai aur agar wo hile bhi toh ye sapna toot jaayega.....
wahin ANJALI bhi itne time baad apne mom dad aur baaki sabko dekh aankhon me paani liye chup chaap khadi hui thi.....
ab is sitiuation ko aage toh badhana hi tha isiliye mai aage badh NEHA aunty aur AKASH uncle ke paas pahuncha aur.....
MAI-yahi hai wo ladki jisse RONIT ne pasand kiya hai....aapki beti....jo zinda hai.ab aap hi batayiye ki ek zinda ladki apne tasvir par maala kaise tangi dekh sakti hai.....
aankhon me ab bhi avishwas ke aansu liye NEHA aunty aur AKASH uncle mujhe dekhne lage...
MAI- ye koi jhooth ya koi trick nahi hai uncle..trick wo tha jo aap sabko dikhaya gaya tha....
jis ANJALI ki body ko aap sabne dekha tha aur jalaya tha wo bas ek duplicate thi aur jo aapke saamne khadi hai,wo original hai matlab aapki beti hai.....
meri baat sun wahan khade hum teeno ke parents ke dimag me maano ek dhamaka sa hua...sabhi shocked hokar mujhe dekh hi rahe the ki.....
ANJALI-MOM.............DAD...............
wo do naam jo pure bramhaand ka saaransh hain,wo hum sabke aur khaas kar NEHA aunty aur AKASH uncle ke kaano me pada jisse sun un dono ke dilon me pade sukhe par baarish ho gayi....
ab tak shock se jad hue un dono ke pair maano ek jhatke me khul gaye aur wo dono apni beti ki taraf bhaage.....
kuch hi seconds me NEHA aunty aur AKASH uncle ANJALI ke saamne the...
ek tak kuch pal apni beti ko niharne ya fir ye kahun ki confirm karne ke baad ki ANJALI sach me unke saamne hi hai,NEHA aunty aage badhi aur agle hi pal unhone apni beti ko apni baahon me samet liya tha.....
NEHA aunty ne ANJALI ko itne zor se apne me chupa sa liya tha maano wo usse puri duniya se chhupa kar apne paas hifazat se rakh lena chahti ho...
wahin AKASH uncle bas apni beti ko bin aawaz neer bahate hue dekhe jaa rahe the...
aansu toh mere sabhi ghar waalon ke aankhon me bhi the .wo sabhi NEHA aunty aur AKASH uncle ke piche khade ho gaye the....
wahin ANJALI ko maine pehle hi apni mom dad aur baaki ghar waalon ki har taklif se roobaroo karwa diya tha isiliye wo sayyam me thi jo aise haalat me zaroori tha....
kaafi der baad bhi jab AUNTY ka rona khatm nahi hua toh......
ANJALI- mom.....please royiye mat..aap ko toh khush hona chahiye ki mai wapas aa gayi hun..i promise ki ab aapko chhodkar kahin nahi jaaungi....
ANJALI ki baat sunane ke baad bhi NEHA aunty kuch der tak yunhi roti rahi par fir dheere dheere unka rona subakne me badalne laga aur fir kuch der baad jab unka saara dard khatm hua toh wo apni beti se alag hui....
NEHA aunty ke alag hote hi ANJALI apne dad ke gale lag gayi...
dard toh AKASH uncle ka bhi aunty jitna hi tha ya fir ye kahun ki unse bhi zyada tha par unhone khud ko control karke rakha hua tha....
rokar wo apni beti ko nahi rulana chahte the.......bas unke mooh se ek hi sentence nikla aur wo ye ki....
AKASH UNCLE- dobara hume chhodkar mat jaana baccha.....
bas itna hi kaha AKASH uncle ne apni ladkhadati hui zubaan se par itna hi kaafi tha..
unka pyaar aur dar dono dikh gaya unki baat se....
kuch der tak apne dad ke gale lagne ke baad ANJALI unse alag hokar mere dad ke gale lag gayi...
akhir mere dad ki sabse laadli ANJALI hi thi...uski zidh ke aage meri aur RONIT dono ki baat nahi chalti thi.....
