- 13,801
- 10,338
- 229
Ajeeb Raat
Main station pahuchne me kafi late ho chuka tha, bus dua kar raha tha ki train na ayi ho, main jaise hi station k platform pahucha train k horn ki awaz sunai di, train chal di thi. Main daud kar train me chad gaya aur apne coach jo ki 3rd AC tha usme pahuch gya. Raat ka time tha to main apni seat pe let gya aur pet already bhara tha to ankh lag gyi.
Der raat meri ankh khuli, main dekh k hairan rah gya train poori khali thi, train kisi jungle me thi aur lights bhi band thi, mujhe samajh nahi aa raha tha ki ye train khali kaise ho gyi aur jungle me kaha ruk gyi. Main seat se utha aur train se bahar nikla to pata chala train ka koi ata pata nahi tha, bus ek coach jisme main baitha tha vo jungle k virane me ek purani abandoned patri pe tha. Dar k mare dil tezi se dhadakne laga. Baki ki train, mere coach k Baki log kahan gaye, main yahan kaise aa gya, ye sub sawal mere dimag me kaundh rahe the, ek pal to mujhe laga ki ye zaroor koi bura sapna hai, maine apne chikuti kaati, ye koi sapna nahi tha ye hakikat hi thi. Fir mujhe ahsas hua ki kisi ne mujhe koi nasheela padarth sungha k mera sara saman hadap liya hai akyuki mera bag mobile and purse wagahra gayab tha. Par mera saman le k hi jana tha to le jate mujhe virane me iss abandoned train me, sunsan jungle me kyu chhod gaye ye samajh nahi aa raha tha.
Iss jungle me raat me dahshat ka mahaul tha, kab koi jungli janwar ya chor daku mujhe maar de koi bharosa nahi tha. Main bahar ek disha me chalna laga, fir maine socha wapas coach me jaa k dhundhta hu Shayad mera purse ya mobile wahan mil jaye kisi cabin me, main wapis coach pe jane k liye muda hi tha ki mujhe kutto k bhaukne ki awaz ayi aur jangli kutto k dar se maine wapas coach me jaa k mobile lene ka irada chhoda. Dar k mare main wapas uss disha me tez tez bhagne laga. Kuchh der to laga ki pichhe kutte aa rahe hain, par meri pichhe mud k dekhne ki himmat nahi hui. Main bhagta raha, thodi der baad kutto k bhaukne ki awaze bhi ana band ho gyi. Ab main hafne laga aur jungle me koi aabadi nazar nahi aa rahi thi. Main thoda ruka aur ab tez tez kadmo se chalne laga kyuk ab aur bhagne ki himmat nahi thi mujhme. Thodi der baad main jungle k kinare pahuch gya aur ek road pe nikla jo sunsan thi. Road k dusri taraf khet tho aur ek taraf yani jidhar se main aya tha jungle. Road sunsan thi aur koi bhi waahan guzarta nahi dikh raha tha, maine jeb tatoli jeb me purse bhi nahi tha, purse bhi coach me hi chhut gya tha. Maine socha agar jeb pe aise hote to kisi commercial gaadi me chad jata ab paise nahi hain free me hi kisi se lift leni padegi. Main sadak pe hi khada raha thodi der, kafi der baad ek car dikhai di maine hath dikhaya par car nahi ruki. Zahir si baat hai sunsan me ek ajnabi k hath dikhane pe car kaun rokega. Aise hi adhe ghante se zyada waqt beet gya is dauran kai car nikli par kisi ne car nahi roki. Main nirash hoke sadak pe kinare baith gya sir jhuka k. Thodi der baad maine notice kiya ki ek car mere paas aa k ruki, main khada hua, dekha car me ek lady baithi thi 25-30 saal ki.
“Aap sadak pe aise baithe hain? Theek to hain ya koi takleef ha?” Us lady ne puchha.
Main socha ki usko train se jungle me pahuchne wali baat bataunga to ye mujhe nashedi ya paagal samajhlegi aur tab shayad meri help na kare, mujhe ise aisa kuchh batana hoga jispe ye yakeen kar sake. Ye soch k maine usse kaha
“Ji mera naam Aman hai, vo meri train chhut gyi hai, actually train jungle me ruki thi main bahar nikla thoda tahalne k liye aage nikal aya aur achanak se train chal di jab tak main train pahuchta train jaa chuki thi, main akela safar kar raha tha train me koi janne wala hota to vo chain khich k train rok leta, mera mobile, purse, sara saman train me hi chhut gya hai”
“Ohh rail line toh I guess yahan se 4-5 km door hogi, aap wahan se paidal aa rahe hain, aiye baithiye.” Usne ye kah k door khola car ka aur main car me sawar ho gaya. Main aage baitha aur tab mujhe ahsas hua ki car me pichhe koi aur bhi baitha hai, koi young ladka tha pichhe baithe, uske halke halke kharrate ki awaz aa rahi thi.
