Update - 84
Ab tak...
Nisha : aur yahi hai sacchayi...
Nisha ne jese hi bolna band kiya uski aankho me aasu the, saamne baithe sabhi log sach jaan ke stabdh the, ladies me sabhi rone lagi, mukesh aur rupesh jese tese khud ko sambhaale hue the.
Nikita (rote hue) : ye yaha pe hi khatam nahi hota aunty... Mujhe bhi kuch kehna hai!!
Ab aage...
Nisha : ?? Kya?? Kya kehna hai nikita?
Nikita (cries) : rahul bhaiya ke baare me...
Aarti : kaho beta... Kya kehna hai?
Nikita : jii...mom!! Baat ye hai ki...
*Flashback*
Baat Aaj se 7 saal pehle ki hai, jab ye sab ghatna hui aur rahul ne saara ilzaam apne sar par le liya tha. Agle din hi uski gudiya yaani ki neha ka b'day tha.
"Aaj toh nehu ka b'day hai! Kameeni abhi tak invitation bhi nahi bheji mujhe! Party de bhi rahi hai ya nahi?" Baithe hue nikita nashta kar rahi thi subah aur neha ki b'day party ke baare me soch rahi thi.
Abhi wo soch hi rahi thi ki itne me hi uska keypad waala phone bajne lagta hai aur wo phone uthaati hai toh neha ka hi tha.
Nikita : hello?
Neha : haa!
Nikita : kameeni kahi kii! Subah tujhe wish karne ke liye phone lagayi toh uthaayi bhi nahi tu.
Neha : haa wo sorry! Late uthi!
Nikita : aaj toh jaldi uth jaati kam se kam madam? Janmdin hai tumhara!? Happy Birthday to my bestest friend!
Kaha se jaldi uth jaati neha? Raat bhar so hi nahi paayi bechaari. Raat me jo kuch bhi hua wo uski zindagi ka sabse bura waqt tha. Iss se bada sadma neha ko kabhi nahi laga tha. Poori raat roti jo rahi.
Neha : hmm! Thank you!
Nikita : ye tu itni ukhdi ukhdi tarah kyu baat kar rahi hai? Kuch hua hai kya?
Neha : Nahi toh? Kya hua? Mujhe kya hua? Sab sahi toh hai!
Nikita : o...okay!
Neha : shaam 7 baje se party hai hotel xxxxxxx me. Aa jaana yaad se.
Nikita : ohh! Okay! Chal fir party me milte hai.
*Call ends*
Rajesh ne jo itni badi galti kii thi. Usse sudhaarna toh ab ussi ka kaam tha. Usne subah hi neha ke b'day ke liye shaam ke liye hotel me arrangements ke liye call kar diya tha.
Neha toh poori tarah se toot chuki thi. Wo din bhar apne room me roti hi rahi. Khud ko samjhaati par fir firse rone lagti. Uski chaahat hi itni thi rahul ke liye. Kayi baar toh uska mann hi nahi maanta tha ki rahul ne aisa kiya hai.
Shaam hui, invitation ke According sabhi invited guests pohuch gaye venue par aur party shuru hui.
Neha rahul ko face nahi karna chaah rahi thi. Ye pal uske liye sabse kathin pal tha. Usse samajh nahi aa raha tha ki wo kya kare. Ek raat me kitna kuch badal gaya. Jis bhai se wo itna pyaar karti thi ussi bhai ne uske saath aisa kiya.
Nikita jab apni family ke saath pohuchi toh neha ko sabhi ne wish kiya, gifts diye, aur sabhi party enjoy karne lage.
"Happy birthday nehaaaa" ek awaaz aayi aur nikita ne jab dekha toh uski bauhe tension ke maare sikud gayi.
Ye lucky tha. Lucky ek friend hone ke naate neha ne usse invite kiya tha. Par uske aane se rahul nikita aur rajesh teeno hi khush nahi the. Aisa isliye kyuki ye teeno ko iss baat ka abhaas tha ki ye lucky kuch sahi nahi hai.
Rahul toh khaaskar uspe hi nazar rakh raha tha. Uske school ke kuch juniors harr waqt khabar dete rehte the ki lucky neha ke saath kesa behave karta hai aur peeth peeche kya kya baatein karta hai.
