Fantasy ATTITUDE (KABHI ANGEL KABHI DEVIL) ( Completed )

  • You need a minimum of 50 Posts to be able to send private messages to other users.
  • Register or Login to get rid of annoying pop-ads.

Iron Man

Try and fail. But never give up trying
Messages
35,492
Reaction score
89,440
Points
173

vj4u

"Be The Wrong That Makes Everything Right"....
Messages
4,565
Reaction score
34,396
Points
173
AB TAK AAPNE PADHA KI JAHAN EK TARAF ALFREEN MAHI KO RAAZ KE SAATH HUI JHADAP KE BAARE ME BATATI HAI WAHIN DUSRI TARAF RAAZ KO RENAISS PLANET ME APNE MISSING SUBCONSCIOUS BRAIN KO HAASIL KARNE KA TARIKA SAMAJH ME AA JAATA HAI.



AB AAGE:-



CHAPTER-1


(UNFOLD THE RAAZ)



UPDATE-40



PLANET-RENAISS


PLACE-THE FLEXIBLE SURFACE




SETU BEDHIN....

BREAKING DOWN BARRIERS.....


BOOM...............


un rays ki jakdan ke beech behad tez dard ko sehte hue maine apni aankhen band ki aur jaise taise khudke CONSCIOUS brain me jhaankte hue apni life ka pehla spell uccharit kiya jiske baad pura PLANET ek dhamake ki awaaz se gunj utha.....

waise yaad toh hoga hi aap sabko ye spell..ye wahi spell tha jisse chaaron WHIZZES aur WHIZZDERS ne sabhi SAVENTS ke conscious brain aur subconsious brain ke beech ki barrier ko todne ke liye bola tha par tab mere paas sirf mera conscious brain hi tha jiski wajah se is spell ka mujhpar koi asar nahi pada tha...

waise toh aaj bhi mere dimag ke andar sirf mera CONSCIOUS brain hi active tha par fir bhi,mere andar naa sahi par mere aas paas toh mera SUBCONSCIOUS brain tha hi aur jin rays ne mujhe jakda tha,un rays se wo brain connected tha jiska matlab tha ki indirectly hi sahi par mere brain ka wo hissa is waqt mujhse bhi connected tha....

par ek aur sabse important baat ye bhi thi ki bhale hi mai apne SUBCONSCIOUS brain ke paas tha,abhi usse bhi connected tha par uske aur mere CONSCIOUS brain ke beech ab bhi ek BARRIER tha jisse mujhe todna tha aur isiliye hi maine is spell ko uccharit kiya aur jaise hi maine ye kiya toh pure planet me ek tez dhamaka hua.....

darasal mere spell ko uccharit karte hi mere CONSCIOUS brain se ek urja nikli aur sidhe un rays ke andar ghus gayi jinhone mujhe jakda hua tha....

un rays ke andar hoti hui wo urja un rekhayen numa nerves me chali gayi aur aisa hote hi is planet me jo ki mera brain hi tha,usme bichhe mere SUBCONSCIOUS brain ke asankhya nerves me ek kampan hone lagi aur fir kuch der baad jab mere CONSCIOUS brain ki urja mere brain ke saare nerves me puri tarah se samayi toh hua ek tez dhamaka....

jiska matlab tha ki mere CONSCIOUS brain aur SUBCONSCIOUS brain ke beech ka barrier toot chuka tha....

is dhamake se do chizen hui...

pehli toh jin rays ne mujhe jakda hua tha,unhone mujhe chhod diya aur wo isiliye kyunki ab tak mera connection is planet se sirf un rays ke through juda tha jaise koi usb chord do devices ko jodta hai par ab kyunki mera conscious brain mere SUBCONSCIOUS brain se jud chuka tha, isiliye ab meri compatibility is planet ke saath kisi Bluetooth ki tarah ho gayi thi...

WIRELESS.....

aur dusri baat jo hui thi wo ye thi ki pehle mai un rays ke jakdan ki wajah se behosh hota tha par ab mere dono brains ke judne aur uski wajah se jo energy realise hui,uski wajah se behosh ho gaya tha....

aur ye koi maamuli behoshi nahi thi....is achahank hue connection ki wajah se mera pura dimag asthir ho gaya tha jisse sthir hone me waqt lagne waala tha aur isiliye tab tak....




PLANET-EYLSIAN


PLACE-CHOSEN'S




SOUL AMPLIFICATION CLASS:-



PRATIBHAVANITA

HOLD......


pure NEW BORNS ki class ne ek saath is SPELL ko uccharit kiya tha jiske baad jo hota hai,wahi hua....

sabhi SAVENTS ne apni apni aankhen khol di par is uccharit kiye gaye spell ki wajah se sabhi ke brain,body aur blood connected hi rahe....


PRATIBANDHANA

BIND THE POWERS


aankhen band kar dobara apne cerebration process ko pause karne ke baad jab sabko apne andar ek behad tivr gurutwakarshan waali ray dikhi toh sabne is spell ko uccharit kiya jiske baad utha sabke andar wo aseem dard jisse sabhi zabt karne me lag gaye.....


aaj SWEEP-STAKE competition ko beete 1 hafta guzar chuka tha... competition se pehle ACCHUTA, SLUNDER aur BROWNY ko chhod baaki sabhi ne apne apne SOUL ko trigger kar liya tha...

RAAZ ki baat yahan isiliye nahi hui kyunki usne toh class hi attend nahi ki thi jiski wajah se filhal usse NEWBORNS ka hissa nahi kaha jaa sakta tha...

khair,is ek hafte me sabhi SAVENTS ne apne soul ke first percent ko AMPLIFY karne ki bohot koshish ki par har baar aisa karne ke waqt uththa dard unki koshish se jeet jaaya karta tha aur abhi bhi wahi hua...

spell uccharit karne ke baad jo hamesha se hota chala jaa raha tha,wahi ab bhi hua....

sabhi SAVENTS ko apna sharir andar se kheenchata hua sa mehsoos hua jisse paida hui asahaniya peeda jiski wajah se teen SAVENTS ko chhod baaki sabhi ki aankhen khul gayi....

MABEL, ALFREEN aur MAHI jinke cerebration process ab bhi paused the,wo apne andar ho rahe asahaniya pida ko sehte hue apne SOUL ko AMPLIFY karne me lage rahe...

ye dagar ALFREEN aur MABEL ke liye kathin thi par MAHI ka case toh aur mushkil tha...

kyunki jahan MABEL aur ALFREEN ko 1 se 2 percent AMPLIFICATION me pahunchne ke liye 10 minute ke pause cerebration process se guzarna tha wahin 2 percent SOUL AMPLIFICATION ke baad isse 3 percent tak trigger karne ke liye MAHI ko un dono se double,20 minute tak apne CEREBRATION process ko pause rakhna tha..

par MAHI ko ek advantage bhi tha aur wo ye ki kyunki usne apne SOUL ko 2 percent tak AMPLIFY kar liya tha isiliye uska sharir,dimag aur khoon, teeno ki shakti bhi kaafi badh gayi thi jisse MAHI ki sehensheelta par bhi asar aaya tha...

ab MAHI zyada se zyada dard sehne ke kaabil ho gayi thi aur isiliye jahan ek taraf MABEL aur ALFREEN ki aankhen 6 se 7 minute tak hi apne cerebration process ko pause rakhne ke baad khul gayi wahin MAHI 15 minute se zyada der tak aisa karti rahi par fir usne bhi apni aankhen khol di....

SOUL ko AMPLIFY karne ka ye daur kaafi mushkil aur lamba chalne waala tha jisme halki si bhi improvement ya vriddhi aaj ya near future me hone waali thi nahi aur isiliye.....



I MONTH LATER:-



WELL DONE MAHI........ek baar fir tum apne SOUL ko AMPLIFY karne me kaamiyab hui......


ye baat bolte waqt VIOLET WHIZZ ke chehre par behad khushi dikh rahi thi.. sirf unki hi nahi balki unke saath khade OMMIN aur NOX bhi bohot khush dikh rahe the....

OPHILIA WHIZZ ka naam isiliye nahi aaya kyunki wo is class me thi hi nahi...

reason...

ek SAVENT jiska naam BROWNY tha,usne abhi tak apne SOUL ko trigger nahi kiya tha aur issi wajah se uski class OPHILIA WHIZZ ke dekh rekh me alag lagti thi...