“Ji madad k liye shukriya” maine kaha.
“Main Sneha Pichhe jo so raha hai vo mera chhota bhai Rohit hai, hum dono ek function se laut rahe hain. To apko apne kisi janne wale ka number yaad hai? Agar ho to unse baat kar k apni location bata dijiye ki abhi aap Ramnagar district me hain.” Us lady ne kaha.
Ye sun k maine jawab diya “nahi mujhe koi bhi mobile number nahi yaad hai, bus apna number mujhe yaad hai uspe call kar k dekh lijiye shayad kisi ko mila ho to vo safe rakhe ho mera phone”
Aur maine use apna number bataya jispe usne call kiya par phone switch off aya yani jis kisi ko bhi mera bag aur phone mile the uski wapas karne ki mansha nahi thi.
She said: “Ohh Aman apka number utha nahi aur ab apko dusre kisi janne wale ka number bhi nahi maloom. Aisa karte hain main apko auto rikshaw stand tak chhod deti hu aur kiraye k paise de deti hu taki aap wahan se rail station aur station se wapas apne ghar ya kisi janne wale k paas pahuch saken.”
Ye kahte hue Sneha ne kuchh note purse se nikal kar mujhe diye.
Meri ankho me ansu aa gye the, mujhe ummid nahi thi koi anjan meri help karega, par insaniyat abhi bhi zinda hai.
Me : “Ji bahot bahot shukriya, agar apko aitraz na ho aap apna ya apne bhai ka koi contact number de dijiye jab main apni manzil pahuch jaunga main apko paise lauta dunga.”
Sneha: “Are uski koi zarurat nahi hai, par haan ek contact number main apna aapko de deti hu agar koi problem aye to call kar k bata dijiyega, nahi to safely pahuch jaiyega to bata dijiyega.”
Me: “Thank you again apka sneha, jab main road pe pahucha tha to maine kai cars ko hath deke rokne ki kosish ki thi par koi nahi ruki thi, ant me main nirash ho kar road kinare baith gaya, aap ne car rokne ka risk liye aur meri madad ki main dua karta hu ishwar se, Upar wala apko tarakki de.”
Sneha: “Are bus shukriya ki ab koi zarurat nahi hai, haan aise me help karne me risk to hota hai, par apko aise baithe dekh mujhe feel hua ki shayad apko such me help ki madad ki zaroorat hai aur aapse baat kar k clear ho gya tha ki aapko wakai me madad ki zarurat thi.”
Tabhi pichhe se awaz aayi “What the hell didi ye admi kaun hai.”
Ye 19-20 saal ka Rohit tha Sneha ka Chhota bhai tha jo pichhe baitha so raha tha aur achanak se jaga aur aage ek admi ko baithe dekh ghabra gaya shayad.
Rohit ki awaz sun k Sneha ne usko jawab diya.
“Ohh rohit tum jag gaye are ghabrao nahi ye Aman hain, inka sara saman including Mobile train me chhut gaya, ye train rukne par train se kuchh minutes k kiye nikle the aur train chal di, to ab inke paas kuchh bhi nhi hai even koi contact number bhi nahi yaad hai siwaye apne khud k phone k aur inka phone switched off aa raha hai."
Aman (me): "Hello Rohit."
Rohit: "Hello aman! Sorry main sote se achanak jaga tha to chauk gaya tha."
Khair mujhe sneha se puchhne pe time pata chala ki raat ya balki kahen subah me 2 baje se upar ho chuka tha. Ab humari car kai km chal chuki thi aur akhirkar sunsan rasta khatam hua aur car ek kasbe k paas se guzri kuchh aabadi nazar aane lagi halaki der raat ka time hone ki wajah se sannata hi pasra hua tha makaan zaroor dikh rahe the par koi bhi shakhs sadak pe nazar nahi aa raha tha, khair hum ek auto rikshaw stand k paas pahuche jahan Sneha ko mujhe drop karna tha. Khair maine Sneha se vida liya aur usko ek baar aur shurkiya bol kar main uski car se utar gaya.
