Mast update, sahi ladki mili hai raghu ko. Ye hi raavan & sons ki khaat khadi karegi.Update - 19
raghu ke baar baar kahne par bhi kamla gusse ko shaant nahi kar pa rahi thi. uska gussa pal pratipal badhata ja raha tha. uski aankhe laal aur laal hoti jaa rahi thi. khubsurat bedag chehra aor jyada tamtamata ja raha tha. raghu pahli baar kisi ko itni gusse mein dekh raha tha. jo pal pratipal uske hrday gati badhata ja raha tha. kya kare kya na kare kuchh samajh nahi aa raha tha. ab to dar bhi lagne laga kahi gusse mein kamla khud ko nuksan na paucha baithe ye baat dimag mein aate hi raghu bola... kamla shant ho jao itna gussa karna sahi nahin hain.
kamla… kaise shant ho jaoo apke karan dono bhag gaye. aap kahi se bhi un dono ko dhundh kar lao jab tak mai unhe man bhar kar kut na lu mera gussa shant hone wali nahi hain.
raghu….vo to bhag gaye ab kaha se laun, suno jyada gussa karna thik nahi hai isliye shant ho jao.
kamla.. mai nahi janti aap kahin se bhi pakad kar lao lekin lao.
raghu... ye kiya baccho jaisi zid hai. tum mere sath chalo.
raghu hath pakad kamla ko car ki or le jane laga kamla jana to nahi chahti thi lekin raghu jabardasti khich kar le jane laga. jate hue kamla boli… apko zid lag raha hai. un ladko ne mere sath jo kiya vaisa hi apke sath karte to aap bhi unhe marne ki zid karte.
raghu…kya kiya tha un ladko ne jo aap gusse mein unhe is tarah peet rahin thi. apko itna gussa aaya ki aap shant hone ka naam nahi le rahi ho.
kamla... kya kiya? un dono ne apki hone wali bibi ko gandi gandi bate kahin, bina mere marji ke mere jism ko chhua. aap hi bataiye aise mein kisko gussa na aaye.
kamla ki bate sunkar raghu ko bhi gussa aane laga lekin ab gussa karke koi fayda nahi ladke to bhag gaye. isliye raghu gusse ko kabu mein rakhte huye man mein bola…. sale haramiyo meri hone wali bibi ko chhedne aur chhune ki tumhari himmat kaise huyi. abhi samne hote to goli maar deta.
dono car ke paas pahunch gaye the. raghu kamla ko car mein baithne ko kah rah tha lekin kamla baith hi nahi rahi thi. baar baar baithne ko khane par bhi jab kamla nahi baithi to raghu ne kah... kamla kya hua car me kyu nahi baith rahi ho. chalo car mein baitho ghar chalte hai.
kamla bina sune thoda aage bad gayi. Waha patthar pada hua tha. patthar uthaya aur de mara car ke pichhe lagi shishe par phir ghumkar samne aayi aur samne ke shishe par bhi patthar de mara, patthar padte hi shisha tut kar bikhar gaya. shisha tutte hi raghu sar pakad kar baith gaya phir bola…. kamla ye kiya tha?
raghu jis tarah baitha tha use dekhkar lag raha tha sut but mein koi bikhari road par baitha hain. isliye kamla gussa bhul khil khila kar has diya. kamla ko hanste dekh raghu bola…kya ladki hain abhi abhi gusse mein tilmila rahi thi ab dekho kaise hans rahi hai. koi kah nahi sakta abhi abhi gusse mein thi.
kamla... mera gussa aise hi shant hoti hain jab tak tod phod na kar lu mera gussa shant hi nahi hoti.
raghu hath par sar marte huye bola... he ma kya ladki hai. pahle mil nahi rahi thi ab mili hai wo bhi gusse aur todu phodu wali.
kamla... kya bola phir se boliye jara, thik se sun nahi payi.
raghu haklate huye.. kaha kuchh bola, maine to kuchh kaha hi nahi.
kamla.. nahi apne abhi kuchh to bola, jara phir se boliye sunu to, aap tarifh kar rahen the ya burai.
raghu uth kar car ka darwaza kholte hue bola.. chhodo un bato ko chalo kahin chalte hai mujhe tumse kuchh bate karna hai.
kamla... jayenge kaise car ke andar kanch bikhre pade hain.
raghu... main abhi saaf kar deta hu.
kamla... aap ko chot lag jayegi hato aap, main saaf karti hu.