OPHILIA WHIZZ har mumkin koshish kar rahi thi taaki BROWNY ka SOUL trigger ho jaaye par abhi tak wo kaamiyab nahi ho paayi thi...

khair, MAHI ne aaj apne SOUL ko 3 percent tak AMPLIFY kar liya tha jiski wajah se WHIZZ, WHIZZDERS kaafi khush the aur unse bhi zyada khush the ALFREEN aur MABEL jo MAHI ke baaju me khade hokar usse badhayi de rahe the....

un dono ne baad baaki sabhi SAVENTS ne bhi MAHI ko badhayi di...aaj ki class ka waqt khatm hone waala tha jisse VIOLET WHIZZ batane hi waali thi ki tabhi...


MAHI- WHIZZ,i have a question..???

VIOLET-pucho....

MAHI-kya SOUL ke har percent AMPLIFICATION ke baad agle AMPLIFICATION ke liye double time lagta hai....!!!


MAHI ne ye isiliye picha kyunki 2nd percent AMPLIFICATION ke liye usse 10 minute ka waqt laga tha aur 3rd ke liye 20 minute....


VIOLET-nahi MAHI...sirf 5 percent AMPLIFICATION tak time me addition hota hai,uske baad nahi...

tumhare agle AMPLIFICATION matlab 4th percent ke liye tumhe 40 minutes tak apne CEREBRATION process ko pause rakhna padega aur 5th percent ke liye pure 60 minutes matlab 1 ghante tak tumhe ye karna hoga...

par ek baar tum 5 percent of AMPLIFICATION ko touch kar gayi toh uske baad har AMPLIFICATION ke liye utna hi waqt lagta hai,usse zyada nahi....

par haan, bhale hi 5 percent ke baad time addition band ho jaata hai par iska ye matlab nahi ki chunouti ya taklif ka daayra bhi rook gaya hai....

6th percent se tumhe pain ke saath ek nayi chunouti ka saamna karna padega jo har percent ke saath AMPLIFY hoti chali jaayengi...

MAHI-kaisi chunouti WHIZZ...????

VIOLET-whats the hurry MAHI...??? pehle 5 percent tak toh pahunch jaao..uske baad kya hota hai,ye uske baad hi pata chalega..

filhal enjoy your success....class dismiss....


yahan in sabki class khatm hui aur wahan.....




PLANET-ZEAL


PLACE-THE FLEXIBLE SURFACE



YE MERA SIR iTNA BHAARI KYUN LAG RAHA HAI...????


uththe hi apne sir ko pakadte hue kaha maine....

maine dhyan diya ki ye bhaaripan bhale hi mera pura sir feel kar raha hai par is dard ki neev mere sir ke peeche ke part se hai....

sir bhaari lagna bohot hi normal baat hai khaas kar tab jab aap kisi behoshi se uthe hon par mere case me ye baat bhi normal nahi thi kyunki aaj se pehle maine aisa kuch kabhi feel kiya nahi tha...

ek baat aur thi jo mai mehsoos kar raha tha aur wo ye ki mai is baar kaafi der tak behosh ho gaya tha...

mai ye sab soch hi raha tha ki tabhi.....

mere dimag ke piche ki side me ek jhatka sa laga jisse mere aage ke brain me jo ki mera CONSCIOUS brain tha,usme ek bijli si koundhi aur....


MAI-ek mahine se behosh tha mai......

ye shabd nikle mere mooh se....

reason....

jo jhatka mujhe mere SUBCONSCIOUS brain me laga tha,wo jhatka yahi information thi jo usne mere CONSCIOUS brain ko di thi....

is ganit ko samajhne ke baad mai ek aur baat samajh gaya tha aur wo ye ki meri behoshi ka kaaran mere brains ke beech create hui instability thi jo ab kaafi hadh tak stable ho chuki thi aur issi wajah se mujhe hosh bhi aa chuka tha....

aur jo ye bhaaripan mai mehsoos kar raha tha,ye isiliye tha kyunki abhi mere SUBCONSCIOUS aur CONSCIOUS brain ke beech bas ek connection hua tha,dono ek nahi hue the...yahi mera task tha aur isiliye....


mai apni jagah par baith gaya...aaj pehli baar mai imaandari se apne BRAIN AMPLIFICATION ki class me shirkat lene waala tha....

aakhhen band kar maine apne brain me jhaankte hue apni CEREBRATION process ko pause karna shuru kiya aur mere aisa karte hi....

planet ka surface jo ki mera SUBCONSCIOUS brain ka outer layer tha,usne ek tagda jhatka maara jiski wajah se mai kaafi feet hawa me ucchal gaya....

udta hua sa mai upar gaya aur ulta hota hua sir ke bal mai neeche gira....

SURFACE ke flexible hone ji wajah se mere sir ko chot toh nahi lagi par haan,mera bhaari ho rahe sir ko ek jhatka laga jiski wajah se meri aankhen khul gayi.....

aankh khulte hi maine dekha pure planet ke nerves behad tezi se chamak rahe the aur unse hi vibrations create ho rahi thi par kyunki ab meri aankhen khul gayi thi isiliye dheere dheere wo chamak aur vibrations kam hone lagi aur fir khatm gayi....


MAI- cerebration process ko pause karne ke baad SAVENTS ko jhatke lagte the,aur wo bhi sirf dimag ke andar par mere toh andar bhi dimag hai aur baahar bhi...

toh jhatke bhi do alag alag types ke lagne hain....waah,challenge at it's best....

mera hi dimag,mujhse hi khel raha hai....chalo fir,khelte hain....


ek baar firse mai neeche baitha aur apni aankhen band kar li...

aakhen band karte hi maine apne brain me jhaankna shuru kiya jiske baad jo pichli baar hua tha,wo is baar bhi hua....

mai jahan baitha tha,us surface ne mujhe jhatka dete hue upar ucchal diya aur fir kuch der baad jab mai apne sir ke bal neeche gira toh mere sir ko ek jhatka laga par is baar maine apni aakhen nahi kholi...

mere jabde aapas me bhide hue the aur mai lagatar apne brain me jhaankte hue us ray ki talash me tha jo mere CONSCIOUS aur SUBCONSCIOUS brain ko ek karne waala tha.....

wahin jab maine apni aakhen nahi kholi toh un rekhayen numa nerves se kuch saanp ki shape ki rays nikal
meri taraf badh gayi aur dekhte hi dekhte un rays ne mujhe lapetna shuru kar diya aur aisa hote hi mere brain me jaise blast hone lage....

meri band aankhon ki putiyan tak vibrate hone lagi thi in jhatkon se par fir bhi maine kaafi koshish ki in jhatkon ko sehne ki....

jab un rays ne dekha ki maine apni aakhen ab tak nahi kholi hai toh wo aage badhi aur mere brain se lipat gayi aur aisa hote hi 1000 times zyada impact ke saath mujhe jhatke lagne lage jiski wajah se finally meri ankhen khul hi gayi....

meri ankhen khulte hi un rays ne jinhone mujhe lapeta hua tha, khudko unwind karna shuru kar diya taaki wapas un nerves me sama sake....

par jaise hi un rays numa urja ne khudko unwind kiya aur wapas jaane ko hui....


MAI-maine jaane ko nahi kaha tumhe....khel aamne saamne rehkar khela jaata hai,chhup chhup kar nahi....


apni baat bol maine us ray ko jo ki solid form me thi,apne ek haath se pakad liya....

aur mere aisa karte hi ek baar firse mere brain ke peeche ki taraf jhatke lagne lage..itna hi nahi,planet par biche saare nerves bhi tez chamakne lage the jiski wajah se mere haathon me lipti ray me behte current ka volt bhi kaafi badh gaya tha par fir bhi maine usse chhoda nahi....

sthir aankhen aur jhatke lagne ki wajah se apne asthir body aur brain ke saath mai us ray ko pakde hi raha....

mere brain ke pichle hisse me behad tez jhatke lag rahe the jisse mujhe dard toh bohot ho hi raha tha par saath hi mera CONSCIOUS brain bhi tezi se doud raha tha aur tabhi.....

kuch click hua mujhe aur us ray ko pakde pakde hi maine apni aakhen band kar li aur saath hi pause karne laga apna CEREBRATION.....

par is baar maine kuch alag kiya...isse pehle mai apne CONSCIOUS brain me jhaakte hue aage badhta gaya tha par is baar maine apne brain ke pichle hisse jahan mera SUBCONSCIOUS brain hona chahiye tha,wahan se shuruat ki.....

aakhen band kar dard aur jhatkon ko zabt karte hue maine dekha ki mere brain ka wo hissa kisi andhere universe ki tarah dikh raha tha par mai bina dare is andhakar me utarta chala gaya aur yunhi aage badhte badhte achanak....

mujhe dikhi ek halki si jyoti...ye jyoti wahi judaaw tha,normal terms me kahun toh wo frequency thi jisse ye grah jo ki mera SUBCONSCIOUS brain se covered tha,mere CONSCIOUS brain se jud chuka tha....

us jyoti ko dekhte hi mai aage badha aur uski taraf jaane laga aur mere aisa karte hi......