Main auto rickshaw stand pe pahucha jahan itni raat ka samay hone k kaaran aur chhota mota kasba k nazdik hone k kaaran 2 auto khade hi nazar aa rahe the. Main auto k paas gaya to ek auto lock the aur koi driver nahi tha dusre auto me driver auto k andar so raha tha.
Mujhe uski nind se jagane me thodi hichak mahsoos hui main thodi der wahi khada raha. Thodi der baad wahan ek aur Auto wala aya, shayad vo kisi sawari ko chhod k aa raha tha kyuki auto khali tha. Mujhe khada dekh k usne mujhe puchha "kahan jana hai bhayya aapko, itni raat me aap yahan kaise, itni raat ko to koi sawari nahi milti main khud yaha auto khada kar k sone aya tha kyuki ghar mera kafi door hain yahan se par apko kahi jana ho to bataiye chhod deta hu"
Me "vo actually mera naam Aman hai mera phone kahi gayab hai aur train se main galti se yahan utar gaya bich me jungle me train rukne pe, mujhe train se Delhi tak jana tha"
He "ohh to aise karta hu apko Ramnagar k Railway station chhod deta hu wahan se apko Delhi ki koi na koi train mi hi jayegi."
Me "theek hai aap mujhe Railway station pe chhod do."
Aur main uske auto pe sawar ho gaya. Khair usne bataya ki uska naam Manoj hai aur railway station tak ka rasta thoda lamba hai to main aur auto driver manoj baate bhi karne lage raste me.
Manoj (auto driver) : "to yahan tak kaise pahuche sir aap."
Me: "Vo ek car me ek ladki aur uska bhai tha unhone lift di thi"
Manoj: "Oh….achha ajeeb baat hai kuchh din pahle ek accident hua tha usi route pe jahan ki aap bata rahe hain uss accident me ek ladki aur uska chhota bhai mare gaye the truck se hua tha accident santro car thi white color ki"
Ye sun k main sann ho gaya kyuki Sneha ki car bhi white thi. Mujhe laga kahi ye auto wala faltu me mujhe dara to nahi raha hai. Par maine socha isne to mujhe Sneha ki car me baithte ya utarte dekha bhi nahi, Balki ye to sneha k mujhe drop karne k kafi der baad mujhe mila. Maine himmat kar k usse puchha.
"Hmm...ajeeb sanyog hai, waise jo log mare the unke naam bata sakte ho kya?"
Driver Manoj: "are sahab ab naam kahan yaad rahenge vo to main wahan se uss din guzar raha tha to accident se damage santro car khud maine dekhi thi jise police kisi tarah raste se hata rahi thi accident k baad, isiliye yaad hai mujhe color."
Me : "kahi ladki kaa naam Sneha to nahi tha?"
He : "kahe dara rahe ho sahab ab koi mara hua shakhs thodi lift dega apko, unko car bhi white santro thi kya?"
Me "yes"
Ye sun k uss auto driver manoj ke expression ek dum badal gaye vo ghabraya hua dikhne laga, usne kisi ko phone milaya. Aur phone pe baat karye hue kaha "haa bhai sorry itni raat ko phone kar raha hu koi serious baat nahi bus vo accident hua tha pichhle month to vo ladki ka kya naam tha?"
Jawab sun k meri taraf dekhte hue usne kaha "achha sneha naam tha"
Me "Aur bhai kaa naam?"
Manoj "haa bhai vo ladki k bhai ka naam?...........achha Rohit"
Ye sun k mere dil ki dhadkane tez ho gayin, how can this be possible? No way they were alive. Sneha ne even mujhe apna number bhi diya tha. Yahi sub main sochne laga. Yahi Manoj phone pe baat kar chuka tha.
He "to uske bhai ka naam bhi Rohit tha kya jisne apko lift di thi?"
Me "yes"
He "hm...ab jo hua so hua ab mujhe dar lag raha hai to abhi ispe charcha ab aur nahi karte hain main apko station chhod deta hu, fir main sidha jaunga apne ghar."
