AB TAK AAPNE PADHA KI JAHAN EK TARAF ACCHUTA AUR SLUNDER APNE QUATER KO DEKHKAR NAAKHUSH HOTE HAIN WAHIN DUSRI TARAF RAAZ FLORIN AUR MARIA SE MILTA HAI.
AB AAGE:-
CHAPTER-2
(UNEARTH THE IMMORTALS)
UPDATE-60
PLANET-ELYSIAN
PLACE-CHOSEN'S
STELLAR'S CLASS
TOH PHASE 2 KI AAPKI PEHLI CLASS SHURU KARTE HAIN...
bade excitement se REGIS ne apne CATAGORY ke SAVENTS jo ki STELLARS the,unse ye baat kahi jispar sabhi SAVENTS double excitement aur attentiveness ke saath sidhe alert mode me baith gaye the...
wahin in sabke beech baitha tha VIDEOUS jo abhi bhi casually relax hokar baitha hua tha....
subah ka waqt hai aur finally wo ghadi aa gayi thi jiska intazar sabhi SAVENTS kaafi dino se kar rahe the....
PHASE 2 ki classes jo ab shuru ho chuki thi...sabhi STELLAR'S wahin ussi THE GREAT HALL ke room me baithe the,jahan kal baithe the..
khair,REGIS ki baat ko aage badhte hue,
MABBA-jaisa ki kal maine aap sabko brief dete waqt bataya tha ki
is PHASE me aapke kul 2 classes hongi....
pehli hai CLASS OF EXPANSION aur dusri hogi CLASS OF ELABORATION....
class bhale hi do hain par in classes ko agar define kiya jaaye toh ye do classes us tree ki tarah hai jinme kaafi branches hote hain par root ek...
MABBA ki baat kisi SAVENT ko samajh me nahi aayi thi aur issi wajah se sabhi halke confuse dikh rahe the...
(JAB SAB SAVENTS KAHA JAAYE TAB USME RAAZ AUR VIDEOUS INCLUDE NAHI HONGE)
khair, MABBA ki baat ko aage badhate hue...
SAPIUS-confuse hone ki zaroorat nahi hai SAVENTS..abhi kuch der me sab clear ho jaayega...
sabse pehle,ye toh aap sabko pata hi hai ki elaboration aur expansion ka matlab kya hota hai aur dono me fark kya hota hai .???
elaborate matlab detailing hoti hai aur expansion ka arth hota hai kisi bhi chiz ko chote se bada karna...
yahi dono methods jisse magic ke through apni dono classes me aap sab sikhne waale hain...
pichle PHASE me aap sabne sirf apne apne BRAIN, BODY, BLOOD aur SOUL ko AMPLIFY karna sikha tha...
ek tarah se kahun toh aap sabne khudko magic karne ke layak banana sikha tha aur aapke SOUL AMPLIFICATION ussi seekh ko multiply kar rahe the...
par ye sab sirf METAPHYSICAL ACTIVITIES ka base tha..asli magic kya hota hai,wo aap is PHASE me sikhenge..
waise us magic ka ek chota sa example aap sab pichle session ke waqt SWEEP-STAKE COMPETITION me MORALS aur WICKEDS ke beech dekh hi chuke hain...
wo saari adhbhudh chizen jo MORALS aur WICKEDS kar rahe the,uska main kaaran yahi do classes hain jo aap is session me padhne waale hain...
kaise,ab ye jaan lijiye....
REGIS-METAPHYSICAL ACTIVITIES kahen yaa fir MAGIC...ye trigger toh AMPLIFICATION se hote hain par inhe apne mutabik asar ke saath use karna ek alag chiz hoti hai aur yahin kaam me aata hai EXPANSION aur ELABORATION...
jis SPELL BOOK ki madad se spells ko memmorize kar aap sabne pichla session nikala tha,us book me bas BASE MAGIC ke SPELLS likhe hue the jo sirf ek had tak aapke AMPLIFICATION me kaam aane me madad karte the..
par is saal aap advanced MAGIC sikhne waale hain jiske liye second level MAGIC SPELLS use kiye jaate hain aur isiliye...
aage kuch kaha nahi REGIS ne bas apna haath halka sa saare SAVENTS ki taraf ghuma diya aur uske aisa karte hi,sabhi SAVENTS ke aage ek bohot moti si book aa gayi thi jiske upar likha tha ENHANCE....
sabhi SAVENTS us book ko dekh hi rahe the ki...
