UPDATE- 201
Raat ke andhere me anna ke ghar ke bahar is waqt mout k sabhi parkale moujud the deva, rudra, nagarjun, gurum, poonam, nilam, channo, kaveri aur shalaka.
Deva – are yar sabhi yaha pahuch gaye? Sabki koi jarurat hae nahi waese.
Poonam - burai bhi kya hae?
Deva – koi nahi, lekin hum yaha party me nahi aaye hae. mae to akela hi aana chahta tha par chalo ab sab aa hi gaye hae to plan thoda change kar lete hae. lekin correction jyada nahi hoga. Ab suno plan………….
Deva ka plan sun ke sabhi sahmat hote hae. aur deva jo ki black ninja suit me hi tha aage badh jata hae aur peeche se gurum aur nagarjun use backup dene ke liye ready ho jate hae. unki najar charo taraf ghum rahi thi lekin deva andhere ka hissa bana aage badha ja raha tha, kabhi jump le kar to kabhi jameen pe role ho kar wo aage badh raha tha, waha bahot se pahredar lage hue the. Tabhi ek pahredar pe gurum ki najar tik jati hae jo andhere me chhup ke baetha tha asal me wo shayad aaram karne ko hi baetha tha lekin ab uski najar deva pe tiki hui thi aur usne apni gun seedhi kar di thi deva ki taraf. Wo deva pe goli chalaye usse pahle hi gurum ne silencer lagi apni pistol se uski khopdi uda di. Wo wahi jhadiyo me gir ke andhere me gum ho gaya. Deva aage badhta hua bangle ki deewar se chipak gaya tha. Tabhi use do guard ki awaz sunai di jo usi taraf aa rahe the. Deva ne apne hath me khanjar ko majbuti se pakad liya aur chhup gaya
Jaese hi wo guards deva ke kareeb pahuche deva ne jhapat ke ek ke gale me apni baah dal di aur uska mooh band kar diya aur furti se apna khanjar uske baju wale ke gale me utar diya wo bina awaz kiye wahi gir pada deva ne uske gale se chaku nikal ke apni baho me chhatpatate guard ke gale me poora khanjar utar diya aur kuchh second fadfada ke deva ki baho me hi shant ho gaya. Deva ne use bhi chhoda aur uske gale se kanjhar nikal ke aage badhne laga. Wo bangle ki deewar ke saath saath hi chala ja raha tha. Use ek pipe najar aaya jo ke tarrace tak ja raha tha deva ne us pe chadhne ka faisla kiya aur upar dekha to waha ek guard khada tha halaki wo apne hi dhyan me tha use neeche andhere me deva najar nahi aa raha tha shayad. Lekin deva ne hath me pakda khanjar uski taraf fenka nishana sateek baetha wo khanjar us guard ke maathe me ja dhansa aur guard seedha neeche ko girne laga. Deva turant side me ho gaya guard wahi aakar gira. Deva ne furti se pipe pakda aur upar chadhne laga. Aur dheere dheere wo tarrece pe pahuch gaya boundry wall ko pakad kar usne tarrce pe dekha to waha koi das guard tahal rahe the aur do samne ki taraf aim laga ke baethe the unke pas sniper thi. wo bhi shayad night vision wali jisse wo yaha waha dekh rahe the. Deva wahi ruka raha aur apni jeb se ninja blades nikal liye aur wahi se usne ninja blade fenkne chalu kar diye jo guards uske kareeb the sabse pahle unhe hi aim kar ke usne do blade fenke jo teji se ghumte hue gaye aur unke gale me ja lage wo wahi gir pade.
Apne sathiyo ko yu girte dekh kar guards chokanne ho gaye aur yaha waha dekhne lage lekin jab tak unhe kuchh samajh me aata ke ye mare kaese deva ne agal bagal me do do blade aur teji se fenke aur char guard aur gaye. Ab baki bache char guard aur do sniper wale alag se. unhe ab bhi samajh me nahi aa raha tha ki koun kaha se maar raha hae.