Me "dekho main tumhe dara nahi raha par dar to mujhe lag raha hai tum jiske accident ki baat kar rahe ho usne mujhe lift di lift hi nahi paise bhi diye aur apna phone number bhi diya hai"
Ye bol k main apni jeb tatolne laga ki vo rupay aur vo parchi jisme sneha ne mujhe apna number likh k diya tha vo main driver ko dikha saku. Par meri dono hi jebe khali thi. Ab samajh gaya zaroor mera ghost encounter hua tha. Khair maine manoj se puchha "waise kisse baat kar rahe the tum"
Manoj "are sahab vo local police me hain mere ek janne wala night duty lagti hai unki accident k baad vo bhi wahan pahuche the to isliye maine phone se unse info li, dost hai vo police wala mera."
Tabhi manoj ka phone baja, usi police wale ka phone tha jiske bare me manoj baat kar raha tha, iss baar phone receive kar k Manoj ne speaker pe laga diya, taki baat mujhe bhi sunai pade.
Vo police wala on phone : "haa kya hua Manoj koi bhoot voot to nahi dekh liya? Aur sala tum daru to peete nahi ho kahi aaj pee to nahi li? Itni raat me auto chala rahe ho 3 se upar ho gaya main bhi ab night duty khatam kar k jaa raha hu tum bhi ab so jaao."
Manoj "haa bhai sawari chhod k ab ghar hi jaunga"
Police man "ok waise main dara nahi raha par raat me thoda sambhal k rahiyo, kuchh din pahle ek car wale ko bhoot dikh gaya tha"
Manoj "bhoot? Kiska bhoot? Wahi accident wali ladki Sneha ka?"
Police man: "are nahi re….koi admi tha 30 k aas paas ka uska bhoot, uss admi ki maut kai saal pahle hui thi train accident me yahi apne jile me, par saal bhar ho gaya hai shayad uss accident ko."
Manoj "achha k...kya naam tha uss admi ka ko accident me mara tha….mera matlab rail accident me?"
Police "abe tu naam aise puchhta hai jaise mujhe rata hua ho, aur rail accident me ek nahi kareeb 30 se zyada log mare the bogi k patri se utarne ke kaaran par uss ghata ko saal bhaar ho gaya hai, vo admi bhi un 30 me se ek tha jo mare the, ruk hold kar phone me dekh k batata hu uska kya naa tha jiska bhoot dikhne ki ghatna hui thi……………...haan vo... Aman…Aman Kumar naam tha uska…."
Uss police wale ne Phone pe itna hi kaha tha ki manoj behosh ho gaya aur auto aniyantrit ho k sadak kinare jaa k ek ped se takrayi………...
Der raat meri ankh khuli, main dekh k hairan rah gya train poori khali thi, train kisi jungle me thi aur lights bhi band thi, mujhe samajh nahi aa raha tha ki ye train khali kaise ho gyi aur jungle me kaha ruk gyi. Main seat se utha aur train se bahar nikla to pata chala train ka koi ata pata nahi tha, bus ek coach jisme main baitha tha vo jungle k virane me ek purani abandoned patri pe tha. Dar k mare dil tezi se dhadakne laga. Baki ki train, mere coach k Baki log kahan gaye, main yahan kaise aa gya, ye sub sawal mere dimag me kaundh rahe the, ek pal to mujhe laga ki ye zaroor koi bura sapna hai, maine apne chikuti kaati, ye koi sapna nahi tha ye hakikat hi thi. Fir mujhe ahsas hua ki kisi ne mujhe koi nasheela padarth sungha k mera sara saman hadap liya hai akyuki mera bag mobile and purse wagahra gayab tha. Par mera saman le k hi jana tha to le jate mujhe virane me iss abandoned train me, sunsan jungle me kyu chhod gaye ye samajh nahi aa raha tha.