KADKADKADKAD......


pure planet is zor ki awaaz se kaamp gaya...aisa lag raha tha maano kisi ghar me chori hone waali thi jiska pata uske maalik ko chal gaya tha aur wo is gustaakhi se behad naaraz ho gaya tha...

zor ki awaaz ke baad pure planets me jitne bhi rekhaysn numa nerves thi,unse behad shaktishali nerves nikli aur tezi se meri taraf badhi aur dekhte hi dekhte mai sir se paaon tak un rays me jakda jaa chuka tha.....

mujhe behad shaktishali jhatke dene ke saath saath un rays ne mere gale ko bhi lapet liya tha taaki mera dum ghut jaaye.....

aisi wickat aur dardnaak paristithi me jisme kisika saans lena tak dubhar ho jaata,mai apne brain ko shaant rakhe hue kisi tarah us jyoti ke kareeb jaane laga.....

jaise jaise mai us jyoti ke paas jaa raha tha,waise waise wo jyoti badi hoti jaa rahi thi aur fir.....

mujhe aur aage badhna nahi pada...mere brain aur pure body me lag rahe jhatkon ka andaza us jyoti ko bhi tha aur mere uske kareeb aate hi usse mere nishchayta ki dridhta ka andaza hua aur aisa hone ke agle hi pal wo jyoti ek jhatke se aage badhi aur.....

wo jyoti aage badh sidhe mere CONSCIOUS brain se takrayi aur aisa hote hi...

wo andheri universe achanak roshni se naha gayi.....

mere CONSCIOUS brain se takra wo jyoti wapas piche hati aur fir us jyoti me vibrations hone lagi jiske baad......

un roshni us jyoti ke beech se ek tez kampan ke beech kisi chiz ka maano janm hua...ye chiz aur kuch nahi balki meri SUBCONSCIOUS brain thi...

dheere dheere wo beej roopi SUBCONSCIOUS brain apne aakar ko badhati hui mere CONSCIOUS brain ke piche apna ghar banane lagi...

aur wahin apni aakhen band kiye mai sayad is bramhaand ka pehla aisa shaksh tha jo apne brain ko ugte dekh raha tha...

meri is soch ke beech kuch hi der me mere SUBCONSCIOUS brain ne khud ko badhate hue pura kar liya aur aisa karne ke baad usse ek roshni nikal mere CONSCIOUS brain me pahunchi.ye roshni ek bridge ki tarah thi jisse mere dono brains jud gaye...

aur aisa hote hi ek baar firse laga mere brain ko ek tez jhatka jisse finally meri aankhen khul gayi aur....


MAI-GAZAB....


saamne ke drishya ko dekhkar kaha tha maine ye....

reason....

ab mai apne brain ke upar nahi khada tha..ab mai ussi red and dead planet ke upar khada tha jo ki is Planet ki sacchayi thi....

wo flexible suface ab gayab ho chuka tha ya fir ye kahun ki apne sahi sthaan par pahunch chuka tha....

mere dimag me......

par in sabke beech ek chiz jisse mere andar hona chahiye tha,wo mere saamne hawa me tair rahi thi aur wo thi wo rekhayen jo ki mere SUBCONSCIOUS brain ki nerves thi..

wo nerves jinse saare METAPHYSICAL powers aur magic pure brain me access hota hai....

mera SUBCONSCIOUS brain toh mere andar feed ho chuka tha par uske nerves ab bhi mere saamne hawa me ek badi si jyoti ka roop liye khade the...

aur jab meri nazar us jyoti par padi toh.....


NERVES-mai aapko kyun apnaaun?????

MAI-sawal galat hai tumhara....tumhe mujhe nahi,mujhe tumhe apnana hai...mai tumhara bhaag nahi hun,tum mere bhaag ho....

mai tumse aur tumhare liye nahi bana hun,tum mujhse aur mere liye bane ho....itne saal maine tumhara intezar nahi kiya hai,tumne mera intazar kiya hai...

aur sabse mahatvpurn baat,tumse mera astitva nahi hai,mujhse tumhara astiva hai....

isiliye sahi sawal yeh hai ki mai tumhe kyun apnaaun....????

aur tumhare mujhse puche is betuke sawal ko sunkar mujhe lagta hai ki nahi....tumhare jaise hin buddhi ki mujhe zaroorat nahi hai...


apni baat bol mai palat gaya aur mere aisa karte hi....


SSSSSSSS.....

wo roshni numa nerves turant aage badhi aur mere aage aakar theher gayi....

theherte hi us roshni ne ek human aakruti li aur aisa hone par wo aakruti mere aage jhuk gayi...


NERVES-aapne sahi kaha...mera sawal galat tha...mera astitva aapse hai,aapka mujhse nahi...mujhe prapt karne ki aapne sabhi parikshayen uttirn ki hain aur aapke abhi diye jawab se aapne ye bhi saabit kar diya ki agar mujhe koi sambhal sakta hai, toh wo sirf aap hain...

kripya mujhe grahan kar apna hissa banne ka vardaan den....

MAI-ek baad yaad rakhna... mujhe is baat se fark nahi padta ki tumhari ehmiyat kya hai...???

bhale hi tum mere sir ke mere dimag ke bhaag ho par haisiyat tumhari wahi hai jo filhal tumhari position hai..

mere pairon ke paas,neeche jhuke hue....

isiliye dobara apni marzi se chalne ki koshish mat karna....


meri baat khatm hone ke baad bhi jab wo roshni se bani aakruti chup chaap mere aage jhuki hi rahi toh....


MAI-mai tumhe apnata hun.....


mere aisa bolte hi wo aakruti turant ek roshni ke gole me tabdil hui aur uske agle hi pal.....


meri aankhen band hi chuki thi....band aankhon se mai dekh raha tha ki wo roshni mere sir ke andar ghus mere SUBCONSCIOUS brain ke chaaron taraf ek ghera banane lagi aur dekhte hi dekhte mere SUBCONSCIOUS brain me us roshni ne nerves ka roop ke liya...

aur aisa hote hi mere saath saath ye pura dead planet roshni se naha gaya....

mera sharir halka sa hawa me uth gaya tha....hawa me uth dheere dheere mera sharir kuch der tak ghumta raha aur fir mai neeche aa gaya...

neeche aate hi meri aankhen khul gayi...ab mera yahan kaam khatm ho chuka tha......

aaj mai 25 % tak pura ho chuka tha.....bache the baaki ke 75% jinhe mujhe teen alag alag Planets me jaakar haasil karna tha jinme agla naam tha....


MAI-ANGIS........








AAJ KE LIYE ITNA HI.....







AAPKA APNA V....J.......
 
Last edited:

Vipul

Well-Known Member
Messages
2,184
Reaction score
7,248
Points
143
AB TAK AAPNE PADHA KI SAVENTS KE CHAARON CLASSES SHURU HO CHUKE HAIN.


AB AAGE:-



CHAPTER-1


(UNFOLD THE RAAZ)



UPDATE-27



PLANET-ELYSIAN


PLACE-THE CHOSENS



1 MONTH LATER......



AADESHAM......

ARAMATI.......



