(AB TAK AAPNE PADHA KI KAISE BABA VISHAKHT SHRAAP MUKT HO GAYE.DUSRI AUR RISHI VISHISHT BHAGWAN KE NIRDESH ANUSAR GUFA ME JAA DHYAN ME BAITH GAYE.BACHE KA NAAMKARAN HO GAYA.USKA NAAM VIKRAM RAKHA GAYA.AUR SHAITAN KA NAAM AUR USKA ROOP BHI BHI PATA CHALA................"ASMODEUS"...................
AB AAGE...
UPDATE 6-
MONSLICKEL......ASMODEUS KA GRAH....
Ek khatarnaak jagah,jo khud ASMODEUS ne banayi hai.is pure grah me sirf ek MAHAL bas hai.par ye MAHAL koi aam mahal nahi hai.chaar se paanch sheher jam jaaye itna bada mahal hai ye.isike andar saare devils rehte hain.is grah me koi ped poudhe pani wagehra kuch bhi nahi hai.sirf chattan hain aur bade bade sukhe maidan.yahan kabhi din nahi hota.kyunki yahan pe koi surya nahi hai.yahan par ujaala sirf aag ki wajah se hota hai.ye pura grah lava ke upar bana hai.fir bhi ek ajeeb baat hai.wo ye ki yahan ka mousam behad thanda hai.pure saal yahan barf girti hai.aur iska kaaran hai ASMODEUS....chaliye zara hamare kahani ke villain ke baare me jaante hai.actually ye villain toh hai,shaktishali bhi hai par gyani bhi bohot hai.shaitan sunkar lagta hai jaise khatarnaak dikhta hoga par aisa hai nahi.ulta ye itna handsome hai ki hollywood actors bhi sharma jaayen.gora akarshak chehra,ripped body,chehre me surya sa tej,bas aankon ki putiyan puri safed.kab kya soch le koi nahi jaanta.aur sabse ajeeb baat,shaitan ke soch ke bilkul ulat,ye bilkul shaant dimag ka hai.jaisa ki maine kaha ki MONSLICKEL ka mausam hamesha thanda hi rehta hai.ye ASMODEUS ki aankhon ka kamal hai.jab tak iski aankon ki putliyan safed hain tab tak mausam thanda hi rahate hai.iski aankhon ka ek aur colour hai,LAAL.aur isiliye pura MONSLICKEL lava ke upar basa hai.wo lava iski aankhon ka hi prateek hai.jab bhi ASMODEUS ko gussa aata hai tab uski aankhon ki putliyon ka rang badal kar laal ho jaata hai.par najane kitni sadiyan beet gayi ASMODEUS ko gussa hue,aur isiliye mausam me bhi hamesha thandak bani rahti h.ASMODEUS ki soch BHAGWAN se ulti zaroor hai par tez bhi bohot hai.ye baat swayam BHAGWAN bhi jaante hain.wo chaah kar bhi ASMODEUS ko nahi maar sakte hain,kyunki ASMODEUS BHAGWAN ka shakti punj hai.DEVIL banane se pehle wo LORD THE GOD ka sabse takatwar ANGEL tha.duniya ki har cheez pe judgement dene ka haq ISHWAR ne usse diya tha,par kuch galat faislon ki wajah se usse HEAVEN se nikal diya gaya.(reason aage story me pata chalega).
Par wo GOD se naaraz nahi hua.usne ye thaan li ki jis duniya ke liye GOD ne usse khud se alag kiya hai usse wo barbaad kar dega.uski aisi haalat kar dega ki khud GOD duniya se krodhit ho usse khatm kar denge.bohot soch samajh kar wo apni chaal chalta raha.aur dekhte hi dekhte usne apne demons gulamo ki madat se insan ke man me laalach,hawas matlabparasti is kadar badha di ki ab duniya paap ke charam pe thi.issi burai se ASMODEUS aur shaktishali ho gaya,kyunki ab wo ek SHAITAN tha.uski shakti ka shrot burai thi jo ab din doguni raat chouguni raftaar se badh rahi thi.isilye BHAGWAN ko apna ansh dharti par bhejna pada.ASMODEUS ke paas alag alag devils ki fouj thi jinka wo bakhubhi se istamal karta tha.ASMODEUS ke mahal me darbaar naam matra ki hi thi.wahan koi sabha nahi lagti thi.Us jagah par ASMODEUS bas dhyan aur swayam mantrana karta tha.
Chaliye ab chalte hai aage,arre arre ek min aage nahi thoda peeche.us raat ki taraf jis raat hamara hero paida hua tha...