SAPIUS-ye book do hisso me divided hai.. pehle bhaag me aapko ek hi MAGIC ke liye alag alag spells milenge...
for example ASRAVA...is spell ke madad se aap apne pratidwandi ke sharir me pain paida kar sakte hain..
par ye pain normal hoga..par ASUKA spell jiska matlab bhi pain hi hota hai,iske uccharit karte hi pain ka level badhne lagta hai...
aise hi aur teen spells likhe honge in do spells ke neeche jinka kaam ek hi hai...pain,dard dena par alag alag asar ke saath...
aur isiliye is book ka pehla bhaag aapke pehle class EXPANSION ke liye hai...
kyunki aap is class me apne har spell aur hunar ko expand karna sikhenge...
understood...
SAB-yes WHIZZDER.....
MABBA-ab baat karte hain aapke dusre class jo ki ELABORATION ki hai,uske baare me...
ELABORATION class ek bohot hi complex class hai kyunki isme hoti hai aap sabke individual potential ki detailing....
jin SPELLS ko aap is saal padhkar istemaal me laane waale hain,wo aap yunhi nahi kar sakte....
aisa karna depend karega aapke BRAIN,BODY, BLOOD aur SOUL ke determination par....
jab bhi aap koi spell bolte hain,toh us spell se teeno AMPLIFICATION modes ke through aapke sharirik,maansik aur aatmik shakti ka ek hissa bhi release hota hai....
aur jitne strong aapke chaaron sources honge,utna strong aapka bola hua spell hoga aur saath hi utni hi jaldi aap agle spell ko bolne ke liye taiyar ho paayenge..
ELABORATION class me aap sabke chaaron sources ki shakti ko interlink karkar ek kiya jaata hai taaki spell bolte waqt uska asar aapke manmutabik ho aur saath hi aap ki recovery nano seconds tak tez ho jaaye...
itna hi nahi,har spell ke asar ke beech ek naye spell ko uccharit kar kuch naya bhi kiya jaa sakta hai,aur aisa karna bhi is class me sikhaya jaata hai....
is technique ko HOAX HIT kaha jaata hai..ye technique kisi bhi competition me bohot bada role play karta hai aur jitna zyada aap is technic me master kar paayenge, competitions me jitne ki aapke chances utne zyada badh jaayenge...
GOT IT....
SAB-yes WHIZZ....
jahan pure excitement ke saath sabhi SAVENTS ne ye baat kahi thi wahin VIDEOUS bas shaant baithkar ye sab sun raha tha jisse MABBA ne bhi note kiya tha..
kal WEAKLINGS ke saamne jo hua tha,wo MABBA bhuli nahi thi aur kal ki hui beizatti ka kaaran wo VIDEOUS ko hi maan rahi thi aur abhi jab MABBA ko lag raha tha ki VIDEOUS class me attentive nahi hai,toh uska ghussa andar hi andar aur badhne laga tha...
usne VIDEOUS ko punish karne ki thaani hui thi aur iske liye uske man me ek plan bhi tha jo wo ab apply karne waali thi...
SAPIUS-class ki shuruat me MABBA ne dono classes ko define karte hue ek tree ka example diya tha jiske bohot se branches hote hain par root ek...
ab mai aapko batata hun is example ka matlab kyunki ye example hi aapke dono hi classes ko naa sirf define karta hai balki aapke is PHASE me excel karne ki chaabi bhi yahi hai...
MABBA-par usse pehle, abhi tak humne jo bhi baatein aapko batayi hai,uska ek chota sa demonstration hoga...
SAPIUS ki baat ko kaaththe hue MABBA ne ye baat kahi jispar...
SAPIUS-demonstration!!!!
aakhon me sawal liye bas itna hi shabd nikla SAPIUS ke mooh se jisse avoid karte hue...