Party chal rahi thi aur rahul thodi dur khada hua tha. Sabhi ne ye baat notice kari aur rajesh aur nisha se pucha bhi iss baare me toh dono ne yahi jawaab diya ki dono ke beech thoda jhagda ho gaya hai thode din me sulajh jaega.
Baccho ke jhagde ke baare me soch kar logo ne zyaada prashn nahi kiya kyuki siblings me jhagde toh hote hi rehte hai. Koi nayi baat nahi thi.
Rahul dur khada snacks khaa raha tha ki usse dikhaayi diya ki lucky ke kaan me ek ladka kuch bolta hai aur lucky ekdum se khush ho jaata hai.
Uske baad wahi ladka baahar nikalta hai aur uske peeche peeche rahul uska chhup kar peeche karne lagta hai.
Ladka nikal ke car me se ek cake ka box nikaalta hai aur fir jeb me se kuch pudiya nikaalta hai aur uss cake ke box ko kholkar cake par chidhakne lagta hai.
Abhi wo ye kaam itminaan se kar raha hota hai ki ekdum se uski gardan par ek mazboot haath ki pakad bandhti hai. Ladka ghabra ke peeche dekhta hai aur rahul ke dekh ke uske hosh udd jaate hai.
Rahul : kyu bey? Kya kar raha hai yaha?
Ladka (ghabra ke) : wo..wo cake le jaa raha tha. Neha ke liye. Lucky bhai ne mangwaaya hai.
Rahul : accha? Aur ye cake me kya milaaya hai?
Ladka (darr ke) : wo...wo... Wo kuch nahi...kuch bhi toh nahi!
Rahul bina kuch bole usko side me ghaseetata hai aur usse do ghuse muh pe hi raseed ke jadd deta hai. Bechaare ladke ko gaand hi fatt jaati hai. Do ghuse me hi uski haalat kharaab ho jaati hai aur wo gidgidaane lagta hai.
Rahul : ab bol! Sach sach!
Ladka : wo...wo... Ye koi powder hai. Lucky bhai ne bola tha cake me mila ke laana.
Rahul : kyu?
Ladka : wo ye cake sirf neha ke liye hai. Jab wo ye cake khaegi toh usse kuch kuch hone lagega.
Rahul : kya?
Ladka : mujhe nahi pata. Lucky bhai ne bola tha ki neha ko kuch kuch hone lagega aur fir lucky bhai neha ko kiss karenge chupke me. Toh neha khushi khushi karwaegi.
Ye baat sunte hi rahul itna aag baboola ho gaya ki usne 2 ghuse aur jadd diye uss ladke ko.
Rahul ne andaaza lagaaya ki ye powder aur kuch nahi ek aphrodisiac type ka hi hoga. Lucky ko kisi ne bataya hoga ki isse mila dena aur ladki ko zyaada hosh nahi rahega. Aur ladki ki sex karne ki iksha badh jaegi.
Rahul uss ladke ko peet kar seedhe ghar bhaga diya aur jab wo andar aaya toh party zoro shoro se chal rahi thi.
Nikita : rahul bhaiya! Aap dur dur kyu bhaag rahe ho? Arre aaj toh nehu ka b'day hai. Jaiye usse gift dijiye.
Rahul : huh? Umm...haa! Deta hu...
Rahul ne wo cake waala box liya aur washroom me dustbin me fekne hi jaa raha tha. Washroom me par lucky pehle se hi tha aur jese hi usne dekha ki rahul uska cake waala box fekne waala hai, lucky ne daud ke usse chhina liya.
Lucky bhaagte hue baahar jaane laga. Usse pata tha rahul aur neha ke beech kuch jhagda hua hai aur neha abhi rahul ka support nahi karegi.
Lucky washroom se baahar nikal neha ko awaaz diya, wo kisi bhi haalat me neha ko ye cake khilaana chaahta tha par jese hi neha ne uski taraf dekha aur rahul ne peeche se usse ek zordar thokar maari aur cake hawa me udke seedhe zameen par thapp se gira.
Ye waha maujood logo me lagbhag sabhi ne dekha.
Neha jo ki sab dekh rahi thi uski aankhein gusse se ekdum laal ho gayi. Upar se lucky ne aur aag me ghee daalne ka kaam kar diya.