DAD se alag hokar ANJALI MOM ke paas gayi aur uske baad ek ke baad sabse mili...
jahan ek taraf sabko abhi bhi vishwas nahi ho raha tha ki unki bachi zinda hai aur unke saamne hai...
wahin DAD ke dimag me meri kahi baat chal rahi thi.....
aur jaise hi ANJALI se sabka milna pura hua...
DAD- VICKY.......tu kya bol raha tha ki jo hume dikhaya gaya tha wo jhooth tha..jo body ANJU ki humne jalayi thi wo duplicate thi....
DAD ki baat sun sabhi ke dimag ki ghanti baji aur sabhi meri taraf dekhne lage....
aur fir maine,RONIT ne aur ANJALI ne sabko wahi kahani sunayi jo maine YELEPTUS me banayi thi....
ANJALI aur RONIT ki dramatic acting ne meri kahani ko aur sacha bana diya tha..
par meri story sun mere gharwaalon ka dimag ghum gaya tha....
wahin ye jaankar ki mai shuru se hi ANJALI ko khojne me laga hua tha,mom aur dono aunties khush ho gaye the....
jaise hi meri story khatm hui,dad aur dono uncle baahar nikalne ko hue par tabhi...
MAI- dad.....MADDOX ab nahi raha aur uske baaki ke gharwaale bhi mar chuke hain..
so relax..bas aap itna dekh lijiyega ki agar kabhi MADDOX ki body mile toh humara naam nahi aaye...
DAD- uski tention mat le....kuch nahi hoga...
man hi man muskurate hue maine dad ko thanks kaha.....
HARPREET- yaar hamari beti hume wapas mil gayi hai....party toh honi chahiye aur media ko bhi toh handle karna hoga....unse kya kahenge???
DAD-wahi kahenge jo hua hai..bas us MADDOX ke chapter ko chuppana hai aur uski jagah kuch naya add karna hai....
ANJALI- papa,party nahi karenge...isse acha hum sabhi kahin ghumkar aa jaayenge...
DAD- ye bhi sahi hai..toh fir done.....kahan jaana hai,iska kal tak plan kar lo,2 ya 3 din me nikalte hain....
ab tak NEHA aunty chup thi,par dad ke bolne ke baad....
NEHA aunty-VICKY.....beta....
MAI- aunty please sorry mat kahiyega..aur waise bhi aapne mujhe thappad nahi maara tha balki as punishment maine thappad khaaya tha...
punishment ki maine ANJU ko aapke paas laane me itne deri kar di...saza ki aap sabko itne time tak ANJU ko mara samajhkar tadapte hue jeena pada...
maine NEHA aunty ki baat kaatkar aapne baat kahi jisse sun unhone mera maatha chum liya..
hum sab jaante the ki abhi NEHA aunty aur AKASH uncle ko apni beti se dher saari baat kari hogi aur upar se raat bhi kaafi ho chuki thi isiliye hum sab apne apne ghar nikal gaye..
ghar pahunch jab mom ne ANJALI ke zinda hone ki khabar naanaji,naanjiji,mamaji aur maamiji ko sunayi toh pehle toh baakiyon ki hi tarah sabhi ko zor ka jhatka laga par sabhi bohot zyada khush bhi ho gaye....
ANJALI ko dhund kar laane ke liye sabne mujhe aashirwaad diya...
sabhi ko g.n wish kar mai apne room me chala gaya....
subah se ab tak maine sabhi ko jhatke par jhatke diye the par ab ek jhatka mera bhi intazar kar raha tha........
IN MY ROOM:-
ABBE SAALI YE HAI KYA CHIZ JO MERI PAKAD ME NAHI AA RAHI HAI.....?????
room pahunch fresh ho mai dhyan me baith kuch pata lagane ki koshish karne laga par kaafi der tak koshish karne ke baad bhi jab mai successful nahi ho paaya toh maine apni aankhen khol ye baat budbudayi.....
darasal baat ye thi ki subah se hi mujhe apne andar ek ajeeb si bechaini mehsoos ho rahi thi,jiska mai reason nahi jaan paa raha tha...
normally jab mujhe us bechaini ka matlab samajh me nahi aaya tab maine ghar pahunch dhyan me uske baare me pata lagane ki sochi par is koshish me bhi mai fail hua....