MABBA-jaise ki maine bataya tha ki har uccharit kiye spell par sharirik, maansik aur aatmik asar padta hai...
waise toh aap sabke AMPLIFICATION percentage ko jaante hue hume aapki capabilities ka pura andaza hai par kyunki ye PHASE 2 hai isiliye sirf AMPLIFICATION yahan kaam nahi aati..
jitna strong aapka will power hoga,is book me likhe spell bolte waqt release hone waale pressure ko absorb aur digest karne me utni asaani hoti hai aur abhi hum yahi demonstrate karenge....
MABBA ki baat sun buri tarah chownke SAPIUS aur REGIS aur
REGIS-ye kya bol rahi ho MABBA tum..???ENHANCE book me likhe spell ka asar bohot strong hota hai aur bina un baaton aur zariyon par kaam kiye jinse spell ka pressure kam kiya jaa sake,aisa karna SAVENTS ke liye dangerous ho sakta hai....
kaafi dheere se MABBA ke kaan ke paas aakar REGIS ne ye baat kahi jispar....
MABBA-tumhe nahi lagta ki mujhe mera kaam tumse zyada pata hai REGIS.... isiliye agar SAVENTS ke saamne apna mazak nahi banana chahte toh dobara naa toh meri baat kaatna aur naahi mujhe gyan dene ki koshish karna...
MABBA ne ye baat bhale hi REGIS se kahi thi par nazar uski SAPIUS par bhi thi jiska matlab tha ki ye baat uske liye bhi thi...
REGIS aur SAPIUS jaante the ki MABBA ko ab kuch bhi bolne ka koi matlab hoga nahi aur isiliye un dono ne aage baat ko nahi badhaya...
wahin REGIS ko warn karne ke baad....
MABBA-is demonstration ke liye mujhe aapme se kuch SAVENTS ki zaroorat padegi aur mai chahungi ki pichle PHASE ke top four SAVENTS, MAHI, ALFREEN, MABEL aur VALDIS aap chaaron saamne aayen...
par dhyan rahe,is demonstration me tum sabko taklif hogi...
MABBA ki baat sun taklif waali baat ko completely ignore karte hue pure excitement se bhar wo chaaron aage aakar khade ho gaye...
MABBA-VIDEOUS....bina INSTITUTION join kiye hue bhi tumne khudko STELLARS ke liye qualify karwaya hai.
isiliye mai chahti hun ki tum bhi is demonstration ka hissa bano agar tumhe dar nahi lag raha hai toh...
MABBA ki baat chehre par muskaan aur man me MABBA ki chaal ko samajh uspar haste hue VIDEOUS bhi baaki chaaron ke saath aakar khada ho gaya....
aur ab jaisa ki MABBA ne kaha tha,waqt ho chala tha ek demonstration ka jisse ek taraf khade SAPIUS aur REGIS pareshan the,dusri taraf dekhen waale aur demonstration me bhaag lene waale SAVENTS excited the, teesri taraf MABBA jo ye sab bas VIDEOUS ko kal uske kamzor padne ke liye punish karne ke liye ab taiyar thi, wahin in sab se alag chowthi taraf khada tha VIDEOUS jo man hi MABBA ki bachkani harkat par has raha tha....
PLACE-WEAKLINGS CATAGORY
AAP CHAARON KE PHASE 2 KI ACTIVITIES KO START KARNE KA SAFAR TAB TAK NAHI HO SAKTA JAB TAK AAP SAB APNE APNE SOUL KO TRIGGER NAHI KAR LETE..
KYUNKI IS PHASE KI HAR ACTIVITY SOUL KE TRIGGER HONE KE BAAD HI KI JAA SAKTI HAI...
apni aadat ke anusar halki dabi hui awaaz me kahi ye baat WHIZZ HIDA ne jiske baad ACCHUTA aur SLUNDER kaafi excited ho gaye..
ho bhi kyun naa..un dono ke liye CHOSENS me officially ye pehla task jo tha...
pichle PHASE me un dono ke behroopiyon ne unhe jo looser ka tag pehna diya tha,ab waqt aa chuka tha us tag ko hatane ka...
wahin BRAWNY jisne pichle PHASE me kaafi under perform kita tha,uska confidence ab bhi shattered tha aur rahi sahi kasar PHASE 2 ki ghatiya life jo wo aur uski family jee rahe the,usne puri kar di thi...