SAVENTS ke AADESHAM bolte hi un sabke dimag se ek urja nikli par isse pehle ki wo urja unke sharir se baahar nikle,sabhi ne turant apne apne body aur blood ko feel karte hue ARAMATI jiska matlab STOP hota hai,usse uccharit kiya aur sabke aisa karte hi wo urja baahar naa nikal sabhi SAVENTS ke sharir aur khoon me mil gayi jisse un sabhi ko halka jhatka toh laga but zyada fark nahi pada...

filhal subah ka waqt hai...aur jaisa ki upar padhkar aapko pata chal gaya hoga ki aaj SAVENTS ke classes ko regularly chalte hue 1 month ho chuka hai aur in ek mahine me sabhi SAVENTS ke BRAIN, BODY aur BLOOD ke AMPLIFICATION me kaafi fark aa achuka hai...

jahan sabhike brains spells ke lagatar uccharan ke kaaran aur tez ho gaye hain wahin un sabke bodies bhi pehle se kaafi sakht ho chuke hain...

saath hi un sabke blood me bhi ek AURA ka nirman hone laga hai jiski wajah se sabhi SAVENTS ke sharir ke aage halka sa hi sahi but ek invisible natural shield banane laga tha....

jiski wajah se sabhi ka naa sirf defense strong hota jaa raha tha balki saath hi un sabke 6th sense ki shakti me bhi izafa hua tha...

filhal SAVENTS ka first class matlab BRAIN AMPLIFICATION chalu tha aur ab SAVENTS first MODE ANURODHAM nahi balki MAGIC ka second MODE joki COMMAND tha,usse use me laa rahe the...

aur yahi wajah thi un sabke seekhne ki speed ke rapid hone ki....

par kyunki ye magic ka second MODE tha,isiliye isme hone waala asar bhi zyada tha jiski wajah se ARAMATI kehne ke baad sabhi ke sharir aur khoon me halka tez jhatka laga....

par BODY aur BLOOD ke strong hone ki wajah se sabhi SAVENTS is jhatke ke asar se jaldi hi ubhar bhi chuke the....

wahin in sabke beech MAHI, ALFREEN aur MABEL,ye teeno hi kaafi aage nikal chuki thi...

jahan baaki sabhi BRAIN AMPLIFICATION ki class me 5 se 6 baar hi is use me laane waale procedure ki repeat kar paate the wahin ye teeno 10 se zyada baar aisa karne ke kaabil ban chuke the...

infact MAHI toh isse zyada bhi kar sakti thi but ALFREEN aur MABEL ki wajah se wo bhi bas itne baar hi attempt karti thi but ye baat ALFREEN, MABEL aur saath hi OPHILIA WHIZZ se chuppi nahi thi.....


OPHILIA-welldone SAVENTS....aap sabhi naa sirf COMMAND MODE ke through khudko amplify karne me kaamiyab ho rahe ho balki apni apni AMPLIFICATION ki speed ko bhi lagatar badhate jaa rahe ho...

and MAHI, ALFREEN, MABEL...i must say ki aap teeno ko jo second PHASE ke best group STELLARS me rehne ki liberty mili hai,aap teeno hi uske rightful hakdaar hain....

aap teeno hi apne brains ko jis tarah AMPLIFY karte aa rahe ho,wo sach me kaabile taarif hai....

SAVENTS-thank you WHIZZ....


sabhi SAVENT ne ye thank you bola tha jisse dekh...


OPHILIA-ACCHUTA,SLUNDER...jo bhi baatein maine kahi hain,ye baki sabke liye hai,bas aap dono ke liye nahi....

kyunki aap dono ka hi performance baaki sabhi SAVENTS ke mukable bohot weak hai....and this is not good for your future...

agar aapne jaldi hi khudko buckle up nahi kiya aur apne apne performance me nikhar nahi laaya toh next PHASE aap dono ke liye kaafi tough ho jaayega kyunki abhi jaisi aapki performance aapko us PHASE ke WEAKLINGS catagory me daal degi....

aur us catagory me aap dono ki life style bhi affected hogi...so you both better start focusing....


ACCHUTA dheere se-maar gayi...bina lu***d aur tel ke maar gayi hum dono ki GAA***D...saala,agar izzat utarni hi thi toh akele me utar leti lekin nahi,sabke saamne lene ka shouk chadha hai inhe toh...

SLUNDER-chup kar tu..kya galat kaha WHIZZ ne....baakiyon ke mukable humari performance weak hi toh hai...

aur sabke saamne unhone ye sab isiliye hi bola hai taaki hum embarace feel kare aur apne apne focus ko aur strong banaye...

ACCHUTA-ghante ka strong..yahan jhatka lag lag kar haalat kharab hui padi hai aur ye hume focus karne ko bol rahe hain....

paani ke andar haath pair baandh kar rakh dene ke baad koi bhala tair sakta hai kya...!!!

SLUNDER-jhatke sirf hum dono ko hi lagte hain kya..???baaki sabhi SAVENTS bhi same pain feel karte aa rahe hain but sirf hum hi hain jo aage nahi badh paa rahe...

ACCHUTA-beta mujhe pata tha..apne in asuri daanton ke piche tu WHIZZ ke liye laar chhupaye baitha hai...

tujhe unki baat galat kaise lag sakti hai....!!!

SLUNDER-chi chi chi...apne WHIZZ ke liye koi aisa bolta hai kya???saale,lagta hai WHIZZ ki baat se tera dimagi santulan hil gaya hai...

ACCHUTA- naam ke beech tu LU***D liye ghumta hai toh hil mera kaise sakta hai....???

tu hi hila bhai aur mera sikhaya yogasan karna mat bhuliyo....


ACCHUTA ki baat sun SLUNDER kuch bolne hi waala tha ki....


OPHILIA-so SAVENTS,aaj ki aapki ye class khatm hoti hai... but jaane se pehle aap sabke liye ek anouncement hai...

aapke first teeno classes se aap sabne khudme jo nikhar laaya hai,kal us nikhar ka first test hoga..

kehne ka matlab hai ki kal aap sabka ek chota sa exam hai jisme hum ye check karenge ki aap sab kitna sikhe hain...

so,guyzz,be prepped....


ye bol OPHILIA WHIZZ class se nikal gayi wahin unki baat sun puri class kaafi excited ho chuki thi....



BODY AMPLIFICATION CLASS



STHVIRA PHALAKA

STURDY LAYERS



SPELL uccharit karte hi jaisa pichle ek mahine se hota aa raha hai,aaj phir hua...

ek tez jhatka laga sabhi SAVENTS ko par kyunki ab sabhi ke body layers kaafi strong hone lage the, isiliye kisike bhi mooh se aah nahi nikli siway do SAVENTS ke...

arre wahi do.....hamare dono priya SAVENTS... ACCHUTA aur SLUNDER jinke mooh se halki si hi sahi par karah zaroor nikli jisse OMMIN WHIZZDER ne sun liya tha...

unhe bhi pata tha ki ye dono class ke sabse kamzor SAVENTS hain aur isiliye unhone zyada dhyan nahi diya...

wahin jhatka lagne ke kuch der baad sabhi ka CEREBRATION process wapas shuru ho gaya par aisa hone ke kuch der baad sabhi SAVENTS ne ek baar firse same prakriya repeat ki aur is baar wo sabhi khudke body ko jhatka lagne ke baad bhi kaafi der tak amplify karte rahe jisse dekh OMMIN WHIZZDER kaafi khush hue aur...


OMMIN-kal ke exam ke baare me toh aap sabko pata chal hi gaya hoga...

SAVENTS-yes WHIZZDER...

OMMIN-ummid karta hun ki aap sab usme apna best denge...aaj ki class yahi khatm karte hain...


ye bol OMMIN WHIZZDER bhi class se nikal gaye aur unke baad BLOOD AMPLIFICATION ki class shuru hui jisme bhi saare SAVENTS ne AURAVA VIBHUTIEN spell ko bohot ache se prayog me laate hue apne apne blood se milne waale AURA ko halka sa aur strong kiya aur is prakar aaj ki third class bhi samapt ho gayi...

aur ab baari thi SOUL AMPLIFICATION ki class ki..wo class jisme kisi bhi SAVENT ko abhi tak ek percent ka bhi success haasil nahi hua tha....


SOUL AMPLIFICATION CLASS...


VOILET-mujhe pata hai ki aap sabko is class me 1 mahine ho chuke hain...aap sabhi ne is ek mahine me bohot koshish ki hai apne apne task ko pura karne ki par abhi tak aap sab kaamiyab nahi hue hain...

aur is wajah se aap sabka motivation level bhi thoda down hai...but SAVENTS,jo aapke saath ho raha hai,ye aap se pehle ke sabhi SAVENTS ke saath hi chuka hai...