Iss jungle me raat me dahshat ka mahaul tha, kab koi jungli janwar ya chor daku mujhe maar de koi bharosa nahi tha. Main bahar ek disha me chalna laga, fir maine socha wapas coach me jaa k dhundhta hu Shayad mera purse ya mobile wahan mil jaye kisi cabin me, main wapis coach pe jane k liye muda hi tha ki mujhe kutto k bhaukne ki awaz ayi aur jangli kutto k dar se maine wapas coach me jaa k mobile lene ka irada chhoda. Dar k mare main wapas uss disha me tez tez bhagne laga. Kuchh der to laga ki pichhe kutte aa rahe hain, par meri pichhe mud k dekhne ki himmat nahi hui. Main bhagta raha, thodi der baad kutto k bhaukne ki awaze bhi ana band ho gyi. Ab main hafne laga aur jungle me koi aabadi nazar nahi aa rahi thi. Main thoda ruka aur ab tez tez kadmo se chalne laga kyuk ab aur bhagne ki himmat nahi thi mujhme. Thodi der baad main jungle k kinare pahuch gya aur ek road pe nikla jo sunsan thi. Road k dusri taraf khet tho aur ek taraf yani jidhar se main aya tha jungle. Road sunsan thi aur koi bhi waahan guzarta nahi dikh raha tha, maine jeb tatoli jeb me purse bhi nahi tha, purse bhi coach me hi chhut gya tha. Maine socha agar jeb pe aise hote to kisi commercial gaadi me chad jata ab paise nahi hain free me hi kisi se lift leni padegi. Main sadak pe hi khada raha thodi der, kafi der baad ek car dikhai di maine hath dikhaya par car nahi ruki. Zahir si baat hai sunsan me ek ajnabi k hath dikhane pe car kaun rokega. Aise hi adhe ghante se zyada waqt beet gya is dauran kai car nikli par kisi ne car nahi roki. Main nirash hoke sadak pe kinare baith gya sir jhuka k. Thodi der baad maine notice kiya ki ek car mere paas aa k ruki, main khada hua, dekha car me ek lady baithi thi 25-30 saal ki.
“Aap sadak pe aise baithe hain? Theek to hain ya koi takleef ha?” Us lady ne puchha.
Main socha ki usko train se jungle me pahuchne wali baat bataunga to ye mujhe nashedi ya paagal samajhlegi aur tab shayad meri help na kare, mujhe ise aisa kuchh batana hoga jispe ye yakeen kar sake. Ye soch k maine usse kaha
“Ji mera naam Aman hai, vo meri train chhut gyi hai, actually train jungle me ruki thi main bahar nikla thoda tahalne k liye aage nikal aya aur achanak se train chal di jab tak main train pahuchta train jaa chuki thi, main akela safar kar raha tha train me koi janne wala hota to vo chain khich k train rok leta, mera mobile, purse, sara saman train me hi chhut gya hai”
“Ohh rail line toh I guess yahan se 4-5 km door hogi, aap wahan se paidal aa rahe hain, aiye baithiye.” Usne ye kah k door khola car ka aur main car me sawar ho gaya. Main aage baitha aur tab mujhe ahsas hua ki car me pichhe koi aur bhi baitha hai, koi young ladka tha pichhe baithe, uske halke halke kharrate ki awaz aa rahi thi.
“Ji madad k liye shukriya” maine kaha.
“Main Sneha Pichhe jo so raha hai vo mera chhota bhai Rohit hai, hum dono ek function se laut rahe hain. To apko apne kisi janne wale ka number yaad hai? Agar ho to unse baat kar k apni location bata dijiye ki abhi aap Ramnagar district me hain.” Us lady ne kaha.
Ye sun k maine jawab diya “nahi mujhe koi bhi mobile number nahi yaad hai, bus apna number mujhe yaad hai uspe call kar k dekh lijiye shayad kisi ko mila ho to vo safe rakhe ho mera phone”
Aur maine use apna number bataya jispe usne call kiya par phone switch off aya yani jis kisi ko bhi mera bag aur phone mile the uski wapas karne ki mansha nahi thi.
She said: “Ohh Aman apka number utha nahi aur ab apko dusre kisi janne wale ka number bhi nahi maloom. Aisa karte hain main apko auto rikshaw stand tak chhod deti hu aur kiraye k paise de deti hu taki aap wahan se rail station aur station se wapas apne ghar ya kisi janne wale k paas pahuch saken.”
Ye kahte hue Sneha ne kuchh note purse se nikal kar mujhe diye.
Meri ankho me ansu aa gye the, mujhe ummid nahi thi koi anjan meri help karega, par insaniyat abhi bhi zinda hai.
Me : “Ji bahot bahot shukriya, agar apko aitraz na ho aap apna ya apne bhai ka koi contact number de dijiye jab main apni manzil pahuch jaunga main apko paise lauta dunga.”
Sneha: “Are uski koi zarurat nahi hai, par haan ek contact number main apna aapko de deti hu agar koi problem aye to call kar k bata dijiyega, nahi to safely pahuch jaiyega to bata dijiyega.”