aaj bhi hum ussi great hall ke open area me niche zamin par baithe jisse uska confidence aur hinder ho raha tha....
aur filhal ussi negetive ATTITUDE ke saath wo is class me baitha hua tha...
wahin in teeno se alag bilkul shaant baitha tha MAI...meri aankhen bhale hi saamne thi par mere nazaron ke aage ek saath do drishya chal rahe the...
ek jo ki mere saamne ka hi tha aur dusra drishya tha STELLAR ki claas ka aur wahan mai kyu dekh raha tha,ye toh aapko pata hi hai....
khair, WIDA ki baat sun ACCHUTA, SLUNDER aur BRAWNY teeno hi paalthi maar kar baith gaye aur agle hi pal un teeno ki CEREBRATION process paused jo chuki thi...
ANTARAKA NIRUPAMA
SEARCH THE CORE....
apne apne brain,body aur blood ko interconnect karne ke baad un teeno ne hi is spell ko uccharit kiya jiske baad SOUL trigger karne ke process me jo hota hai,wo hone laga..
un teeno ke heart waali jagah ke upar ek halki si roshni jo ki unke soul ki shakti ka ek chota sa bhaag tha,prakashit hui jiske baad unhe apne sharir ke andar bhaar mehsoos hone laga jisse wo teeno zabt karne me lag gaye...
wahin in teeno ke beech baitha tha mai aur filhal meri bhi aankhen band thi par mai kuch aur kar raha tha...
mai apne sword ko jo ki mere andar thi,uske andar chhuppi meri shakti ke ek chote se bhaag ko invisible ray me badal apne body par kisi oil ki tarah mal raha tha...
mere is kaam ko meri SWORD ki shield ki wajah se koi detect nahi kar sakta tha, VIDEOUS bhi nahi par koi tha jo bhale hi mere is kaam ko detect nahi kar paa raha tha,par mai jo kar raha tha,usse nikalne waale strong aura ko wo thoda sa hi sahi,sense zaroor kar paa raha tha....
aur ye koi thi WHIZZ HIDA jo aankhon me hairani liya mujhe hi dekhe jaa rahi thi....
khair,jahan ek taraf BRAWNY ek baar firse us bhaar ko jo uske , BRAIN, BODY aur BLOOD feel kar rahe the,jhel nahi paaya aur haar kar aakhen khol baitha,wahin dusri tataf ACCHUTA aur SLUNDER lage rahe aur yahi kaaran tha ki thodi der baad....
in dono ke chest ke upar ek tez roshni khil uthi jisse dekh jahan ek taraf BRAWNY firse maayus ho gaya wahin dusri taraf WHIZZ HIDA khush ho gayi....
aur kuch der baad jab wo roshni kam hui aur ACCHUTA aur SLUNDER ne apni aankhen kholi toh....
HIDA-congrats ACCHUTA, SLUNDER...aisa pehli baar hua hai ki class ke pehle hi din kisi WEAKLING ne apne SOUL ko trigger kar liya ho....
kaafi waqt ke baad dil se khush dikh rahi thi HIDA wahin uski baat sun aur apni is achievement ko mehsoos kar ACCHUTA aur SLUNDER, dono hi khush ho gaye...
aur is beech BRAWNY bas ye soch raha tha ki kya wo kabhi bhi apne SOUL ko trigger kar paayega bhi ki nahi....
ACCHUTA aur SLUNDER ko congratulate karne ke baad...
HIDA- BRAWNY nirash mat ho...aur try karte raho...ek na ek din tum zaroor kaamiyab hoge...
BRAWNY ke chehre par dikhne waali nirasha ko bhaampte hue HIDA ne ye baat kahi jiske baad BRAWNY dobara paalthi maarkar baith gaya taaki firse try kar sake...
aur uske aisa karne ke baad..
HIDA-RAAZ....is taraf aao....
ACCHUTA aur SLUNDER se thoda door jaati hui HIDA ne mujhe apne saath aane ke liye kaha jispar mai unki taraf badh chala...
