• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy ATTITUDE (KABHI ANGEL KABHI DEVIL) ( Completed )

Last benchers

Well-Known Member
3,069
6,808
158
awesome fantastic Mind-blowing update Bhai....
suppeerrr SE uparrrrr update hai Bhai..
Florin ne pehli ko half solve KR liya..half HOIA FOREST Mai solve hoga aisa florin ko lgta hai...aaj RAAZ or Mahi ka birthday hai .says aaj dono mil v Jaye ...
Mahi ko hosh v aagya mtlb laya gya. .
Mahi ko aakhir mulakat ho hi gai jisse wo bate Kiya krti thi.....
shaila,Mokshant, AkShaant..
Or unkown palce Mai Jo girl ko hosh Mai laya gya wo Kon thi.
wait rahega next update ka
 

Iron Man

Try and fail. But never give up trying
37,529
94,694
304
AB TAK AAPNE PADHA KI JAHAN EK TARAF MARLIZA KISI KO USKI NIDRA SE UTHA ASLIYAT BATA USSE WAPAS USSI NIDRA ME BHEJ DETI HAI TOH WAHIN DUSRI TARAF FLORIN KO RAAZ DWARA LIKHE NAYI LANGUAGE KAA NAAM AUR USME LIKHE ALPHABETS KA MATLAB SAMAJH ME AA JAATA HAI

AB AAGE:-



CHAPTER-1

(UNFOLD THE RAAZ)



MEGA UPDATE-10



PLANET-EARTH


PLACE-TONGASS NATIONAL
FOREST




WAQT AA GAYA MAHI.....TUMHARE HOSH ME AANE KA BHI AUR TUMHARE NAYE SAFAR KA BHI.....

MAHI se kuch door uske sidh me khade us jaane pehchaane AWAAZ ke maalik ke mooh se ye baatein nikli thi...

aur aisa hote hi ek urja numa roshni uske sharir se nikal MAHI ki taraf badh chali aur dekhte hi dekhte wo roshni MAHI ke mastishk me sama gayi aur aisa hote hi MAHI ke sharir ko ek jhatka laga aur fir dheere dheere wo hosh me aane lagi...

kuch hi palon me uski consiousness wapas aa chuki thi...

par aankhen khulne ke baad bhi wo yunhi upar dekhte hue leti rahi...

darasal aankh khulte hi MAHI ke dimag me behosh hone se pehle hui saari ghatna ghumne lagi thi...

itna hi nahi,kis jagah pahunch,kis sthithi me wo behosh hui, kahan galti hui aur us galti ko dobara kaise naa dohraya jaaye,ye saari chizen uska dimag sochne aur plan karne me lag gaya tha...

aur yahi wo kaaran tha jiski wajah se uske saamne khade AWAAZ ne kuch din pehle uski chetna nahi loutayi thi...

usse pata tha ki MAHI ke hosh me aane ke baad aisa hi kuch hoga...

wahin saamne leti MAHI ne ab tak sab kuch plan kar liya tha aur apne plan ko exucute karne ke liye wo turant uthi aur wapas dhyan mudra me jaane ke liye baithi hi thi ki tabhi....

aankh band karne se purv MAHI ki nazar saamne ki taraf saamne ki taraf gayi aur.....



MAHI- HOLY.....FU*K.........




PLACE-ALFREEN ORPHANAGE




sukoon chhupa hai tera,
bas samajh har alfaaz jo KEHTI hai...

chinta ki har jad ko pakad,aur
aaja wahan jahan se pashchimi hawa BEHTI hai....



KYA HO SAKTA HAI IN SAB KA MATLAB!!!!


normally jheel ke saamne baithne ka kaam RAAZ ka rehta hai,but aaj maamla zara alag tha....

haathon me ek paper liye usse ghurte hue har 2 minute baad usme likhe alfaaz dohraate hue FLORIN lagatar apni sochon me goom the ya fir ye kahun ki us PAHELI ko jo RAAZ ke likhe DEMONOIC language ko decode karkar saamne aayi thi,usse suljhane me khoye hue the....

aaj 3 din guzar chuke the us PAHELI ke baare me jaankar par abhi tak FLORIN aur MARIA ko usse crack karne me kaamiyabi nahi mili thi....

in teen dino ke dauran school ke principal se request kar RAAZ ke examination hall ke invigilator se bhi baat kar chuke the FLORIN...

baaton ke dauran us invigilator ne bataya tha ki RAAZ ne apne saare papers apne sir ko neeche desk me tikakar diye the...

kayi baar round ke waqt unhone dekha tha ki RAAZ ki aankhen likhte waqt bhi band rehti thi..

unhe is baat se bohot hairangi hoti thi but kyunki board exams me invigilators ka student interaction bhi mana hai isiliye unhone kuch kaha nahi...

jab ye baat FLORIN ne MARIA ko batayi toh unke andar ka dar aur badh gaya..unhe aisa lagne laga maano RAAZ par kisi evil spirit ka saaya hai...