raghu... mujhe chot lag jayega to kiya apko nahi lagega. aap hato saaf mai karta hoon.
dono me mai mai ki jang chhid gaya tha. raghu kahe mai saaf karunga kamla kahe main saaf karungi. dono mei se koi manne ko taiyar nahi ho rahe the. ant mein faisla ye liya gaya dono milkar kanch saaf karenge phir dono ne savdhani se kanch saaf kiya aur chal diya.
inko jane dete hain ham chalte hai kalu aur bablu ke paas wo dono kaha gaye. bablu jab bhaga tha. tab wo bahut dara huya tha. girte padte ek khali jagah ja kar baith gaya. uske naak se ab bhi khoon bah raha tha. behte khoon ko pochha phir gaal ko sahlate huye bola…aaaa kitna mara hai? nadan balak ko koi itna marta hai. khukhar dayan kahi ki.
kameez utarkar chek kar raha tha uske badan mein jaha jaha chappal pada tha waha waha laal laal nishan pad gaya tha. un nishano par hath rakhte hi ahaaa ahaaa kar bablu cheekh pada phir bola… aaiiii maa ledy don ne kitna mara hai pure body ka naksha hi badal diya.
kuchh der bad kalu bhi girte padte waha pahunch gaya. bablu ko nang dhadarng baitha dekh bola... kaisa dost hai tu mujhe akele mar khate hue chhod aaya bhala ho us bhale manush ka jisne kamla ko rok liya nahin to aaj kamla jaan lene ka pura vichar bana chuki thi.
bablu...aiiii maaa aa gaya tu, kamla jis tarah maar rahi thi maine to socha tha aaj tu pairo par nahi char kandho par chal kar aaega.
bablu ke paas jakar do rakh kar diya phir bola... sale tu to chahta yahi hai mai maar jaun aur tu akele akele kamla ke sath maza mare.
bablu...tu aisa soch bhi kaise sakta hai. tu apna langotiya yaar hai kamla ke sath jo bhi karenge sath mei karenge. Waise yaar uske komal komal badan ko chhukar maza aa gaya.
kalu... yaad mat dila pura body jhanjhana raha hain aahaaa maja aa gaya lekin saja bhi to mila.
bablu... saja mila to kiya hua uske body ko chhune ka ahsaas bhi to nirala tha aahaaa…
tabhi waha ek shakhs aa tapka unhe dekh kar bola…. are mere bina puchh ke languron kaha munh mar kar aa rahe ho. jisse tumhare huliya ka naksha bigda hua hain.
dono.. tu kaun hai ve ?
shakhs…. mai kaun hu ye janna jaruri nahi hai ye batao tum dono ka huliya kisne bigad diya.
bablu... puchh mat yaar puri ki puri tikhi mirchi hai. hath lagao to hath jale munh lagao to munh jale lekin hai badi kamal ki ladki uski jaisi aas paas ke kayi ilakon mein koi nahi hai.
kalu... ha yaar usko dekhte hi tan badan mein jwala hilore marne lagta hai. ang ang mein angare jalne lagta hai.
shakhs…. kahi tum Banerjee sahab ki ladki kamla ki baat to nahi kar rahe ho.
dono... ha yaar wo hi to ek ladki kamal ki hai. lekin kamal ke sath dhamal wali bhi hain kiya chappal bajati hain dhage khol deti hai.
shakhs… ha hai to kamal ki lekin suna hai uski shadi fix ho gayi hai.
dono…. nahi yaar aisa nahi ho sakta nahi to ham dono bhari jawani mein vidhva ho jayenge.
shakhs... vidhva! tum dono vidhva kaise ho sakte ho. Vidhva to shadi ke baad pati ke marne par ladkiya hoti hai.
dono…. sale tu hame gyaan de raha hai ruk tujhe abhi batata hu
dono jakar shakhs par tut pada. bas aiii maa uiiii maa ki aavaze aa raha tha. dono abhi abhi kamla se jitna peet kar aaya tha uski bhadash anjan shakhs par nikal diya. itna mara kapde phat gaya aankhe sujh gayi shayad ek aadh haddi bhi toot gaya. maar maar kar jab dono thak gaye tab chhod diya. shakhs uthkar jane laga to dono ne pichhe se ek ek laat aor maar diya phir wah shakhs ade tirchhe lehrate huye chale gaye phir bablu bola…. are yaar kamla ki shadi ho gayi to hamara kiya hoga.
kalu…. aisa nahi hone de sakte kuchh to karna padega.