Jab hamara hero dharti par paida hone waala tha,us waqt ASMODEUS MONSLICKEL me apne mahal ke singhasan me aankh band kar dhyan mudra me baitha hua tha.udhar jaise hi hamara hero paida hua,idhar ASMODEUS ki aankhen khul gayin.jis grah me surya na tha uska prakash na tha,us grah me achanak roshni fail gayi.jitne devils bahar ghoom rahe the sab roshni ke padhte hi behosh ho gaye.aur jo devils mahal ke andar the,unke pair bhi dagmaga gaye aur wo sab gir gaye.sab achambhe me the ki ye kya hua???dheere dheere roshni kam hui aur fir khatm ho gayi.jahan ek aur mahal ke andar saare devils shock me the wahin,ASMODEUS arre ye kya inki aankhen normal hi thi bas ab khul chuki thi.aur hothon pe muskan!!!!
ASMODEUS-akhir khel shuru ho gaya.
Dheere se ASMODEUS apne singhaasan se khade ho gaye aankh band ki aur ek mantra bole
"MURCHIT VISHWAM PUNARJATE" aur jitne bhi devils behosh the sab wapas hosh me aa gaye.
FIR usne GHETTO SOFAR naam ke ke devil ko yaad kiya GHETTO SOFAR turant prakat hua
GHETTO SOFAR-HAAI HAIL DEVIL LORD(JAI ho) .aur ghetto sofar apne kadmo me jhuk gaya.
ASMODEUS-utho ghetto sofar.jo roshni abhi hui,tumne bhi mehsoos ki hogi
GHETTO SOFAR-ji mahamahiim.par mujhe kuch samajh nahi aaya.
ASMODEUS-tumhe samajhne ki zaroorat bhi nahi hai.
Ghetto sofar ASMODEUS ki kathor awaaz sunkar saham gaya.
ASMODEUS-tumhe abhi dhartilok me jaana hoga.wahan pohunch tum ye mantra dohrana.
"AGYAT SHAKTIM RUPEH AAGAMAN"
Tum us jagah pohonch jaoge jahan tumhe jaana hai.jis jahan ye mantra tumhe pohonchayega wahan tumhe ek navjaat shisu milega.tumhe usse MAARNA hai.
Dhyan rahe,ye kaam jitna aasaan lag raha hai,utna hai nahi.
GHETTO SOFAR-aapne jaisa kaha hai waise hi hoga my LORD.ye bol ghetto sofar prithvi ke liye nikal gaya.
ASMODEUS-maine aapni chaal chal di my "LORD"....
ab...... aapki baari....
DUSRI TARAF PARAM PITA PARMESHWAR ye sab dekh rahe the.jaise hi ghetto sofar prithvi ki taraf nikla unhone apne ek angel ko bulaya aur usse kuch nirdesh dekar bhej diya.
Dusri taraf GHETTO SOFAR light speed se dharti ki aur ud raha tha.achanak uske saamne ek door open ho gaya.ghetto sofar ki speed bohot tez thi.wo khudko us door ke andar jaane se rok nahi paaya.ghetto sofar ke door ke andar ghuste hi door band ho gaya.aur ab wo bramhhand ke dusre chhor me tha.jitni duri uski prithvi se bach gayi thi ab wo usse 10 guna aur dur ho chuka tha.ghetto sofar ruk gaya.uske saamne is waqt wahi GOD ka angel tha.ghetto sofar apne raste me baadha dekh krodhit ho gaya aur usne angel ke upar ek fire ball fenki.fire ball angel ke paas akar rook gayi,aur nasht ho gayi.ghetto sofar aur krodhit ho gaya.
Dusri taraf ye sab dhyan me baitha ASMODEUS bhi dekh raha tha.par phir bhi uska mukh shaant tha,jaise wo koi film dekh raha ho.idhar ghetto sofar apna war khali jaata dekh aswet baan ka mantra padhne laga(is baan se kisiko bhi bandha jaa sakta hai)par usse pehle hi angel apni jagah chhod deta hai aur ghetto sofar ke peeche pahunch jaata hai.angel apna haath aage kar ghetto sofar ke sir par rakh deta hai aur budbudata hai BHRAM DRISHYANAM.
ghetto sofar punah light speed se udne lag jaata hai.hua ye ki mantra jaise hi ghetto sofar ke mastishk ke andar gaya ghetto sofar ab tak ka ghatith sab bhul gaya.angel,uski ladhai sab kuch.usse bas apne maalik ASMODEUS ka hukm yaad tha.wo turant prithvi ki taraf ud gaya par ab wo galat raaste jaa raha tha.mantra ke prabhav me ab usse prithvi kahin aur dikhne lagi.is mantra me bhram paida karne ki taqat thi.