Me: “Thank you again apka sneha, jab main road pe pahucha tha to maine kai cars ko hath deke rokne ki kosish ki thi par koi nahi ruki thi, ant me main nirash ho kar road kinare baith gaya, aap ne car rokne ka risk liye aur meri madad ki main dua karta hu ishwar se, Upar wala apko tarakki de.”
Sneha: “Are bus shukriya ki ab koi zarurat nahi hai, haan aise me help karne me risk to hota hai, par apko aise baithe dekh mujhe feel hua ki shayad apko such me help ki madad ki zaroorat hai aur aapse baat kar k clear ho gya tha ki aapko wakai me madad ki zarurat thi.”
Tabhi pichhe se awaz aayi “What the hell didi ye admi kaun hai.”
Ye 19-20 saal ka Rohit tha Sneha ka Chhota bhai tha jo pichhe baitha so raha tha aur achanak se jaga aur aage ek admi ko baithe dekh ghabra gaya shayad.
Rohit ki awaz sun k Sneha ne usko jawab diya.
“Ohh rohit tum jag gaye are ghabrao nahi ye Aman hain, inka sara saman including Mobile train me chhut gaya, ye train rukne par train se kuchh minutes k kiye nikle the aur train chal di, to ab inke paas kuchh bhi nhi hai even koi contact number bhi nahi yaad hai siwaye apne khud k phone k aur inka phone switched off aa raha hai."
Aman (me): "Hello Rohit."
Rohit: "Hello aman! Sorry main sote se achanak jaga tha to chauk gaya tha."
Khair mujhe sneha se puchhne pe time pata chala ki raat ya balki kahen subah me 2 baje se upar ho chuka tha. Ab humari car kai km chal chuki thi aur akhirkar sunsan rasta khatam hua aur car ek kasbe k paas se guzri kuchh aabadi nazar aane lagi halaki der raat ka time hone ki wajah se sannata hi pasra hua tha makaan zaroor dikh rahe the par koi bhi shakhs sadak pe nazar nahi aa raha tha, khair hum ek auto rikshaw stand k paas pahuche jahan Sneha ko mujhe drop karna tha. Khair maine Sneha se vida liya aur usko ek baar aur shurkiya bol kar main uski car se utar gaya.
Main auto rickshaw stand pe pahucha jahan itni raat ka samay hone k kaaran aur chhota mota kasba k nazdik hone k kaaran 2 auto khade hi nazar aa rahe the. Main auto k paas gaya to ek auto lock the aur koi driver nahi tha dusre auto me driver auto k andar so raha tha.
Mujhe uski nind se jagane me thodi hichak mahsoos hui main thodi der wahi khada raha. Thodi der baad wahan ek aur Auto wala aya, shayad vo kisi sawari ko chhod k aa raha tha kyuki auto khali tha. Mujhe khada dekh k usne mujhe puchha "kahan jana hai bhayya aapko, itni raat me aap yahan kaise, itni raat ko to koi sawari nahi milti main khud yaha auto khada kar k sone aya tha kyuki ghar mera kafi door hain yahan se par apko kahi jana ho to bataiye chhod deta hu"
Me "vo actually mera naam Aman hai mera phone kahi gayab hai aur train se main galti se yahan utar gaya bich me jungle me train rukne pe, mujhe train se Delhi tak jana tha"
He "ohh to aise karta hu apko Ramnagar k Railway station chhod deta hu wahan se apko Delhi ki koi na koi train mi hi jayegi."
Me "theek hai aap mujhe Railway station pe chhod do."
Aur main uske auto pe sawar ho gaya. Khair usne bataya ki uska naam Manoj hai aur railway station tak ka rasta thoda lamba hai to main aur auto driver manoj baate bhi karne lage raste me.
Manoj (auto driver) : "to yahan tak kaise pahuche sir aap."
Me: "Vo ek car me ek ladki aur uska bhai tha unhone lift di thi"
Manoj: "Oh….achha ajeeb baat hai kuchh din pahle ek accident hua tha usi route pe jahan ki aap bata rahe hain uss accident me ek ladki aur uska chhota bhai mare gaye the truck se hua tha accident santro car thi white color ki"
Ye sun k main sann ho gaya kyuki Sneha ki car bhi white thi. Mujhe laga kahi ye auto wala faltu me mujhe dara to nahi raha hai. Par maine socha isne to mujhe Sneha ki car me baithte ya utarte dekha bhi nahi, Balki ye to sneha k mujhe drop karne k kafi der baad mujhe mila. Maine himmat kar k usse puchha.
