• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy इच्छाधारी देव

Boby

Well-Known Member
2,720
12,965
159
UPDATE - 21

TILISM - NAGRI

Yaha par bhi pahle se sab ko pata chal chuka tha ki tilismi nagri ki rajkumari Poonam aur shalaka naag lok ke rajkumar aur us ke pariwar ke saath aa rahe hae. sabhi bahot utsukta se unka intjar kar rahe the.

Aur wo sab waha pahuchte hae. jaha poori nagri rajkumariyo aur rajkumar ka swagat phoolo ki barish aur jay jay kar se karti hae.

Fir ye sab pahuchte hae raj mahal jaha Poonam ke is nagri ke maa baap us ka intjar palke bichaye kar rahe the poonam unhe dekhte hi pahchan jati hae aur daud kar apni maa se gale milti hae aur apne pita ke bhi.

Aur uski aakho se aansu bahna shuru ho jate hae. uski maa bhi apni sekdo salo se bichdi hui beti ko paa kar khud ke aansu rok nahi paa rahi thi. Fir wo sab andar jate hae.

Poonam ki maa maharani kaushalya (MK) – kaesi ho meri bachchi?

Poonam mae bilkul thik hu maa. Mujhe to yakeen nahi aa raha hae ki mae aap logo ke saath baethi hu.

Poonam ke pita Sumnat Dev (SD) – ha beti sab kuch kal ki hi baat lag rahi hae ab. Tu to hame chhod ke chali gayi apna shareer bhi tyag diya lekin hum logo ne kaese ye samay bitaya hae hum hi jante hae.

waese tum apni nayi jnidagi ke bare me batao

Poonam - Pita ji mae dharti lok par ek gaanv me paeda hui aur mujhe kal tak to kuch pata hi nahi tha mae to waha ek sadharan ladki ki jindagi hi bita rahi thi.

Fir ek din achanak meri jindagi me dev aaye. Aur hame pata hi nahi chala ke hum kab ek dusre se pyar karne lage. Tab tak dev bhi poorva janam ki baato se anjan the bas ek taqat thi jisne hame ek dusre ki taraf aakrshit kiya Aur fit badte badte waha hamari jindagi is mod pe pahuchi ki hamare gharwalo ne hamara rishta tay karwa diya. us hisab se ye hamare hone wale jeevan saathi hae.

……… fir achanak kal deva ne mujhe apni shaktiya di aur unhi shaktiyo ke prabhav se mujhe sab kuch yaad aa gaya wahi meri mulakat shalaka se bhi hui.

MK – kya iska matlab tum aur shalaka bhi ab tak nahi mili thi?

Poonam – nahi maa mae to ek sadharan ladki thi na to ye mere samne nahi aa sakti thi , par mujhe shaktiya milte hi. Ye mere samne aa gayi aur usi wajah se to mae ise dekhte hi pahchan gayi. Varna to shayad ye mere samne aa bhi jati to mae ise pahchan nahi paati. Aur ye sab hua fakeer baba ki sahayta se. jinhone hame aaj milwa diya.

Tabhi waha fakeer baba prakat hote hae.

Sabhi uthkar unhe pranam karte hae.

FB – poonam beti aaj tumhe apne mata pita ke saath tumhari hi nagri me dekh kar bahot achcha lag raha hae.

Deva – baba aap me to bahot shaktiya hae. fir aapne itna samay kyu lagaya hame milane me? Aap chahte to ye sab pahle bhi ho sakta tha.

FB muskrate hue – nahi deva. Shaktiyo ka bhi apna dayra hota hae. kuch waqt ki pabandiya hoti hae. waqt se pahle to mae bhi kuch nahi kar sakta tha. Aur raha sawal apni shaktiyo se, to wo bhi mumkin nahi tha. Kyu ki abhi jo tum dono ke andar shaktiya hae wo tumahri sekdo salo ki mehnat ka nateeja hae jinhe koi tumse chheen nahi sakta .