FLORIN ne badi mushkil se MARIA ko samjhaya ki aisa kuch bhi nahi hai aur unhe vishwas hai ki bas wo kisi tarah is nayi paheli ko crack kar len toh
sab clear ho jaayega...

aur tabhi se aur zoron shoron se FLORIN lag gaye us PAHELI ko solve karne me par abhi tak kuch khaas success unhe mila nahi tha...

FLORIN-itna toh pakka hai ki ye jo kuch bhi likha hai,wo RAAZ se connected hai....

but kaise???

apne maathe ke bicho beech apne index finger ko rub karte hue aankhen band man hi man FLORIN ek baar firse us paheli ko repeat karne lage..

par kaafi der baad bhi jab unhe kuch nahi sujha toh pehle unhe nirasha hui par fir apne dimag ko jhatak unhone apni aankhen khol di...

shaam hone lagi thi...baad me try karne ka soch FLORIN wahan se jaane ke liye uthe hi the ki tabhi ek hawa ki thandi leher ne unhe chua...

FLORIN-chilling....

apne haathon ko ragad FLORIN waapsi ke liye mude hi the ki tabhi ek purana scene unke dimag me aaya..

aur us scene ke dimag me aate hi jaise unke andar ek jhanaka sa hua....

FLORIN-oh shit...mai itni important baat kaise bhul gaya....

apne aap se ye baat keh FLORIN turant orphanage ki taraf badhe aur wahan pahunch sidhe orphanage ek left block ke right side bane store room ki aur chal pade...

orphanage ke har room me fingerprint sensor laga tha jisme yahan ke har faculty members ka thumb impression moujud tha..

FLORIN store room ko open kar ek taraf badhe aur jaise hi wahan pahunche,toh jis hope ke saath wo yahan pahunche the,wo hope sahi nikla jisse dekh FLORIN ka chehra chamak utha...

is waqt FLORIN ki aankhon ke saamne wahi tokri thi jisme unhone pehli baar RAAZ ko dekha tha aur jisse unhone ussi raat yahin store room me rakh diya tha but unki nazar us tokre par nahi balki us tokre ke andar thehri hui thi....

FLORIN ne turant apna mobile nikala aur apni wife ko call kar diya....

FLORIN- MARIA...turant store room me aao....

MARIA- what happened...???

FLORIN-aao toh batata hun...

ye bol bina aur kuch sune FLORIN ne phone kaat diya...wahin call diaconnect hote hi MARIA turant store room ki taraf nikal padi...

MARIA- kya hua FLORIN???tumne mujhe yahan kyun bulaya??and firstly tum yahan kar kya rahe ho???

FLORIN-MARIA,wo paheli yaad hai jo RAAZ ne DEMONOIC LANGUAGE me likhi thi..wo half solve ho gayi hai....

MARIA-what???!!!really....kya hai uska matlab!!!aur half solve hui hai,iska kya matlab hua???

FLORIN ki baat sun MARIA apne pehle puche gaye sawal jaise bhul hi chuki thi...

wahin FLORIN ne MARIA ke sawalon ke jawab me kuch kehne ki jagah apna right hand aage kar diya jisme is waqt kuch tha...

ye chiz wahi thi jo kuch der pehle tak us tokre me thi,aur jiske liye FLORIN yahan aaye the...

KYA!!!! aayiye,jaan lete hain....

MARIA-mai tumse itna important sawal puch rahi hun aur tum mujhe ye PATTA dikha rahe ho...

FLORIN-paheli ka jawab ka sabse bada hint hai ye LEAF....

MARIA-matlab???

FLORIN-pehle tum batao ki ye kis tree ka leaf hai...

MARIA-HAZELNUT TREE ka...

FLORIN-aur yahan aas paas HAZELNUT TREE kahan hai????

MARIA- yahan ekdum paas toh hai nahi..wo toh sidhe HOIA FOREST me hi milega....

FLORIN-ab ek aur baat batao.. waise toh ye pura ilaka hi thanda hai,par hawa yahan kis taraf se chalti hai...

