• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy इच्छाधारी देव

King

𝕿𝖍𝖊 𝕺𝖓𝖊 & 𝕺𝖓𝖑𝖞 𝕿𝖗𝖚𝖊 𝕶𝖎𝖓𝖌
3,963
6,954
159

Boby

Well-Known Member
2,720
12,965
159
UPDATE - 62



Poonam man me – he bholenath ab hame judai mat dena baki chahe jo kar lo lekin is baar dev ko poonam se juda mat karna parabhu.



Fir poonam nind ke agosh me chali jati hae. idhar deva ke chehre pe bhi gambhirta thi. Fir deva bhi so jata hae.

Udhar aghori ki gufa me aghori apne dil ke jahmo pe namak nirch laga raha tha wo jal raha tha apne hi krodh ki agni me use yakeen nahi aa raha tha apni haar par.



Aghori - ye kaese hua, maene jis pal ka itna lamba intjar kiya wo mere haath me aa kar yu fisal gaya jaese haath me aayi hui machali fiasal jati hae. kintu mere hatho me aayi hui to machli bhi wahi tadap ke apne hi jal me doob marti hae. fir ye nilam nam ki nagin kaese nikal gayi? Kisne iski sahayta ki. Maene to use pakad liya tha. Wo naag bhi vivash ho chuka tha fir aakhri samay pe kaun aaya jisne unki sahayta ki aakhir kaun tha wo?



Aghori bechaini se apni gufa me tahal tahal ke soch raha tha kintu us ke sawalo ke jawab nahi mil paa rahe the. Tabhi …..



Ek prakash waha utpann hota hae.



Aghori - pranam gurudev



GD – ayushman bhav vats.



Aghori - gurudev meri poori mehnat pe pani fir gaya mae kuchh na kar saka.



GD – ye to hona hi tha vats



Aghori - mae samjha nahi gurudev



GD – maene to tumhe pahle hi samjhaya tha ke wo log apni taiyriya kar rahe hae. lekin tumne apna jyadatar samay bhog vilas me hi bitaya. Antim charan me jakar tumne sadhna ki taraf dhyan diya. yadi tumne poora dhyan diya hota to aesa nahi hota. Tum nahi jante tum kitne shaktishali ho ye tum isi baat se andaja laga lo ki ma eek anjan grah se aaya aur tumhe itne saal pahle apna shishya bana liya kyu ke mae janta hu ke is prathvi pe agar koi unhe takkar de sakta hae to wo sirf tum hi ho tumhare andar wo kabliyat hae jo mujhe mera lakshya hasil karne me sahayak ho sakti hae. aesa na hota to mae tumhe kabhi apna shishya nahi banata tumne ye kai baar sabit bhi kiya hae inhi logo ko maar ke tumne meri sahayta bhi ki hae. lekin is baar jab khatra bahot jyada hae to tum dhyan kendrit nahi kar pa rahe ho.



Aghori – gurudev arop lagana chhodiye aur ye bataiye ke ab mae kya karu?



GD – sabse pahle to apne avesh ko kabu me rakhna seekho aghori. Aur tumhe karna ye hae ke ab tumhe apni shaitani shaktiyo ki madad se unhe swarn mani hasil karne se na sirf rokna hae balki wo swarn mani bhi hasil karni hae. jise prapt karne ke liye rudra aur uske saathi jald hi nikalne wale hae.



Aghori – kintu gurudev rudra aur us nagin nilam ki sahayta ki kisne? Aesi kaun si shakti hae jisne mujhe parsast kar diya aur mae kuchh na kar saka. Meri shaktiya bhi koi mamuli nahi hae.



GD – us shakti aur uske strot ko dhundhne ki koshish mae bhi bahot samay se kar raha hu. Kintu wo abhi suraksha chakra me hae. koi bahot shaktishali deviya shakti ka swami hae wo jisne tumhe roka liya. Yadi wo chahta to tumhe usi pal yamraj ke pas bhej sakta tha. Aur bhavishya me bhi tumhari usse bhent hogi. Jisme tumhe poora mouka milega use marne ka. Lekin agar tumhare andar sudhar nahi aaya to anjam isse bhi bura hoga matlab bahot bura. Har sirf teri nahi hogi ek trarah se meri bhi hogi jo mae nahi chahta. Isiliye apne lakshya pe dhyan de.



Aghori - ab yadi wo mere samne aa gaya to mae use nahi chhoduga chahe uska suraksha kavach kitna hi majboot kyu na ho.



GD – murkho ki bhanti baate mat karo aghori. Ye tumahra abhiman tumhe le doobega sachai ye hae ke tum use ab tak pahchan bhi nahi paye ho, aur use marne ki baat kar rahe ho? Ab meri baat suno ab tum apni buri shaktiyo ko bulao khas taur par pishach lok ke raja ki sahayta lo. waha jao. Kyu ki ab apni shaktiya ekatrit kar ke unka samna kar sako itna waqt tumhare paas hae nahi. To shaktiya yaha waha se bator kar hi uska samna kar sakte ho aakhir mitrata kab kaam aayegi.



Aghori - jo aagya gurudev mae aaj hi pishach lok chala jauga aur waha ke raja apne mitra pishachraj se sahayta luga.