……. aur yakeen mano to aaj mujhse bhi jyada shaktiya tum dono ke paas hae agar kisi dushman ke samne tum dono khade ho jao to use tum dono ko paar karna lagbhag asambhav hae. aesa kisi ki di hui shakti se nahi hota. Par ab tum dono taiyar ho mere bachcho.

Deva – baba mujhe kuch samajh nahi aa raha hae abhi kai saare prashn hae jinka jawab nahi hae.

FB – wo isliye kyu ki tumahre pichle jana me jo bhi hua wo sab tumahri ankho ke samne nahi hua tha. Kuch yaha is nagri me hua kuch naglok me to kuch kahi aur. Fir un sab bato ka nateeja jo nikla wo bahot khatarnak roop me tha.

Deva – baba kya aap hame sab kuch bata sakte hae?

FB – ha deva aaj mae wahi batane aaya hu. Suno aaj se sekdo baras pahle ye tilism nagri aur Naag lok dono hi apni apni seemao me behad khush the. Jante to the ek duje ke bare me lekin kabhi koi mel milap nahi hua tha. Isliye anjan bhi kah sakte ho. Fir…………….

Flash back

Tilismi nagri ka raja sumant dev apni praja se bahot pyar karta tha uski sirf do betiya hi thi ( rajkumari Poonam aur rajkumari shalaka) koi beta nahi tha. Lekin unhe is baat ka koi afsos nahi tha. Kyuki ye dono rajkumariya unka abhiman thi aur kisi bhi navyuvak pe bhari. Ye kisi shaktishali yodha ko bhi dhool chatane me saksham thi. Behad chalak aur furteeli.har yuddh kala me daksh. Aur khubsurat itni ki indra ki apsar bhi inke samne kuch nahi.

Unke rajya me khushhali thi. Waha ka karya hi ye tha ke sab apni tilismi shaktiyo me parangat ho jo jitni shaktiya hasil karega utna uncha use pad milta tha.

Wahi pe ek vyakti tha pushpak naath jo tilism nagri ke mutabik tha to sirf ek sadharan vyakti. Lekin usne bhi kai sari shaktiya hasil ki hui thi. Aur uska maqsad tha sumant dev ko hata kar raja banna . chahe us ke liye use kuch bhi karna pade. Lekin wo janta tha ke woe k baar sumant dev ko to hara bhi de lekin shalaka aur khas tour pe poonam ko haran is ke bas me nahi tha. Isiliye wo chintit rahta tha ke kaese apna spna poora kare aur tilism nagri ka singhasan uska ho jaye.

Wo nirantar apni chaalbajiyo se koshish karta tha lekin use ek bhi mamuli si bhi safalta najar nahi aayi. Use ye pata chal gaya ke ye akele us ke bas ki baat nahi. Lekin wo mouke ki talash me rahne laga.

Unhi dino us nagri me ek mantrik aaya jisse milne walo ki bheed lagi hui thi is ki jaankari pushpaknath ko bhi mili to wo bhi use dekhne chala gaya. Wo roj jata aur use door se dekhta aur use samajhne ki koshish karta. Aur jo log use mil kar aate unse bhi pushpak nath milta aur mantrik ke bare me jaanne ki koshish karta kareeb ek hafte tak usne yahi kiya. Aur jo nateeja usne nikala us nateeje ko jan kar uski khushi ka thikana nahi raha aur use manjil samne najar aane lagi ab wo taiyar tha mantrik se milne ke liye .

Ek din pushpak naath subah subah pahuch gaya mantrik ke paas jaha pe log use milne ke liye aa rahe the. Wo ek kinare me baeth gaya. Log aate gaye aur mantrik se mil kar jate rahe. Is sab me aadha din nikal gaya. Jab waha koi na bacha to pushpak nath mantrik ke paas gaya.

Mantrik – aao pushpak naath sab kuch jaan liya mere bare me? Koi shanka baki to nahi?

Pushpak naath ye sun kar us ke pair pakad leta hae. nahi maharaj mere man me koi shanka nahi lekin yadi aap jante the to aapne mujhe roka kyu nahi?