BACK TO VIDEOUS:-
MABBA-thodi der pehle pain ke liye jin do SPELLS ke baare me bataya gaya tha,ASRAVA,ASUKA..in do SPELLS ke baad pain ko badhane ke order me aur teen SPELLS aate hain jo hain PRAISA,AGHA aur finally bola jaata hak VIRADHANA jo ki dead spell se bhi zyada dard deta hai...
maine saare spells pain growth ke hisaab se hi ascending order me bole hain,inko issi order me memmorize kariye...
jahan MABBA ke bolte hi un chaaron ne turant un paanchon SPELLS ko memmorize kar liya wahin VIDEOUS bas shaant hi khada raha...
SAB-done WHIZZ...
spell memmorize karte hi chaaron SAVENTS ke mooh se ye nikla jiske baad...
MABBA-MAHI aur ALFREEN aap dono ek dusre ki taraf chehra karkar khade ho jaaiye...
MABEL aur VALDIS,aap bhi aisa hi kijiye...
MABBA ne jaisa bola,chaaron ne waisa kar diya jiske baad..
MABBA-VALDIS...aap mere saath ye demonstration karenge isiliye aap mujhe face karkar mere saamne khade ho jaaiye....
jahan MABBA ki baat sun VIDEOUS turant unke saamne aakar khada ho gaya wahin MABBA ki baat sun ek baar firse REGIS aur SAPIUS hauran bhi ho gaye aur saath hi pareshan bhi...
wo dono hi jaan chuke the ki MABBA ab VIDEOUS ko pain dene waali hai par wo dono ye nahi samajh paa rahe the ki wo aisa kyun kar rahi hai par wo dono kuch kar bhi toh sakte nahi the aur isiliye wo shaant hi rahe..
MABBA- COMMAND MODE ke tahat aap sabko ye spell man hi man uccharit karna hai....shuru kijiye..
MABBA ke bolte hi un chaaron ne pehle apne CEREBRATION ko pause kiya aur fir AADSHAM bolne ke baad
ASRAVA.....
man hi man is spell ko uccharit kiya ek dusre ko dekh kar un chaaron ne jiske baad un sabhi ke body me pain hone laga...
wahin spell bolne ki wajah se un sabko apne andar ek bhaaripan bhi mehsoos hone laga tha...
wahin VIDEOUS ko dekh MABBA ne bhi man hi man ASRAVA kaha tha aur fir kuch der wait karne ke baad usne apne man me kaha ASUKA jo ki second level pain ka SPELL tha...
par jahan is SPELL ko uccharit karne ke baad iske dono hi prabhav,pain aur spell uccharit karne par lagne waale bhaaripan ki wajah se MAHI, ALFREEN, MABEL aur ALFREEN ki haalat kharab ho chuki thi wahin VIDEOUS ke chehre par halki si dard ki lakeer tak nahi dikhi thi jisse dekh MABBA hairan ho gayi thi....
wahin ye sab dekh REGIS aur SAPIUS bhi hairan the.....
VIDEOUS ne ab tak khud koi spell nahi bola tha,wo bas shaant khada hi tha jisse dekh...
MABBA-tum bhi spell bolo VIDEOUS...
MABBA ki baat sun man hi man hasta hue VIDEOUS ke labh hile aur....
VIDEOUS-waar karna asaan hota hai WHIZZ...usse jhelna mushkil... isiliye spell bas aap boliye..i will receive it....
yahan VIDEOUS ki baat sun MABBA ki hairani aur badh gayi thi wahin dusri taraf second level pain ke spell ko kuch der jhelne ke baad ALFREEN, MABEL aur VALDIS ki haalat kharab ho chuki thi aur isiliye un teeno ne quit kar liya tha aur apne dard ko zabt karte hue neeche baith gaye the...
waise halat toh MAHI ki bhi kuch khaas nahi thi par wo third level tak jaane ki haalat me zaroor thi par kyunki uske saamne khadi competitor ALFREEN quit kar chuki thi isiliye MAHI bhi uske saath shaant hokar neeche baith gayi thi..
wahin VIDEOUS ki baat se pehle toh MABBA hairan hui par fir unhe laga jaise VIDEOUS unhe challenge kar raha hai aur isiliye...