ATTACH MODE ko trigger karna bohot hi mushkil kaam hota hai... bohot saara waqt aur focus lagta hai isse 1 percent bhi activate karne ke liye...

fishing toh jaante hi honge aap sab...jaise fishing karte waqt ye baat nirdharit nahi hoti ki itna waqt lagega ek machli bhi pakadne me thik waisi hi SOUL AMPLIFICATION ki class bhi hai..

aap bas pure dhairya,focus aur determination ke saath lage rahiye,kaamiyabi zaroor milegi but kyunki kal aap sabka aapke first three AMPLIFICATION ka exam hai
isiliye aaj aap sabko is class se chutti milti hai... apne destinations me jaaiye aur rest kijiye...

kal aapko apni puri energy ki zaroorat padegi.....


MAHI-but WHIZZ,kamsekam ek baar toh try kar lete hain...


MAHI ki baat sun VIOLET muskura uthi.unhe bhi MAHI ke focus aur baakiyon se zyada sikhne ki chah ke baare me pata tha...


VIOLET- MAHI...tumhara lagan,sikhne ke prati tumhari lalak atulniya hai par kabhi kabhi ek break lena bhi zaroori hota hai...

aur khaas kar abhi jab tumhari urja ka tumhare bheetar rehna zyada zaroori hai...isiliye apne ABODE jaaiye aur apne mastishk ko purn viraam dijiye taaki kal wo aur ache se chal sake...

kal milte hain...


ye bol VIOLET WHIZZ class se nikal gaye... WHIZZ ke jaane ke baad sabhi SAVENTS bhi ek ek kar nikalne lage...

MABEL, ALFREEN aur MAHI bhi apne apne ABODES ki taraf chal pade...

kal in sabki pehli pariksha thi air isiliye ye apne apne rate SPELLS ke baare me disscuss karte hue jaa rahe the jiski wajah se ye sabse piche ho chuke the...

discuss karte karte jaate hue achanak MAHI ki nazar ek jagah padi par fir wo ALFREEN aur MABEL ke saath aage badh gayi....

kuch der chalne ke baad MABEL ka ABODE aa chuka tha jiske baad in dono ko bye bol wo apne ABODE ke andar chali gayi..

uske jaane ke baad ALFREEN ne bhi apne ghar jaane ke liye apne kadam aage badhaye par tabhi MAHI ne uska haath pakda aur...


MAHI-ghar nahi..hume pehle kahin aur chalna hai...

ALFREEN-kahin aur???kahan!!!

MAHI-chal...pata chal jaayega...


ye bol MAHI ALFREEN ke saath kuch der pehle jahan uski nazar padi thi,us taraf chal padi...



PLACE-CROSSWAY TO CHOSEN'S



WO,WO TOH RAAZ HAI NAA...!!!!


ye sawal nikla tha ALFREEN ke mooh se jisse sun...


MAHI-haan wahi hai..aur hum ussike paas jaa rahe hain...

ALFREEN-what!!!!but kyun????

MAHI-yaar,humne jo us din kiya tha,uske liye aunty aur uncle se sorry kaha tha but actual sorry toh hume RAAZ se hi maangi chahiye thi...

par itne dino me aisa koi mouka hi nahi aaya jab hum usse maafi maang saken...

but ye time perfect hai,chal jaakar usse apologize kar lete hain...

ALFREEN-arre chhod naa yaar...wo apne raaste aur hum apne fir kyun zabardasti usse chhedna...!!!

MAHI-AL,chedd hum usse already chuke hain aur ussi galti ki wajah se uncle aunty humse naaraz hue the..

aur jab galti ki hai toh maafi maangne me burayi hi kya hai....????

ALFREEN-burayi maafi maangne me nahi hai,balki uske baad jo hoga usme hai..

tu jaanti toh hai usse, ulti khoodi hai uski..jitni bhi sahi baat bolo,utna ulta matlab nikalta hai wo...

pata chala hum maafi maangne gaye aur usne fir kuch naya suna diya....

MAHI-arre aisa kuch nahi hoga...wo tabhi galat bolta hai jab koi usse kuch apne hisaab se karne ko kehta hai....

hum toh bas usse sorry bolne waale hain....sorry bolkar hum apne ABODE ke liye nikal jaayenge...

ALFREEN- pata nahi yaar but mera man nahi hai uski shakal dekhne ka....

MAHI-tu naa bas chup chaap chal......


ye bol MAHI ALFREEN ka haath pakad meri taraf badhne lagi wahin maine bhi un dono ko meri taraf aate dekh liya tha but fir maine apni nazaren ghuma li aur yunhi baitha raha.....


MAHI-hi RAAZ.....

MAI-kuch kaam tha!!!!


mere paas aate hi MAHI ke wish ke jawab me maine sidhe sawal kiya jisse sun MAHI halki si hadbada gayi wahin ALFREEN ne ek baar ghoor kar dekha mujhe...


MAHI-haan,wo hum tumse hamare us din ke behaviour aur harkat ke liye sorry bolna chahte hain...


MAHI ki baat sun mai bas uski taraf dekhta raha jispar...


MAHI-we are really sorry RAAZ..hume tumhare saath waisa nahi karma chahiye tha...


apni baat bol MAHI ne ALFREEN ka haath dabaya jispar....


ALFREEN-sorry....

MAI-sorry.....paanch alphabets ka ye shabd kya us wajah ko mita sakta hai jiski wajah se is shabd ka istemal karna pad raha hai...???


meri tark ko MAHI aur ALFREEN dono hi ache se samajh chuke the...

wo jaan gaye the ki mai us dard ki baat kar raha hun jo mujhe un dono ke current balls ke lagne se hua tha....


MAHI- RAAZ,hum apna past to nahi badal sakte but atleast we can make our present and future better right...!!!

MAI-DEEDS OF OUR PAST AUR THE CREATOR OF OUR FUTURE....


beete kal me kiye gaye hamare karm hi hamare bhavishya ka nirman karte hain...

ALFREEN-kehna kya chahte ho..!!!!jaisa humne tumhare saath kiya tha,waisa hi kuch tum bhi hamare saath karoge...

par kaise????

humne jo kiya aur jis tarah se kiya uske liye jis hunar ki zaroorat hoti hai,wo hai kya tumme????

tumne toh khud hi khudko INSTITUTION se nikal liya hai...and on the contrary we are the best SAVENTS of PHASE 1....

agar galti se bhi tumne humse ulajhne ki koshish ki toh jo pain tumne us din feel kiya tha,usse 10 times zyada feel karoge...


MAHI ALFREEN ko shaant karne ki koshish karti rahi par ALFREEN ne apni bhadas nikal hi di....


MAI-kamal hai...SORRY ka definition aisa bhi hi sakta hai,ye nahi pata tha mujhe....

baat maafi ki,pashchataap ki par bhaavna krodh ki....!!!

kya kaha tha tumne...!!!!!best SAVENTS!!!!

GHUSSA,NAFRAT ya fir aur koi bhi bhaavna ho, genuine honi chahiye.....itna sa hunar nahi hai tumne aur tum best SAVENT ho...????


meri baat sun ALFREEN ko kuch kehte nahi bana but fir bhi wo mujhe ghur ghur kar dekhti rahi wahin MAHI bina kuch kahe, ALFREEN ka haath pakda aur apne ABODE ki taraf nikalne lagi...


MAI-ek baat reh gayi hai....???wo bhi sunte jaao...????


meri awaaz sun dono ke kadam rook gaye aur agle hi pal dono meri taraf palat gaye...


MAI-jo dard mujhe us din tum tum dono ne diya aur agar aage bhi dene ka man kare toh wo dard sharirik hoga aur u
har sharirik dard ki ek samay seema hoti hai...

wo seema khatm,dard khatm par jis din maine tumhe dard diya,toh wo dard tumhe apne sharir ke pare bhi mehsoos hoga aur us dard ki koi samay seema nahi hogi....

aur isiliye hi maine us din bhi kaha tha aur aaj fir kehta hun ki.....

dobara waisa kuch karne ka dil kare,toh bada karna...

itna bada ki meri aankhen kuch aisi band hon ki dobara kabhi naa khulen kyunki agar aisa nahi hua toh....



aakhen band hon,
ya khuli,

sirf MAI DIKHUNGA.....

ek takdir tumhari
KHUDA ne likhi hai,

dusri MAI LIKHUNGA.....