Lucky : neha tumhaara bhai kesa hai? Mein tumhaare liye cake laaya tha aur isne mujhe dhakka deke gira diya. Saara cake barbaad kar diya.
Rahul (neha ko dekhte hue) : wo...usme...
Neha (zorr se) : shuttt upppp!!!
Neha ke itni tezz chillaane se sabhi shaant ho gaye. Sab usse hi dekh rahe the. Nikita boht hairaan thi. Ye neha ko kya ho gaya aaj?
Rahul : I...
Neha (chillaa kar) : I said shuttt uppp! Get out!! Gettt ouutttt!!!
Rajesh : ne...
Rahul : it's okay dad!
Rajrsh khud ke upar gussa karte hue daat pees raha tha, mutthi kass raha tha. Sab uski galti ke kaaran ho raha tha.
Rahul baahar jaate jaate lucky ko kaan me baahar milne ke liye kehta hai aur lucky ke saath uske 3 dost the isliye wo bina darre 3 dosto ke lekar baahar chala gaya. Iss waqt rahul ko martial arts nahi aata tha. Toh zaahir sii baat thi ki kya hone waala tha. Halaaki rahul 3 saal bada tha inn sab se par fir bhi 4 laundo ko ek saath sambhaalna thoda mushqil kaam tha uss waqt rahul ke liye.
Nikita : (kuch chal raha hai neha ki family me. Baat kuch aur hi hai. Neha kabhi bhi rahul bhaiya se aise baat nahi karti. Mujhe jaake dekhna chaahiye)
Kuch derr ke baad jab nikita baahar jaakar dekhti hai toh stabdh ho jaati hai. Road ke side me lucky aur uske dost apne apne pait pakad ke karaah rahe the aur rahul khada hua unhe dekh raha tha. Par jab rahul palta toh nikita aur hairaan ho gayi.
Uske sar se khoon nikal raha tha, aur kayi jagah chot bhi aayi hui thi. Lagta hai kisi ne patthar se waar kiya tha.
Nikita : rahul bhaiya??
Nikita sab dekh chuki thi, uss se chhipaane ka koi matlab nahi tha. Isliye rahul jaldi se usse sab kuch bataata hai ki lucky kya karne waala tha aur rahul ne usse kyu maara. Par badle me rahul ne ek vachan le liya nikita se.
Wo tha neha ko kabhi bhi ye baat nahi bataana.
Aur rahul waha se pata nahi kaha chal diya paidal hi...
Nikita sirf uski peeth dekhti rahi jo dheere dheere raat ke andhere me gaayab ho gayi.
*Flashback ends*
Jab nikita ne bolna band kiya toh wo foot foot kar rone lagi. Uske saath hi saari ladies waha par baithi rone lagi.
Tanisha (rote hue) : ek minute... Omg!!
Nisha (rote hue) : kya hua beta??
Tanisha : iska matlab... Omg!!!
Tanisha ko ab kuch aisa pata chalta hai jisse jaankar wo aur rone lagti hai.
Nisha : beta kya hua bol na!
Tanisha : matlab meri mulaqaat rahul se ussi din hui thi...mene uss se pucha tha ki itni chot kese aayi? Jab wo raat me mujhe khaali sadak par mila tha. Uske sar se kaafi khoon beh raha tha. Toh usne jawaab diya tha ki aise hi ladayi me fass gaya tha... Matlab... Wo jesa ki nikita ne bataya... Wo uss waqt waha se ladke nikal aaya tha aur fir ittefaaq se meri mulaqaat ussi waqt uss se hui.
Abhi wo sabhi subak hi rahe the ki itne me kuch girne ki awaaz aayi, aisa laga kuch toota hai.
Darwaaze ke paas khadi anshu ne atka hua darwaaza jab khola toh nazaara dekh ke sabke hosh hi udd gaye.
Vanshu : (ohhh shitttt!!)
Neeche ek crockery dinner set ka box pada hua tha jo ki andar se lagta hai toot chuka tha aur uske theek peeche ek vyakti khada hua tha.
Wo koi aur nahi Neha hi thi. Aankhe faade wo bas sabhi ko dekh rahi thi. Uska shareer kaamp raha tha.
