Jaguaar
Prime
- 17,680
- 60,240
- 244
Jabardast UpdateUpdate - 22
purohit ki bate sun dono dahade maar maar kar hasne lage. hanste samay rajendra ke man mein ek baat kondhi jo kuchh jyada hi uchhal kood macha raha tha isliye rajendra ji use ugalna hi behtar samjha…. mahesh babu ek aur ati vishisht atithi to raha gaya jinke baare mein aapko bataya hi nahi.
mahesh... apke ati vishisht atithiyon ne mera kamar hi tod diya aab ek aor rah gaya. bata dijiye dekhte hai is mahashay ki nazar mere sharir ke kis ang par hai.
rajendra... mahesh babu raghu aur kamla ki gathbandhan ke sutradhaar bigul rah gaya….
rajendra ki baat pura hota usse pahle hi mahesh bhadak uthe... suniye raja ji aap is nirlaz ko bilkul nahi bulana. jo purohit ki dhoti lekar bhag sakata hai na jane aur kya kya lekar bhag jaega.
rajendra…. lekin bigul ke bina shadi mein maja nahin aayega aakhir in dono ko milane mein uski bhoomika mahatvpoorn hain.
mahesh... suniye raja ji apne agar is bigul ko bulaya to use andar hi nahi ghusne dunga uska bigul bahar hi baja dunga phir aap ye na kehna apne mere atithi ka apamaan kar diya.
dono mein bigul ko bulane na bulane ko lekar bhahas chhid gaya. rajendra jitna uska paksh leta utna hi mahesh bhadkta jaye. ant mein rajendra ne mahesh ka kahna maan liya. inko tu tu mai mai karte dekh purohit ji khush ho rahe the aur mand mand muskura rahe the. khair bhahas khatm hone ke baad purohit ne panchang nikala kuchh ksharn tak panchang mein khoj bin kiya phir bola…. jajmaan aane wale krshn paksh ki daswi tithi bahut shubh hain. isliye mahesh ji apke suputri aur rajendr ji apke suputr dono ke gathbandhan ke liye is tithi ko nirdharit karana hi theek hoga aap dono kiya kahte ho.
din gina gaya,shadi mein maatr bees din ka samay bacha tha. itne kam dinon mein taiyari ho paega ki nahi ho paega inhin sambhavnaon par dono vichar karne lagen. jitne gahre vichar mein mahesh tha utne hi gehre vichar mein rajendra bhi tha. barhaal kuchh kshan vichar karne ke baad dono ek saath bole…. purohit ji koi aur tithi dekhiye itne kam din mein taiyari nahi ho payega.
purohit…. jajmaan iss tithi se achchha koi aur tithi nahi hai. phir bhi agar aap kehte hai to main koi aur tithi nikalta hu.
purohit phir se panchang khangalne lage. usi wqkt surbhi bhi vaha aakar baith gayi. kuchh kshan tak panchang khangalkar purohit ji bole…. jajmaan ek tithi aur nikla hai utna achchha nahi lekin apko taiyari karne mein paryapt samay meel jaega. tithi aaj se chha mahine baad ki hai.
chh mahine ki baat sun mahesh babu khush ho gaye lekin tithi ki sthiti se thoda na khush ho gaye lekin rajendra ji ke dimag mein kuchh aur chal raha tha. isse pahle kayi baar rishta judne se pahle hi tut gaya na jane kaun dushmani nikal raha tha. kahi usne phir se koi khurafat kar diya to ye rishta bhi tut jayega. nahi nahi jyada dinon tak pratiksha karna theek nahi hoga jitna jaldi shadi ho jaye utna hi achchha hoga. in baato ko soch kar rajendra bola…. mahesh babu itna lamba khinchna theek nahi hoga mujhe lagta hai hame bees din baad ki tithi ko hi chunna chahiye.
mahesh... raja ji itne kam samay mein taiyari nahi kar paunga. mujhe to chha mahine baad wala tithi hi sahi lag raha hai.
rajendra…mahesh babu apne shayad purohit ji ke bato ko dhyan se nahi suna chha mahine baad wala tithi utna theek nahi hai. to kiya aap chahte hai apke beti ke jeevan mein koi amangal ho main to nahi chahunga mere bete ke jeevan mein koi amangal ho. isliye mere aor se bees din baad wale tithi ko sahmati jatata hu. rahi din kam ki to bees din bhi bahut hai taiyari karne ke liye.