MAI khud se-saala ab ye kya naya chakkar hai....?????kaise pata lagaun?????
maine khudse ye baat kahi hi thi ki tabhi mere seene ke beech vibrations hone lagi jisse mehsoos kar mai shocked ho gaya...
reason..mujhe pata tha ki ye vibration kyun ho rahi hai aur isiliye mere mooh se nikla.....
MAI- BHAVISHYAVAANI.....
maine apne seene me haath rakh BHAVISHVAANI ko baahar aane ki anumati di..
ek tez prakash ke beech me BHAVISHWAANI baahar aayi par saath hi mere liye ek naya jhatka lekar aayi...
aur wo aise ki mere andar kul teen BHAVISHYAVAANIYAN thi..
mujhe laga tha ki mere anumati dene ke baad koi ek BHAVISHYAVAANI baahar aayegi par yahan toh mere samane teeno BHAVISHYAVAANI jo ki charre ke roop me the,ek saath hawa me rooke hue the...
hairani ki baat ek aur thi.BHAVISHWAANI numa un teeno charron ke beech me kuch likha hua tha jo ki abhi tak kabhi nahi hua tha....
chaliye aap bhi jaan lijiye ki un BHAVISHYAWAANI numa charron me aisa kya likha tha jisse dekh mujhe hairani hui thi.....
Darasal,teeno chanakte charton me beech me unke kram likhe hue the..par sirf beech waale charre me hi normal number tha..
Baaki left end aur right end waale charre me ek nahi balki ek hi tarah se do do numbers likhe hue the...
Nahi samjhe,chaliye samjhata hun.....
Beech waale charre me 2 likha hua tha par uske right aur left waale dono hi charron me 1 ya 3, aisa likha hua tha..
Par mai iska matlab samajh chuka tha....mujhe left end ya fir right end waale charron me se kisi ek charre matlab BHAVISHVAANI ko chunana tha...
dono me se jisse bhi mai chunta,wo PEHLA ho jaata aur jisse nahi chunta wo TEESRA ho jaata....
Ab mujhe pata toh tha hi nahi ki kis charre me kya bhavishyawaani hai isiliye maine man hi man LEFT end waale charre kobchuna aur mere chunaav karte hi do cheezen hui..
Pehli cheez toh expected thi par dusri ne mujhe firse ek jhatka diya....
Chaliye pehle expected yaani pehli cheez ke baare me bata deta hun..
Toh mere chunaav karte hi LEFT waale charre par jo 1 ya 3 likha tha,usse 3 mit gaya aur right waape charre par se 1 meet gaya....
Aur dusri cheez jo hui aur jo unexpected thi wo ye thi ki un do charro ke upar jinme 1 aur 3 likha hua tha,ab unpar aur bhi kuch likha gaya jisse padh mujhe jhatka laga tha....
Mai is baare me soch hi raha tha ki tabhi wo charre chamakne lage jiska matlab tha ki filhal unka kaam khatm hua aur ab wo mere andar jaana chahte hain...
Mere ijazat dete hi teeno charre roopi BHAVISHVAANI mere seene ke andar chali gayi...
Aur mai un do charron ke upar jo likha tha unke baare me apne bed par letkar sochne laga....
MAI- kya matlab ho sakta hai 1ST aur 3RD BHAVISHYAVAANI ka.....
Ye bol mai un dono BHAVISHVAANIYON ke upar jo likha tha usse dohraane laga.....
1ST BHAVISHYAVAANI-ANGELS SACRIFICE......
3RD-BHAVISHYAVAANI-DEVILS DEMOLITION......
AAJ KE LIYE ITNA HI..........
AAPKA APNA V...J......