MARIA-ye kaisa sawal hai???jab thodi door hi itna ghana HOIA FOREST hai, mountains hai,toh hawa bhi udhar se hi aayegi naa...!!!

but in sab ka us puzzle se kya lena dena???

FLORIN-wahi jo ek pakshi ka udne se hota hai...

MARIA-mujhe kuch samajh me nahi aa raha...!!!!

FLORIN- jaanti ho ye leaf mujhe kahan mila???

MARIA- kahan???

FLORIN-is tokre se....

MARIA- haan toh isme kaun si badi.........

MARIA ke aage ke words unke andar hi reh gaye the...kyunki tokre ko dekh unhe yaad aa chuka tha ki ye wahi tokra hai jisme RAAZ yahan aaya tha....

MARIA-is tokre se!!!!par ye toh....

FLORIN- RAAZ ki hai...aur RAAZ ko godh me uthane ke baad maine hi is tokre ko yahan store room me rakha tha...

aur jab mai isse yahan rakh raha tha,tabhi meri nazar is LEAF par chali gayi thi jo is tokre ke kapde me ulajh kar reh gaya tha...

but tab maine is baat par zyada dhyan nahi diya tha but aaj paheli ka RAAZ ke saath connection jodte waqt achanak mujhe iska khayal aaya...

FLORIN ki baat sun MARIA kaafi excited ho gayi thi kyunki FLORIN ki baat se ek baat clear ho gayi thi.

RAAZ ke zindagi ki shuruat kahi naa kahin HOIA FOREST ke aas paas hi hui hai kyunki jo leaf is waqt RAAZ ke tokre se mila tha,wo HAZELNUT TREE ka tha aur is region me aur aas paas ke saare regions me sirf HOIA FOREST hi ek aisi jagah thi jahan HAZELNUT TREE paayi jaati hai....

MARIA-you are amazing FLORIN...aur ab mai samjhi ki tum mujhse us hawa ke behne ke baare me kyun puch rahe the...

paheli me jis paschimi hawa ki baat kahi gayi hai,uska jawab bhi HOIA FOREST hi hai...kyunki is taraf hawa wahin se aati hai aur HOIA FOREST hamare

FLORIN- west me matlab pashchim me padhta hai....

FLORIN ne MARIA ki baat puri ki...wahin MARIA paheli ke main hisson ko pura samajhne ki khushi me FLORIN se lipat gayi thi...

FLORIN-arre waah..agar pata hota ki puzzle solve karne par itna tight hug milne waala hai toh maine pehle hi isse solve kar liya hota....

MARIA-very funny....puzzle toh solve ho gayi fir tumne ye kyun kaha tha ki puzzle half solve hui hai???

FLORIN- aadhi hi toh solve hui hai..hume bas paheli ka second phrase jisme kahan jaana hai,uske baare me pata chala hai...

first phrase ke first line ka matlab abhi bhi unsolved hai....

MARIA-usme kya likha tha????

FLORIN- sukoon chuppa hai tera...ye line..iska matlab abhi crack nahi hua hai...

MARIA- haan toh ye line shayad RAAZ ke liye hogi..afterall ye sab likha toh ussine hai...mujhe lagta hai hume bas RAAZ ko HOIA FOREST tak lekar jaana hai..

FLORIN-hume nahi sirf mujhe...wahan pata nahi kya ho???aise me tumhara wahan jaana thik nahi hoga...

MARIA-waah..khud hi keh rahe ho ki wahan khatra ho sakta hai aur mujhe saath aane se mana kar rahe ho...tumne socha bhi kaise ki mai tumhe wahan akele jaane dungi aur wo bhi khaas kar tab jab situation itni wierd chiz se connected hai...

jaayenge toh saath nahi toh tum bhi nahi jaaoge and that's final...

MARIA ne apni baat itni determination ke saath kahi thi jisse FLORIN samajh gaye the ki MARIA unki ek bhi nahi sunane waali aur isiliye...

FLORIN-ok fine...saath chalenge...

MARIA-now that's more like it...

FLORIN-toh fir abhi chalen???

MARIA-abhi!!!abhi toh dinner time hone waala hai..aur waise bhi yun achanak jaana bhi thik nahi..

kuch thik se planning karkar chalte hain.....

FLORIN-mujhe lagta hai ki hamara aaj hi jaana thik hoga..aur iska ek khaas reason bhi hai...

MARIA-khaas reason...wo kya???