mahesh ne kuchh kshan or vichar kiya phir ha kah diya unke ha kahte hi rajendra ji ko kuchh shanti mila kyonki unhe dar sata raha tha kahi mahesh mana na kar de. unke ha kahne ke baad aane wale krshn paksh ki daswi tithi ko shadi hona sunishchit kar diya gaya phir sabhi ka munh meetha kiya gaya. uske baad purohit ji chale gaye. shadi ki tithi batane ke liye kamala ko bulaya jata hai shadi ki tareek sunkar kamla khush ho gai thi lekin darshan nahi rahi thi. jab usse puchha jata hai to kamal sharma kar room mein bhaag jati hai. uske bhagne se waha maujood sabhi muskura dete hai. kuchh waqt or dono samdhio mein charcha hua kab kiya karna hai. kaun sa rashm kab karna hai sabhi vishayon par charcha karne ke baad khana pina hua phir surbhi aur rajendr ghar chale gaye.
ghar aakar raghu aur pushpa ko bhi date bata diya gaya. raghu ke maan mein shadi wala laddu kuchh jyada hi phutane laga. raghu ka man bavra ho gaya tha aur usse hi bagawat karne laga. raghu apne khushi ko chhupana chaah raha tha lekin man use nach nach kar khushi manane ko kaha raha tha. andar umadte khushi ke jvaar bhata ko raghu rok nahi paya isaliye room mein chala gaya. surbhi rajendra aur pushpa ko laga itne jaldi shadi ki baat sun kar shayad raghu khush nahi hua isaliye bina kuchh bole room mein chala gaya. isaliye rajendra ne kaha... surbhi lagta hai hamare bete ko shadi ki date pasand nahi aaya isaliye bina kuchh kahe room mein chala gaya. tum jakar baat karo aur uske man mein kya hai pata karo.
idhar raghu room mein aakar darwaja band kiya. phir room mein rakhi sofe numa kursi par baith gaya aur ek ek pal ko yaad karne laga. jab wo kamla ko pahli baar dekhne uske ghar gaya tha kaise vo kamla ke saundary se mohit hokar din duniya ko bhul gaya tha. Kamla ke roop jaal mein phas gaya tha uska man kar raha tha kamla ko bas dekhta hi rahe. Ragu ko dekhkar kamla muskura rahi thi. pehli baar kisi ko dekh kar raghu ki dhadkane kuchh jyada hi teevr ho gaya tha. pushpa ka use tokna phir ek dusre se baat karne jana. jahan hansi mazak teeka tippdi karna. ek ek baat ko raghu baithe baithe yaad kar raha tha aur muskura raha tha. ek waqt aisa bhi aaya jab raghu kamla se dubara milne gaya tha. Us waqt kamla ko berahmi se ladko ko pitte hue dekha tha. un ladko ko pitne se kamla ko roka tha ye baat yaad aate hi raghu ka khila hua chahra bujh sa gaya aur gusse ki aabha prakat ho gaya. raghu andar hi andar khaul raha tha. usi waqt room ka darwaja khatkhataya jata hain. aahat pakar raghu khud ko niyantran mein lata hain aur ja kar darwaza kholta hain. raghu samany dikhane ki bharpoor koshish kar raha tha. lekin uske gussail bhav se mukhde par jo lali aaya hua tha use na chhupa paya. room ka darwaza surbhi ne khatkhataya tha. raghu ke lali yukt aabha wale mukhde ko dekh surbhi samajh gai raghu bahut gusse mein hai. use laga bina raghu se puchhe itna jaldi shadi ka tareekh tay kar diya shayad isaliye raghu ko gussa aa gaya hoga. isaliye surbhi boli…raghu tu khush nahi hai shadi ke tareekh ko lekar tujhe lagta hai ham jaldi kar rahe hai to bata de ham din aage bada denge.
raghu... nahi nahi main bahut khush hu mai khud chahta hu jitna jaldi ho sake kamla aur mera shadi ho jaye.
raghu flow flow mein kiya bol gaya use samajh nahi aaya jab aaya to sharma gaya. sharmate dekh surbhi ek khili si muskan diya phir boli…. dekho to kaise sharma raha hain. shadi karne ki itni jaldi hai to tere mukhde par ye gusse ki lali kyon?
raghu... ma wo baat ye hai ki jab mujhe pata chala shadi ki tareekh tay ho gaya hai wo bhi itna jaldi to main bahut khush hua main aap sabhi ke samne apna khushi jahir nahi karna chahta tha isliye room mein aa gaya. yaha aakar kamla ko milne se lekar ek ek ghatna ko yaad kar raha tha. unhi ghatnao main un ladko wala ghatna bhi tha. isliye mai gusse mein khaul gaya aur aap bhi usi waqt aa gaye. Aap Se chhupana chaha lekin chhupa nahi paya. apne parakh liya aur apko laga mai itna jaldi shadi ki tareekh nikalne ko lekar gussa ho gaya.
surbhi…achchha theek hai ab chal tere papa bula rahe hai. aur kabhi kabhi apne khushi ko jahir kar diya kar aise andar hi andar daba kar na rakha kar.