Idhar ASMODEUS ne jab dekha ki angel ne ghetto sofar ko jaane diya toh wo soch me padh gaya.jaise hi angel ka kaam khatm hua usne lautna chaha par ye kya wo na hil pa raha tha na gayab ho paa raha tha.usse aisa lag raha tha jaise kisine usse baandh diya ho.aur fir uske saamne roshni hui aur jab roshni hati aur jo uske saamne khada tha usse dekhkar angel sehem saa gaya.kyunki uske saamne aur koi nahi "THE ASMODEUS" khada tha...
ASMODEUS-daro mat angel.tumhe ye shobha nahi deta.tum GOD ka wo hissa ho jo kabhi mai tha.mai tumhe marunga nahi.na hi kuch karunga.chahun toh tumhare sir par haath rakh sab pata kar sakta hun ki tumne mere gulam ke saath kya kiya.par nahi.aise maza nahi aayega.tum itne bade nahi hue ki khud ASMODEUS tumhare upar shakti pradarsham kare.jao tumhe mukt kiya.aur ASMODEUS ke aisa bolte hi wo angel mukt ho gaya.wo ek pal bhi naa ruka aur antardhyan ho god ke paas chala gaya.
ASMODEUS-Kaash aap meri baat maan jaate GOD.insaan aapke pyar ke kaabil nahi.chaliye dekhte hai aapke chaal ka asar.aur ASMODEUS antar dhyan ho apne mahal lout gaya.
Idhar ghetto sofar prithvi ka rasta samajh kahin aur hi ud raha tha.mahal me baitha ASMODEUS ye dekh raha tha aur soch raha tha ki angel ne ghetto sofar k sir par haath rakh kya kaha hoga,aur jaise achanak usse samajh aa gaya ki GOD ne kya chaal chali hai.usne aankh band kar ghetto ko smaran kiya aur kaha BHRAM MUKTAM,aur ghetto sofar ka bhram toot gaya.wo wahin rook gaya.usse sab smaran aa gaya aur wo prithvi ki taraf mud udne laga.
ASMODEUS-achi chaal thi GOD par ye mujhe rokne ke liye kaafi nahi......
Par ye chaal kafi thi.kyunki ghetto sofar ke prithvi me pair rakhte rakhte 3 din nikal gaye.aur jab wo balak ke paas pahunchne waali mantra padhne waala tha ussi waqt BABA VISHAKHT bache ki shakti mani me daal mani kisi surakshit sthaan me bhej chuke the.
Idhar ASMODEUS ko achanak bache ki shakti mehsoos honi band ho gayi.usse samajh nahi aaya ki aisa kyun hua.usne aankh band kar mantra bola."SHAKTI KUNJAM KHOJ AARAMBHATE....ek roshni ka gola nikla aur dharti ki aur nikal gaya.kuch pal me hi wo gola prithvi me pravesh kar gaya aur chappa chappa khoj dala par mila usse kuch nahi.wo roshni ka gola punah ASMODEUS ke pairon me aa nasht ho gaya.
Idhar GHETTO SOFAR ne mantra padha
AGYAT SHAKTIM RUPEH AAGAMAN.par ye kya wo wapas ASMODEUS ke saamne tha.hua yun ki jab ASMODEUS us shakti ke shrot ka pata nahi laga paaye toh unhone ghetto sofar ko wapas bula liya.ussi waqt ghetto sofar wo mantra bol raha tha.apne saamne ASMODEUS ko dekh wo ghabra gaya.usse laga usne kuch galti kar di.par ASMODEUS ne usse kuch nahi bola aur jaane ke liye haath se ishara kar diya.ghetto sofar sir neeche kar dheere dheere nikal gaya.
ASMODEUS ki aankhen ek pal ke liye laal ho gayi.pura grah hil gaya.lava fut kar upar aane lage.barf girni rook gayi.mausam me garmahat aa gayi.par fir ASMODEUS ki ankhen safed ho gayi aur sabkuch pehle jaisa ho gaya.
ASMODEUS-PEHLI JEET MUBARAK HO GOD.....
(DEKHTE HAIN KISMAT AAGE KYA KYA KHEL DIKHAATI HAI.ABHI TOH SIRF PARTE BICHHI HAI KHULNE ME WAQT HAI.SAATH BANE RAHIYE.....)