AAJ KE LIYE ITNA HI.....






AAPKA APNA V.J....
Bhai main story cover karne ke bad comment karne ke bare main sichata hun magar har waqt dialog itane jabar dast hote hain automatically comment nikalte hain bhai kya dialogue tha bhai


aakhen band hon,
ya khuli,

sirf MAI DIKHUNGA.....

ek takdir tumhari
KHUDA ne likhi hai,

dusri MAI LIKHUNGA.
 

Chinturocky

Well-Known Member
Messages
4,067
Reaction score
12,025
Points
143
Shaandar to 3 aur update to nischit hi bache hai 1st part ke.
To Raaz ne apna subconscious brain paa hi liya. Aur nerve ko kya behtareen jawab diya, wakai me is attitude ke Saath performance bhi hogi to kya maza aayega.
 

Iron Man

Try and fail. But never give up trying
Messages
35,492
Reaction score
89,440
Points
173
AB TAK AAPNE PADHA KI JAHAN EK TARAF ALFREEN MAHI KO RAAZ KE SAATH HUI JHADAP KE BAARE ME BATATI HAI WAHIN DUSRI TARAF RAAZ KO RENAISS PLANET ME APNE MISSING SUBCONSCIOUS BRAIN KO HAASIL KARNE KA TARIKA SAMAJH ME AA JAATA HAI.



AB AAGE:-



CHAPTER-1


(UNFOLD THE RAAZ)



UPDATE-40



PLANET-ZEAL


PLACE-THE FLEXIBLE SURFACE




SETU BEDHIN....

BREAKING DOWN BARRIERS.....


BOOM...............


un rays ki jakdan ke beech behad tez dard ko sehte hue maine apni aankhen band ki aur jaise taise khudke CONSCIOUS brain me jhaankte hue apni life ka pehla spell uccharit kiya jiske baad pura PLANET ek dhamake ki awaaz se gunj utha.....

waise yaad toh hoga hi aap sabko ye spell..ye wahi spell tha jisse chaaron WHIZZES aur WHIZZDERS ne sabhi SAVENTS ke conscious brain aur subconsious brain ke beech ki barrier ko todne ke liye bola tha par tab mere paas sirf mera conscious brain hi tha jiski wajah se is spell ka mujhpar koi asar nahi pada tha...

waise toh aaj bhi mere dimag ke andar sirf mera CONSCIOUS brain hi active tha par fir bhi,mere andar naa sahi par mere aas paas toh mera SUBCONSCIOUS brain tha hi aur jin rays ne mujhe jakda tha,un rays se wo brain connected tha jiska matlab tha ki indirectly hi sahi par mere brain ka wo hissa is waqt mujhse bhi connected tha....

par ek aur sabse important baat ye bhi thi ki bhale hi mai apne SUBCONSCIOUS brain ke paas tha,abhi usse bhi connected tha par uske aur mere CONSCIOUS brain ke beech ab bhi ek BARRIER tha jisse mujhe todna tha aur isiliye hi maine is spell ko uccharit kiya aur jaise hi maine ye kiya toh pure planet me ek tez dhamaka hua.....

darasal mere spell ko uccharit karte hi mere CONSCIOUS brain se ek urja nikli aur sidhe un rays ke andar ghus gayi jinhone mujhe jakda hua tha....

un rays ke andar hoti hui wo urja un rekhayen numa nerves me chali gayi aur aisa hote hi is planet me jo ki mera brain hi tha,usme bichhe mere SUBCONSCIOUS brain ke asankhya nerves me ek kampan hone lagi aur fir kuch der baad jab mere CONSCIOUS brain ki urja mere brain ke saare nerves me puri tarah se samayi toh hua ek tez dhamaka....

jiska matlab tha ki mere CONSCIOUS brain aur SUBCONSCIOUS brain ke beech ka barrier toot chuka tha....

is dhamake se do chizen hui...

pehli toh jin rays ne mujhe jakda hua tha,unhone mujhe chhod diya aur wo isiliye kyunki ab tak mera connection is planet se sirf un rays ke through juda tha jaise koi usb chord do devices ko jodta hai par ab kyunki mera conscious brain mere SUBCONSCIOUS brain se jud chuka tha, isiliye ab meri compatibility is planet ke saath kisi Bluetooth ki tarah ho gayi thi...

WIRELESS.....

aur dusri baat jo hui thi wo ye thi ki pehle mai un rays ke jakdan ki wajah se behosh hota tha par ab mere dono brains ke judne aur uski wajah se jo energy realise hui,uski wajah se behosh ho gaya tha....

aur ye koi maamuli behoshi nahi thi....is achahank hue connection ki wajah se mera pura dimag asthir ho gaya tha jisse sthir hone me waqt lagne waala tha aur isiliye tab tak....




PLANET-EYLSIAN


PLACE-CHOSEN'S




SOUL AMPLIFICATION CLASS:-



PRATIBHAVANITA

HOLD......


pure NEW BORNS ki class ne ek saath is SPELL ko uccharit kiya tha jiske baad jo hota hai,wahi hua....

sabhi SAVENTS ne apni apni aankhen khol di par is uccharit kiye gaye spell ki wajah se sabhi ke brain,body aur blood connected hi rahe....


PRATIBANDHANA

BIND THE POWERS


aankhen band kar dobara apne cerebration process ko pause karne ke baad jab sabko apne andar ek behad tivr gurutwakarshan waali ray dikhi toh sabne is spell ko uccharit kiya jiske baad utha sabke andar wo aseem dard jisse sabhi zabt karne me lag gaye.....


aaj SWEEP-STAKE competition ko beete 1 hafta guzar chuka tha... competition se pehle ACCHUTA, SLUNDER aur BROWNY ko chhod baaki sabhi ne apne apne SOUL ko trigger kar liya tha...

RAAZ ki baat yahan isiliye nahi hui kyunki usne toh class hi attend nahi ki thi jiski wajah se filhal usse NEWBORNS ka hissa nahi kaha jaa sakta tha...

khair,is ek hafte me sabhi SAVENTS ne apne soul ke first percent ko AMPLIFY karne ki bohot koshish ki par har baar aisa karne ke waqt uththa dard unki koshish se jeet jaaya karta tha aur abhi bhi wahi hua...

spell uccharit karne ke baad jo hamesha se hota chala jaa raha tha,wahi ab bhi hua....

sabhi SAVENTS ko apna sharir andar se kheenchata hua sa mehsoos hua jisse paida hui asahaniya peeda jiski wajah se teen SAVENTS ko chhod baaki sabhi ki aankhen khul gayi....

MABEL, ALFREEN aur MAHI jinke cerebration process ab bhi paused the,wo apne andar ho rahe asahaniya pida ko sehte hue apne SOUL ko AMPLIFY karne me lage rahe...

ye dagar ALFREEN aur MABEL ke liye kathin thi par MAHI ka case toh aur mushkil tha...

kyunki jahan MABEL aur ALFREEN ko 1 se 2 percent AMPLIFICATION me pahunchne ke liye 10 minute ke pause cerebration process se guzarna tha wahin 2 percent SOUL AMPLIFICATION ke baad isse 3 percent tak trigger karne ke liye MAHI ko un dono se double,20 minute tak apne CEREBRATION process ko pause rakhna tha..

par MAHI ko ek advantage bhi tha aur wo ye ki kyunki usne apne SOUL ko 2 percent tak AMPLIFY kar liya tha isiliye uska sharir,dimag aur khoon, teeno ki shakti bhi kaafi badh gayi thi jisse MAHI ki sehensheelta par bhi asar aaya tha...

ab MAHI zyada se zyada dard sehne ke kaabil ho gayi thi aur isiliye jahan ek taraf MABEL aur ALFREEN ki aankhen 6 se 7 minute tak hi apne cerebration process ko pause rakhne ke baad khul gayi wahin MAHI 15 minute se zyada der tak aisa karti rahi par fir usne bhi apni aankhen khol di....

SOUL ko AMPLIFY karne ka ye daur kaafi mushkil aur lamba chalne waala tha jisme halki si bhi improvement ya vriddhi aaj ya near future me hone waali thi nahi aur isiliye.....