dono neeche aaye surbhi ne raghu ke man ki baat bata diya. tab rajendra ne bola... raghu beta din kam hain aur taiyari bahut karna hai isliye hamen kal hi darjaling nikalna hai. Waha sabhi ko bata kar hame wapas yaha aana hai shadi ki sabhi rasmen isi ghar mein hoga.
raghu hai kaha ke room mein chal diya room mein aakar raghu ka man kar raha tha kisi se baat kar apne khushi ko bante isliye usne telephone ka receiver uthaya aur ek number dial kiya ek do baar redial karne ke baad dusre aor se call receive kiya gaya. raghu ne hello bola phir udhar se kuchh bola gaya uske javaab mein raghu bola…. raman tu kaisa dost hai mera aawaz bhi pehchan nahi paya. tu too kahta tha mere dhadkanon ke dhaak dhaak sun kar hi tu bata sakta hai mera dost mere aas paas hi hai too phir ye kaisa dosti hai jo tu aawaz bhi na pehchaan paya.
(raman aur raghu dono bachpan ke dost hai jo ek saath hi pade likhe aur bade huye. Dono ke haisiyat mein jameen aasman ka antar tha . raman ke papa jinka naam munshi hain. rajendra ki company mein kaam karne wala ek mulajim hain. munshi aur rajendra dono bhi dost hain jaise rajendra aur munshi ki dosti ke bich koi oonch neech ka bhed bhav nahi hai waise hi raman aur raghu ke dosti mein bhi koi oonch neech ka bhed bhav nahi hai. raman is waqt Delhi mein rehte hai. uska padhai poora ho chuka hai. ek part time job karte huye teacher banne ke sapne ko poora karne mein laga hua hai.)
raman…tu jyada nakhre na kar mai kaam mein vyast tha isaliye udhar hi dhyan tha. main awaz theek se sun nahi paya isaliye aisa bola ab tu bata rani ma kaisi hai raja ji kaise hai hamare ikalauti bahna kaisi hai.
raghu... sab theek hai. dekh tu hi naraz karne wala kaam kar raha hai sabhi ka halchal le liya aur dost ko bhul gaya apne langotiya yaar ko puchhna bhul gaya.
raman…tera haal chaal kiya lena tu teek hai tabhi to call kiya hai. chal phir bhi puchh hi leta hu bata kaisa hai.
raghu... mai bilkul theek hu aur tere liye ek surprise hai.
raman...bata na surprise kiya hai.
raghu... na na aise nahin bataunga.
raman... dekh nakhre na kar jaldi bata de nahi to phone rakh mera samay kharab na kar.
raghu…. are rooth kyun raha hai dost se aise nahi roothte jo mai batane wala hu wo tere liye surprise hai aur surprise aise phone par nahi bataya jata.
raman…. tu nakhre kar raha hai matlab surprise bahut bada hai chal bata kya karne par mujhe surprise ka pata chalega.
raghu….surprise bada aur bahut khoobsurat hai jise tu chhu nahi sakta lekin dekh sakta hain aur dekhne ke liye tujhe yaha aana padega.
raman... achchha aisa kiya to theek hai. tu phone kaat mai abhi ke abhi nikalta hu.
raghu... are ruk yaar kal ko aaram se nikalna.
raman… aaram gaya tel lene main phone rakh raha hu.
ye kahkar raman phone rakh deta hain. raman ke itne utawle hone par raghu muskura deta hai aur receiver rakh kar bolta hai... mujhe pata tha totu itna utawla ho jaega isaliye to tujhe mere shadi tay hone ki baat nahi bataya chal aaja phir batata hu surprise kiye hai.
raman usi waqt apne bag pack karne lagta hai. idhar rajendra ghar ki saaf safayi aur any kaamo ke liye kuchh logon ko bulata hai aur unhe bata deta hai kya kya kaam karna hai aur kab tak kaam ko khatm karna hai. abhi ke liye jo jo zaroori kaam tha use nipata kar agle din rajendra sabhi parivaar walon ke saath Darjeeling ke liye chal deta hain.
aaj ke liye itna hi aage ki kahani aagle update se janenge. yaha tak saath bane rahne ke liye aap sabhi pathakon ko bahut bahut dhanyavaad
Toh shaadi ki date final hogyi aur mehmaano ki list bhi final hogyi. Dekhte hai yeh shaadi shanti se hoti hai yaa phir koi garbar hogi
Last edited:
..
baje aur function me dhmal n ho ye to dj ka apmaan hua. 
karti hui dato se aur nikhar jata hai. Dono parivaro ka smhand dil se to jud chuka hai bas samaj ke samne dikhna baki hai. Jildi hi vo bhi ho jayega.