bablu…. ha yaar kuchh to karna padega nahin to hamare life ki sukh chain chhin jayega. Mohalle ki raunak chali jayegi har taraf andhera hi andhera ho jayega.
kalu... ha yaar kah to sahi raha hai lekin ek baat samajh nahi aaya hamne abhi abhi pita kise tha use to kabhi dekha nahi na hi hamare Mohalle ka hai, na hi aas paas ke ilake ka hai.
bablu... jo bhi ho maza bahut aaya dil ko bahut tasali mila.
kalu... ha yaar chal ab ghar chalte hain.
bablu…. ghar nahi pahle doctor ke paas chalte hai aisi hal mein ghar gaye to aor jyada kutai hogi.
dono apna apna ilaj karane doctor ke paas chal diya. idhar kamla ko sath lekar raghu ek coffee shop mei gaya tha jaha baith kar dono ne ek dusre ko aor kareeb se jaan gaye the. kuchh pal sath bitakar dono ek dusare ke aor kareeb aa gaye the. dono ne ek dusare se bahut si bate share kiya, jo kuchh khaas log hi jante the. ant mein dono bahar nikle phir kamla ko ghar chhod raghu ghar ko chal diya. raghu kuchh jyada hi khush najar aa raha tha. hota bhi kyon na ek gussail aur khubsurat ladki ko humsafar banane chala tha. Baton ke dauran jana kamla kitni suljhi huyi ladki hai. raghu ko laga usne bache huye jeevan ki Safar ko tay karne ke liye jise apna Humsafar chuna wo uske liye , perfect hai. bas thodi gusse wali hai. gussa bhi tab karati hai jab gussa dilane wali koi kaam kiya jaye. khair raghu jab ghar pahuncha tab surbhi aur pushpa kahi jane ke liye nikali thi. Car ka shisha tuta hua dekh kar raghu ke paas aaya phir surbhi boli…. raghu car ka shisha kaise tuta dikha tujhe kahi chot to nahi laga.
pushp... bhaiya aap car theek se chala nehi pate ho to chalte kyu ho. dikhao aap ko kahi chot to nahi laga.
dono raghu ko ghuma ghuma kar dekhne lage lekin unhe kahi bhi chot ke nishaan ya khoon ka dhabba nahi dikha. tab surbhi boli…chot ke nishaan to kahi dikh nahi raha tujhe kahi dard to nahi ho raha.
pushpa….lagta hai bhiaya ko andruni chot laga hai. chalo bhaiya doctor ke paas chalte hai.
surbhi... ha beta chal doctor ke paas chalte hai. pushpa ja dusari car ki chaabi lekar aa. na jaane tere papa kaha chale gaye jab dekho yaha waha ghumte rahenge.
pushpa chaabi lene andar jane lagi tabhi raghu bola…pushpa kahi jane ki jarurat nahi hai. mai theek hu mujhe kahi chot nahi laga hain.
surbhi... ja beta tu lekar aa ye hamse chhupane ke liye jhooth bol raha hain. raghu tu jhooth kab se bolne laga.
raghu... ma mujhe kahi chot nahi laga na hi main jhooth bol raha hu. aap andar chalo phir batata hoon.
raghu unhen andar jane ko kah raha tha lekin surbhi aur pushpa doctor ke paas jane ki zid karne laga. tab raghu bola…. ma car ka shisha accident se nahi apke hone wali bahu ke patthar marne se tuta hai.
dono...kyaaa?
raghu... ha ab andar chalo phir batata hoon.
raghu dono ko andar lekar gaya tab pushpa boli... bhaiya bhabhi se milne pahle din gaye aor unhen gussa dila diya, itna gussa dilaya kee bhabhi ne car ka shisha tod diya. suno bhaiya saaf saaf kah deti hu agar bhabhi ne rishta toda to apki khair nahi.
surbhi…is ladke ka mai kiya karu akal se paidal na janen kiya kar aaya. sun raghu ye rishta tuta to ham koi dusari ladki nahi dhundhenge. Tu khud hi dhundhkar layega,kah deti hoon.
raghu…aap dono bhi na pahle sun to lo hua kiya tha. main jab kamla se milne ja raha tha. tab mujhe raste mein kamla gusse mein ek ladke ko gira gira ke chappal se pit rahi thee…. iske baad kya kya hua raghu ne sab bata diya.
aaj ke liya itna hi aage ki kahani next update se janenge. yaha tak sath bane rahne ke liye aap sabhi pathako ko bahut bahut dhanyavaad