FLORIN-tum bhul gayi...aaj hi wo din hai jis din RAAZ hume Mila tha....

MARIA-oh shit...ye mai kaise bhul gayi....

FLORIN-tumhari galti nahi hai... RAAZ ne kabhi chaha hi nahi ki koi uska birthday celebrate kare yaa fir usse wish bhi kare...

har saal ki tarah aaj bhi wo subah se hi gayab ho gaya tha taaki agar kisiko yaad bhi ho toh bhi koi usse wish naa kare...

aur pata hai,kyunki ye sab jo ho raha hai, RAAZ se connected hai isiliye subah se hi mujhe ye gut feeling thi ki aaj ye paheli solve ho hi jaayegi aur dekho,ho bhi gayi...

aur ab jab jo maine socha hai,wo sach nikla toh pata nahi kyun, par ab mujhe lagta hai ki ye jo bhi ho raha hai,aaj hi wo din hai jab in sabse parda hatega....

MARIA jo FLORIN ki baat bade dhyan se sun rahi thi,unhe bhi FLORIN ki baatein sahi lagi aur isiliye....

MARIA-thik hai fir..aaj hi is kisse ko khatm karte hain...ek kaam karte hain,bachon ke apne apne dormitories aur room me jaane ke baad hum nikalte hain...

waise bhi HOIA FOREST pahunchne me hi hume lagbhag 45 minutes lag jaayenge....

FLORIN-ye thik rahega....chalo fir,dinner time ho raha hai...

sab kuch tay kar dono store room se baahar nikal gaye is baat se anjaan ki wo jis kisse ko khatm karne ki baat kar rahe the,wo kissa ek naya rukh lene waala hai....



2 HOURS AFTER DINNER



WAQT AA CHUKA HAI RAAZ.....



mai apne room me aankhen band kiye leta hi hua tha ki tabhi ye awaaz mere kaano me gunji jisse sun mai uthkar baith gaya....

abhi mai is awaaz ke baare me soch hi raha tha ki tabhi....

GUARD-RAAZ tumhe FLORIN sir bula rahe hain...

ye hamara in-house guard tha jiski baat sun mai uske saath baahar ki taraf nikal pada....

wo guard mujhe FLORIN sir ke cabin me lejaane ke bajaye baahar lawn ki taraf le jaane laga par maine usse kuch pucha nahi..bas uske piche piche chalte gaya....

lawn se hote hue hum orphanage ke main gate ki taraf badhe jahan is waqt FLORIN sir aur MARIA ma'am apni car ke paas khade the...

dono aapas me kuch baat kar rahe the but mujhe dekh dono chup ho gaye...

wahin guard mujhe sir aur ma'am ke paas chhod kar wapas chala gaya.....


FLORIN-RAAZ,tumhari ma'am aur mai yunhi drive par jaa rahe hain toh socha tumhe bhi saath le chalen..

hum jaante hain ki tum apna birthday manana pasand nahi karte but yunhi drive par toh chal hi sakte ho naa...


undono ki baat khatm hote hi mai chupchaap aage badha aur car ki piche ke door ko khol andar baith gaya...


wahin FLORIN aur MARIA jo ye soch rahe the ki mujhe saath chalne ko kaise convince karen,mujhe yun araam se car me baiththe dekh pehle toh woh dono chownke but fir mere hamesha ke hi ajeeb behaviour ko dhyan me rakh un dono ne zyada nahi socha aur car me baith gaye aur agle hi pal car apne safar ki taraf chal padi...

ek aise safar par jahan se ek naye safar ki shuruat hone waali thi...



BACK TO MAHI:-



KAUN HO TUM....????


turant uth side me rakhe dhanush baan ko utha stance lete hue MAHI ne apna sawal pucha....


AWAAZ- janmdin ki hardik shubkaamnayen MAHI...

ua awaaz ke maalik ki baat sun MAHI ki aankhen hairat se faile gayi....wo is AWAAZ ko pehchanti thi...

kyunki ek yahi AWAAZ thi jisne usse bataya tha ki uska janmdin kab tha aur tab se aaj tak bas yahi ek AWAAZ thi jisne har saal usse birthday wish kiya tha....


MAHI- tum...!!!!!!par....

AWAAZ-ye bramhaand aascharyon aur chamatkaro ke khazane se bhara hua hai MAHI...aur unhi chamatkaron ke ek mukhya bindu ki taraf tumhe jaana hai..

aur wo bhi abhi....aur rahi meri baat toh uchit samay aane par hamari bhet phir hogi...