PRAISA....third level pain spell man hi man unhone uccharit kiya jiske asar se ab uske andar bhi bharipan ne karwat lena shuru kar diya tha...
wahin ab VIDEOUS ke chehre par bhi dard ki lakeer dikhne lagi thi..(FAKE)
par jab kaafi der tak bhi wo ussi pain waale face ke saath chupchaap khada hi raha toh MABBA ki hairani aur ghussa,dono hi badh gaye...
MABBA jaise bhul hi gayi ki wo koi SAVENT nahi balki ek WHIZZ hai.unhe ab ye ek challenge ki tarah lagne laga tha aur isiliye....
AGHA.....last second level pain ka SPELL uccharit kiya man hi man MABBA ne jiske baad unki khudki haalat thodi thodi kharab honi shuru ho chuki thi..
wahin ab VIDEOUS ke chehre par bhi kaafi dard dikh raha tha par sabko surprise kar wo ab bhi shaant khada hi tha...
aur in sabse alag REGIS aur SAPIUS jinhone MABBA ke man me SPELL uccharit karte waqt usse nikalte AURA ki wajah se ye jaan liya tha ki abhi filhal MABBA ne AGHA spell uccharit kiya hai,unka toh jaise dimag hi fuse ho chuka tha..
pehle toh wo ye nahi samajh paa rahe the ki MABBA ek fresher PHASE 2 SAVENT ke saath jiski aaj pehli hi class hai,aisa kaise kar sakti hak wahin VIDEOUS ki sehensheelta ko dekh bhi unhe achambha hua tha..
kyunki pehle aisa kuch unhone kabhi nahi dekha tha....
khair,kaafi der baad bhi jab VIDEOUS ne quit nahi kiya toh MABBA ka confidence jaise shatter hone laga..unhe laga jaise wo jo kabhi kisise haari nahi thi,aaj ek SAVENT se haarne waali thi aur is khayal ke man me ufante hi unka dinag bhi ufan gaya aur isiliye unhone man hi man PAIN ke final level spell ko uccharit karne ki thaani aur wo aisa kar bhi deti ki...
REGIS-ENOUGH.... aaj ke liye itna kaafi hai....
MABBA ki aankhon me dikhti chingari ko bhaamp gaya tha REGIS aur isiliye usne aisa kaha jiske baad jaise neend se jaagi thi MABBA...
unhe bhi suddenly ehsaas hua ki ghusse me wo kya karne jaa rahi thi...waise toh unhe kisi ke pain se koi lena dena nahi tha par agar jo wo soch rahi thi,wo kar deti toh unhe baaki SAVENTS ke saath pura PHASE nikalna mushkil ho jaata..
wahin is dauran baaki sabhi SAVENTS VIDEOUS ke chehre par ufante dard ko dekh rahe the... MAHI, ALFREEN, MABEL aur VALDIS ko lag raha tha ki MABBA ke dusre level pain ASUKA spell ke prabhaav se hi VIDEOUS ke chehre par dard dikh raha tha aur us dard ko usne itni der tak jhela tha,ye dekh wo sab VIDEOUS se kaafi impressed ho gaye the aur isiliye REGIS ke interference ke baad wo chaaron turant uthe aur VIDEOUS ke paas jaakar usse congratulate karne lage...
wahin kuch der tak khud ko cool karne ke baad....
MABBA-i must say VIDEOUS...kaafi control hai tumhara khudpar...bohot aage jaaoge tum...
SAVENTS,aaj ki class khatm hoti hai...we will see you tomorrow....
ye bol MABBA aur uske saath REGIS aur SAPIUS teeno class se nikal gaye wahin unke jaane ke baad baaki ke SAVENTS bhi class se nikal gaye...
sabke jaane ke baad...
VIDEOUS-bewakuf ladki....kehti hai tum bhi spell bolo...
mere mooh se nikle sukoon dene waale SPELLS bhi dard dete hain...
AGAR MAINE DARD DENE WAALE SPELL BOL DIYE TOH TERI WO NASL JO AB TAK PAIDA BHI NAHI HUI,WO BHI TADAP UTHEGI.....
BACK TO RAAZ:-
KAHIYE WHIZZ...???KYA BAAT HAI...???
mere sawal par HIDA kuch der tak mujhe dekhti rahi aur fir...