Mantrik – kyu ki yaha mae ye daan dharma karne nahi aaya. Mae to yaha khas tumse hi milne aaya hu. Tumne hi mujh tak aane me der kar di.Par ab aa gaye ho to pahle tum bolo jo bolna chahte ho.

Pushpaknath – maharaj mae yaha ke raja sumant dev ki gaddi pe baethna chahta hu.

Mantrik - ye nahi ho sakta.

Pushpak nath haerna ho kar – kyu maharaj?

Mantrik kyu ki tum us yogya nahi ho tum ek lalchi insane ho bhala yaha ki praja tumhe raja kyu manegi. Halaki ye sambhav to nahi par maan lo tumne raja ko maar bhi diya to uski putriya yaha ka shasan sambhalegi. Mae janta hu us ki do putriya bhi hae. jo ki yogya hae.

Pushpaknath –to kya mera sapna kabhi poora nahi ho sakta.

Mantrik – dekho pushpaknath. Mere paas itni shakti hae ke mae tumahri manokamna poori kar sakta hu. Lekin meri bhi kuch shart hae.

Pushpak nath – mujhe aapki har shart manjur hae.

Mantrik - pahle sun to le.

Pushpak nath – thik hae bataiye

Mantrik – is raja ke paas ek vishesh mani hae jo use devtao ki kathor tapasya se prapt hui hae. uski ye khoobi hae ke wo mani SD ke pas to rahegi aur uske baad job hi is singhasan pe baethega wo mani us ke aadheen ho jayegi. Lekin agar us sighasan par baetha raja chahe to kisi ko bhi de sakta hae. bas mujhe wahi mani chahiye jo ke raja SD ne kahi surakshit jagah pe rakhi hae kaha ye us ke alava aur koi nahi janta usi ki vajah se yaha har koi itna khushhal hae.

Tum nahi jante lekin agar ye raja chahe to poore brmhand pe raaj kar sakta hae, lekin ye lalchi nahi hae. isliye us mani ka upyog nahi karta. Par mujhe wo mani chahiye. Mae raja ke poore vansh ko khatam kruga aur tumhe raja bana duga jaese hi raja marega aur tum us singhasan pe baethoge wo mani tumahre paas aa jayegi. Aur tum use mujhe sonp doge bolo manjur hae?

Pushpak nath – bilkul manjur hae maharaj. Mujhe mani ka lobh nahi mujhe to bas ye singhasan chahiye.

Mantrik - thik hae ab tum jao aur ek saptah ke baad aana aaj se aathve din us raja ki jindagi ka aakhri din hoga. Lekin yaad rakhna tumhare man me hame dhokha dene ka vichar bhi aaya to mae tumhe usi samay bhasm kar duga.

PN - aesa nahi hoga maharaj. Ab aagya de.



Idhar naag lok me bhi sab behad khushaal the.

Yaha ke raja bhairav singh apni rani nilmani ke saath ek shant aur khushal jindagi ji rahe the rani bhi dhramik swabhav ki bhagwan bholenath ki pooja me vyast rahti thi. Unka ek hi beta hae DEV singh

Rajkumar dev singh ke kya kahne mahabalshali, maha prakrami, har yuddh kala me parangat aur kai sari divya shaktiyo ka gyani tha. Waese to koi dushman inke rajya ka tha nahi par Yadi koi dushman hamla kar bhi deta tha to yuvraj dev singh aur uska khas dost RUDRA jo ke akele hi poori sena pe bhari padte the. Ye us dushman ko aesa sabak sikha dete the ke wo shayad apni gaddi pe bhi baethne ke layak nahi rahta tha. In dono ka saath poori nagri me mashhur tha.

Bhairav singh ka darbar laga hua tha aaj waha dev singh ka janam din manaya ja raha tha tabhi waha dev aur rudra aate hae.

Bhairav singh – aao beta aur ye mithaiyo aur tohfo par apna hath rakho inhe praja me baat do

Dev singh un thaliyo pe apna hath rakhta hae.

Aur samne khadi praja me wo sab batne ke liye sevak le jate hae.