"Hmm...ajeeb sanyog hai, waise jo log mare the unke naam bata sakte ho kya?"
Driver Manoj: "are sahab ab naam kahan yaad rahenge vo to main wahan se uss din guzar raha tha to accident se damage santro car khud maine dekhi thi jise police kisi tarah raste se hata rahi thi accident k baad, isiliye yaad hai mujhe color."
Me : "kahi ladki kaa naam Sneha to nahi tha?"
He : "kahe dara rahe ho sahab ab koi mara hua shakhs thodi lift dega apko, unko car bhi white santro thi kya?"
Me "yes"
Ye sun k uss auto driver manoj ke expression ek dum badal gaye vo ghabraya hua dikhne laga, usne kisi ko phone milaya. Aur phone pe baat karye hue kaha "haa bhai sorry itni raat ko phone kar raha hu koi serious baat nahi bus vo accident hua tha pichhle month to vo ladki ka kya naam tha?"
Jawab sun k meri taraf dekhte hue usne kaha "achha sneha naam tha"
Me "Aur bhai kaa naam?"
Manoj "haa bhai vo ladki k bhai ka naam?...........achha Rohit"
Ye sun k mere dil ki dhadkane tez ho gayin, how can this be possible? No way they were alive. Sneha ne even mujhe apna number bhi diya tha. Yahi sub main sochne laga. Yahi Manoj phone pe baat kar chuka tha.
He "to uske bhai ka naam bhi Rohit tha kya jisne apko lift di thi?"
Me "yes"
He "hm...ab jo hua so hua ab mujhe dar lag raha hai to abhi ispe charcha ab aur nahi karte hain main apko station chhod deta hu, fir main sidha jaunga apne ghar."
Me "dekho main tumhe dara nahi raha par dar to mujhe lag raha hai tum jiske accident ki baat kar rahe ho usne mujhe lift di lift hi nahi paise bhi diye aur apna phone number bhi diya hai"
Ye bol k main apni jeb tatolne laga ki vo rupay aur vo parchi jisme sneha ne mujhe apna number likh k diya tha vo main driver ko dikha saku. Par meri dono hi jebe khali thi. Ab samajh gaya zaroor mera ghost encounter hua tha. Khair maine manoj se puchha "waise kisse baat kar rahe the tum"
Manoj "are sahab vo local police me hain mere ek janne wala night duty lagti hai unki accident k baad vo bhi wahan pahuche the to isliye maine phone se unse info li, dost hai vo police wala mera."
Tabhi manoj ka phone baja, usi police wale ka phone tha jiske bare me manoj baat kar raha tha, iss baar phone receive kar k Manoj ne speaker pe laga diya, taki baat mujhe bhi sunai pade.
Vo police wala on phone : "haa kya hua Manoj koi bhoot voot to nahi dekh liya? Aur sala tum daru to peete nahi ho kahi aaj pee to nahi li? Itni raat me auto chala rahe ho 3 se upar ho gaya main bhi ab night duty khatam kar k jaa raha hu tum bhi ab so jaao."
Manoj "haa bhai sawari chhod k ab ghar hi jaunga"
Police man "ok waise main dara nahi raha par raat me thoda sambhal k rahiyo, kuchh din pahle ek car wale ko bhoot dikh gaya tha"
Manoj "bhoot? Kiska bhoot? Wahi accident wali ladki Sneha ka?"
Police man: "are nahi re….koi admi tha 30 k aas paas ka uska bhoot, uss admi ki maut kai saal pahle hui thi train accident me yahi apne jile me, par saal bhar ho gaya hai shayad uss accident ko."
Manoj "achha k...kya naam tha uss admi ka ko accident me mara tha….mera matlab rail accident me?"
Police "abe tu naam aise puchhta hai jaise mujhe rata hua ho, aur rail accident me ek nahi kareeb 30 se zyada log mare the bogi k patri se utarne ke kaaran par uss ghata ko saal bhaar ho gaya hai, vo admi bhi un 30 me se ek tha jo mare the, ruk hold kar phone me dekh k batata hu uska kya naa tha jiska bhoot dikhne ki ghatna hui thi……………...haan vo... Aman…Aman Kumar naam tha uska…."
Uss police wale ne Phone pe itna hi kaha tha ki manoj behosh ho gaya aur auto aniyantrit ho k sadak kinare jaa k ek ped se takrayi………...