Nisha neha ko dekh ke itna hairaan ho gayi aur darr bhi rahi thi ki ab neha kese behave karegi. Par neha toh box lene ke baad apni friend ke yaha jaane waali thi na? Fir itni jaldi kese aa gayi?
Jab nisha ki nazar darwaaze par khadi anshu par gayi toh anshu ke chehre par ek ajeeb muskaan thi aur anshu ne apni nazre ferr lii. Nisha ko samajhne me derr na lagi ki anshu ne hi kuch kiya hai. Bas kuch bhi gadbad na hoye yahi nisha uparwaale se dua kar rahi thi.
Ek kadam, do kadam... Neha dheere dheere sabhi ko aankhe faade dekhte hue aage badhti hai.
Wo nisha ke paas pohuchti hai...
Neha (kaapte hue hontho se) : k...kya tha ye mom??? Ye sab? Y..ye.. mazaak hai n..na? Hai na? Haa??
Nisha rote hue apni nazre jhuka leti hai.
Neha aur darr jaati hai, wo bagal me khadi taniya ke paas jaati hai.
Neha (kaampte hue) : d...diii.. y..yee dekho na mom ko...haa? Kesa mazaak kar rahi! Aap sab mazaak kar rahe ho na? Kehte kyu nahi!? Dii! Aap boliye na kuch!
Taniya : (anshu ne kaha tha ki baaki kaam mera hai! Looks like meri turn aa gayi hai!)
Taniya : nahi neha! Yaha koi mazaak nahi chal raha. Tumne jo suna hai! Wahi sach hai! Ekdum sach!
Sabhi apni apni seat se khade ho gaye taaki ye gambhir mahaul bigde toh wo sambhaal sake.
Neha ko jese yakeen hi nahi ho raha tha. Akhir wo harr waqt galat kese reh sakti hai? Rahul usse hate karta hai iss baat se toh wo sure thi par firse wo galat kese saabit ho gayi? Nahi! Ye zaroor koi dhong hai!
Neha (zorr se) aap sab jhooth bol rahe hai... Sab jhooth hai!! Sab jhooth! Wo...wo...mujhe maarna chaahta tha! Wo jhootha tha! Dikhaavti tha! Wo ek burai se bhara hua insaan hai! He's a liar!!!
Taniya apni bauhe sikode bas neha ko hi dekh rahi thi. Usne ek jhalak anshu ko dekha toh anshu ne sar hila kar usse ok ka ishaara kiya yaani ki Taniya agle step ke liye aage badhe.
Taniya ne gehri saas lii aur fir kehna start kiya.
Taniya : nahi neha! Tumne jo kuch bhi suna hai!
Wo sab sach hai!
Neha (rote hue) : nahiiii!! Aap jhooth bol rahi ho! Sab jhooth bol rahe hai!
Taniya (gehri saas lete hue) : neha...
Neha (zorr se) : shuttt uppp!!! Sab jhooth hai! Sab dikhaawa hai...
Taniya: usne sab kuch tumhaare liye kiya! Tumhe sunn na hoga meri baat! Tum chaaho ya na chaaho! Bua, fufa jii ko kasam thi ki tumhe ye sach kabhi na bataya jae.
Neha : jhooth... jhooth!! Sab shaant ho jaiye...
Neha apna sar pakde rote hue sab kuch sunn ke stabdh thi! Par shayad abhi usse poori tarah se yakeen dilaane ka kaam taniya ke upar tha.
Neha yaha isliye aa paayi kyuki uske phone me anshu ka keval ek message pada hua tha!
"Jitni jaldi ho sake ghar aao! Aur ghar ke bahar darwaaze ke paas khadi rehna! Don't open the door! Don't make any noise! Bas khade rehna!"
Neha ne jab ye message padha tha toh boht atpata laga tha par anshu ne kaha hai matlab kuch baat toh hogi, yahi soch ke wo yaha aayi thi aur usne bilkul wesa hi kiya jesa ki anshu ne bataya tha.
Par usse kya pata tha ki usse itna bada jhatka lagne waala hai!
Taniya : toh mein shuru karti hu...
.
.
.
.
.
.
.
.
Aaj ke liye itna hi guys!!
Dhanyawad!!