I MONTH LATER:-



WELL DONE MAHI........ek baar fir tum apne SOUL ko AMPLIFY karne me kaamiyab hui......


ye baat bolte waqt VIOLET WHIZZ ke chehre par behad khushi dikh rahi thi.. sirf unki hi nahi balki unke saath khade OMMIN aur NOX bhi bohot khush dikh rahe the....

OPHILIA WHIZZ ka naam isiliye nahi aaya kyunki wo is class me thi hi nahi...

reason...

ek SAVENT jiska naam BROWNY tha,usne abhi tak apne SOUL ko trigger nahi kiya tha aur issi wajah se uski class OPHILIA WHIZZ ke dekh rekh me alag lagti thi...

OPHILIA WHIZZ har mumkin koshish kar rahi thi taaki BROWNY ka SOUL trigger ho jaaye par abhi tak wo kaamiyab nahi ho paayi thi...

khair, MAHI ne aaj apne SOUL ko 3 percent tak AMPLIFY kar liya tha jiski wajah se WHIZZ, WHIZZDERS kaafi khush the aur unse bhi zyada khush the ALFREEN aur MABEL jo MAHI ke baaju me khade hokar usse badhayi de rahe the....

un dono ne baad baaki sabhi SAVENTS ne bhi MAHI ko badhayi di...aaj ki class ka waqt khatm hone waala tha jisse VIOLET WHIZZ batane hi waali thi ki tabhi...


MAHI- WHIZZ,i have a question..???

VIOLET-pucho....

MAHI-kya SOUL ke har percent AMPLIFICATION ke baad agle AMPLIFICATION ke liye double time lagta hai....!!!


MAHI ne ye isiliye picha kyunki 2nd percent AMPLIFICATION ke liye usse 10 minute ka waqt laga tha aur 3rd ke liye 20 minute....


VIOLET-nahi MAHI...sirf 5 percent AMPLIFICATION tak time me addition hota hai,uske baad nahi...

tumhare agle AMPLIFICATION matlab 4th percent ke liye tumhe 40 minutes tak apne CEREBRATION process ko pause rakhna padega aur 5th percent ke liye pure 60 minutes matlab 1 ghante tak tumhe ye karna hoga...

par ek baar tum 5 percent of AMPLIFICATION ko touch kar gayi toh uske baad har AMPLIFICATION ke liye utna hi waqt lagta hai,usse zyada nahi....

par haan, bhale hi 5 percent ke baad time addition band ho jaata hai par iska ye matlab nahi ki chunouti ya taklif ka daayra bhi rook gaya hai....

6th percent se tumhe pain ke saath ek nayi chunouti ka saamna karna padega jo har percent ke saath AMPLIFY hoti chali jaayengi...

MAHI-kaisi chunouti WHIZZ...????

VIOLET-whats the hurry MAHI...??? pehle 5 percent tak toh pahunch jaao..uske baad kya hota hai,ye uske baad hi pata chalega..

filhal enjoy your success....class dismiss....


yahan in sabki class khatm hui aur wahan.....




PLANET-ZEAL


PLACE-THE FLEXIBLE SURFACE



YE MERA SIR iTNA BHAARI KYUN LAG RAHA HAI...????


uththe hi apne sir ko pakadte hue kaha maine....

maine dhyan diya ki ye bhaaripan bhale hi mera pura sir feel kar raha hai par is dard ki neev mere sir ke peeche ke part se hai....

sir bhaari lagna bohot hi normal baat hai khaas kar tab jab aap kisi behoshi se uthe hon par mere case me ye baat bhi normal nahi thi kyunki aaj se pehle maine aisa kuch kabhi feel kiya nahi tha...

ek baat aur thi jo mai mehsoos kar raha tha aur wo ye ki mai is baar kaafi der tak behosh ho gaya tha...

mai ye sab soch hi raha tha ki tabhi.....

mere dimag ke piche ki side me ek jhatka sa laga jisse mere aage ke brain me jo ki mera CONSCIOUS brain tha,usme ek bijli si koundhi aur....


MAI-ek mahine se behosh tha mai......

ye shabd nikle mere mooh se....

reason....

jo jhatka mujhe mere SUBCONSCIOUS brain me laga tha,wo jhatka yahi information thi jo usne mere CONSCIOUS brain ko di thi....

is ganit ko samajhne ke baad mai ek aur baat samajh gaya tha aur wo ye ki meri behoshi ka kaaran mere brains ke beech create hui instability thi jo ab kaafi hadh tak stable ho chuki thi aur issi wajah se mujhe hosh bhi aa chuka tha....

aur jo ye bhaaripan mai mehsoos kar raha tha,ye isiliye tha kyunki abhi mere SUBCONSCIOUS aur CONSCIOUS brain ke beech bas ek connection hua tha,dono ek nahi hue the...yahi mera task tha aur isiliye....


mai apni jagah par baith gaya...aaj pehli baar mai imaandari se apne BRAIN AMPLIFICATION ki class me shirkat lene waala tha....

aakhhen band kar maine apne brain me jhaankte hue apni CEREBRATION process ko pause karna shuru kiya aur mere aisa karte hi....

planet ka surface jo ki mera SUBCONSCIOUS brain ka outer layer tha,usne ek tagda jhatka maara jiski wajah se mai kaafi feet hawa me ucchal gaya....

udta hua sa mai upar gaya aur ulta hota hua sir ke bal mai neeche gira....

SURFACE ke flexible hone ji wajah se mere sir ko chot toh nahi lagi par haan,mera bhaari ho rahe sir ko ek jhatka laga jiski wajah se meri aankhen khul gayi.....

aankh khulte hi maine dekha pure planet ke nerves behad tezi se chamak rahe the aur unse hi vibrations create ho rahi thi par kyunki ab meri aankhen khul gayi thi isiliye dheere dheere wo chamak aur vibrations kam hone lagi aur fir khatm gayi....


MAI- cerebration process ko pause karne ke baad SAVENTS ko jhatke lagte the,aur wo bhi sirf dimag ke andar par mere toh andar bhi dimag hai aur baahar bhi...

toh jhatke bhi do alag alag types ke lagne hain....waah,challenge at it's best....

mera hi dimag,mujhse hi khel raha hai....chalo fir,khelte hain....


ek baar firse mai neeche baitha aur apni aankhen band kar li...

aakhen band karte hi maine apne brain me jhaankna shuru kiya jiske baad jo pichli baar hua tha,wo is baar bhi hua....

mai jahan baitha tha,us surface ne mujhe jhatka dete hue upar ucchal diya aur fir kuch der baad jab mai apne sir ke bal neeche gira toh mere sir ko ek jhatka laga par is baar maine apni aakhen nahi kholi...

mere jabde aapas me bhide hue the aur mai lagatar apne brain me jhaankte hue us ray ki talash me tha jo mere CONSCIOUS aur SUBCONSCIOUS brain ko ek karne waala tha.....

wahin jab maine apni aakhen nahi kholi toh un rekhayen numa nerves se kuch saanp ki shape ki rays nikal
meri taraf badh gayi aur dekhte hi dekhte un rays ne mujhe lapetna shuru kar diya aur aisa hote hi mere brain me jaise blast hone lage....

meri band aankhon ki putiyan tak vibrate hone lagi thi in jhatkon se par fir bhi maine kaafi koshish ki in jhatkon ko sehne ki....

jab un rays ne dekha ki maine apni aakhen ab tak nahi kholi hai toh wo aage badhi aur mere brain se lipat gayi aur aisa hote hi 1000 times zyada impact ke saath mujhe jhatke lagne lage jiski wajah se finally meri ankhen khul hi gayi....

meri ankhen khulte hi un rays ne jinhone mujhe lapeta hua tha, khudko unwind karna shuru kar diya taaki wapas un nerves me sama sake....

par jaise hi un rays numa urja ne khudko unwind kiya aur wapas jaane ko hui....