Fir dev aur rudra maharaj ke paer chute hae.

BS – jeete raho mere bachcho rudra aaj tumhara bhi janam din hae. to tumhe bhi bahot bahot badhayi ho bete.

Deva singh - maharaj aaj mera aur rudra dono ka janam din hae hame ashirwad de ki hamari dosti kabhi na toote

Bhairav singh - tum dono sadev saath rahoge aur tum dono ki dosti to missal rahegi. Sada khush raho mere bachcho.

…..waese Aaj kya vichar hae kahi ja rahe ho kya?

Dev singh – ji pita maharaj hum aapse aagya lene hi aaye hae

Bhairav singh – achcha to kaha chali ye Jodi?

Rudra - maharaj hum bas yu hi ghumne ja rahe hae. aapse aagya lene aaye the.

Bhairav singh - thik hae jao par jaldi aa jana

Fir dono apne ghodo pe sawar ho kar nikalte hae . aur door tak jate hae. aur ek jagah pe jharne ke kinare ekant me baeth kar mousam ka anand lene lagte hae.

Tabhi unhe waha kuch awaze aati hae.

1 – are aaj to kamal ki ladki haath lag gayi hamare malik to khush ho jayege.

2. ha par kisi ko pata na chale ki hamne ise agwa kiya hae varna maharaj hame jaan se maar denge. Raat hote hi hame pane rajya ki taraf chal padna hae. jisse ki koi hame dekh na paaye.

Itna sunte hi dev singh aur rudra ek dusre ko dekhte hae aur furti se ek kone me chhup jate hae aur us taraf dekhne lagte hae jaha koi 8-10 aami door door khade the. Ye do aadmi dev aur rudra ke najdeek the jinki baate inhone sun li thi.

Dev singh turan apni talwar nikal ke samne aa jata hae rudra wahi chhup ke khada raha.

Devsingh - kaun ho tum log aur yaha kya kar rahe ho.

Waha jitney bhi aadmi the wo dev singh ko dekhte hi us par bina koi jawab diya hamla bol dete hae. aur dev singh bhi unse bhid jata hae.

Ek saath saare log dev pe talwar se hamla karte hae dev neeche baetrh kar sare waar apne sir pe jhelta hae jaha usne apni talwar aage ki hui thi. Aur ek jhatka maarta hae to 10 ke 10 log door ho jate hae. fir dev badi furti se. apne pas ke do logo ke seene pe talwar se waar karta hae aur poori rafter se peeche talwar ghmata hae jo peeche aa rahe ek aadmi ke pet se aar par ho jati hae.

in teen logo ko mout ki nind sula ke dev wahi ped se latak rahi ek bel pakad ke dusra hath hawa me lahra deta hae to us ki talwar fir se 2 logo ki garden ko cheerte hue gujar jati hae.



Dev inse ladne me vyast tha ke itne me rudra chup ke se waha bani ek chhoti si jhopdi me jata hae jaha ek behad khubsurat ladki bandhi hui padi thi. Uske hath paer aur mooh bandh kar wahi jameen pe chhod diya gaya tha.

Rudra aage badta hae aur uski sari rassiya khol deta hae aur uski hi ankho me kho jata hae. wo ladki bhi rudra me kho jati hae. aese hi koi 5 minut ho jate hae tabhi jhopdi me teji se ek aadmi aata hae aur usne rudra ko marne ke liye talwar uthai hi thi ke peeche se dev apni talwar fenk kar use marta hae jo uski peeth me ghus kar chhati fadte hue nikal aati hae.



Rudra us ladki ka hath pakad kar bahar lata ahe to dekhta hae ke do logo ne dev ko ghera hua tha aur dev unse bach raha tha.

Rudra wahi ek patthar pe baeth jata hae aur hasne lagta hae.

LAdki – are ye kaun hae jo akela lad raha hae.

Rudra - koi nahi mera dost hae.