HIDA-jab baaki teeno SAVENTS apne SOUL ko trigger karne me lage the,tab tum kya kar rahe the..??
WHIZZ thi HIDA...ek SAVENT se baat kar rahi thi par ab bhi wo behad underconfident lag rahi thi..
MAI-mai SOUL AMPLIFY kar raha tha...
meri baat sun chownki HIDA aur...
HIDA-AMPLIFY!!!par bina SOUL trigger kiye AMPLIFICATION kaise ho sakta hai..???
MAI-hone ko bohot kuch ho sakta hai WHIZZ...bas tarika maalum hona chahiye....
meri baat HIDA samajh toh sakti thi nahi aur isiliye...
MAI-relax WHIZZ...mazak kar raha tha...maine apne SOUL ko pehle hi trigger kar liya hai....
ek baar fir meri baat sun hairan hui HIDA aur fir unhone apna ek haath mere chest par rakha aur...
HIDA- AATMAM TAVASYAM...
SOUL STRENGTH.....
SOUL ke strength ko janane ke liye bola jaata hai ye spell aur HIDA ke aisa karte hi unke haath se ek ray nikal mere andar sama gayi aur aisa hote hi unhe pata chal gaya ki mai sach keh raha tha..
yaani meri SOUL trigger ho chuki thi aur ye pata lagte hi HIDA ki hairani aur badh gayi...
unhone apne haath ko mere chest se hata liya par aisa karte waqt unhe is baat ki bhanak nahi lagi ki unke haathon se ek extra ray nikal mere andar chali gayi thi...
khair,apna haath hata....
HIDA-fir tum WEAKLINGS me kya kar rahe ho..??aaj is PHASE me tumhari pehli class hai aur jab tumne pehle hi apne SOUL ko trigger kar liya tha toh fir tumhe GROOMERS catagory me hona chahiye....
MAI-maine apne soul ko trigger CHOSENS me nahi,balki bahar kiya tha aur isiliye kisiko is baare me maalum nahi hai..
aur waise bhi SOUL trigger karkar GROOMERS me jagah bana paana,ye PHASE 1 ka niyam tha..
PHASE 2 me agar ek WEAKLING ko GROOMERS me shaamil hona hai,toh fir usse apne SOUL ko kamsekam 2 percent AMPLIFY bhi karna hota hai jo filhal mai nahi kar paaya hun...
ek SAVENT kuch bhi kar sakta tha WEAKLING se GROOMERS catagory me upgrade hone ke liye par meri baaton ko sun HIDA ko aisa laga jaise mujhe aisa karne ki koi jaldi nahi hai aur ye baat unki hairani ko aur badhane ke liye kaafi thi...
wahin apni baat keh mai wapas jaane ke liye palat gaya aur maine apne kadam aage badhaye hi the ki...
HIDA-kaun ho tum RAAZ...??? aur kya chhupa rahe ho.....????
akhir wo sawal HIDA ke mooh se nikal hi gaya jo unke man me us waqt se chal raha tha jab se unhone mujhse koi shakti feel ki thi..
wahin unke sawal ko sun mai wapas unki taraf palta aur....
MAI-kya tum jaanti ho ki tum kaun ho...???aur kya chuppa hua hai tumhare andar....
aap ki jagah tum kaha maine par andaz mere bolne ka aisa tha ki andar tak hil si gayi thi HIDA...
saalon saal SAVENTS ne harass kiya tha unhe par tab bhi unhe waisa dar kabhi nahi laga jaisa filhal unhe meri aankhon me dekh kar lagne laga tha...
wahin apni baat keh mai aur thoda aage badha aur thik HIDA ke saamne khada ho gaya...
MAI-
ye dar jo teri aankhon me hai,
ye bas mujhtak hi RAHEGA.....
bohot seh liya tune,
ab tujhe satane waala SAHEGA...
jinhone nikale hain tere aansu,
ab ashk unki aankhon se BAHEGA....
MUJHE MAAF KARDO,tere kahe ye alfaz ab,tera har satane waala tujhse KAHEGA...
AAJ KE LIYE ITNA HI....
AAPKA APNA V..J.....