Ab deva ne pipe ko pakad ke teji se upar ko jump maara aur boundry wall pe paer padne se pahle hi hawa me usne do blade fenk diye jo haeran guard ki kanpati me aur gale me ja dhase blade itne tej the ke turant wo bhi wahi gir ke dam tod diye. Baki dono guards ne uski traraf fire kar diya aur saniper walo ne bhi apni gun ka rookh deva ki taraf kiya lekin deva is bar jump lagane ki bajaye jameen pe skid hota gaya aur apne moujar se dono sniper walo ko shoot kar te hue ek side me ja ke gira jaha ke sniper wale ne apni aad bana rakhi thi. ab baki ke dono guard deva pe firing kar rahe the. Lekin deva aad me ja chuka tha. Wo log fire karte hue deva ki taraf badh rahe the tabhi deva ne apne pas pade guard ko uthaya aur sirf uska sir aage laya. Samne ke guards ne samjha ye deva ( yani unka dushman ) hi hae to wo us sir ko aim bana ke fire karne lage aur uski khopdi ki dhajjiya udane lage deva ne dusri side se nikal ke furti se unhe nishana banaya jab tak unhe sahi halat samajh aate deva ne unhe shoot kar diya. aur wo dono bhi wahi dher ho gaye. Deva ne ghum ke cahro taraf dekha aur nishchint ho kar. BT me baat ki
Deva – all team, here is all clear
Gurum - here also all clear hamne yaha sabko shoot kar diya hae.
Asal me jab upar firing shuru hui to neeche wale guards harkat me aa gaye aur satark bhi ho gaye the itne me waha khade gurum, nagarjun,channo aur shalka ne un ke upar apni guns ka mooh khol diya kyu ki ye sab bhi unhe charo taraf se gher chuke the andhere me hi. Bas intjar tha upar ki firing ka. To jaese hi upar firing shuru hui aur ye log neeche satark hue inhone bhi apni guns ka mooh khol diya kisi ko kuchh samajh nahi aaya kyu ke gurum and team andhere me thi aur aad me , jab tak guards samajh kar un par fire kar pate tab tak wo teji se ghatne lage the. Ab wo log bangle ke gate pe khade the.
Deva – nagarjun, rudra tum dono upar aa jao
Nagarjun - ok deva
Fir Nagarjun aur rudra usi pipe se chadh kar upar pahuche aur fir teeno neeche jane lage idhar gurum , channo aur shalaka apni guns sambhale jaese hi andar ko jane lage un par goliyo ki boushar hone lagi. Andar ke guards ko andar rah ke hi cover karna tha isiliye wo log bahar nahi nikle the ab tak. Gurum teji se andar ghus gaya aur gaurds pe fir karne laga jiska naeteeja same hi nikla guards to mare lekin jyada nahi kyu ki wo sab savdhan bhi the aur cover me bhi. Idhar gurum bhi aad le chukka tha. Lekin ek goli gurum ki pasli ko chheelti hui nikal gayi thi.
Shalaka - gurum are you ok?
Gurum - ok
Shalaka - no you are not, mae aa rahi hu cover do.
Gurum - are yaar……… aao achha.
Shalaka ne andar kadam rakha to unpe goliya chalne lagi idhar se gurum ne nishana laga ke gate pe fir karne wale do bando ko uda diya. to kuchh goliya gurum ki taraf aane lagi itne me channo aur shalaka andar ghus kar pillar ki aad me khadi ho gayi. Tabhi ek …….
Awaz ne sabko chonka diya.
……… tum log is bangle me aakar fans chuke ho hame mar tum sakte nahi kyu ki yaha hum log ki sankhya jayada hae. hathiyaro aur goliyo ki kami nahi hae aur bhagne hum tumhe denge nahi isiliye surrender karo tum logo ki mout asan ho jayegi. Waese bhi tum me se ek to ghayal hua h pada hae.
Gurum ke kano me deva ki awaj aayi - tum sab apni guns hawa me utha ke surrender kar do. Aur hall ke beecho beech aa jao. Waese thik ho tum?
Gurum ha bas oli pasli ko kiss kar ke gayi hae. nothing serious.
Deva – chal kuchh nahi hota isse jyada blood loss na hone dena baki sab baad me thik karte hae. take care.
Gurum - ok team ready for surrender bas gun fenkna nahi.
Sabhi - ok lets go
To pahle gurum ne hath upar kiye aur side se bahar nikal aaya. Aur uske dekha dekhi channo aur fir shalaka bhi bahar aa gayi. Teeno hall ke beecho beech aa kar khade ho gaye teeno ke hath me automatic gun thi lekin abhi inke hath upar ko the. Unhe aese dekh kar sare guards bhi bahar aa gaye aur unhe gher ke khade ho gaye. To un guards ka boss hansta hua samne aa gaya