Ladki kamal karte hae aap wo do log use marne ki koshish kar rahe hae aur wo nihathha un talwar walo se lad raha hae aur aap hae ke yaha baethe hans rahe hae. us bachate kyu nahi. Jaiye use bachaiye kahi kuch anarth na ho jaye.

Rudra – are koi anarth vanarth nahi hoga aese tuchche log ise marne lage to ho gaya kam

Ladki – are kam se kam apni talwar to use de dijiye.

Rudra – koi jarurat nahi use kuch dene ki. Aap bhi baeth jao yahi pe.

Dev – rudra kya kar raha hae be talwar de na.

Rudra – kya kaha? aapne kuch kaha humse bhai?

Dev – rudra tujhe to mae chhoduga nahi. Ruk abhi batata hu.

Itne me dev apni taraf hamla karne wale ek aadmi ki talwar hath se pakad leta hae aur ek jhatka maarta hae to talwar us ke haath se nikal kar dev ke haath me aa jati hae.

dev bina der kiye teji se talwar le kar ek round gol ghum jata hae. to us ke paas khade aakhri dono log bhi kate hue ped ki tarah gir jate hae. fir dev aata hae rudra ke paas

Dev – kyu be mujhe bacha nahi sakta tha.

Par yaha rudra to us ladki ki ankho me khoya hua tha dev jab najar ghumata hae to ladki bhi madhosh ho chuki thi. Rudra ki ankho me. Dev muskrat deta hae.aur rudra ko aur ladki ko pakad ke hila deta hae.

Dev – are o tota maina hosh me aao

Rudra – are dev t.. t.. t.. tu aa gaya mae to bas aa hi raha tha tujhe bachane.

Dev – waaaaaah kya baat hae. tu aa raha tha. Bol deta na mujhe mae un logo se kah deta bhai abhi ruk jao rudra aayega mujhe bachane tab marna.

Tujhe sharam nahi aati mujhe waha un ke beech akela chhod kar yaha nain lada rhaa hae.

Itna sun kar ladki Sharma jati hae.

Dev – khaer chalo jane do waqt aane pe badla luga. waese aap kaun hae? “deva ladki ki taraf ishra kar ke”

Rudra - ladki hae aur yaha musibat me thi to maene inhe bachaya.

Dev – achhaaaaaaaaa yar mujhe to pata hi nahi tha.

Rudra - kya bolta hae be ?

Ladki ka hans hans ke bura haal tha – aap dono ho kya mujhe to samajh nahi aa raha

Rudra – Mae hu rudra yaha ke maharaj ka khas sevak poori nagri mujhe janti hae. bade se bada dushman mera samna nahi kar sakta. Bajuo me itni taqt ha eke lohe ke sariye ko kalai pe rulmal ki tra lappet sakta hu. Aur ab tak kuwara hi hu. Meri shadi nahi hui ab tak.

Ladki dev ki taraf dekh kar– aur ye kaun hae ?

Rudra – ye? Ye koi nahi, ye to aese hi bas mera dost hae . tum ise chhodo meri baat ka jawab do kya naam hae tumahra?

Ladki mera nam nilam hae aur mae yaha paas ke gaanv me rahti hu abhi nagri ki taraf ja rahi thi ke in logo ne pakad liya. Achcha hua aap log aa gaye.

Rudra koi baat nahi ab tum mujhe dhanyavad mat kahna ye to mera farz tha.

Nilam – lekin un logo ko mar kar to mujhe inhone bachaya na

Rudra - are ise to aadat hae maar kaat karne ki abhi sikh raha hae ye bhi talwar chalana mae jaldi hi ise bhi poora sikha duga. Waese maene hi tumhe bachaya hae dekha nahi apni jaan pe khel kar mae jhopdi me ghus aaya tumhe nikalne ke liye.

Nilam hans kar – achcha to aap itne bahadur hae


Dev-ji ha inki bahaduri to poori nagri janti hi hae.

Rudra - chaliye na aapko ghar chhod de.

Nilam ji nahi mae chali jaugi .

Fir nilam chali jati hae.

US ke baad rudra aur dev wapas mahal aa jate hae.
 
Top