MAHI ke man me hamesha ki tarah kayi sawal the par pata nahi kyun usse bas is AWAAZ ke maalik ki baat maanane ka dil kiya aur isiliye...


MAHI-kahan jaana hai mujhe???


MAHI ke aisa kehte hi uske saamne hawa ke beech bindu ka roop lekar hawa ghumne lagi aur dekhte hi dekhte us hawa ne gol ghumte ghumte ek chakra ka roop le liya jo ek bade se gol darwaze ki tarah tha...

par darwaze ke dusri taraf kuch bhi nahi dikh raha tha..wahin MAHI aankhon me aascharya liye is chamatkar ko dekhe ja rahi thi...


AWAAZ-chakra ke andar chali jaao MAHI....


pata nahi us AWAAZ me koi baat thi ya MAHI ke jigyasu swabhaav me,jiski wajah se wo bina ek pal gawaye apna dhanush baan thaame us chakra ke andar chali gayi...

aur uske andar jaate hi wo chakra numa darwaza band ho gaya....


AWAAZ- apna khayal rakhna MAHI....bohot jald mulakat hogi....


apni baat keh wo apni raah nikal gaya...

wahin dusri taraf jaise hi MAHI ke kadam us magical gate se hote hue dusri taraf pade,jo andhera wahan faila tha,wo tez prakash me badal gaya jiski wajah se ek pal ke liye MAHI ki aakhen band ho gayi aur jab usne aakhen khol samne dekha toh wo chownk gayi...

reason....

is waqt MAHI ek bohot bade room me thi...us room me bohot se shelfs the jisme alag alag books aur other equipments rakhi hui thi...

ek badi si table jiski dusri taraf teen badi badi upholstery wing chairs rakhe hue the...

aur MAHI ke chownkne ki mukhya wajah us chairs me se ek thi...darasal un teen chairs ke beech waali chair par white robe me jiske beech me halka sa pink suit ka style mix tha,pehne ek bohot khubsoorat si ladki baithi hui thi jo is waqt MAHI ko dekh muskura rahi thi....

kuch der tak yunhi MAHI ko dekhte rehne ke baad wo apni chair se uth MAHI ke saamne aakar khadi ho gayi...


UNKNOWN-kaisi ho MAHI????


us ladki ki awaaz ko sun MAHI ko jhatka laga...reason...ye awaaz wahi thi jisne MAHI ke sapne me aakar usse baat ki thi....


MAHI-aap!!!!aap wahin hain naa jo us raat mere sapne me aayi thi...


abhi MAHI ko kuch jawab mile usse pehle hi....


KHATT........


jis room me wo ladki aur MAHI khade the,wo khula aur aisa hote hi do male room ke andar aaye..

un dono ne bhi white robes pehne hue the par unlike us ladki..un dono ke kapde sirf robes the...

aur dono hi kaafi handsome the aur unki smartness ko unki smile aur badha rahi thi jo is waqt un dono ke chehron ki shobha badha rahi thi...

wo dono chalte hue us ladki ke ek ek taraf hokar khade ho gaye...

wahin in sabke saamne khadi MAHI apne chehre par dheron sawal liye un teeno ko dekhe jaa rahi thi aur is baat se wo teeno anjaan nahi the...


LADKI- haan MAHI,mai hi hun wo jo us raat tumhare sapne me aayi thi...


us ladki ke jawab ko sun aankhon me jigyasa liye...


MAHI- aap hain kaun???infact aap teeno kaun hain???ye sab jo hua,wo sab kya hai aur kaise hota hai???aur ye jagah kaun si hai???kya hum kisi magical dimension me hai...???kya ye sab sach me supernatural hai yaa fir ek behatareen illusion???

agar ye illusion hai toh ye recipient ke dimag ko kaise block karta hai???

ek ke baad ek kayi sawal karti chali gayi MAHI jisse bade dhairya se aur muskurate hue sunte chale gaye uske saamne khade hue wo teen log aur jab kuch der baad MAHI ke sawalon ka pitara khatm hua toh...


LADKI-tumhe tumhare sabhi sawalon ke jawab mil jaayenge..par sabse pehle,hum apna parichay de dete hain...


1ST-mera naam SHAILA hai...


2ND-mujhe MOKALSAR kehte hain...


3RD-aur mai AKSHAANT hun....







AAJ KE LIYE ITNA HI.....






AAPKA APNA V...J....
Awesome update
 
Top