Update – 219
Deva daudkar apne kamre me jata hae. aur naha kar kapde pahan leta hae.
Ab Aage ------
Rat ko khane pe Dr. mathur aur Dr. anand aate hae. sabhi ke chehre pe khushi thi. Waha dev ki poori team bhi thi . dr. mathur se sabka parichay dev karwata hae.
SD – Dr. saab aaj deva ne bataya ke iske babu ji thik ho jayege. Kya aapko yakeen hae?
Dr Mathur – ji ha madam wo jald hi thik ho jayege. Infect aaj hi maene unhe check kiya hae kuchh dawaiya de kar aur unme pahle hi din kuchh moovment yani kuchh farak mujhe najar aaya hae. is hisab se wo lagbhag ek mahine me thik ho jayege.
SD – aap to hamare liye bhagwan ban ke hi aa gaye aapka bahot bahot dhanyawad Dr. Saab.
Dr. Mathur – are aap kaesi bate karti hae. ye sab mera nahi deva ka hi kamal hae itna high-tech hospital bana diya hae yaha. Ke unhe jaldi thik karne me asani ho rahi hae. varna aese hi treatment ke liye aapko na jane kaha kaha bhatkna padta.
Diya – hamara deva to karodo me ek hae. sab ki murade poori karta hae…… diya ne deva ko pyar bhari najro se dekha.aur kaha.
Deva – aesi bhi koi baat nahi ye sab maa ki pooja path ka kamal hae aur dr. saab ki mehnat ka. Aap sab har baat me mujhe credit mat diya kijiye yar bahot ho gaya. Mujhe insane hi rahne dijiye na. kaye ko chane pe chadha rakha hae?
Deva ki is baat pe sab hasne lage.
Fir bato ka silsila deva ki team ki taraf ghum jata hae dr. mathur bade dhyan se sabki bate sun rahe the. Ki unhone kaese anna gang ka safaya kiya kis ka kya role roaha. Us mission me. Sab sun kar Dr. mathur bahot hi impress hote hae. aur poori team ki khule dil se tareef karte hse. Thodi der me khana khatam hua aur drs. Ne bhi vida le li deva ko kuchh samjha ke.
Fir deva bhi apne kamre me aaya tabhi waha fakeer baba aate hae.
Deva – baba pranam.
FB – khush raho dev.
Deva – baba hamara kam to adhura rah gaya. Mae aapse us sambandh me baat karna chahta tha.
FB – dev jo kam adhura rah gaya hae use poora karne tum jald hi nikloge tumhara sochna sahi hae wo bahot hi jaroori kaam hae jiske liye tum sabko nikalna hoga. lekin usse pahle ek kam hae jise poora karna bhi behad jaroori hae.
Deva – aadesh dijiye baba.
FB – Dev, Putra jo Mae tumse kahne jar aha hu use dhyan se aur dhairya se sunna ye kahna jitna mere liye kathin hae utna hi tumahre liye ise sunna aur us par amal karna kathin hone wala hae kintu ye behad jaroori hae.
Dev – aesi kya bat hae baba ke aap itna sankoch kar rahe hae job hi kahna hae kah dijiye.
FB – beta yad hae tumne abhi kuch din pahle poonam ko bataya tha shareer ki bhookh ke bare me .
Deva – ha baba wo apni maa aur mere rishte ko lekar chintit thi isiliye. Use samjhaya tha.
FB – deva aaj mae tumse ek bahot jaroori bat karne ja raha hu tumhare babu ji ke bare me.
Deva – mae samjha nahi baba abhi aap wo poonam wali bat yad dila rahe the aur ab babu ji ki tabiyat ki baat. aap khul kar kahiye baba mae samajh nahi paa raha hu. Aur aapne babu ji ki tabiyat ki bat nikal ke to mujhe chinta me dal diya sab thik to hoga na baba.