MAI-maine jaane ko nahi kaha tumhe....khel aamne saamne rehkar khela jaata hai,chhup chhup kar nahi....


apni baat bol maine us ray ko jo ki solid form me thi,apne ek haath se pakad liya....

aur mere aisa karte hi ek baar firse mere brain ke peeche ki taraf jhatke lagne lage..itna hi nahi,planet par biche saare nerves bhi tez chamakne lage the jiski wajah se mere haathon me lipti ray me behte current ka volt bhi kaafi badh gaya tha par fir bhi maine usse chhoda nahi....

sthir aankhen aur jhatke lagne ki wajah se apne asthir body aur brain ke saath mai us ray ko pakde hi raha....

mere brain ke pichle hisse me behad tez jhatke lag rahe the jisse mujhe dard toh bohot ho hi raha tha par saath hi mera CONSCIOUS brain bhi tezi se doud raha tha aur tabhi.....

kuch click hua mujhe aur us ray ko pakde pakde hi maine apni aakhen band kar li aur saath hi pause karne laga apna CEREBRATION.....

par is baar maine kuch alag kiya...isse pehle mai apne CONSCIOUS brain me jhaakte hue aage badhta gaya tha par is baar maine apne brain ke pichle hisse jahan mera SUBCONSCIOUS brain hona chahiye tha,wahan se shuruat ki.....

aakhen band kar dard aur jhatkon ko zabt karte hue maine dekha ki mere brain ka wo hissa kisi andhere universe ki tarah dikh raha tha par mai bina dare is andhakar me utarta chala gaya aur yunhi aage badhte badhte achanak....

mujhe dikhi ek halki si jyoti...ye jyoti wahi judaaw tha,normal terms me kahun toh wo frequency thi jisse ye grah jo ki mera SUBCONSCIOUS brain se covered tha,mere CONSCIOUS brain se jud chuka tha....

us jyoti ko dekhte hi mai aage badha aur uski taraf jaane laga aur mere aisa karte hi......


KADKADKADKAD......


pure planet is zor ki awaaz se kaamp gaya...aisa lag raha tha maano kisi ghar me chori hone waali thi jiska pata uske maalik ko chal gaya tha aur wo is gustaakhi se behad naaraz ho gaya tha...

zor ki awaaz ke baad pure planets me jitne bhi rekhaysn numa nerves thi,unse behad shaktishali nerves nikli aur tezi se meri taraf badhi aur dekhte hi dekhte mai sir se paaon tak un rays me jakda jaa chuka tha.....

mujhe behad shaktishali jhatke dene ke saath saath un rays ne mere gale ko bhi lapet liya tha taaki mera dum ghut jaaye.....

aisi wickat aur dardnaak paristithi me jisme kisika saans lena tak dubhar ho jaata,mai apne brain ko shaant rakhe hue kisi tarah us jyoti ke kareeb jaane laga.....

jaise jaise mai us jyoti ke paas jaa raha tha,waise waise wo jyoti badi hoti jaa rahi thi aur fir.....

mujhe aur aage badhna nahi pada...mere brain aur pure body me lag rahe jhatkon ka andaza us jyoti ko bhi tha aur mere uske kareeb aate hi usse mere nishchayta ki dridhta ka andaza hua aur aisa hone ke agle hi pal wo jyoti ek jhatke se aage badhi aur.....

wo jyoti aage badh sidhe mere CONSCIOUS brain se takrayi aur aisa hote hi...

wo andheri universe achanak roshni se naha gayi.....

mere CONSCIOUS brain se takra wo jyoti wapas piche hati aur fir us jyoti me vibrations hone lagi jiske baad......

un roshni us jyoti ke beech se ek tez kampan ke beech kisi chiz ka maano janm hua...ye chiz aur kuch nahi balki meri SUBCONSCIOUS brain thi...

dheere dheere wo beej roopi SUBCONSCIOUS brain apne aakar ko badhati hui mere CONSCIOUS brain ke piche apna ghar banane lagi...

aur wahin apni aakhen band kiye mai sayad is bramhaand ka pehla aisa shaksh tha jo apne brain ko ugte dekh raha tha...

meri is soch ke beech kuch hi der me mere SUBCONSCIOUS brain ne khud ko badhate hue pura kar liya aur aisa karne ke baad usse ek roshni nikal mere CONSCIOUS brain me pahunchi.ye roshni ek bridge ki tarah thi jisse mere dono brains jud gaye...

aur aisa hote hi ek baar firse laga mere brain ko ek tez jhatka jisse finally meri aankhen khul gayi aur....


MAI-GAZAB....


saamne ke drishya ko dekhkar kaha tha maine ye....

reason....

ab mai apne brain ke upar nahi khada tha..ab mai ussi red and dead planet ke upar khada tha jo ki is Planet ki sacchayi thi....

wo flexible suface ab gayab ho chuka tha ya fir ye kahun ki apne sahi sthaan par pahunch chuka tha....

mere dimag me......

par in sabke beech ek chiz jisse mere andar hona chahiye tha,wo mere saamne hawa me tair rahi thi aur wo thi wo rekhayen jo ki mere SUBCONSCIOUS brain ki nerves thi..

wo nerves jinse saare METAPHYSICAL powers aur magic pure brain me access hota hai....

mera SUBCONSCIOUS brain toh mere andar feed ho chuka tha par uske nerves ab bhi mere saamne hawa me ek badi si jyoti ka roop liye khade the...

aur jab meri nazar us jyoti par padi toh.....


NERVES-mai aapko kyun apnaaun?????

MAI-sawal galat hai tumhara....tumhe mujhe nahi,mujhe tumhe apnana hai...mai tumhara bhaag nahi hun,tum mere bhaag ho....

mai tumse aur tumhare liye nahi bana hun,tum mujhse aur mere liye bane ho....itne saal maine tumhara intezar nahi kiya hai,tumne mera intazar kiya hai...

aur sabse mahatvpurn baat,tumse mera astitva nahi hai,mujhse tumhara astiva hai....

isiliye sahi sawal yeh hai ki mai tumhe kyun apnaaun....????

aur tumhare mujhse puche is betuke sawal ko sunkar mujhe lagta hai ki nahi....tumhare jaise hin buddhi ki mujhe zaroorat nahi hai...


apni baat bol mai palat gaya aur mere aisa karte hi....


SSSSSSSS.....

wo roshni numa nerves turant aage badhi aur mere aage aakar theher gayi....

theherte hi us roshni ne ek human aakruti li aur aisa hone par wo aakruti mere aage jhuk gayi...


NERVES-aapne sahi kaha...mera sawal galat tha...mera astitva aapse hai,aapka mujhse nahi...mujhe prapt karne ki aapne sabhi parikshayen uttirn ki hain aur aapke abhi diye jawab se aapne ye bhi saabit kar diya ki agar mujhe koi sambhal sakta hai, toh wo sirf aap hain...

kripya mujhe grahan kar apna hissa banne ka vardaan den....

MAI-ek baad yaad rakhna... mujhe is baat se fark nahi padta ki tumhari ehmiyat kya hai...???

bhale hi tum mere sir ke mere dimag ke bhaag ho par haisiyat tumhari wahi hai jo filhal tumhari position hai..

mere pairon ke paas,neeche jhuke hue....

isiliye dobara apni marzi se chalne ki koshish mat karna....


meri baat khatm hone ke baad bhi jab wo roshni se bani aakruti chup chaap mere aage jhuki hi rahi toh....


MAI-mai tumhe apnata hun.....


mere aisa bolte hi wo aakruti turant ek roshni ke gole me tabdil hui aur uske agle hi pal.....


meri aankhen band hi chuki thi....band aankhon se mai dekh raha tha ki wo roshni mere sir ke andar ghus mere SUBCONSCIOUS brain ke chaaron taraf ek ghera banane lagi aur dekhte hi dekhte mere SUBCONSCIOUS brain me us roshni ne nerves ka roop ke liya...

aur aisa hote hi mere saath saath ye pura dead planet roshni se naha gaya....

mera sharir halka sa hawa me uth gaya tha....hawa me uth dheere dheere mera sharir kuch der tak ghumta raha aur fir mai neeche aa gaya...

neeche aate hi meri aankhen khul gayi...ab mera yahan kaam khatm ho chuka tha......

aaj mai 25 % tak pura ho chuka tha.....bache the baaki ke 75% jinhe mujhe teen alag alag Planets me jaakar haasil karna tha jinme agla naam tha....


MAI-ANGIS........








AAJ KE LIYE ITNA HI.....







AAPKA APNA V....J.......
:reading:
 
Top

Dear User!

We found that you are blocking the display of ads on our site.

Please add it to the exception list or disable AdBlock.

Our materials are provided for FREE and the only revenue is advertising.

Thank you for understanding!