GD – abhi nahi tum waha baad me jana usse pahle tumahre paas ek sunahri mouka aa raha hae. jis ke liye mae abhi tumhare paas aaya hu. Use apne vash me karo is samay tum uski sahayta karo. Bhavishya me wo tumahre kaam aayega.



Aghori - kis ki baat kar rahe hae aap gurudev?



GD – apni gufa se niklo aur jo bhi tumhe bahar mile use samman se andar lekar aao. Jao



Aghori bahar ki taraf jata hae jaha ek aadmi bahot hi buri halat me behosh pada tha. Use dekh kar aesa lag raha tha ke yadi use turant sahayta na mili to wo kisi hi pal apne pran kho sakta hae. pahle to aghori ko use dekh ke hi krodh aa jata hae.



Aghori man me- ye gurudev bhi kya kya karwate hae mujhse bhala ye bejan aur kamjor insane mere kis kaam ka. Ye to ek sadharan insane hae. wo bhi bas marne hi wala hae. par chalo gurudev ne kaha hae to ise andar le hi chalta hu.



Aghori apne saath aaye do sevako se kah kar use utha kar andar lata hae jo use ek saaf jagah par leta deta hae.



Aghori - gurudev bhala ye bejan insane hamari kya sahayta kar sakta hae. isse shaktishali to ek aam insane hoga. Ye to bas kuchh pal ka mehman hae.



GD – aghori kisi ko bhi is tarah sirf dekh kar us ke baarte me apni ray banana galat hae. jab ki tum abhi ye tak nahi jante ke ye hae kaun.



Aghori – kshama gurudev kintu maene to ek sadharan si baat hi kahi hae. aap hi bataiye ke ye insane kaun hae aur ye hamare liye sahayak kaese siddh ho sakta hae?



GD – ye hae tumhare paas ke gaanv ka thakur durjan singh. Jo is waqt lagbhag marne ki kagar par hae. aur jante ho iska ye haal kisne kiya hae?



Aghori – kisne gurudev?



GD muskra ke – tumahre hi khas dushmano ne.



Aghori – kyaaaaa? Lekin gurudev mere dushmano ka is sadharan manushya se kaesa baer kya ye bhi buri taqate rakhta?



GD – nahi iske pas tumahri meri tarah buri taqate nahi hae kintu samaj ke liye yah shaks kisi rakshas se kam bhi nahi. Ye khud bahot bura insane hae. isne apne gaanv me rahne wale har insane ke saath jindagi bhar to bura kiya hi hae. isne apne ghar me bhi apne gharwalo ke saath bhi kuchh achha nahi kiya hae. iske dono bete bhi burai ka hi roop hae. aur iski ye halat iski burai ki wajah se hi hui hae.



………….. waha ke gaanv walo aur apne kuch mitro ke saath mil kar iski ye halat rudra ne ki hae. lekin yaha bhi ek baat hui jo tumhare saath hui. yaha bhi rudra ki madad karne wali wahi shakti thi. Mae us samay iske paas to nahi tha. Kintu baad me jab mujhe pata chala ki rudra ne kuchh kiya hae to mae baat ka peecha karte hue itna hi jaan paya. Kintu us adbhut deviy shakti ne rudra ka saath waha bhi diya. ab agar ye shaks jivit ho uthe to ye bata sakta hae ke rudra ke saath kaun kaun tha? Unhone iski ye halat kyu ki? Aur unhe kis tarah maat di ja sakti hae. kyu ki yadi unhone is thakur ki ye halat ki hae iska matlab ke thakur ne unhe takleefe bahot jyada di hae. aur tum to aesi takleefe unhe thakur se 100 guna jyada de sakte ho. Jo badi badi taqato ke samne tumhe hara sakte hae. wo chhoti chhoti takleefo ke aage nishchit taur par harege. Aur jeet tumhari ho jayegi. Isliye iska khayal rakho aur iska ilaj kar ke ise thik karo jaldi se jaldi. Par ispar apni taqato ke prayog mat karna kyu ki ye unhe sah nahi payega aur mar jayega. Aakhir hae to ek kamjor insane hi.



Aghori – ye to bahot hi badi khabar hae gurudev ab dekhiye mae iske jariye us rudra aur uske madadgaar ki kya halat banata hu.



Udhar subah ke samay niyam anusar deva to apne sare karya kar ke taiyar ho chuka tha wo seedha aata hae gurum ke kamre me jaha wo bhi ab thik tha. Taiyar hi ho raha tha .



Deva – kaese ho gurum ?



Gurum – are deva. Aao dost, mae to pahle se bhi kahi jyada thik hu.lekin mujhe apne andar bahot jyada furti aur energy mahsus ho rahi hae. aur jisse mujhe bahot dikkat ho rahi hae. mujhe lag raha ha eke jaese mae kisi pahad pe bhi punch maar du to wo choor choor ho jayega. Mae udte hue plane se bhi aage nikal sakta hu. Yaha tak ki door tak agar ek sui rakh do to yaha se fenk kar usme dhaga daal sakta hu. Ye sab kya hae deva. Mujhe khud pe ashcharya ho raha hae. itni teji, itni furti, itni shakti?



Deva – ye sab un shaktiyo ka kamal hae. ek do din me tumahra shareer unhe apne andar jagah de dega aur tab sab thik ho jayega. Lekin tum wo bolo jo kahna chahte ho kya hae tumahre man me…………….
 
Top