FB – dev mere pas siddhiya hae kintu mae antaryami nahi isiliye bhavishya mae nahi dekh pauga ha graho ki gadna ke mutabik hi mae kuchh kah sakta hu kintu sachayi ishwar kea lava koi nahi janta, tum sahi ho apne marg pea dig ho to kuchh bura nahi hoga. us ishwar pe yakeen rakho. Karm hi insane ke hath hota hae parinam nahi. Aur jin do bato ka tumne poocha wo dono hi bate ek duje se sambandhit hae dev mae samjhata hu tumhe. Tumhare babu ji ko is duniya ka koi vaidh ya Dr. thik nahi kar sakta kyu ki un par aghori ne apni sahyogi taqato ka war kiya tha thakur ke sath milkar ya thakur ke dwara. aur wo bewkoof bhi apne adhure gyan ke dwara aesa kar gaya jisse un shaktiyo ka prabhav bahot jyada ghatak to nahi hua lekin fir bhi tumhare babu ji ko usne lagbhag mratawastha me bhej diya hae. jise yaha ki bhasha me coma kahte hae. Agar thakur ne sahi waar kiya hota to tumhare babu ji usi samay praan tyag dete. Par use waar karna nahi aaya halaki kahi na kahi aghori ki yojna bhi yahi thi ke tumhare babu ji mare na jaye. aur yahi baat hamare fayde ki sabit hui. Lekin thakur ki is galti ka aghori ne bhi fayda uthaya hae. wo kya ye aage pata chal jayega tumhe meri bato se.
Deva – kya wo waar dubara karega?
FB – ha jaroor karega lekin ab uske pas aghori ki taqate nahi hae. aur aghori ab apni taqate kisi ko is tarah dega nahi. us samay usne apni taqate isiliye di kyu ki tum charo yaha nahi the. Tilismi chakra me the. Ab agar usne aesa kiya to wo bahot jyada kamjor ho jayega. Aur ye jokhim wo uthana nahi chahega ke Uski sekdo salo ki kamai taqat thakur jaesa murkh barbad kar de.
Deva – fir to thakur hamare liye koi bahot badi baat nahi use hum bina shaktiyo ke bhi sambhal sakte hae.
FB – ha jaroor aesa hi hoga. Lekin abhi baat thakur ki ya aghori ki nahi hae abhi baat hae tumhare babu ji ki. Jante ho tumhare babu ji ke upar kis taqat ka waar kiya tha thakur ne?
Deva – ji nahi, aap bataiye kis taqat ka waar tha wo?
FB – kamuk pishach ka waar tha wo. wo bhi us halat me jab wo apni pyas bujhane hi ja raha tha. Kisi nari ke saath. aese pishach ka waar un par kiya gaya. Ab wo pishach jo pahle se apni kaam ki agni me jal raha tha aese me use bulaya gaya jisse uski pyas fir adhuri rah gayi. Wo atyant krodhit bhi tha usne apne krodh me aakar tumhare babu ji ke sare snayu tantro ko bekar kar diya aur kyu ki ye mayavi taqate hae. to apni maya dikhane se baaj nahi aayegi. Dr. ko lag raha hae ke wo tumhare babu ji ko thik kar dega lekin wo nahi janta ke uski di hui har dawai tumhare babu ji ko mout ke mooh me dhakelti jayegi aaj usne apni dawai di jisse tumhare babu ji ke jism me kuchh harkat hui wo harkat tumhare babu ji ke thik hone ki nahi unka mout ki taraf badaya hua ek kadam tha. Is bat ko koi dr. nahi manega . dr. ki di hui sari dawaiya tumahre babu ji ko sach me thik kar degi poori tarah se. Agar us dr. ka ilaj chalta raha to Aaj se thik ek mahine baad tumhare babu ji bilkul thik ho kar haste muskrate tumhare samne khade ho jayege.
Dev – ye aap kaesi bate kar rahe ha eek taraf aapne kaha koi dr. unhe thik nahi kar payega dusri taraf kah rahe hae ki wo ek mahine me poori tarah thik ho jayege? Ye kaesi paheli ahe baba?
FB – poori baat suno putra. Wo thik to ho jayege Lekin jaese hi wo tumhari maa ke sath ya kisi bhi stri ke saath sambhog karne jayege. Usi pal unki mrityu ho jayegi aur tab karan kisi ki samajh me nahi aayega. Sab ise hriday aaghat (heart attack) hi manege.